Publications de Presse Burundaise, Rohero I Avenue de la JRR N°17 Immeuble le SAVONNIER, Téléphone standard : (257) 22 22 62 32, Fax :(257) 22 22 58 94, email: pressequotidienne@yahoo.fr

Igisata ODECA nico kigiye gukirikirana ibikorwa vyose vyo mu gisata c’ikawa

qqqIgisata c’ubuhinga rwa Reta rujejwe guteza imbere igiterwa c’ikawa ODECA, nico kizokurikirana ibikorwa vyose vyahora bikorwa n’amashirahamwe amwe amwe ariyo CNAC Murima w’isangi, Intercafé hamwe n’amahinguriro ya Reta ariyo Sogestal na Sodeco. Ayo mashirahawe yahora akorera mu gisata c’ikawa yasabwe gushikiriza urwo rwego rushasha  rwa Reta ibikoresho vyose yahora akoresha kugira ibikorwa vyose birangurirwa muri ico gisata bibandanye ata ntambamyi. Mu gihe igiciro cahora ari amafaranga 500 ku kiro c’ikawa y’ibiturumbwe nziza, ngo Reta ibicishije kuri urwo rwego, igiye gushikiriza abarimyi n’abakorera mu gisata c’ikawa igiciro cisununuye kizohabwa abarimyi bashoye ikawa yabo ku matonorero. Ivyo ni ivyashikirijwe n’umushikiranginji w’uburimyi, ubworozi n’ibidukikije, Déo Guide Rurema, ku wa 29 Nzero 2020, mu kiganiro n’abamenyeshamakuru, aho yariko shikiriza ingingo zafashwe mu ntumbero yo gutegura isizeni yo kwegeranya ikawa yo mu mwaka w’2020 ushira uw’2021.

