Publications de Presse Burundaise, Rohero I Avenue de la JRR N°17 Immeuble le SAVONNIER, Téléphone standard : (257) 22 22 62 32, Fax :(257) 22 22 58 94, email: pressequotidienne@yahoo.fr

Abakenyezi bahungutse basabwe kwinjira mw’ishirahamwe ryahariwe, kubavugira

IMG 4758Abantu na cane cane abakenyezi bahungutse ngo bahura n’ingorane nyinshi ariko ikinezereje ngo ni uko baba bagarutse mu gihugu cabibarutse. Muri izo harimwo izijanye n’amatongo, guharikwa, gutakaza akazi, kwinubana n’ibindi. Ivyo ni ivyashikirijwe n’umukuru w’ishirahamwe ry’abakenyezi b’abarundikazi bahungutse, Godeliève Manirakiza mu kiganiro yahaye ikinyamakuru UBUMWE ku wa 6 Ntwarante 2019.Abantu na cane cane abakenyezi bahungutse ngo bahura n’ingorane nyinshi ariko ikinezereje ngo ni uko baba bagarutse mu gihugu cabibarutse. Muri izo harimwo izijanye n’amatongo, guharikwa, gutakaza akazi, kwinubana n’ibindi. Ivyo ni ivyashikirijwe n’umukuru w’ishirahamwe ry’abakenyezi b’abarundikazi bahungutse, Godeliève Manirakiza mu kiganiro yahaye ikinyamakuru UBUMWE ku wa 6 Ntwarante 2019.Nk’uko yabandanije abimenyesha ngo ahantu umuntu amaze igihe kinini ataba iyo bishitse akahagaruka ntivyoroha kuko mu bo ahasanze ngo si benshi banezerererwa igaruka ryiwe. Muri ico gihe ngo bimusaba kugerageza kumenya kwiyubara, akamenya ingene abana nabo ahasanze, akamenya kubiyegereza kuko kenshi usanga bamwinuba n’ibindi.. Benshi mu bakenyezi bahunguka bakunda guhura n’ibibazo vy’amatongo kuko kenshi basanga hari abantu canke mbere n’imiryango baramaze kwigarurira amatongo yabo. Muri ico gihe hari abaca babura aho bashikira, indyane zigaca zitangura, hari abaca baja kuburana hari abatwarwa n’ishavu ari naho hahora havamwo n’abicana kubera amatongo. Iyindi ngorane n’iyijanye no guharikwa, iyo umukenyezi yahunze wenyene canke ari kumwe n’abana gusa ngo birashobora gushika agarutse agasanga umugabo yararongoye uwundi mugore aza afise n’abana. Muri ico gihe ngo haca haba intambara hagati y’abo bakenyezi eka ngo no hagati y’abo bana nyene. Ingorane yindi nyamukuru yari iyijanye n’abahunga bafise akazi bagaheza bagarutse bagasanga barafuswe mu kazi. Ariko Reta ibicishije mu bushikiranganji bw’agateka ka zina muntu ngo yarakoze ikintu ciza irashiraho ingingo ivuga ko umuntu wese ahungutse yari umukozi baheza bakamusubiza mu kazi kiwe. Mbere ngo uwo muntu aba yahunze iyo ngingo irongera ikavuga ko aheza akaronswa n’uburusho aba agezeko iyo aguma ku kazi. Ngo hariho urwandiko arirwo baheza bagakoresha kugirango umuntu yahungutse asubizwe mu kazi. Godeliève Manirakiza yamenyesheje ko biyumviriye gushiraho ishirahamwe ry’abakenyezi bahungutse kugirango bashobore gufashanya gutyo n’umukenyezi wo hagati mu gihugu atagira ikimuvugira aronke abamufasha na cane cane ko benshi muri abo bakenyezi bari baciye muri ubwo buzima bwo guhunguka bakabona ingorane zihaba. 

