Publications de Presse Burundaise, Rohero I Avenue de la JRR N°17 Immeuble le SAVONNIER, Téléphone standard : (257) 22 22 62 32, Fax :(257) 22 22 58 94, email: pressequotidienne@yahoo.fr

Amakomine yaranguye imigambi yari itegekanijwe mu mwaka w’2017 ku bice 99,92 kw’ijana

 

fdsAmakomine ngo yarashoboye gukoresha amahera ahabwa na Reta y’imiriyoni amajana 5 ku mwaka ku bice 99,92 kw’ijana mu mwaka uheze w’2017 kugira arangure imigambi y’iterambere. Ivyo bikaba vyashikirijwe n’umuyobozi mukuru w’ikigega ca Reta co gutezimbere ry’amakomine (FONIC), Jean Claude Nduwimana ku wa 30 Nzero 2018 mu gihe yahuza abarongoye amakomine n’abarongoye inama mpanuzwajambo z’amakomine.Amakomine ngo yarashoboye gukoresha amahera ahabwa na Reta y’imiriyoni amajana 5 ku mwaka ku bice 99,92 kw’ijana mu mwaka uheze w’2017 kugira arangure imigambi y’iterambere. Ivyo bikaba vyashikirijwe n’umuyobozi mukuru w’ikigega ca Reta co gutezimbere ry’amakomine (FONIC), Jean Claude Nduwimana ku wa 30 Nzero 2018 mu gihe yahuza abarongoye amakomine n’abarongoye inama mpanuzwajambo z’amakomine.Yarongeye amenyesha ko uwu mwaka w’2018 amakomine azoshira ayo mahera mu migambi yo kugwiza umwimbu ku bice 80 k’ijana nk’uko vyasabwe n’Umukuru w’igihugu Petero NKURUNZIZA nayo ibice 20 k’ijana akazoja mu migambi y’inyubako rusangi. Imigambi imaze kwemezwa izorangurwa uwu mwaka mu burimyi n’ubworozi ngo iciye imiriyaridi 3. 

Imigambi yaranguwe ngo ni 927 ku migambi 1260 yari itegekanijwe ni ukuvuga ibice 73,57 kw’ijana nayo imigambi y’inyubako yaranguwe ngo ni 45 ku migambi 558 yari itegekanijwe. Abahinga bashikirije ibiganiro bamenyesheje ko intambamyi zahabaye kugira imigambi yose yari itegekanijwe ntishobore kurangira zaturutse ku bushobozi buke bw’amashirahamwe yatsindiye amasoko.  Iyindi ngorane yibonekeje ngo ni amashirahamwe yatsindiye amasoko adakoresha ibintu bitegekanijwe nk’uko biba biri mu masezerano bagaca bakora ibintu bitarama kuko hari nk’ayakoresha ivyuma vya mirimetero 8 aho gukoresha ivya mirimetero 12, ahandi naho bagacanga umufuko w’isima n’inkorofani 5 aho gukoresha 3 gutyo ibintu bigaca vyononekara ningoga. Ngo hari n’abasakaza amabati adakomeye kandi atarivyo biri mu masezerano yo gutanga isoko canke ugasanga aharangurirwa izo nyubakwa ata barabara rishikayo kugira abahinga bo muri FONIC bagenzure uko ibikorwa biba biriko biragenda. Basaba ko ibiba vyahindutse vyose mu kurangura umugambi vyoshirwa mu cegeranyo kugira bigaragare. Ikindi basaba n’uko ibikorwa vyokorwa vyihuta kugira bazokwakire izo nyubako imbere yuko amezi atatu ya mbere y’umwaka w’2018 arangira.  Ikindi ngo n’uko amasoko yotangwa biciye mu muco nayo amashirahamwe atarangiza ibikorwa akamenyekana kugira akurwe ku rutonde rw’ayahiganirwa amasoko. Ikigega FONIC naco gisabwa kuronsa amahera asabwa amakomine ku gihe kugira inyubako ntizihagarare. Abarimyi n’aborozi babigize umwuga ngo boronswa inyigisho kugira babikore ku buryo bwa kijambere gutyo abantu babikore babikunda atari uguheza umwanya. Abarimyi n’aborozi ngo baja hamwe mu makoperative kugira bakorere hamwe bongere baronke uburyo bwo kubika no gushora umwimbu wabo. Ngo ni naho bashobora kuronka ibikoresho vyoroshe canke ingaburo z’ibitungwa ku giciro gito. Ngo mu kumenyekanisha ivyo badandaza bokoresha amaradiyo abegereye kugira bashobore no gshorera ivyo bimbuye mu zindi ntara canke mu bihugu bibanyi. Bokwitaba n’amahayanishwagurishwa mu ntumbero yo kwerekana ubwiza bw’ivyo bimbura. Bamenyesheje kandi ko bazoronsa inyigisho abarimyi n’aborozi 36 ku ntara, 1.500 ku mitumba, amashirahamwe 119 nayo ashingwe. Ihangiro Reta ifise mu gushira amahera menshi mu migambi yo kugwiza umwimbu ngo ni ukurwanya ubukene kuko imiriyoni amajana 4 azokora mu gisata c’uburimyi n’ubworozi. Naho biri uko amashirahamwe y’abarimyi n’aborozi azoheza asubize amakomine amahera yaronse kugira ahabwe yandi mashirahamwe.   

