Publications de Presse Burundaise, Rohero I Avenue de la JRR N°17 Immeuble le SAVONNIER, Téléphone standard : (257) 22 22 62 32, Fax :(257) 22 22 58 94, email: pressequotidienne@yahoo.fr

Ikirangaminsi c’amatora cashizwe ahabona kizofasha abo vyega kuyitegurira batekanye

Umugwi w’igihugu wigenga ujejwe gutegura amatora CENI uherutse gushikiriza ikirangaminsi c’amatora yo mu mwaka uza w’2020 inyuma y’aho Umukuru w’igihugu Petero Nkurunziza ashiriye umukono kw’Ibwirizwa rigenga amatora ku wa 20 rusama 2019. Ikinyamakuru canyu UBUMWE caciye cegera bamwe mu bari mu nzego zirongoye imigambwe barashikiriza ivyo biyumvira ku bijanye n’ikirangaminsi c’amatora giherutse gushikirizwa n’umugwi CENI hamwe n’Ibwirizwa rigenga amatora.Kikaba rero carashoboye kuganira n’umukuru w’umugambwe UPRONA Abel Gashatsi, umunyamabanga mukuru w’umugambwe RPB-Nturenganywe, Déo Rwanzemba hamwe n’umukuru w’umugambwe FRODEBU Nyakuri iragi rya Ndadaye, Kefa Nibizi. Umugwi w’igihugu wigenga ujejwe gutegura amatora CENI uherutse gushikiriza ikirangaminsi c’amatora yo mu mwaka uza w’2020 inyuma y’aho Umukuru w’igihugu Petero Nkurunziza ashiriye umukono kw’Ibwirizwa rigenga amatora ku wa 20 rusama 2019. Ikinyamakuru canyu UBUMWE caciye cegera bamwe mu bari mu nzego zirongoye imigambwe barashikiriza ivyo biyumvira ku bijanye n’ikirangaminsi c’amatora giherutse gushikirizwa n’umugwi CENI hamwe n’Ibwirizwa rigenga amatora.Kikaba rero carashoboye kuganira n’umukuru w’umugambwe UPRONA Abel Gashatsi, umunyamabanga mukuru w’umugambwe RPB-Nturenganywe, Déo Rwanzemba hamwe n’umukuru w’umugambwe FRODEBU Nyakuri iragi rya Ndadaye, Kefa Nibizi. 
Umugambwe RPB-Nturenganywe wakiriye neza ikirangaminsi c’amatora cisunga ibwirizwa rigenga amatora
Umunyamabanga mukuru w’umugambwe RPB-Nturenganywe, Déo Rwanzemba arashima kubona umugwi wigenga ujejwe gutunganya amatora CENI washikirije ikirangaminsi c’amatora kare. Ivyo ngo bizoha akaryo abanywanyi b’umugambwe wiwe kwitegura hakiri kare mu kurondera amadosiye ku bashaka kwitoza ku nzego zose. Amenyesha kandi ko bizobaha n’akaryo ko gusigurira abanywanyi babo ibiri mw’ibwirizwa rigenga amatora na cane cane ibijanye n’amatora atatu (3) azobera ku munsi umwe. Bizotuma bitegura mu mutwe no mu mufuko mu kurondera uburyo bwo kwiyamamaza no gutanga ingwati haba ku witoza mu kibanza c’Umukuru w’igihugu, ku rwego rw’abashingamateka, urw’abajenama ba komine no ku rwego  rw’akenguzamateka. Amenyesha ko mu mugambwe RPB-Nturenganywe, bazoba mu ba mbere bazotanga amadosiye yabo mu gihe hazoba hageze kuyatanga mu mgwi ujejwe amatora CENI haba ku rwego rw’igihugu, ku rwego rw’intara canke urw’amakomine. Kubona naho igipapuro basabwa  mu giporisi c’inyamiramabi kimara ikiringo c’ukwezi kumwe yamenyesheje ko bitazobabera intambamyi ahubwo bazokirondera baca batanga dosiye zabo kuko ukironse imbere yo kuyitanga gishobora guta ikiringo.  Yarongeye amenyesha ko ikirangaminsi umugwi CENI washize ahabona cisunze amategeko na cane cane ibwirizwa rigenga amatora hamwe n’Ibwirizwa Shingiro. Kubona naho ico kirangaminsi gitegekanya n’amatora agira kabiri y’Umukuru w’igihugu mu gihe atawuronse amajwi asabwa, yamenyesheje ko ivyo bidahaye birashika mu Burundi muri iyi myaka kuko abarundi ngo bagukunze baguhunda amajwi ari benshi bakwanse naho bayakwima ari benshi. Ariko kubera Ibwirizwa Shingiro ribitegekanya n’umugwi CENI ntiwari kureka kubitegekanya. Yarongeye amenyesha ko bashima kandi kubona amatora atatu azobera umunsi umwe. Ayo nayo akaba ari ay’Umukuru w’igihugu, ay’abashingamateka n’abajenama ba komine; ivyo ngo bari babisavye kuva kera, kubona bibaye rero bikaba ari ibintu vyiza cane. Amenyesha ko ivyo bizotuma uburyo bazokoresha bugabanuka kandi bagakoresha n’umwanya muto. Yaragarutse ku vyabaye mu matora yo mu mwaka w’2015 aho yagumye yigizwa inyuma hanyuma bikabatwara umwanya munini mbere n’imirimo igahagarara. Kubona ayo matora rero yashizwe ku munsi umwe ni vyiza kuko uwatsinze n’uwatsinzwe bose babibona uwo munsi nyene. Amenyesha ko mu mugambwe RPB-Nturenganywe bashimishijwe n’iyo ngingo yo mw’Ibwirizwa rigenga amatora. Arongera akamenyesha ko bashima no kubona iminsi yo kwiyamamaza yavuye ku minsi 14 ikaja ku minsi 21 bivanye n’uko ayo matora atatu azobera umunsi umwe. Arashima kandi kubona ingwati y’uwushaka kwitoza mu kibanza c’Umukuru w’igihugu yavuye ku miriyoni 15 akaja ku miriyoni 30 kuko uwushaka kwitoza muri ico kibanza atogenda ashaka gufyinisha Abarundi. Umuntu rero aserukira umugambwe aba ashaka kwitoza muri ico kibanza mu gihe adashobora kuronka iyo ngwati yogomba akabireka. Gutanga amahera ibihumbi amajana atanu naho ku rutonde rw’abashaka kwitoza ku rwego rw’abashingamateka ngo bamaze igihe ari ayo mahera nyene basabwa ku buryo ata ngorane biteye. Ku bitoza ku rwego rw’abakenguzamateka  mu gihe babonye ko bafise abajenama ba komine benshi bobahunda amajwi, naho nyene bikaba ata ngorane biteye gutanga ibihumbi amajana ane. Bitabaye uko naho uca uhebera abaronse abajenama benshi.    