Estella Niyongere

 

Abakenyezi bahamagariwe kwitaho imiryango yabo bashigikirane no mu kibano

D1I5TqeWwAEopIBKw’igenekerezo rya 8 Ntwarante 2019, Uburundi bwarifadikanije n’amakungu mu guhimbaza umunsi mpuzamakungu wahariwe abakenyezi. Ibirori ku rwego rw’igihugu bikaba vyabereye ku kibuga c’umupira w’amaguru co ku murwa mukuru w’intara ya Gitega birongowe n’umutambukanyi w’Umukuru w’igihugu Denise Nkurunziza. Kw’igenekerezo rya 8 Ntwarante 2019, Uburundi bwarifadikanije n’amakungu mu guhimbaza umunsi mpuzamakungu wahariwe abakenyezi. Ibirori ku rwego rw’igihugu bikaba vyabereye ku kibuga c’umupira w’amaguru co ku murwa mukuru w’intara ya Gitega birongowe n’umutambukanyi w’Umukuru w’igihugu Denise Nkurunziza. Ivyo birori bikaba vyatangujwe n’igisabisho c’abakozi b’Imana batandukanye haraheza hakurikira ururirimbo ruhayagiza igihugu «Burundi bwacu», hakurikira defire y’abakenyezi bari mu nzego zitandukanye, amashirahamwe, amabanki atandukanye  hamwe n’abakenyezi bahurikiye mu nzego z’igiporisi n’igisirikare. Mw’ijambo ryiwe ry’uwo munsi, umutambukanyi w’umukuru w’igihugu, Denise Nkurunziza  yabanje gukengurukira Imana hanyuma amenyesha abari aho ko uwo musi ari umusi w’ukunezerwa  kuko ushitse mu gihe umukenyezi amaze gutera intambwe mw’iterambere ry’igihugu c’Uburundi. Yarongeye amenyesha ko ari umusi mwiza  wo kwiyumvira neza ivyo umwe wese amaze kurangura akaraba ivyamunaniye n’ivyamukundiye.  Yarongeye afatira ku civugo c’uwo munsi kivuga giti « Umukenyezi ashirwe imbere mu migambi irashe y’ugutegekanya kazoza » aho yaciye amenyesha ko kenshi na kenshi abakenyezi aribo bamarana umwanya munini n’abo mu rugo bose bigatuma bamenya ivyabo bose.

