Publications de Presse Burundaise, Rohero I Avenue de la JRR N°17 Immeuble le SAVONNIER, Téléphone standard : (257) 22 22 62 32, Fax :(257) 22 22 58 94, email: pressequotidienne@yahoo.fr

Ibihugu vy’Ubushinwa n’Uburundi vyiyemeje gutsimbataza imigenderanire ihasanzwe

deniIbihugu vy’Ubushinwa n’Uburundi vyariyemeje gukomeza imigenderanire iri hagati yavyo. Ivyo bikaba vyavugiwe mu mubonano Umukuru w’igihugu   Petero NKURUNZIZA yahaye intumwa z’igihugu c’Ubushinwa zari zirongowe n’icegera c’umushikiranganji  ajejwe imigenderanire n’ugufashanya hagati y’ico gihugu  n’ayandi makungu Chen Xiaodong. Hari kw’igenekerezo rya 9 Kigarama 2017.Ibihugu vy’Ubushinwa n’Uburundi vyariyemeje gukomeza imigenderanire iri hagati yavyo. Ivyo bikaba vyavugiwe mu mubonano Umukuru w’igihugu   Petero NKURUNZIZA yahaye intumwa z’igihugu c’Ubushinwa zari zirongowe n’icegera c’umushikiranganji  ajejwe imigenderanire n’ugufashanya hagati y’ico gihugu  n’ayandi makungu Chen Xiaodong. Hari kw’igenekerezo rya 9 Kigarama 2017.

Nk’uko Umuvugizi w’Umukuru w’igihugu, Jean Claude Karerwa yabimenyesheje inyuma y’uwo mubonano, ngo izo ntumwa zari zaje kugaragaza ko ibihugu vy’Uburundi n’Ubushinwa bifitaniye imigenderanire idasanzwe, kandi ari no muri iyo ntumbero bari baje gutsimbataza iyo migenderanire iri hagati yivyo bihugu. Ikindi yamenyesheje ngo ni uko bari bamuzaniye n’indamutso ya mugenziwe Xi Jiping w’igihugu c’Ubushinwa , aho yamuramukije,  akaramutsa abarundi bose abipfuriza iminsi mikuru yo kurangiza uwu mwaka n’iyo gutangura umwaka mushasha wimirije w’2018. Yamenyesheje kandi ko mu kugaragaza ubwo bucuti budasanzwe,  intumwa zaje  zizaniye ubutumwa bwo kwifuriza isabukuru nziza Prezida NKURUNZIZA aho  azoba yibuka itariki yiwe y’amavuka kw’igenekerezo rya 18 Kigarama amuzaniye ubutumwa bwo kumukeza kuri iyo myaka Imana ibandanya imwongere kugira abandanye arongora Uburundi.

Ngo mu biganiro vyaranze uwo mubonano, abaserukiye igihugu c’Ubushinwa barashimye cane ingene igihugu cabo n’Uburundi bifitaniye imigenderanire idasanzwe bakemeza kubandanya bayitsimbataza. Ngo ni muri iyo ntumbero bemeye ko guhera mu mwaka utangura, mu vyerekeye ugufashanya bagiye kuzokwongereza  imiriyoni ijana z’amahera y’abashinwa « youan » ku mafaranga bahora bafashisha Uburundi kandi ko bazobandanya babufasha mu bijanye no gufata mu mugongo abanyeshure b’abarundi bazoba bifuza kuja kwiga mu gihugu c’Ubushinwa bakongera bagafasha n’abakozi ba Reta y’Uburundi gukarisha  ubwenge mu gihugu c’Ubushinwa. Prezida NKURUNZIZA ngo yarashimye cane  indamutso ya mugenziwe w’igihugu c’Ubushinwa yongera aranayisubiza aranamushimira kuba amwifurije isabukuru  y’amavuka,  ngo nawe nyene arabemerera ko igihugu c’Uburundi kizobandanya gikomeza imigenderanire, atako aranababwira ko atagihugu na kimwe kw’isi gifitaniye imigenderanire myiza n’Uburundi nk’Ubushinwa. Umukuru w’igihugu kandi ngo yaribukije ko ashima ukuntu igihugu c’Ubushinwa camye hafi Uburundi kuva na kera na rindi, ko no mu bihe bigoye igihugu c’Uburundi cagiye kiracamwo Ubushinwa butigeze bukivirira. Iyo ntumwa rero ngo yaremeye ko igihugu ciwe kizobandanya gishigikira Uburundi haba mu nama mpuzamakungu ONU canke mu nama ijejwe agateka ka zina muntu, kuko ngo bobo bagendera bakabaza ivyerekeye Uburundi  ngo bakaba bazi ko ari igihugu cubahiriza agateka ka zina muntu, ivyo navyo ngo  bigatuma batazokwemera ko hari igihugu na kimwe co kw’isi corenganya Uburundi babona ngo bahore. Ngo baravuganye ko igihugu c’Ubushinwa cipfuza ko inama nkuru ya ONU ijejwe amahoro n’umutekano yosubirwamwo Afrika ikagira ijambo n’ikibanza, bagasaba ko Reta y’Uburundi yoshigikira ikagenda ivuga rumwe mu bijanye no gusubiramwo iyo nama ya ONU ijejwe amahoro n’umutekano, Prezida NKURUNZIZA akaba ngo yaciye abibemerera. Yaheraheje amenyesha ko bose barangije ibiganiro bashima imigenderanire myiza ihari, Prezida NKURUNZIZA aranamenyesha izo ntumwa yuko igihugu c’Uburundi gikesha vyinshi igihugu c’Ubushinwa harimwo n’ivyerekeye urugamba rwo kwibohora intwaro zagacinyizo n’agahotoro.Ngo Prezida NKURUNZIZA yaramenyesheje ko igihe abarundi bariko bararurwana mu myaka iheze bavuga yuko bisunze ivyiyumviro bikomakomeye vy’umushinwa yitwa  Mao Tsétung, kandi ko bitunganywa rusangi bikorwa mu Burundi ku munsi wa gatandatu vyisunga ibikorwa abashinwa bakoze.