Igisata c’ubuhinga rwa Reta rujejwe guteza imbere igiterwa c’ikawa ODECA, nico kizokurikirana ibikorwa vyose vyahora bikorwa n’amashirahamwe amwe amwe ariyo CNAC Murima w’isangi, Intercafé hamwe n’amahinguriro ya Reta ariyo Sogestal na Sodeco. Ayo mashirahawe yahora akorera mu gisata c’ikawa yasabwe gushikiriza urwo rwego rushasha  rwa Reta ibikoresho vyose yahora akoresha kugira ibikorwa vyose birangurirwa muri ico gisata bibandanye ata ntambamyi. Mu gihe igiciro cahora ari amafaranga 500 ku kiro c’ikawa y’ibiturumbwe nziza, ngo Reta ibicishije kuri urwo rwego, igiye gushikiriza abarimyi n’abakorera mu gisata c’ikawa igiciro cisununuye kizohabwa abarimyi bashoye ikawa yabo ku matonorero. Ivyo ni ivyashikirijwe n’umushikiranginji w’uburimyi, ubworozi n’ibidukikije, Déo Guide Rurema, ku wa 29 Nzero 2020, mu kiganiro n’abamenyeshamakuru, aho yariko shikiriza ingingo zafashwe mu ntumbero yo gutegura isizeni yo kwegeranya ikawa yo mu mwaka w’2020 ushira uw’2021.Nk’uko umushikiranganji, Déo Guide Rurema yabandanije abishikiriza, ngo imyiteguro y’isizeni yo mu mwaka w’2020 ushira uw’2021 igeze kure, iyo nayo ikaba ifatiye ku ntumbero nshasha ya Reta yo gutunganya gushasha igisata c’ikawa. Iryo tunganywa rishasha ry’igisata c’ikawa rikaba ryisunga icegeranyo n’inama nshikiranganji yok u wa mbere Munyonyo 2019, aho hemezwa integuro ijanye n’uko Reta isubiza ikirenge muri ico gisata, uhereye mw’irimwa ryayo gushika ishorwe, ivyo ngo vyakozwe mu ntumbero yo guhagararira inyungu z’umurimyi n’iz’igihugu kuko ngo vyabonetse ko abakorera muri ico gisata basa nabatabiha agaciro.Ni muri iyo ntumbero itegeko ry’Umukuru w’igihugu inomero 100/99 ryo ku wa mbere Ruheshi 2009 ryashiraho urwego rwa Reta rujejwe gukurikirana ibijanye n’abakorera mu gisata c’ikawa ARFIC ryasubirijwe n’itegeko ry’Umukuru w’igihugu inomero 100/001 ryo ku wa 7 Nzero 2020 rishiraho urwego rw’ubuhinga rwa Reta ruzokora ibikorwa vyose bijanye no guteza imbere igisata c’ikawa ODECA. Urwo rwego rugiye gukora ibikorwa vyahora bikorwa n’amashirahamwe hamwe n’amatonorero ya Reta, ariyo Sogestal na Sodeco. Vyongeye, kubera iryo tunganywa rishasha ry’igisata c’ikawa, ingingo zitandukanye zarafashwe aho abagurishje ikawa bataratahukana amafaranga y’agaciro n’abatarariha itagisi ya komine y’amasizeni yose ko bobikora vuba, imbere y’uko isizeni yo mu mwaka w’2020 ishira uw’2021 itangura. Ku mashirahamwe yahora akorera mu gisata c’ikawa ariyo CNAC, Intercafé, Sogestal’s na Sodeco, ayo nayo yasabwe gushikiriza ico gisata ODECA ibikoresho vyose yahora akoresha kugira ibikorwa vyose birangurirwa mu gisata bibandanye ata ntambamyi. Ayandi mashirahamwe akorera mu gisata c’ikawa, ni ukuvuga abatonora ikawa, abayikobora, abayikaranga, basabwe kuriha amadeni bafitiye Reta hamwe n’ayandi mashirahamwe nka Regideso n’ayandi hamwe n’ibirarane vy’imishahara y’abakozi, ivyo bigakorwa hisunzwe amategeko.Abafise uburyo bukwiye bararekuriwe gukorera mu gisata c’ikawaMu mpinyanyuro nshasha yo gutunganya igisata c’ikawa, irarekurira abikorera utwabo bakwije ibisabwa n’amategeko kubandanya bakorera mu gisata c’ikawa. Abo nabo basabwe kwitura urwo rwego rushasha kugira rubamenyeshe ibisabwa vyose mu ntumbero yo kwemererwa gukora. Uwuzokwemererwa gukorera mu gisata c’ikawa, ngo ntazosubira gusaba ko Reta imwishingira, vyumvikana ko ari abazoba bafise umutahe ukwiye kandi akimeyeza ko azohemba abarimyi ku gihe, afatiye ku ngwati azohabwa n’ibanki bakorana. Mw’isizeni yo mu mwaka w’2020 ushira uw’2021, ngo hitezwe umwimbu ushimishije w’ikawa ihishiye, ibiharuro ngo vyerekana ko hazoboneka umwimbu ungana n’amatoni 136792. Muri izo ngingo zafashwe, ngo hagiye gusohoka itegeko nshikiranganji ritunganya ibikorwa vyo gukingira ibidukikije hamwe no gukorera ikawa n’abajejwe intwaro barimwo. Kuri uwo wese azoja kubiri n’izo ngingo, umushikiranganji yaragabishije ko Reta itazomwihanganira, azohanwa hakurikijwe amategeko.Igiciro ku murimyi kizomenyeshwa vubaKu kibazo co kumenya igiciro c’ikawa ishorwa ku matonorero uno mwaka, umushikiranganji yamenyesheje ko azokimenyesha vuba ariko umurimyi azoharonkera akunguko kubera ko hariho ibice 34% vy’amafaranga yava mw’ikawa yahora aja gufasha amashirahamwe yakorera muri ico gisata atazosubira gutangwa n’umurimyi w’ikawa. Ku bakozi bama tonorero y’ikawa, “Sogestal’s na Sodeco” basaba imishahara y’amezi 18, umushikiranganji yamenyesheje ko ayo mashirahamwe ari aya Reta hamwe n’abikorera ivyabo bashizemwo imitahe, ngo bazokwicarana kugira barabire hamwe uburyo Reta imaze gushiramwo n’abandi ubwo basizemwo kugira Reta ntizohahombere. Mu masizeni abiri iyo mu mwaka w’2018 ushira uw’2019 hamwe n’iyo mu mwaka w’2019 ushira uw’2020, Reta yatanze imiriyaridi zirenga 41 (41 114 116 000,375), ikibazo ni ukumenya ico ayo mafaranga yakoze.Mu gihe isizeni yo mu mwaka w’2019 ushira uw’2020, izosozerwa ku wa 31 Ntwarante 2020, iyo sizeni ngo yibonekejemwo umwimbu muke cane, aho ku matoni arenga ibihumbi 75 yari yitezwe, habonetse amatoni ibihumbi 47 arenga gato. Muri ayo matoni, ngo hamaze gukoborwa ikawa ishoka hanze ingana n’amatoni 7 511,5, iyimaze kugurishwa ni amatoni 6254,2, uburyo bwavuyemwo nabwo ni amadorari y’abanyamerika arenga imiriyoni 15 (15 221 142,69), muri ayo ayamaze gushika mu kigega ca Reta ni imiriyoni 5 zirenga (5 002 558,19). Kuri abo bose bashoye hanze ikawa y’Uburundi ntibatahukane amafaranga y’agaciro, basabwe kubitunganya vuba.

Déo Misigaro                                                                                                              

 

Abagumyabanga basabwa gusaba imbabazi aho baguye hose no kumenya ko bari mu rutonde rw’abana b’Imana

