Publications de Presse Burundaise, Rohero I Avenue de la JRR N°17 Immeuble le SAVONNIER, Téléphone standard : (257) 22 22 62 32, Fax :(257) 22 22 58 94, email: pressequotidienne@yahoo.fr

Intara zihamagariwe gufashanya mu gihe hari iyigize ikibazo

Umukuru w’igihugu c’Uburundi Petero Nkurunziza ahamagarira  ba buramatari gukomeza umugirwa wo gufashanya hagati y’intara iyo hateye ibiza  nk’uko bimaze iminsi mu bice bitandukanye vy’igihugu aho imvura ihitana abantu n’ibintu.Umukuru w’igihugu c’Uburundi Petero Nkurunziza ahamagarira  ba buramatari gukomeza umugirwa wo gufashanya hagati y’intara iyo hateye ibiza  nk’uko bimaze iminsi mu bice bitandukanye vy’igihugu aho imvura ihitana abantu n’ibintu.Ako kamo yakabateye ku wa 4 Ruhuhuma 2020 nk’uko vyashikirijwe n’icegera c’umuvigizi w’Umukuru w’igihugu, Alain Diomede Nzeyimana inyuma y’inama yo mumwiherero Prezida Nkurunziza yagirishije ba buramatari bahuriye ku murwa mukuru w’intara ya Ngozi.Yamenyesheje ko umukuru w’igihugu yabifurije umwaka mwiza aragaruka kuvyaranze iminsi mikuru irangiza n’iyitangura umwaka ko hibonekeje ko amahoro n’umutekano bisasagaye mu gihugu kuko abavyipfuza  baridagaduye  abandi baninahaza Imana mu mutekano ntangere.Muri iyo nama,Umukuru w’igihugu ngo yashimikiye  ku kibazo c’imvura iguma ihekura Uburundi   n’ibintu bikahatikirira,akaba rero yahamagariye ba buramatari gukomeza wa mugambi w’igihugu “Ewe Burundi urambaye” mu gutera ibiti n’uguca imiserege aho hose bikenewe, aho yasivye igasiburwa bakongera bakagarukira  abo bose bahuye n’ivyago.Ku bijanye n’imicafu yibonekeza mu gisagara ca Bujumbura n’ahandi, Umukuru w’igihugu yahamagariye abanyamitahe gushing amashirahamwe yo guhingura imicafu kugira abantu babe ahantu heza. Ngo imicafu irashobora kuvamwo amakara gurtyo vya bikorwa vyo kwicira ibiti ku misozi bishobora no kubihonya bigasezererwa.  Mu kurangiza Prezida Nkurunziza yateye akamo ba buramatari ko kugarukira ikibazo  c’uburozi cabaye ndanse  mu bice bitandukanye vy’igihugu kuko ntibikiri agaseseshwa rumuri   ababikora basigaye bavyiyemerera ku mugaragaro.Mu nyuma y’iyo nama Umukuru w’igihugu Petero Nkurunziza yaciye agendera irerero ry’impfuvyi “JEHO KUKI” riri mu Vyerwa komine Mwumba, intara ya Ngozi azishiriye imfashanyo igizwe n’itoni y’ibiraya,itoni y’umuceri hamwe n’ibiro 500 vy’ibiharage.

Joselyne Ndayegamiye


              

 

UPRONA : Gaston Sindimwo niwe yatowe n’abadasigana kugirango azohiganirwe ikibanza c’Umukuru w’igihugu mu 2020