Amenyesha ko amatora yo mu 2020 azogenda neza aravye ukugene umugwi ujejwe kuyatunganya amatora CENI uriko urayategura narirya ibintu vyose ubishikiriza ku mugaragaro. Noneho umugwi CENI uriko urigisha abanyagihugu, abarongoye imigambwe nabo nyene bakaba bariko barigisha abayoboke babo mbere n’abamenyeshamakuru bakazofasha kwigisha abanyagihugu ibijanye n’amatora. 
Umugambwe UPRONA urashima ko umugwi CENI washikirije ikirangaminsi c’amatora hakiri kare
Umukuru w’umugambwe UPRONA, Abel Gashatsi nawe amenyesha ko mu mugambwe UPRONA bamaze ikiringo c’imyaka itatu bitegurira amatora arico gituma bakiriye neza ikirangaminsi c’amatora yo mu mwaka uza w’2020. Amenyesha rero ko bamaze iyo myaka bitunganya mu kugendera abanywanyi babo ku buryo badatewe ubwoba n’ico kirangaminsi. Amenyesha yuko uko amatora kwose azoba atunganijwe umugambwe w’abadasigana UPRONA uzoyitaba.  Noneho ngo basanzwe bakorana neza n’umugwi ujejwe amatora CENI kandi bakaba bashima kubona amatora y’Umukuru w’igihugu, ayo abashingamateka n’ayabajenama ba komine azobera umunsi umwe. Amenyesha ko bizotuma bagira akarusho ku bijanye n’umwanya ku barongoye umugambwe mbere no ku banywanyi b’umugambwe. Yarongeye amenyesha ko bagiye gusigurira abanywanyi babo ukugene bazokwifata ku bijanye n’ayo matora atatu azoba ku munsi umwe kugira ntibajuragirike narirya hazoba hari amasandugu atatu nyene n’amakarata atatu y’amatora. Ariko rero amenyesha ko ari ukugororerako kuko abanywanyi b’umugambwe UPRONA basanzwe ari incabwenge kandi bakazotuma n’abaserukira umugambwe mu ntara, mu makomine n’imitumba kwigisha abanywanyi. Arongera akavuga ko bagifise umwanya wo kubisigura kubera n’ikirangaminsi c’ayo matora cashikirijwe hakiri kare. Bisubiye ngo si ubwa mbere bazoba bitavye amatora, nayo insiguro ahanini ikazohagarara kw’isandugu yose ico rigenwe n’ikarata bijanye. Ku bijanye n’ingwati zisabwa ku bitoza mu kibanza c’Umukuru w’igihugu, abashingamateka n’abakenguzamateka naho amenyesha ko ingorane zitobura kuko uburyo busabwa ari bwinshi kubera ibikorwa bitegekanijwe ari vyinshi. Naho biri uko ngo ibanga riraheberwa kuko mu nteguro y’ibwirizwa rigenga amatora bari basavye ko iyo ngwati itoja ku miriyoni 50 nk’uko vyari mu nteguro y’ibwirizwa rigenga amatora. Arashima rero kubona bashinze ko iyo ngwati ku bitoza ku rwego rw’Umukuru w’igihugu yoja ku miriyoni 30 kubera baravye amikoro y’abarundi n’ayo imigambwe. Niko kumenyesha yuko umugambwe w’abadasigana UPRONA uzokwitoza mu matora yose ategekanijwe yaba ay’ Umukuru w’igihugu, ay’abashingamateka, ay’abajenama ba komine n’ay’abakenguzamateka,  noneho ngo n’abitoza bazoheza bafashe. Yarongeye amenyesha ko bashima kubona umugwi w’igihugu wigenga ujejwe gutunganya amatora CENI washikirije ikirangaminsi c’amatora hakiri kare kuko imigambwe yose izoronka akaryo ko kwisuganya n’umugambwe UPRONA urimwo. Ngo bizobaha akaryo ko kwisuzuma no kwitegura gutyo barondere amadosiye yose asabwa n’uwo mugwi CENI kugira bitabe amatora ata musunikano. Yarongeye amenyesha ko intambamyi umugambwe UPRONA co kimwe n’iyindi migambwe bafise zidafatiye ku kirangaminsi c’amatora ,ahubwo zoba zifatiye ku buryo bw’amahera. Uburyo bukenewe mu gushikira abanywanyi, mu gutunganya intonde no gutanga izo ngwati. Iyindi ntambamyi bafise ngo ni iyijanye n’abazocungera amatora baserukira imigambwe kugira bagende imigambwe baserukira ibahaye akavunamusase. Ivyo bituma abantu barambirwa hagaca haba abashobora kwikika mu kiza bakiba amatora. Ariko rero kubera mw’Ibwirizwa rigenga amatora ko hari ingingo ivuga yuko uburyo bubonetse Reta yoha akavunamusase abahagarikara amatora baserukira imigambwe yibaza ko ubwo buryo buzoboneka hanyuma bakaja kurangura ico gikorwa c’iteka bagononokewe. Bitagenze gutyo naho imigambwe izoheza yimenye kugira amatora azogende neza. Iyindi ngorane ni iyijanye n’ukugene abanywanyi b’imigambwe babana ariko akibaza ko bigiye kugenda ko umushikiranganji w’intwaro hagati mu gihugu amaze iminsi agirisha inama abarongoye imigambwe bari kumwe n’abajejwe intwaro. Akavuga ko bipfuza ko boja mu matora nyezina abanywanyi b’imigambwe barabana ryiza kandi umwe wese bamwubahiriza mu vyiyumviro vyiwe. 

