Publications de Presse Burundaise, Rohero I Avenue de la JRR N°17 Immeuble le SAVONNIER, Téléphone standard : (257) 22 22 62 32, Fax :(257) 22 22 58 94, email: pressequotidienne@yahoo.fr

Uburundi burafise ibikoresho vyo gupima indwara ya Coronavirus

denizaaaaaUburundi bwariteguye gukingira abenegihugu kugirango ikiza ca Coronavirus ntigishike mu gihugu. Ivyo vyashikirijwe  kw’igenekerezo rya 27 Ntwarante 2020 n’umushikiranganji w’amagara y’abantu Thadée Ndikumana igihe yariko aragendera ahari ibikoresho vyo gupima ico kiza mu kigo c’ishure ryigisha ivy’ubuvuzi “INSP», ibitaro vyitiriwe umuganwa Rudoviko Rwagasore ahategekanijwe kwakira abatowe iyo ndwara butandukanye ko bahashize ibikoresho vyo gukaraba.Umushikiranganji w’amagara y’abantu Thadee Ndikumana akaba yamenyesheje ko bafise ibikoresho vyo gupima indwara ya coronavirus, bafise kandi n’abahinga babikoresha. Ngo mu kigo c’ishure ryigisha ivy’ubuvuzi INSP hariho abaganga bagiye kuvyiga mu bihugu vya Kenya hamwe na Afrika y’Epfo bashika kuri 2. 

Ikindi naco n’uko ngo barafise abahinga bashika kuri 10 bakurikirana iyo ndwara. Barafise imashini zishika kuri 6, bagakora ibipimo birenga 300 ku munsi. Thadée Ndikumana yarashimiye Reta y’Uburundi  yashizeho uburyo kugira bashobore gukingira abenegihugu. Yaravuze ko abo biketse bashika kuri babiri babapimye bagasanga ntibarwaye coronavirus.Yaravuze ko abo biketse ko boba bayifise baca babapima kuko hariho n’abarwayi bari mu bitaro “Kira Hospital” boba biketswe, ngo ico gihe bakaba bariko barabapima. Ngo mu Burundi baramaze kwitunganya  ku mipaka ihari ishika 22 hamwe no mu bitaro  hose hakaba hariko abaganga bakurikirana ibijanye n’iyo ndwara. Yarongeye aramenyesha ko hari ibibanza bitatu vyo kwakiriramwo abo bosanga barwaye , naho hakaba ari : Kumudubugu muri komine Gihanga, intara ya Bubanza, ibitaro vy’abasirikare mu Kamenge hamwe n’ibitaro vyitiriwe umuganwa Rudoviko Rwagasore i Bujumbura. Yarongeye aramenyesheje ko hariho imodoka zagenewe gutwara abantu bazoba bafashwe n’iyo ndwara zishika kuri 19, kandi harimwo n’izirimwo ibikoresho bifasha abarwaye guhema. Yariyamirije abantu bose bakwiragiza ibihuha babicisha ku buhinga ngurukabumenyi bavuga ko hariho abamaze kuboneka barwaye kuko ari inkuru z’ibinyoma. 
Thérèse Niyonkuru

 

Abazohiganirwa ikibanza c’Umukuru w’igihugu mu 2020 Mwari mubazi?

Mu kinyamakuru UBUMWE inomero 2052 co ku wa 23 Ntwarante 2020 twaratanguye kubashikiriza umwidondoro n’ibiranga abakwije ibisabwa n’umurwi CENI kugira bazohiganirwe ikibanza c’Umukuru w’igihugu,tukaba twahereye kuri Major Evariste Ndayishimiye yashizwe imbere n’umugambwe CNDD-FDD na Gaston Sindimwo yashizwe imbere n’umugambwe UPRONA. Muri iyi nomero 2053 yo ku wa 30 Ntwarante 2020, turamutse tubashikiriza umwidondoro wa Agathon Rwasa yashizwe imbere n’umugambwe CNL n’umwidondoro wa Francis Rohero yigenga. Mu kinyamakuru UBUMWE inomero 2052 co ku wa 23 Ntwarante 2020 twaratanguye kubashikiriza umwidondoro n’ibiranga abakwije ibisabwa n’umurwi CENI kugira bazohiganirwe ikibanza c’Umukuru w’igihugu,tukaba twahereye kuri Major Evariste Ndayishimiye yashizwe imbere n’umugambwe CNDD-FDD na Gaston Sindimwo yashizwe imbere n’umugambwe UPRONA. Muri iyi nomero 2053 yo ku wa 30 Ntwarante 2020, turamutse tubashikiriza umwidondoro wa Agathon Rwasa yashizwe imbere n’umugambwe CNL n’umwidondoro wa Francis Rohero yigenga. 

