Publications de Presse Burundaise, Rohero I Avenue de la JRR N°17 Immeuble le SAVONNIER, Téléphone standard : (257) 22 22 62 32, Fax :(257) 22 22 58 94, email: pressequotidienne@yahoo.fr

CENI : Abarundi banditswe kugira bazokwitabe amatora yo mu 2020 ni 5.126.351

Abarundi biyandikishije barekuriwe kuzotora mu matora yimirije kuba muri uwu mwaka w’2020 ni 5.126.351. Muribo  harimwo abakenyezi 2.688.803 n’abagabo 2.437.548. Ivyo vyashikirijwe n’umukuru w’umugwi w’igihugu wigenga ujejwe amatora CENI Pierre Claver Kazihise mu kiganiro yahaye abamenyeshamakuru ku wa 3 Nzero 2020. Abarundi biyandikishije barekuriwe kuzotora mu matora yimirije kuba muri uwu mwaka w’2020 ni 5.126.351. Muribo  harimwo abakenyezi 2.688.803 n’abagabo 2.437.548. Ivyo vyashikirijwe n’umukuru w’umugwi w’igihugu wigenga ujejwe amatora CENI Pierre Claver Kazihise mu kiganiro yahaye abamenyeshamakuru ku wa 3 Nzero 2020. Yarongeye amenyesha ko abazotorera mu gihugu hagati ari 5.113.418 harimwo abakenyezi 2.686.593 hamwe n’abagabo 2.426.825. Abazotora bari mu mahanga nabo bangana 12.933 harimwo abakenyezi 2.210 n’abagabo 10.723. Yamenyesheje kandi ko mu ntara nka zose abakenyezi aribo benshi kurusha abagabo kiretse mu gisagara ca Bujumbura abagabo aribo benshi kurusha abakenyezi; ni nayo ntara ifise abantu benshi bazotora. Ifise abantu  bazotora bashika 476.590 harimwo abakenyezi 188.874 n’abagabo 287.716. 1.  Intara ya Cankuzo niyo ifise bazotora bake kuko ifise abangana 154.701 harimwo abakenyezi 81.986 n’abagabo 72.715. Umukuru w’umugwi CENI Pierre Claver Kazihise yaramenyesheje kandi ko hasigaye kumenya abazokwitoza. Yarongeye aratumira abashaka kwitoza ku giti cabo kwimenyekanisha babicishije mw’ibaruwa bazokwiyandikira bonyene bakararishirako umukono kugira uwo mugwi uzoje urabatumira mu nama ihuza abarongoye imigambwe. Yarongeye amenyesha ko itora ryose ryigenga n’aho hari amatora atatu azobera umunsi umwe. Umuntu arashobora rero kwitoza mu kibanza c’Umukuru w’igihugu, akaja ku rutonde rw’abashingamateka n’urwo abajenama b’amakomine. Ikibujijwe ngo ni ukuja ku ntonde z’abashingamateka, abakenguzamateka  canke abajenama b’amakomine mu ntara canke mu makomine abiri.  

Epitace Nduwayo

 