Umugambwe w’abadasigana UPRONA waratunganije ikoraniro kaminuza ridasanzwe, ku wa 1 Ruhuhuma 2020, aho bemeje icegera ca mbere c’Umukuru w’igihugu Gaston Sindimwo kugira azowuserukire mw’itora ry’Umukuru w’igihugu rizoba ku wa 20 Rusama 2020. Ibirori vyabereye ku kibuga c’inkino co muri zone Ngagara komine Ntahangwa mu gisagara ca Bujumbura, bikaba vyari vyitabwe n’abarongoye umugambwe ku rwego rw’igihugu, urwego rw’intara n’amakomine. Bari batumiye kandi n’abaserukira imigambwe ikorera mu Burundi yemewe n’amategeko, uwuserukiye ubushikiranganji bw’intwaro yo hagati hamwe n’abaserukira ibihugu vyabo mu Burundi.Umugambwe w’abadasigana UPRONA waratunganije ikoraniro kaminuza ridasanzwe, ku wa 1 Ruhuhuma 2020, aho bemeje icegera ca mbere c’Umukuru w’igihugu Gaston Sindimwo kugira azowuserukire mw’itora ry’Umukuru w’igihugu rizoba ku wa 20 Rusama 2020. Ibirori vyabereye ku kibuga c’inkino co muri zone Ngagara komine Ntahangwa mu gisagara ca Bujumbura, bikaba vyari vyitabwe n’abarongoye umugambwe ku rwego rw’igihugu, urwego rw’intara n’amakomine. Bari batumiye kandi n’abaserukira imigambwe ikorera mu Burundi yemewe n’amategeko, uwuserukiye ubushikiranganji bw’intwaro yo hagati hamwe n’abaserukira ibihugu vyabo mu Burundi.Mw’ijambo ryashikirijwe n’umukuru w’umugambwe Abel Gashatsi, yamenyeshe ko umugambwe arongoye uzokwitaba amatora yose yimirije. Kw’izina ry’abadasigana yarashimye uwo batoye ngo azobaserukire, kuko aho agejeje kumenya amabanga y’igihugu atacomubuza guhiganwa n’uwariwe wese azova mu wundi mugambwe.  Yasavye abadasigana kuja guhiganwa bafatanye mu nda bongere bace mu makanda ya Rwagasore, ata kwigisha amacakubiri, kanatsinda ngo UPRONA ni umugambwe w’abarundi bose. Ngo ikibaraje ishinga ni uko Umurundi wese yoshira imbere ubumwe bw’abarundi, agashira imbere iterambere rirama maze ivy’igihugu bisabikanywe n’abanyagihugu mu butandukane bwabo. Yabasavye kandi kwirinda gusotorana n’abo badasangiye umugambwe. Ikindi ngo n’uko bohiganwa badahezanyayo gutyo bazokwemere aho intahe izoba yashize.Icegera ca mbere c’Umukuru w’igihugu Gaston Sindimwo ari nawe yagenywe n’umugambwe UPRONA ngo azowuserukire mw’itora ry’umukuru w’igihugu ryimirije,  nawe yamenyesheje ko uwo munsi ari ntibagiranwa ku badasigana bose n’abakunzi ba UPRONA ndetse no ku barundi bose bipfuza ko intwaro rusangi n’iterambere ry’igihugu vyova mu majambo bikaja mu ngiro bikozwe na UPRONA. Nk’uwashizwe imbere n’uwo mugambwe mu guhiganirwa ikibanza c’Umukuru w’igihugu, yamenyesheje ko afise akanyamuneza ntangere n’ inguvu zikwiye zo guteza imbere igihugu nk’izari zifiswe n’ababitangiye imbere barwaniye intahe yo kwikukira barongowe n’umuganwa atari umugani Rudoviko Rwagasore.
 Umugambwe w’abadasigana UPRONA urafise imigambi uzoshira imbere