Epitace Nduwayo

 

Ubushikiranganji bw’agateka ka zina muntu, imibano n’iterambere burashima ivyo bwaranguye mu mwaka w’2017

 

martiUmushikiranganji w’agateka ka zina muntu n’iterambere ridakumira, Martin Nivyabandi, yarashimiye cane abakozi bo muri ubwo bushikiranganji ku bikorwa bishimishije bwaranguye mu mwaka w’2017 kuko ngo ubwo bushikiranganji bwanaronse ikibanza ciza. Ivyo yabishikirije ku wa 2 Ruhuhuma 2018 igihe abakozi n’abakoresha bari baramutse barabira hamwe ivyo baranguye n’ivyo bagiye kuzorangura mu mwaka w’2018.Umushikiranganji w’agateka ka zina muntu n’iterambere ridakumira, Martin Nivyabandi, yarashimiye cane abakozi bo muri ubwo bushikiranganji ku bikorwa bishimishije bwaranguye mu mwaka w’2017 kuko ngo ubwo bushikiranganji bwanaronse ikibanza ciza. Ivyo yabishikirije ku wa 2 Ruhuhuma 2018 igihe abakozi n’abakoresha bari baramutse barabira hamwe ivyo baranguye n’ivyo bagiye kuzorangura mu mwaka w’2018.Mw’ijambo ryiwe, Martin Nivyabandi yibukije abakozi b’ushikiranganji arongoye ko uko umwaka utashe bama bahurira hamwe kugira ngo barabire hamwe ibiba vyararanguwe mu mwaka urangiye no kurabira hamwe ivyo bazorangura mu mwaka ukurikira.

Niko rero kubakengurukira ku mutima wo kwitanga batiziganya mu bikorwa wabaranze mu mwaka w’2017. Ngo amanota ubwo bushikiranganji bwaronse yafatiye kw’irangurwa neza ry’imigambi  butegerezwa kurangura. Iyo na yo ni ugutsimbataza intwaro ibereye, uguteza imbere agateka ka zinamuntu, ugukinga no gutegekaniriza akazoza abenegihugu no gushigikira agateka n’iterambere ry’umukenyezi.Martin Nivyabandi yarangije ijambo ryiwe asaba abakozi bo mu bushikiranganji bw’agateka ka zinamuntu n’iterambere ridakumira kuganira mu guhana hana ivyiyumviro ku vyo bashoboye kurangura mu mwaka uheze n’ivyo biyemeje kurangura mu mwaka w’2018. Inyuma y’iryo jambo Salvator Ndayegamiye asanzwe akurikirana ishirwa mu ngiro ry’imigambi yubwo bushikiranganji yaciye ashikiriza ivyaranguwe n’ibizorangurwa mu mwaka w’2018. Ngo mu gisata co gutunganya intwaro ibereye haratunganijwe inama zishika 59 kugira ngo abakozi bame barabira hamwe ingene ibikorwa vy’ubushikiranganji biriko birarangurwa. Ivyo ngo vyaraha cane icizero abakozi ko umwimbu uzogenda neza. Ngo ni muri izo nama kandi hatangwa impanuro zihagaze kugutsimbataza intwaro ibereye kandi abakozi baritabiriye izo mpanuro kuko bagiye bazishira mu ngiro gurtyo akazi kakarangurwa neza. Ngo indinganizo z’ibikorwa uko amezi atatu arangiye zaratunganijwe. Ngo harashinzwe urubuga ngurukanabumenyi n’ubushikiranganji. Ngo ubushikaranganji bwaraterereye cane mu gushira mu ngiro amasezerano mpuzamakungu yerekeye iyubahirizwa ry’agateka ka zina muntu. Ngo harateguwe ivyegeranyo bigenda vyerekana uko agateka ka zina muntu kifashe mu Burundi. Ngo harateguwe ibiganiro ku maradiyo yerekeye agateka ka zina muntu eka mbere ngo haranatanzwe inyigisho zerekeye agateka ka zina muntu. Nk’uko Salvator Ndayegamiye yashishikaye abishikiriza, ngo ubwo  bushikiranganji bwaragendeye amabohero n’ubusho bishika 97. Ngo muri ico gihe ubwo bushikiranganji bwasanze hari abantu barenga 2050 bari bapfunze n’ivy’ agateganyo.

