Publications de Presse Burundaise, Rohero I Avenue de la JRR N°17 Immeuble le SAVONNIER, Téléphone standard : (257) 22 22 62 32, Fax :(257) 22 22 58 94, email: pressequotidienne@yahoo.fr

CNIDH : Gukata amahera ku mishahara y’abigisha batavyiyemereye ni uguhonyanga agateka kabo

Umugwi w’igihugu ujejwe agateka ka zina muntu CNIDH usaba ubushikiranganji bw’akazi n’abakozi kubangira gukata amahera abigisha ku mishahara yabo y’intererano yo mu runani rw’amasendika y’abigisha ku nguvu mu kurindira ko haba urutonde rw’abemeye gutanga iyo ntererano ku gushaka kwabo. Ivyo vyashikirijwe n’umukuru w’umugwi CNIDH Sixte Vigny Nimuraba mu kiganiro yahaye abamenyeshamakuru ku wa 21 Nzero 2020. Aho akaba yariko ashikiriza ivyavuye mu cegeranyo c’umugwi wari washinzwe na CNIDH ku wa 10 Nzero 2020 kugira utohoze ku amatati arai hagati y’urunani rw’amasendika y’abigisha COSSESONA n’abigisha. Umugwi w’igihugu ujejwe agateka ka zina muntu CNIDH usaba ubushikiranganji bw’akazi n’abakozi kubangira gukata amahera abigisha ku mishahara yabo y’intererano yo mu runani rw’amasendika y’abigisha ku nguvu mu kurindira ko haba urutonde rw’abemeye gutanga iyo ntererano ku gushaka kwabo. Ivyo vyashikirijwe n’umukuru w’umugwi CNIDH Sixte Vigny Nimuraba mu kiganiro yahaye abamenyeshamakuru ku wa 21 Nzero 2020. Aho akaba yariko ashikiriza ivyavuye mu cegeranyo c’umugwi wari washinzwe na CNIDH ku wa 10 Nzero 2020 kugira utohoze ku amatati arai hagati y’urunani rw’amasendika y’abigisha COSSESONA n’abigisha. Umugwi w’igihugu CNIDH urongera ugasaba komisariya y’igiporisi c’inyamiramabi kurekura abagisha bari mu masendika bapfunzwe kugira haje imbere ibiganiro hagati y’abegwa n’ayo matati. Uwo mugwi usaba urunani rw’amasendika y’abigisha COSSESONA gufata ingingo zose zibereye kugira kwinjira muri urwo runani bibe ku gushaka kwa buri wese, atagahato kandi umwigisha wese ku giti ciwe hisunzwe amategeko n’amsezerano mpuzamakungu agenga ivy’akazi no gushigikirana akwirikizwa mu Burundi. Usabwa kandi kubandanya usigurira abigisha umugambi wo gushigikirana ariko birinde gutera ubwoba abigisha kuko bihungabanya ubwigenge bwo kuja mu runani rw’abakozi n’uburenganzira bwo gutunganirizwa mu kazi. Urwo runani kandi rusabwa kwubahiriza ingingo ziri mw’isezerano rigira 87 ry’ishirahamwe mpuzamakungu rijejwe akazi n’abakozi zishimangira uburenganzira bwo gushinga amashirahamwe n’inani zihurikiyemwo amashirahamwe aharanira ineza y’abakozi no kuzinjiramwo atagahato. Abarongoye urwo runani basabwa kandi kwerekena ukugene amafaranga yakaswe abakozi mu mwaka w’2017 no mu 2019 yakoreshejwe. Ivyo ngo bikaba vyotuma haba umuco no kwumvisha abigisha ikoreshwa ryiza ry’amafaranga bakaswe. Bokwereka neza kandi abigisha bari mw’ishirahamwe riharanira uburaro bw’abigisha (FLE) batari mu runani COSSESONA ukugene amateka yabo bemererwa n’iryo shirahamwe azokingirwa. Barongera bgasabwa gushikiriza ubushikiranganji bw’abakozi n’akazi urutonde ntabanduka rw’abigisha bazoba binjiye muri uwo mugambi wo gushigikirana kw’abigisha. Basabwa no gukosora ibirego bari bitwariye abakuru b’inani SYGEPEBU na SEPEDUC. Abarongoye inani SYGEPEBU na SEPEDUC nabo basabwa guharanira inyungu zabo bubahiriza amategeko n’ibiganiro vyubaka. Abayobozi b’indero mu ntara no mu makomine nabo basabwa kwirinda kwivanga mw’itunganywa ry’amashirahamwe y’abigisha. Umugwi ujejwe ibiganiro vyerekeye akazi CNDS nawo usabwa gutanguza ibiganiro hagati y’amashirahamwe y’abigisha bari muri COSSESONA n’abatarimwo kugira hatorwe inyishu ku matati yerekeye akazi. Uwo mugwi wokwirinda kuja mw’itunganywa ry’ubutunzi bwa COSSESONA kugira habeho gukingira ubwigenge bwawo kuko ujejwe gutatura amatati yerekeye iyo ntererarno ku bigisha. Abigisha nabo basabwa gushira imbere umutima wo gushigikirana, guharanira inyungu zabo mu mutekano bashize imbere ibiganiro.  Ukwo biri kwose umugwi CNIDH urashima ugufatana mu nda kwiyumviriwe n’urunani rw’amasendika y’abigisha COSSESONA kuko bijanye n’ishirwa mu ngiro ry’itegeko ry’Umukuru w’igihugu ryo ku wa 11 Rusama 2018 rishiraho umunsi mukuru w’igihugu wahariwe ugufatana mu nda. Ariko rero umugwi CNIDH umenyesha ko gukata ayo mafaranga ku mishahara y’abigisha batagishijwe inama ngo bavyemere ari uguhohotera uburenganzira bwabo. Uranebagura n’inyifato ya COSSESONA yo gutuka abo batari kumwe babicishije ku mbuga ngurukanabumenyi kuko iyo nyifato igayitse. Umugwi CNIDH warashikirije ico cegeranyo inzego zose vyega nka Reta, Inama Nshingamateka na Nkenguzamateka kugira nazo zifate ingingo zibereye mu ntumbero yo gukura ico cuka kibi hagati y’urunani rw’amasendika y’abigisha. Aha twobamenyesha ko amasendika ari mu runani COSSESONA ari CONAPES, STEB, SLEB, SPEBU, SYNAPP na SYNATEM; ayatirimwo nayo akaba ari SYGEPEBU na SEPEDUC. Ariko umugwi CNIDH ukameneysha ko n’abari muri ayo masendika agize urunani COSSESONA babwirizwa kubanza kwemeza ko bagiye muri urwo runani.

