Publications de Presse Burundaise, Rohero I Avenue de la JRR N°17 Immeuble le SAVONNIER, Téléphone standard : (257) 22 22 62 32, Fax :(257) 22 22 58 94, email: pressequotidienne@yahoo.fr

Abashingamateka bo mu Burundi bariko bitegurira inkino zizobahuza na bagenzi babo bo mu muryango wa EAC

DSC vvvvcf0037Kw’igenekerezo rya 2 Munyonyo 2017, umukuru w’Inama Nshingamateka y’Uburundi  Pascal Nyabenda yarakiriye mu biro iwe uwuserukira ishirahamwe rihurikiyemwo amabanki akorera mu Burundi, Bukuru Audace amushikaniye intererano  y’amahera y’amarundi agera ku miriyoni 30  mu ntumbero yo gushigikira abakinyi b’abashingamateka mu nkino bariko baritegurira zizobahuza  na bagenzi babo bo mu bihugu bigize  ishirahamwe rya Afrika y’ubuseruko zizoba mu kwezi kwa kigarama i Arusha mu gihugu ca Tanzaniya.

Ivyo vyamenyeshejwe na Alexis Badian Ndayihimbaze avugira Inama Nshingamateka, inyuma y’uwo mubonano.Kw’igenekerezo rya 2 Munyonyo 2017, umukuru w’Inama Nshingamateka y’Uburundi  Pascal Nyabenda yarakiriye mu biro iwe uwuserukira ishirahamwe rihurikiyemwo amabanki akorera mu Burundi, Bukuru Audace amushikaniye intererano  y’amahera y’amarundi agera ku miriyoni 30  mu ntumbero yo gushigikira abakinyi b’abashingamateka mu nkino bariko baritegurira zizobahuza  na bagenzi babo bo mu bihugu bigize  ishirahamwe rya Afrika y’ubuseruko zizoba mu kwezi kwa kigarama i Arusha mu gihugu ca Tanzaniya.Ivyo vyamenyeshejwe na Alexis Badian Ndayihimbaze avugira Inama Nshingamateka, inyuma y’uwo mubonano. Yamenyesheje ko ayo ma banki yitavye akamo yatewe n’umukuru w’Inama Nshingamateka mu nama bagiranye bakagirako bakanabimwemerera .Ayo mahiganwa rero ngo si ivyigangeso ngo yari asanzwe aba mu kwezi kwa Kigarama ariko igenekerezo ntabanduka ntiriramenyekana  kuko babanje kurindira ko amatora yo mu gihugu ca Kenya arangira .Ngo ariko n’aho biri uko azotegerezwa kuba kuko n’ikimenya menya hari umushingamateka w’umurundi  yagiye mu nteguro y’ayo.Inama Nshingamateka ngo ikaba ishimira iryo shirahamwe ry ‘amabanki kuri iyo ntererano ngo ni akaryo keza kuri bo ko kuzomenyana na bagenzi babo, bakaganira utuntu n’utundi kandi bikerekana ko hari imigenderanire myiza muri ivyo bihigu.                            Josélyne Ndayegamiye

 

 

ARFIC : Igisata c’ikawa kiriko kiratunganywa neza kugira abagihurikiyemwo bose bashobore kuhatorera akayoko

DSC 2xcez052Ngo ikawa y’Uburundi yarabaye iya mbere idandajwe  icamunara mu gisagara ca Boston  muri Reta zunze ubumwe za Amerika. Ivyo vyavuzwe n’umuyobozi mukuru w’igisata kijejwe kugenzura igisata c’ikawa ARFIC, Jean de Dieu Mutabazi mu kiganiro yahaye ikinyamakuru UBUMWE. Ngo ikawa yabaye iya mbere ni iyarimwe mu Kayanza nayo ikiro kikaba caguzwe amadorari 115, ikawa yabaye iya kabiri yaguzwe  amadorari 114 ku kiro. Ngo sibwo bwa mbere ikawa y’Uburundi ibaye iya mbere kuko mu mwaka w’2014, ikawa yarimwe mu Kayanza yarabaye iya mbere ica igurwa  amadorari 130 ku kiro. Ngo ishirahamwe karuhariwe mu guhonja ikawa no kuyiha amanota ACE ryaratororokanije ubwoko 23 bw’ikawa bwa mbere akaba arizo zadandazwa neza.  Ngo ikawa itabaye iya mbere igurwa  amadorari ari hagati  ya 4 n’ 5 ku kiro.  Mutabazi yamenyesheje ko  mu gihe ikawa iryoshe cane iguzwe ku giciro ciza, akarusho karatinda kagashikira umunyagihugu yayirimye. Yabandanije amenyesha ko mu mwaka w’2010, Reta yasa n’iyakuye akarenge mu gisata c’ikawa, muri ico gihe harabaye ubuhombe bunini cane ku murimyi w’ikawa kubera abarwizatunga bashoye ikawa mu mahanga ntibariha abarimyi canke bakabariha haciye igihe kinini.