Imigenderanire hagati y’Uburundi n’amakungu irabandanya gutera imbere

DSC 0263Imigenderanire hagati y’Uburundi n’amakungu irabandanya itera imbere.Ni muri iyo ntumbero, Umukuru w’igihugu Petero Nkurunziza yarakiriye abaserukira ibihugu vyabo 13 hamwe n’uwuserukira ishirahamwe ry’ibihugu vya Buraya (U.E) bari bamuzaniye  amakete abagena muri ayo mabanga ku wa 7 Ruhuhuma 2020.Ibirori bikaba vyabereye mu ngoro y’Umukuru w’igihugu « Ntare Rushatsi » iri mu Gasenyi.  Imigenderanire hagati y’Uburundi n’amakungu irabandanya itera imbere.Ni muri iyo ntumbero, Umukuru w’igihugu Petero Nkurunziza yarakiriye abaserukira ibihugu vyabo 13 hamwe n’uwuserukira ishirahamwe ry’ibihugu vya Buraya (U.E) bari bamuzaniye  amakete abagena muri ayo mabanga ku wa 7 Ruhuhuma 2020.Ibirori bikaba vyabereye mu ngoro y’Umukuru w’igihugu « Ntare Rushatsi » iri mu Gasenyi.  Inyuma y’uwo mubonano, Icegera c’umuvugizi w’Umukuru w’igihugu, Alain Diomède Nzeyimana yamenyesheje ko uwuserukira igihugu ca Danemark, Nicolaj Hejberg Peterson afise icicaro i Kampala mu Buganda, yashimishijwe no kubona igihugu c’Uburundi kirangwamwo amahoro n’umutekeno kandi buriko bwitegirira neza amatora y’uwu mwaka w’2020. Igihugu ca Danemark naco ngo kikaba kiriko kiritegura kugira kigiriranire imigenderanire myiza n’Uburundi. Ambasaderi Nicolaj Hejberg akaba ariwe yakiriwe ubwa mbere n’Umukuru w’igihugu Petero Nkurunziza. Uwuserukira igihugu ca Géorgie, Zurab Dvalishvili afise icicaro i Adis-Abeba mu gihugu ca Etiyopiya yakiriwe ubugira kabiri, yamenyesheje ko igihugu ciwe citeguye kugiriranira imigenderanire myiza n’Uburundi kandi bukaba bubaye ubwa mbere ico gihugu kigiriranira imigenderanire n’Uburundi.  Uwuserukira igihugu ca Malawi, Glad Chembe Munthali afise icicaro i Dar-es-Salaam yakiriwe ubwa gatatu, yamenyesheje ko igihugu ciwe kizoraba ivyo cofashanyamwo n’Uburundi hisunzwe umugambi w’iterambere w’imyaka cumi wo kuva mu 2018 gushika mu 2027.

Uwuserukira igihugu ca Philipinnes, Alex G. Chua afise icicaro i Naïrobi mu gihugu ca Kenya yaje azanye indamutso y’Umukuru w’igihugu ciwe. Ico gihugu kandi gisanzwe gifitaniye imigenderanire myiza n’Uburundi. Uwuserukira ca Etiyopiya mu Burundi, umupfasoni Alemtsehay Meseret Gelaw yamenyesheje ko yipfuza ko igihugu ciwe kigiranira imigenderanire myiza n’Uburundi na cane cane mu bijanye n’ubudandaji. Uwo nawe akaba afise icicaro i Kampala mu gihugu c’Ubuganda. Igihugu ca Etiyopiya n’Uburundi ngo bisanzwe bihurira ku ruzi Nil. Uwuserukira igihugu ca Pakistani yakiriwe ubugira gatandatu, umupfasoni Saglain Syedah afise icicaro i Kampala, yamenyesheje ko igihugu ciwe cipfuza kugiriranira imigenderanire myiza n’Uburundi mu bijanye n’ubudandaji mbere abagwizatunga baho bakazana imitahe mu Burundi. 

