Publications de Presse Burundaise, Rohero I Avenue de la JRR N°17 Immeuble le SAVONNIER, Téléphone standard : (257) 22 22 62 32, Fax :(257) 22 22 58 94, email: pressequotidienne@yahoo.fr

Abarundi bahamagariwe gufatira akarorero kuri koperative “Tsindamapfa” mu kuvomera mu gihe c’ici

ffffaku wa 16 Mukakaro 2020, Umukuru w’igihugu Evariste Ndayishimiye yaragendeye koperative y’abarimyi  “Tsindamapfa” yo ku mutumba Gasunu,  zone Kariba, komine  Giheta mu ntara ya Gitega . Urwo rugendo akaba yarugize mu ntumbero yo gushira mu ngiro umugambi Reta nshasha yihaye wo gutera intege abarimyi bazoja hamwe kugira barwize umwimbu. Evariste Ndayishimiye yamenyesheje ko urwo rugendo yarugize ku muhingamo,   mu gihe mu gatondo yari yazindutse mu mirimo yo mu biro nkuko bisanzwe. Ayirangije niho ngo niho yibuka ko muri komine ya Giheta hariho abarimyi bamaze kumenya agaciro k’isi, mu kumenya kuyihingura kugira haboneke ivyo gufungura. Umukuru w’igihugu yaciye afata ingingo yo kuja kuraba aho bagejeje ico gikorwa, akaba yasanze ari abanyabikorwa. Ica mbere abantu bomenya ngo  ni uko umuntu muri kameremere ndemanwa kiwe yaremewe gukora. Imana ikirema umuntu yamuteretse mu murima wa Eden, ica imuha ubutumwa bwo gutunganya  iyo si kugira izomutunge. Umuntu rero yaremeye gukora, igikorwa ca mbere ni guhingura isi. Avugako uwushaka  kuba umurwizatunga canke umurwizamwimbu ategerezwa kubanza guhingura itunga kama Imana yaremye ngaha kw’isi.

Evariste Ndayishimiye yabandanije amenyesha ko abo bagize koperative “Tsindamapfa”  bamenye umuhamagaro Imana yabahaye wo guhingura isi batarindiriye kuja kurondera imashini zikomeye ziva hanze. Ngo abagize koperative baramenye gukora ninyuma y’amasaha y’akazi ku bakozi ba Reta. N’abandi bohakura icigwa ko bategerezwa kuja muhira berekanye ico bakoze uwo mwanya batari mu kazi ka Reta. Ivyo vyitwa kugorobeza nk’uko mu migenzo y’ikirundi babivuga. Umukuru w’igihugu yamenyesheje ko bimuhimbaye cane, akaba yipfuje ko Abarundi bose bofata iyo migenzo myiza yo kugorobeza, atari kuja mu birabo kunywa agacupa ahubwo bokora igikorwa gifise akamaro mu muryango. Evariste Ndayishimiye yongeye aramenyesha ko abo bagize koperative “Tsindamapfa”  barima bakoresheje ubwenge aho bavomera ku mitumba atari mu myaba. Ivyo ngo  vyotanga icigwa  ko uwuriko arakora ataruha, ngo nta kuvuga ngo ni uko ari ku mugoroba ngo ararushe.  Imana yabitunganije neza, itanga umwanya muto wo gukora itanga munini wo kuruhuka. Ariko ingorane umwana w’umuntu afise ni uko uwo mwanya muto Imana yatanze wo gukora aca ashaka kuwuruhukamwo.  Umuntu ngo  arakwiye kuwukoresha neza kugira azoronke icegeranyo aha Imana yo yamutumye kw’isi. Umukuru w’igihugu yateye intege Abarundi gukora bakaruhuka ari uko itiro ribafashe,ngo  niho boca bavuga ngo bararuhutse. Umukuru w’igihugu yarongeye amenyesha ko yagendeye koperative “Tsindamapfa” kugira  cane cane abatere intege  nk’uko Reta nshasha aheruka gushinga yihaye umugambi wo guteza imbere abarimyi n’uburimyi. Icihuta n’uko irima ry’umwonga bashaka kwerekana ko ari irima rikomeye nka kurya kw’irima ry’impeshi.  Abarundi bofata akarorero k’abo barimyi bo mu Giheta, kuko naho utaba ufise umwaba bishoboka kushobora kurima kuko uca uvomera.  Ni muri iyo ntumbero Reta yiyemeje kubatera intege, na cane cane abo bazosanga bagiye hamwe  bakarima, bakavomera  bari muri koperative, Reta nayo izobaha imbuto, ifumbire hamwe n’ivyo kuvomera, imashini kugira barwize umwimbu badatamye. Ariko muri koperative “Tsindinzara” ngo yasanze barahejeje gutera ntibariko basaba imbuto,bariko barabagara, ifumbire barashizemwo imirima isa neza. Umukuru w’igihugu yaciye abaronsa imashini 2 zipompa zizofasha kuduza amazi  kugira babandanye bavomera .Prezida  Evariste Ndayishimiye yasozereye urugendo rwiwe muri iyo koperative amenyesha ko abo ari aba mbere bazironkejwe ariko atari abanyuma kuko n’abandi bazosanga ku kivi bazofashwa na Reta.  Abajejwe  intwaro bo mushinge w’iterambere  akabahamagarira    kuraba abo bose bariko baravomera kugira ngo babafashe  kuko igihe cici kiguma kibandanya. yavuzeko nibabikora  bazobona ko Reta itayaze amasigara c’icaro. Ivyo vyose bizoronswa abantu bagiye hamwe muri koperative kuko ari bo baba bemeye kuja hamwe kandi ari nabo barwiza umwimbu cane. 

