Publications de Presse Burundaise, Rohero I Avenue de la JRR N°17 Immeuble le SAVONNIER, Téléphone standard : (257) 22 22 62 32, Fax :(257) 22 22 58 94, email: pressequotidienne@yahoo.fr

w’ukuri ahamagariwe kw’itegurira neza umunsi mukuru w’iyurizwa mw’ijuru rya Bikira Mariya

PatirirUmunsi mukuru w’iyurizwa mw’ijuru rya Bikira Mariya wama uhimbazwaigenekerezo rya 15 Myandagaro uko umwaka utashengo ni umusi mukuru uhimbazwa cane muri Ekreziya katorika utanga akanyamuneza ku bakristu aho bigina ko nyina w’Imana yurijwe mw’ijuru umutima n’umubiri. Ivyo vyamenyeshejwe na Patiri Dieudonné Niyibizi ajejwe igisata c’ukumenyesha amakuru muri Diyoseze nkuru ya Bujumbura igihe yariko araha ikiganiro ikinyamakuru Ubumwe kw’igenekerezo rya 9 Myandagaro 2019.Umunsi mukuru w’iyurizwa mw’ijuru rya Bikira Mariya wama uhimbazwaigenekerezo rya 15 Myandagaro uko umwaka utashengo ni umusi mukuru uhimbazwa cane muri Ekreziya katorika utanga akanyamuneza ku bakristu aho bigina ko nyina w’Imana yurijwe mw’ijuru umutima n’umubiri. Ivyo vyamenyeshejwe na Patiri Dieudonné Niyibizi ajejwe igisata c’ukumenyesha amakuru muri Diyoseze nkuru ya Bujumbura igihe yariko araha ikiganiro ikinyamakuru Ubumwe kw’igenekerezo rya 9 Myandagaro 2019.Nkuko yabandanije abimenyesha, uwo musi mukuru ngo watanguye guhimbazwa mu kinjana c’umunani. Iyurizwa mw’ijuru rya Bikira Mariya kandi ngo ni imwe mu ngingo zigize ukwemera kuva mu 1950.Ikindi yongeye kumenyesha ngo ni uko kuri uwo munsi mukuru abakristu bigina ko yurijwe mw’ijuru akaja gusangira n’umwana wiwe akanyamuneza n’ubuninahazwa bwo mw’ijuru. Iyurizwa mw’ijuru rya Bikira Mariya kandi ngo rishingiye cane cane kw’iteka yatewe ryo gusama,gukuza,kwibaruka no guherekeza kugeza ku musi wa nyuma umwana w’Imana mukiza w’abantu n’isi yose.Umukristu w’ukuri rero  ngo ahamagariwe kwitegurira uwo munsi mbere akagira n’ingendo,  kuko kandi ari umunsi mukuru wibutsa abakristu ko bari mu rugendo.  Ikindi yamenyesheje kandi ngo ni uko uwo musi mukuru uri mu yindi minsi mikuru itegerezwa ya Ekreziya katorika.

Christine Manirambona   

 

Inama Nshingamateka y’Uburundi iritwararitse iterambere ry’abakenyezi

irifyoKw’igenekerezo rya 7 myandagaro 2019 Umukuru w’Inama Nshingamateka Pascal  Nyabenda yarakiriye mu biro iwe uwuserukira ishirahamwe mpuzamakungu ryitaho abakenyezi « ONU femme »Jennet  Kem ari kumwe n’abari bamuherekeje akaba yaramenyesheje ingene urwo rwego arongoye rwitwararitse iterambere ry’abakenyezi nk’uko vyashikirijwe  n’umuvugizi w’Umukuru w’Inama Nshingamateka, Alexis Badian Ndayihimbaze inyuma y’uwo mubonano.Alexis  Badian Ndayihimbaze  akaba  yabandanije amenyesha abo bashitsi bari baje kugirango bavugane n’Umukuru w’Inama Nshingamateka narirya iryo shirahamwe risanzwe rikorana n’Inama Nshingamateka mu bitari bike.  Ivyo navyo ngo ni nk’ibijanye n’ugukarihiriza ubwenge abashingamateka n’abakenguzamateka b’abakenyezi. Icatumye bamugendera kandi ngo kwari ukugira bamushikirize ibijanye n’imigambi canke ibikorwa boba bashaka ko barangurana muri uyu mwaka mbere no mu myaka itanu iri imbere guhera muri uyu mwaka w’2019.   Kw’igenekerezo rya 7 myandagaro 2019 Umukuru w’Inama Nshingamateka Pascal  Nyabenda yarakiriye mu biro iwe uwuserukira ishirahamwe mpuzamakungu ryitaho abakenyezi « ONU femme »Jennet  Kem ari kumwe n’abari bamuherekeje akaba yaramenyesheje ingene urwo rwego arongoye rwitwararitse iterambere ry’abakenyezi nk’uko vyashikirijwe  n’umuvugizi w’Umukuru w’Inama Nshingamateka, Alexis Badian Ndayihimbaze inyuma y’uwo mubonano.Alexis  Badian Ndayihimbaze  akaba  yabandanije amenyesha abo bashitsi bari baje kugirango bavugane n’Umukuru w’Inama Nshingamateka narirya iryo shirahamwe risanzwe rikorana n’Inama Nshingamateka mu bitari bike.  Ivyo navyo ngo ni nk’ibijanye n’ugukarihiriza ubwenge abashingamateka n’abakenguzamateka b’abakenyezi. Icatumye bamugendera kandi ngo kwari ukugira bamushikirize ibijanye n’imigambi canke ibikorwa boba bashaka ko barangurana muri uyu mwaka mbere no mu myaka itanu iri imbere guhera muri uyu mwaka w’2019.   Ikindi bavuganye ngo n’uko kenshi iyo bariko barashaka gukora ku bijanye n’itearmbere ridakumira hamwe n’ingene abakenyezi baserukirwa  cane cane mu bijanye n’inzego , ngo boheza bakaraba uko ibintu vyifashe ku rubuga cane cane mu gihugu.  Pascal Nyabenda ngo yaciye atanga akarorero k’uko iryo shirahamwe ryashize imbere guteza imbere umukenyezi ,ariko ngo n’aho biri uko hakaba hariho ikibazo cama cibonekeza mu mashure aho umukobwa  bishitse agatwara inda y’ishushu ari umunyeshure aheza akamera  nk’uwuhebwe.   Umukuru w’Inama Nshingamateka rero ngo yaciye abasaba ko mu migambi bafata yorangurwa boshira imbere uwo  mwana w’umwigeme aba ashikiwe n’ivyo bibazo kw’ishure  kugirango habeho imigambi imutegekaniriza kazoza.  Aho   ngo ni mu ntumbero y’ukugirango bazovemwo indongozi zibushitse muri kazoza.   Abo bashitsi rero ngo baranashatse kumenya uruhara Inama Nshigamateka yoba ihereza umukenyezi , Pascal Nyabenda ngo akaba yababwiye  ko ico kibazo c’Iserukirwa ry’abakenyezi canke abigeme kitahari  kuko ngo bafise abashingamateka b’abakenyezi  bagera ku bice 36kw’ijana na cane cane ko Ibwirizwa Shingiro ritegekanya n’imiburiburi ibice 30 kw’ijana.