ooootuAbagumyabanga basabwa kumenya ko ivyavuye mw’ikoraniro kaminuza ry’umugambwe CNDD-FDD ari integuro y’Imana, bakongera bakamenya ko amakoraniro kaminuza yose yo gutora indongozi zizoserukira umugambwe mu matora y’Umukuru w’igihugu azoza araba habanje kuba amasengesho y’iminsi itatu akazobera ku gicaniro. Ivyo ni bimwe mu vyashikirijwe n’Umukuru w’igihugu Petero Nkurunziza akaba ari n’umukuru w’inararibonye mu mugambwe CNDD-FDD ku munsi ugira gatatu wo gusozera amasengesho mpuzamadini yo gukengurukira Imana yatunganijwe n’umugambwe CNDD-FDD, yabereye mu ntara ya Gitega kuva ku wa 23 gushika ku wa 25 Nzero 2020. Ayo masengesho yari afise ijambo ry’urufatiro riri mw’isezerano rya kera mu gitabu co Kuvayo, igice ca 14 kuva ku murongo wa 13 gushika ku 20 rivuga ngo “Mose yishura abantu, ati ntaco mutinya ; Mwihangane gusa murabe agakiza uhoraho agira ngwabazanire uyu munsi. Uhoraho niwe agira ngwabarwanire, namwe nimwinumire gusa…Abanyegiputa niho bazomenya y’uko ndi uhoraho, ninamara kwihesha icubahiro kuri farawo no ku mikogote yiwe, no kubagendera ku mafarasi biwe”. Prezida Nkurunziza yabasavye gutaha bibukanya ico basezeranye n’Imana, ngo bongere bamenye ko iryo sezerano ryakomejwe mw’ijambo ry’Imana bahawe nayo. Yabamenyesheje ko ijambo baronkeye mu masengesho yakozwe muri komine Itaba bari baje kuryimika mu mugambwe CNDD-FDD kuko aribo riraba gusumba abandi. Yishimikije amajambo ari muri Yeremiya igice ca 33 kuva ku murongo wa 1 gushika kuri 3 no kuva kumurongo wa 6 gushika kuw’9, yamenyesheje ko ayo majambo ari ay’abagumyabanga gusumba abandi kuko bari baje gusaba imbabazi bongera baronka amasezerano ariyo bari baje kwimika mugicaniro no mubagumyabanga. Yaciye amenyesha ko amasezerano baronse ku  mutumba Gihamagara muri komine Itaba ayimitse mu mugambwe CNDD-FDD agirako arayabibutsa, avuga ati: “Imana Mushoboravyose igiye kubandanya ivugana n’abarundi kandi ishize ahagaragara ivyari vyaranyegejwe vyose, Imana isambuye inkomezi z’umwansi w’Uburundi ahari hose, Uhoraho Imana Mushoboravyose agiye gushira mu Burundi ibimenyetso binini kandi bikomeye, Imana iraremye ivy’inkomezi bihambaye ivy’umwana w’umuntu atoshobora kunyiganyiza, uhoraho Imana iratoboye amadirisha n’imiryango vyo mw’ijuru kugira imigisha n’imihezagiro vyururukire kugihugu c’Uburundi, uhoraho aragaruriye abarundi ubwenge bwari bwaratakaye bwaraboshwe n’umurwanizi, bagiye kuba abadasanzwe kw’isi, Uburundi burabohotse”. Yasozereye abaha indemesho y’urugendo ababwira ko integuro y’Imana ari nziza kandi ko bobitahura bisunze ko ico kibanza ariho bururukiye basozereye urugamba bavuye gushira mu ngiro amasezerano yo guhagarika intambara, kandi ko  umuhari CNDD-FDD wahindutse umugambwe CNDD-FDD  mu ntara ya Gitega, n’ikoraniro kaminuza ryakozwe kugira umuhari uhinduke ube umugambwe CNDD-FDD ryabereye muri iyo ntara nyene. Ikindi yamenyesheje n’uko kuri uyo musozi wabereyeko amasengesho ari ho batereye igikumu kw’Ibwirizwa Shingiro rishasha riha Imana ikibanza ca mbere, hakongera hakaba ariho hariko harubakwa igicaniro c’isezerano basezeraniye Imana hakaba n’icagiriji biyemeje ko bazokwama bagendanira Imana. Yarongeye amenyesha ko mu ntara ya Gitega aribwo bwa mbere hakozwe ikoraniro kaminuza rya mbere rikozwe Imana ifise ikibanza ca mbere mu mugambwe, mu Burundi no mw’Ibwirizwa Shingiro. Yaheraheje amenyesha ko iryo koraniro kaminuza ryatanguranye ayandi mateka mashasha kubw’igihugu no kubw’umugambwe CNDD-FDD, aca amenyesha abagumyabanga ko ibizoba vyose muri iryo koraniro kaminuza ari integuro y’Imana bivanye n’uko bari bamaze iminsi itatu bari kumwe n’Imana. Niko guca ababwira ko nk’abagumyabanga bosezerana ko amakoraniro kaminuza yose yo gutora indongozi zizoserukira umugambwe mu matora y’Umukuru w’igihugu azoza araba habanje kuba amasengesho y’iminsi itatu abera muri ico kibanza canke ku gicaniro kuko ata kindi kibanza kirimwo ububasha n’ubushobozi ku mugambwe kandi ko n’izindi ndongozi z’umugambwe CNDD-FDD zoza ziratorwa, zikemererwa muri iyo ntara ya Gitega kugira umugambwe ubane n’amasezerano babayemwo kuva bagisozera urugamba.