Umukenyezi rero ngo iyo ashizwe imbere mu migambi irashe yo gutegekanya kazoza birafise ikimazi gikomeye. Ikindi kandi ngo ni uko umugambi w’ukwigisha abana ku buntu watumye igitigiri c’abana b’abigeme biga cisununura gusumba. Gutegekanya kazoza rero ngo ni igikorwa ca minsi yose co guteza imbere igihugu kandi ngo umuntu yotegekanya kazoza agikomeye. Yaciye asaba abakenyezi kuja hamwe bagashiraho amashirahamwe yo kuziganya n’ukuguranana mu ntumbero y’uguteza imbere igihugu. Yaciye ahamagarira abana bamaze  gushika mu bigero gufasha abavyeyi babo bakibuka ko kazoza k’abavyeyi babo ari abo bana nyene igihe bazoba bashitse mu bigero. Yarongeye asaba abantu bose gushigikirana mu kibano ku buryo umubanyi atorara inzara uwundi araye ariye. Yarakebuye kandi abakenyezi batubaha ba inabukwe mu miryango ko bokwikebuka, yongera arakebura n’abo ba inabukwe nyene kwubaha abakazana.Yarabibukije ko umukenyezi w’ubwenge yubaka arugo rwiwe aca amenyesha ko umukenyezi wese yoraba ko mu muryango  wiwe vyifashe neza.  Yarangije ashimira abantu bose bashigikira Reta mu bikorwa bitandukanye vy’iterambere ry’igihugu cane cane bifatiye ku mukenyezi. Yarashimiye akandi abakenyezi babona iyo bariko baraja ku kuntu bitanze, yongera ashimira abantu bose bashoboye kugira ico baterereye kugira uwo munsi mukuru utungane, abo nabo ngo ni ubushikiranganji bw’agateka ka zina muntu, ishirahamwe mpuzamakungu ryitaho irwririrana ry’abantu FNUAP, ishirahamwe CARE,  ibiro vy’intara ya Gitega yongera arashimira n’abagabo bashoboye kwifadikanya n’abakenyezi kuri uwo munsi .Uwuserukira ihuriro ry’abakenyezi  mu Burundi, Janvière Ndirahisha mw’ijambo ryiwe akaba  yarakengurukiye umutambukanyi w’Umukuru w’igihugu  ku kuntu yama ashigikira abakenyezi yongera arakengurukira Reta y’Uburundi ku bikorwa yama ikora kugirango umukenyezi  atere imbere.  Yaciye asaba Reta ko yoshira abakenyezi mu nzego zifata ingingo, igashiraho amategeko agenga ingurane ntonto. Reta ngo yokarihiriza ubwenge abagira urudandazwa rutoruto  ikongera kandi igafasha ko mu baserukira umutumba hojamwo abakenyezi babiri muri batanu bawurongora. Janvière Ndirahisha yaciye yemerera Reta ko bagiye guharanira amahoro n’umutekano, guhagurukira indero y’urwaruka ,kurwanya igiturire hamwe no guhimiriza abigeme kuja mu nzego z’umutekano. Umushikiranganji w’agateka ka zina muntu, Martin Nivyabandi nawe mw’ijambo ryiwe akaba yarashimiye abantu bose bitavye ubutumire ahereye ku mutambukanyi w’Umukuru w’igihugu Denise Nkurunziza.  Yaciye amenyesha ko atarwitwazo na rumwe ruhari  rwo gushira inyuma umukenyezi. Yarashimiye kandi umutambukanyi w’Umukuru w’igihugu ku mwitwarariko yama agira mu bikorwa  vy’uguteza imbere umukenyezi aca asaba uwari we wese ko yoharanira ibikorwa vy’iterambere.  Janvière Ndirahisha akaba yaciye ashikiriza akaganuke kw’izina ry’ihuriro ry’abakenyezi arongoye umushikiranganji w’agateka ka zina muntu isanamu iriko ifoto yiwe yongera ashikiriza akaganuke umutambukanyi w’Umukuru w’igihugu karimwo umukenyezi w’umurundikazi yikoreye igiseke gishishiriye. Inyuma yaho Ubushikiranganji bw’agateka ka zina muntu bwaciye butanga impapuro z’iteka ku bantu bose bitanze mu kwiteza imbere no guteza imbere igihugu zikaba zatanzwe n’Umutambukanyi w’Umukuru w’Iguhugu. Twobamenyesha ko imbere yuko ibirori vy’uwo munsi bitangura, umutambukanyi w’Umukuru w’igihugu yabanje  gutanga intererano y’amatora yatanzwe n’abakenyezi b’indongozi bitavye akamo yabateye kw’igenekerezo rya 22 Ruhuhuma 2019 mu nama yabagirishije mu gisagara ca Bujumbura, akaba ico gihe yari aramutse  aganira n’abakenyezi b’indongozi babona iyo bariko baraja ibijanye n’uruhara rwabo mu guharanira amahoro mbere ngo bakaba basanze bitokunda ko baba bariko baraharanira amahoro batabanje gushigikira amatora. Niho rero ngo bavugana ko ku munsi mukuru mpuzamakungu  wahariwe abakenyezi  bokwerekana yuko ari abakenyezi bitayeho ivyo igihugu, amahoro mu gihugu kandi ko ivyo amatora bigenze neza n’amahoro aheza akaboneka mu gihugu. Ayo mafaranga y’amarundi rero ngo bayashize hamwe bose nk’abakenyezi  akaba angana n’imiriyoni mirongo indwi n’umunani n’ibihumbi amajana indwi na mirongo umunani na bitatu n’amajana icenda 78 783 900. Yaciye aboneraho gushimira abo bakenyezi n’umuntu wese yagize icakora yongera atera akamo abo bose bataragira ico bakoze baba abakenyezi canke abagabo ndetse n’abandi  bose biraba ngo bahaguruke kugirango bagire ico bakoze.