Epitace Nduwayo

 

Abakozi bo mu nzu barafasha kugira ubuzima bworohe mu miryango

Amashirahamwe y’abakozi bo mu nzu ahamagarira abanywanyi bayo n’abakozi bose kuba abizigirwa mu miryango bahawemwo akazi no mu mibereho yabo ya minsi yose bakama barangwa n’ibikorwa vyiza bakora. Ivyo bikaba vyamenyeshejwe na Martin Ndihokubwayo ajejwe imigenderanire hagati y’abakozi n’abakoresha mw’ishirahamwe ry’abakozi bo mu nzu «Umwizigirwa» mu kiganiro yahaye ikinyamakuru UBUMWE kw’igenekerezo rya 14 Nzero 2020.Amashirahamwe y’abakozi bo mu nzu ahamagarira abanywanyi bayo n’abakozi bose kuba abizigirwa mu miryango bahawemwo akazi no mu mibereho yabo ya minsi yose bakama barangwa n’ibikorwa vyiza bakora. Ivyo bikaba vyamenyeshejwe na Martin Ndihokubwayo ajejwe imigenderanire hagati y’abakozi n’abakoresha mw’ishirahamwe ry’abakozi bo mu nzu «Umwizigirwa» mu kiganiro yahaye ikinyamakuru UBUMWE kw’igenekerezo rya 14 Nzero 2020.Ndihokubwayo yamenyesheje ko abakozi  bo mu nzu bamwe twita abayaya n’ababoyi ari kirumara mu miryango no mw’iterambere ry’igihugu.  Ngo barafasha cane kuko abakora ivyabo  canke abakorera Reta bose barakenera umuntu  asigara aratunganya udukorwa two mu nzu,asigarana  abana canke asigara arateka ivyo bafungura bavuye ku mirimo baba bajejwe.  Iryo shirahamwe ngo ryashizweho kugira rifashe abanyagihugu kurangura imirimo yabo atankomanzi. Ryakira abahungu n’abakobwa bakwije imyaka 18 bazi gukora ubuzi butandukanye  nko guteka, kurera abana, kurwaza  abarwaye canke bageze muzabukuru  mu bitaro canke mu miryango. Abo bakozi bararonswa inyigisho zo ku bakarihiriza ubwenge kubijanye no  kubana neza  n’imirimo bakora ku buryo babarungika mu miryango baravye ivyifuzo vy’umukoresha n’ubushobozi bw’umukozi. Ariko n’aho biri uko , birashika kenshi bakagira ibibazo bitandukanye nko guheranirwa imishahara, guhohoterwa canke kurenganywa mu buryo butandukanye.Martin Ndihokubwayo ajejwe imigenderanire  mw’ishirahamwe «Umwizigirwa» yamenyesheje ko baba abahungu canke abakobwa, bose bahura n’ingorane ariko  izikomeye zikunda kugira abakobwa. Muri zimwe zimwe yashoboye kudushikiriza yamenyesheje ko ibikunda gushika ari uko hariho usanga batwaye inda z’abahungu bakorana canke baba muri  uwo muryango, canke umukobwa akayitwazwa na sebuja  tutibagiye n’uko bashobora kuhandurira indwara zidakira.  Ikibabaje muri ivyo vyose ngo n’uko badaheza ngo bemere ko aribo bamuteye iyo nda ngo bamufashe kurera uwo mwana.  Ngo muri ico gihe hari abakobwa baba bamanutse  i Bujumbura kurondera ubuzima  kubera ubukene  bafise mu muryango iwabo bipfuza gukemura ibibazo bimwe bimwe. Hari ababa bamanutse kubera ari impfuvyi batagira aho baba, bafise icizere ko baronse akazi bazironderera ubuzima ariko rero iyo bimaze kugenda uko ubuzima buba bupfuye na rwose. Yaciye aboneraho  akaryo ko gutera akamo abakozi cane cane abakobwa ko bokwitwara neza bakirinda ibibasamaza,umwe wese akamenya icatumye amanuka kurondera akazi mu gisagara. Aca ahanura abakoresha gufata neza abakozi bakoresha kuko babafitiye akamaro kanini, bakitwararika kubahemba kandi ku gihe, bakirinda kubatera ibibazo vy’inda z’indaro canke kubanduza indwara zidakira. 

Josélyne  Ndayegamiye

 

Urunani rw’imigambwe rufise izina mfatakibanza COPA 2020 rugiye vuba gushikiriza imigambi yarwo