Uwuserukira igihugu ca Finlande mu Burundi, umupfasoni Riita Swan afise icicaro i Dar-es-Salaam yamenyesheje ko  igihugu ciwe kigiye gutsimbataza imigenderanire yari ihasanzwe kibicishije mu mashirahamwe asanzwe akorera mu Burundi. Uwuserukira ishirahamwe ry’ibihugu vya Buraya (U.E.), Claude Bochu  yabaye uwugira umunani yakiriwe n’ Umukuru w’igihugu, akaba  afise icicaro i Bujumbura,akaba yamenyesheje ko azi neza yuko imigenderanire itifashe neza hagati y’iryo shirahamwe n’Uburundi. Yamenyesheje ko bagiye gukora ibishoboka vyose kugira imigenderanire isubire kugenda neza. Umukuru w’igihugu nawe akaba yamubwiye ko igikuru ar’uko bazi ko ivyo bintu vyabaye. Ko rero bazi ivyabagoye,rero bazogerageza kubikosora. Uwuserukira igihugu ca Burkina Faso mu Burundi, umupfasoni Ganou diaby Kasamba Madina yabaye uwugira  icenda yakiriwe  n’Umukuru w’igihugu, akaba yamenyesheje ko ibihugu vya Afrika bihuriye ku bintu vyinshi arico gituma vyotegerezwa gufatana mu nda kurusha.Uwo nawe akaba afise icicaro i Nairobi mu gihugu ca Kenya. Uwuserukira « République Tchèque », Martin Klepetko yabaye uwugira cumi yakiriwe n’Umukuru w’igihugu, akaba afise intebe i Naïrobi mu gihugu ca Kenya, yamenyesheje ko bagiye gutsimbataza imigenderanire n’Uburundi naho itahora ishemeye. Ubugira cumi na rimwe hakiriwe uwuserukira igihugu c’Ubutaliyano mu Burundi, Massimiliano Mazzanti afise intebe i Kampala mu gihugu c’Ubuganda. Uwo nawe yamenyesheje ko bazoraba ukugene imigenderanire hagati y’ivyo bihugu vyompi yotezwa imbere mu bijanye n’inkino n’urudandazwa. Uwuserukira igihugu ca Tanzaniya mu Burundi, umupfasoni Jilly Elibariki Maleko yabaye uwugira cumi na kabiri yakiriwe n’Umukuru w’igihugu,akaba afise icicaro i Bujumbura, yamenyesheje ko anezerejwe no guserukira igihugu ciwe mu gihugu kibanyi bifitaniye imigenderanire myiza. Yamenyesheje kandi ko imigenderanire hagati y’ivyo bihugu itagira agatotsi kandi iyo migenderanire ari iya kera kuva umuhisi Nyerere arongoye Tanzaniya. Yipfuza ko iyo migenderanire yobandanya iba myiza kurusha. Umukuru w’igihugu nawe yarashimye ukugene ico gihugu kibandanya citaho neza abarundi baba muri ico gihugu baba abakorerayo akazi ka minsi yose canke abagiye barahungirayo bivanye n’ingorane Uburundi bwagiye buracamwo.  Uwuserukira igihugu c’Ubuyapani Masahiro Imai afise intebe i Kigali mu Rwanda yamenyesheje ko igihugu ciwe gifasha Uburundi mu bisata bitandukanye mbere bakazotangura gusanura ikivuko ca Bujumbura muri Ntwarante 2020. Uwuserukira igihugu ca Botswana Golopang Duke Lefhoko yabye uwugira cumi na kane yakiriwe n’Umukuru w’igihugu ari nawe wa nyuma,yamenyesheje ko igihugu ciwe cipfuza kugiriranira imigenderanire myiza n’Uburundi. 

Epitace Nduwayo

 