Ngo abashika 474 barashoboye kurekurwa  kuko ubutungane bwasanze bari bapfunzwe bidaciye mu mategeko kandi ata caha kibagira.  Abafise amikoro make barashoboye kuvuzwa n’ibindi. Eka ngo hari n’abandi bashikiwe n’ivyago bitewe n’imvura baronkejwe impfungurwa n’uburaro.Abakozi baciye bahanahana ivyiyumviro kuvyo baranguye mbere banarabira hamwe ivyo bazorangura mu mwaka w’2018. Umushikiranganji yaboneyeho akaryo ko gutanga impanuro ku gushishikara imirimo. Ngo abakozi bamenye ko uwudakora atoshimirwa ariko ngo hashimirwa umukozi w’ukuri. Yasavye kandi abakozi kumenya ko bategerezwa kwitanga muri ibi canke biriye basabwa na Reta gukora kuko ngo nko guterera itegurwa ry’amatora abarundi bimirije ari igikorwa ciza cane abarundi bategerezwa gushira ku muzirikanyi. Abarundi ngo bategerezwa kwibako ntibame bazera inze kandi ngo birashoboka. Ibiro vy’uwo munsi vyarangiye umushikiranganji Martin Nivyabandi ashikiriza abitanze kurusha abandi udushimwe twari tugizwe na seritifika n’ibahasha.

Nathan Ntahondi

 

Mw’irima ry’impeshi ngo hazokoreshwa itoni zirenga gato 20158 y’ifumbire y’ikizungu

 

zaaa CopieMu gihe c’irima ry’impeshi, ngo hategekanijwe gukoreshwa amatoni y’ifumbire y’ikizungu arenga gato itoni 20158 ku rwego rw’igihugu cose. Muri izo toni z’ifumbire y’ikizungu, agizwe itoni 14700 zo mu bwoko bwa DAP, amatoni 4300 zo mu bwoko bwa Urée, itoni 373 zo mu bwoko bwa KCL,  itoni 747 yo mu bwoko bwa NPK 17 hamwe n’ishwagara ryo kugabanya umururazi w’isi ndimwa amatoni 2800. Ibiciro vy’iyo fumbire ni 28000 vy’amafaranga y’amarundi ku mufuko w’ibiro 25 vy’ifumbire yo mu bwoko bwa DAP, 27000 vy’amafaranga  y’amarundi ku mufuko w’ibiro 25 kw’ifumbire yo bwoko bwa NPK 17 hamwe na KCL, 25500 vy’amafaranga y’amarundi ku mufuko w’ibiro 25 kw’ifumbire yo mu bwoko bwa Urée. Ivyo ni ivyashikirijwe n’umuyobozi ajejwe gusubiza isi ndimwa akanovera akongera akaba ajejwe umugambi wa Reta ujejwe kwegereza ifumbire abarimyi ku giciro kitavuna, Prosper Dodiko, ku wa 7 Ruhuhuma 2018, hari mu kiganiro yahaye ikinyamakuru UBUMWE.Mu gihe c’irima ry’impeshi, ngo hategekanijwe gukoreshwa amatoni y’ifumbire y’ikizungu arenga gato itoni 20158 ku rwego rw’igihugu cose. Muri izo toni z’ifumbire y’ikizungu, agizwe itoni 14700 zo mu bwoko bwa DAP, amatoni 4300 zo mu bwoko bwa Urée, itoni 373 zo mu bwoko bwa KCL,  itoni 747 yo mu bwoko bwa NPK 17 hamwe n’ishwagara ryo kugabanya umururazi w’isi ndimwa amatoni 2800. Ibiciro vy’iyo fumbire ni 28000 vy’amafaranga y’amarundi ku mufuko w’ibiro 25 vy’ifumbire yo mu bwoko bwa DAP, 27000 vy’amafaranga  y’amarundi ku mufuko w’ibiro 25 kw’ifumbire yo bwoko bwa NPK 17 hamwe na KCL, 25500 vy’amafaranga y’amarundi ku mufuko w’ibiro 25 kw’ifumbire yo mu bwoko bwa Urée.