Kubona naho muri ico kirangaminsi imyiyamamazo y’ayo matora atatu ya mbere izomara iminsi 21 kare yahora imara iminsi 14 amenyesha ko ari ikiringo cumvikana cane. Ariko kubera amatora atatu azobera rimwe ngo bategerezwa gutanga umwanya ukwiye kugira baba abazokwitoza ku rwego rw’Umukuru w’igihugu, abazokwitoza mu bashingamateka no mu bajenama b’amakomine baronke umwanya wo kwiyamamaza. N’aho biri uko ngo uko imyiyamamazo iteba niko abiyamamaza baruha mbere bikaruhisha n’abo bagiye kuronderamwo amajwi. Abel Gashatsi asaba abanywanyi b’umugambwe arongoye gutekana, kurema no gukomeza ibikorwa bikomeza umugambwe wabo.
Umugambwe FRODEBU-Nyakuri urashigikiye  ikirangaminsi cashikirijwe n’umugwi CENI
Ikiranganminsi c’amatora cashikirijwe n’umugwi wigenga w’igihugu ujejwe amatora CENI kivuga ido n’ido ry’ibikorwa vyose bitegekanijwe. Ivyo bivugwa n’umukuru w’umugambwe FRODEBU Nyakuri iragi rya Ndadaye, Kefa Nibizi mu kiganiro yahaye ikinyamakuru Ubumwe. Amenyesha ko ivyo bifise akarusho kuko bituma umwe wese yitegura ku bimwerekeye ku buryo atawuzovuga ngo bongereze ikiringo bacerewe. Bibahaye rero akaryo ko kwitegura no kuraba iyo bariko baraja. Ku bijanye n’uko ico kirangaminsi cerekana neza ko amatora y’Umukuru w’igihugu, ay’abashingamateka n’ay’abajenema ba komine azobera umunsi umwe nk’uko biri mw’ibwirizwa rigenga amatora, amenyesha ko atari ubwa mbere amatora ashirwa hamwe. N’aho biri uko amenyesha ko bafise amakenga ko hari abantu bazojuragirika mu gihe c’ayo matora kubera hazoba hariho amakarata y’amatora atatu n’amasandugu y’amatora atatu nyene. Turashobora gusanga hari abanyuranije aho bashira amakarata kumbure nk’iy’Umukuru w’igihugu ukayisanga mu bahanuzi ba komine canke mu bashingamateka. Aho akamenyesha yuko umugwi CENI ukwiye kugirisha inama abo vyega bose baba abarongoye imigambwe n’abandi kugira barabe icotuma abagiye gutora batajuragirika. Ivyo rero ngo bishobora kwunyurwa n’uko hari igitigiri kinini c’abarundi batazi gusoma no kwandika ndetse n’abashaje bishobora kugora gutandukanya amakarata. Nico gituma bavuga ko umugwi CENI wogirisha inama abo vyega bose kugirango bahanahane ivyiyumviro kugira iryo bwirizwa risigurwe cane. Mu gihe basanze hariho ibindi vyokorwa kugira abantu ntibajuragirike babikorereko. Yaribukije ko mu matora yo mu mwaka w’2015 amajwi yabaye impfagusa yabaye menshi ahanini bivuye ku kujuragirika aho washobora gusangauwatoye yateye igikumu habiri kw’ikarata y’itora gutyo ijwi rikaba ribaye impfagusa. Yarangije amenyesha ko ico kirangaminsi atamahinyu atamahinyu kirimwo kuko ahanini caje cisunga Ibwirizwa rigenga amatora kandi akaba ataco umurwi CENI wasimvye.  
Umugambwe CNDD-FDD urashima kubona ikirangaminsi c’amatora cashikirijwe kare
Umunyamabangaw’umugambwe CNDD-FDD ku rwego rw’igihugu ajejwe guhanahana no kumenyesha amakuru, Nancy Mutoni amenyesha ko uwo mugambwe ushima kubona umugwi w’igihugu wigenga ujejwe amatora CENI washikirije ikirangaminsi c’amatora yo mu mwaka w’2020 hakiri kare. Arongera akamenyesha ko ico ari igikorwa c’ubuhinga caje cisunga Ibwirizwa rigenga amatora yo mu 2020. Ivyo biyamenyeshejwe ku wa 31 Mukakaro 2019 mu kiganiro yahaye ikinyamakuru UBUMWE. Nancy Mutoni akaba yavuze  ko Ibwirizwa rigenga amatora rimaze gushirwako umukono n’Umukuru w’igihugu Petero Nkurunziza, icari gisigaye kwari ugutegura ico ikirangaminsi c’amatora bisunze iryo bwirizwa. Yarongeye amenyesha ko kubona ico kirangaminsi cashikirijwe hakiri kare bizobafasha kwitegura neza ata musunikano kuko iyo gishikirijwe gitevye ariko bica bigenda. Uwo ariwe wese rero ngo azoshobora kwitegura yisunga ico kirangaminsi. Yamenyesheje kandi ko ata mahinyu babonye muri ico kirangaminsi c’amatora kuko catunganijwe hisunzwe Ibwirizwa rigenga amatora, iryo bwirizwa naryo rikaba ryisunze ivyiyumviro vyagiye biratangwa n’abanyamigambwe. Noneho ico kirangaminsi ngo ni nk’ishusho y’Ibwirizwa rigenga amatora, akaba ataho bihushanye. Ikindi ciza co kuronka ico kirangaminsi kare n’uko ata mugambwe uzosubira kwidoga ko babuze umwanya wo kurondera amadosiye kugira bitoze. Imigambwe kandi irafise umwanya ukwiye wo gushira ahabona abitoza babibereye kandi bashobora gushikana igihugu kw’iterambere. Bazoronka kandi n’umwanya ukwiye wo kubategura no kubereka abanyagihugu. Imigambwe kandi irafise umwanya ukwiye wo gutegura imigambi ya poritike n’ubutunzi.  Nancy Mutoni aremeza kandi ko abagumyabanga batazojuragirika mu gutora bitumwe n’uko  muri ico kirangaminsi bitegekanijwe ko amatora y’Umukuru w’igihugu, ay’bashingamateka n’ay’abajenama b’amakomine azobera rimwe. Niko kumenyesha ko umugambwe ujejwe kubigisha no kubereka ukugene batora. Noneho ngo harategekanijwe ivyirwa n’ibiganiro bitandukanye. Aho akaba yizeye ko amaradiyo n’ibinyamakuru bitandukanye bizofasha mu kwigisha abanyagihugu gutora. Aho akavuga ko ata mpungenge bafise yuko abanyagihugu canke abagumyabanga bazogira ingorane z’ukugene batora. Ahubwo umugambwe CNDD-FDD warashimye kubon ayo matora yashizwe ku munsi umwe kuko bifise ico vyungura ku buzima bw’abanyagihugu no ku butunzi bw’igihugu. Ayo matora abereye igihe kimwe hariho akarusho ku mwanya, ku nguvu abajejwe gutegura amatora bashiramwo no ku buryo bukoreshwa mu matora. Ivyo kandi ngo bizokworohereza abatora n’abatorwa. Abatora bahora bata ikivi bakaja gutora abajenama, bagasubira bagata ikivi bakaja gutora abashingamateka hanyuma Umukuru w’igihugu n’imyiyamamazo yaba nk’uko nyene. Ico gikorwa bazoca bakirangura ku munsi umwe. Ku bijanye n’umwanya wo kwiyamamaza wavuye ku minsi 14 ubu wagiye ku minsi 21 amenyesha ko ico kiringo gikwiye kandi atari kinini. Ahubwo uko vyahora niho iminsi yari myinshi kuko ku matora yose biyamamaza iminsi 14 wasanga yabaye 42. Naho iyo minsi yagabanutse ariko ikaja ku gihe kimwe imigambwe izoshobora kwitunganya no kwiyamamaza bikwiye ku buryo mu minsi 21 izoba yamaze kuja mu ntara zose uko ari 18.Ku bijanye n’ikirangaminsi asaba abagumyabanga kwitegurira amatora bari ku kivi, badasamazwa n’ababaca ivutu hamwe n’abashaka kubashira mu nzira zitandukanye n’akarangamutima k’umugambwe. Aravye ico kirangaminsi c’amatora n’Ibwirizwa rigenga amatora, Nancy Mutoni yamenyesheje ko hari ivyiza vyinshi biturindiriye. Yarongeye abasaba kuguma ku kivi, birinde agasotora, kujana nyabahururu no guca kubiri n’amategeko y’igihugu. Arabasaba no kuguma bagamburukira indongozi z’igihugu n’izo umugambwe nk’uko bamye. Kubera ibwirizwa rigenga amatora riha ikibanza gihambaye abakenyezi, abasaba kwitegura kugira batore bongere bitoze. Kugira bagirirwe ibakwe ryo kuja ku ntonde z’abitoza abasaba kuja hamwe n’abandi mu bikorwa vy’imigambwe.