Gaston Sindimwo amenyesha ko hamwe abarundi bokwizera UPRONA bakayihunda amajwi, bafise imigambi myiza izoteza imbere Abarundi bose atawusigaye inyuma.  Muriyo aravuga ibice 30% vy’abakenyezi bari mu nzego zifata ingingo bizoja ku bice 50%. Mu ntumbero yo gusangiza Abarundi bose amabanga y’igihugu, ngo nta ntara n’imwe itazoba ifise umushikiranganji. Muri iyo Reta nyene izoba irongowe n’umugambwe w’abadasigana UPRONA, bamwe bagendana ubumuga nabo nyene bazoshikirwa. Mu gisata ca poritike ngo bazoha ishusho nshasha igihugu mu bijanye na poritike na cane cane mu guha ubwigenge Abarundi gukora ata bwoba ariko bakurikije amategeko. Ikindi ngo n’uko bazonagura imigenderanire bafitaniye n’amakungu. Bazohagararira bimwe biboneka ishirwa mu ngiro ry’amasezerano y’i Arusha. Bazonagura inzego z’ubutungane hamwe n’iz’umutekano. Bazosubiramwo gushasha itunganywa rya wa mugambi w’igihugu ujejwe ukuri n’ukurekuranira hamwe n’umurwi w’igihugu ujejwe amatati y’amatongo n’ayandi matungo y’igihugu. Mu gisata c’ubutunzi, ngo bafise intumbero yo guteza imbere ubutunzi gutyo Uburundi buve mu bibanza vya nyuma buharurwe mu bihugu biteye imbere. Ivyo ngo Abarundi uhereye kuri batobato bazovyibonera mu kibano cabo ca minsi yose, mu kubaho neza, mu gufungura neza, mu kwivuza no kwigisha abana kubuntu gushika ku myaka 18. Uburimyi n’ubworozi buzotezwa imbere ndetse n’ibanki ijejwe kuronsa abanyagihugu ingurane ku nyungu itavuna ishingwe. Amakomine azoronswa yamfashanyo yahora itangwa gushika ku muriyaridi w’amafaranga y’amarundi. Mu gisata c’imibano, amagara y’abanyagihugu hamwe n’indero y’urwaruka, nivyo bibazo nyamukuru Reta izoba irongowe n’umugambwe w’abadasigana UPRONA izohagurukira ubwa mbere. Vyongeye, iyo Reta izobandanya kwitwararika umugambi wo kunganisha imishahara. Agahembo karonswa abakukurutse, kazoshika ku bice 75% vy’amafaranga bahora bahembwa. Ikindi naco ngo n’uko abo bakukurutse bovuzwa ku buntu. Ido n’ido ry’ imigambi izorangurwa ngo bazoyishikiriza mu minsi iri imbere. 
Hari abashobora kwibaza vyinshi kuri iyo migambi
Gaston Sindimwo ati : « Hari  abashobora kwibaza ingene icegera ca mbere c’Umukuru w’igihugu avuga ko hari ibikenewe guhinduka. Ego cane kuko imyenge y’inzu imenywa n’uwuri muri yo ». Arongera  ati : «  Mu myaka hafi itanu ndi icegera c’Umukuru w’igihugu, yabaye akaryo keza ko kubona aho igihugu kigeze n’ikibereye guhinduka muri iki gihe kugira ngo gitere intambwe iboneka mu nzira y’iterambere ». Yaciye ahamagarira abadasigana bose n’incuti zabo guhunda amajwi umugambwe wa Rwagasore batsinde amatora, Uburundi bwisununure amakungu atangare. Yarangije asaba abari mu bushikiranganji bw’intwaro yo hagati mu gihugu, ko bohamagara abatowe ngo bazoserukire imigambwe kugira basinye amasezerano abanyaporitike bumvikanyeko « code de conduite », ko bemeye guhiganwa badahezanyayo, bagahiganwa atawutuka canke atyoza uwundi, ariko bahiganwe baraba iterambere ry’igihugu.
Gloriose Nshimirimana