Ivyo ni ivyashikirijwe n’umuyobozi ajejwe gusubiza isi ndimwa akanovera akongera akaba ajejwe umugambi wa Reta ujejwe kwegereza ifumbire abarimyi ku giciro kitavuna, Prosper Dodiko, ku wa 7 Ruhuhuma 2018, hari mu kiganiro yahaye ikinyamakuru UBUMWE.Nk’uko umuyobozi ajejwe gusubiza isi ndimwa akanovera akongera akaba ajejwe umugambi wa Reta ujejwe kwegereza ifumbire abarimyi, Prosper Dodiko, ngo yisunze ibiharuro vy’abarimyi batanze avansi kugira baronswe ifumbire ku giciro kitavuna, ngo biraduga kubera akunguko babibonamwo. Vyongeye, ngo imbere y’uko uwo mugambi wo kuronsa ifumbire abarimyi ku giciro kitavuna utangura, ngo mu bushikiranganji bw’uburimyi n’ubworozi bategekanya itoni  z’ifumbire y’ikizungu ari hagati Y’ 6000 n’7000, ku kiringo c’umwaka wose. Muri kino gihe, ngo bageze ku rugero rw’itoni 46000 vy’ifumbire y’ikizungu, ku mwaka wose.Kw’itoni 20158 y’ifumbire y’ikizungu, ngo harimwo ubwoko bwa DAP, KCL, NPK 17 hamwe na Urée. Iyo mirwi uko ari ine, ngo umwe wose ufise akamaro kawo kw’isi ndimwa. Kuri izo toni 20158, ngo DAP ni 14700, matoni 4300 yo mu bwoko bwa Urée, 373 zo mu bwoko bwa KCL hamwe n’itoni 747 zo mu bwoko bwa NPK 17. Kuri iyo mirwi yose, ngo igice kinini kigizwe n’ifumbire yo mu bwoko bwa DAP. Nk’uko uwo muyobizi yabandanije abishikiriza, ngo yisunze ivyigwa vyakozwe, vyarerekanye ko  isi ndimwa abarundi bariko bararima ibuze icunyunyu ca « Phosphore », ku bice birenga 45%, ico cunyunyu naco ngo kiri mw’ifumbire yo mu bwoko bwa DAP.Mu ntara zimwe ngo ifumbire y’ikizungu iramaze gushika mu bubikoIyo fumbire bagategekanya gutangura kuyitanga mu ndwi imwe n’igice iri imbere. Ivyo akabivuga yisunze ko mu ntara zo mu buraruko nka Kayanza, Kirundo na Ngozi iza imaze kugera mu bubiko bw’ibiro vy’ubuyobozi bujejwe uburimyi n’ubworozi. Mu zindi ntara, ngo amakamyo ayikura hanze ngo ari mu nzira, aho bategekanya ko kuva ku wa 12 Ruhuhuma 2018 ishobora kuba itanguye kujanwa muri izo ntara zisigaye.Akamaro k’icunyunyu ca « Phosphore », ngo ni kanini cane ku biterwa kubera gituma bizana imizi kare, bigakura bifise inguvu. Vyongeye, ngo nibwo bwoko bw’ifumbire bushobora guterana, bukaguma mw’ibango kugira bugaburire igiterwa gushika gikure. Ico cunyunyu ca « Phosphore », ngo ntahandi kiboneka atari mw’ifumbire yo mu bwoko bwa DAP. Mu mwavu w’ikirundi, ngo mu biro 100 vy’uwo mwavu, ngo harimwo ivy’icumi bine vy’ico cunyunyu, ni ukuvuga 0,4kg. Ariko ngo mu biro 100 vy’ifumbire ya DAP, ngo haba harimwo ibiro 46 vy’icunyunyu ca « Phosphore ».Ku bijanye n’urugero Uburundi bugezeko mu gukoresha ifumbire y’ikizungu, ngo mu bihugu vyo hanze, ngo hari aho bageze ku biro 450 kw’ihegitari imwe gusa. Muri Afrika, ngo igitigiri co hagati bagezeko, ico yise « moyenne »,  ngo ni hagati y’ibiro 8 na 10, mu Burundi ngo tugeze ku biro biri hagati ya 6 n’7 kw’ihegitari. Ivyo biro rero ngo si ivy’ifumbire, ngo ni ibiro vy’ivyunyunyu kuko ngo ifumbire n’ivyunyunyu ngo biratandukanye. Vyongeye, ngo ifumbire uko tuyibona, ngo igizwe n’ibintu 2, ivyo navyo ngo ni ibintu bifasha kubika ivyunyunyu hamwe n’ivyo vyunyunyu nyene. Kw’ifumbire yo mu bwoko bwa DAP, ngo ku biro 100 ngo harimwo ibiro 46 vy’icunyunyu ca « Phosphore », ibindi ngo ni ivyo bakoresha kugira bifashe kubika ivyo vyunyunyu.Urugero rw’ifumbire ikoreshwa kw’ihegitari ngo rugenda rurahinduka bivanye n’igiterwaKuri ivyo, ngo ubwoko bw’ifumbire bakoresha kw’ihegitari ngo bugenda burahinduka bivanye n’igiterwa. Ku giterwa c’ibiharage, ngo birafise uko bifumbirwa kijambere, aho usanga bakoresha DAP nkeya hamwe n’ifumbire yo mu bwoko bwa KCL. Ku giterwa c’ibiharage rero, ngo bakoresha NPK 18-46-30, igiharuro 18, ngo ni ibiro vy’icunyunyu ca « azote », 46 ngo ni ibiro vy’icunyunyu ca « Phosphore », 30 ngo ni ibiro vy’icunyunyu ca « Potassium », iva mw’ifumbire yo mu bwoko bwa KCL. Ku giterwa c’ibiraya, ngo bisaba icunyunyu ca « Phosphore » cinshi gishika ku biro 90 kw’ihegitari, kugira uronke ico cunyunyu, ngo bisaba ko ukoresha ifumbire ya DAP ishika ku biro 250 kw’ihegitari imwe gusa.
Ku bijanye n’imbuto zirobanuye, ngo hagiye kujaho umugambi uzoba ujejwe kwegereza imbuto zirobanuye abarimyi ku giciro kitavuna. Vyongeye, n’ikigo kijejwe gukora ubushakashatsi ku mbuto ISABU, ngo kirafasha kwegereza abarimyi izo mbuto, ndetse n’abarwizambuto ngo bari ku kivi kugira baronse abarimyi izo mbuto. Umuyobozi ajejwe gusubiza akanovera isi ndimwa, Prosper Dodiko atera akamo abarimyi gukoresha neza ifumbire na cane cane mu kurima bagashikana isemo hasi, kurondera umwavu w’ikirundi, waba uw’ibitungwa canke uwa nyabarega hamwe  n’ishwagara. Iyo shwagara ngo abarimyi bobanza kuyimija aho bagiye kurima, kugira ishobore gushika aho bageza isemo. Ishwagara ngo ifise uruhara rwo kugabanya umururazi w’isi ndimwa.Tubamenyeshe ko uwo muyobozi yamenyesheje ko igihe co gutanga iyo fumbire kitararenga kubera ko ibihe vyagiye birahinduka, biturutse kw’ihindagurika ry’ibihe. Mu myaka iheze, ngo bahora basaba abarimyi ko batangura guteragirira impeshi kuva ku wa 15 Ruhuhuma.                                                                               Déo Misigaro