CNC :Ibikorwa vyaranguwe n’ibimenyeshamakuru mu mezi atatu aheze birashimishije

DSC 3290Urwego rujejwe gucungera ingene ibimenyeshamakuru bikora CNC rwarashikirije icegeranyo cerekana ingene ibimenyeshamakuru vyakoze mu mezi atatu arangiye y’umwaka w’2019. Ivyaranguwe ngo birashimishije naho utunenge tutabuze. Ivyo ni ivyashikirijwe n’umukuru w’urwo rwego C NC, Nestor Bankumukunzi ariko arashikiriza ico cegeranyo. Hari ku wa 31 Nzero 2020, i Bujumbura.Urwego rujejwe gucungera ingene ibimenyeshamakuru bikora CNC rwarashikirije icegeranyo cerekana ingene ibimenyeshamakuru vyakoze mu mezi atatu arangiye y’umwaka w’2019. Ivyaranguwe ngo birashimishije naho utunenge tutabuze. Ivyo ni ivyashikirijwe n’umukuru w’urwo rwego C NC, Nestor Bankumukunzi ariko arashikiriza ico cegeranyo. Hari ku wa 31 Nzero 2020, i Bujumbura.Nkuko yabandanije abishikiriza ngo muri rusangi ibinyamakuru vyakoze vyisunze amategeko naho hari bimwe bimwe usanga biza birahengama. Ngo urwo rwego rurashima ingene ibinyamakuru vyakoze mu bisata bimwe bimwe nko mu gisata ca poritike, c’Ubutunzi n’ibindi aho ivyo bisata bifata ikibanza kinini ariko ngo hakaba n’ibindi bisata bisa n’ivyibagirwa nk’igisata c’ingenzi. Aho naho agasaba abamenyeshamakuru kuza baravyibuka bakabiha ikibanza gikwiye navyo. Nestor Bankumukunzi yamenyesheje kandi ko hariho ibimenyeshamakuru bitanga amakuru aho usanga bivuga umuntu canke igisata bihengamye, aho yasavye ko iyo ngendo yohagarara kuko isa n’iyarenze urugero. Ngo hari n’ibinyamakuru hamwe n’amaradiyo amwe amwe usanga ashikiriza ibiganiro bisambura imico y’igihugu, aho naho akaba yabasavye ko baza barashikiriza amakuru canke ibiganiro vyubaka igihugu, vyubahiriza imico kama y’igihugu c’Uburundi.Nestor Bankumukunzi akaba yaboneyeho akaryo ko guhanura abamenyeshamakuru na cane cane muri iki gihe igihugu cimirije amatora ngo bakore bisunze amategeko ataho bahengamiye, baze barashikiriza amakuru yatohojwe neza kandi y’ukuri kugirango ntibaze bate igihugu mu manga. Yateye akamo abarongoye ibinyamakuru ngo bagerageze babe hafi y’abamenyeshamakuru barongoye baze barabibutsa ibitegerezwa n’ibizira gukorwa kugirango amatora yimirije vuba azogende neza. Ngo bigenze uko, muri urwo rwego CNC bizera ko iki kiringo gito gisigaye c’imbere y’amatora coheza kikarangira ibinyamakuru vyose vyikosoye. Ku bijanye n’ingorane zihari zijanye n’ikarata ndangamumenyeshamakuru (carte de presse) aho ibice 32.31 kw’ijana arivyo gusa bimaze kuronswa abamenyeshamakuru batari bake gushika ubu batararonswa iyo karata, Nestor Bankumukunzi yamenyesheje ko izo ngorane zatewe ni uko ubwa mbere uwahawe isoko aba mu ntara ya Gitega kandi abamenyeshamakuru benshi bari i Bujumbura. Ubwa kabiri ngo ni uko hari n’abarongoye ibimenyeshamahuru bamwe bamwe badashaka kwitaba akamo ka CNC ko kurondera iyo karata kandi iyo karata yashizweho n’itegeko ryateweko umukono n’Umukuru w’igihugu aho rivuga ko ata mumenyeshamakuru n’umwe azoshikiriza amakuru yo mu  matora adafise iyo karata. Ku bw’ivyo, haciye hashirwaho umugwi ugiye kwiga neza ingene vyogenda kugirango ukwezi kwa kabiri kuzohere izo ngorane zose zavuye mu nzira.Uwurongoye akongera agaserukira imbere y’amategeko ishirahamwe ry’abamenyeshamakuru b’abakenyezimu Burundi « AFJO », Diane Ndonse yamenyesheje ko naho abakenyezi n’urwaruka aribo benshi mu gihugu c’Uburundi,  baguma bari ku rugero ruto mu bisata vyinshi vy’ubuzima bw’igihugu hamwe no mu binyamakuru. Urusansuma rwabaye mu 2008  Burundi rwerekanye ko abakenyezi bangana n’ibice birenga 50% vy’abanyagihugu baba mu Burundi, urwaruka narwo rukaba rurenga ibice 60%. Ku bw’ivyigwa vyakozwe n’iryo shirahamwe AFJO mu 2018, ngo umukenyezi aserukiwe ku bice biri munsi ya 30% mu bimenyeshamakuru agaheza akaba ku bice biri munsi ya 10% mu nzego z’ibimenyeshamakuru  zifata ingingo. Diane Ndonse akaba yamenyesheje ko mu ntumbero yo gufasha kugirango igitigiri c’abakenyezi congerekane mu binyamakuru, iryo shirahamwe ryateye umukono mu 2019 ku masezerano yo gufashanya n’urwego CNC mu gushikiriza ivyegeranyo vy’amezi atatu bishira imbere iterambere ridakumira. Yasavye abarongoye ibimenyeshamakuru gufata ingingo zituma bashira imbere iterambere ridakumira mu gikorwa c’abamenyeshamakuru n’ibimenyeshamakuru. Ishirahamwe AFJO naryo ngo ntirizohengeshanya gushigikira abamenyeshamakuru n’ibimenyeshamakuru vyitaho iterambere ridakumira mu nkuru bashikiriza.