Ngo ivyo vyaratumye abarimyi b’ikawa badebukirwa. Ngo kuva mu mwaka w’2015, harafashwe ingingo ko kizira kikaziririzwa yuko haba umurwizatunga aheranira umurimyi w’ikawa, ko uwuzohirahira akabirengako azovanwa mu gisata c’ikawa. Ngo ku mashirahamwe 84 adandaza ikawa akayihingura, ishirahamwe rimwe niryo ritubahirije amasezerano yo kuriha abarimyi b’ikawa. Ngo kubera ikawa y’iryo shirahamwe yarafashwe iriko iradandazwa icamunara kugira abarimyi b’ikawa bashobore kurihwa. Ngo Reta ibicishije ku bushikiranganji bw’ikigenga ca Reta yarashoboye kwegera Ibanki y’Isi yose irayisaba imfashanyo ica ironka amadorari angana 72 000 000 kugira igisata c’ikawa gishobore kunagurwa. Ngo ubwo burusho buzotuma igiterwa c’ikawa gisubira kwijukirwa. Mutabazi yamenyesheje ko kubera ko kuva igihe Reta yashira mu minwe y’abikorera utwabo igisata c’ikawa vyabonetse ko habaye ubusuma bw’amadorari atinjira mu gihugu. Yabandanije asigura ko kugira ubwo busuma bw’amahera y’agaciro buhagarare,  hafashwe ingingo y’uko abarwizatunga bose badandaza ikawa bategerezwa kugurura amakonte yabo mw’ibanki nkuru y’igihugu (BRB) hanyuma badandaje ikawa mu mahanga amahera y’agaciro agaheza agashikira muri BRB nayo igaheza ikabavunjira ikabaha mu marundi biciye mu makonte yabo ari mu mabanki y’ubudandaji . Ngo Reta igifise igisata c’ikawa mu minwe hariho ikigega gifasha abadandaza ikawa citwa Fonds de Stabilisation mu rurimi rw’igifaransa. Ngo nk’iyo  ibiciro vyagenze nabi hari amafaranga avuye muri ico kigega yaca aza gusahiriza ico gisata c’ikawa.  Mutabazi yaramenyesheje ko bariko bararaba ukungene ico kigega cosubiraho. Ngo ikawa y’Uburundi yarabaye iya mbere idandajwe  icamunara mu gisagara ca Boston  muri Reta zunze ubumwe za Amerika. Ivyo vyavuzwe n’umuyobozi mukuru w’igisata kijejwe kugenzura igisata c’ikawa ARFIC, Jean de Dieu Mutabazi mu kiganiro yahaye ikinyamakuru UBUMWE. Ngo ikawa yabaye iya mbere ni iyarimwe mu Kayanza nayo ikiro kikaba caguzwe amadorari 115, ikawa yabaye iya kabiri yaguzwe  amadorari 114 ku kiro.