 

Mu ntara ya Ngozi Prezida NKURUNZIZA yaruguruye icese Radiyo-tereviziyo Buntu « Ijwi ry’impfuvyi n’abapfakazi »

DSC 0420Umukuru w’igihugu, Petero NKURUNZIZA yaruguruye icese radiyo-tereviziyo Buntu « Ijwi ry’impfuvyi n’abapfakazi » y’ishirahamwe « Fondation Buntu » isamiranira ku mutumba Buye, muri  Komine Mwumba, intara ya Ngozi, hari ku wa 3 Ruhuhuma 2018 . Ico gihe Prezida NKURUNZIZA akaba yari kumwe n’umutambukanyi wiwe Denise NKURUNZIZA ari nawe yashinze umugambi w’ico kimenyeshamakuru abicishije kuri Fondation Buntu asanzwe arongoye. Iyo radiyo-tereviziyo ikaba ifise intumbero yo gusubiza ivyizigiro ababitakaje.Ivyo birori bikaba vyari vyitabwe n’abategetsi batandukanye barimwo n’abaserukira amashirahamwe amwe amwe.Umukuru w’igihugu, Petero NKURUNZIZA yaruguruye icese radiyo-tereviziyo Buntu « Ijwi ry’impfuvyi n’abapfakazi » y’ishirahamwe « Fondation Buntu » isamiranira ku mutumba Buye, muri  Komine Mwumba, intara ya Ngozi, hari ku wa 3 Ruhuhuma 2018 . Ico gihe Prezida NKURUNZIZA akaba yari kumwe n’umutambukanyi wiwe Denise NKURUNZIZA ari nawe yashinze umugambi w’ico kimenyeshamakuru abicishije kuri Fondation Buntu asanzwe arongoye.