Agathon Rwasa (CNL)
Agathon Rwasa azohihiganirwa ikibanza c’Umukuru w’igihugu mu matora yo ku wa 20 Rusama 2020 yizewe n’umugambwe CNL. Agathon Rwasa yavutse ku wa 10 Nzero 1964 i Ciri muri komine kiremba, intara ya Ngozi. Yubakanye n’umupfasoni Haberisoni Annonciate. Ni umurundi, akaba ari umushingamateka, akaba aba i Kiriri mu gisagara ca Bujumbura. Mu mwaka w’1988 yari arangije imyaka itatu ya kaminuza y’Uburundi mu gisata c’inyifato n’inyigisho. Yahagaritse amashure yiwe uwo mwaka nyene bitumwe n’intambara yo mu makomine  Ntega na Marangara, aca aja mu buhungiro aho yamaze umwanya munini mu bikorwa vya poritike vyo guhabuza abarundi. Yagarutse mu gihugu c’amavukiro muri Rusama umwaka w’2008. Kuva mu mwaka w’1984 gushika mu mwaka w’1987 yari arangije imyaka ibiri ya kaminuza mu gisata c’inyifato n’inyigisho kuri kaminuza y’Uburundi.  Kuva mu mwaka w’1981 gushika mu 1984 yari aronse urupapuro rw’umutsindo rw’amashure yisumbuye na seritifika yemeza ko aronse uburenganzira bwo kwiga kaminuza kuri koleje y’i Muramvya. Kuva mu mwaka w’1977 gushika mu 1981 yari mw’ishure nderabigisha ry’i Musenyi aho yarangirije igice ca mbere c’amashure yisumbuye. Kuva mu mwaka w’1970 gushika mu mwaka w’1977 yari mu mashure y’intango ry’i Kiremba aho yatoreye ikibazo ca Reta kimuha uburenganzira bwo kuja mu mashure yisumbuye. Kuva mu mwaka w’1969 gushika mu mwaka w’1970 yari mw’ishure ry’intango ry’i Ciri. 

Agathon Rwasa yararanguye amabanga atandukanye ya Reta  
Kuva muri Mukakaro umwaka w’2015 ni umushingamateka yatowe mu ntara ya Ngozi, akaba ari icegera ca mbere c’umukuru w’Inama Nshingamateka y’Uburundi. Kuva ico gihe nyene ari mu nama mpanuzwajambo ya komine Kiremba akongera akaba n’icegera c’umukuru w’umugwi ujejwe poritike muri urwo rwego. Kuva muri Ruheshi 2009 gushika muri Ruheshi 2010 yari umuyobozi mukuru w’ishirahamwe INSS; yari kandi umukuru w’urwego nshingwantwaro mw’Ibanki y’ubudandaji BANCOBU akongera akaba mu rwego rugenzura ubutunzi bw’iyo banki. 
Ivyaranze Agathon Rwasa muri poritike
Agathon Rwasa yabaye umukuru w’umugambwe CNL kuva muri Nyakanga 2018 gushika ubu, kandi akaba ari nawe aserukira uwo mugambwe imbere y’amategeko. Mu mwaka w’2020 yari umukandida mu mtora ya komine, ayo abashingamatekahamwe n’ay’Umukuru w’igihugu.  Yarabaye umukuru w’urunani Amizero y’Abarundi; araba ukandida mu matora ya komine, ay’abashingamateka n’Umukuru w’igihugu mu mwaka w’2015. Agathon Rwasa yarabaye kandi umukuru w’umugambwe FNL kuva ucemererwa mu mwaka w’2009 yongera awuserukira imbere y’amategeko gushika aho ubushikiranganji bw’intwaro yo hagati mu gihugu bufata izindi ngingo. Agathon Rwasa yari arongoye umuhari warwana n’ubutegetse PALIPEHUTU-FNL kuva ku wa 23 Ruhuhuma 2000 gushika wemererwa gukora nk’umugambwe wemewe n’amategeko ku wa 21 Ndamukiza 2009. Yaritoje mu bajenama b’amakomine, mu bashingamateka n’itora y’Umukuru w’igihugu mu mwaka w’2010. Agathon Rwasa aravuga kandi arandika neza ikirundi, igifaransa, icongereza n’igiswahiri. Arazi gukoresha neza ubuhinga ngurukanabumenyi; akaba akunda inkino, gusoma ibitabu n’umuziki. 