 

Christine Manirambona 

 

Abatanze amatongo mu kibanza co kuyunguriramwo amazi acafuye co ku Buterere bazohanwa hisunzwe amategeko

cgrtAbanyagihugu bubatse inzu mu kibanza co kuyunguriramwo amazi acafuye co ku Buterere ngo bakwiye kumenya ko atari ikibanza co gutungiramwo imiryango, kubera ko abahabaye muri kino gihe bashobora kuhandurira indwara zifatira mu bihimba bitandukanye vy’umubiri  harimwo n’izo mu bwonko. Nico gituma Reta y’Uburundi ibicishije mu bushikiranganji bw’ibidukikije, uburimyi n’ubworozi ngo iriko irakora amatohoza kugira ababigizemwo uruhara mu gutanga ibibanza vyo kwubakamwo bahanwe. Ivyo ni ivyashikirijwe n’umushikiranganji w’ibidukikije, uburimyi n’ubworozi, Déo Guide Rurema, ku wa 25 Ruhuhuma 2019, aho hari hatunganijwe ikiganiro n’abamenyeshamakuru kugira berekane ingarukambi ku magara y’abantu bihagiye ibibanza mu kibanza co kuyunguriramwo amazi acafuye co ku Buterere.Abanyagihugu bubatse inzu mu kibanza co kuyunguriramwo amazi acafuye co ku Buterere ngo bakwiye kumenya ko atari ikibanza co gutungiramwo imiryango, kubera ko abahabaye muri kino gihe bashobora kuhandurira indwara zifatira mu bihimba bitandukanye vy’umubiri  harimwo n’izo mu bwonko. Nico gituma Reta y’Uburundi ibicishije mu bushikiranganji bw’ibidukikije, uburimyi n’ubworozi ngo iriko irakora amatohoza kugira ababigizemwo uruhara mu gutanga ibibanza vyo kwubakamwo bahanwe. Ivyo ni ivyashikirijwe n’umushikiranganji w’ibidukikije, uburimyi n’ubworozi, Déo Guide Rurema, ku wa 25 Ruhuhuma 2019, aho hari hatunganijwe ikiganiro n’abamenyeshamakuru kugira berekane ingarukambi ku magara y’abantu bihagiye ibibanza mu kibanza co kuyunguriramwo amazi acafuye co ku Buterere.Nk’uko umushikiranganji w’ibidukikije, uburimyi n’ubworozi, Déo Guide Rurema yabandanije abishikiriza, ngo ikibanza co ku Buterere kigitunganywa mu mwaka w’1986, cari gifise ikibanza co kwaguriramwo ico kibanza uko igisagara naco cagenda kiraguka. Ico kibanza kigitunganywa, ngo amategeko yaravuga neza ko ata muntu ashobora kuba ku metero n’imiburiburi 400, uno munsi rero ngo izo metero zirimwo inzu zubatswe n’abanyagihugu bahabaye bidaciye mu mategeko. Vyongeye, ngo ahasanzwe hari ico kibanza, ni ahantu hakunda kwibonekeza imyuzurira.Ubuyobozi bujejwe gutunganya amatongo mu bisagara hamwe n’abajejwe intwaro, ngo bariko barakora amatohoza kugira bamenye abagize uruhara mw’itangwa ry’ayo matongo. Eka ngo n’abafise impapuro z’ayo matongo, ngo ni izo mu mwaka w’2014 hamwe n’izindi zatanzwe vuba cane. Mu ntumbero yo kubungabunga amagara y’abo ijejwe, ngo reta y’Uburudi yarafashe ikibazo mu minwe, aho ngo n’abakoze ivyo baza bazwi. Kuri abo bose batanze impapuro, ngo bazokurikiranwa ku caha bakoze. Muri ico kiganiro, abahinga baratanze ivyigwa aho berekanye ingarukambi zishobora gushikira abantu babaye muri ico kibanza, muri kubu na kazoza. Izo nazo ngo ni indwara zifatira mu bihimba vy’umubiri bitandukanye harimwo n’ubwonko, kubera ivyuka vy’ubumara biva muri kirya kibanza.