Abarundi baja gusaba akazi mu mahanga basabwa kwisunga amategeko 

Unyuma y’uwo mubonano, Umukuru w’Inama Nshingamateka Pascal Nyabenda yaciye yikira uwujejwe gutunganya ibikorwa mu buserukizi bwa Reta zunze Ubumwe za Amerika ambassaderi Eunice S.Reddick.  Uwo mushitsi ngo akaba ari mushasha mu Burundi yashitse ku wa 20 Rusama 2019. Nk’uko umuvugizi w’Umukuru w’Inama Nshingamateka, Alexis Badian Ndayihimbaze yabimenyesheje inyuma y’wuo mubonano, ngo yari azanywe no gushikiriza Umukuru w’Inama Nshingamateka utubazo tumwe tumwe kandi,mbere akaba  yagiye araronka n’inyishu.  Kuri ivyo bibazo rero ngo yarashatse kumenya ibijanye n’ukuntu Uburundi buriko buritegurira amatora .  Pascal Nyabenda ngo akaba yamumenyesheje ko Uburundi buhagaze neza  buriko  buritegurira  neza kandi intambwe bushitseko ishimishije. Yarongeye ngo aramubwira ko amatora yo mu mwaka w’2020 azoba amatora atandukanye cane n’amatora  yoba amaze kubaho igihe cose kuva Uburundi bubaho.  Igituma ngo ni kubera Abarundi bo nyene biyegeranirije uburyo bivuye ku kamo batewe n’Umukuru w’igihugu akaba mbere aheruka kumenyesha ko bwakwiye ivyo guterera amatora vyohagarara.Ikindi kandi ngo ni uko ivyahora bitera ubwoba bijanye n’ukutumvikana hagati y’imigambwe atabihari kuko ngo iyemewe yose mu gihugu ibanye neza.Uwo mushitsi kandi  ngo yarashatse kumenya igituma hariho abantu bamwe bamwe bava mu gihugu bakaja mu bihugu vy’abarabu.  Pascal Nyabenda ngo akaba yamwishuye ko ubwa mbere ho amategeko atemera y’uko haba ibikorwa ben’ivyo.  Akenshi rero ngo abantu bagenda bumva ko bagiye kurondera akazi ariko ngo vyasaba yuko bagenda biciye mu mategeko. Reta rero ngo ntiyemera ko bagenda kurondera ubuzi bitajanye n’amategeko ariko ngo hari abagenda binyegeje. Yaciye kandi amenyesha ko ni igiporisi kimaze guhagarika abatari bake .Umukuru w’Inama Nshingamateka rero ngo akaba yarangije amumenyesha ko muri kino  gihe ku ruhande rw’Uburundi hariho integuro ijanye n’umugambi w’igihugu ujanye n’iterambere « plan National du dévellopement »,  akaba yaciye asaba ko boshigikira uwo mugambi kugirango ushirwe mu ngiro .