DSC07739Kw’igenekerezo rya 17 Nzero 2020, urunani rw’imigambwe rufise izina mfatakibanza  COPA 2020   rwaratunganije ikiganiro ku bamenyeshamakuru  kugira rumenyeshe aho ruhagaze ku bijanye n’amatora yo mu mwaka w’2020. Imigambwe igize urwo runani ni RADEBU, PMP, INKINZO, FROLINA, KAZE-FDD, PL na PIEBU. Umuvugizi w’urwo runani, Jean de Dieu Mutabazi yamenyesheje ko iyo migambwe izokwitoreza hamwe mu matora y’umwaka w’2020 kandi ku runani ruzoba rufise ikimenyetso kimwe.  Yamenyesheje kandi ko iyo migambwe ihurikiye mu runani rumwe izoshikiriza Abarundi imigambi yayo mu bisata vya poritike, imibano, ubutunzi, umutekano n’imigenderanire. Ngo abazoja ku ntonde z’amatora bazoba bashimwe n’iyo migambwe indwi bagiye kumenyekana bidatevye. Ku vyerekeye uwuzokwitoza kugira ngo ahiganwe ku rwego rw’umukuru w’igihugu, Mutabazi yamenyesheje ko nivyibonekeza ko hari uwitoza afise ubutore n’ubukerebutsi bukwiye kandi ashobora guhagararira inyungu z’urunani n’aho atazoba arukomokamwo bazomushigikira.Yabandanije amenyesha ko ni vyibonekeza kandi ko mu bitoza bose bamaze gushikirizwa ku rwego rw’igihugu atawohagararira bikwiye inyungu z’urunani kandi ata bukerebutsi canke ubutore bukwiye afise, iyo migambwe indwi izokorana iheze ishikirize uwitoza avuye muri urwo runani. Ngo iyo migambwe indwi yumvikanye ko urwo runani rwuguruye kugira ngo iyindi migambwe canke Abarundi bazorugomwa bazoheze barwinjiremwo.Kw’igenekerezo rya 17 Nzero 2020, urunani rw’imigambwe rufise izina mfatakibanza  COPA 2020   rwaratunganije ikiganiro ku bamenyeshamakuru  kugira rumenyeshe aho ruhagaze ku bijanye n’amatora yo mu mwaka w’2020. Imigambwe igize urwo runani ni RADEBU, PMP, INKINZO, FROLINA, KAZE-FDD, PL na PIEBU. Umuvugizi w’urwo runani, Jean de Dieu Mutabazi yamenyesheje ko iyo migambwe izokwitoreza hamwe mu matora y’umwaka w’2020 kandi ku runani ruzoba rufise ikimenyetso kimwe.  Yamenyesheje kandi ko iyo migambwe ihurikiye mu runani rumwe izoshikiriza Abarundi imigambi yayo mu bisata vya poritike, imibano, ubutunzi, umutekano n’imigenderanire. Ngo abazoja ku ntonde z’amatora bazoba bashimwe n’iyo migambwe indwi bagiye kumenyekana bidatevye. Ku vyerekeye uwuzokwitoza kugira ngo ahiganwe ku rwego rw’umukuru w’igihugu, Mutabazi yamenyesheje ko nivyibonekeza ko hari uwitoza afise ubutore n’ubukerebutsi bukwiye kandi ashobora guhagararira inyungu z’urunani n’aho atazoba arukomokamwo bazomushigikira.Yabandanije amenyesha ko ni vyibonekeza kandi ko mu bitoza bose bamaze gushikirizwa ku rwego rw’igihugu atawohagararira bikwiye inyungu z’urunani kandi ata bukerebutsi canke ubutore bukwiye afise, iyo migambwe indwi izokorana iheze ishikirize uwitoza avuye muri urwo runani. Ngo iyo migambwe indwi yumvikanye ko urwo runani rwuguruye kugira ngo iyindi migambwe canke Abarundi bazorugomwa bazoheze barwinjiremwo.