Anitha Bizimana

 

Abakenyezi bahamagariwe gupimisha imbanyi no kwibarukira kwa muganga

IMG 20200717 WA0036Kw’igenekerezo rya 17 Mukakaro 2020 niho Uburundi bwifatanya n’amakungu mu guhimbaza umunsi mpuzamakungu wahariwe igwirirana ry’abantu usanzwe  uhimbazwa  kw’igenekerezo rya 11 Mukakaro uko umwaka utashes. Ibirori vy’uwo  munsi mukuru bikaba vyabereye muri komine Kiganda, intara ya Muramvya, bitewe iteka n’umutambukanyi w’Umukuru w’igihugu Angeline Ndayishimiye aho yateye akamo abakenyezi gupimisha imbanyi no kwibarukira kwa muganga. Umushikiranganji w’amagara y’abantu Thadée Ndikumana, n’uwuramutswa ubushikiranganji bwo gushigikirana Imelde Sabushimike arongoye bakaba bamushigikiye muri ivyo birori.Ivyo birori vyari vyitabwe n’abashingamateka n’abandi banyacubahiro.Umutambukanyi w’Umukuru w’igihugu akaba yahereye ivyo birori ku  kugendera ikigo kirerewemwo abana  bagendana ubumuga, aho yagiye abashiriye agakemanyi kagizwe n’itoni  n’inusu y’ibiharage, itoni n’inusu y’umuceri, ibikoresho vy’ishure, amasakoshi, indobo, ibikoresho vy’isuku vy’abigeme n’abakenyezi n’amasabuni. Ntiyagarukiye aho, yaciye abandanya ku bitaro  vy’i Kiganda aho yashikirije ibitaro   ibikoresho bitandukanye nk’ibitanda vyo kw’ibarukirako,indobo, amasabune ,ibikoresho vyo kwikingira Koronavirisi  n’ibindi.