Christine Manirambona

 

Inyungu mu mashirahamwe ya Reta n’ayo ifisemwo imitahe zikwiye kugaburwa neza

surayInyungu  mu mashirahamwe ya Reta n’ayo ifisemwo imitahe zikwiye kugabanganywa neza hagati y’abanyamitahe na Reta irimwo. Ivyo ni ivyavugiwe mu nama Umukuru w’igihugu yagirishije abarongoye amashirahamwe ya Reta n’ayo ifisemwo imitahe bahuriye mw’ihoteri “Les Plateaux” ku mugwa mukuru  w’intara ya Ngozi.Inyungu  mu mashirahamwe ya Reta n’ayo ifisemwo imitahe zikwiye kugabanganywa neza hagati y’abanyamitahe na Reta irimwo. Ivyo ni ivyavugiwe mu nama Umukuru w’igihugu yagirishije abarongoye amashirahamwe ya Reta n’ayo ifisemwo imitahe bahuriye mw’ihoteri “Les Plateaux” ku mugwa mukuru  w’intara ya Ngozi.Inyuma y’iyo nama, icegera c’umuvugizi w’Umukuru w’igihugu, Alain Diomède Nzeyimana akaba yabanje kwibutsa ko muri Rusama 2019 habaye umwiherero wa Reta aho bihweje ukugene inyungu ziba zabonetse mu mashirahamwe ya Reta n’ayo Reta ifisemwo imtahe yogaburwa neza hagati y’abanyamitahe. Yamenyesheje kandi ko iyo nama yari yatumiwemwo abaserukira amashirahamwe ashika 30 Reta ifisemwo imitahe kuva ku rugero rw’igice kimwe gushika ku bice ijana kw’ijana(100%). Yamenyesheje kandi ko mu bisanzwe ayo mashirahamwe yategerezwa gushikiriza icegeranyo mu bijanye n’ubutunzi n’uburongozi uko umwaka utashe. Mu gihe basanze ishirahamwe ryarungutse bene imitahe barashobora gufata ingingo yo kugabura inyungu kugira nabo bashobore kwiteza imbere. Yamenyesheje ko muri ico gikorwa, Umukuru w’igihugu yifashishije abahanuzi bakuru mu biro vy’Umukuru w’igihugu aribo Denise Sinankwa na Serges Ngendakumana. Abo nabo ngo barashoboye kwerekana neza ukugene ico gikorwa categerezwa kugenda. Ico kumenya ngo ni uko iyo mitahe ya Reta iva mu matagisi n’amakori atangwa n’abanyagihugu. Arico gituma inyungu yategerezwa kugaruka mu minwe ya Reta kugira iyaranguze imigambi y’iterambere. Abanyagihugu nabo bakahabonera akarusho kuko haba hubatswe amabarabara, ibiraro, amashure, amavuriro n’ibindi. Yamenyesheje ko umwaka uheze basanga ibintu bitagenze uko vyategerezwa. Hari amashirahamwe basanga yarashitse kuri ivyo bitigiri kandi agatanga inyungu ya Reta hakaba n’ayandi yunguka ariko ugasanga aha Reta intica ntikize. Hari kandi n’ayandi mashirahamwe adafise n’ivyo vyegeranyo kandi n’ayo mafaranga ataboneka kuko bigaragara ko kuva mu mwaka w’2010 akora ahomba. Umukuru w’igihugu rero ngo yarabajije abarongoye ayo mashirahamwe ko batahura neza ko ayo mafaranga ari ay’abanyagihugu. Ikindi yibukije n’uko hategekanijwe umugambi w’igihugu w’imyaka 10 arico gutuma ayo mashirahamwe akwiye kubigiramwo uruhara ruboneka. Ngo ni naho yofasha gushika kw’ihangiro bihaye ryo gushika ku bice 10 mw’iduzwa ry’ubutunzi bw’igihugu.   Umukuru w’igihugu yasavye inzego zitandukanye harimwo abakora mu biro vy’Umukuru w’igihugu gukora icigwa cerekana neza ukugene ayo mashirahamwe yakoze kuva ashingwa. Ngo ni naho hoboneka icatumye amwe akora yunguka ayandi agakora ahomba,hakongera hakaboneka yuko umuyobozi uyu canke uriya yoba abafisemwo uruhara. Yatanze intumbero yuko mu mezi abiri ivyegeranyo vyose bikenewe vyoba vyatunganijwe kugira bazohure muri gitugutu 2019,babona ko bateye intambwe. Icibonekeje ni uko kuva izo nama zitangura gutunganywa, iyo ikaba yari igize gatatu, vyazanye akarusho gahambaye. Yaboneyeho akaryo ko gutera intege abariko barakora neza n’abariko baragerageza kwisununura. Abandi nabo yabasavye kwikubita agashi. 

Epitace Nduwayo     

 

Prezida Nkurunziza ahanura abarundi bose kubungabunga umwimbu baronse kugira ntibaze bicuze