Aline Kanyana

 

UPRONA: Abadasigana basabwa kurondera intsinzi mu matora yo muri uwu mwaka w’2020 bafatanye mu nda

DSC 0081Abadasigana bo mu gihugu cose na cane cane abo mu ntara ya Bubanza , zone Mitakataka basabwa kurondera intsinzi mu matora yimirije kuba uwu mwaka w’2020 bafatanye mu nda, no kubera akarorero keza abanywanyi b’iyindi migambwe mu kubana neza mu butandukane bwabo. Ivyo bakaba babisabwe n’Icegera ca mbere c’Umukuru w’igihugu, Gaston Sindimwo ku wa 19 Nzero 2020 igihe yari ahejeje kwugurura ingoro y’umugambwe UPRONA muri iyo zone Mitakataka. Abadasigana bo mu gihugu cose na cane cane abo mu ntara ya Bubanza , zone Mitakataka basabwa kurondera intsinzi mu matora yimirije kuba uwu mwaka w’2020 bafatanye mu nda, no kubera akarorero keza abanywanyi b’iyindi migambwe mu kubana neza mu butandukane bwabo. Ivyo bakaba babisabwe n’Icegera ca mbere c’Umukuru w’igihugu, Gaston Sindimwo ku wa 19 Nzero 2020 igihe yari ahejeje kwugurura ingoro y’umugambwe UPRONA muri iyo zone Mitakataka. Yarongeye asaba Abarundi kutarondera umwansi hagati yabo ahubwo bamenye ko umwansi w’abarundi ari inzara n’ubukene. Aho akabasaba gufatana mu nda mu budasa bwabo. Bisubiye ngo umugambwe UPRONA ufise amateka menshi mu gihugu kuko ariwo waharaniye intahe yo kwikukira kandi ukayitsimbataza. Yarongeye amenyesha ko umugambwe UPRONA ari umugambwe wugururiwe Abarundi bose, bo mu bwoko bwose no mu ntara zose. Niko kubasaba kudatega amatwi abashaka kubakwegera mu ntambara kuko boba bariko basambura igihugu cabo  bisamburirako. Ati ni mucire imoso ntimusubire mu macakubiri yazingamitse Uburundi imyaka n’iyindi. Icegera ca mbere c’Umukuru w’igihugu Gaston Sindimwo yarahumurije abadasigana ababwira ko mu mugambwe UPRONA ata bicika kuko ari ubwa mbere komite nyobozi y’umugambwe imara imyaka ine bakora bumvikana. Umukuru w’umugambwe UPRONA mu ntara ya Bubanza Richard Habwawihe yarashimye kubona baronse ingoro y’umugambwe muri zone Mitakataka. Ivyo ngo bizotuma abanywanyi b’uwo mugambwe bitura muri ubwo buserukizi ku kibadidaniye,  biture ibiro vyo mu ntara ari ivyagoranye. Intumbero yo kwugurura ingoro y’uwo mugambwe muri zone Mitakataka ni ugushira abadasigana ku kivi. Baboneyeho akaryo ko kwerekana abanywanyi bashasha basika 70 binjiye muri uwo mugambwe UPRONA.