Umutambukanyi w’Umukuru w’igihugu ntiyibagiye abakenyezi barwaye canke barwarije muri ivyo bitaro, kuko nabo nyene  baronkejwe utuganuke tugizwe n’ibitenge,indobo, amasabune,imitaka, n’ibindi.  Ariko rero abakenyezi yasanze bibarutse, kuri utwo tuganuke yahaye abandi yabarengerejeko ibiro 5 vy’umuceri n’ibiro 5 vy’ibiharage. Mu nyuma yaho, ibirori nyezina  vyaciye bibandaniriza ku kibuga kiri ku biro vya zone ya Kiganda.Mw’ijambo  ryiwe, umutambukanyi w’Umukuru w’igihugu yamenyesheje ko Reta itewe impungenge n’urugero irwirirana ry’abantu  rigezeko na cane cane mu Burundi, aca ahamagarira abavyeyi kwitwararika umugambi wa Reta wo kurondoka ku rugero no kugira amagara meza mu  gupimisha imbanyi no kwibarukira kwa muganga kugira ntihagire umukenyezi azosubira guhitanwa n’imbanyi kandi ngo ntibibagire no kwikingira ikiza ca KoronavirisiNgo si agaseseshwarumuri, abakenyezi barabangamiwe muri kino gihe n’ico kiza  kuko vyibonekeje ko muri kino gihe abakenyezi baja gupimisha imbanyi canke  bakoresha buryo bwa kijambere bwo kurondoka ku rugero bagabanutse cane bivuye ku gutinya ko bohava bandura Koronavirisi  kwa muganga. Aho rero yaciye abaremesha abamenyesha ko ingingo ruhasha zo gukinga kugira ntihagire umuntu n’umwe yandurira kwa muganga zafashwe. Ariko n’aho biri uko ntiyibagiye gutera akamo urwaruka ruri mu buruhuko rutaratahura ingendo yo kutaramukanya canke kutegerana, batwarwa n’inkumbu n’ibisharara baba bafitaniye, bagaca barenga amategeko bibuke ko koronavirisi  ihari rero bayirinde nk’abandi bose.Yarashimiye ubushikiranganji bw’amagara y’abantu ku bukerebutsi n’ubwira bakorana mu kuvura, gupima  no gukingira abanyagihugu ikiza ca koronaviris yongera ashimira ishirahamwe UNFPA rifasha abakenyezi mu mugambi wo kurondoka ku rugero.Umushikiranganji w’amagara y’abantu, Thadée Ndikumana  yarashimiye umutambukanyi w’Umukuru w’igihugu kuko ashigikiye umugambi wo kubungabunga amagara y’abavyeyi n’ibibondo  aca asaba  abarundi  kwitwararika ubwabo amagara yabo n’ay’abandi mu gukurikiza amabwirizwa y’isuku no kugendera ca civugo : «Ndakira, sinandura, kandi sinandukiza» .Yaboneyeho akaryo ko kwibutsa abanyamuramvya ko kuva kw’igenekerezo rya 21 gushika kurya 23 Mukakaro 2020, mu ntara ya Muramvya ku  mitumba yose, ubucimbiri bwose hazotangwa inyigisho zijanye no kwikingira ikiza ca Koronavirisi, aca abatumirira kuvyitaba bose ata n’umwe avuyemwo yongera arabakeza kuko muri iyo ntara ata muntu arwaye ico kiza aribonekeza.Twobamenyesha ko ibirori birangiye umutambukanyi w’Umukuru w’igihugu yaciye aha imfashanyo  abakenyezi bantahonikora bo muri komine Kiganda  zigizwe n’ibitenge n’amasabuni. Abanyagihugu bo muri iyo ntara ya Muramvya  baciye  bamushikanira ingabire y’inka ivyara bise ya Rukundo.

 

Josélyne Ndayegamiye

 

Igihugu c’Uburundi kirafitaniye imigenderanire myiza n’ishirahamwe ry’ibihugu vyo muri Afrika y’ubuseruko