Iyo radiyo-tereviziyo ikaba ifise intumbero yo gusubiza ivyizigiro ababitakaje.Ivyo birori bikaba vyari vyitabwe n’abategetsi batandukanye barimwo n’abaserukira amashirahamwe amwe amwe.Umukuru w’igihugu yaratanze ikiganiro muri iyo mboneshakure aho yakeje bivuye ku mutima ahereye ku mupfasoni wiwe abiyumviriye uwo mugambi mwiza udasanzwe w’iterambere ry’igihugu n’abanyagihugu ngo na cane cane ko iyo radiyo-tereviziyo  ije guha ijambo  impfuvyi n’abafakazi  basa n’abibagie. Yasavye ico kimenyeshamakuru kuba ijwi ry’urukiza n’ivyiza ,ndetse izotange ubwenge n’iterambere. Yarangije asabira imigisha iyo mboneshakure, aca ayifuriza gushigikirwa kugira ishobore gushikira impfuvyi n’abapfakazi bo mu gihugu cose gutyo bashobore nabo gushinga intahe zabo. Umutambukanyi w’Umukuru w’igihugu, Denise NKURUNZIZA yaramenyesheje ko icatumye bashinga iyo radiyo-tereviziyo muri Fondation Buntu ngo ni uko babonye ko yofasha abantu benshi batakaje ivyizigiro bivuye ku mvo zitandukanye mu gihugu, biciye mu biganiro. Ngo ico kinyamakuru kandi kije gushigikira iterambere ry’igihugu. Yaboneyeho akaryo ko gukengurukira na cane cane Umukuru w’igihugu we yabateye intege n’abandi bashoboye gufasha kugira  uwo mugambi uje mu ngiro. Yaciye asaba ko bomushigikira kugira umugambi w’imboneshakure nawo uranguke. Yarasavye kandi ibindi bimenyeshamakuru nk’uko vyaboneye izoba Insamirizi Buntu, ko vyoyishigikira bakagiriranira ubucuti bwiza mu ntumbero yo guteza imbere igihugu biciye mu mwuga wo kumenyesha amakuru. Uwaserukiye ikigega mpuzamakungu kijejwe ivy’irwirirana ry’abantu FINUAP ari naco cafashije muri uwo mugambi, yavuze ko bashigikiye uwo mugambi kuko babonye uje gufasha abanyagihugu na cane cane mu kwitaho imibereho y’abatishoboye .Tubamenyeshe ko iyo radiyo-tereviziyo yumvikanira mu ntara z’ubumanuko, ubuseruko n’izo hagati ariko bakaba bizeye ko mu minsi iri imbere izoba yumvikana mu gihugu cose ndetse no mu bindi bihugu .Imbere yaho, Prezida NKURUNZIZA yari yabanje kwifatanya n’abanyagihugu b’i Buye mu bikorwa vy’iterambere rusangi, aho bariko baravanga isima , igaraviye  n’umusenyi vyo kwubaka ishure nshingiro rigizwe n’ibirasi 12 hamwe n’ibiro vy’ubuyobozi. Iyo nyubakwa ikaba ari i gorofa igeretse rimwe. Musitanteri wa Komine Mwumba akaba yatumenyesheje ko iryo shure ririko ryubakwa n’abanyagihu ubwabo mu bikorwa vy’iterambere rusangi , Reta nayo ngo ikaba yabemereye kubaha isima , ivyuma hamwe n’amabati.  

Gloriose Nshimirimana

 

 

Mu Nama Nshingamateka Na Nkenguzamateka Inzego zijejwe gutora amategeko zaruguruye ibikorwa vyazo vyo muri Ruhuhuma 2018

IMG 9407Ku muhingamo w’igenekerezo rya 5 Ruhuhuma 2018, niho inzego zijejwe gutora amategeko zugurura ibikorwa bisanzwe vyazo vy’isasa  ryo mu kwezi kwa Ruhuhuma.Ku muhingamo w’igenekerezo rya 5 Ruhuhuma 2018, niho inzego zijejwe gutora amategeko zugurura ibikorwa bisanzwe vyazo vy’isasa  ryo mu kwezi kwa Ruhuhuma. 

Inama Nshingamateka ngo izokwiga integuro z’amabwirizwa 12 mw’isasa ryo muri Ruhuma 2018
Umukuru w’Inama Nshingamateka, Pascal Nyabenda, amenyesha ko urwo rwego arongoye ruziga integuro z’amabwirizwa 12 mw’isasa rihariwe  ikiringo gitangura mu kwezi kwa Ruhuhuma 2018.Ivyo akaba yabivuze ku wa 5 Ruhuhuma 2018, igihe yariko  yugurura icese ibikorwa vyarwo vyo muri Ruhuhuma , mu ngoro y’amakoraniro mu Kigobe.Pascal Nyabenda yaribukije abari ngaho ko batunganije uwo munsi bisunze itegeko ry’174 riri mw’Ibwirizwa Shingiro ry’igihugu c’Uburundi, rivuga ko Inama Nshingamateka itegerezwa kwugurura ibikorwa vyayo bisanzwe ku wa mbere utangura ukwezi kwa Ruhuhuma. Yaciye amenyesha ko mu nteguro z’amabwirizwa  baziga ko harimwo, integuro y’ibwirizwa ry’aho Reta y’Uburundi ishira umukono ku masezerano y’umuryango w’ibihugu vya Afrika y’ubuseruko (EAC) ku bijanye n’amahoro n’umutekano,  integuro y’ibwirizwa risubiramwo igitabu c’amategeko mpanavyaha n’uko aja mu ngiro; integuro y’ibwirizwa rijanye n’ukugaburirira ibitungwa mu mpongore no kwihaniza ko ibitungwa vyose harimwo n’ibiguruka vyiyerereza ku misozi; integuro y’ibwirizwa rigenga ibijanye n’isuku no gusukura mu Burundi ; integuro y’ibwirizwa risubiramwo ibwirizwa ryo ku wa 9 Rusama 2015 rigenga ibimenyeshamakuru  mu Burundi ; integuro y’ibwirizwa ry’aho Reta y’Uburundi  ishira umukono ku masezerano yo gushinga ibanki ya Afrika izoshigikira ukurangura imirimo no gukorera mu bindi bihugu ( AFREXIMBANK)  i Abidjan mu gihugu ca Côte d’Ivoire kuva ku wa 8 Rusama 1993. Umukuru w’Inama Nshingamateka yaciye atera akamo abarundi bose bashaka ico boterera mu kwiga izo nteguro z’amategeko ko botanga intererano yabo n’ivyohinyanyurwa mu gihe umurwi w’Inama Nshingamateka  wamaho ubijejwe uba uriko uravyiga. Pascal Nyabenda yabandanije amenyesha ko mu bikorwa Inama Nshingamateka izokora harimwo gusanga abanyagihugu ku kivi kugira  bamenye aho bageze mw’iterambere no mu mibano, bongere baganire ku vyerekeye intwaro y’igihugu n’ibiriko birarangurwa mu gihugu. Yarongeye aramenyesha ko Inama Nshingamateka ihimbawe cane n’intambwe Uburundi bugezeko mu vyerekeye amahoro n’umutekano, aho Uburundi busigaye bwakira abava mu gihugu kibanyi ca Kongo ; ku mwimbu igihugu caronse  mu gatasi. Pascal Nyabenda yasozereye ijambo ryiwe amenyesha ko Inama Nshingamateka izofasha Reta mu gushira mu ngiro imigambi yose y’Umukuru w’igihugu ku nguvu ashira mu gusubiza umwizero mu banyagihugu ; no gufasha gushira mu ngiro imigambi yo gutsimbataza amahoro n’umutekano, guhimiriza kw’ihanganiranira n’ukurwanya amatati ; kwerekana ishusho nziza y’igihugu hamwe n’uguteza imbere imibereho y’abanyagihugu.