Uwigenga Francis Rohero
Yavutse ku wa 16 Nzero 1972 muri zone Rohero, karitiye Rohero ya mbere mu gisagara Bujumbura. Francis Rohero afise impamyabushobozi ya “Master” mu gisata c’ubutunzi n’intwaro yaronse mu mwaka w’2003 muri kaminuza y’i Yaoundé II muri Camerun. Francis Rohero arubatse kuva ku wa 25 Myandagaro 2001 n’umupfasoni yitwa Félicité Rohero Nzopfimanabishatse. Bafise abana batatu; imfura kaba afise imyaka 18, uwugira kabiri 14 nayo uwugira kane imyaka 12; imfura akaba ari umuhungu abandi babiri ni abigeme. Amashure yisumbuye yayize kw’iseminari y’i Buta mu ntara ya Bururi mu mwaka w’1993 mu nyuma yabanadanje amashure yiwe kw’iseminari y’i Burasira muri dioyoseze ya Ngozi mu mwaka w’1994. Avuga ko igihe yiga i Buta n’i Burasira hose yama ashira imbere kudakoresha inguvu akaba yafatira akarorero kuri Ghandi na Martin Luther King na cane cane Yezu Kristu. Ivyo vyatumye agira agahinda yumvise abana b’i Buta bagandaguwe bari mw’itiro.    Yabaye muri karitiye Rohero kuva mu mwaka w’1972 gushika mu 1979 mu Nyakabiga kuva 1979 gushika1988 ,Kinanira kuva1988gushika1993,Roherokuva mu 1993 gushika 1994 gushika mu Kamenge kuva mu 1994 gushika mu1997, i Yaoundé kuva mu 1997 gushika mu 2004;  mu Kibenga kuva 2004-2011, mu Kinanira kuva mu 2011 gushika ubu. Ni umukristu asenga muri gatorika ariko akaba afise imiryango y’abaporotisanti n’abaislamu b’abagenzi kubera babanye mu bwana bwiwe haba i Bujumbura canke i Yaoundé. Francis Rohero  yararongoye ishirahamwe ry’abanyeshure b’abarundi baba i Yaoundé muri Camerun mu mwaka w’2000. Yagarutse mu Burundi mu mwaka w’2005. Yarabaye umuhanuzi mu biro vy’Icegera ca kabiri c’Umukuru w’igihugu ariko akaba  yaratanze imihoho mu mwaka w’2006. Kuva akiri i Buta yibaza ko yofasha mu guhindura ibintu bikaja mu nzira. Ni naho yafashanije n’abagenzi biwe bashinga umugwi bise “Orange”. Uwo mugwi ahanini ukuba uhurikiyemwo urwaruka. Intumbero yiwe muri poritike akaba ari “Umugambi w’Uburundi buhiriwe mw’iteka n’itekane” yashikirije mu mwaka w’2016. Amenyesha ko n’ibihuhusi vyo mu mwaka w’2015 bitamukuye ku ciyumviro yamanye co gushira imbere amahoro. Francis Rohero akoresha neza ubuhinga bwa none harimwo no guhanahana inkuru akoresheje ubuhinga ngurukanbumenyi. Muri Gitugutu 2019 niho yamenyesha ko azohiganirwa ikibanza c’Umukuru w’igihugu mu 2020; akaba yatanze ibimuranga mu mugiwi CENI ku wa 3 Ntwarante 2020. Yemerewe n’uwo mugwi CENI ku wa 10 Ntwarante 2020.