Epitace Nduwayo

 

Umurwi ujejwe gutatura amatati y’amatongo n’ayandi matungo, CNTB urashima ibikorwa umaze kurangura

Umuvugizi w’umurwi w’igihugu ujejwe gutatura amatati y’amatongo n’ayandi matungo, CNTB, Dieudonné Mbonimpa amenyesha ko itegeko rishasha  rigenga umurwi w’igihugu ujejwe gutatura amatati y’amatongo n’ayandi matungo  ryo ku wa 13 Ntwarante 2019 riwuha ikiringo c’imyaka itatu gishobora kwongerezwa kugira ngo ube watunganirije abawitura. Ngo inyuma  yaho iryo tegeko ryashirwako igikumu  n’Umukuru w’igihugu, Petero Nkurunziza, umurwi CNTB wabandanije ibikorwa vya wo mu gushika ku rubuga mu ntara zitandukanye kugira ngo ubandanye ibikorwa vyo kwumviriza no gushira mu ngiro ingingo ziba zafashwe no kwumviriza ayandi matati atandukanye kubaba bawituye.  Umuvugizi w’umurwi w’igihugu ujejwe gutatura amatati y’amatongo n’ayandi matungo, CNTB, Dieudonné Mbonimpa amenyesha ko itegeko rishasha  rigenga umurwi w’igihugu ujejwe gutatura amatati y’amatongo n’ayandi matungo  ryo ku wa 13 Ntwarante 2019 riwuha ikiringo c’imyaka itatu gishobora kwongerezwa kugira ngo ube watunganirije abawitura. Ngo inyuma  yaho iryo tegeko ryashirwako igikumu  n’Umukuru w’igihugu, Petero Nkurunziza, umurwi CNTB wabandanije ibikorwa vya wo mu gushika ku rubuga mu ntara zitandukanye kugira ngo ubandanye ibikorwa vyo kwumviriza no gushira mu ngiro ingingo ziba zafashwe no kwumviriza ayandi matati atandukanye kubaba bawituye.  Ivyo umuvugizi w’umurwi CNTB yabishikirije mu kiganiro yahaye abamenyeshamakuru ku wa 2 Myandagaro 2019 i Bujumbura.Muri ico kiganiro, Dieudonné Mbonimpa yamenyesheje ko iryo tegeko rishasha rigenga umurwi CNTB ryabonetse hamaze kwakirwa amadosiye ajanye n’amatati y’amatongo n’ayandi matungo angana 23.180 yari asigaye kugira ngo atorerwe inyishu. Ngo muri ayo madosiye  ayangana 20.508 yari amadosiye ari mu ntara zitandukanye mu gihe amadosiye angana 2622 yari mu gisata c’iyungururizo.Ngo ubu amadosiye angana 2869 yarizwe kandi arahera mu ntara zitandukanye, amadosiye angana 881 na yo yarizwe arahera mu gisata c’iyungururizo. Ngo amadosiye 71 yarashoboye gushirwa mu ngiro mu ntara zitandukanye. Ikindi ngo amadosiye angana 1222 harimwo 481 mu ntara zitandukanye n’541 ngo yarakiriwe ari mashasha n’umurwi CNTB. Kubwa Dieudonné Mbonimpa ngo ivyo vyerekana ko aberwa n’amatati y’amatongo n’ayandi matungo bitavye akamo baterwa n’itegeko rishasha ribaha ikiringo c’imyaka ibiri kugira ngo babe bituye umurwi CNTB ngo abo ico kiringo kizoshika batarashikana amadosiye y’abo muri CNTB ntibazoba bacakirwa.Muri ico kiganiro kandi, Dieudonné Mbonimpa yamenyesheje ko amadosiye yose uwo murwi ufise uno munsi kugira ngo yirwe angana 20452 muri ayo 18.120 ni amadosiye ari mu ntara zitandukanye mu gihe amadosiye angana 2332 ari mu gisata c’iyungururizo. Ngo ikindi cakozwe ni inama zatunganijwe mu ntara zitandukanye aho abarongoye abandi eka n’abajejwe umutekano baterera cane mu kurangura igikorwa ca CNTB. Ngo hariho abagaba gushira mu ngiro ingingo ziba zafashwe n’umurwi CNTB eka ngo hari n’abandi babesha bakazana impapuro atari zo. Ngo muri ico gikorwa haratangwa inyigisho kugira ngo baba abacamanza, ba musitanteri abarongoye amazone n’imitumba bose basabwa guterera. Mukurangiza ico kiganiro Dieudonné Mbonimpa yamenyesheje ko mu ntara za Rumonge na Makamba biboneka ko hari amatati menshi y’amatongo ngo umurwi CNTB wiyemeje gushira ingumvu nyinshi muri izo ntara. Yarashimiye cane abo bose bafasha kugira ngo igikorwa CNTB irangura kigende neza.

Nathan Ntahondi

 

Umusenzi yahishuriwe amabanga y’ubuzima bwo kw’isi mu nzozi