Ibiganiro vyo guhimiriza abubatse mu kibanza kiyungururirwamwo amazi acafuye bigiye kubandanya
Ibiganiro nk’ivyo rero ngo bigiye gukomezwa kugira bereke abo banyagihugu ko amagara yabo ageramiwe. Reta y’Uburundi rero ngo ikora nk’umuvyeyi wa bose, izo ngaruka ngo irazizi n’agaciro k’urwaruka rurerewe aho hantu irakazi, ariko ngo bashatse kugenda buke buke kugira bazogende baratahura ko ico kibanza bategerezwa kukivamwo. Mu gihe kirya kibanza co ku Buterere kigiye kunagurwa kubera ibikoresho vyamaze kugurwa, ngo ibimashini bifasha kuyungurura ayo mazi bigiye kuza birakora ijoro n’umutaga, ingorane zigashobora kwiyongera kuri abo bose bahabaye. Ku kiringo c’ukwezi bari bahawe kugira babe bakinjuye bave muri ico kibanza, ico kiringo ngo gishobora kurenga kuko bagiye kubandanya igikorwa co kubahimiriza kuri izo ngarukambi zibahanze.Kubw’umuhinga yatanze ikiganiro ku ngarukambi zishobora gushikira umuntu abaye ahantu hacafuye, Prosper Muyuku, ajejwe ivy’isuku n’isukura, yamenyesheje ko ikibanza co kuyunguriramwo amazi, ari umusarani munini. Ico kibanza co ku Buterere kigitunganywa, ngo cari kuyungurura amazi acafuye angana n’40000 m3, muri ayo mazi rero ngo harimwo imigera myishi. Uno munsi, ngo ibice 38% vy’amazi acafuye ayungururirwa muri ico kibanza, ni ukuvuga 24000 m3. Ibidukikije n’amagara y’abantu ngo biraba, barya bantu bihaye ibibanza muri kirya kibanza co ku Buterere ngo ni abantu biteguriye kugwara indwara zaba iz’umwanya muto na munini. Muri izo ndwara, Prosper Muyuku, akavuga izo gucibwamwo, marariya, typhoïde, kanseri yo mu gitigu, mu mafyigo, mu bihimba vy’ihumekero hamwe n’indwara zo ku rukoba.Ku bajejwe intwaro, yabasavye kwubahiriza imbibe za kirya kibanza co ku Buterere ku nyungu z’abarundi bose na cane cane barya bahafise inzu, kwubakira kirya kibanza  kugira ntihagire abantu baza barahinjira hamwe no gushiraho ivyapa bibuza abahinjira. Umuyobozi mukuru w’amazi n’isuku, Jérémie Nkinahatemba wewe yamenyesheje ko imyuka iva muri kirya kibanza ari ubumara kubera ko igiye mu mutwe ishobora gutuma umuntu yibagira cane canke nyene abahabaye umwanya munini bigatuma bavyara abana badakwije mu mutwe. Uwo muyobozi mukuru akaba yamenyesheje ko ivyavugiwe muri ico kiganiro atari amayagwa, ari ukuri gusa. Ikibanza nk’ico mu gihugu c’Ubufaransa, ngo hategekanijwe imetero 1500 zigabura ico kibanza n’inyubakwa z’abantu, mu Burundi ngo zari n’imiburiburi imetero 400, ariko muri kino gihe, ico kibanza caravogerewe. 

Déo Misigaro                                                                                          

 