Umunyamabanga mukuru w’umugambwe CNDD-FDD, Evariste Ndayishimiye mw’ijambo ry’uyo munsi, yamenyesheje ko Imana igiye kwereka amakungu ko Uburundi bugiye kuba igihugu gihurumbirwa n’amahanga kandi Abarundi bagiye kuba mu mahoro n’impore bidasanzwe. Yarashimye ko mu kwiyumvira uko umugambwe worongorwa neza basanze Imana yofata ikibanza ca mbere, ashima n’uko banaguye isezerano biyemeza ko bazokorera Imana, bashiraho n’icagirizi kizobagiriza bongera bafata ingingo yo kwubaka igicaniro c’isezerano. Umunyamabanga mukuru w’umugambwe CNDD-FDD, Evariste Ndayishimiye mw’ijambo ry’uyo munsi, yamenyesheje ko Imana igiye kwereka amakungu ko Uburundi bugiye kuba igihugu gihurumbirwa n’amahanga kandi Abarundi bagiye kuba mu mahoro n’impore bidasanzwe. Yarashimye ko mu kwiyumvira uko umugambwe worongorwa neza basanze Imana yofata ikibanza ca mbere, ashima n’uko banaguye isezerano biyemeza ko bazokorera Imana, bashiraho n’icagirizi kizobagiriza bongera bafata ingingo yo kwubaka igicaniro c’isezerano. Ngo barashima n’impano bahawe yo kumenya ibihe, yongera akengurukira Imana yo yarungitse Mutima Mweranda kugira bamenye ubukiriro bwabo. Ikindi yashimye n’uko bishuwe ku bibazo vyose basavye bijanye n’uko indongozi nshasha zoza zikurikiza amategeko yayo, basenga basaba Mutima Mweranda ngo aze abarongore mu gutora umusubirizi wa “Petero”. Yarashimye kandi ko Imana yumvise amasengesho yabo arico gituma igiye guhindura ibintu. Ikindi yababwiye n’uko cari igihe co kujabuka mu vyiza gutyo ivyahora bibatandukanya bigahera, aca abamenyesha ko Abarundi bagiye kubana nk’abavukanyi. Yasavye Imana kandi ngo ize ibahe uwuzoserukira umugambwe mu matora ku rwego rw’igihugu abereye Uburundi kandi azotunganiriza neza Abarundi. Yarongeye abatekerera ijambo rizobibutsa isezerano, aho yababwiye ngo bazogume basoma mu gitabu ca Yosuwa ,igice ca 24: 14-27 ngo niho bazozirikana isezerano biyemeje basaba Mutima Mweranda ngo azogume abamurikira kugira riberere. Imbere yahoo, umukozi w’Imana Emery yaratanze inyigisho aho yishimikije amajambo ari mw’ijambo ry’urufatiro hamwe n’ayari mu gitabu c’Abacamanza igice ca 4 umurongo w’3 na Samweli wa 1 umurongo w’7. Yamenyesheje abagumyabanga ko bari mu gihe co kunagurwa kandi ngo uwutamenye ibihe ntamenya intumbero y’Imana. Niko guca abamenyesha ko igiharuro 20 muri bibiliya gisigura kujabuka kandi ari igihe Imana yaba ishaka kujabutsa ihanga irikura ku rugero rumwe irijana ku rundi. Yaciye ababwira ko nk’umugambwe CNDD-FDD uyu mwaka ari uwo kwinjira mu bindi bihe kuko ari uwudasanzwe ku gihugu, ku mugambwe no ku bantu. Yaranamenyesheje kandi ko Imana yiteguye gukora mu Burundi ivyo abantu batari biteze kuko munsi y’ubuntu bwayo abakoroni batazosubira kwiruka ku Burundi kuko Abarundi bari mu bihe vyo kunagurwa. Ngo umugambwe ugiye kujabuka kuko arivyo Imana yabasezeraniye, aca asaba abagumyabanga kuba munsi y’uburongozi bwa Mose kugira bashike mu mugabane wabo, ngo bongere bahe ikibanza Imana kugira ibe ariyo izobatorera umurongozi mwiza agiye kuzorongora igihugu. Tubamenyeshe ko ku munsi wa mbere w’amasengesho mpuzamadini, mu nyigisho Umukuru w’igihugu Petero Nkurunziza yatanze, yasavye abagumyabanga gusaba imbabazi aho baguye hose no kwirimbura bakamenya ko bari mu rutonde rw’abana b’Imana, bayumvire bongere bayigororokere kuko bari mu mbabazi zayo gutyo ngo ntibazipfishe ubusa. Prezida Nkurunziza yarabifurije umwaka mwiza w’2020 ngo uze ubarutire imyaka yose bamaze kubaho, ashimira Imana ko ayo masengesho yatunganijwe igihugu kirimwo amahoro n’umutekano n’impore. Yarongeye ashima Imana kubw’ivuka ry’umugambwe CNDD-FDD kuko Imana yabakuye mu bikomeye n’ibihambaye ibashikana ku vyiza, aca amenyesha ko ivuka ry’uwo mugambwe ryabaye nk’ivuka ry’umwana kuko umuvyeyi ababara umwana ariko aravuka, rero ngo kugira CNDD-FDD ivuke Uburundi bwarababaye. Umunyamabanga mukuru w’umugambwe CNDD-FDD Evariste Ndayishimiye nawe mu ntahe yashinze, yamenyesheje ko uyo munsi wari uwo gushimira Imana kubagumyabanga n’abarundi bose bazi ico Imana yakoreye Uburundi, bagakenguruka no ku mutima yabahaye w’ubukerebutsi. Yasavye ko bokengurukira Imana kuko Uburundi bwaciye mu bihe biboneka neza ko ivyangombwa vyose vyari bikwiye kugira igihugu kibe nka Somariya ariko bitabaye. 