Epitace Nduwayo 

 

Abagumyabanga bahamagarirwa kugendera mukuri bakagira urukundo rutagira inyungu

fgNk’uko vyama bigenda buri wa kane wanyuma w’ukwezi, ku wa 26 Ntwarante 2020, umugambwe CNDD-FDD waratunganije mu gihugu cose amasengesho yo gukengurukira Imana. Mu gisagara ca Bujumbura, amasengesho yabereye ahari icicaro gikuru c’umugambwe, ahagarikiwe n’umutambukanyi w’Umukuru w’igihugu, Denise Nkurunziza, aho yahamagariye abagumyabanga kurangwa n’urukundo ruva ku Mana. Ayo masengesho yari yitabwe kandi n’umunyamabanga mukuru w’umugambwe akaba na samuragwa muri uwo mugambwe, Evariste Ndayishimiye , indongozi zitandukanye mu nzego z’igihugu zikomoka muri uwo mugambwe hamwe n’abandi bagumyabanga batandukanye bari bayitavye. Amasengesho yari afatiye kw’ijambo ry’Imana rifise ifatiro rihagaze kw’ijambo riri mub’i korinto 1 ikigabane ca 13 akarongo ka 6, aho rivuga ngo : « Urukundo ntirunezerwa n’ubugunge, ariko runezerezwa n’ukuri ». Mu nsiguro yashikirijwe na Denise Nkurunziza, yahagaze ku rukundo bise  « agape », urukundo rw’abana b’Imana, rutanga rukongera rukitanga ata nyungu rurondeye. Uwurufise rero urwo rukundo ngo yihanganira vyose kandi agira impuhwe.

Abarufise bagira intambuko, bagahanura abari mu bigabitanyo. Nk’uko vyama bigenda buri wa kane wanyuma w’ukwezi, ku wa 26 Ntwarante 2020, umugambwe CNDD-FDD waratunganije mu gihugu cose amasengesho yo gukengurukira Imana. Mu gisagara ca Bujumbura, amasengesho yabereye ahari icicaro gikuru c’umugambwe, ahagarikiwe n’umutambukanyi w’Umukuru w’igihugu, Denise Nkurunziza, aho yahamagariye abagumyabanga kurangwa n’urukundo ruva ku Mana. Ayo masengesho yari yitabwe kandi n’umunyamabanga mukuru w’umugambwe akaba na samuragwa muri uwo mugambwe, Evariste Ndayishimiye , indongozi zitandukanye mu nzego z’igihugu zikomoka muri uwo mugambwe hamwe n’abandi bagumyabanga batandukanye bari bayitavye. Amasengesho yari afatiye kw’ijambo ry’Imana rifise ifatiro rihagaze kw’ijambo riri mub’i korinto 1 ikigabane ca 13 akarongo ka 6, aho rivuga ngo : « Urukundo ntirunezerwa n’ubugunge, ariko runezerezwa n’ukuri ». Mu nsiguro yashikirijwe na Denise Nkurunziza, yahagaze ku rukundo bise  « agape », urukundo rw’abana b’Imana, rutanga rukongera rukitanga ata nyungu rurondeye. Uwurufise rero urwo rukundo ngo yihanganira vyose kandi agira impuhwe. Abarufise bagira intambuko, bagahanura abari mu bigabitanyo. Ngo bagendera mu kuri kuko runezerezwa n’ukuri rukagendera mu kuri. Abagumyabanga rero ngo barakeneye urukundo “agape” kugira bige guhanurana. Rurakenewe kugirango bakundane atavyo kurondera inyungu. Denise Nkurunziza akaba yarangije asengera abagumyabanga ndetse n’amatora ngo Imana ihagarike ikintu cose coza gihagarika amatora. Mw’ijambo ryiwe, umunyamabanga mukuru w’umugambwe CNDD -FDD Evariste Ndayishimiye, nawe yaragarutse ku bijanye n’urukundo, aho yamenyesheje ko urukundo ari rwo uwo mugambwe wahisemwo kandi ari rwo rukwiye kubaranga muri kino gihe. Yaragarutse no kuri ca kiza coronavirus gihanze isi, agatangazwa n’umuntu ava iyo cateye akaza kandi azi neza ko aba aje kwanduza abandi. Uwo muntu rero ngo nta rukundo aba afise. Agasaba rero abagumyabanga kurangwa n’urukundo aho bari hose.
Gloriose Nshimirimana

 