Epitace Nduwayo

 

Reta y’Uburundi yarihaye intumbero yo kurwanya urudandazwa rw’abantu

goloUrudandazwa rw’abantu  na cane cane abana n’abigeme ruriho kw’isi no mu Burund, naho ubuja bwakuweho kw’isi yose. Mu Burundi abana n’abigeme barahakurwa bakajanwa mu yindi mihingo y’isi. Bamwe bakaba baba bagiye gukoreshwa mu buzi butandukanye, abigeme nabo hakajamwo no gushurashuzwa. Ni muri iyo ntumbero ku wa 23 Nzero 2020, mu gisagara ca Bujumbura, hatunganijwe umugambi w’igihugu wo kurwanya urudandazwa rw’abantu mu Burundi, gukingira abagira badandazwe no gukurikirana abakora urwo rudandazwa. Uwo mugambi ukaba watunganijwe n’ishirahamwe mpuzamakungu rikurikirana abimukira OIM rifashwe mu mugongo na Reta zunze ubumwe za Amerika, ukaba watangujwe icese n’icegera ca mbere c’umukuru w’igihugu Gaston Sindimwo.Urudandazwa rw’abantu  na cane cane abana n’abigeme ruriho kw’isi no mu Burund, naho ubuja bwakuweho kw’isi yose. Mu Burundi abana n’abigeme barahakurwa bakajanwa mu yindi mihingo y’isi. Bamwe bakaba baba bagiye gukoreshwa mu buzi butandukanye, abigeme nabo hakajamwo no gushurashuzwa. Ni muri iyo ntumbero ku wa 23 Nzero 2020, mu gisagara ca Bujumbura, hatunganijwe umugambi w’igihugu wo kurwanya urudandazwa rw’abantu mu Burundi, gukingira abagira badandazwe no gukurikirana abakora urwo rudandazwa. Uwo mugambi ukaba watunganijwe n’ishirahamwe mpuzamakungu rikurikirana abimukira OIM rifashwe mu mugongo na Reta zunze ubumwe za Amerika, ukaba watangujwe icese n’icegera ca mbere c’umukuru w’igihugu Gaston Sindimwo.Mw’ijambo ryiwe, Gaston Sindimwo yamenyesheje ko uwo mugambi uzoshika mu mwaka w’2021 ukaba ushingiye ku gukinga, gukingira abagira badandazwe no gushengeza abakora urwo rudandazwa. Ati nico gituma muri bino bihe, Reta y’Uburundi yashizeho amategeko yo kurwanya urwo rudandazwa ifadikanije n’igisata ca ONU cishinze kurwanya urwo rudandazwa OIM. Ngo harashizweho kandi umurwi wo gushira mu ngiro uwo mugambi. Uwo murwi ukaba urimwo inyamiramabi, abacamanza, abo mu nzego z’agateka ka zina muntu, abo mu ntwaro, hamwe n’abo mu mashirahamwe adaharanira inyungu za poritike. Abo rero ngo bakaba bararonkejwe uburyo n’ubumenyi bukwiye kugira ngo bashobore kurwanya urwo rudandazwa rw’abantu mu Burundi.                