dfrezUmukuru w’igihugu Petero Nkurinziza ahanura abarundi kubungabunga umwimbu baronse no kuwukoresha neza kugira bazoshike aho bimbura ivy’agatasi bagifise ivyo bafungura. Ivyo akaba yabimenyesheje ku wa 5 myandagaro 2019 mu gihe we n’umuryango wiwe bariko barasoroma imyumbati yatewe ku buhinga bwa kijambere hamwe n’ibigori vyarimwe mu gihe c’impeshi ku musozi wa Rutanga muri komine Gashikanwa, intara ya Ngozi. Yarashimye rero kubona umwimbu w’ibigori n’imyumbati yariko arasoroma wagenze neza akaba kandi yari yabisavye Imana mu gihe co guteragira. Umukuru w’igihugu Petero Nkurinziza ahanura abarundi kubungabunga umwimbu baronse no kuwukoresha neza kugira bazoshike aho bimbura ivy’agatasi bagifise ivyo bafungura. Ivyo akaba yabimenyesheje ku wa 5 myandagaro 2019 mu gihe we n’umuryango wiwe bariko barasoroma imyumbati yatewe ku buhinga bwa kijambere hamwe n’ibigori vyarimwe mu gihe c’impeshi ku musozi wa Rutanga muri komine Gashikanwa, intara ya Ngozi. Yarashimye rero kubona umwimbu w’ibigori n’imyumbati yariko arasoroma wagenze neza akaba kandi yari yabisavye Imana mu gihe co guteragira. Yaboneyeho akaryo ko gutera akamo abigina umwimbu bawushora hanze kugira bikebuke bawubungabunge. Yabwiye Abarundi ko umugabo ari uwurya akaraza kandi kuva na kera na rindi Abarundi bamye bashira umwimbu mu bigega bagashora umusesekara. Yamenyesheje ko umwimbu ushimishije kuko nk’igikoti kimwe c’imyumbati cavuyeko nk’imyumabti ishika 20 canke 30 ku buryo gishobora gushitsa ibiro 40 canke  50. Yarashimye kandi n’umwimbu w’ibigori vyatewe kw’irima ry’impeshi,yongera arashima ko umwimbu warwiriye no mu banyagihugu bose. Akaba yaranezerejwe n’uko yasanze Imana yumva kandi yishura. Uwo mwimbu rero ngo uzofasha Abarundi kurwanya ubukene n’inzara no guteza imbere igihugu c’Uburundi. Umukuru w’igihugu Petero Nkurunziza yamenyesheje kandi ko kugira umwimbu w’imyumabati wiyongere ku rugero nk’urwo ari ubuhinga bigishijwe n’umunyagihugu w’umuterambere wo mu ntara ya Kirundo. Umukuru w’igihugu yaboneyeho akaryo ko gusaba ubushikiranganji bujejwe ibidukikije, uburimyi n’ubworozi guhimiriza abarimyi gukoresha ubwo buhinga mu gihugu cose. Ubwo buhinga bushasha bwo gutera imyumbati, bimba ikinogo c’imetero hanyuma bakagishiramwo umwavu w’ibitungwa n’ivyatsi bakangaje, bagaca batera igikoti kirekire kandi gishinze. Ubwo buhinga butuma hashora imyumbati myinshi kuko ahari ijisho hose haza umwumbati. Amenyesha ko ubwo buhinga mu gihe bwokwiragizwa mu gihugu umwimbu w’imyumbati wokwiyongera ku rugero rudasanzwe.

Epitace Nduwayo

 

Umunsi wahariwe amakomine ari akaryo ko kwigira imigambi ku bavukakomine bose

jiedUmunsi wahariwe amakomine warahimbajwe ku wa 3 myandagaro 2019 mu gihugu cose, ibirori nyamukuru bikaka vyabereye mu ntara ya Ngozi, ku musozi Buye muri komine Mwumba ari nayo Umukuru w’igihugu Petero Nkurunziza asanzwe avukamwo,mbere akaba yari yifatanije n’abandi bavukakomine bahuriye kuri uwo mutumba.Mw’ijambo Prezida Nkurunziza yashikirije abanyamwumba ndetse n’abarundi bose akaba yaramenyesheje  ko uwo munsi mukuru w’amakomine ukwiye kubabera intango yo gutahura ko ari bamwe.Prezida Nkurunziza yarashimye kubona uwo munsi mukuru wahimbajwe mu gihe mu gihugu cose harangwa amahoro n’umutekano mbere n’umwimbu w’impeshi wagenze neza mu makomine yose y’igihugu.Yarongeye menyesha ko uwo munsi ari akanyamuneza mu gihugu cose c’Uburundi aho abavukakomine bahura bagasangira bongera biginana. Niko kumenyesha ko ari n’akaryo ko kwirimbura no kwumvikana ku migambi bazorangura mu mwaka ukurikira. Yarongeye aributsa abarundi ko uwo munsi uhimbajwe haciye indwi imwe gusa hahimbajwe umunsi mukuru wo gushigikirana kandi agashima ko ico gikorwa cagenze neza. Niko kumenyesha ko ivyo bigaragaza urukundo ruri hagati y’abarundi na cane hagati y’abavukakomine. Bisubiye ngo hatabaye urukundo hagati y’abavukakomine nta  n’urwobaho mu gihugu cose. Ivyo navyo bikaba vyavuye mu nyigisho zo gukunda igihugu. Yaribukije ko muri kahise uwuteye imbere yaca asezera benewabo akagaruka ari mw’isandugu. Bisubiye kandi ngo umuvyeyi wa mbere  ku muntu wese ni komine. Prezida Nkurunziza yaramenyesheje ko Reta ahayo ifasha mu burimyi, amagara y’abantu, amashure no gucungera umutekano hanyuma uwuteye imbere nawe ateze imbere komine yiwe.