Mu nama Nshingamateka Ishure Kaminuza rigiye kwubakwa mu ntara ya Cibitoke

epitaceeeKw’igenekerezo rya 25 Ruhuhuma 2019, Inama Nshingamateka yaremeje ijana kw’ijana integuro y’ibwirizwa rijanye n’ingurane y’amafaranga yo kwubaka kaminuza yo mu Ntara ya Cibitoke . Kw’igenekerezo rya 25 Ruhuhuma 2019, Inama Nshingamateka yaremeje ijana kw’ijana integuro y’ibwirizwa rijanye n’ingurane y’amafaranga yo kwubaka kaminuza yo mu Ntara ya Cibitoke . Iyo ngurane ingana imiriyoni 45 mu  mafaranga ya  Arabie Saoudite, ni ukuvuga imiriyoni 12 z’amafaranga y’abanyamerika. Umushikiranganji w’inyigisho za Kaminuza n’ubushakashatsi Gaspard Banyankimbona akaba yabanje kumenyesha abagize Inama Nshingamateka imvo n’imvano y’iryo bwirizwa .  Nk’uko yabibamenyesheje, iyo nteguro y’ibwirizwa ngo ni rya kera ariko yagiye iragenda ishirwa ku gihe ikaba rero ngo yafatiye ahanini ku bibazo bisanzwe biboneka bijanye n’ubutunzi bw’igihugu bufatiye kukurima. Ikindi muri ivyo vyo kurima ngo aravye mu mashure ategekanywa kugirango aherekeze abarimyi bashobore kugwiza umwimbu si ikirenga ariko umurindi w’abantu uko wiyongera biheza bikaba ngombwa ko haboneka ubundi buryo butuma ubutunzi bw’igihugu bwiyongera.  Aho rero ngo niho basanze ko amakaminuza asanzwe ahari bitaboneka cane uruhara rwayo mw’iterambere, ubushikiranganji buca bushira imbere ishure ry’imyuga ngo bikaba biri mu cegeranyo basabwe mu nama idasanzwe y’indero mu 2014.Inyuma y’aho ngo niho baca biyumvira kugira imigambi itari mike harimwo uyu mugambi w’ishure ry’imyuga mu Cibitoke, ishure ry’imyuga mu Cankuzo rijanye n’ivy’ubutare hamwe n’umugambi w’ugushiraho ikigo kidasanzwe c’ivyo kwinonora imitsi mu ntara ya Karuzi. Ku vyerekeye intumbero y’iryo shure ry’imyuga mu Cibitoke ngo biri mu mugambi w’igihugu mushasha w’ 2018-2027  kugirango haboneke abanonosoye ivy’imyuga bashobore gukora bonyene bikoresha canke bakorera Reta. Igituma bahisemwo intara ya Cibitoke, Gaspard Banyankimbona yamenyesheje ko atari ubushikiranganji bwayihisemwo vyavuye ku bariko babaha amafaranga babatoje umugambi  wo gushira imbere indome uko zigenda zikurikirana.Mu bibazo abashingamateka babajije uwo mushikiranganji, harabajijwe ko hategekanijwe kwubakwa izindi nyubakwa abanyeshure bazobamwo, umushikiranganji akaba yabamenyesheje ko hazoba harimwo inzu z’abanyeshure hamwe n’izizoshikiramwo abigisha.

Ikindi cari cerekeye ikena ry’abaganga banonosoye ibijanye n’ukuvura ibitungwa,umushikiranganji akaba yamenyesheje ko ico ari ikibazo gihambaye kandi gisa n’ikiriko kiratorerwa umuti .  Igituma ngo ni uko mu 2017 bagize urugendo mu gihugu c’Uburusiya baragiriranira amasezerano n’ishure rifise uburambe mu bijanye n’ukwigisha abaganga b’ibitungwa kugirango babafashe gushiraho ico gisata muri kaminuza y’Uburundi ariko ngo ni ico kwitondera kuko gisaba uburyo bwinshi. Aha rero ngo nico gituma haheruka gushirwaho igisata  bise «santé animale» kibajana mu nzira yo gushika kuri ico gisata. Hari kandi n’ababajije ko abarungikwa kwiga mu bindi bihugu boba bagaruka canke hari ingingo zitegekanywa ku baba batagarutse mu gihugu c’amavukiro.Kuri ico umushikiranganji Banyankumbona akaba yamenyesheje ko bagerageje gukora ibishoboka vyose kugirango bashobore kugaruka. Ivyo navyo ngo ni ukubasaba bagashira umukono ku masezerano avuga ko bahejeje bogaruka gukorera igihugu n’imiburiburi imyaka cumi. Yarongeye amenyesha ko muri iki gihe baheza bagaha umufasha agatera umukono kugirango nawe nyene azobibazwe,uwutarubaka nawe ngo baraheza bakaraba uwundi amujejwe.Abashingamateka  ijana n’icenda akaba ari bo bameje iyo nteguro y’ibwirizwa, ijana na bane bari bahari  hamwe na batanu batumye. 