Gloriose Nshimirimana

 

Umwimbu w’umuceri n’ibigori vya kijambere ushobora kwiyongrera incuro gatatu mu burere vyatewemwo

getiUmushikiranganji ajejwe ibidukikije, uburimyi n’ubworozi Déo Guide Rurema arashima kubona umwimbu w’umuceri n’ibigori vya kijambere ushobora kwiyongera incuro gatatu ugereranije n’uwo mu mwaka uheze mu gihe  nk’ico c’irima, akabikesha abanyagihugu bumvise akamo Reta yabateye ko gukorera hamwe mu makoperative y’iterambere. Ivyo yabishikirije ku wa 16 Nzero 2020 inyuma y’umwiherero wari uhejeje guhuza indongozi zo muri ubwo bushikiranganji, abarongoye imigambi hamwe n’abafundi  b’indimo n’abaganga b’ibitungwa bakorera mu makomine yose y’igihugu. Urwo rugendo shure n’uwo mwiherero bikaba vyari vyatunganijwe n’ubushikiranganji bujejwe ibidukikije, uburimyi n’ubworozi.Umushikiranganji ajejwe ibidukikije, uburimyi n’ubworozi Déo Guide Rurema arashima kubona umwimbu w’umuceri n’ibigori vya kijambere ushobora kwiyongera incuro gatatu ugereranije n’uwo mu mwaka uheze mu gihe  nk’ico c’irima, akabikesha abanyagihugu bumvise akamo Reta yabateye ko gukorera hamwe mu makoperative y’iterambere. Ivyo yabishikirije ku wa 16 Nzero 2020 inyuma y’umwiherero wari uhejeje guhuza indongozi zo muri ubwo bushikiranganji, abarongoye imigambi hamwe n’abafundi  b’indimo n’abaganga b’ibitungwa bakorera mu makomine yose y’igihugu. Urwo rugendo shure n’uwo mwiherero bikaba vyari vyatunganijwe n’ubushikiranganji bujejwe ibidukikije, uburimyi n’ubworozi.Umushikiranganji Rurema  akaba yamenyesheje ko ku giterwa c’umuceri umwimbu wavuye ku matoni 3 uja ku matoni 6, uw’ibigori nawo uva ku biro amajana umunani uja ku matoni atatu n’inusu mu kiyaya c’Imbo. Yarongeye arashima kubona abarimyi bafise umwitwarariko wo kubika umwimbu no kuwubungabunga. Ivyo bizotuma rero abanyagihugu badasubira guhendwa ngo bagurishe umwimbu ku mahera y’intica ntikize hanyuma basubire kubibagurishako umurengera mu gihe babikeneye. 