 

Reta y’Uburundi yariteguriye kurwanya inzige igihe zokwinjira mu gihugu

Umushikiranganji w’uburimyi n’ubworozi Déo Guide Rurema amenyesha ko  Reta y’Uburundi ibicishije ku bushikiranganji arongoye yiteguriye kurwanya inzige igihe zoramuka ziteye mu gihugu.Umushikiranganji w’uburimyi n’ubworozi Déo Guide Rurema amenyesha ko  Reta y’Uburundi ibicishije ku bushikiranganji arongoye yiteguriye kurwanya inzige igihe zoramuka ziteye mu gihugu.Ivyo akaba yabimenyesheje mu kiganiro yahaye abamenyeshamakuru ku wa 4 Ruhuhuma 2020, inyuma y’aho inzige zibonekeje mu bihugu vy’akarere Uburundi buherereyemwo kugira abimenyeshe abanyagihugu gutyo bicare babizi.Ariko rero umushikiranganji Déo Guide Rurema agasaba abarimyi kuguma ku kivi barimira impeshi kugira umwimbu ugume wiyongera ku rugero rushimishije.Déo Guide Rurema  yavuze ko yihweje uko ibihugu bibanyi vyo mu karere vyamaze guterwa n’izo nzige kandi ko n’ibindi bihugu bishobora kuzoterwa, ngo Reta y’Uburundi ibicishije ku bushikiranganji arongoye yamaze kumenya amakuru y’izo nzige kandi ko yamaze gutegekanya ibikenewe kugira yitegure kurwanya ico kiza c’inzige. Yaciye anamenyesha ko mu bikorwa biriko birategurwa bijanye no kuzirwanya harimwo gushiraho integuro yo gukinga ikiza kugira ntigishike giturumbuka, kugira ingendo zo guhanahana ivyiyumviro mu bihugu bimaze guterwa n’ivyo biza, gushiraho ubuhinga  bwo gutumatumanako amakuru yo gutangiriza hakiri kare iyo habaye ibiza biteye igihugu, guhimiriza abanyagihugu kwama batora izo nzige mu mirima yabo bakazifungura, gushigikira ibigo vy’ubushakashatsi no guteza imbere ibikoresho vyo kurwanya izo nzige hamwe n’ibindi. Yarongeye amenyesha ko ubushikiranganji arongoye bwamaze kwiga ubuhinga bwofasha kurwanya izo nzige harimwo n’ukuzitora n’iminwe, no gukoresha imiti y’ibiterwa ihinguwe. Ariko rero ngo gukoresha imiti ihinguwe mu buryo bwa none sivyo ubushikiranganji bushira imbere kuko igihe cose hakoreshejwe imiti ihinguwe bisaba gupompa ahantu hanini hakoreshejwe indege, ivyo bigatuma hashobora kutosekazwa ubuzima bw’abantu no kwonona ibidukikije . Ikindi naco ngo inzige zishwe n’iyo miti ziba ari indya z’inyoni ndetse n’abantu bigatuma ubuzima bwabo butosekara. Yaheraheje ahamagarira amashirahamwe akorera mu gisata c’uburimyi kwifatanya n’ubushikiranganji bw’ibidukikije, uburimyi n’ubworozi mu gushiraho integuro yo gukinga ico kiza, kandi ko ubushikiranganji bwamaze gufata ingingo zose zikenewe zo gukurikirana ico kiza n’uko buzokwamana n’abarimyi mu kubashigikira biciye muri wa mugambi wo kwegera abanyagihugu mu kubaha inyigisho n’impanuro mu gisata c’uburimyi n’ubworozi. 

Evelyne Niyonzima

 

Ibigo bitoza amakori vyo mu bihugu vyo muri EAC vyadugije umwimbu ku bice 11 kw’ijana mu mezi atandatu