Evelyne Niyonzima

 

 

Abarundi bahamagariwe guterera amatora y’2020 n’umutima mwiza atagahato

 

barandaUmurundi wese ku rugero rwiwe, ahamagariwe kwitaba igikorwa co  guterera amatora yo  mu mwaka w’ 2020 atagahato kandi n’umutima mwiza n’ugushaka.Ivyo vyamenyeshejwe n’umushikiranganji w’intwaro yo hagati mu gihugu  Pascal Barandagiye mu kiganiro yahaye abamenyeshamakuru  kw’igenekerezo rya 11 Kigarama 2017 mu gihe yariko ashikiriza itegeko nshikiranganji rishinga uko abarundi bose bagiye guterera amatora yo mu 2020 guhera mu kwezi kwa Nzero 2018. Yaramenyesheje  ukuntu umurundi wese azoterera bivanye n’umurwi arimwo kuva ku mwirimizi gushika kubo mu nzego zo hejuru mu gihugu.Yaratanze umuco amenyesha ko urugo,inzu izotanga amafaranga 2000 umwirimizi azotanga amafaranga 2000  ku mwaka,abana ariko bageze mu myaka yo gutora bazotanga 1000 ku mwaka.Abakozi ba Reta nabo bazotanga hisunzwe amahera bahembwa.Ni ukuvuga ku bahembwa kugera ku 50000 bazoterera 500,abahembwa hagati y’50.001 n’100.000 bazoterera 1000 ;abahembwa hagati ya 100.001 na 200.000 bazoterera 2000 ; abahembwa hagati ya 200.001 na 500.000 bazoterera 30.000 ;abahembwa ayarenga 1.000.000 bazoterera umushahara wose w’ukwezi ku mwaka. Ayo mahera rero ategekanijwe ku bakozi ba Reta azokatwa ku mushahara mu kiringo c’imyaka ibiri uhereye mu kwezi kwa Nzero. Yaramenyesheje abarundi ko umuntu adategerezwa gutanga ayo bashikirije arashobora kurenza bivanye n’akarangamutima kiwe no gukunda igihugu.