Umunyamabanga mukuru wa CNDD-FDD yararihiye ibitaro abarwayi 12 bavuwe bagakira kugira batahe

DSC 0507Umunyamabanga mukuru w’umugambwe CNDD-FDD, Evariste Ndayishimiye akongera akaba ari nawe yashizwe imbere n’uwo mugambwe mw’itora ry’Umukuru w’igihugu mu 2020 arakenguruka akigoro k’ababikira bo mu muryango wa « Benemukama » bafise ikigo gitunze abageze mu zabukuru co muri karitiye Rohero mu gisagara ca Bujumbura. Yamenyesheje ko yarihiye n’abantu 12 bavuriwe mu bitaro bitatu vy’i Bujmbura bagakira kugira basubire mu mihana iwabo. Ivyo yabishikirije ku wa 27 Ntwarante 2020 mu gihe yariko aragendera ico kigo c’abo babikira citiriwe « Umweranda Elisabeth » mu ntumbero yo gushigikira abageze mu zabukuru no gutera intege uwo muryango w’ababikira bafise umutwaro utoroshe wo gufasha abatishoboye.Umunyamabanga w’umugambwe CNDD-FDD akaba yahaye ico kigo imfashanyo y’amahera imiriyoni zibiri n’inusu (2.500.000) kugira bashobore kubavuza no kubaronsa imfungurwa. Nk’uko Evariste Ndayishimiye yavyiyemereje ngo abagumyabanga bafashanije muri ico gikorwa bari bazanywe no gushigikira abakoze ivyananiye abandi na cane cane muri kino gihe c’ikarema ku bakristu, kikaba n’igihe co gutsimbataza urukundo.

Yarongeye araremesha abo bageze mu zabukuru bari muri ico kigo.    Evariste Ndayishimiye yamenyesheje kandi ko yifadikanije n’abandi bagumyabanga bazindukiye mu gikorwa co gufasha abatishoboye. Aho akaba yamenyesheje ko batanze amahera y’ibitaro ku barwayi 12 bo mu bitaro vyitiriwe umwami Khaled, ibitaro « Prince Régent Charles », ibitaro « Clinique Prince Louis Rwagasore ».  Yamenyesheje ko bakoze uwo mugirwa mu gihe c’ikarema kugira bibuke urukundo bongere bashimire Imana yabakunze ikabaha amagara meza. Yamenyesheje ko ari igihe benshi bisonzesha kandi begera Imana bagafasha muvyo bashoboye kugira barirengereze abatishoboye. Aho akaba yamenyesheje ko barihiye ba ntahonikora bavuwe muri ivyo bitaro bitatu bavuwe bagakira indwara zikomeye ariko bakabura amafaranga yo kuriha. Yarongeye amenyesha ko kabaye akaryo ko gutera intege abandi bagiraneza  n’abandi barundi kugira nabo bagire umutima w’urukundo narirya Imana yabahaye amagara meza. Ku bitaro  «Roi Khaled» yarihiye abarwayi 6, ku bitaro « Prince Régent Charles » abantu 5, ku bitaro « Prince Louis Rwagasore » naho harihiwe umukiruke umwe. Yamenyesheje ko ivyo bikorwa vyose vyabatwaye imiriyoni ishika cumi na zitatu (13.000.000). Umubikira Révocate Nizigiyimana arongoye umuryango w’ababikira « Bene Mukama » yarashimye kubona uwo munyamabanga mukuru w’umugambwe CNDD-FDD Evariste Ndayishimiye n’abo basangiye umugambwe. Yamenyesheje ko uwo muryango washinzwe na Musenyeri Ntuyahaga mu mwaka w’1970. Ni naho batangura gufasha ababituye bose bari mu ngorane. Kubera ingorane zabaye mu gihugu ngo zatumye imiryango isanzara, abageze mu zabukuru nabo baca babura kiraba. Niho uwo muryango wateba ukugurura ico kigo mu mwaka w’1996 kugira ufashe abageze mu zabukuru. Barafasha kandi abana bagendana ubumuga mu kubaha imfungurwa, kubavuza no kubaronsa inyigisho kugira nabo bazokwiteze imbere. Bararonsa n’inyigisho abana basanzwe nabo nyene kugira batere imbere bakongera bagafasha abarwaye. Musenyeri Ntuyahaga ngo yashinze uwo muryango yabahaye intumbero yo kwihebera abantu banatahonikora.  Abo bageze mu zabukuru bararema bakabona ko nabo bsubiye kuba mu muryango canke kuronka ubuzima nk’abandi. Bavuga bati baronse bike niho babona ibibuze.