Inama Nkenguzamateka ngo izokwiga integuro z’amategeko 13 zarungitswe na Reta   
Inama Nkenguzamateka yaruguruye ibikorwa vyayo bitangura muri Ruhuhuma, aho hari ku wa 5 Ruhuhuma 2018 mu ngoro y’Inama Nkenguzamateka i Bujumbura. Mw’ijambo ryiwe, umukuru w’Inama Nkenguzamateka, Réverien Ndikuriyo ari nawe yuguruye ivyo bikorwa, yabanje kwipfuriza umwaka muhire w’2018 abakenguzamateka n’abakozi bose bakora mu Nama Nkenguzamateka. Ngo uwo umwaka uze ubabere umwaka w’amagara meza kandi uze ubabere umwaka w’umwimbu mwinshi umwe wese aho aherereye. Réverien Ndikuriyo yaciye amenyesha  abari ngaho ko iyugururwa ry’ibikorwa bijanye n’isasa ry’Inama Nkenguzamateka rya Ruhuhuma 2018, ryashitse mu gihe Reta yari yamaze gushikana mu Nama Nkenguzamateka integuro 13  z’amabwirizwa yo kwiga no gutora imbere yo gushirwa mu ngiro. Ibikorwa vy’uwo munsi vyasozerewe no gusangira abakenguzamateka n’abakozi bose b’urwo rwego mu ntumbere yo kwipfuzaniriza umwaka mushasha w’2018. Kubwa Réverien Ndikuriyo ngo itanguzwa icese ry’ibikorwa vy’Inama Nkenguzamateka vyahuriranye n’itariki abarundi  bari baramutse bahimbaze imyaka 27 ihaciye bapfunditse gukomeza ubumwe bwabo.Muri iryo jambo, umukuru w’Inama Nkenguzamateka yaramenyesheje kandi ko abakenguzamateka bagiye gutangura ibikorwa vyabo mu gihe bari bamaze ukwezi bari mu karuhuko katumye baba hafi ababatoye kugirango babashikirize iryo bagona. Yarashimye cane ivyaranguwe n’abakenguzamateka mu mwaka w’2017 kuko ngo vyatumye haba ugutsimbataza amahoro n’umutekano, imibano n’imigenderanire hagati y’Uburundi n’ibindi bihugu eka n’amashirahamwe mpuzamakungu. Inama Nkenguzamateka ngo yarakomeje imigenderanire n’izindi Nama Nkenguzamateka zo mu bihugu bicuditse n’Uburundi anatanga akarorero k’Inama Nkenguzamateka yo mu gihugu ca Ghana yiyemeje gukomeza imigenderanire myiza ifitaniye n’Inama Nkenguzamateka y’Uburundi.Réverien Ndikuriyo yarakengurukiye cane abenegihugu bitavye akamo batewe na Reta ko kurwiza umwimbu. Ngo muri ino minsi biragaragara ko ako kamo kitabwe  kuko biboneka ko umwimbu wiyongereye mu gihugu. Umukuru w’Inama Nkenguzamateka, Réverien Ndikuriyo yarashimiye Reta ku ngingo nziza yo gukuraho ubusumbasumbane bw’imishahara. Ivyo ngo bitanga icizere mbere bigakomeza urukundo hagati y’abakozi.  Yarashimiye Reta  kandi kubona yarakiranye iteka impunzi zaje ziva mu gihugu kibanyi ca Repuburika iharanira Demokarasi ya Kongo (RDC). Yaboneyeho akaryo ko gusaba abarongoye abandi mu ntara izo mpuzi zashikiyemwo ko  bofasha cane  mu kuzakirana iteka.Révenrien Ndikuriyo,yaharonkeye akaryo ko gutera ivyatsi abo bose bihaye kwandika no gukwiragiza ibitandukanye n’ubugombe bw’abenegihugu ku bijanye n’integuro y’Ibwirizwa Shingiro rishasha. Ivyo rero ngo ni uguhemuka kuko abenegihugu ari bo bonyene biraba. Yasavye abarundi kugendera iragi rya basogokuru mu gufata mu minwe ivyabo. Kw’izina ry’Inama Nkenguzamateka yarakeje abagize umurwi w’ukuri no kurekuriranira ku bikorwa uriko urarangura.Yahamagariye abakenguzamateka kwitanga nantaryo kugira ngo bame bakorana ubwira. Ivyo kandi yabisavye abakora mu Nama Nkenguzamateka aca nawe nyenes ku bimwerekeye avuga ko azoshishikara guhimiriza abenegihugu kwama nantaryo bashira imbere ibikorwa vy’iterambere. 