Christine Manirambona

 

Imboneshakure zikoreshwa n’ikigendajuru zigiye gufasha abanyagihugu bamikoro make kuraba ibivugwa kw’isi

chineIbirwati 300 vyo mu Burundi vyararonejwe imboneshakure  zikoresha uburyo bwa none hamwe n’amadekoderi 600. Ivyo ni bimwe mu vyashikirijwe kw’igenekerezo rya 1 Ntwarante 2019 n’umushikiranganji wo gutumatumanako amakuru Frédéric Nahimana mw’ijambo ryiwe yashikirije igihe ubwo bushikiranganji bwari buramutse buronswa umugambi wo guha imboneshakure zikorana n’ikigendajuru ibirwati 300 vyo mu Burundi buwuronkejwe n’igihugu c’Ubushinwa. Ibirwati 300 vyo mu Burundi vyararonejwe imboneshakure  zikoresha uburyo bwa none hamwe n’amadekoderi 600. Ivyo ni bimwe mu vyashikirijwe kw’igenekerezo rya 1 Ntwarante 2019 n’umushikiranganji wo gutumatumanako amakuru Frédéric Nahimana mw’ijambo ryiwe yashikirije igihe ubwo bushikiranganji bwari buramutse buronswa umugambi wo guha imboneshakure zikorana n’ikigendajuru ibirwati 300 vyo mu Burundi buwuronkejwe n’igihugu c’Ubushinwa. Umushikiranganji Frédéric Nahimana, yabandanije amenyesha ko umugambi wo guha imboneshakure zikorana n’ikigendajuru ibirwati 10000 vyo muri Afrika harimwo n’ibirwati 300 vyo mu Burundi watangujwe igenekerezo rya 23 Gitugutu 2018 muri zone Gatumba. Yarongeye kandi yibutsa ko mu mwaka w’ 2015, mw’ihuriro ry’ibihugu « coopération sino-africaine » ryabereye i johanesbourg, Umukuru w’igihugu c’Ubushinwa yamenyesheje umugambi wiwe wo gufashanya hagati y’Uburundi n’ibihugu vyo muri Afrika mu myaka 3 yakurikira. Niko guca amenyesha ko hari mu ntumbero yo gutsimbataza ugufashanya k’Ubushinwa n’ibihugu vya Afrika. Uwo mugambi rero ngo uzotuma abarundi bose baba mu mice itandukanye y’igihugu bashobora kuraba imboneshakure, unafashe imiryango ifise amikoro make ishobora nayo nyene gukurikirana imboneshakure. Yaranamenyesheje kandi ko uwo mugambi uzofasha abanyagihugu gushikira inkuru zishikirizwa n’imboneshakure nkuru y’igihugu ku gihe, ivyo navyo ngo bikazotuma abantu basa n’abugaranywe kubera kubura inkuru, baronka amakuru yaba ayo mu gihugu no mu makungu. Yarongeye kandi ashimira kw’izina rya Reta y’Uburundi igihugu c’Ubushinwa ukuntu kidahengeshanya gufasha Uburundi kibicishije k’ubuserukizi bw’ico gihugu mu Burundi. Yarashimye kandi no kuzindi mfashanyo zitandukanye ico gihugu kidasiba gufashisha Uburundi na cane cane ubushikiranganji bwo kumenyesha amakuru, yongera ashimira ishirahamwe Startimes n’abakozi baryo kw’ishaka bagize mw’iranguka ry’uwo mugambi. Yarasavye igihugu c’Ubushinwa kubandanya gifasha Uburundi mu migambi y’iterambere, aca amenyesha kandi ko yizeye ko Ubushinwa buzobandanya gufata mu mugongo igihugu c’Uburundi ngo n’ikimenyetso kidasanzwe c’umubano mwiza hagati y’ivyo bihugu.Uwuserukira igihugu c’Ubushinwa mu Burundi Li Chang Li yamenyesheje ko uwo mugambi uzogira ikimazi mu bisata bitandukanye. Ubwa mbere ngo uzofasha guteza imbere ugufashanya hagati y’Uburudi n’Ubushinwa kuko bifasha cane Uburundi mu bisata vyinshi vy’iterambere haba mu vy’ubutunzi, indero, inyubako n’ibindi. Uwo mugambi kandi uzotuma abantu bamenya ibiba irya nino kw’isi haba mu gukurikirana insamirizi canke imboneshakure. Uwo mugambi kandi ngo werekana ingene igihugu c’Ubushinwa ciyemeje gutsimbataza ugufashanya na Afrika hamwe n’Uburundi burimwo.