Estella Niyongere

 

Abakenyezi b’aba Islamu barakeneye kwigishwa gutunganya imigambi kugira bashikire ubwigenge mu butunzi

Mu ntumbero yo gushigikira umugambi w’umukuru w’igihugu wo kwiga gukorera mu makoperative, umuryango w’aba Islamu COMIBU waratunganije inyigisho ku bapfasoni n’urwaruka rufise hagati y’imyaka 5 na 12 mu mugambi w’ibanze wo kubigisha gutunganya imigambi n’imibano, watangujwe icese ku wa 28 Nzero 2020.Mu ntumbero yo gushigikira umugambi w’umukuru w’igihugu wo kwiga gukorera mu makoperative, umuryango w’aba Islamu COMIBU waratunganije inyigisho ku bapfasoni n’urwaruka rufise hagati y’imyaka 5 na 12 mu mugambi w’ibanze wo kubigisha gutunganya imigambi n’imibano, watangujwe icese ku wa 28 Nzero 2020.Bukuru Elie Khalfan arongoye uwo mugambi w’ibanze yamenyesheje ko uwo mugambi wateguwe bisunze umugambi  w’ikimpumbi w’iterambere kugira bashobore guha intumbero iterambere ry’abapfasoni n’abana bo mw’idini rya ba Islamu. Muri uwo mugambi bazoshira imbere cane cane kubigisha kwitunganiriza imigambi, ivyerekeye agateka k’umukenyezi hamwe n’imibano kuko ari ryo shingiro ry’iterambere  mu  muryango wa ba islamu no mu gihugu.  Bukuru Elie Khalfan yabandanije amenyesha ko  bafashe abapfasoni n’urwaruka kuko ata wundi mugambi n’umwe wari bwatunganywe uberekeye kuva idini ry’aba Islamu ribayeho mu Burundi.  Ati «Basa n’abibagiwe kuko batashizwe mu migambi  y’iterambere y’idini. bakaba baronswa  inyigisho za korowani n’ibindi vyerekeye idini gusa». Abana n’ibatahura gukora imigambi, igihugu kizohatorera  akwunguko kanini, nk’uko Umukuru w’igihugu adasiba guhimiriza abarundi bose ko bokwiga gukorera mu makoperative bikaba bizofasha abaronse izo nyigisho kwitunganiriza imigambi bashobore kuja hamwe biteze imbere. Abo bana bazoronswa inyigisho bizobafasha gukura bafise inyota yo kwitunganiriza imigambi, babonereho no gukura borohereza  umuntu wese mu kwemera kwiwe, bizotume n’iterambere mu gihugu ryiyongera. Bukuru Elie Khalfani yasozereye amenyesha ko kugira uwo mugambi ushinge imizi bazoronsa inyigisho abarongora amasengesho hamwe n’abigisha mu mashuri yigisha ikorowani kugira navyo baze baravyigisha gutyo bizotebe bishikira  aba islamu bose. Izo nyigisho zikaba zizoca mu vyese,ku bicapo bishushanijeko bifasha abana gutahura n’ingoga hamwe n’amareresi.