Urwaruka rw’imbonerakure rusabwa kumenya ibihe vy’Imana n’ico rutegerezwa gukora
Mu gitondo co ku munsi ugira kabiri w’amasengesho mpuzamadini, Umukuru w’igihugu Petero Nkurunziza yaratanze inyigisho nkomezakwemera ku rwaruka rw’imbonerakure, abamenyesha ko ukwezi kwa Nzero ari ukwezi kw’umwizero kuko kwari ukwezi batangura gusoroma ivyo barimye. Mu nyigisho ziwe, yabigishije kw’ijambo ry’Imana rihagaze ku kumenya ibihe n’ivyo bategerezwa gukora kuko kumenya ibihe ari itunga rikomeye. Ngo uwutamenye ibihe ntamenya ico akora kandi ngo hari igihe co kwambikwa inkomezi n’Imana n’igihe co gucika intege, ngo kumenya ico ukora ni ubushobozi bw’Imana. Yigishije yishimikije ijambo ry’urufatiro, yabahamagariye kuremesha urwaruka rwose haba ururi mu mugambwe CNDD-FDD n’abatawurimwo nk’uko Imana iremesha imitima y’abantu bose. Yaciye anamenyesha ko intambara irwanwa n’Imana mu gihe ihawe ikibanza ca mbere kuko iyo abantu baguhama wizigiye Imana ataco uba, acatanga akarorero k’umugambwe CNDD-FDD warwanijwe n’amakungu kuva ugitangura urugamba, yamara Imana iraheza irahindura amateke mu mwaka w’2005 ibaha gutsinda amatora. Niko guca amenyesha ko Imana yama irwanya abiyorobetsi bari mu ntungane, acabasaba kwama bareka Imana ikihesha icubahiro muri vyose na hose mu buzima bwabo kuko ibihe vy’amageragezwa bishobora kuba birebire ariko umwanya w’ukurokorwa n’Imana ukaba muto cane. Yishimikije amajambo ari muri Ezekiyeri 37, ku murongo wa 1 gushika kuw’14 avuga aho Ezekiyeri yerekwa ivy’amagufa yumye, yamenyesheje ko iyo Imana igukozeko amakungu abimenya ariko iyo uteye ingorane umurongozi Imana yakozeko ukuboko kw’Imana kugukurikirana. Ku muhingamo w’uyo munsi nyene, mu nyigisho Umukuru w’igihugu Petero Nkurunziza yatanze, yasavye abagumyabanga kuba ubuhungiro n’uburuhukiro ku barundi bose gutyo ngo babe amirukiro, babaremeshe bajabukane nabo bongere banezeranwe.

Evelyne Niyonzima

 

CNDD-FDD :Evariste Ndayishimiye niwe yaraye atowe ngo azitoze mu rwego rw’Umukuru w’igihugu mu 2020

EPND2SJXUAASoSBUmunyamabanga mukuru w’umugambwe CNDD-FDD, Evariste Ndayishimiye niwe yizigiwe n’abagumyabanga baraye bamutoye ku munsi w’Imana ngo azoserukire uwo mugambwe mu matora yimirije muri uyu mwaka w’2020 ku rwego rw’umukuru w’igihugu.Hari mw’ikoraniro kaminuza ridasanzwe ry’umugambwe CNDD-FDD ryabereye mu ntara ya Gitega kw’ igenekerezo rya 26 Nzero 2020 ku civugo “kwitorera indongozi niyo nkingi ya demokarasi ».Umunyamabanga mukuru w’umugambwe CNDD-FDD, Evariste Ndayishimiye niwe yizigiwe n’abagumyabanga baraye bamutoye ku munsi w’Imana ngo azoserukire uwo mugambwe mu matora yimirije muri uyu mwaka w’2020 ku rwego rw’umukuru w’igihugu.Hari mw’ikoraniro kaminuza ridasanzwe ry’umugambwe CNDD-FDD ryabereye mu ntara ya Gitega kw’ igenekerezo rya 26 Nzero 2020 ku civugo “kwitorera indongozi niyo nkingi ya demokarasi ».Twobamenyesha ko abagumyabanga bari batumiwe muri iryo koraniro kaminuza bari 1080 abitavye bakaba bangana n’1070, ni ukuvuga ibice 98,4 kw’ijana. Igikorwa   co gutora uwuzoserukira umugambwe CNDD-FDD mu matora yo muri uyu mwaka w’2020   ku rwego rw’umukuru w’igihugu giheze, Umukuru w’igihugu Petero Nkurunziza,yarashikirije ijambo rigizwe ahanini n’impanuro yatekereye abagumyabanga na cane cane umunyamabanga mukuru w’umugambwe CNDD-FDD Evariste Ndayishimiye yari ahejeje gutorwa, kwumvira no kwitondera amategeko y’Imana. Prezida Nkurunziza yababwiye abagumyabanga bitavye iryo koraniro ko ico Imana ibashakako kiri mw’ijambo ry’Imana riri mu vyagezwe igice c’11: 1-25, abasaba kugira urugendo rwiza, kwumvira ivyagezwe vy’Imana, kwirinda ngo imitima yabo ntiyoshwe n’inyosha mbi, n’amajambo ari muri iyo mirongo baze bame bayandika kugira ntibayibagire. Yarakeje umunyamabanga mukuru w’umugambwe amwifuriza kuzogira ihiganwa ryiza kandi ngo mw’ijambo ry’Imana niho intsinzi iri, ngo niyitondera ivy’ijambo ry’Imana nayo izomuhishurira amabanga.Umunyamabanga mukuru w’umugambwe Evariste Ndayishimiye ari nawe yari ahejeje gutorwa, yarashimiye indongozi z’umugambwe CNDD-FDD bo bamwizeye ngo azobaserukire, ashimira n’Imana ayisaba ngo ize imurungikire mutima mweranda yame hagufi yiwe kugira ntahemuke mu nzira y’Imana.  Yaremesheje abarundi ko azobandanya ikivi co kurondera ineza y’abenegihugu, co gukomeza urunani mu bikorwa biteza imbere iteka ry’igihugu na beneco. Twobamenyesha ko mubatumire bari bitavye iryo koraniro harimwo abaserukira ibihugu vyabo mu Burundi, abarungitswe n’imigambwe iri ku butegetsi y’abagenzi b’Uburundi, abaserukira amashirahamwe mpuzamakungu mu Burundi hamwe n’abaserukira imigambwe 18 yemewe n’amategeko mu Burundi, n’abaserukira amashirahamwe yigenga.