Muri ico gihe umuntu aba afise ideni ryo kwishura abamukobokeye kuva akivuka. Amabanga y’umuntu kandi azwi n’abavyeyi biwe hamwe n’abavukakomine. Yaboneyeho akaryo ko kwibutsa amajambo makuru makuru ari mu civugo c’uwo munsi: “Ubumwe” kuko ubugirigiri bugira babiri kandi tubiri tuvurana ubupfu.Niko kwibutsa abarundi ko bategerezwa kwitanga kugira abo bazosiga bazoshime iragi ryiza bazobasigira. Yarongeye amenyesha ko Ubumwe rero ari ikimenyetso caranga basokuru. Intete z’amasaka zirafatanye kandi zose zirasa arico gituma n’abarundi bategerezwa gusa nk’intete z’amasaka ari nako karanga k’urunani rwategerezwa kuranga abarundi. Niko kumenyesha ko ata muntu n’umwe yikwije arico gituma uwo ariwe wese akeneye uwundi kugira yiyuzuze. Abantu kandi baruzuzanya no ku minsi mikuru kuko arivyo biranga urukundo hagati y’abantu. Bisubiye urukundo ngo niyo ngabire iruta izindi zose kuko urwanko rudasubira kuronka ikibanza. Urukundo rero rugaragarira muvyo umuntu akora. Noneho uwutagukunda agutuma amananiza. Yarongeye amenyesha yuko imbere y’umuzo w’abakoroni ata murundi yisangiza canke ngo arire mu kizime kuko bavuga ko yovyara ibihumye. Bisubiye uwuhishije urwarwa canke impeke yatumira ababanyi. Uwo muco wagaragarira kandi mu manza ziba iz’inabi canke ineza. Nta muntu yihambisha umuntu kuko biri mu mico n’akaranga k’abarundi. Uwusohora umuvyeyi yaratumira abaryango n’ababanyi; uwusaba umugeni akarondera abamushigikira. Uwushaka kwubaka urwiwe araterereza incuti n’abagenzi co kimwe n’uwuganduka. Ubuzima bw’abarundi rero ngo bugizwe n’imanza, ugufashanya, ugutabarana mbere n’uwo ibitungwa bikubiswe n’inkuba bakamuvyukiriza. Kuri basogokoru kandi baratereka bakongera bagasomesha imikenke ariko abazungu bazanye amasorori n’amacupa vyatituye umuco wo gusangira. Niko kwibutsa abanyamwumba n’abarundi bose ko bagize urunani bazoheza bakwubaka igihugu hanyuma iterambere ribashware. Prezida Nkurunziza yamenyesheje kandi ko umunsi mukuru w’amakomine wagarukanye umunezero hagati y’abasangiye komine kuko utuma baganira ukugene bazofashanya n’ukugene bazokwubaka komine yabo. Niko kumenyesha ko ari n’akaryo keza ko gusezerana ibikorwa bagiye gukora no gutera intege abari ku kivi. Yamenyesheje ko mu bikorwa rusangi habatswe amasoko, amavuriro, amashure, amabarabara n’ibiraro. Niko gukebura abarya imitsi abandi kuko bameze nk’inyondwi. Naho biri uko amakuba y’urunyondwi n’uko n’iyo inka ipfuye ruguma rwumiyeko rutazi ko yapfuye. Niko kumenyesha yuko ibisangiye imizi bisangira kwuma, ariko aboneraho akaryo ko gusaba abanyamwumba n’abarundi bose kuvyirinda. Umukuru w’igihugu ahamagarira abarundi bose kuja mu mashirahamwe no mu makoperative kuko n’iyo umuntu asezeye isi umutahe wiwe ugumamwo kandi abana biwe canke abuzukuru bawutorana. Uwo munsi mukuru w’amakomine ukwiye kuba intango yo kwumva ko abarundi turi bamwe. Yarangije yipfuriza abarundi bose gushika kw’iterambere rirama, gutyo bave ku migambi y’umwaka baje ku migambi y’imyaka myinshi. Imbere yaho musitanteri wa komine Mwumba, Emmanuel Ndayizeye yarahaye ikaze Umukuru w’igihugu n’umuryango wiwe bari bitavye ivyo birori hamwe n’abavukakomine bari aho. Yarashimiye abavukakomine ku kugene bafashije bantahonikora mu munsi mukuru wo gushigikirana batanze amatoni 15 y’imfungurwa. Yarashimye kandi kubona uwo munsi mukuru ushitse bafise ivyo barata. Niko kumenyesha ko hubatswe amavuriro 7 mu mazone atatu kandi ko ku mitumba 29 iyo komine ifise hose hari ishure nshingiro kiretse umusozi wa Muremera. Ariko n’aho nyene baraharonse ikibanza co kwubakamwo ku buryo umwaka uzohera bamaze guheza kwubaka iryo shure. Yarashimiye abitanze mw’iterambere rya komine yabo aca aboneraho n’akaryo ko kubaha ubushimwe butandukanye bwo kubatera intege. Yarahaye agashimwe Umukuru w’igihugu Petero Nkurunziza k’urupapuro rw’iteka. Yongera araha n’izindi mpapuro z’iteka abantu bakuru bakuru bitanze m’iterambere rya komine yabo nk’umukuru w’imvukira Anselme Katiyunguruza, umukuru w’urwegio mpanuzwajambo ya komine n’abandi banyacubahiro batandukanye nk’umuyobozi w’indero muri komine yatumye komine Mwumba iba iya mbere mu ntara ya Ngozi mu kibazo c’umwaka w’icenda. Ku muce wa kabiri yarahaye agashimwe abarongoye imisozi bitanze mu bikorwa bitandukanye nko guca imikobeko, amabarabara, intwaro ibereye, guhimiriza abanyagihugu kwitabira ibikorwa rusangi n’ibindi. Umukuru w’imvukira za komine Mwumba, Anselme Katiyunguruza nawe yarakeje abakenyezi b’imyaka itandukanye bahiganywe mu kwinonora imitsi hamwe n’abaronse ubushimwe butandukanye. Yarongeye araha agashimwe umuyobozi ajejwe indero muri komine yabateye iteka mu kibazo ca Reta aho yamwemereye imishahara ibiri y’amahera ahembwa.Umunsi wahariwe amakomine warahimbajwe ku wa 3 myandagaro 2019 mu gihugu cose, ibirori nyamukuru bikaka vyabereye mu ntara ya Ngozi, ku musozi Buye muri komine Mwumba ari nayo Umukuru w’igihugu Petero Nkurunziza asanzwe avukamwo,mbere akaba yari yifatanije n’abandi bavukakomine bahuriye kuri uwo mutumba.Mw’ijambo Prezida Nkurunziza yashikirije abanyamwumba ndetse n’abarundi bose akaba yaramenyesheje  ko uwo munsi mukuru w’amakomine ukwiye kubabera intango yo gutahura ko ari bamwe.Prezida Nkurunziza yarashimye kubona uwo munsi mukuru wahimbajwe mu gihe mu gihugu cose harangwa amahoro n’umutekano mbere n’umwimbu w’impeshi wagenze neza mu makomine yose y’igihugu.Yarongeye menyesha ko uwo munsi ari akanyamuneza mu gihugu cose c’Uburundi aho abavukakomine bahura bagasangira bongera biginana. Niko kumenyesha ko ari n’akaryo ko kwirimbura no kwumvikana ku migambi bazorangura mu mwaka ukurikira. Yarongeye aributsa abarundi ko uwo munsi uhimbajwe haciye indwi imwe gusa hahimbajwe umunsi mukuru wo gushigikirana kandi agashima ko ico gikorwa cagenze neza. Niko kumenyesha ko ivyo bigaragaza urukundo ruri hagati y’abarundi na cane hagati y’abavukakomine. Bisubiye ngo hatabaye urukundo hagati y’abavukakomine nta  n’urwobaho mu gihugu cose. Ivyo navyo bikaba vyavuye mu nyigisho zo gukunda igihugu. Yaribukije ko muri kahise uwuteye imbere yaca asezera benewabo akagaruka ari mw’isandugu. Bisubiye kandi ngo umuvyeyi wa mbere  ku muntu wese ni komine. Prezida Nkurunziza yaramenyesheje ko Reta ahayo ifasha mu burimyi, amagara y’abantu, amashure no gucungera umutekano hanyuma uwuteye imbere nawe ateze imbere komine yiwe. Muri ico gihe umuntu aba afise ideni ryo kwishura abamukobokeye kuva akivuka. Amabanga y’umuntu kandi azwi n’abavyeyi biwe hamwe n’abavukakomine. Yaboneyeho akaryo ko kwibutsa amajambo makuru makuru ari mu civugo c’uwo munsi: “Ubumwe” kuko ubugirigiri bugira babiri kandi tubiri tuvurana ubupfu.Niko kwibutsa abarundi ko bategerezwa kwitanga kugira abo bazosiga bazoshime iragi ryiza bazobasigira. Yarongeye amenyesha ko Ubumwe rero ari ikimenyetso caranga basokuru. Intete z’amasaka zirafatanye kandi zose zirasa arico gituma n’abarundi bategerezwa gusa nk’intete z’amasaka ari nako karanga k’urunani rwategerezwa kuranga abarundi.

