Publications de Presse Burundaise, Rohero I Avenue de la JRR N°17 Immeuble le SAVONNIER, Téléphone standard : (257) 22 22 62 32, Fax :(257) 22 22 58 94, email: pressequotidienne@yahoo.fr

Mu mwaka w’2017, ngo harashinzwe amashirahamwe 2289 mu kigo API

DSC 0CVH093Mu mwaka w’2017, ikigo kijejwe kworohereza abanyamitahe API, mu gisata kijejwe ishingwa ry’amashirahamwe ngo harashoboye gushingwa amashirahamwe 2289, ayo nayo agategekanya gutanga ubuzi 19410. Amashirahamwe yashinzwe yiyongereye ku rugero rw’ibice 5,3% ugereranije n’ayashinzwe mu mwaka w’2016, ubuzi nabwo bwiyongereye ku rugero rw’ibice 10,6%. Ivyo ni ivyashikirijwe n’umuyobozi w’ikigo API, Léonard Sentore, ku wa 12 Nzero 2018, hari mu kiganiro n’abamenyeshamakuru, aho yariko arashikiriza ivyaranguwe n’ikigo API, mu mwaka w’2017.Mu mwaka w’2017, ikigo kijejwe kworohereza abanyamitahe API, mu gisata kijejwe ishingwa ry’amashirahamwe ngo harashoboye gushingwa amashirahamwe 2289, ayo nayo agategekanya gutanga ubuzi 19410.

Amashirahamwe yashinzwe yiyongereye ku rugero rw’ibice 5,3% ugereranije n’ayashinzwe mu mwaka w’2016, ubuzi nabwo bwiyongereye ku rugero rw’ibice 10,6%. Ivyo ni ivyashikirijwe n’umuyobozi w’ikigo API, Léonard Sentore, ku wa 12 Nzero 2018, hari mu kiganiro n’abamenyeshamakuru, aho yariko arashikiriza ivyaranguwe n’ikigo API, mu mwaka w’2017.Nk’uko umuyobozi w’ikigo API, Léonard Sentore yabandanije abishikiriza, ngo ku mashirahamwe 2289 yashinzwe mu mwaka w’2017, ibice 67% vyayo akaba akorera mu gisata c’ubudandaji muri rusangi, ibice 8% agakorera mu gisata c’amagara y’abantu, 7% agakorera mu gisata c’ubwubatsi. Mu bisata vy’uburimyi n’ubworozi hamwe n’igisata co gucukura ubutare, ni ibice 4 na 5%. Abaserukira ayo mashirahamwe imbere y’amategeko nabo bakaba ari abarundi, abaturuka mu muryango w’ibihugu vyo muri Afrika y’ubuseruko, abahindi hamwe n’imvukira zo mu gihugu ca Kongo.Vyongeye, mu mwaka w’2017, ngo ikigo API caratanze impapuro 24 ku mashirahamwe yari yasavye kuronswa uturusho duciye mu mategeko agenga ibijanye no gushinga amashirahamwe. Bisubiye, ngo ayo mashirahamwe yose afise umutahe w’amafaranga y’amarundi yababa imiriyaridi 200, ayo nayo akaba yiyemeje gutanga ubuzi 2777. Mu gisata co gutanga uburusho, ngo ugereranije no mu mwaka w’2016, amashirahamwe yaronse ubwo burenganzira ngo yiyongereye ku rugero rw’ibice 50%, nayo imitahe yayo ngo yiyongereye ku bice 162%. Mu mwaka w’2017, ngo harabaye igikorwa co kugendera amashirahamwe yahawe uruhusha rwo gukora, aho ivyegeranyo bibiri vyakozwe mu gisata c’amahoteri hamwe n’ikindi ku bijanye no kuraba ko ivyo biyemeje gukora biriko birarangurwa, ku migambi yaronse uburusho buri munsi y’imiriyoni 10 gushika mu mwaka w’2015. Mu gihe amahoro n’umutekano biriko birasasagara, umuyobozi w’ikigo API, Léonard Sentore akizera ko abanyamitahe bagiye kubandanya bahurumbira igihugu. Mu ntumbero yo kumenyekanisha ibihingurirwa mu Burundi, ngo haratunganijwe udutabu-ndongozi, kamwe karimwo amakuru ajanye n’Uburundi, haba ku bijanye n’ubutunzi, ibisata abanyamitahe bashobora gushiramwo imitahe yabo. Akandi gatabu, karanga ibishobora gushorerwa ku masoko mpuzamakungu n’amategeko yose akenewe. Mu mwaka w’2018, ikigo API kigiye kubandanya corohereza abanyamitahe biciye mu gutunganya amategeko, gukoresha ubuhinga bwa none mu bijanye no gushinga amashirahamwe, aho umunyamutahe azoshobora gushinga ishirahamwe atarinze gushika mu Burundi. Naho ikigo API caranguye ibikorwa bishimishije, ngo kirafise ingorane zifatiye ku buryo budakwiye, aho umuyobizi w’ico atera akamo Reta kubandanya kibaronsa uburyo bukwiye mu ntumbero yo gushira mu ngiro imigambi biyemeje kurangura mu mwaka w’2018.                                                                                                         