Harabaye umugabo yakunda gusenga cane akama yumviriza inyigisho z’abahanuzi aho bavuga ko iyi si  yuzuye ibisamaza  vyinshi ,bitwibagiza iyo twavuye n’iyo twimirije .Harabaye umugabo yakunda gusenga cane akama yumviriza inyigisho z’abahanuzi aho bavuga ko iyi si  yuzuye ibisamaza  vyinshi ,bitwibagiza iyo twavuye n’iyo twimirije .Umunsi umwe,uwo mugabo asaba Imana ngo imufashe gutahura urwo rugendo rw’iyi si tubayemwo.  Mw’ijoro ry’uwo musi aryamye ,arota indoto idasanzwe yari imeze uku gukurikira : yarose intare nini imwirukako , barasiganwa sinzi ukuntu asimvye igisaka ,aho yoshitse hasi ,umuzi w’igiti kinini uca muri ca kinogo uramutega ,aba ariwo afata arenena.Agize atya abona hasi muri ca kinogo uruyoka runini rwirabura rwasamye cane rumurangamira,ahindukiye hirya no hino abona imbeba zibiri imwe yirabura iyindi yera ziriko zirya wa muzi w’igiti yafasheko ;atangura guta wakuba arondeza ahandi hantu yofata kugira wa muzi niwacika abe yafashe ahandi ntakoroke.  Hamwe ariko arakabakaba araba aho afata yumva ibintu bimeze nk’amazi akozemwo yimotereje yumva bimota nk’ubuki,arigase gato yumva biraryoshe cane rwose !! Arayora ararya ariyongera kandi yumva biguma biryoha ,arahava yibagira ivyo kurondera ha handi afata we yigumira yirira bwa buki, haheze akanya yumva wa muzi utanguye gukaka uvuga nk’uwushaka gucika ,acikoma ngo arabe hamwe yashaka gufata kare wa muzi uba uracitse ,arakoroka agwa mu kanwa ka rwa ruyoka ubwo nyene aca arikangura n’ubwoba bwinshi !Mu gatondo araheza azinduka ku mu menyi w’ivyagezwe n’umusiguzi w’indoto z’amayobera aramwiganira indoto yaraye arose amubaza ico iyo ndoto yoba isigura . Uwo mumenyi avyumvise araheza amubwira ati «burya wewe Imana yakweretse ikigereranyo c’iyi si tubayemwo.  Irya ntare isigura urupfu kuko urupfu rwama rutwiruka inyuma ijoro n’umurango ,aho tuja hose turi kumwe narwo rurindiriye ko Imana iruha itegeko rudukuremwo impwemu natwe tukama turuhunga haba mu kwiyubara ico cose codutwara ubuzima zaba indwara ,amasanganya n’ibindi twikeka  ko vyozamwo urupfu rwacu turavyiyubara cane ariko isaha igeze ntawurusimba ; kirya kinogo naco waguyemwo ni iy’isi turimwo , urya muzi w’igiti wenenyeko mu  kinogo ni ubuzima bwa kiremwa muntu wese, nibwo butubeshejeho muri iyi si ;zirya mbeba nazo wabonye iy’irabura ni ijoro iyera nayo ni umurango ,zarya umuzi w’igiti ufasheko (ubuzima bwawe) kuko burya umusi n’ijoro nivyo bigabanya ikiringo cacu twagenewe kubaho kw’isi, uwu musi imyaka ufise niba ari 10 canke 20 canke 30 canke iyirenga, ni iyimaze kuva kuyo wateguriwe kumara kuri iyi si iyo myaka nayo uyishitsa ari uko habaye ijoro n’umurango arivyo bigira umusi ,imisi nayo ikagira umwaka ;Irya nzoka nini yirabura wabonye nayo ni imva ya buri umwe wese yama irangaye ,irindiriye ko uyijamwo hanyuma yipfundikire burundu kuko ugihema yama yasamye irangaye ikurindiriye gushika aho uzoyiryamamwo.Ubuki nabwo ni uburyohe buri muri iyi si kuko ifise ibintu vyinshi yaba umugore canke umugabo, abana, imiryango ,amatungo n’ibindi binezera  vyose bituma twibagira ko urupfu turugendana bukatwibagiza ko dufise ubuzima bugabanuka uko umusi wije n’uko ijoro rikeye,bukatwibagiza ko n’imva zacu zuguruye ziturindiriye, kubera gusoserwa cane n’uburyohe bw’isi ,urupfu ruza gushikira umuntu giturumbuka akisanga agiye kurwa muri ya mva ataco yateguye kizomurokora imbere y’umuremyi  wiwe ». Imana yama rero itwibutsa ko aha kw’isi turi ingenzi gusa buca dusubira iyo twaje tuva.Umuntu wese ahamariwe rero kwama yiteguye kugira azogire iherezo ryiza 
Christine Manirambona