Ngo sibwo bwa mbere ikawa y’Uburundi ibaye iya mbere kuko mu mwaka w’2014, ikawa yarimwe mu Kayanza yarabaye iya mbere ica igurwa  amadorari 130 ku kiro. Ngo ishirahamwe karuhariwe mu guhonja ikawa no kuyiha amanota ACE ryaratororokanije ubwoko 23 bw’ikawa bwa mbere akaba arizo zadandazwa neza.  Ngo ikawa itabaye iya mbere igurwa  amadorari ari hagati  ya 4 n’ 5 ku kiro.  Mutabazi yamenyesheje ko  mu gihe ikawa iryoshe cane iguzwe ku giciro ciza, akarusho karatinda kagashikira umunyagihugu yayirimye. Yabandanije amenyesha ko mu mwaka w’2010, Reta yasa n’iyakuye akarenge mu gisata c’ikawa, muri ico gihe harabaye ubuhombe bunini cane ku murimyi w’ikawa kubera abarwizatunga bashoye ikawa mu mahanga ntibariha abarimyi canke bakabariha haciye igihe kinini. Ngo ivyo vyaratumye abarimyi b’ikawa badebukirwa. Ngo kuva mu mwaka w’2015, harafashwe ingingo ko kizira kikaziririzwa yuko haba umurwizatunga aheranira umurimyi w’ikawa, ko uwuzohirahira akabirengako azovanwa mu gisata c’ikawa. Ngo ku mashirahamwe 84 adandaza ikawa akayihingura, ishirahamwe rimwe niryo ritubahirije amasezerano yo kuriha abarimyi b’ikawa. Ngo kubera ikawa y’iryo shirahamwe yarafashwe iriko iradandazwa icamunara kugira abarimyi b’ikawa bashobore kurihwa. Ngo Reta ibicishije ku bushikiranganji bw’ikigenga ca Reta yarashoboye kwegera Ibanki y’Isi yose irayisaba imfashanyo ica ironka amadorari angana 72 000 000 kugira igisata c’ikawa gishobore kunagurwa. Ngo ubwo burusho buzotuma igiterwa c’ikawa gisubira kwijukirwa. Mutabazi yamenyesheje ko kubera ko kuva igihe Reta yashira mu minwe y’abikorera utwabo igisata c’ikawa vyabonetse ko habaye ubusuma bw’amadorari atinjira mu gihugu. Yabandanije asigura ko kugira ubwo busuma bw’amahera y’agaciro buhagarare,  hafashwe ingingo y’uko abarwizatunga bose badandaza ikawa bategerezwa kugurura amakonte yabo mw’ibanki nkuru y’igihugu (BRB) hanyuma badandaje ikawa mu mahanga amahera y’agaciro agaheza agashikira muri BRB nayo igaheza ikabavunjira ikabaha mu marundi biciye mu makonte yabo ari mu mabanki y’ubudandaji . Ngo Reta igifise igisata c’ikawa mu minwe hariho ikigega gifasha abadandaza ikawa citwa Fonds de Stabilisation mu rurimi rw’igifaransa. Ngo nk’iyo  ibiciro vyagenze nabi hari amafaranga avuye muri ico kigega yaca aza gusahiriza ico gisata c’ikawa.  Mutabazi yaramenyesheje ko bariko bararaba ukungene ico kigega cosubiraho.

 Aline Kanyana

 

 

Uburundi ngo bugeze ku ntambwe ishimishije y’ukwinjira mu muryango wa EAC

CAMcv00299Ngo Uburundi bushitse ku ntambwe ishimishije mu kwinjira mu muryango w’ibihugu vya Afrika y’Ubuseruko ngo kuko kuva mu mwaka w’2007 igihe bwinjira bwaciye buhamvya ibindi bihugu mu mwaka w’2009 mu gushira mu ngiro ivyerekeye intambwe ya mbere ishingiye kw’itoza ry’amakori  n’amatagisi ku ndinganizo imwe  n’urugero rumwe. Ngo Uburundi bushitse ku ntambwe ishimishije mu kwinjira mu muryango w’ibihugu vya Afrika y’Ubuseruko ngo kuko kuva mu mwaka w’2007 igihe bwinjira bwaciye buhamvya ibindi bihugu mu mwaka w’2009 mu gushira mu ngiro ivyerekeye intambwe ya mbere ishingiye kw’itoza ry’amakori  n’amatagisi ku ndinganizo imwe  n’urugero rumwe. Ivyo ngo vyatumye haba igabanuka ry’amakori n’amatagisi ku bicuruzwa biba bivuye muri ivyo bihugun n’Uburundi burimwo. Ivyo vyashikirijwe n’umuvugizi w’ubushikiranganji bujejwe iyinjira ry’Uburundi mu muryango wa Afrika y’ubuseruko EAC, Jean Paul Sindayigaya mu kiganiro yahaye ikinyamakuru UBUMWE ku wa 26 Gitugutu 2017 aho ubwo bushikiranganji busanzwe burangurira imirimo.  Jean Paul Sindayigaya yaribukije ko Uburundi bwinjiye mu muryango w’ibihugu vya Afrika y’ubuseruko kuva ku wa 1 Mukakaro 2007. Ngo kuva ico gihe bwaciye bwinjira mu mugambi wo gushira ku rugero rumwe ibijanye no gutoza amakori n’amatagisi muri EAC.