Anitha Bizimana

 

Uburundi buriteguriye kurwanya indwara y’akamangu iterwa n’umugera wa «coronavirus»

Inyuma yuko ishirahamwe mpuzamakungu rijejwe amagara y’abantu kw’isi OMS rivugiye ko indwara y’akamangu  ivuye kumugera witwa «coronavirus» ibangamiye amagara y’abantu bose kw’isi,  umushikiranganji w’amagara y’abantu Thaddée Ndikumana yarashikirije  ico bagiye gukora kugira bakingire  abarundi n’abashinwa baza Iburundi, hari ku wa 31 Nzero 2020.Inyuma yuko ishirahamwe mpuzamakungu rijejwe amagara y’abantu kw’isi OMS rivugiye ko indwara y’akamangu  ivuye kumugera witwa «coronavirus» ibangamiye amagara y’abantu bose kw’isi,  umushikiranganji w’amagara y’abantu Thaddée Ndikumana yarashikirije  ico bagiye gukora kugira bakingire  abarundi n’abashinwa baza Iburundi, hari ku wa 31 Nzero 2020.Umushikiranganji w’amagara y’abantu yabanje kumenyesha ko ibimenyetso vy’iyo ndwara bisa n’ivyikiza ca Ebola cane cane ubushuhe ibindi navyo ni inkorora, ibicurane hamwe n’ingorane yo guhema. Ibigiye gukorwa rero n’uko bashize  ivyuma biri ku kibuga c’indege mpuzamakungu «Ndadaye Merchior» co gupima ubushuhe uri kure, hamwe n’ifishi buzuza bakubajije iyo waje uva. Mu gihe bagusanze ufise bimwe muri ivyo bimenyetso vyerekana ko woba ufise umugera wa « coronavirus » uri Umurundi baca bakujana kwa muganga mu kibanza bateguye kiri ku bitaro prince regent Charles aho uwo muntu ahamara iminsi 14, iyo naho ari umushinywa baca bamujana ku bitaro vyo kumpanda aho hateguwe nahone ikibanza begeranirizwamwo.Thaddée Ndikumana yabandanije amenyesha ko naho iyo ndwara atamuti ifise, igihe uwo biketse amenetse umutwe afise, ubushuhe canke afise ingorane mu bihimba vyihemero baraba baramuha umuti. Muri Afrika ahantu bashobora gupima iyo ndwara ni mu gihugu ca Afrika yepfo gusa, hari uwo biketse mu bushikiranganji bw’amagara y’abantu hari abahinga banonosoye kurwanya ibiza boba bashikanye ibipimo muri iyo minsi 14. Umushikiranganji w’amagara y’abantu yasozeye ico kiganiro amenyesha ko mu Burundi iyo ndwara bizera ko itazohagera kuko ibihugu vyose  vyayiviriye hasi, kuko ata ndege ihari iza mu burundi ataho iciye bazobanza bamurabe kuko na Ebola barashoboye kuyirwanya ntiyashika mu Burundi kandi yari hafi y’Uburundi. Aratumirira abarundi kugira isuku, kw’irinda  kwasamurira ku muntu muri kumwe. Abarundi nabo bafata ingendo mu gihugu c’ubushinwa kumvo zitandukanye barasabwa guca mu bushikiranganji bw’amagara y’abantu kugira babatekerere impanuro, kugira iyo ndwara ntitosekaze imigenderanire uburundi bufitaniye n’igihugu c’ubushinywa nkuko Ishirahamwe mpuzamakungu ijejwe amagara y’abantu kw’isi yabisavye ko atawokugara imbibe.

Anitha Bizimana

 