 

Mu biciro vy’umuyagankuba ngo uwukoresha vyinshi, ariha amafaranga menshi

Mu biciro vy’umuyagankuba vyo kuva muri nyakanga umwaka w’2017, ngo uwukoresha vyinshi niwe aheza akariha amafaranga menshi kuri rwa rugero rwa kirowateri, uko ni nko gufasha abasanzwe bafise amikoro make. Mu kwezi kwa nyakanga umwaka w’2017, ngo igiciro ca kirowateri cavuye ku mafaranga 68 kija ku mafaranga 82 ku miryango iteranza kirowateri 50, ni ukuvuga ko urwo rugero baheza kabariha amafaranga 4100. Ivyo ni ivyashikirijwe n’umuvugizi w’ubushikiranganji bw’amazi meza, amasoko ntanganguvu, ubutare n’agataka, Léonidas Sindayigaya, ku wa 29 mukakaro 2019, mu kiganiro yahaye ikinyamakuru UBUMWE.Mu biciro vy’umuyagankuba vyo kuva muri nyakanga umwaka w’2017, ngo uwukoresha vyinshi niwe aheza akariha amafaranga menshi kuri rwa rugero rwa kirowateri, uko ni nko gufasha abasanzwe bafise amikoro make. Mu kwezi kwa nyakanga umwaka w’2017, ngo igiciro ca kirowateri cavuye ku mafaranga 68 kija ku mafaranga 82 ku miryango iteranza kirowateri 50, ni ukuvuga ko urwo rugero baheza kabariha amafaranga 4100. Ivyo ni ivyashikirijwe n’umuvugizi w’ubushikiranganji bw’amazi meza, amasoko ntanganguvu, ubutare n’agataka, Léonidas Sindayigaya, ku wa 29 mukakaro 2019, mu kiganiro yahaye ikinyamakuru UBUMWE.Nk’uko Léonidas Sindayigaya yabandanije abishikiriza, ngo  kuva muri nyakanga umwaka w’2017, kubera ubukene bw’umuyagankuba bwibonekeza, Reta yarafashe ingingo yo kwongereza umuyagankuba ikoresheje imashini zikoswe mw’ishirahamwe « Interpetrol ». Amasezerano Reta yagiranye n’iryo shirahamwe ngo yerekana ko izo mashini zari gutanga umuyagankuba ku rugero rwa megawati 30, ku giciro c’ibice 20% vy’idorari rimwe ry’abanyamerika kuri kirowateri imwe kubera ko uwo muyagankuba uboneka hakoreshwe igitoro co mu bwoko bwa « mazout ».Uwo muyagankuba ngo urazimvye, ubundi ku muyagankuba uboneka hakoreshejwe ingomero z’amazi, ngo usanga igiciro ca kirowateri ari ibice 10% vy’idorari ry’abanyamerika. Kubera ko uwo muyagankuba waje wiyongera mu wundi watangwa n’ingomero, abahinga ngo baricaye bararaba basanga mu bijanye n’umuyagankuba ko uwukoresha vyinshi ariwe yoheza akariha amafaranga menshi kuri kirowateri, ako ngo ni akigoro ko gufasha abasanzwe bafise amikoro make. Muri iryo hinduka ry’ibiciro vy’umuyagankuba, ngo kuva muri nyakanga umwaka w’2017, ngo ikiguzi ca kirowateri cavuye ku mafaranga 68 kija ku mafaranga 82, aho ni mu gihe umunywanyi w’ishirahamwe rijejwe guhingura umuyagankuba no kuwudandaza REGIDESO atarengeje amakirowate 50 ku kwezi, vyumvikana ko kuri urwo rugero aheza akariha amafaranga 4100. Ariko rero ngo umunywanyi arengeje urwo rugero rwa kirowateri 50 ku kwezi, ikirowateri irenze kuri izo 50, araheza akayigura amafaranga 290. Haruhande y’iyo migwi ibiri, ngo hariho uwundi mugwi w’abanywanyi barenza ama kirowateri 150, ikorawateri irenga kuri izo 150, aca ayigura amafaranga 546, agaca arenzako ico bita « charge fixe » y’amafaranga 6822 kubera ko akoresha vyinshi. Ku miryango, ngo ni iyo migwi itatu ariko uwo mugwi wanyuma, ntibamugerera akoresha ivyo ashatse vyose.Kubera ivyo biciro, ngo mu miryango  bokoresha umuyagankuba baharura, bakibuka kuzimya amatara mu vyumba ata muntu ariyo. Vyongeye, ngo muri uko gukoresha neza uwo muyagankuba, imiryango n’uko yokoresha amatara akoresha umuyagankuba mukeya (6W, 9W) kandi akaka neza. Ikindi ngo n’uko mu miryango twokoresha ibikoresho vyo mu nzu  bisaba umuyagankuba mukeyi. Mu ntumbero yo kumenyekanisha ivyo biciro, ngo mu bushikiranganji bariko bararaba ingene ivyo biciro babicishije mu kigo AREEN vyo kwiragizwa hagati mu gihugu, gutyo abanywanyi b’ishirahamwe REGIDESO bamenye ingene biharugwa. Mu migambi ya vuba, ngo barategekanya kandi gukwiragiza mu gihugu hagati ya makonteri y’umuyagankuba ukoresha ivyo wiguriye imbere y’igihe « compteurs prépayés », mu gisagara ca Bujumbura ngo bageze ku bice 90%, abanywanyi mu gihugu hagati ngo baguma bazisaba.