hhhgAbarundi n’amakungu basabwa kumenya ko igihugu c’Uburundi gifitaniye imigenderanire myiza n’ishirahamwe ry’ibihugu vyo muri Afrika y’ubuseruko kandi n’ibihugu bihurikiye mw’iryoshirahamwe bifitaniye imigenderanire myiza. Ivyo vyamenyeshejwe kw’igenekerezo rya 10 Mukakaro 2020 n’umushikiranganji ajejwe iyinjira ry’Uburundi muri Afrika y’ubuseruko, urwaruka, inkino n’imicokama Ezéchiel Nibigira mw’itangawo yashikirije abamenyeshamakuru rijanye n’inkuru yasohotse mu kimenyeshamakuru citwa Afrika y’ubuseruko co kuva kw’igenekerezo rya 4 gushika 10 Mukakaro 2020..Nk’uko yabimenyesheje, ngo igihugu c’Uburundi caraguye mu gahundwe aho cumviye inkuru z’ibinyoma biturutse kukutamenya uko ibintu bitunganijwe kandi atawuzi ico vyaturutseko. Izo nkuru z’ibinyoma ngo zavuga ko Inama Nshingamateka y’akarere yoba yafashe ingingo yerekeye iyirukanwa ry’igihugu c’Uburundi mw’ishirahamwe ry’ibihugu vyo muri Afrika y’ubuseruko. Niko guca amenyesha ko igihugu c’Uburundi cisunze ubwigenge bwaco, cafashe ingingo yo kwinjira icese mw’ishirahamwe, congera ciyemeza gushira mu ngiro ivyo ciyemeje ku rwego rw’ishirahamwe hamwe no gukorana n’ibindi bihugu bihurikiye hamwe muri iryo shirahamwe mu ntumbero y’uko ihangiro ishirahamwe ry’ibihugu vyo muri Afrika y’ubuseruko ryiyemeje rishobore gushikwako. Ivyo rero ngo bitandukanye n’ugusambuka kw’ishirahamwe ry’ibihugu vyo muri Afrika y’ubuseruko. Yaciye amenyesha ko igihugu c’Uburundi gishimira umunyamabanga mukuru w’ishirahamwe ry’ibihugu vyo muri Afrika y’ubuseruko ku muco yatanze aho yamenyesha aho ukuri guhagaze ku vyerekeye izo nkuru z’ibinyoma. Ikindi yamenyesheje n’uko kuva igihugu c’Uburundi cinjiye ku mugaragaro mw’ishirahamwe ry’ibihugu vyo muri Afrika y’ubuseruko, kigerageza gukora uko bishoboka kwose, kikihatira gushira mu ngiro ivyo ciyemeje nk’uko bisanzwe bitegekanije n’amasezerano ngenderwako agenga ishirahamwe ry’ibihugu vyo muri Afrika y’ubuseruko hamwe n’amategeko mperekeza yose yayo masezerano, kikagira uruhara mu bijanye no gushira mu ngiro imigabo n’imigambi y’ishirahamwe hamwe no gutanga intererano isanzwe itegekanijwe n’amasezerano ngenderwako agenga ishirahamwe ry’ibihugu vyo muri Afrika y’ubuseruko.Kubijanye n’ibibazo vyabajijwe harimwo  ikijanye n’uko igihugu c’Uburundi citeguriye kwitwara, yamenyesheje ko igihambaye ari uko Abarundi bose bamenya ko inkuru yatanzwe n’ico kinyamakuru atariyo ariko ko ico kinyamakuru cari gifise intumbero cashatse gushikako Uburundi butazi. Barongeye barabaza ikijanye n’ideni igihugu c’Uburundi giheranye, aca amenyesha ko igihugu c’Uburundi atarico giheranye conyene kandi ngo sibwo bwatevye kuriha amafaranga bwonyene , ngo hamye haba utubazo hakaba guteba kuriha amafaranga ariko ntivyatumye Uburundi buca buva muri uyo muryango, arico gituma ubu bwatevye umwaka 1umwe gusa atariho bwoca buvamwo. 

Evelyne Niyonzima

 