Déo Misigaro

 

 

Ibimenyetso vy’amatara y’amabarabara bifasha uruja n’uruza mw’ibarabara birafasha gukinga impanuka

DSFDEC 1038Ibimenyetso vy’amatara yo ku mabarabara bifasha  uruja n’uruza mw’ibarabara vyashizweho mu ntumbero yo gukinga amasanganya mu gisagara ca Bujumbura. Ivyo bimenyetso bigategerezwa kwubahirizwa n’abagendesha imiduga , amakinga, amapikipiki co kimwe n’abagenda n’amaguru. Ariko icibonekeza n’uko abagenda n’amaguru batavyubahiriza uko bitegerejwe.Ibimenyetso vy’amatara yo ku mabarabara bifasha  uruja n’uruza mw’ibarabara vyashizweho mu ntumbero yo gukinga amasanganya mu gisagara ca Bujumbura. Ivyo bimenyetso bigategerezwa kwubahirizwa n’abagendesha imiduga , amakinga, amapikipiki co kimwe n’abagenda n’amaguru. Ariko icibonekeza n’uko abagenda n’amaguru batavyubahiriza uko bitegerejwe.Biribonekeza cane ko abagenda n’amaguru batubahiriza ivyo bimenyetso  bamwe bikava kukutamenya ingene bikora, abandi bakanka guhagarara umwanya muremure na cane cane iyo babona imiduga ihagaze ariko n’abonyene biraberekeye kuko bategerezwa guhagarara. Bamwe mu bagenda n’amaguru bamenyesha ko mu gihe babonye irya mirongo yera bobo barajabuka ibarabara biyumvira ko bari mu mategeko ivyo navyo bigatuma haba impanuka. Abajejwe umutekano wo mw’ibarabara botegerejwe kuba bari hafi y’ivyo vyuma kugira  bashobore gufasha abagenda n’amaguru kuko abenshi ntibabona neza ingaruka mbi yo kutavyubahiriza. Abajejwe umutekano bo mw’ibarabara bakwiye kwama babibutsa amategeko agenga ivyo vyuma n’ingaruka zishika mu gihe bitubahirijwe. Inyuma yaho hakazoba guhana abatavyubahirije mu ntumbero yo gukinga amasanganya. Vyoba vyiza rero ko hoba ihimirizwa mbere bigaca no ku maradiyo atandukanye  kugira ngo abagendesha ivyuma n’abagenda n’amaguru babitahure.                    

Thérèse Niyonkuru

 

 

Ngo Reta izogumiza akarenge mu mashirahamwe yayo naho yoba ihamagaye abikorera ivyabo kuyashiramwo imitahe