Hejuru y’ivyo uwuzoba atanze ayo mahera yo guterera azoronswa agapapuro kanditseko AMATORA MEZA 2020 Kanditseko n’amahera azoba yaterereye.Amahera yose azoba yatanzwe azoshigwa kw’ikonti inomero 1110/267 y’uguruwe muri banki nkuru y’Igihugu BRB.  Kugira bakore mu runani,abashikiranganji bose bahamagariwe  guhimiriza bakongera bagakurikirana ivyo bikorwa vyo guterera amatora mu bisata bajejwe. Pascal Barandagiye yarangije amenyesha abarundi ko  nawenyene ako kamo yakitavye mu guterera amahera 2.000.000Umurundi wese ku rugero rwiwe, ahamagariwe kwitaba igikorwa co  guterera amatora yo  mu mwaka w’ 2020 atagahato kandi n’umutima mwiza n’ugushaka.Ivyo vyamenyeshejwe n’umushikiranganji w’intwaro yo hagati mu gihugu  Pascal Barandagiye mu kiganiro yahaye abamenyeshamakuru  kw’igenekerezo rya 11 Kigarama 2017 mu gihe yariko ashikiriza itegeko nshikiranganji rishinga uko abarundi bose bagiye guterera amatora yo mu 2020 guhera mu kwezi kwa Nzero 2018. Yaramenyesheje  ukuntu umurundi wese azoterera bivanye n’umurwi arimwo kuva ku mwirimizi gushika kubo mu nzego zo hejuru mu gihugu.Yaratanze umuco amenyesha ko urugo,inzu izotanga amafaranga 2000 umwirimizi azotanga amafaranga 2000  ku mwaka,abana ariko bageze mu myaka yo gutora bazotanga 1000 ku mwaka.Abakozi ba Reta nabo bazotanga hisunzwe amahera bahembwa.Ni ukuvuga ku bahembwa kugera ku 50000 bazoterera 500,abahembwa hagati y’50.001 n’100.000 bazoterera 1000 ;abahembwa hagati ya 100.001 na 200.000 bazoterera 2000 ; abahembwa hagati ya 200.001 na 500.000 bazoterera 30.000 ;abahembwa ayarenga 1.000.000 bazoterera umushahara wose w’ukwezi ku mwaka. Ayo mahera rero ategekanijwe ku bakozi ba Reta azokatwa ku mushahara mu kiringo c’imyaka ibiri uhereye mu kwezi kwa Nzero. Yaramenyesheje abarundi ko umuntu adategerezwa gutanga ayo bashikirije arashobora kurenza bivanye n’akarangamutima kiwe no gukunda igihugu. Hejuru y’ivyo uwuzoba atanze ayo mahera yo guterera azoronswa agapapuro kanditseko AMATORA MEZA 2020 Kanditseko n’amahera azoba yaterereye.Amahera yose azoba yatanzwe azoshigwa kw’ikonti inomero 1110/267 y’uguruwe muri banki nkuru y’Igihugu BRB.  Kugira bakore mu runani,abashikiranganji bose bahamagariwe  guhimiriza bakongera bagakurikirana ivyo bikorwa vyo guterera amatora mu bisata bajejwe. Pascal Barandagiye yarangije amenyesha abarundi ko  nawenyene ako kamo yakitavye mu guterera amahera 2.000.000.

Josélyne Ndayegamiye
                                                                               

 

Amashirahamwe yegamiye Reta ngo ategerezwa gukurikiranwa kugira ubutunzi bwayo bwisununure

butooooMu ntumbero yakurabira hamwe aho bageze mw’iterambere, bongere bategurire hamwe umwiherero, Icegera ca kabiri c’Umukuru w’igihugu, Joseph Butore yarakoranije abarongoye amashirahamwe yegukira  Reta, nayo  Reta ifisemwo imitahe kw’igenekerezo rya 13 kigarama 2017. Mu ntumbero yakurabira hamwe aho bageze mw’iterambere, bongere bategurire hamwe umwiherero, Icegera ca kabiri c’Umukuru w’igihugu, Joseph Butore yarakoranije abarongoye amashirahamwe yegukira  Reta, nayo  Reta ifisemwo imitahe kw’igenekerezo rya 13 kigarama 2017. Joseph Butore mwijambo ryiwe yabanje kumenyesha ko iyo nama yatunganijwe mu ntumbero yo gutegura umwiherero w’abarongoye amashirahamwe yegukira Reta n’ayo Reta ifisemwo imitahe, kugira bategure ibizobafasha muri uwo mwiherero.