Epitace Nduwayo

 

Ku wa mbere Mukakaro, amabarabara menshi azoba afise amazina mashasha

DSC 0103Ku wa mbere Mukakaro, amabarabara menshi, ibibuga vy’inkino, amahuriro y’amabarabara hamwe n’ibitarurwa bizoba bifise amazina mashasha. Ivyo ni ivyashikirijwe n’umuvugizi w’Umukuru w’igihugu, Jean Claude Karerwa, ku wa 27 Ntwarante 2020, inyuma y’inama yahuje abarongoye intara zose z’Uburundi hamwe n’abarongoye ama Kaminuza yo mu Burundi kugira bashikirizwe icegeranyo c’aho umurwi w’igihugu ujejwe guhindura amazina no guha amazina ibibanza bitandukanye mu gihugu bizaba icitegererezo ku rwaruka ruzovuka, iyo nama ikaba yuguruwe n’umuyobozi mwishikira mu biro vy’Umukuru w’igihugu, Gabriel Nizigama.Nk’uko umuvugizi w’Umukuru w’igihugu, Jean Claude Karerwa yabishikirije, ngo hisunzwe ingingo y’18 y’Ibwirizwa Shingiro ry’Uburundi, ngo amabanga ya mbere ya Reta ni uko ikora ibikorwa vyo guhuza no kunywanisha abarundi. Ni muri iyo ntumbero mw’ijambo Umukuru w’igihugu yashikirije abarundi aho bariko bahimbaza imyaka 57 iheze Uburundi buronse intahe yo kwikukira, yasavye ko ibibanza bimwe bimwe bifise amazina ataroranye, amazina ataco yigisha canke ngo agire ico abafashije mu bijanye n’iterambere ko yohindurwa.Muri ico gikorwa co guhindura amazina y’ivyo bibanza, ngo hariho n’ibindi bibanza bitagira amazina, aho n’ivyo bibanza nyene, umurwi w’igihugu ujejwe ico gikorwa ko bobitorera amazina hisunzwe intumbero yatanze muri iryo jambo. Iyo ntumbero nayo n’uko abateye iteka igihugu nabo boterwa iteka kugira ayo mazina azobere urwaruka ruriko ruraruka,  akarorero, muri kubu na kazoza kugira narwo muvyo rukora, ruze rurisunga izo ntwari. Vyongeye, ngo kubona mu bikorwa vy’iyo nama bari batumiye abarongoye intwaro n’inyigisho za kaminuza, ngo ni ukugira nabo baterere ivyiyumviro, mu bijanye  nivyokorwa kugira koko  ayo mazina azobe afise ico yigisha abarundi muri rusangi.

Abitavye iyo nama, kiretse kwibutsa amazina y’abantu bagize ibibaranga muri kahise, umurwi utari wiyumviriye, basavye ko n’ibihugu vyagumye hafi Uburundi mu bihe bigoye ndetse binafitaniye imigenderanire myiza ko navyo vyo kwitirirwa ibibanza n’inyubakwa z’Uburundi. Ikizokurikira ngo n’uko ivyo vyiyumviro vyatanzwe  bizoheza bikaja mu ngiro kugira ku wa mbere Mukakaro, amabarabara, ibiraro, inyubakwa za Reta hamwe n’amahuriro y’amabarabara bizobe bifise amazina mashasha. Mu ntango, umurwi w’igihugu ukaba wakoreye ku gikorwa co guhindura amazina y’ibibanza bimwe bimwe vyo ku murwa mukuru w’ubutunzi n’umurwa mukuru wa poritike.