Ngo Reta ifise intumbero yo kutarekurira burundu abikorera utwabo amashirahamwe yayo. Ngo ni co gituma iriko yita kurutare kugira ngo yongerereze uburyo amashirahamwe amwe amwe yayo kugira ngo ashobore kwitunganya neza maze ateze imbere imirimo ajejwe. Ivyo vyashikirijwe na Komiseri mukuru, Pacifique Munyeshongore arongoye ikigo kijejwe gukurikirana neza ingene amashirahamwe ya Reta akora, SCEP, aho hari mu kiganiro yahaye ikinyamakuru UBUMWE, ku wa 11 Nzero 2018 i Bujumbura. Ni mukurikire ido n’ido ry’ico kiganiro.Ngo Reta ifise intumbero yo kutarekurira burundu abikorera utwabo amashirahamwe yayo. Ngo ni co gituma iriko yita kurutare kugira ngo yongerereze uburyo amashirahamwe amwe amwe yayo kugira ngo ashobore kwitunganya neza maze ateze imbere imirimo ajejwe. Ivyo vyashikirijwe na Komiseri mukuru, Pacifique Munyeshongore arongoye ikigo kijejwe gukurikirana neza ingene amashirahamwe ya Reta akora, SCEP, aho hari mu kiganiro yahaye ikinyamakuru UBUMWE, ku wa 11 Nzero 2018 i Bujumbura. Ni mukurikire ido n’ido ry’ico kiganiro.
CAM00142 nataUBUMWE : SCEP ni iki ?
Komiseri mukuru wa SCEP Pacifique Munyeshongore (P.M) : SCEP ni ikigo kijejwe gukurikirana amashirahamwe ya Reta. Cashizweho kuva mu mwaka w’1987 n’itegeko ry’Umukuru w’igihugu. Kuva ico gihe iki kigo cari kijejwe gukurikirana amashirahamwe Reta ifisemwo imitahe kugira ngo gishobore gufasha uburongozi bw’ayo mashirahamwe. Mbere kiranatanga intumbero y’ingene ayo mashirahamwe akwiye kurongorwa hanyuma kigatanga ivyegeranyo ku bagikurira.
UBUMWE: Hari amashirahamwe Reta ifisemwo imitahe vyagaragaye ko adahagaze neza mbere benshi bakagira bati arakwiye gushirwa mu minwe y’abikorera utwabo. Ico kibazo ubu cifashe gute muri rusangi?
P.M : Ego nk’uko mubivuze, harabonetse amashirahamwe amwe amwe vyabonetse ko afise ingorane. Mu vyegeranyo twaronse twasanze hariho amashirahamwe afise ingorane zifatiye ku ntwaro zayo n’izindi zifatiye kukuntu atunganijwe. Eka mbere hari n’ikibazo c’uburyo bukoreshwa n’ayo mashirahamwe. Ni co mbere catumye hashirwaho iciyumviro c’uko bene ayo mashirahamwe yohamagarirwamwo abikorera utwabo kugira ngo bazane imitahe. Reta rero ngaha ntirekura burundu ishirahamwe ryaho ngo rifatwe n’abikorera utwabo. Igumizamwo akarenge mbere ikanongereza uburyo mu gihe haba habayeho ukumvikana neza ingene ishirahyamwe kanaka rizobandanya rikora mu gihe n’abikorera utwabo bazanyemwo imitahe yabo.
UBUMWE : Muri ayo mashirahamwe yagiye agira ibibazo harimwo ishirahamwe ryo gutwara abantu n’ibintu n’indege (Air Burundi). Mbega iryo shirahamwe ivyaryo vyifashe gute ?
P.M. : Turavye ivyegeranyo n’inama tugira turi kumwe n’abarongoye iryo shirahamwe dusanga koko rifise ibibazo. Ibibazo vy’ishirahamwe Air Burundi si ivy’uno munsi. Usanga rifise ibibazo vy’ingene ritunganijwe, ibibazo vy’ibikoresho eka n’ibibazo vy’uburyo. Usanga rifise ikibazo c’ibitigiri vy’abakozi usanga ari umurengera uravye uburyo ryinjiza, rirafise kandi ikibazo c’ibikoresho, nta ndege uno munsi iriko irakora kugira ngo rishobore kuronka uburyo.
UBUMWE: Ariko mukiri ku kibazo c’ibikoresho, Ubushinwa bwarahaye Uburundi ingabire y’indege habuze iki kugira ngo ishobore gukoreshwa ?
P.M. : Ni vyo Ubushinwa bwarahaye indege Uburundi. Ariko rero kugira ngo iyo ndege itangure gukoreshwa bisaba uburyo. Eka mbere hari n’ibindi nko kuyandikisha mu mashirahamwe mpuzamakungu araba ibijanye no kwunguruza abantu n’ibintu n’indege. Ivyo vyose rero bisaba uburyo. Ivyo vyose rero mu gihe bitaratunganywa indege ntishobora gutangura gukora. Iyo ndege igihugu gitegerezwa kuyironderera asiransi. Ubu rero hariho ibiriko birakorwa kugira ngo bitebe bitebuke izotangure gukoreshwa.
UBUMWE: Hari ayandi mashirahamwe nka ONATEL n’ihoteri “Source du Nil” vyari vyaravuzwe ko ategerezwa gushirwa mu minwe y’abikorera utwabo. Ivyo vyo vyifashe gute muri kino gihe ?
P.M. : Ico abantu bakwiye kumenya ni uko Reta idashobora gushira ishirahamwe ifisemwo umutahe mu minwe y’abikorera ivyabo burundu, igumizamwo akarenge. Kuvyerekeye ishirahamwe ONATEL Reta yafashe ingingo yo kurinagura mu kwongereza uburyo bwotuma rikora neza. Mu maguru masha rero Reta ntiriko irondera gushira iryo shirahamwe mu minwe y’abikorera utwabo. Kuvyerekeye ihoteri Source du Nil, n’aha nyene Reta ntiyashatse kurigurisha ariko yarondeye uwikorera ivyiwe yorikoresha nko kurikota. Hari uwikorera utwiwe rero yiyemeje kuzorikota. Ibikenewe rero kugira ngo atangure gukora biriko birategurwa hanyuma Reta ifate ingingo yanyuma yo kurekura uwo murwizatunga kugira ngo atangure gukora.