Evelyne Niyonzima

 

Ifumbire ya FOMI yazaniye akarusho kanini abarimyi n’igihugu

Umuyobozi ajejwe ivy’ ubushakashatsi mw’ishirahamwe rihingura ifumbire y’ikirundi ivanze n’iy’ikizungu FOMI, Helménegilde Manyange amenyesha ko iryo hinguriro ryazaniye akarusho kanini abarimyi. Hari mu kiganiro yahaye ikinyamakuru UBUMWE kw’igenekerezo rya 17 Nzero 2020.Umuyobozi ajejwe ivy’ ubushakashatsi mw’ishirahamwe rihingura ifumbire y’ikirundi ivanze n’iy’ikizungu FOMI, Helménegilde Manyange amenyesha ko iryo hinguriro ryazaniye akarusho kanini abarimyi. Hari mu kiganiro yahaye ikinyamakuru UBUMWE kw’igenekerezo rya 17 Nzero 2020.Ivuka rya FOMI ngo ryazananye n ‘uko hari ibibazo vyari muri ico gisata c’ifumbire y’ikizungu kuko ikiva hanze vyarashika ikaza itevye kandi ikaza izimvye umuntu aravye amikoro make y’abarimyi. Ikindi ngo ni uko hariho ivyunyunyu igiterwa caba gikeneye umurimyi yaheza akarondera ibindi vyongereza;ivyo vyose bimaze kugaragara ngo niho biyumvira uwo mugambi .Nk’uko yabandanije abimenyesha ifumbire ya FOMI ifise ivyunyunyu nka vyose igiterwa gikeneye  kandi umufuko w’ibiro 25 ugurwa amafaranga y’amarundi 29000   Reta yamaze gusahiriza umurimyi.Iyo fumbire rero itaraboneka umurimyi yaraheza akagura iyivuye hanze y’igihugu ku mafaranga 34000 Reta yashizemwo uburyo bwayo bwo gusahiriza abarimyi.  Akandi karusho ni uko urutete rumwe rw’ifumbire ya FOMI rufise ivyunyunyu bitanu ariko iyahora iva hanze ngo yari ifise ivyunyunyu bibiri.  Kugirango ivyo vyunyunyu bitanu bikwire naho umurimyi yategarezwa kugura utundi dufuko turimwo ibindi vyunyunyu agaheza akavanga  kandi bigashika ntanabivange neza. Ku bijanye n’inyungu ku gihugu Helménegilde yamenyesheje ko kihungukira rwose kuko kw’isoko haheza hakagira iciyongera amakori nayo agaheza akiyongera.  Ikindi ngo ni uko igihugu carinda gutegekanya  amahera y’agaciro kugira gishobore kwinjiza  amatoni arenga 50000 y’ifumbire ariko ubu ngo bakaba bakoresha musi y’igice c’amatoni yahora ava hanze kubera baheza bakayasubiriza amase y’ikirundi.  Ivyo ngo bica vyumvikana ko amafaranga y’agaciro Reta yahora isohora kuri uwo mugambi aca agabanuka ku bice birenga 50 kw’ijana. Akandi karusho ni ku bijanye n’ugukingira ibidukikije aho ayo mase y’ikirundi arimwo ivyo ibinyabuzima biri mw’isi bikenera cane cane icunyunyu bita”carbone”. Ku bijanye n’imibano naho abantu baronse ico bafungura baraheza bakabana neza.Kubera ishirahamwe FOMI ryashinzwe haronse akazi abatari bake  kandi haravamwo n’abashinga ingo zabo kubera uburyo baronka.Yarongeye kandi amenyesha ko akarusho bari biteze mu ntango kariko karaboneka kuko kuva ku wa 13 Nzero gushika 15 Nzero 2020 basubiye kwirabira  ku rubuga    ingene indimo zimeze bongere baganire n’abarimyi hamwe n’abajejwe intwaro. Kwari ukugirango kandi barabe ko ifumbire yashitse mu mazone yose ,bakaba rero ngo baciye mu ntara umunani.Ikindi ngo kwari ukubamenyesha ko amafumbire ariko arashika  mu mazone yose y’igihugu c’Uburundi. Ku vyerekeye amazone atari bwashikemwo iyo fumbire naho baciye biyumvira umugambi w’ukuyitwara kare bataranaheza kuriha make ya mbere kugira bayironke kare.Ku bijanye n’uko umwimbu woba wiyongera naho abarimyi ngo barashinga intahe ko bizeye  umwimbu baravye ukuntu ibiterwa bimerewe mu ndimo. Iryo shirahamwe FOMI rero rigitangura vyararigoye gato kuko ubushikiranganji bwaciye bwugurura imiryango cane igitigiri c’abashaka ifumbire kiba kinini ku rugero batari biteze, ariko ubu ngo bariko baritunganya ku buryo ico kibazo kitazosubira abazoyisaba bose baheze baronke.Iyo fumbire rero ngo irimwo amase y’ikirundi ari kumwe n’ishwagara ku rugero rurenga ibice 50 kw’ijana. Ibice bisigaye ni ivy’amase y’ikizungu. 