Evelyne Niyonzima

 

Prezida NKURUNZIZA asaba ko hojaho umunsi mukuru uhariwe igisata c’ikawa kugira abakoze neza bashimirwe

kooUmukuru w’igihugu c’Uburundi Petero NKURUNZIZA yaragirishije inama  abasanzwe bakorera mu gisata c’ikawa bo mu ntara zose zigize igihugu. Intumbero y’iyo nama yabaye kw’igenekerezo rya  1 Ntwarante 2019 ku murwa mukuru w’intara ya Ngozi, kwari ukurabira hamwe ingene ico gisata   bokinagura kuko ari ngirakamaro ku gihugu.Umukuru w’igihugu c’Uburundi Petero NKURUNZIZA yaragirishije inama  abasanzwe bakorera mu gisata c’ikawa bo mu ntara zose zigize igihugu. Intumbero y’iyo nama yabaye kw’igenekerezo rya  1 Ntwarante 2019 ku murwa mukuru w’intara ya Ngozi, kwari ukurabira hamwe ingene ico gisata   bokinagura kuko ari ngirakamaro ku gihugu.Inyuma y’iyo nama icegera c’umuvugizi w’Umukuru w’igihugu Alain Diomède Nzeyimana yamenyesheje ko bari baragize inama igenekerezo rya 23 Munyonyo 2018  yabereye mw’i Jenda kugira barabe ingorane ziri mu  gisata c’ikawa kuko vyari vyasabwe n’inama y’igihugu ijejwe umutekano. Abari muri iyo nama basavye yuko abajejwe igisata c’ikawa boba barishe abanyagihugu batarahembwa  bitarenze kw’igenekerezo rya 31 Kigarama 2018 muri uwo mwaka. Ngo Prezida NKURUNZIZA yari yarababwiye yuko bategerezwa kubahiriza ingingo bari bahawe kugira ibintu bije mu buryo. Iyo nama rero bagiriye i Ngonzi  barabiye hamwe uko ibintu vyagenze kandi bakaba babishimye kuko abategerezwa kuriha amafaranga benshi barayarishe mugabo hakaba hari amafaranga makeyi asigaye kurihwa atarava mu mahanga. Ngo hariho kandi n’abatashoboye kuriha amafaranga y’abanyagihugu umwaka ukaba urenze batarayaronka. Ikindi naco batari basanzwe bazi ngo ni uko hariho abantu baguze ikawa baranayiriha ariko bakaba baranse kuyishora  mu mahanga bakitwaza ko ibiciro kw’isoko mpuzamakungu vyagabanutse. Iyo akaba ari ingorane kuko ikawa itagiye mu mahanga Reta ntiheza ngo ironke amafaranga y’agaciro. Yarongeye amenyesha ko Prezida NKURUNZIZA  yababwiye yuko ayo mafaranga bakuramwo bayakeneye ku bintu vyinshi, akarorero ngo nk’abanyagihugu barayaguramwo ibikoresho vy’ishure vy’abana n’ibindi.  Ngo Umukuru w’igihugu amaze kubona ingene ikigo OBR gikora n’ingene kibikurikirana yipfuje ko hojaho umunsi mukuru wahariwe igisata c’ikawa. Abakora neza bazoshimirwa  abakoze nabi bagayirwe mbere bibaye ngobwa bakurwemwo, ikindi ni uko hafashwe ingingo aho hari amashirahamwe 9 yakuwemwo akaba atazongera guhabwa uruhusha rwo kuja mu gisata c’ikawa. Ikindi naco abanyegeje ikawa n’abandi bazoba  barishe amafaranga babanje kugorana bakurikiranwe.  Aho ni mu gihe  hageze gutanga impusha zokuja ku ntonde bazobanza gusinya urupapuro biyemeze ko batazongera  gukora umugambi ugayitse. Yarongeye aramenyesha ko abanyagihugu batitwararika ikawa bagakora neza ariko bagafatwa nabi ico kikaba gikwiye gukosorwa.  Ngo hazogira igihe bongere bihweze neza ko ibintu vyo gushira igisata c’ikawa mu  minwe y’abikorera ivyabo, ni basanga ata karusho   babisubize mu minwe ya Reta.             

Thérèse Niyonkuru

 
Ouvrir