Umusaserdoti Simon Ruragaragaza yaranzwe n’urukundo mu buzima bwiwe bwose

Baca umugani mu gifaransa ngo umuntu ashengera nk’uko yabayeho (on meurt comme on a vécu). Vyarigaragaje ku munsi wa kane,  igenekerezo rya 30 Nzero 2020, umunsi umwepiskopi mukuru Gervais Banshimiyubusa, abepiskopi b’inararibonye Evariste Ngoyagoye na Stanislas Kaburungu, abasaserdoti barenga 150, ababikira, abafurera, abakristu bitangiye Umukama eka n’abandi bakristu, abato n’abakuze bari bazindukanye urubanza rwo gushingurana iteka Nyakwigendera umusaserdoti w’Umukama, patiri Simon Ruragaragaza.Baca umugani mu gifaransa ngo umuntu ashengera nk’uko yabayeho (on meurt comme on a vécu). Vyarigaragaje ku munsi wa kane,  igenekerezo rya 30 Nzero 2020, umunsi umwepiskopi mukuru Gervais Banshimiyubusa, abepiskopi b’inararibonye Evariste Ngoyagoye na Stanislas Kaburungu, abasaserdoti barenga 150, ababikira, abafurera, abakristu bitangiye Umukama eka n’abandi bakristu, abato n’abakuze bari bazindukanye urubanza rwo gushingurana iteka Nyakwigendera umusaserdoti w’Umukama, patiri Simon Ruragaragaza.Yishimikije ibisomwa vyateguwe kuri urwo rubanza, nyenicubahiro Gervais Banshimiyubusa, umwepiskopi mukuru wa diyoseze nkuru ya Bujumbura, yaribukije igihugu c’Imana ko ubuzima bwacu butigera buhera ahubwo buhinduka gusa.Aca amenyesha ko uwuvuye muri ubu buzima bwo kwisi aba ajabutse ikiyaga, akize ibiteye ubwoba n’ibibabaza. Musenyeri Banshimiyubusa yavuze ati : « Uwama yizigitirira ku vy’isi namenye ko azoyivako ». Aca yibutsa ko uburyo bwo gushikira ijuru rishasha rizira umubabaro, ari ukwakira umubiri wa Kristu yapfuye akazuka agashikira ubuzima budapfa.Icegera ca musenyeri mukuru, Anatole Ruberinyange nawe, yamenyesheje abari aho, bimwe mu vyaranze Ubuzima bw’umuhisi patiri Simon Ruragaragaza.Yashimikiye ku bintu bitatu. Ngo patiri Ruragaragaza yarakunda ubutumwa. Ivyo bigaragarira ku kugene yabwitangira mu gihe yari akiri muto no mugihe mbere imyaka yariko iraba myishi. Iyo ubutumwa bubabanye bwinshi ngo yaca avuga ati : « ntimugire ubwoba niho ndi ». No mu gihe amagara amukitse ngo ntiyahengeshanije gukora ubwo butumwa.Icakabiri caranze uyo muhisi yarakunda abarwaye n’abakene. Umwikozeko arwaye canke akomeye, ku murango canke mw’ijoro yaratabara abarwaye. Ngo yari yaratahuye kandi ko ico ukuryo gutanze ukubamfu kutokimenya.Ica gatatu umuhisi Simon Ruragaragaza yarakunda abantu. Ivyo vyaribonekeje aho yagiye ararangurira ubutumwa hose. Ngo ivyo yakora vyose yabikoranye akanyamuneza.Umuhisi Simon Ruragaragaza yitavye Imana igenekerezo rya 24 Nzero, isaha zine n’igice mu 2020.Mu mpapuro z’umutsindo nyinshi uyo muhisi yari afise harimwo urwo kumenyesha amakuru yaronse 1968.Simon Ruragaragaza yavukiye ku musozi Zinaryakunze, paruwase Bukeye, diyoseze ya Bujumbura, ukwezi kwa Kigarama 1937. Yibarutswe na François Ruragaragaza na Marcelline Buzuguye. Yatiwe mw’ibanga ry’ubusaserdoti igenekerezo rya 23 Kigarama  mu 1963 i Roma.Yaronse impapuro z’umutsindo mu vyigwa ndoramana (1960-1963), mu vyigwa mbagarabwenge n’indome, hamwe no  mu vyo kumenyesha amakuru (1963- 1968). Simon Ruragaragaza yaranguye ubutumwa butandukanye mu gutwara amaseminari nkuru na ntoyi, araja mu rwego nshingwantwaro rwakaminuza y’Uburundi, aratwara amaparuwase atandukanye harimwo Ngagara  na St Michel, arashingwa gushingura amabanga ku kirimba c’umwepiskopi mukuru(Chancelier) n’ibindi.Imana imwakire mu bwami bwayo.

Yolande Nintunze

 
Ouvrir