Déo Misigaro                                                                                                            

 

Urwego CNC rwaratanguye gutanga ikarata nshasha ndangamumenyeshamakuru ku bazigenewe

Kw’igenekerezo rya 30 mukakaro 2019 urwego rujejwe kugenzura ibimenyeshamakuru CNC rwaratunganije mu nyubakwa z’ihoteri « Source du Nil », inama  ku baserukira inzego zitandukanye, abaserukira amaradiyo  n’ibinyamakuru mu ntumbero yo gushikiriza icegeranyo c’ivyo rwaranguye mu mwaka w’2018 ushira uw’2019, kakaba kabaye n’akaryo ko  gutanguza icese itangwa ry’ikarata nshasha ndangamenyeshamakuru. Kw’igenekerezo rya 30 mukakaro 2019 urwego rujejwe kugenzura ibimenyeshamakuru CNC rwaratunganije mu nyubakwa z’ihoteri « Source du Nil », inama  ku baserukira inzego zitandukanye, abaserukira amaradiyo  n’ibinyamakuru mu ntumbero yo gushikiriza icegeranyo c’ivyo rwaranguye mu mwaka w’2018 ushira uw’2019, kakaba kabaye n’akaryo ko  gutanguza icese itangwa ry’ikarata nshasha ndangamenyeshamakuru. Mw’ijambo ryiwe ry’uwo munsi, Uwurongoye urwego CNC, Nestor Bankumukunzi yaramenyesheje ko haheze hafi imyaka 2 igikorwa co gutegura n’ugushikiriza ayo makarata ndangamenyeshamakuru kiriko kirakorwa.  Yaciye kandi amenyesha ko itegeko rishasha rigenga umwuga w’ukumenyeshamakuru ari ryo ritegekenya ikarata ndangamenyeshamakuru. Iryo tegeko ngo rimaze gushirwako umukono n’Umukuru w’Igihugu,mu rwego CNC baciye baja ku kivi basaba ivyangombwa abo bose bakwije ibisabwa n’amategeko bifuza kuyironka.  Ikindi yamenyesheje ngo ni uko vyagoranye gatoyi kugirango biboneke vyose, abiyandikishije mu gitabu candikwamwo abamenyeshamakuru gushika uwo munsi ngo bakaba bagera ku 1512.  Abagera ku 772 bakaba ngo bamaze gukwiza ivyo vyose bisabwa n’amategeko kugirango baronke iyo karata muri abo abagera  ku 400 nabo bakaba bamaze gukorerwa ikarata ndangamenyeshamakuru. Ariko ngo n’abo bandi basigaye bamaze gukwiza ivyangombwa, ikarata zabo zikaba ziriko zirakorwa zigaheza ngo zigakorwa n’uwo abarongoye ibimenyeshamakuru bahurijeko kugirango ashobore kuzikora.  Nestor Bankumukunzi akaba yamenyesheje ko uwo musi ari intango y’igikorwa biyemeje gutunganya ,aboneraho no guhumuriza abarindiriye kuzironswa ko nabo nyene bazoshikirwa. Yamenyesheje ko ari nk’akagohe yavuniye abamenyeshamakuru batari bwasabe iyo karata ko nihagera ko isabwa urwo rwego ruzoheza rubimenyeshe abo bose bakorana n’abamenyeshamakuru hamwe n’ibinyamakuru. Yarangije asaba ko abataronse ikarata zabo botenyenya ariko ko mu mezi makenya ari imbere uwutazoba ayifise atazoba azwi nk’umumenyeshamakuru. Ku bijanye n’ivyaranguwe, bimwe muri vyo akaba yamenyesheje ko bagendeye amaradiyo hamwe n’ibinyamakuru mu ntumbero yo kuraba ukuntu biriko birakora . Urwo rwego kandi ngo rwaratunganije inama zitandukanye ku baserukira amaradiyo hamwe n’ibinyamakuru rwongera ruratunganya inyigisho zitandukanye ku bamenyeshamakuru . Tubamenyeshe ko inyuma y’ico cegeranyo haciye hatangwa ikarata ku bamenyeshamakuru batandukanye baserukiye amaradiyo n’ibinyamakuru bitandukanye ibirori bikaba vyari vyatewe iteka n’umukuru w’Igisagara ca Bujumbura Freddy Mbonimpa , umuhanuzi mukuru ajejwe kumenyesha amakuru mu biro vy’Umukuru w’Igihugu Willy Nyamitwe,Uwurongoye ishirahamwe ry’amaradiyo ABR. Mw’ijambo ryiwe Willy Nyamitwe akaba yarakeje urwego CNC ku ntambwe rugezeko mu bijanye n’itegurwa ry’ikarata ndangamenyeshamakuru. Yaciye amenyesha ko umwuga w’ukumenyeshamakuru uha iteka uwuwukora uko bitegerezwa yongera amenyesha ko ari iteka ntangere kuba imboneza y’abanyagihugu.Nk’uko icegeranyo c’ivyaranguwe n’ikigo CNC cerekanye amakosa amwe amwe ku bimenyeshamakuru , Willy Nyamitwe yarakebuye ababirongoye n’abamenyeshamakuru ko bokwama bisunga amategeko agenga umwuga wabo , na cane cane muri iki gihe twegereje amatora yo mu 2020. Yarangije yemera ko urwago rw’Umukuru w’igihugu rutazohengeshanya gufata mu mugongo ikigo CNC n’ibimenyeshamakuru  kugira barangure neza imirimo bajejwe ku neza y’abanyagihugu.