Déo Misigaro

 

Abakenyezi barahamagarirwa kwijukira amashirahamwe kuko ariyo ntango y’iterambere

Muri kuno kwezi kwa Ntwarante kwahariwe agateka k’ umukenyezi, mu Burundi  ngo abakenyezi baramaze gutera intambwe muri rusangi kuko ibitigiri biri mw’Ibwirizwa Shingiro birubahirijwe mu nzego za poritike. Mugabo mu vyerekeye kwiteza imbere no guteza imbere igihugu haracariho agahaze. Ariko abakenyezi bahurikirikiye mu mashirahamwe atandukanye baramaze kwisununura. Ivyo vyashikirijwe na Espérance Nijembazi arongoye ihuriro ry’amashirahamwe y’abakenyezi CAFOB mu kiganiro yahaye ikinyamakuru UBUMWE ku wa 27 Ntwarante 2020.Espérance Nijembazi yamenyesheje ko ibijanye n’agateka k’ umukenyezi vyagiye biratera imbere mu Burundi ugereranije no mu myaka iheze, abigeme baritabira kwiga ubu baraboneka cane mu mashure yose mbere ugasanga harimwo n’abafise impamyabushobozi zisununuye co kimwe n’abagabo. Abakenyezi baraboneka mu ntwaro nko mu Nama Nshingamateka na Nkenguzamateka abakenyezi baraserukiwe ku bice 30 kw’ijana nk’uko biri mw’ibwirizwa shingiro ry’Uburundi. Kugira ivyo vyose bishikweko ni uko habaye ihimiriza  ryagizwe n’amashirahamwe atandukanye kwigisha abakenyezi kugira nabo bahimirize abakenyezi kurungika abigeme mu mashure ari nayo ntango y’iterambere. Iyo  abakenyezi bamaze kwijukira kwitabira amashirahamwe  birabafasha mw’iterambere, muri ayo mashirahamwe abakenyezi baraharonkera ubumenyi bwo kwitunganiriza imigambi mito mito yobafasha kwisununura. Espérance Nijembazi yabandanije amenyesha ko abakenyezi bahurikiye mu mashirahamwe ari  mu runani CAFOB bashoboye kuronswa inyigisho zerekeye amateka n’ amategeko abagenga, amategeko agenga igihugu amategeko , mpanavyaha, amategeko agenga ingo n’imiryango mu ntumbero yo kumenya ivyo bafitiye uburenganzira n’amategeko akingira abafashwe ku nguvu agahana ababikoze hamwe n’ayandi mategeko. Ayo mategeko bamaze kuyamenya birabafasha kwirwanira mu gateka kabo, kurondera ivyo bubahiriza mw’iterambere ryabo, bakongera bakamenya ivyo barekuriwe mu rugo no mu gihugu, kuko amategeko naho uba utayazi ntikibuza ko yogufata, bayamenye bituma batarenganwa muvyo bafitiye uburenganzira n’ubushobozi bwo kubikora. Mu Burundi abakenyezi benshi bakorera mu gisata c’uburimyi, ugasanga n’ivyo barimye ntibabironkako uburenganzira kandi ari bo  babirondeye. Uwo mugambi niho wakoreye cane kuko abashoboye kuja mu mashure bobo biragendeka. Urunani CAFOB  mu ntumbero yo gushira mu ngiro umugambi w’igihugu wo guteza imbere igihugu ufatiye kw’iterambere ridakumira.  Abakenyezi rero kugira bashike kw’iterambere rirama  abarongoye abandi barahimiriza abakenyezi kwijukira amakoperative, kwitabira umugambi “nawe nuze” uri mu gihugu cose, ntihagire uwusigara inyuma, bagiye hamwe bituma biteza imbere, hakaboneka ubwigenge muvyo ubutunzi. Espérance Nijembazi yarongeye aramenyesha ko mu vyigwa bagize basanze abakenyezi bashobora gufata ingurane mu mabanki igitigiri cabo ari gito bivanye n’uko bataronka ingwati zisabwa n’amabanki kiretse abasanzwe bahembwa  imishahara buri kwezi, ariko nk’abashaka kurangura imigambi mitomito, haba kurima, kworora canke kudandaza kugira  bashobore kwikenura mu bintu vya nkenerwa vya buri munsi, ubwo bushobozi ntibabufise. Espérance Nijembazi yarangije amenyesha ko  mu runani CAFOB bishimira cane aho bageze mu guteza imbere umukenyezi kuko hari abakenyezi biyungunganije mu mashirahamwe bashoboye kubaha agatahe baritunganiriza imigambi bonyene bishiriyeho ngo barangure.

Anitha Bizimana

 
Ouvrir