Yabandanije amenyesha ko ubutunzi bw’ayo mashirahamwe butifashe neza, ko rero  ari umwanya wo kugira barabire hamwe icokorwa kugira ubutunzi bwayo bw’isununure. Joseph Butore yarongeye avuga ko ayo mashirahamwe atagitanga  inyungu mu kigega ca Reta kandi iba yarashizemwo umutahe. Ku vyerekeye ugutanga inyungu y’amahera muri Reta basanze hari agahaze, rero ngo birakenewe ko boraba intambanyi zihari kugira bazikureho kugira bashobore gukora bunguka. Icegera ca kabiri c’Umukuru w’igihugu yaciye asaba abarongoye ayo mashirahamwe ko bofata ingingo zotuma atera imbere, mu kuraba icokorwa cihuta kugira bashike kw’ihangiro bihaye. Inyuma y’iryo jambo, haciye hashikirizwa ivyigwa vyakozwe kuri ayo mashirahamwe, icigwa ca mbere berekaye ivyerekeye amategeko agenga ayo mashirahamwe, aho habonetse neza ko amategeko ameze neza haba ibisabwa kugira abeho canke akore, ariko ngo ivyo vyonyene ntibikwiye ngo birakenewe ko hajamwo inguvu mu kuyashira mu ngiro. Icigwa ca kabiri, cari ico kwerekana ivyerekeye ubutunzi n’uko ayo mashirahamwe yifashe, bakaba basanze ayo mashirahamwe akora ata nyungu, ko kandi menshi muri ayo mashirahamwe adatanga inyungu muri Reta, aho mu 2016 basanze ku mashirahamwe 30 hatanze inyungu muri Reta amashirahamwe 6 yonyene. Iyindi ngorane ihari ngo ni uko ayo mashirahamwe  afise amadeni, kandi akaguma abandanya afata ayandi. Kugira rero ngo batore inyishu y’izo ngorane ngo botunganya neza amashirahamwe bagashiramwo inguvu mu gutunganya ubutunzi bw’amashirahamwe barongoye. Joseph Butore yasozereye amenyesha ko amashirahamwe yose atanganya ingorane, ko basanze hariho ayamaze kwisununura mu butunzi umuntu  agereranije n’aho yahora mu myaka iheze, ngo rero hakenewe ko ishirahamwe ryose ryokorerwa ivyigwa vyerekana ingorane zirihenze uko zimeze,ikizitera n’inyishu yotorerwas ingorane imwe imwe ukwayo. Ico ngo nico gikuru bashitseko muri iyo nama, bakaba kandi bagiye gutororokanya ibiharuro vyerekana uko amashirahamwe ya Reta n’ayo ifisemwo  imitahe ameze kugira ivyo vyigwa bize bishobore gutorera inyishu ibibazo bizoba vyabonetse.                                                                                                                                                  Anitha Bizimana (Yimenyereza)                             

 

 

Haratunganijwe ihiganwa ry’amakinga rya mbere ryahuje ibihugu bigize umuryango wa EAC

DcdzSC 0184Kw’igenekerezo rya 11 Kigarama 2017   haratunganijwe ihiganwa ry’amakinga ryahuje ibihugu bigize umuryango wa Afrika y’ubuseruko (EAC). Umukuru w’igihugu Petero NKURUNZIZA akaba yarateye iteka iteka ibirori vyo kuritanguza vyabereye mu ntara ya Ngozi yongera arifatanya n’ibaryitavye ari kw’ikinga nawe nyene.Iryo higanwa rikaba ryateguwe n’ishirahamwe ryitwa « Afrika Machariki ».Kw’igenekerezo rya 11 Kigarama 2017   haratunganijwe ihiganwa ry’amakinga ryahuje ibihugu bigize umuryango wa Afrika y’ubuseruko (EAC). Umukuru w’igihugu Petero NKURUNZIZA akaba yarateye iteka iteka ibirori vyo kuritanguza vyabereye mu ntara ya Ngozi yongera arifatanya n’ibaryitavye ari kw’ikinga nawe nyene.Iryo higanwa rikaba ryateguwe n’ishirahamwe ryitwa « Afrika Machariki ». Prezida NKURUNZIZA yararonse n’akaryo ko gushikiriza ijambo abari ngaho i Ngozi, aho yamenyesheje ko yashimye ingene ibihugu bigize umuryango wa Afrika y’ubuseruko vyiyumviriye kuja hamwe bigahiganwa  ku makinga kandi rikongera rikabera mu Burundi. Ngo ivyo vyose vyerekana ko mu gihugu c’Uburundi hariho amahoro n’umutekano.