Umwimbu mu bigo bitoza amakori n’amatagisi mu bihugu vy’umuryango wa Afrika y’ubuseruko wiyongereye ku bice 11 kw’ijana  mu mezi atandatu atangura umwaka w’2019-2020 bagereranije n’umwimbu wari wabonetse mu mezi atandatu ya mbere y’umwaka w’2018 -2019. Ivyo vyamenyeshejwe n’umukuru w’ikigo OBR Audace Niyonzima ku wa 31 Nzero 2020 mu gihe yariko arasozera inama yahuje abarongoye ibigo bitoza amakori n’amatagisi mu bihugu bigize uwo muryango ku wa 30 na 31 Nzero 2020.Umwimbu mu bigo bitoza amakori n’amatagisi mu bihugu vy’umuryango wa Afrika y’ubuseruko wiyongereye ku bice 11 kw’ijana  mu mezi atandatu atangura umwaka w’2019-2020 bagereranije n’umwimbu wari wabonetse mu mezi atandatu ya mbere y’umwaka w’2018 -2019. Ivyo vyamenyeshejwe n’umukuru w’ikigo OBR Audace Niyonzima ku wa 31 Nzero 2020 mu gihe yariko arasozera inama yahuje abarongoye ibigo bitoza amakori n’amatagisi mu bihugu bigize uwo muryango ku wa 30 na 31 Nzero 2020.Yarongeye amenyesha ko barabiye hamwe ibibazo bibahanze bose nk’ic’igituro kimwe ca duwane, bakaba basanze bikenewe ko bakurikirana kurusha ibidandazwa bica muri ico gituro kimwe kuko hari aho usanga baca babinyuruza,usanga amakori ntiyinjiye mu gihugu na kimwe. Ku bijanye  no gutoza amakori ku buhinga bwa none nahonyene basanze bokorera hamwe kugira bashireho ubuhinga bose basangiye mu ntumbero yo guhanahana amakuru vyoroshe. Ivyo ngo vyotuma kandi n’ivyo bakorera hamwe bisa babikora vyoroshe na cane cane ikiguzi ubwo buhinga butwara bakoreye hamwe. Yamenyesheje ko bumvikanye gushiraho umugwi ugizwe n’abahinga kugira barabe ukugene umwe wese atoguma agura ubuhinga yisangije gutyo batore ubuhinga bumwe bokoresha bwotuma ivyo bigo vyose bigira akarusho. Umukuru w’ikigo OBR Audace Niyonzima yarongeye amenyesha ko barabiye hamwe ukugene abakozi bigenza ku kazi kugira. Aho akaba yatanze akarorero ko muri Kenya aho bagira amatohoza, bagakurikirana umukozi mu gihe basanze afise ubutunzi budasiguritse bagaca bamukurikirana bibonetseko ari ubwo yanyuruje bakabugarukana mu kigega ca Reta. Naho nyene ngo bashizeho umugwi werekana neza ukugene mu bigo vyose boronka ubuhinga bwo gukora ayo matohoza ku bakozi  bavyo. Yamenyesheje ko bongeye barabira hamwe ukugene hosubirwamwo igitabo c’amakori kugira kibe kimwe n’amakori batoza ku bidandazwa biva hanze y’ivyo bihugu bigize umuryango wa EAC n’ibiva muri uwo muryango ajane n’ibihe. Ivyo ngo vyotuma babona ko amakori barihisha muri kino gihe abereye gutyo ntihabe agahombo na cane cane kubera hari ibidandazwa vyari vyaragabanijwe amakori ariko ubu bikorerwa mu bihugu bigize uwo muryango, mu gihe basanze biva mu bindi bihugu vyoca biduzwako amakori. Yarangije amenyesha ko basanze ubuhinga bwo kwegeranya ibiharuro butaratera imbere mu bihugu vyose, bigasaba ko bunagurwa kugira bakoreshe ibiharuro bimwe.

Epitace Nduwayo

 

CENI : Abarundi banditswe kugira bazokwitabe amatora yo mu 2020 ni 5.126.351

Abarundi biyandikishije barekuriwe kuzotora mu matora yimirije kuba muri uwu mwaka w’2020 ni 5.126.351. Muribo  harimwo abakenyezi 2.688.803 n’abagabo 2.437.548. Ivyo vyashikirijwe n’umukuru w’umugwi w’igihugu wigenga ujejwe amatora CENI Pierre Claver Kazihise mu kiganiro yahaye abamenyeshamakuru ku wa 3 Nzero 2020. Abarundi biyandikishije barekuriwe kuzotora mu matora yimirije kuba muri uwu mwaka w’2020 ni 5.126.351. Muribo  harimwo abakenyezi 2.688.803 n’abagabo 2.437.548. Ivyo vyashikirijwe n’umukuru w’umugwi w’igihugu wigenga ujejwe amatora CENI Pierre Claver Kazihise mu kiganiro yahaye abamenyeshamakuru ku wa 3 Nzero 2020. Yarongeye amenyesha ko abazotorera mu gihugu hagati ari 5.113.418 harimwo abakenyezi 2.686.593 hamwe n’abagabo 2.426.825. Abazotora bari mu mahanga nabo bangana 12.933 harimwo abakenyezi 2.210 n’abagabo 10.723. Yamenyesheje kandi ko mu ntara nka zose abakenyezi aribo benshi kurusha abagabo kiretse mu gisagara ca Bujumbura abagabo aribo benshi kurusha abakenyezi; ni nayo ntara ifise abantu benshi bazotora. Ifise abantu  bazotora bashika 476.590 harimwo abakenyezi 188.874 n’abagabo 287.716. 1.  Intara ya Cankuzo niyo ifise bazotora bake kuko ifise abangana 154.701 harimwo abakenyezi 81.986 n’abagabo 72.715. Umukuru w’umugwi CENI Pierre Claver Kazihise yaramenyesheje kandi ko hasigaye kumenya abazokwitoza. Yarongeye aratumira abashaka kwitoza ku giti cabo kwimenyekanisha babicishije mw’ibaruwa bazokwiyandikira bonyene bakararishirako umukono kugira uwo mugwi uzoje urabatumira mu nama ihuza abarongoye imigambwe. Yarongeye amenyesha ko itora ryose ryigenga n’aho hari amatora atatu azobera umunsi umwe. Umuntu arashobora rero kwitoza mu kibanza c’Umukuru w’igihugu, akaja ku rutonde rw’abashingamateka n’urwo abajenama b’amakomine. Ikibujijwe ngo ni ukuja ku ntonde z’abashingamateka, abakenguzamateka  canke abajenama b’amakomine mu ntara canke mu makomine abiri.  