Niko kumenyesha ko ata muntu n’umwe yikwije arico gituma uwo ariwe wese akeneye uwundi kugira yiyuzuze. Abantu kandi baruzuzanya no ku minsi mikuru kuko arivyo biranga urukundo hagati y’abantu. Bisubiye urukundo ngo niyo ngabire iruta izindi zose kuko urwanko rudasubira kuronka ikibanza. Urukundo rero rugaragarira muvyo umuntu akora. Noneho uwutagukunda agutuma amananiza. Yarongeye amenyesha yuko imbere y’umuzo w’abakoroni ata murundi yisangiza canke ngo arire mu kizime kuko bavuga ko yovyara ibihumye. Bisubiye uwuhishije urwarwa canke impeke yatumira ababanyi. Uwo muco wagaragarira kandi mu manza ziba iz’inabi canke ineza. Nta muntu yihambisha umuntu kuko biri mu mico n’akaranga k’abarundi. Uwusohora umuvyeyi yaratumira abaryango n’ababanyi; uwusaba umugeni akarondera abamushigikira. Uwushaka kwubaka urwiwe araterereza incuti n’abagenzi co kimwe n’uwuganduka. Ubuzima bw’abarundi rero ngo bugizwe n’imanza, ugufashanya, ugutabarana mbere n’uwo ibitungwa bikubiswe n’inkuba bakamuvyukiriza. Kuri basogokoru kandi baratereka bakongera bagasomesha imikenke ariko abazungu bazanye amasorori n’amacupa vyatituye umuco wo gusangira. Niko kwibutsa abanyamwumba n’abarundi bose ko bagize urunani bazoheza bakwubaka igihugu hanyuma iterambere ribashware. Prezida Nkurunziza yamenyesheje kandi ko umunsi mukuru w’amakomine wagarukanye umunezero hagati y’abasangiye komine kuko utuma baganira ukugene bazofashanya n’ukugene bazokwubaka komine yabo. Niko kumenyesha ko ari n’akaryo keza ko gusezerana ibikorwa bagiye gukora no gutera intege abari ku kivi. Yamenyesheje ko mu bikorwa rusangi habatswe amasoko, amavuriro, amashure, amabarabara n’ibiraro. Niko gukebura abarya imitsi abandi kuko bameze nk’inyondwi. Naho biri uko amakuba y’urunyondwi n’uko n’iyo inka ipfuye ruguma rwumiyeko rutazi ko yapfuye. Niko kumenyesha yuko ibisangiye imizi bisangira kwuma, ariko aboneraho akaryo ko gusaba abanyamwumba n’abarundi bose kuvyirinda. Umukuru w’igihugu ahamagarira abarundi bose kuja mu mashirahamwe no mu makoperative kuko n’iyo umuntu asezeye isi umutahe wiwe ugumamwo kandi abana biwe canke abuzukuru bawutorana.