Adolphe Rukenkanya yahoze ari umushikiranganaji w’urwaruka ,inkino n’imico akongera akaba yarigeze kuba aja mu mahiganwa y’amakinga, n’uwo munsi akaba yari muri iryo higanwa ry’amakinga, yamenyesheje ko ibihugu bigize umuryango wa EAC vyaryitavye kiretse ibihugu vy’Urwanda na Sudani y’Epfo. Yavuze kandi ko intumbero y’iryo higanwa kwari uguhuza abenegihugu bo mu muryango wa EAC bose babicishije mu nkino. Ngo hariho n’ibindi batunganije ariko mu mwaka w’2017 bashimye kugira ihiganwa ry’amakinga bitiriye « kunyongera ikinga amahoro ». Ngo barashaka kandi no guteza imbere ivy’ingenzi mu gihugu c’Uburundi , ibidukikije n’ibindi. Yarongeye avuga ko baciye batera ibiti bitandatu mu ntara ya Ngozi bingana n’ibihugu bigize uwo muryango. Yarongeye aramenyesha ko iryo higanwa ribaye irya mbere ryategekanije ko abahiganwa bazoca mu ntara zitanu. Yaravuze kandi ko akamaro k’iryo higanwa  kwari  uguhuza abenegihugu bo mu muryango wa EAC , urwaruka rukabona ko Uburundi buriko buragenderwa. Uwurongoye iryo shirahamwe rya « Afrika Machariki » akaba yashikirije umudari w’iteka Umukuru w’igihugu Prezida NKURUNZIZA.Mu nyuma yaho, Umukuru w’igihugu  yagirishe inama abaciye mw’ihure ry’abanonotsi « IEPS ». Ivyayivugiwemwo bikaba vyashikirijwe n’icegera c’umuvugizi w’umukuru w’igihugu, Alain Diomède Nzeyimana  aho yamenyesheje ko baganiriye ivyerekeye umwuga wo kunonora imitsi. Ngo ico gisata kikaba gikomeye kandi kiri no mu bisata biri muri kaminuza y’Uburundi. Ngo Prezida NKURUNZIZA yaramenyesheje ko ico gisata bogifata neza kuko gifasha mu kubangabunga amagara y’abantu. Yarongeye aravuga ko yama aganira n’abakora mu bisata bitandukanye rero ngo akaba yashimye kuganira n’abajejwe ico gisata. Ngo yaciye abasaba ko uwo mwuga wo kunonora imitsi bowutsimbataza bakamera nka Rwagasore yashize abarundi hamwe hanyuma intahe yo kwikukira ikaboneka.                                                           

 Thérèse Niyonkuru

 

 

Mu Nama Nshingamateka na Nkenguzamateka Integuro y’ibwirizwa rigenga amafaranga Reta izokoresha mu mwaka w’2018 yaremejwe

DSvvfgC 0004Ku wa 13 Kigarama 2017, integuro y’ibwirizwa rigenga amafaranga Reta izokoresha mu mwaka w’2018 yarizwe irongera iratorwa n’Inama Nshingamateka y’Uburundi ku majwi 111 kw’111, ni ukuvuga abashingamateka 103 bari bahari hamwe n’8 bari batumye, ibikorwa bikaba vyari birongowe n’umukuru w’urwo rwego, Pascal Nyabenda. Uburyo Reta izokoresha mu mwaka w’2018 bukaba burenga gato imiriyaridi 1388 z’amafaranga y’amarundi (1.388.174.793.623), ugereranije n’ayakoreshejwe mu mwaka w’2017, yarenga gato imiriyaridi 1326 z’amafaranga y’amarundi (1.326.831.923.450), bwiyongereye ku rugero rw’ibice 4,6%, mu mwaka w’2018. Umushikiranganji w’ikigega ca Reta, Domitien Ndihokubwayo yari yaserukiye Reta kugira atange imvo n’imvano yatumye Reta irungika iyo nteguro y’ibwirizwa mu Nama Nshingamateka yarateye akamo abarundi ko kubandanya gutubika uwa vubi, kubera ko iyo nteguro itunganijwe mu bihe isi yose ihanzwe n’ibibazo vy’ubutunzi.Ku wa 13 Kigarama 2017, integuro y’ibwirizwa rigenga amafaranga Reta izokoresha mu mwaka w’2018 yarizwe irongera iratorwa n’Inama Nshingamateka y’Uburundi ku majwi 111 kw’111, ni ukuvuga abashingamateka 103 bari bahari hamwe n’8 bari batumye, ibikorwa bikaba vyari birongowe n’umukuru w’urwo rwego, Pascal Nyabenda.