Nathan Ntahondi

 

 

Ubushikiranganji bujejwe iyinjira ry’Uburundi mu muryango wa EAC ngo buzobandanya buharanira inyungu z’igihugu

DSC0FFF1474Kw’igenekerezo rya 9 Nzero 2018, Isabelle Ndahayo, umushikiranganji mu biro vy’Umukuru w’igihugu ajewe iyinjira ry’Uburundi mu muryango w’ibihugu bigize Afrika y’ubuseruko EAC yarashikirije ivyaranguwe mu mwaka w’2017. Ndahayo yamenyesheje ko mu mwaka w’2017 ubushikiranganji bwatunganije ibijanye no guserukirwa hamwe no guhagararira inyungu z’Uburundi mu nama zatunganijwe n’umuryango w’ibihugu bigize EAC. Mu mwaka w’2017, Uburundi bwaraserukiwe bwongera buhagararirwa n’intumwa zabwo mu nama zishika 329 harimwo n’izisanzwe zitegekanijwe canke zidategekanijwe n’amategeko y’umuryango. Ngo kuri iyo mvo, ubushikiranganji bujejwe umuryango w’ibihugu bigize EAC bwagiye buratunganya inama ku ntumwa z’Uburundi imbere y’uko zigenda kugira hashobore gufatwa ingingo z’aho  igihugu gihagaze ku bijanye n’ibizokwigwa. Ubwo bushikiranganji  bwaratunganije kandi inama ku vyaba vyavuye mu ngendo z’izo ntumwa mu ntumbero y’uko abakozi benshi bamenya  bagatahura bakongera bakagira rwabo ibiba vyavuye muri izo nama zitandukanye. Ngo mu ntumbero yo kuraba ko ababijejwe bonyarutsa ishirwaho ry’ikigo c’igihugu kijejwe kugenzura imiti n’ibifungurwa ko bikwije ibisabwa n’amategeko, ubushikiranganji mu biro vy’Umukuru w’igihugu bujejwe imigabo n’imigambi y’umuryango wa EAC bufadikanije n’ibiro vy’umunyamabanga mukuru w’umuryango w’ibihugu bigize EAC bwarakurikiraniye hafi itunganywa ry’uruganda kubijanye no guhimiriza abegwa no gushinga amategeko agenga urudandazwa rw’imiti hamwe n’ugushinga ikigo c’igihugu kijejwe kugenzura imiti n’ibifungurwa ko bikwije ibisabwa n’amategeko ABREMA. Ndahayo yamenyesheje ko mu mwaka w’ 2017, ubushikiranganji bwagize ingorane ifatiye ku gutunganya ibijanye no kuja hamwe kw’Uburundi n’ibindi bihugu bigize EAC mugusanisha inzego n’amategeko hamwe n’uko abo vyega bose ku rwego rw’igihugu bagira rwabo imigambi n’imigabo y’umuryango w’ibihugu bigize EAC. Ngo igikorwa co gusanisha amategeko hamwe n’inzego ku ruhande rw’Uburundi kiriko kigenda cikwega cane. Ngo Uburyo bwategekanijwe gukoreshwa n’ubushikiranganji ni buke bigatuma bidakunda gushika ku mahangiro amwe amwe. Ndahayo yamenyesheje ko muri uwu mwaka w’2018 ubushikiranganji buzobandanya igikorwa kijanye no gusanisha inzego n’amategeko y’uwo muryango. Ngo ubwo bushikiranganji buzobandanya kandi buhagararira inyugu z’igihugu  mu muryango wa EAC.Ku kibazo kijanye n’uko Uburundi bwoba bwararenganijwe ku bijanye n’itorwa ku rwego rw’uwurongoye Inama Nshingamateka y’umuryango w’ibihugu bigize EAC (EALA), umushikiranganji yamenyesheje ko harenzwe amategeko agenga umuryango wa EAC kandi abarundi ntivyabanejereje ari naco gituma Uburundi buzobandanya busaba insiguro y’ukungene amatora yagenze. Ngo iyo nsiguro niyaboneka  niho Uburundi buzomenya ingingo buzofata. 