Uwo munsi mukuru w’amakomine ukwiye kuba intango yo kwumva ko abarundi turi bamwe. Yarangije yipfuriza abarundi bose gushika kw’iterambere rirama, gutyo bave ku migambi y’umwaka baje ku migambi y’imyaka myinshi. Imbere yaho musitanteri wa komine Mwumba, Emmanuel Ndayizeye yarahaye ikaze Umukuru w’igihugu n’umuryango wiwe bari bitavye ivyo birori hamwe n’abavukakomine bari aho. Yarashimiye abavukakomine ku kugene bafashije bantahonikora mu munsi mukuru wo gushigikirana batanze amatoni 15 y’imfungurwa. Yarashimye kandi kubona uwo munsi mukuru ushitse bafise ivyo barata. Niko kumenyesha ko hubatswe amavuriro 7 mu mazone atatu kandi ko ku mitumba 29 iyo komine ifise hose hari ishure nshingiro kiretse umusozi wa Muremera. Ariko n’aho nyene baraharonse ikibanza co kwubakamwo ku buryo umwaka uzohera bamaze guheza kwubaka iryo shure. Yarashimiye abitanze mw’iterambere rya komine yabo aca aboneraho n’akaryo ko kubaha ubushimwe butandukanye bwo kubatera intege. Yarahaye agashimwe Umukuru w’igihugu Petero Nkurunziza k’urupapuro rw’iteka. Yongera araha n’izindi mpapuro z’iteka abantu bakuru bakuru bitanze m’iterambere rya komine yabo nk’umukuru w’imvukira Anselme Katiyunguruza, umukuru w’urwegio mpanuzwajambo ya komine n’abandi banyacubahiro batandukanye nk’umuyobozi w’indero muri komine yatumye komine Mwumba iba iya mbere mu ntara ya Ngozi mu kibazo c’umwaka w’icenda. Ku muce wa kabiri yarahaye agashimwe abarongoye imisozi bitanze mu bikorwa bitandukanye nko guca imikobeko, amabarabara, intwaro ibereye, guhimiriza abanyagihugu kwitabira ibikorwa rusangi n’ibindi. Umukuru w’imvukira za komine Mwumba, Anselme Katiyunguruza nawe yarakeje abakenyezi b’imyaka itandukanye bahiganywe mu kwinonora imitsi hamwe n’abaronse ubushimwe butandukanye. Yarongeye araha agashimwe umuyobozi ajejwe indero muri komine yabateye iteka mu kibazo ca Reta aho yamwemereye imishahara ibiri y’amahera ahembwa.

Epitace Nduwayo

 

Imiduga mininiminini 18 igiye gufasha mu gikorwa co kwunguruza abantu mu gisagara