Ivyo ngo birangwa n’ishingwa ry’ikigo kijejwe gutororokanya amakori n’amatagisi OBR be n’ishingwa ry’igisata kijejwe kworohereza abarwizatunga kuzana imitahe yabo mu gihugu API. Nk’uko Jean Paul Sindayigaya yashishikaye abivuga, ngo ikindi Uburundi bumaze gushikako ni uko bwaterereye cane mw’ishirwaho ry’isoko rusangi. Ngo igihugu c’Uburundi nk’ibindi bihugu vyose bihurikiye mu muryango wa Afrika y’Ubuseruko buriko burashira mu ngiro imigabo n’imigambi ijanye n’intambwe zategekanijwe mu bijanye no kuja hamwe kw’ibihugu bigize EAC nk’uko bisanzwe biri mu masezerano agenga uwo muryango. Umugambi  wo gushira ku rugero rumwe inyigisho ku rwego rw’amashure Kaminuza ku girango  abanyeshure bahejeje inyigisho kuri urwo rwego mu mumuryango  w’ibihugu vya EAC baronke  impamyabushobozi  zifise agaciro kangana mu ntumbero yo kworohereza uruja n’uruza rw’abanyeshure n’abakozi mu karere.Ngo kubarondera kwiteza imbere barashobora kurondera ubuzima muri ivyo bihugu mu gihe bitwaje impapuro zemerwa gukoresha nk’igitabu c’inzira canke  impapuro murekarengane zikoreshwa mu bihugu bigize uwo muryango. Ariko rero ngo abakozi ba Reta ntibemererwa kurondera ubuzi mu mareta y’ivyo bihugu mu gihe ata Reta iba yagukeneye ngo ibisabe. Eka mbere ngo n’abarondera kwiga muri ivyo bihugu bafatwa kumwe n’imvukira zavyo.Ngo muri ico gihe hari n’ibicuruzwa amatagisi vyatangishwa yagiye aragabanurwa mu gihe biba vyahinguriwe muri ivyo bihugu. Ico umucuruza asabwa gusa ngo ni ukwerekana urupapuro rwerekana aho ivyo acuruza vyahinguriwe.Ku kibazo cerekeye ikoreshwa ry’ifaranga rimwe muri ivyo bihugu, Sindayigaya yishuye ko amategeko ajanye n’ishingwa n’ikoreshwa ry’ifaranga rimwe mu muryango wa EAC  ryamaze kwumvikanwako.

Ngo abakuru b’ibihugu bigize uwo muryango bayateyeko igikumu ku wa 30 Munyonyo 2013, igihe bari mu nama yabahuje isanzwe igira 15 yabereye mu gihugu c’Ubuganda. Ngo ishirwa mu ngiro ry’ayo mategeko  ritegekanya ikiringo c’imyaka 10 kugirango ibihugu bibanze kwitegura vyongere vyisuganye mu bijanye n’ubutunzi. Aha rero ico kumenya ngo ni uko iryo faranga rimwe rizotangura gukoreshwa mu mwaka w’2024.Jean Paul Sindayigaya avugira ubushikiranganji bujejwe iyinjira ry’Uburundi mu muryango w’ibihugu vya Afrika y’Ubuseruko yaragarutse ku bisata bizotegurwa ku rwego ry’uwo muryango kugira ngo bizotume ivyo bihugu bikoresha ifaranga rimwe vyoroshe. Ngo hazoshingwa igisata gikuru co gukurikiranira hafi ibintu vyose vyerekeye ifaranga rimwe ari naco kizovamwo ibanki nkuru y’ibihugu bigize umuryango wa Afrika y’Ubuseruko. Ngo hazoshingwa kandi igisata gikuru kijejwe gukurikiranira hafi ibiharuro vyerekana urugero rw’ubutunzi bw’ibihugu bihurikiye mu muryango wa EAC. Ngo hazoshingwa kandi igisata gikuru kijejwe gucungera ingene ibihugu biri muri uwo muryango bikoresha ifaranga rimwe. Ngo hazoshingwa kandi igisata kijejwe gushishoza no guhuza ibigo bisanzwe bikorera mu bisata bikurikirana ikoreshwa ry’amafaranga. Ngo intambwe igira kane ari yo yerekeye  intwaro y’umuryango w’ibihugu vya Afrika y’Ubuseruko izoshikwako izindi zose zarashizwe mu ngiro. Ngo n’aha nyene ibihugu biriko biritegura kuko vyamaze gusabwa abahinga babiri babiri bazotegura ibizoranga iyo ntwaro. jean Paul Sindayigaya yarangije avuga ko izina ry’ifaranga rizokoreshwa rizomenyeshwa n’abakuru b’ibihugu biri mu muryango w’ibihugu vya Afrika y’Ubuseruko igihe kigeze.