Aline Kanyana

 

 

Amadini n’amashengero asabwa kwubahiriza amategeko agenga ico gisata

bishopBishop Seth Nkenshimana arongoye urwego rujejwe gutunganiriza amadini n’amashengero avuga ko urwo rwego rufasha cane amadini n’amashengero mu gihe abasaba kwemerwa gukorera mu gihugu mbere akanayasaba gukora yisunga amategeko ayagenga. Ivyo yabishikirije mu kiganiro yahaye ikinyamakuru UBUMWE, ku wa 10 Nzero 2018 ku cicaro c’urwo rwego mu nyubakwa Le Savonier i Bujumbura. Nimukurikire ido n’ido ry’ico kiganiro.Bishop Seth Nkenshimana arongoye urwego rujejwe gutunganiriza amadini n’amashengero avuga ko urwo rwego rufasha cane amadini n’amashengero mu gihe abasaba kwemerwa gukorera mu gihugu mbere akanayasaba gukora yisunga amategeko ayagenga. Ivyo yabishikirije mu kiganiro yahaye ikinyamakuru UBUMWE, ku wa 10 Nzero 2018 ku cicaro c’urwo rwego mu nyubakwa Le Savonier i Bujumbura. Nimukurikire ido n’ido ry’ico kiganiro.
UBUMWE : Muri ino minsi haravugwa amashengero amwe amwe ukitumvikana mbere hagaca haba abiyonkora bagashinga amashengero yabo. Muri ico gihe muraheza mugakora iki narirya ivyo bishobora gutera n’umutekano muke ?
Bishop Seth Nkeshimana (S.N) : Ibibazo vyose vy’amashengero turabijejwe. Iyo habonetse ibibazo ibi canke ibindi mw’ishengero turaheza tukumviriza ababidutuye. Mbere mboneyeho akaryo ko kumenyesha abantu bose ko tutakira abarongoye amashengero gusa ariko n’umunywanyi uwo ariwe wese w’ishengero iyo hari akamubakiye turaheza tukamwakira. Turaheza tukagira impanuro dutanze kugira ngo haboneke umuti urama. Kandi turashima ku nyishu z’ibibazo bimwe bimwe tumaze gutanga kandi bikagenda neza.
UBUMWE : Haravuzwe ibibazo vyabonetse mw’ishengero rya Pentecôte ryo mu ntara ya Makamba i Nyanza-Lac aho hatabaye ukwumvikana mbere n’ubushikiranganji bw’intwaro yo hagati bukaja hagati. Mbega turashobora kumenya ukuri ku vyashitse ?
S.N : Ukuri ku vyabaye mw’ishengero rya Pentecôte mu ntara ya Makamba i Nyanza-Lac, ni uko iyo Reta ifashe ingingo kubijanje n’ishengero canke idini kanaka, iyo ngingo ni yo iri hejuru y’izindi ngingo zose zishobora gufatwa n’abo vyega. Rero mw’ishengero rya Pentecôte i Nyanza-Lac habaye amatati afatiye ku butunzi n’uburongozi bw’iryo shengero yatanguye muri Ntwarante 2017. Yaraduze agera muri Nyakanga uwo mwaka nyene ubushikiranganji bw’intwaro yo hagati n’urwego turongoye bisabwa kugira intererano kugira ngo ayo matati ahere. Ubushikiranganji rero bw’intwaro yo hagati mu gihugu bwaciye bufata ingingo nziza cane bose bashimye mbere n’ayo matati yose yari muri iryo shengero aca arahagarara.
UBUMWE : Uko itegeko rigenga uru rwego murongoye ryabonetse mu mwaka w’2014, biboneka ko imbere yaho iryo tegeko ritariho. Mbega mu kwemera kw’abantu ko muje mushiraho urwego nk’uru rukoresha amategeko y’igihugu, ntimwibaza ko ugukora kwarwo kuzohava gusubiza inyuma ukwemera kw’abantu ?
S.N : Ukwemera kw’abantu ntikuzosubira inyuma kuko ukwemera Imana guhagaze ku kuyemera kandi ukubahiriza n’amategeko y’igihugu. Ijambo ry’Imana ku bemera Kristo n’abandi ribahamagarira kwemera abarongozi.
UBUMWE : Mbega ko abemera bari mu madini atandukanye. Mubona igikorwa canyu kiborohera mu gihe mufasha abantu bari muri ayo madini atandukanye kandi mutazi idini rimwe ryose uko ritunganijwe ?
S.N. : Igikorwa cacu kiroroha kuko abari muri uru rwego turongoye bava mu madini atandukanye. Biraheza bikoroha iyo intererano iriko iratangwa n’uwubazi imibereho y’idini riba rifise ibibazo. Abantu rero borema kuko igikorwa tujejwe tugikora mu bwitonzi ntangere kuko n’abemera baba bari mu madini afise ibibabazo duheza tukabumviriza.