Umukuru w’igihugu Evariste Ndayishimiye yipfuza ko Abarundi bose bohabwa ijambo

IMG 20200710 WA0008Kw’igenekerezo rya 10 Mukakaro 2020, inama y’abarongoye imigambwe yemewe n’amategeko mu Burundi yarakoraniye i Ngozi irongowe n’Umukuru w’igihugu Evariste Ndayishimiye. Iyo nama yarifise intumbero yo kuganira ibijanye n’ubuzima bw’igihugu.  Muri iyo nama haratunganijwe ibiganiro 2 : Ica mbere cari kijanye n’uruhara abanyeporitike bagira mw’iterambere ry’igihugu hakaba n’ ikiganiro ca 2 cari kijanye  n’umutekano mu vya poritike mu kubisikanya mu nzego z’intwaro. Kw’igenekerezo rya 10 Mukakaro 2020, inama y’abarongoye imigambwe yemewe n’amategeko mu Burundi yarakoraniye i Ngozi irongowe n’Umukuru w’igihugu Evariste Ndayishimiye. Iyo nama yarifise intumbero yo kuganira ibijanye n’ubuzima bw’igihugu.  Muri iyo nama haratunganijwe ibiganiro 2 : Ica mbere cari kijanye n’uruhara abanyeporitike bagira mw’iterambere ry’igihugu hakaba n’ ikiganiro ca 2 cari kijanye  n’umutekano mu vya poritike mu kubisikanya mu nzego z’intwaro. Mw’ijambo yashikirije, Umukuru w’igihugu yarakeje abanyamigambwe kuko bitwaye neza imbere y’amatora, mu matora amaze kuba n’inyuma yayo, bakaba bahiganywe badahezanyayo, arico catumye agira ingoga zo gutunganya iryo huriro kugira basangire ikiyago.

Yabandanije amenyesha ko arico camutumye mu gushinga Reta ataraba umugambwe akomokamwo gusa ngo nuko ariwo watsinze, akiyumvira abari mu yindi migambwe, abatari mu migambwe  n’abari mu mashirahamwe adaharanira ivyicaro vya poritike. Ngo gutora gutyo vyavuye kukungene Abarundi bamaze kugira umutima wo gukunda igihugu. Umukuru w’igihugu yipfuza ko abanyeporitike bohabwa ijambo, bakwumva ko badakumiriwe mu nzego zije kwitaho gukorera abanyagihugu canke ingene babona zari zikwiye kubatunganiriza. Umukuru w’igihugu yamenyesheje ko iyo nama yatunganijwe kugira ashobore kuronka intererano y’ukungene yotunganiriza abanyagihugu. Ku kugira igihugu kigume gitekanye, ari uko uburenganzira bw’abanyagihugu bwongana kuri bose mbere bagahagararirwa n’amategeko n’inzego z’igihugu. Ngo icatumye igihugu kidatekana nuko hari ivyipfuzo vyavugirwa mu ntamatama ababifise bakagenda barahiga, vyabananiye kuvugira ahabona. Ngo hari abarongoye imigambwe badaha ijambo abanywanyi babo, ugasanga baguma basaba bisabira. Ivyo vyaratumye imigambwe icikamwo ibice muri kahise, abantu bamwe bamwe  bagaca bibaza ko ari Reta yabikoze. Ngo ibiganiro hagati y’abanyeporitike nivyo bituma haba umutekano mu gihugu. Ibiganiro rero ngo  niyo nzira irashe yo gukinga amatati.Umukuru w’igihugu yamenyesheje ko abanyagihugu bahagaze neza mu rugamba rwo kurwanya ubukene, mugabo ko bakeneye indongozi zibaja imbere zije kubaha intumbero zituma umwimbu urwira. Ngo abantu bafata ibisata bakoreramwo nk’icibare cabo mukuja baraka igiturire abanyagihugu, ivyo biri mu bibazo bishikirizwa. Umukuru w’igihugu Ndayishimiye yamenysheje  ko adashimishwa nukubona hakiri Abarundi bagorewe mu mpunzi kandi amahoro ari umusesekara mu gihugu.Yaciye agirako asaba abanyeporitike gufasha kwumvisha Abarundi bari hanze,   kugira batahuke mu gihugu c’amavukiro, baterere agacumu k’ubumwe mu kwubaka igihugu.
Aline Kanyana

 