Nathan Ntahondi

 

Mu ntara ya Gitega: Prezida NKURUNZIZA yarifadikanije n’abanyagihugu mu bikorwa vy’iterambere

 

korararKw’igenekerezo rya 28 Gitugutu 2017, Umukuru w’igihugu yari yifadikanije n’abanyagihugu bo ku murwa mukuru w’intara ya Gitega mu bikorwa vy ‘iterambere rusangi aho bariko baracanga umusenyi, urucekeri n’isima vyo kwubaka ingazi abantu bazoshobora kwicarako mu gihe bazoba bariko bararorera umupira canke bari mu birori bizoba biriko birahabera. Ivyo bikorwa bikaba vyari vyitabwe n’abashikiranganji batandukanye, abashingamateka n’abakenguzamateka batowe mu ntara ya Gitega n’abandi bategetsi batandukanye hamwe n’abikorera ivyabo.Inyuma yaho akaba yaratanze imfashanyo igizwe n’itoni 5 z’umuceri ku miryango 500 ifise amikoro make, aho umuryango umwe waronswa ibiro cumi vy’umuceri. Abaronkejwe iyo mfashanyo bakaba bari abo mu makaritiye atandukanye yo mu gisagara ca Gitega muri Komine n’intara ya Gitega.Kw’igenekerezo rya 28 Gitugutu 2017, Umukuru w’igihugu yari yifadikanije n’abanyagihugu bo ku murwa mukuru w’intara ya Gitega mu bikorwa vy ‘iterambere rusangi aho bariko baracanga umusenyi, urucekeri n’isima vyo kwubaka ingazi abantu bazoshobora kwicarako mu gihe bazoba bariko bararorera umupira canke bari mu birori bizoba biriko birahabera.

Ivyo bikorwa bikaba vyari vyitabwe n’abashikiranganji batandukanye, abashingamateka n’abakenguzamateka batowe mu ntara ya Gitega n’abandi bategetsi batandukanye hamwe n’abikorera ivyabo.Inyuma yaho akaba yaratanze imfashanyo igizwe n’itoni 5 z’umuceri ku miryango 500 ifise amikoro make, aho umuryango umwe waronswa ibiro cumi vy’umuceri. Abaronkejwe iyo mfashanyo bakaba bari abo mu makaritiye atandukanye yo mu gisagara ca Gitega muri Komine n’intara ya Gitega.Ku mugoroba w’uwo munsi, umurwi w’umupira w’amaguru Haleluya FC , Prezida NKURUNZIZA asanzwe akinamwo, waratanye mu mitwe n’ umurwi w’ishure « Christ Roi » ry’i Gitega mu rukino rwabereye ku kibuga c’umupira w’amaguru co mu gisagara ca Gitega. Umurwi Haleluya FC ukaba ariwo watahukanye intsinzi y’ibitsindo bine ku busa bw’umurwi w’ishure  Christ Roi.Muri urwo rukino Prezida NKURUNZIZA akaba yinjije ibitsindo bitatu.


Uburundi burashima ko bwavuye muri sentare mpanavyaha mpuzamakungu

Twobamenyesha ko inyuma y’ibikorwa vy’iterambere rusangi vyo kwubaka ico kibuga co ku murwa mukuru w’intara ya Gitega ,abari bavyitavye baciye bagira urugendo rwo gushimira Imana ko Uburundi bwavuye muri sentare mpanavyaha mpuzamakungu CPI nk’uko vyagenze no mu zindi ntara. Buramatare w’intara ya Gitega, Venant Manirambona mw’ijambo yashikirije ryo kwitsa iryashikirijwe na Reta, akaba yaribukije abo arongoye ko iyo sentare mpanavyaha mpuzamakungu CPI yari yahindutse igikoresho c’abakoroni mu gutoteza indongozi za Afrika. Yabandanije amenyesha abanyagitega bimwe mu binyoma n’amarementanya vyaremetswe Uburundi n’inzego  zabwo mu ntumbero yo kudutera mu manga igihugu. Bimwe muri vyo ni nko kubeshera Reta y’Uburundi ko yahonyanze Ibwirizwa Shingiro n’amasezerano ya Arusha ; ko  iriko irategura ihonyabwoko ; ko iriko iraha ibirwanisho urwaruka rw’imbonerakure ifadikanije n’umugambwe uri kubutegetsi ; ngo mu Burundi nta mutekano uriho n’ibindi. Abanyagitega nk’abandi barundi baranezerejwe n’iyo ntsinzi idasanzwe itsimbataza ukwikukira kw’igihugu cacu. Buramatari Venant Manirambona akaba yaribukije ko urugamba rubandanya kuko ba sesa nkuyoze , ba mpemukendamuke, ba niryo , ba ndayamutaye na ba mpemayuzuye baticaye kuko birirwa barasya batambaye mu gukwiragiza ibirwanisho vyo gusesa amaraso mu mpunzi z’abarundi. Birigwa kandi baragira utunama mu gihugu c’Ububirigi babifashijwemwo na Louis Michel n’abandi bansi b’Uburundi. Mu kurangiza kwitsa iryo jambo Buramatari Vénant Manirambona Yaramenyesheje ko Reta y’Uburundi yiyemeje kubandanya gutsimbataza amahoro n’umutekano mu gihugu cose, ubutungane bw’Uburundi mu bwigenge bwabwo, gukomeza umugambi wo kwubahiriza agateka ka zina muntu, gukomeza imigenderanire n’amakungu n’ibindi. Reta y’uburundi irakengurukira cane ibihugu vyose vya Afrika n’ivya rutura vyashigikiye Uburundi mu kutemera ingingo zose z’akarenganyo zari zateguriwe Uburundi.
Gloriose Nshimirimana