Abakozi bo mu bushikiranganji bujejwe ibidukikije, uburimyi n’ubworozi biyemeje gukurikirana abanyagihugu kurusha uko vyahora
Umushikiranganji Déo Guide Rurema yarongeye amenyesha ko intumbero ya kabiri kwari ukuja hamwe kugira birimbure barabe ivyo bakoze, ivyo bariko barakora hanyuma binegure barabe ukugene bariko barabikora, gutyo barabe iyindi ntambwe botera. Inyuma y’uwo mwiherero abakozi bo muri ubwo bushikiranganji barashikirije ivyo bagiye kurangura mu kiringo c’amezi atatu ari imbere. Amenyesha ko bose bashimikiye ku gukurikirana abanyagihugu haba mu kubaronsa ibikenewe nk’ifumbire, imbuto zirobanuye, ibitungwa vyo kugwiza ifumbire no gutuma imiryango yisununura. Yarongeye amenyesha ko bagiye gushira inguvu nyinshi cane ku bijanye n’ibidukikije  na cane cane kubungabunga inkengera z’ikiyaga Tanganyika, kugira kibere amahirwe igihugu yo kwinjiza amafaranga, abanyagihugu na ba mukerarugendo bashaka kuratira  ijisho bagendera mu bwato. Niko kumenyesha ko inyuma y’ayo mezi atatu abanyagihugu aribo bazoheza bakabaha amanota baravye ukugene bazoba bahinduye ukugene bahora bakora. Aho bakazoba babonye ko bakora bisunga imigambi n’imigabo baba babashikirije. Muvyo biyemeje harimwo nko kugendera no gushigikira  abarimyi n’aborozi. Bazokurikirana kandi umugambi wo kwokoreranira bita “Abasangiye urugendo”. Bazokurikirana kandi bongere bashireho ibibanza bizwi vy’ibagiro. Muri Ruhuhuma 2020 naho bakaba bazokinga akaranda k’impene n’intama. Bozokingira n’inkoko  zo mu makoperative yose indwara y’agasinziriza  mu mezi atatu ari imbere. Bazorwiza n’imivyaro  ishika 5.000. Bazokurikirana neza amakoperative kugira abike umwimbu. Bazotanga n’igicapo c’ikigega gikwije ibisabwa n’abafasha muri uwo mugambi bose bokwisunga. Bazokwigisha amakoperative gutegura imigambi no gukora bunguka. Bazonazigendera kugira bamenye ingorane zifise. Bazotegura n’agatabu mfashanyigisho zo gufasha abarimyi n’aborozi. Bariko barategura kandi poritike y’igihugu y’ibidukikije. Bazokingira amasoko, inzuzi n’ibiyaga bongere bubahirize inkegera z’ibiyaga hisunzwe ibwirizwa rigenga amazi. Bazokurikirana kandi icukura ry’ amakariyeri n’ubutare kugira bikorwe hisunzwe amategeko yo gukingira ibidukikije. Bazokorana kandi n’abagwizambuto. Bazokwitaho n’ibiterwa bishasha njabukamazi nka macadamiya n’ibindi. Bazokurikirana abacuruza imiti y’ibiterwa n’ibitungwa kugira bakore bisunze amategeko. 
Abanyagihugu barashima ko umwimbu ushobora kwiyongera 
Imbere y’uwo mwiherero, umushikiranganji ajejwe ibidukikije, uburimyi n’ubworozi yabanje gutanguza urugendo shure mu ntara za Bubanza, Cibitoke na Kayanza ku wa 15 Nzero 2020 mu ntumbero yo kuraba aho uburimyi bwagenze neza. Aho bakaba babanje kugendera urugomero rwo ku ruzi Mpanda rwubatswe mu myaka y’1990 ariko rukaba rwari rwabaye nabi. Ubu rero bariko bararusanura. Urwo rugomero rukaba ruzofasha kuvomera amahegitari 808 ya kera n’amahegitari 202 mashasha. Aho kandi barasanuye n’amabarabara ashika mu mirima hamwe n’imiserege itwara amazi. Ibikorwa bimaze kurangira bikaba bizoshikirizwa ishirahamwe SRDI. Mu nyuma baciye bagendera imirima y’ibigori vya kijambere vyarimwe i Gihanga mu ntara ya Bubanza aho bita Romotomoto. Aho bakaba bamenyesheje ko umwimbu uzova ku biro amajana 8 uje ku matoni 3,5 kw’ihegitari.  N’abanyagihugu baharimira baremeza ko umwimbu uzogenda neza ariko bagasaba imifuko yo kubika neza umwimbu kugira  ivyimburwa ntibibungwe. Aho umushikiranganji Déo Guide Rurema akaba yabamenyesheje ko iyo mifuko iriho. Mu nyuma bagendeye imirima y’umuceri aho i Gihanga nyene aho umuhuzabikorwa w’ishirahamwe PRDAIGL ry’Ibanki y’isi yose Louis Nduwimana yamenyesheje ko umwimbu uzova ku matoni 3 ukaja ku matoni 6. Mu nyuma baciye bagendera imirima y’ibigori vya kijambere yo muri zone Ndava muri komine Buganda, intara ya Cibitoke. N’aho nyene bakaba bamenyesheje ko aho hantu bavomeye amahegitari 240. Ubugira gatatu bagendeye imirima y’ibigori iri mu mwonga wa Kayave uri hagati ya komine za Kayanza, Kabarore na Busiga warimwemwo ibigori. Naho nyene bariboneye ko abanyagihugu barimiye rimwe baterera rimwe. Ivyo ngo birafise akamaro kuko bikinga ubusuma. Umushikiranganji Déo Guide Rurema yarerekanye kandi ukugene abanyagihugu bo muri komine Muruta bagiye hamwe mu makoperative bagaca imikobeko, ubu bakaba bageze ku bice 80% kw’ijana vy’ico igikorwa.

Epitace Nduwayo

 
Ouvrir