Ikiza coronavirus kigwanirijwe hamwe cotuzwa burundu mu Burundi

dooooMu gihe  Abarundi benshi batanguye kudebukirwa ku bijanye no gukwirikiza ingingo zafashwe n’Ubushikiranganji bw’amagara y’abantu zo  kwikingira ikiza ca coronavirus, ishirahamwe ry’amashengero mu Burundi ribifashijwemwo na Christian AID rikorera hano mu Burundi rikaba  rifatiye ku kwizera  rukristu ririko riratanga ibikoresho vyo kwikingira ico kiza ku mashengero hamwe no ku mashure kugira abantu babandanye kwikingira ico kiza. Mu gihe  Abarundi benshi batanguye kudebukirwa ku bijanye no gukwirikiza ingingo zafashwe n’Ubushikiranganji bw’amagara y’abantu zo  kwikingira ikiza ca coronavirus, ishirahamwe ry’amashengero mu Burundi ribifashijwemwo na Christian AID rikorera hano mu Burundi rikaba  rifatiye ku kwizera  rukristu ririko riratanga ibikoresho vyo kwikingira ico kiza ku mashengero hamwe no ku mashure kugira abantu babandanye kwikingira ico kiza.Ivyo vyashikirijwe na Pasitori Sylvestre umunyamabanga mukuru w’iryo shirahamwe mu kiganiro yahaye ikinyamakuru UBUMWE kuwa 17 Ruheshi 2020.

Avuga ko bagiye hamwe baregeranya uburyo kugira nabo bagire ico bafashije Ubu rero ngo bakaba bariko baratanga ibikoresho mu mashengero  n’amadini akorera  mu Burundi hamwe n’amashure amw’amwe afise abanyeshure benshi n’aho biri uko avuga ko  ibikoresho vyo kwikingira ico  kiza vyabaye bike. Abandanya avuga ko ivyo bikoresho bigizwe n’indobo, amasabuni hamwe n’udupapuro twanditseko ibimenyetse vy’ico kiza n’ingene bocikingira hamwe n’inomero itariha 117 bohamagarako hagize uwikekwako ico kiza. Yaciye amenyesha ko bakorera mu gisagara ca Bujumbura, Rumonge hamwe na Makamba mu kurindira ko baronka uburyo bukwiye kugira bakorere  mu ntara zose z’igihugu. Ico gikorwa rero ngo ubu   kiriko kirabera ku ma zone  yose agize igisagara ca Bujumbura, aho naho akaba ariho abaserukira amashengero n’amadini aba ari mw’iyo zone bahurira kugira babahe n’inyigisho zijanye n’uko bokwikingira bakanakingira y’abandi. Izo nyigisho zikaba zitangwa n’uwuba yaserukiye ubushikiranganji bw’amagara y’abantu no kurwanya ikiza ruhonyanganda SIDA. Yamenyesheje kandi  ko bagiranye inama n’abarongoye amashengero  yose kugira babandanye bahimiriza umwe wese aho aherereye. Yaciye amenyesha ko ubu bategekanya kugirana inama n’uwurongoye ubushikiranganji bw’intwaro yo hagati mu gihugu, ubushikiranganji bw’umutekano, ubw’amagara y’abantu ari nabwo ngo buzobafasha guhimiriza, ubushikiranganji bw’ubudandaji n’amahinguriro, ishirahamwe  rihurikiyemwo abunguruza abantu n’ibintu  ATRABU, umukuru w’igisagara ca Bujumbura, abasitanteri bose hamwe n’abakuru b’amazone yose kugirango nyabuna umwe wese aho aherereye azobadanye guhimiriza.  Yabandanije amenyesha ko bashize imbere abakenyezi hamwe n’abagendana ubumuga kugira ntihagire umugwi n’umwe usigara inyuma mukwikingira ico kiza. yavuze kandi  ko babandanya barondera uburyo kugirango bazohe ivyo bikoresho amashengero yose hamwe n’amadini yose na cane cane aha mu gisagara ca Bujumbura ari naho ngo babonye ko amashengero ya kera agerageza gukwirikiza izo ngingo mu gihe   amashengero mashasha izo ngingo umenga ntizibakorako, kuko babandanya baramukanya no gukaraba ntibakarabe. Asaba abantu bose gutahura ko indamukanyo y’amahoro ihagije. Avuga ko  hari n’ikindi babonye ku banyeshure bo mu mashure mato mato aho umwana arya imbombo ugasanga arakuye mu kanwa agaha mugenzi we uwundimwana akagura amazi akanywa agaca aha uwundi.  Nico gituma   bafashe akanya  ko gushika ku mashure  bagasaba  umuyobozi bagasohora abana hanyuma bakabigisha uko bokwikingira ico kiza. Ubu rero ngo  benshi barabizi naho abana bibagora.  Barabonye n’abana bagendana uducupa turimwo irya sabuni yica imigera abo nabo usanga kenshi na kenshi ngo bavuka ku bavyeyi bifise.  Akaba yaciye avuga ko basanze  bigoye kuko hariho ahantu henshi usanga ata mazi ahari. Pasitori Sylvestre Bizimana akaba yarangije atera akamo ishirahamwe REGIDESO ko ryogerageza ku mashure hakaguma hariho amazi. Aratera akamo abajejwe intwaro bo mu ntara ya  Rumonge kuva kuri nyumbakumi gushika kuri musitanteri ko mu nama bakoresha abanyagihugu boJa baracishamwo ijambo ryo kwikingira ico kiza kuko ngo basanze mw’iyo ntara utudobo babahaye benshi baca bashiramwo ibindi bintu canke bakaja kutuvomamwo.  Atera akamo Abarundi bose kubandanya bubahiriza amabwirizwa y’ubushikiranganji bw’amagara y’abantu bakareka kugira ubwoba kuko ikiza caratwinjiranye bagaheza bagahangana naco bakakirwaniriza hamwe. 