(wimenyereza)

 

Abigisha bahinduriwe ikibanza badatonda ku mirimo baragabishwa

kanyambooooUmugambi wo gukwiragiza abigisha aho bakenewe kurusha ngo urahambaye cane ku murundi wese akunda igihugu camwibarutse.  Ku bw’ivyo ngo umuntu wese ataratonda ku kazi aho bamushize asabwe kwihutira gushikayo mu maguru masha atari uko naho ngo azofatwa nk’uwagataye. Ivyo ni ivyashikirijwe n’umushikiranganji ajejwe indero, inyigisho za kaminuza n’ubushakashatsi, Janvière Ndirahisha mu kiganiro yahaye abamenyeshamakuru ku wa 31 Gitugutu 2017.

Umugambi wo gukwiragiza abigisha aho bakenewe kurusha ngo urahambaye cane ku murundi wese akunda igihugu camwibarutse.  Ku bw’ivyo ngo umuntu wese ataratonda ku kazi aho bamushize asabwe kwihutira gushikayo mu maguru masha atari uko naho ngo azofatwa nk’uwagataye. Ivyo ni ivyashikirijwe n’umushikiranganji ajejwe indero, inyigisho za kaminuza n’ubushakashatsi, Janvière Ndirahisha mu kiganiro yahaye abamenyeshamakuru ku wa 31 Gitugutu 2017. Nk’uko yabandanije abimenyesha ngo haraciye igihe kitari gito hibonekeza ibintu bigoye kwihanganira. Ku ruhande rumwe hakibonekeza ubwinshi bw’abigisha mu mashure amwe amwe, ivyo navyo bigatuma baguma bahembwa na Reta kandi batariko bararangura imirimo nk’uko amategeko abisaba. Ku rundi ruhande ngo hakaba ayandi mashure na cane cane ayari kure y’ibisagara afise ubukene bw’abigisha gutyo bigatuma hakora abigisha b’abakutsakivi batazwi n’amategeko bahembwa n’abavyeyi. Janvière Ndirahisha akaba yamenyesheje ko ari muri iyo  ntumbero yo  gusubiza ibintu  mu buryo kuva mu kwezi kwa gatatu uyu mwaka nyene, ubushikiranganji arongoye bwatunganije igikorwa gihambaye co kugabanganya abigisha harimwo n’abakozi bo mu biro, hisunzwe ubukene buri mu mashure amwe amwe mu kubashira aho bakenewe kurusha.

Intumbero nyamukuru y’ico gikorwa ngo kukaba kwari ugukuraho ubwo busumbasumbane bwahahora kubera ko abanyeshure bose bategerezwa gufatwa kumwe na Reta mu kuronswa ubumenyi, mbere ngo n’abigisha bagakoreshwa ku rugero rumwe. Ico gikorwa co gukwiragiza abigisha aho batari rero ngo kikaba catumye Reta izohungukira ibitari bike. Muri ivyo ngo ni uko ubwa mbere abigisha barenga 4.761 aribo bahinduriwe aho bahora bakorera. Reta ngo yarahungukiye kandi abigisha bashika 600 bahora bakorera mu biro bitandukanye ariko ata kazi kaboneka bafise. Ica kabiri ngo ni uko uwofata ko umwigisha umwe umwe mu bahinduriwe aho bahora bakorera yahembwa amafaranga ibihumbi 150 ku kwezi ngo Reta ica yunguka ayarenga imiriyaridi umunani n’imiriyoni amajana atanu ku mwaka. Ngo ayo niyo mafaranga Reta yahomba ku mwaka ku mwaka.Umushikiranganji yarongeye amenyesha ko abakozi bari ku rutonde rw’abigisha ariko basanzwe bakorera ahandi, bakaguma bahembwa bakingiwe ikibaba n’abayobozi bamwe bamwe ngo barafashwe kandi ngo ico gikorwa kirabandanya kuko ngo ari ubusuma bweruye atawovyihanganira. Ku bw’ivyo ngo n’amafaranga yose bahembwe bategerezwa kuyasubiza. Ico gikorwa ngo carashize ahabona kandi abigisha bashika 70 batagishoboye gukora akazi biturutse ku busaza, indwara zitandukanye n’ibindi, abo bakaba ngo bagiye gushikirizwa Reta kugira yige kazoza kabo.Janvière Ndirahisha akaba yarangije amenyesha ko umuntu wese azi ko ataratonda aho bamushize asabwe kwihutira gushikayo mu maguru masha, atari uko naho ko azofatwa nk’uwagataye. Ngo abarongoye indero mu ntara no mu makomine basabwe gutangura gufata ingingo zibereye kuva kw’igenekerezo rya 2 Munyonyo 2017, hisunzwe amategeko.