Uburyo Reta izokoresha mu mwaka w’2018 bukaba burenga gato imiriyaridi 1388 z’amafaranga y’amarundi (1.388.174.793.623), ugereranije n’ayakoreshejwe mu mwaka w’2017, yarenga gato imiriyaridi 1326 z’amafaranga y’amarundi (1.326.831.923.450), bwiyongereye ku rugero rw’ibice 4,6%, mu mwaka w’2018. Umushikiranganji w’ikigega ca Reta, Domitien Ndihokubwayo yari yaserukiye Reta kugira atange imvo n’imvano yatumye Reta irungika iyo nteguro y’ibwirizwa mu Nama Nshingamateka yarateye akamo abarundi ko kubandanya gutubika uwa vubi, kubera ko iyo nteguro itunganijwe mu bihe isi yose ihanzwe n’ibibazo vy’ubutunzi. Nk’uko umushikiranganji Domitien Ndihokubwayo yabandanije abishikiriza, ngo muri rusangi ubutunzi kw’isi yose bushobora kuva ku bice 3,5% mu mpera z’umwaka w’2017 bukaduga gushika ku rugero rw’ibice 3,9%, mu mwaka w’2018. Mu Burundi, ngo iyo nteguro y’ibwirizwa rigenga amafaranga Reta izokoresha mu mwaka w’2018 yateguwe mu gihe ubutunzi buriko buraduga ugereranije n’imyaka y’2015 na 2016. Ndetse ngo mu mwaka w’2018, ubutunzi bw’Uburundi bugashobora kwiyongera ku rugero rw’ibice 3,9%. N’aho ubutunzi buriko buraduga, ngo ntiburashika ku biharuro vyiza, arico gituma yateye akamo abarundi ko kubandanya gutubika uwa vubi, amafaranga ya Reta agakoreshwa ibikenewe. Mu mwaka w’2018, ugereranije n’umwaka w’2017, ngo uburyo Reta izokoresha buzokwiyongerako imiriyaridi 71,3 z’amafaranga y’amarundi, ni ukuvuga ibice 6,2%. Amafaranga Reta ibona aho azova ni imiriyaridi 1224 zirenga gato (1.224.125.399.430), ayo itabona aho azova « déficit » ni imiriyaridi 164 z’amafaranga y’amarundi. Izo miriyaridi 71,3 ziyongereyeko ngo ni nkeya ugereranije n’imiriyaridi 518 zikenewe kugira imigambi yo mu bushikiranganji butandukanye irangurwe. Nico gituma atera akamo abo vyega gukoresha neza uburyo bazoronswa, na cane cane bagashira imbere ibikorwa bikenewe gusumba ibindi. Muri ayo mafaranga Reta izokoresha mu mwaka w’2018, ngo ibisata vy’umutekano, indero, amagara y’abantu, gutunganya ivy’ubutare n’agataka, amasoko ntanganguvu, uburimyi, n’ibindi. Mu yindi migambi yihuta, ngo Reta iripfuza ko igikorwa co gushinga ibanki y’urwaruka coja mu ngiro, aho yategekanije umuriyaridi w’amafaranga y’amarundi kugira ishigikire uwo mugambi. Mu gisata c’amabanki nyene, Reta y’Uburundi yarategekanije umutahe urenga gato imiriyaridi 3 zo kwinjira mw’ibanki AFRI-EXIM, iyo nayo ngo ni ibanki y’ubudandaji ishigikira ivyo guhanahana ibidandazwa no kugwiza ibihingurwa.