Christine Manirambona

 

CNIDH : Gukata amahera ku mishahara y’abigisha batavyiyemereye ni uguhonyanga agateka kabo

Umugwi w’igihugu ujejwe agateka ka zina muntu CNIDH usaba ubushikiranganji bw’akazi n’abakozi kubangira gukata amahera abigisha ku mishahara yabo y’intererano yo mu runani rw’amasendika y’abigisha ku nguvu mu kurindira ko haba urutonde rw’abemeye gutanga iyo ntererano ku gushaka kwabo. Ivyo vyashikirijwe n’umukuru w’umugwi CNIDH Sixte Vigny Nimuraba mu kiganiro yahaye abamenyeshamakuru ku wa 21 Nzero 2020. Aho akaba yariko ashikiriza ivyavuye mu cegeranyo c’umugwi wari washinzwe na CNIDH ku wa 10 Nzero 2020 kugira utohoze ku amatati arai hagati y’urunani rw’amasendika y’abigisha COSSESONA n’abigisha. Umugwi w’igihugu ujejwe agateka ka zina muntu CNIDH usaba ubushikiranganji bw’akazi n’abakozi kubangira gukata amahera abigisha ku mishahara yabo y’intererano yo mu runani rw’amasendika y’abigisha ku nguvu mu kurindira ko haba urutonde rw’abemeye gutanga iyo ntererano ku gushaka kwabo. Ivyo vyashikirijwe n’umukuru w’umugwi CNIDH Sixte Vigny Nimuraba mu kiganiro yahaye abamenyeshamakuru ku wa 21 Nzero 2020. Aho akaba yariko ashikiriza ivyavuye mu cegeranyo c’umugwi wari washinzwe na CNIDH ku wa 10 Nzero 2020 kugira utohoze ku amatati arai hagati y’urunani rw’amasendika y’abigisha COSSESONA n’abigisha. Umugwi w’igihugu CNIDH urongera ugasaba komisariya y’igiporisi c’inyamiramabi kurekura abagisha bari mu masendika bapfunzwe kugira haje imbere ibiganiro hagati y’abegwa n’ayo matati. Uwo mugwi usaba urunani rw’amasendika y’abigisha COSSESONA gufata ingingo zose zibereye kugira kwinjira muri urwo runani bibe ku gushaka kwa buri wese, atagahato kandi umwigisha wese ku giti ciwe hisunzwe amategeko n’amsezerano mpuzamakungu agenga ivy’akazi no gushigikirana akwirikizwa mu Burundi. Usabwa kandi kubandanya usigurira abigisha umugambi wo gushigikirana ariko birinde gutera ubwoba abigisha kuko bihungabanya ubwigenge bwo kuja mu runani rw’abakozi n’uburenganzira bwo gutunganirizwa mu kazi. Urwo runani kandi rusabwa kwubahiriza ingingo ziri mw’isezerano rigira 87 ry’ishirahamwe mpuzamakungu rijejwe akazi n’abakozi zishimangira uburenganzira bwo gushinga amashirahamwe n’inani zihurikiyemwo amashirahamwe aharanira ineza y’abakozi no kuzinjiramwo atagahato. Abarongoye urwo runani basabwa kandi kwerekena ukugene amafaranga yakaswe abakozi mu mwaka w’2017 no mu 2019 yakoreshejwe. Ivyo ngo bikaba vyotuma haba umuco no kwumvisha abigisha ikoreshwa ryiza ry’amafaranga bakaswe. Bokwereka neza kandi abigisha bari mw’ishirahamwe riharanira uburaro bw’abigisha (FLE) batari mu runani COSSESONA ukugene amateka yabo bemererwa n’iryo shirahamwe azokingirwa. Barongera bgasabwa gushikiriza ubushikiranganji bw’abakozi n’akazi urutonde ntabanduka rw’abigisha bazoba binjiye muri uwo mugambi wo gushigikirana kw’abigisha. Basabwa no gukosora ibirego bari bitwariye abakuru b’inani SYGEPEBU na SEPEDUC. Abarongoye inani SYGEPEBU na SEPEDUC nabo basabwa guharanira inyungu zabo bubahiriza amategeko n’ibiganiro vyubaka. Abayobozi b’indero mu ntara no mu makomine nabo basabwa kwirinda kwivanga mw’itunganywa ry’amashirahamwe y’abigisha. Umugwi ujejwe ibiganiro vyerekeye akazi CNDS nawo usabwa gutanguza ibiganiro hagati y’amashirahamwe y’abigisha bari muri COSSESONA n’abatarimwo kugira hatorwe inyishu ku matati yerekeye akazi. Uwo mugwi wokwirinda kuja mw’itunganywa ry’ubutunzi bwa COSSESONA kugira habeho gukingira ubwigenge bwawo kuko ujejwe gutatura amatati yerekeye iyo ntererarno ku bigisha. Abigisha nabo basabwa gushira imbere umutima wo gushigikirana, guharanira inyungu zabo mu mutekano bashize imbere ibiganiro.  Ukwo biri kwose umugwi CNIDH urashima ugufatana mu nda kwiyumviriwe n’urunani rw’amasendika y’abigisha COSSESONA kuko bijanye n’ishirwa mu ngiro ry’itegeko ry’Umukuru w’igihugu ryo ku wa 11 Rusama 2018 rishiraho umunsi mukuru w’igihugu wahariwe ugufatana mu nda. Ariko rero umugwi CNIDH umenyesha ko gukata ayo mafaranga ku mishahara y’abigisha batagishijwe inama ngo bavyemere ari uguhohotera uburenganzira bwabo. Uranebagura n’inyifato ya COSSESONA yo gutuka abo batari kumwe babicishije ku mbuga ngurukanabumenyi kuko iyo nyifato igayitse. Umugwi CNIDH warashikirije ico cegeranyo inzego zose vyega nka Reta, Inama Nshingamateka na Nkenguzamateka kugira nazo zifate ingingo zibereye mu ntumbero yo gukura ico cuka kibi hagati y’urunani rw’amasendika y’abigisha. Aha twobamenyesha ko amasendika ari mu runani COSSESONA ari CONAPES, STEB, SLEB, SPEBU, SYNAPP na SYNATEM; ayatirimwo nayo akaba ari SYGEPEBU na SEPEDUC. Ariko umugwi CNIDH ukameneysha ko n’abari muri ayo masendika agize urunani COSSESONA babwirizwa kubanza kwemeza ko bagiye muri urwo runani.