 

Estella Niyongere

 

 

Prezida NKURUNZIZA yaratanguje icese ibikorwa vyo gucukura inzahabu mu ntara ya Cibitoke

Umukuru w’igihugu, Petero NKURUNZIZA, yaruguruye icese, kw’igenekerezo rya 31 Gitugutu 2017, ibikorwa vyo gucukura ubutare muri komine Mabayi intara ya Cibitoke birangurwa n’ishirahamwe « Tanganyika Mine Burundi ». Mw’ijambo ryiwe, Prezida  NKURUNZIZA yabanje gushimira Imana ku kugene  Umukuru w’igihugu, Petero NKURUNZIZA, yaruguruye icese, kw’igenekerezo rya 31 Gitugutu 2017, ibikorwa vyo gucukura ubutare muri komine Mabayi intara ya Cibitoke birangurwa n’ishirahamwe « Tanganyika Mine Burundi ». Mw’ijambo ryiwe, Prezida  NKURUNZIZA yabanje gushimira Imana ku kugene   Yama yitwararika  igihugu c’Uburundi ndetse abarundi bakaba bari   mu kanyamanuza, mu mahoro n’umutekano ntangere, Prezida NKURUNZIZA akaba yamenyesheje abari aho ko mu mpera z’ukwezi kwa Mukakaro uwu mwaka yari muri Mutambu gutanguza ibikorwa vyo gucukura ubutare bw’akabuyenge, akabuye k’agaciro kadasanzwe, atahandi kari atari mu Burundi kitwa mu rurimi rw’igifaransa « Terre rare ».

 ngaooooNgo ako kabuyenge nta munyamahanga yagahaye abarundi atari Imana Mushoboravyose. Ngo ni iyo Mana nyene ishishikara gutera iteka Uburundi mu kubuha n’ubundi butare ari bwo nzahabu bwatumye yishikira mu ntara ya Cibitoke gutanguza icese icukurwa ryabwo.Iryo ngo ni iteka ku gihugu c’Uburundi na cane cane muri komine ya Mabayi iri mu ntara ya Cibitoke. Ngo iyo komine ibaye impfura y’amakomine yose muri ico gikorwa. Ngo icukurwa ry’ubutare mu Burundi rizosahiriza ubutunzi bw’igihugu. Aha rero, Prezida  NKURUNZIZA yasavye ko ico gikorwa cokorwa hubarijwe amategeko acerekeye. Ngo hariho ibwirizwa Reta yashizeho mu mwaka w’2013 rishinga amategeko agenga ubutare mu Burundi. Iryo tegeko ngo ryaje risubirira iryari rihari ryataye igihe kuko ryari iryo mu mwaka w’1976. Ngo hisunzwe ibiri muri iryo bwirizwa vyaciye bishoboka ko ishirahamwe « Tanganyika Gold » ryemererwa gukora ubushakashatsi ku bijanye n’ubutare bw’inzahabu mbere rica rigiriranira amasezerano na Reta y’Uburundi uwu mwaka w’2017 haca havuka ishirahamwe rihuza Reta y’Uburundi n’iryo shirahamwe ryitwa « Tanganyika Mining Burundi ». Ngo muri iryo shirahamwe Reta y’Uburundi ifisemwo umutahe w’ibice 15 kw’ijana. Ngo hazokoreshwa ubuhinga buhanitse buzotuma ibice birenga 90 kw’ijana vy’inzahabu biboneka. Yararemesheje abakora mu gisata c’ubutare kuko ngo hazokubakwa ishure ryisumbuye ryo kwigisha ubuhinga bwo gucukura ubutare kuko igihugu c’Uburundi gifise ubutare bwinshi.Ngo hisunzwe amategeko agenga icukurwa ry’ubutare mu Burundi birategekanijwe ko abari muri ico gisata baronswa ikiringo c’imyaka 25.