Epitace Nduwayo

 

Imigenderanire hagati y’Uburundi n’amakungu irabandanya gutera imbere

DSC 0263Imigenderanire hagati y’Uburundi n’amakungu irabandanya itera imbere.Ni muri iyo ntumbero, Umukuru w’igihugu Petero Nkurunziza yarakiriye abaserukira ibihugu vyabo 13 hamwe n’uwuserukira ishirahamwe ry’ibihugu vya Buraya (U.E) bari bamuzaniye  amakete abagena muri ayo mabanga ku wa 7 Ruhuhuma 2020.Ibirori bikaba vyabereye mu ngoro y’Umukuru w’igihugu « Ntare Rushatsi » iri mu Gasenyi.  Imigenderanire hagati y’Uburundi n’amakungu irabandanya itera imbere.Ni muri iyo ntumbero, Umukuru w’igihugu Petero Nkurunziza yarakiriye abaserukira ibihugu vyabo 13 hamwe n’uwuserukira ishirahamwe ry’ibihugu vya Buraya (U.E) bari bamuzaniye  amakete abagena muri ayo mabanga ku wa 7 Ruhuhuma 2020.Ibirori bikaba vyabereye mu ngoro y’Umukuru w’igihugu « Ntare Rushatsi » iri mu Gasenyi.  Inyuma y’uwo mubonano, Icegera c’umuvugizi w’Umukuru w’igihugu, Alain Diomède Nzeyimana yamenyesheje ko uwuserukira igihugu ca Danemark, Nicolaj Hejberg Peterson afise icicaro i Kampala mu Buganda, yashimishijwe no kubona igihugu c’Uburundi kirangwamwo amahoro n’umutekeno kandi buriko bwitegirira neza amatora y’uwu mwaka w’2020. Igihugu ca Danemark naco ngo kikaba kiriko kiritegura kugira kigiriranire imigenderanire myiza n’Uburundi. Ambasaderi Nicolaj Hejberg akaba ariwe yakiriwe ubwa mbere n’Umukuru w’igihugu Petero Nkurunziza. Uwuserukira igihugu ca Géorgie, Zurab Dvalishvili afise icicaro i Adis-Abeba mu gihugu ca Etiyopiya yakiriwe ubugira kabiri, yamenyesheje ko igihugu ciwe citeguye kugiriranira imigenderanire myiza n’Uburundi kandi bukaba bubaye ubwa mbere ico gihugu kigiriranira imigenderanire n’Uburundi.  Uwuserukira igihugu ca Malawi, Glad Chembe Munthali afise icicaro i Dar-es-Salaam yakiriwe ubwa gatatu, yamenyesheje ko igihugu ciwe kizoraba ivyo cofashanyamwo n’Uburundi hisunzwe umugambi w’iterambere w’imyaka cumi wo kuva mu 2018 gushika mu 2027.

Uwuserukira igihugu ca Philipinnes, Alex G. Chua afise icicaro i Naïrobi mu gihugu ca Kenya yaje azanye indamutso y’Umukuru w’igihugu ciwe. Ico gihugu kandi gisanzwe gifitaniye imigenderanire myiza n’Uburundi. Uwuserukira ca Etiyopiya mu Burundi, umupfasoni Alemtsehay Meseret Gelaw yamenyesheje ko yipfuza ko igihugu ciwe kigiranira imigenderanire myiza n’Uburundi na cane cane mu bijanye n’ubudandaji. Uwo nawe akaba afise icicaro i Kampala mu gihugu c’Ubuganda. Igihugu ca Etiyopiya n’Uburundi ngo bisanzwe bihurira ku ruzi Nil. Uwuserukira igihugu ca Pakistani yakiriwe ubugira gatandatu, umupfasoni Saglain Syedah afise icicaro i Kampala, yamenyesheje ko igihugu ciwe cipfuza kugiriranira imigenderanire myiza n’Uburundi mu bijanye n’ubudandaji mbere abagwizatunga baho bakazana imitahe mu Burundi. 