Harategekanijwe imiriyoni 900 zo kugabanya ubusumbasumbane bw’imishahara mu mashirahamwe ya Reta
Mu gisata c’imibano, muri ya poritike yo kugabanya ubusumbasumbane bw’imishahara mu bakozi ba Reta, harategekanijwe imiriyaridi 20 azofasha muri ico gikorwa gushika mu mwaka w’2019. Haruhande y’izo miriyaridi 20, ngo harategekanijwe kandi imiriyoni 900 azofasha kugira abakozi bakorera mu mashirahamwe ya Reta nabo nyene badugirizwe agashahara kuri abo bose bahembwa umushahara uri musi y’uw’abigisha. Mu gihe Reta yihaye intumbero yo gutororokanya amafaranga azokoreshwa mu matora yo mu mwaka w’2020, ngo mu mwaka w’2018, hazokwegeranywa uburyo bungana n’imiriyaridi 12,5 z’amafaranga y’amarundi.Mu bibazo vyabajijwe n’abashingamateka, barashatse kumenya igituma amafaranga atagekanijwe gutozwa  ku nzu zipangishijwe yagabanutse aho yavuye ku miriyaridi 5,3 mu mwaka w’2017, mu mwaka w’2018 hakaba hitezwe imiriyaridi 4,9. Kuri ico kibazo, umushikiranganji w’ikigega ca Reta yamenyesheje ko ayo mafaranga yadugijwe n’amahadabu yaciye n’abantu batatanga amakori ku nzu zipangishijwe. Vyongeye, abashingamateka barashatse kumenya igituma hagekanijwe amafaranga mu bijanye no guhinyanyura ibwirizwa nshingiro kandi umurwi ubijejwe waratanze icegeranyo, aho umushikiranganji yishuye avuga ko hazoba n’ibikorwa vyo kumenyesha abarundi ibigiye guhinduka muri iryo bwirizwa nshingiro. Mu gihe abarundi bugarijwe n’ubukene bagasabwa guterera amatora, abashingamateka barashatse kumenya amafaranga amaze kwegeranywa mu ntumbero yo gutegura amatora yo mu mwaka w’2020, mu mwaka w’2017, ngo hatororokanijwe imiriyaridi 6, mu mwaka w’2018, hakaba hitezwe imiriyaridi 12,5 z’amafaranga y’amarundi.

Umushikiranganji w’ikigega ca Reta akamenyesha ko ata nkeka ko mu mwaka w’2020, uburyo bukenewe bwose buzoba bwegeranijwe. Kuri ivyo vyo kunganisha imishahara ku bakozi bakorera mu mashirahamwe ya Reta, umukuru w’Inama  Nshingamateka, Pascal Nyabenda akaba yasavye ko bonyarutsa kugira abo bakozi nabo mu mpera z’ukwezi kwa Nzero 2018 baze baronswe iyo mishahara inganishijwe n’iy’abagenzi babo bo mu gisata c’indero. Mu gisata c’ubutare mu mwaka w’2018, ngo kizokwinjiza imiriyaridi zirenga 7 z’amafaranga y’amarundi (7.557.560.000), aho ni mu gihe abashingamateka bibaza ko ico gisata coza kuduza ubutunzi bw’igihugu, gutyo n’amafaranga akenewe yo guteza imbere igihugu akaboneka bitagoranye.Tubamenyeshe ko mu mwaka w’2018, ibidandazwa bigizwe n’ibinyobwa, isukari, itabi n’ibindi amatagisi azokwiyongera. Mu ntumbero yo kugabanya ubunyonyezi bukorwa biciye mu kuronswa uturusho, ngo uwuzoba ashaka kurangura umugambi asaba uturusho, azotanga ingwati y’ibice 30% vy’amafaranga akenewe mw’irangurwa ry’uwo mugambi. Abakenguzamateka baremeje nabo nyene integuro y’amafaranga Reta izokoresha mu 2018  Kw’igenekerezo rya 15 Kigarama 2017, umushikiranganji Domitein Ndikubwayo yarashikirije Inama Nkenguzamateka nayo nyene iyo nteguro y’ibwirizwa rigenga amafaranga Reta izokoresha mu 2018, hanyuma abakenguzamateka bamaze kuyica iyra n’ino barahejeje barayemeza ijana kw’ijana.
Déo Misigarona 

Aline  Kanyana                                                                                                          

 

 

Uburundi ngo bufise amashamba cimeza n’ibitara vy’ibiti ku buringanire bw’amahegitari 467 697

DScuuuC 0006Amashamba cimeza n’ibitara vy’ibiti mu Burundi ngo bifise uburinganire bw’amahegitari 467 697, ni ukuvuga ibice 17% vy’uburinganire bw’igihugu cose. N’aho amashamba cimeza n’ibitara vy’ibiti bifise ubwo buringanire, ngo amashamba yaratitutse kubera imiriro ya Nyakanga no kubica bitarera haronderwa inkwi zo gucana canke ibibanza vyo kurimamwo no kwubaka. Ivyo ni ivyashikirijwe n’umushikiranganji w’amazi, ibidukikije, gutunganya amatongo n’ibisagara, Célestin Ndayizeye, ku muhingamo wo ku wa 14 Kigarama 2017, aho yariko ashikiriza itangazo mu gihe Uburundi bwariko bwitegurira guhimbaza umusi wahariwe igiti.Amashamba cimeza n’ibitara vy’ibiti mu Burundi ngo bifise uburinganire bw’amahegitari 467 697, ni ukuvuga ibice 17% vy’uburinganire bw’igihugu cose. N’aho amashamba cimeza n’ibitara vy’ibiti bifise ubwo buringanire, ngo amashamba yaratitutse kubera imiriro ya Nyakanga no kubica bitarera haronderwa inkwi zo gucana canke ibibanza vyo kurimamwo no kwubaka.