Yasavye abanyacibitoke kwubaha amategeko agenga icukurwa ry’ubutare mu Burundi. Yabasavye gukorana neza n’abasanzwe bacukura ubutare muri iyo ntara. Ngo uwo bizoshika agakurwa mw’itongo ryiwe azoronswa umuzibukiro ukwiye. Yasavye abanyacibitoke kubumbatira amahoro n’umutekano kugira ngo igikorwa co gucukura ubutare kizanire akarusho igihugu mw’iterambere. Mwomenya ko bitegekanijwe ko ishirahamwe Tanganyika Mining Burundi rizokwama riha Uburundi imiriyoni zishika 50 z’amadorari y’abanyamerika uko umwaka utashe kandi ngo rizokwama ririha amatagisi n’amakori nk’uko n’amategeko abivuga. Ngo ubutare nka Nickel nabwo bwaratowe no mu ntara ya Rutana, i Ngozi, Kirundo mbere anasaba abahawe impusha zo kugira ubushakashatsi muri utwo turerere ko bokora ningoga kugira ngo bitarenze mu kwezi kwa gatandatu k’umwaka w’2018 baronswe impusha zo gucukura ubwo butare.Nk’uko vyashikirijwe n’umushikiranganji w’ubutare n’agataka, Manirakiza Côme ngo ubushakashatsi bwerekanye ko hariho inzahabu zishobora kuzoshikana amatoni 32. Ikindi co kumenya ni uko ahazoronderwa ubutare hangana uburinganire bushika ibirometero kwadarato 516.
Prezida  NKURUNZIZA yaruguruye icese inyubakwa zitandukanye  mu ntara za Cibitoke,  Kayanza na Ngozi
Inyuma y’inama yagiranye na ba buramatari muri komine ya Mabayi iri mu ntara ya Cibitoke, ku wa 31 Gitugutu 2017, Petero NKURUNZIZA yaciye yugurura ikigo gishasha c’inyigisho z’imyuga muri iyo komine kigizwe n’amasomero icenda n’ibiro vy’abazorongora ico kigo. Ico kigo gifise n’ikibuga c’inkino z’umupira w’amaboko   cubatswe n’ishirahamwe Tanganyika Mining Burundi. I Ndora mu ntara ya Cibitoke na ho Umukuru w’igihugu, Petero NKURUNZIZA yuguruye icese isoko ya kijambere yubatswe muri ako karere imbere yuko aca ashika mu ntara ya Kayanza aho yuguruye ishure shingiro rya Karunyinya ya gatatu ryubatswe na Reta y’Uburundi ifashwe mu mugongo n’ishirahamwe ryitaho abana UNICEF. Bukeye bw’aho, Umukuru w’igihugu NKURUNZIZA yarashimiye abo bose bitanze batiziganya mu kurangura ibikorwa vy’iterambere nk’inyubakwa zitandukanye n’ibindi uno munsi biriko birugururwa ku mugaragaro bitegekanijwe kwinjirwa mu gihe abarundi  bahimbaza imyaka 55 iheze baronse intahe yo kwikukira. Ivyo yabishikirije mu kiganiro yahaye abamenyeshamakuru  ku wa 2 Munyonyo 2017 mu ntara ya Ngozi ahejeje kwugurura icese ikigo  « IREMBO Center» cubatswe mu gisagara ca Ngozi n’ishengero Anglikane.

Ico kigo gifise ivyumba 27, uburiro n’ibibanza vyo guteguriramwo inama. Ku bw’ Umukuru w’igihugu, Petero NKURUNZIZA ngo ni umunezero mwinshi kubona iryo shengero ryateguye ikigo giteye igomwe. Ngo ni ikimenyamenya ko umugambi wo guteza imbere igihugu abarundi bose bawusangiye kandi ko nibashishikara kwiyumvira kw’iterambere ryabo ata nkeka ko igihugu kizotera imbere bimwe biboneka. Ngo muri kino gihe biragaragara ko abarundi bamenye ko kwiteza imbere ari ihangiro ryiza kandi biyemeje kuzoshikako. Ngo nibashishikare ntibadebukirwe kwama ku mirimo kuko ari yo soko ry’iterambere. Iryo shengero ryaciye mbere rimugabira inka.Mwomenya ko uwo munsi nyene muri zone Gatsinda iri muri komine Mwumba, Umukuru w’igihugu, Petero NKURUNZIZA yari ahejeje kwugurura ishure shingiro  rya Rwarangabo ya kabiri  ryubatswe n’ikigega FONIC gifadikanije n’abenegihugu. Kuri iryo shure nyene harubatswe n’ikigo co gusomeramwo ibitabu.

Nathan Ntahondi

 

 
Ouvrir