Epitace Nduwayo

 

Abakozi bo mu nzu barafasha kugira ubuzima bworohe mu miryango

Amashirahamwe y’abakozi bo mu nzu ahamagarira abanywanyi bayo n’abakozi bose kuba abizigirwa mu miryango bahawemwo akazi no mu mibereho yabo ya minsi yose bakama barangwa n’ibikorwa vyiza bakora. Ivyo bikaba vyamenyeshejwe na Martin Ndihokubwayo ajejwe imigenderanire hagati y’abakozi n’abakoresha mw’ishirahamwe ry’abakozi bo mu nzu «Umwizigirwa» mu kiganiro yahaye ikinyamakuru UBUMWE kw’igenekerezo rya 14 Nzero 2020.Amashirahamwe y’abakozi bo mu nzu ahamagarira abanywanyi bayo n’abakozi bose kuba abizigirwa mu miryango bahawemwo akazi no mu mibereho yabo ya minsi yose bakama barangwa n’ibikorwa vyiza bakora. Ivyo bikaba vyamenyeshejwe na Martin Ndihokubwayo ajejwe imigenderanire hagati y’abakozi n’abakoresha mw’ishirahamwe ry’abakozi bo mu nzu «Umwizigirwa» mu kiganiro yahaye ikinyamakuru UBUMWE kw’igenekerezo rya 14 Nzero 2020.Ndihokubwayo yamenyesheje ko abakozi  bo mu nzu bamwe twita abayaya n’ababoyi ari kirumara mu miryango no mw’iterambere ry’igihugu.  Ngo barafasha cane kuko abakora ivyabo  canke abakorera Reta bose barakenera umuntu  asigara aratunganya udukorwa two mu nzu,asigarana  abana canke asigara arateka ivyo bafungura bavuye ku mirimo baba bajejwe.  Iryo shirahamwe ngo ryashizweho kugira rifashe abanyagihugu kurangura imirimo yabo atankomanzi. Ryakira abahungu n’abakobwa bakwije imyaka 18 bazi gukora ubuzi butandukanye  nko guteka, kurera abana, kurwaza  abarwaye canke bageze muzabukuru  mu bitaro canke mu miryango. Abo bakozi bararonswa inyigisho zo ku bakarihiriza ubwenge kubijanye no  kubana neza  n’imirimo bakora ku buryo babarungika mu miryango baravye ivyifuzo vy’umukoresha n’ubushobozi bw’umukozi. Ariko n’aho biri uko , birashika kenshi bakagira ibibazo bitandukanye nko guheranirwa imishahara, guhohoterwa canke kurenganywa mu buryo butandukanye.Martin Ndihokubwayo ajejwe imigenderanire  mw’ishirahamwe «Umwizigirwa» yamenyesheje ko baba abahungu canke abakobwa, bose bahura n’ingorane ariko  izikomeye zikunda kugira abakobwa. Muri zimwe zimwe yashoboye kudushikiriza yamenyesheje ko ibikunda gushika ari uko hariho usanga batwaye inda z’abahungu bakorana canke baba muri  uwo muryango, canke umukobwa akayitwazwa na sebuja  tutibagiye n’uko bashobora kuhandurira indwara zidakira.  Ikibabaje muri ivyo vyose ngo n’uko badaheza ngo bemere ko aribo bamuteye iyo nda ngo bamufashe kurera uwo mwana.  Ngo muri ico gihe hari abakobwa baba bamanutse  i Bujumbura kurondera ubuzima  kubera ubukene  bafise mu muryango iwabo bipfuza gukemura ibibazo bimwe bimwe. Hari ababa bamanutse kubera ari impfuvyi batagira aho baba, bafise icizere ko baronse akazi bazironderera ubuzima ariko rero iyo bimaze kugenda uko ubuzima buba bupfuye na rwose. Yaciye aboneraho  akaryo ko gutera akamo abakozi cane cane abakobwa ko bokwitwara neza bakirinda ibibasamaza,umwe wese akamenya icatumye amanuka kurondera akazi mu gisagara. Aca ahanura abakoresha gufata neza abakozi bakoresha kuko babafitiye akamaro kanini, bakitwararika kubahemba kandi ku gihe, bakirinda kubatera ibibazo vy’inda z’indaro canke kubanduza indwara zidakira. 

Josélyne  Ndayegamiye

 
Ouvrir