Ivyo ni ivyashikirijwe n’umushikiranganji w’amazi, ibidukikije, gutunganya amatongo n’ibisagara, Célestin Ndayizeye, ku muhingamo wo ku wa 14 Kigarama 2017, aho yariko ashikiriza itangazo mu gihe Uburundi bwariko bwitegurira guhimbaza umusi wahariwe igiti.Nk’uko Célestin Ndayizeye yabandanije abishikiriza, ngo ibiti n’ibinyabuzima biduha uturusho twinshi ataco turishe. Muri utwo turusho, ngo amashamba cimeza n’ibiti biraduha impwemu duhema, ibifungurwa, imiti n’amafaranga. Vyongeye, ngo ibidukikije bigizwe n’amashamba cimeza n’ibiti birakingira isi ndimwa, bikaba indaro y’ibikoko bikongera bikagabanura imyuka mibi iri mu kirere. Kubera utwo tumaro dutandukanye, ngo kuva mu mwaka w’1979, mu Burundi ngo umusi wahariwe igiti wama uhimbazwa uko umwaka utashe kandi n’imivyaro y’ibiti iraterwa ku mwaka ku mwaka.N’aho hariho akigoro kanini ko gutera ibiti kandi tuzi n’akamaro kavyo, guca ibiti bitarera canke mu kurima aho vyahora, ngo bituma igitigiri c’amashama dufise kigabanuka. Muri iryo tangazo, umushikiranganji w’ibidukikije, Célestin Ndayizeye yaboneyeho akaryo ko gusaba umurundi wese ko yogira ico aterereye mu kubangira guca ibiti bitarera canke no kurima aho ibiti n’amashamba cimeza vyahora. Bisubiye, ngo Uburundi buherutse gutera umukono ku masezerano y’i Paris, ayo masezerano ajanye no kurwanya ihindagurika ry’ibihe. Mu gushira mu ngiro ayo masezerano, ngo Uburundi bwiyemeje kugabanura imyuka mibi ku bice 23%, uhereye mu mwaka w’2016 gushika mu mwaka w’2030. Kuri  ivyo, ngo Reta y’Uburundi izogira akigoro, mu gutera uko umwaka utashe amahegitari 4000 hakoreshejwe uburyo bw’igihugu n’amahegitari 8000, uko umwaka utashe babifashijwemwo n’abasanzwe badushigikira. Kabaye akaryo ko gutera akamo amashirahamwe yose n’abasanzwe badufata mu mugongo ko bogira umugambi wo gutera ibiti uwabo, ivyo ngo vyofasha kugira bagabanye ivyuka bibi mu kirere bituma ubushuhe buguma bwiyongera.Vyongeye, ngo ishirwa mu ngiro ry’uwo mugambi, ngo rizobonekera mu bikorwa vyo gutera ibiti no kubikingira imiriro ya Nyakanga.

Ikindi ngo bofasha kugira ibitara vy’ibiti nticibwe hataragera ndetse abanyagihugu birinde kuharangurira iyindi mirimo. Eka ngo bofasha kandi gutunganya neza amashamba kugira afashe ab’ubu n’abazokwaruka mu myaka iza. Muri uwu mwaka, ibikorwa bitegekanijwe ni ugutera imivyaro y’ibiti ku mitumba canke mu ndimo kugira ikingirwe inkukura n’amasoko y’amazi. Mu bindi bikorwa biri ku rutonde, ngo hazoba igikorwa co gutera ibiti canke imigano ku mabarabara no ku nkengera z’inzuzi zica mu gisagara ca Bujumbura. Mu ntumbero yo gukingira amashamba, umushikiranganji w’ibidukikije atera akamo abarundi kwijukira gukoresha ayandi masoko ntanganguvu yisubiriza ( ayaturutse ku muyaga, izuba, n’ibindi), hamwe n’imbabura zikoresha ibiti bike canke amakara make. Haruhande y’ivyo, atera akamo abarundi kwijukira kuba mu bigwati kugira hagabanuke inyenyagurwa ry’amatongo.

Déo Misigaro
                                                                                         

 

 
Ouvrir