vaopppImiduga 18 mininiminini itwara abantu  niyo iherutswe gutangura gukora igikorwa co gutwara abantu n’ibintu mu gisagara ca Bujumbura, mu ntumbero yo kugabanya ya mirongo yibonekeza ku bituro bimwe bimwe vyo mu gisagara hagati. Kuri iyo miduga 18, iyishika 13 ikaba ari iy’ishirahamwe MEMENTO ifise ubushobozi bwo kwunguruza abantu 66 hamwe n’imiduga 5 y’ishirahamwe SEVITEB, iyo nayo ikaba ishobora gutwara n’imiburiburi abantu 100. Ivyo ni ivyashikirijwe n’umuyobozi mukuru ajejwe gutwara abantu n’ibintu, Consolateur Nitunga, ku wa 5 Myandagaro 2019, hari mu kiganiro yahaye ikinyamakuru UBUMWE.Imiduga 18 mininiminini itwara abantu  niyo iherutswe gutangura gukora igikorwa co gutwara abantu n’ibintu mu gisagara ca Bujumbura, mu ntumbero yo kugabanya ya mirongo yibonekeza ku bituro bimwe bimwe vyo mu gisagara hagati. Kuri iyo miduga 18, iyishika 13 ikaba ari iy’ishirahamwe MEMENTO ifise ubushobozi bwo kwunguruza abantu 66 hamwe n’imiduga 5 y’ishirahamwe SEVITEB, iyo nayo ikaba ishobora gutwara n’imiburiburi abantu 100. Ivyo ni ivyashikirijwe n’umuyobozi mukuru ajejwe gutwara abantu n’ibintu, Consolateur Nitunga, ku wa 5 Myandagaro 2019, hari mu kiganiro yahaye ikinyamakuru UBUMWE.Nk’uko umuyobozi mukuru ajejwe gutwara abantu n’ibintu, Consolateur Nitunga yabandanije abishikiriza, ngo kuva aho Reta y’Uburundi iboneye ko hari ikibazo co kwunguruza abantu mu gisagara ca Bujumbura, bitumwe n’uko hari imodokari zashaje ariko ata ngingo mperekeza yo kuzisubiriza yafashwe, vyabaye ngombwa ko ifata ingingo zibereye kugira ico kibazo gitorerwe umuti. Muri izo ngingo harimwo ko iheruka gukurako amatagisi ku miduga yo kwunguruza abantu ishobora kwunguruza kuva ku bantu 30 no kuduga. Iyo ngingo Reta imaze kuyifata, ngo ubushikiranganji bw’ibikorwa vya Reta, gutwara abantu n’ibintu no gutunganya ibisagara bwarafashije guhimiriza abagwizatunga kugira ngo bashobore gukorera mu gisata co gutwara abantu n’ibintu. Inyuma yo gufata iyo ngingo, ngo abagwizatunga bariko barumva akamo batewe, aho mu kwezi kwa Mukakaro guheze, ishirahamwe SEVITEB ryashoboye kwinjiza imiduga 5 ifise ubushobozi bwo gutwara abantu n’imiburiburi 100 ndetse hakaba hari n’uwundi uri inyuma uriko uraza. Iyo miduga 5 ikoreye rimwe igashobora kwunguruza abantu 500. Ku wa 2 Myandagaro 2019, ishirahamwe MEMENTO naryo nyene ryarinjiye mu gisata co gutwara abantu n’ibintu mu gisagara ca Bujumbura imiduga 13, ifise ubushobozi bwo gutwara abantu 66 bicaye umwe umwe wose, aho hari n’ivyuma bashobora gufata ingenzi zikagenda zihagaze. Mu gice ca kabiri, ngo iryo shirahamwe nyene rirategekanya kuzana imodokari nk’izo nyene 5 kugira zose hamwe zizoce zishika kuri 18. Izo modokari zose zikazoshobora gutwara abantu 1200 zikoreye mu gishingo kimwe.

Ikibazo co kwuguruza abantu mu gisagara coba kigiye gutorerwa umuti
Umuyobozi mukuru ajejwe gutwara abantu n’ibintu, Consolateur Nitunga akizera ko iyo miduga yose imaze gushika, bizotuma imirongo y’abiyunguruza igabanuka bimwe biboneka. Iyo miduga yose niyashika ikaba 24, ngo izoshobora gutwara abantu 1800 ipakiriye rimwe. Eka ngo mu gisata co gutwara abantu n’ibintu igihugu kiriko kiratera imbere, igisigaye n’uko hoba kubandanya iyindi migambi kugira n’abandi bagwizatunga bashobore gushira ikirenge mu ca bagenzi babo babatanguriye muri ico gisata. Mu bushikiranganji bw’ibikorwa vya Reta ngo bariko barakora kugira ibinogo biri mu mabarabara bibandanye bizibigwa, gutyo bene izo modokari ntizononekare, bakore bunguka.Ku kibazo co kumenya ko imodokari zunguruza abantu ntonto zizobandanya zikora, Consolateur Nitunga yamenyesheje ko izo modokari zizobandanya zikora ariko agatera akamo benezo ko bozisanura kugira zishobore kwunguruza abantu mu buryo bubereye. Abo bizonanira nabo, ngo ntibazotinya kuzikura mw’ibarabara. N’aho poritike yo kwunguruza abantu mu gisagara iriko iratera intambwe, ngo harakenewe icigwa co korwa kugira hamenyekane igitigiri kanuni c’abantu biyunguruza mu buryo rusangi, ico yise « transport en commun », ico gitigiri ngo cofasha kumenya abegwa bose niyo poritike. Ico gikorwa ngo bogikorana n’ikigo ISTEEBU.

Ukwiyunguruza mu miduga rusangi bizotuma urujan’uruza mu gisagara rworoha
Nk’uko mu bindi bihugu bimaze gutera imbere bikorwa, mu ntumbero yo kugabanya uruja n’uruza mu mabarabara, ico yise « embouteillage », abantu bose biyunguruza mu miduga rusangi, gutyo uruja n’uruza mu mabarabara bigatuma rworoha kubera imiduga iba ari mikeya, aho n’abakozi biyunguruza n’ubwo buryo nyene. Vyongeye, ngo no ngaha iyo miduga mininiminini ngo yoboneka ku rugero rwukwiye, ngo bazobwira abakozi ko botonda ku mirimo yabo n’iyo miduga, iyabo igasigara mu bibanza bitunganije, ico yise « gars voyageurs ». Uwo mugambi ngo uca ufata n’uwundi wo kwubaka ibibanza vyo gushiramwo imodokari z’abantu biyunguruza n’imiduga rusangi « gars voyageurs », aho ngo ninaho ivyo bimodokari bininibinini vyo katira, bigaheza bigatwara abantu biyunguruza harimwo n’abakozi ba Reta. Ivyo bibanza ngo vyoba bine mu gisagara cose, mu bumanuko, uburaruko, ubuseruko no burengero bwaco. Umuyobozi mukuru ajejwe gutwara abantu n’ibintu atera akamo abagwizatunga gushira imitahe muri ico gisata, ngo ni igisata bakora bunguka igihe bakoranye neza n’inzego zibijejwe na cane cane mu kuraba ko amabarabara ameze neza, n’ibindi.

Déo Misigaro

 
Ouvrir