Nathan Ntahondi Na

Anitha Bizimana (Uwimenyereza)

 

 

Abagize Inama nkuru y’ubumwe n’ukunywanisha abarundi n’abasubiriye abandi mu murwi CVR bararahiye

DSC 0763Kw’igenekerezo rya 6 Ruhuhuma 2018, abagize Inama nkuru y’ubumwe n’ukunywanisha abarundi hamwe na bamwe mu bagize umurwi w’igihugu ujejwe kumenya ukuri n’ukurekuriranira ku vyabaye mu Burundi (CVR) basubiriye abawuhoramwo bashinzwe ayandi mabanga bararahiye imbere y’umukuru w’igihugu, Petero NKURUNZIZA hamwe n’imbere y’Inama Nshingamateka na Nkenguzamateka. Abagize Inama nkuru y’ubumwe n’ukunywanisha abarundi ni Guillaume Ruzoviyo ,Alice Nzomukunda,Musenyeri Justin Nzosaba,Adolphe Rukenkanya,Zénon Bigirimana na Médiatrice Bazabishaka nayo abagize CVR barahiye uyo munsi nyene ni léonce Ngabo,Clément Noè Ninziza ,na Pascal Niyonkuru.    Kw’igenekerezo rya 6 Ruhuhuma 2018, abagize Inama nkuru y’ubumwe n’ukunywanisha abarundi hamwe na bamwe mu bagize umurwi w’igihugu ujejwe kumenya ukuri n’ukurekuriranira ku vyabaye mu Burundi (CVR) basubiriye abawuhoramwo bashinzwe ayandi mabanga bararahiye imbere y’umukuru w’igihugu, Petero NKURUNZIZA hamwe n’imbere y’Inama Nshingamateka na Nkenguzamateka. Abagize Inama nkuru y’ubumwe n’ukunywanisha abarundi ni Guillaume Ruzoviyo ,Alice Nzomukunda,Musenyeri Justin Nzosaba,Adolphe Rukenkanya, Zénon Bigirimana na Médiatrice Bazabishaka nayo abagize CVR barahiye uyo munsi nyene ni léonce Ngabo, Clément Noè Ninziza ,na Pascal Niyonkuru .      Abagize Inama nkuru y’ubumwe n’ukunywanisha abarundi barahira bavuga bati : « Jewe naka, ndi mubagize Inama nkuru y’ubumwe n’ukunywanisha abarundi, ndarahiye ko nzokubahiriza , ntahemutse ,ataho negamiye amabanga njejwe, ko ntazokwigera nkora nisunze inyungu izo arizo zose, ko nzokomeza ubumwe n’ukunywanisha abarundi nisunze Ibwirizwa Shingiro ry’Uburundi, amasezerano y’ubumwe bw’abarundi n’ayandi mategeko.»    Nayo abagize umurwi CVR barahira bavuga bati : « Jewe naka, ndarahiye imbere y’umukuru w’igihugu n’Inama Nshingamateka na Nkenguzamateka, ko nzokora amabanga njejwe mu bwigenge, ataho mpengamiye, atawe nkumiriye mu ntumbero y’ukumenya ukuri kugira abarundi bashobore kunywana. Ndiyemeje ko nzogumya ibanga nkuko biri mu mategeko ashiraho umurwi CVR. »
Aline Kanyana

 

 
Ouvrir