Janvier Niyonkuru                                                                                                           

 

Abarundi bahamagariwe kuziganya umwimbu baronse ntibazobure imbuto zo gutera ku mpeshi

ccccUmutambukanyi  w’uwahoze ari umukuru w’igihugu c’Uburundi  Denise  Nkurunziza  ahamagarira   Abarundi  kudasesagura umwimbu canke ngo  bawuhereze mu  masoko ku mahera make, ngo bazosubire kwicuza babuze imbuto zo gutera ku mpeshi canke ngo inzara ibinjirane . Ivyo  akaba yabimenyesheje kw’igenekerezo rya 3 Mukakaro  2020  igihe we n’umuryango wiwe bari bazindukiye kwimbura ibiraya  no kugendura ibitungwa ku mutumba  Rutanga, komine Gashikanwa, Intara ya Ngozi.Umutambukanyi  w’uwahoze ari umukuru w’igihugu c’Uburundi  Denise  Nkurunziza  ahamagarira   Abarundi  kudasesagura umwimbu canke ngo  bawuhereze mu  masoko ku mahera make, ngo bazosubire kwicuza babuze imbuto zo gutera ku mpeshi canke ngo inzara ibinjirane . Ivyo  akaba yabimenyesheje kw’igenekerezo rya 3 Mukakaro  2020  igihe we n’umuryango wiwe bari bazindukiye kwimbura ibiraya  no kugendura ibitungwa ku mutumba  Rutanga, komine Gashikanwa, Intara ya Ngozi.Yamenyesheje ko kurima ari umugambi w’umuryango wose kandi bazowubandanya naho bitoroshe kuko kare yahora afatirwa n’ayandi mabanga, abana bagafatigwa n’amashure,  umushingantahe wiwe akahababera akabitunganya, ariko ngo barizeye ko Imana izobibashoboza  kuko yarabahaye abagenzi .Bahejeje kwimbura, Denise Nkurunziza yarasengeye ivyimburwa ashimira Imana mu gishingo c’Abarundi bose bariko barimbura, ashima kandi  uko umwimbu wabaye mwiza. Yarashimiye cane Imana ukuntu amatora yabaye mu mahoro  akashikiriza ku guhitamwo indongozi nziza.Mu kurangiza yarateye akamo abarundi bose ngo bigumye ntibasesagure ivyo bimbuye,  babahenda kugira babigure ku mahera make hanyuma bavyegeranye bazosubire kubibagurishako bizimvye.  Bokwirinda  kandi kubundabunda bashorera ivyabo hanze y’igihugu. Yaragarutse ku ngo zisambuka  mu gihe c’iyimbura kubera agahimbo , asaba abubakanye kuja inama mu gutunganya neza ivyo bimbuye kugira ntibibabere.

Josélyne Ndayegamiye

 
Ouvrir