Nathan Ntahondi

 

 

Inyigisho za kaminuza zo mu buryo bwa kera zizosozerwa imbere y’uwa mbere Ruheshi

DSSSSC 0210Urwandiko ruherutse gushirwa ahabona n’ubushikiranganji bw’indero rusaba abanyeshure bakurikiranye inyigisho za kaminuza mu buryo bwa kera « Licence, ingéniorat et Licence agrégé » haba muri kaminuza za Reta niz’abikorera ivyabo ko boba bashikirije icese ibitabu vyabo bisozera inyigisho za kaminuza imbere y’uwa mbere Ruheshi 2018, ngo ruraba abanyeshure bo mu mwaka w’ishure wa kaminuza w’2014 ushira uw’2015. Ivyo ni ivyashikirijwe n’umuyobozi ajejwe ubushakashatsi muri kaminuza y’Uburundi, Tatien Masharabu, ku wa 11 Nzero 2018, hari mu kiganiro yahaye ikinyamakuru UBUMWE.Urwandiko ruherutse gushirwa ahabona n’ubushikiranganji bw’indero rusaba abanyeshure bakurikiranye inyigisho za kaminuza mu buryo bwa kera « Licence, ingéniorat et Licence agrégé » haba muri kaminuza za Reta niz’abikorera ivyabo ko boba bashikirije icese ibitabu vyabo bisozera inyigisho za kaminuza imbere y’uwa mbere Ruheshi 2018, ngo ruraba abanyeshure bo mu mwaka w’ishure wa kaminuza w’2014 ushira uw’2015.