Christine Manirambona

 

Abadandaza basabwa gukora bisunze amategeko, ntibakorere mu rufuri

Abadandaza bahunga abakozi b’ikigo kijejwe gutoza amatagisi n’amakori (OBR) canke abakozi bo mu biro vy’igisagara ca Bujumbura  ni uko baba bakora badakurikije amategeko. Ivyo ni ivyashikirijwe n’umuyobozi w’igisata co kumenyesha amakuru mu kigo OBR, Stany Ngendakumana mu kiganiro yahaye ikinyamakuru UBUMWE ku wa 24 Mukakaro 2019.Abadandaza bahunga abakozi b’ikigo kijejwe gutoza amatagisi n’amakori (OBR) canke abakozi bo mu biro vy’igisagara ca Bujumbura  ni uko baba bakora badakurikije amategeko. Ivyo ni ivyashikirijwe n’umuyobozi w’igisata co kumenyesha amakuru mu kigo OBR, Stany Ngendakumana mu kiganiro yahaye ikinyamakuru UBUMWE ku wa 24 Mukakaro 2019.Nk’uko yabandanije abimenyesha ngo umuntu wese atanguye urudandazwa urwari rwo rwose abwirizwa kuriha ikori. Ku bw’ivyo, ngo uwo muntu ategerezwa kurondera ivyangombwa biranga ko ari mu mategeko mu kigo OBR akongera akariha mu biro vy’igisagara ca Bujumbura amafaranga ategekanijwe kuri urwo rudandazwa rwiwe. Ivyo navyo bikaba ari inomero ndangamudandaza « NIF» hamwe n’igitabu c’urudandaza «Registre du commerce». Ngo hari imigwi ishika 4 y’abadandaza aho umudandaza wese aba ategerezwa kumenya umugwi arimwo n’ikori ategerezwa gutanga. Uwa mbere ni umurwi urimwo abadandaza batoya cane baronka kuva kw’ifaranga 1 ry’amarundi gushika ku 24 000 000 vy’amafaranga yose mu yandi majambo umutahe n’inyungu vyose birimwo ku mwaka, ni ukuvuga ibihumbi 66 ku munsi. Muri ico gihe, uwo mudandaza ari muri uwo murwi ngo yoriha 350 gusa y’ikori ku munsi kandi abadandaza benshi usanga bari muri uwo mugwi. Uwa kabiri urimwo abadandaza batoya baronka kuva ku 24 000 000 gushika  ku  100 000 000 y’amafaranga y’amarundi, uwa gatatu kuva kuri 100 000 000 gushika kuri 1000 000  000 y’amafaranga y’amarundi nyene hamwe rero n’umugwi wa nyuma uva kuri 1 000 000 000 kuduga ku mwaka ku mwaka. Iyo umudandaza atagiye arariha ikori ngo hari ibihano bitegekanijwe igihe afashwe.  Stany Ngendakumana yarongeye amenyesha ko abantu benshi batinya kuboneka canke guseruka bagakunda gukorera mu gifuri. Ariko abadandaza bose bakorera ahantu hazwi ngo bakwiye kumenya amategeko abagenga gutyo bagakora bisunze amategeko ngo ninaho batazoheza ngo bahunge igihe cose abakozi ba OBR canke aba «Mairie» baciye mu makaritiye kugenzura uko urudandazwa ruriko ruragenda. Uwutanguye urudandazwa ngo ategerezwa kuba afise ivyangombwa mu minsi 15 kuva atanguye ico gikorwa.Ku bijanye n’ingene ico kigo gikorana n’ibiro vy’igisagara ca Bujumbura, Stany Ngendakumana yamenyesheje ko ikigo OBR gifise itegeko cisunga rigenga amakori n’amatagisi hanyuma ibiro vy’igisagara ca Bujumbura navyo bikisunga itegeko rigenga ubutunzi bw’amakomine. Ayo mategeko rero ngo hariho ahantu yinjiranamwo arico gituma usanga abakozi b’ayo mashirahamwe uko ari abiri bose bagenzura ico gikorwa kijanye n’urudandazwa.

Estella Niyongere

 
Ouvrir