Uwuserukira igihugu ca Finlande mu Burundi, umupfasoni Riita Swan afise icicaro i Dar-es-Salaam yamenyesheje ko  igihugu ciwe kigiye gutsimbataza imigenderanire yari ihasanzwe kibicishije mu mashirahamwe asanzwe akorera mu Burundi. Uwuserukira ishirahamwe ry’ibihugu vya Buraya (U.E.), Claude Bochu  yabaye uwugira umunani yakiriwe n’ Umukuru w’igihugu, akaba  afise icicaro i Bujumbura,akaba yamenyesheje ko azi neza yuko imigenderanire itifashe neza hagati y’iryo shirahamwe n’Uburundi. Yamenyesheje ko bagiye gukora ibishoboka vyose kugira imigenderanire isubire kugenda neza. Umukuru w’igihugu nawe akaba yamubwiye ko igikuru ar’uko bazi ko ivyo bintu vyabaye. Ko rero bazi ivyabagoye,rero bazogerageza kubikosora. Uwuserukira igihugu ca Burkina Faso mu Burundi, umupfasoni Ganou diaby Kasamba Madina yabaye uwugira  icenda yakiriwe  n’Umukuru w’igihugu, akaba yamenyesheje ko ibihugu vya Afrika bihuriye ku bintu vyinshi arico gituma vyotegerezwa gufatana mu nda kurusha.Uwo nawe akaba afise icicaro i Nairobi mu gihugu ca Kenya. Uwuserukira « République Tchèque », Martin Klepetko yabaye uwugira cumi yakiriwe n’Umukuru w’igihugu, akaba afise intebe i Naïrobi mu gihugu ca Kenya, yamenyesheje ko bagiye gutsimbataza imigenderanire n’Uburundi naho itahora ishemeye. Ubugira cumi na rimwe hakiriwe uwuserukira igihugu c’Ubutaliyano mu Burundi, Massimiliano Mazzanti afise intebe i Kampala mu gihugu c’Ubuganda. Uwo nawe yamenyesheje ko bazoraba ukugene imigenderanire hagati y’ivyo bihugu vyompi yotezwa imbere mu bijanye n’inkino n’urudandazwa. Uwuserukira igihugu ca Tanzaniya mu Burundi, umupfasoni Jilly Elibariki Maleko yabaye uwugira cumi na kabiri yakiriwe n’Umukuru w’igihugu,akaba afise icicaro i Bujumbura, yamenyesheje ko anezerejwe no guserukira igihugu ciwe mu gihugu kibanyi bifitaniye imigenderanire myiza. Yamenyesheje kandi ko imigenderanire hagati y’ivyo bihugu itagira agatotsi kandi iyo migenderanire ari iya kera kuva umuhisi Nyerere arongoye Tanzaniya. Yipfuza ko iyo migenderanire yobandanya iba myiza kurusha. Umukuru w’igihugu nawe yarashimye ukugene ico gihugu kibandanya citaho neza abarundi baba muri ico gihugu baba abakorerayo akazi ka minsi yose canke abagiye barahungirayo bivanye n’ingorane Uburundi bwagiye buracamwo.  Uwuserukira igihugu c’Ubuyapani Masahiro Imai afise intebe i Kigali mu Rwanda yamenyesheje ko igihugu ciwe gifasha Uburundi mu bisata bitandukanye mbere bakazotangura gusanura ikivuko ca Bujumbura muri Ntwarante 2020. Uwuserukira igihugu ca Botswana Golopang Duke Lefhoko yabye uwugira cumi na kane yakiriwe n’Umukuru w’igihugu ari nawe wa nyuma,yamenyesheje ko igihugu ciwe cipfuza kugiriranira imigenderanire myiza n’Uburundi. 

Epitace Nduwayo

 
Ouvrir