Ivyo ni ivyashikirijwe n’umuyobozi ajejwe ubushakashatsi muri kaminuza y’Uburundi, Tatien Masharabu, ku wa 11 Nzero 2018, hari mu kiganiro yahaye ikinyamakuru UBUMWE.Nk’uko uwo muyobozi ajejwe ubushakashatsi muri kaminuza y’Uburundi, Tatien Masharabu yabandanije abishikiriza, ngo urwandiko rw’umushikiranganji w’indero rusaba gusozera inyigisho za kaminuza zo mu buryo bwa kera imbere y’uwa mbere Ruheshi ngo bararubonye muri kaminuza y’Uburundi. Ariko ngo nka kaminuza y’Uburundi  barafise ukuntu bitunganije. Ukwo kwitunganya, ngo babikora bisunze amategeko agenga inyigisho za kaminuza mu Burundi. Kuva mu mwaka w’2011, ngo haragiyeho itegeko rishiraho inyigisho nshasha bita BMD « Baccalauréat, master et doctorat», kugira babandanye bakora mu ntumbero y’akarere n’isi yose.Ivyo ngo biraheza bigafasha guhanahana abakozi canke abanyeshure na kaminuza iyi canke iriya, mu bice bitandukanye haba mu karere canke kw’isi yose. Mu mwaka w’2011, ngo bari bavuye mu buryo bwo gutanga inyigisho za kaminuza mu buryo bwa kera, baja mu buryo bwa none. Umwaka w’ishure wa nyuma w’abanyeshure bize mu buryo bwa kera ngo ni abo mu mwaka w’ishure kaminuza w’2014 ushira uw’2015. Ahanini rero ngo abo banyeshure nibo barabwa n’urwo rwandiko rw’umushikiranganji w’indero rubasaba kuba bashikirije ibitabu vyabo bisozera inyigisho za kaminuza imbere y’uwa mbere Ruheshi. Muri kino gihe, ngo abo nibo bariko baraherekezwa mu bikorwa vyabo vy’ubushakashatsi kugira bashobore kwandika ivyo bitabu.Ku kibazo co kumenya ko urwo rwandiko rutaraba n’abanyeshure b’imbere y’umwaka w’ishure kaminuza w’2014 ushira uw’2015, umuyobozi ajejwe ubushakashatsi yamenyesheje ko bisunze itegeko rigenga inyigisho kaminuza mu Burundi ryo ku wa 4 Nyakanga 2006 ryaje risubirira iryo ku wa 6 Nzero 2003, mu ngingo yaryo ya 67, ngo riravuga ingene abanyeshure bahejeje amashure bandika ibitabu vyabo bisozera inyigisho za kaminuza. 
Ingingo ya 67 y’itegeko rigenga inyigisho kaminuza iravuga uko umunyeshure yandika igitabu gisozera inyigisho  za kaminuza


Iyo ngingo ya 67 y’itegeko rigenga inyigisho za kaminuza mu Burundi iravuga ko « umunyeshure atashoboye gushira ahabona igikorwa c’ubushakashatsi yakoze mu mwaka wa nyuma w’inyigisho za kaminuza, arashobora kubikora inyuma y’amezi 12 uhereye igihe batangarije amanota y’umwaka wa nyuma w’ivyigwa, iyo ngingo nyene irategekanya uruhusha rudasanzwe rw’ikiringo c’amezi 6, ariko urwo ruhusha rutangwa igihe babonye ko ico gikorwa cagiye kirahura n’ibibazo bifatiye kuwukurikirana umunyeshure muri ico gikorwa canke n’ico gikorwa nyene ubwaco, ariko bivuye ku munyeshure atashizemwo ubwira n’umwete, ico kiringo ntaheza ngo acongerwe ». Amashure yiwe aca agarukira ngaho, ntaheza ngo aronswe urupapuro rw’umutsindo rwa kaminuza, bivanye n’igisata yakurikiranye.Muri make, ngo urwo rwandiko rw’umushikiranganji w’indero, rwerekeye abajejwe gukurikirana ibikorwa vy’abanyeshure bisozera inyigisho za kaminuza, ariko batari ku biri n’amategeko. Ku wa 5 Nzero 2018, ngo abarongoye kaminuza y’Uburundi barakoranije abarongoye ibisata bitandukanye, aho mu vyizwe harimwo kurabira hamwe ingene boherekeza abo banyeshure bize mu buryo bwa kera, kugira basozere izo nyigisho za kera muri kaminuza y’Uburundi. Muri iyo nama, ngo barasavye abarongoye ibisata bitandukanye kwitunganya kugira baherekeze abo banyeshure. Ku banyeshure bahejeje amashure imbere y’umwaka w’ishure kaminuza w’2014 ushira uw’2015, ngo urwo rwandiko ntirubaraba, ingorane z’umunyeshure uyu canke uriya ngo zigwa n’umurwi ushirwaho kugira barabe ko yoronswa urwo ruhusha rudasanzwe canke ko borumwima.N’umuvugizi w’ubushikiranganji bw’indero, Juma Edouard yamenyesheje ko ubushikiranganji bwari bwatanze imyaka 3 kugira babe basozereye inyigisho za kaminuza mu buryo bwa kera, iyo myaka 3 ngo yaheze mu mwaka w’2015, kubona rero ngo batanze ico kiringo, ni kugira amategeko yubahirizwe. Muri kaminuza y’Uburundi, ngo bageze ku murwi ugira gatatu wiga mu buryo bwa none, aribwo BMD. 

Déo Misigaro                                                                                             

 

 
Ouvrir