Publications de Presse Burundaise, Rohero I Avenue de la JRR N°17 Immeuble le SAVONNIER, Téléphone standard : (257) 22 22 62 32, Fax :(257) 22 22 58 94, email: pressequotidienne@yahoo.fr

Umurwi CENI usaba ko mu gihe c’imyiyamamazo hoba ukubahiriza ingendo abahiganwa biyumvikaniye ubwabo

cccanKw’igenekerezo rya 6 Rusama 2020, umukuru w’umurwi w’igihugu ujejwe gutunganya amatora, Pierre Claver Kazihise yaratunganije ikiganiro ku bamenyeshamakuru kugira amenyeshe ingene imyiyamamazo yo kwitegurira amatora yo ku wa 20 Rusama 2020 iriko iragenda n’ingene itangwa ry’ikarata y’itora ryagenze. Kazihise yamenyesheje ko yisunze ivyegeranyo vyabo bakorana mu ntara, haramaze iminsi higaragaza inyifato iteye kubiri n’amategeko  y’igihugu n’ayagenga amatora mu bihe vyo kwiyamamaza. Yabandanije amenyesha kw’izo nyifato zitajanye n’ingendo y’ukubahana hagati y’abahiganywa n’ukwubahiriza umutekano mu gihe c’iyimyiyamamazo n’icamatora abanyamigambwe  n’aberwa n’amatora bifundikiye ndetse n’abandi bemerewe kwitoza n’umurwi CENI. Ikindi Kazihise yamenyesheje nuko hibonekeza inyifato zitabereye zihagaze ku mvugo zo gutukana, zo gutyoza abandi hamwe no kugumura abanywanyi ngo bashamirane zikoreshwa n’abiyamamaza zashikiririjwe mu bice bimwe bimwe vy’igihugu. Hari n’ubukozi bw’ikibi ngo bujanye no gutana mu mitwe, gukomeretsanya ndetse  n’ubwicanyi buturuka kuri izo nyigisho mbi bitanguye kwibonekeza mu ntara zimwe zimwe. 

Haribonekeza abatanguye kurandura canke gusibanganya ibicapo n’inzandiko vy’abo bahiganywa. Ngo hari uguhindura ibimenyetso ku bicapo vy’amakarata y’ukuzotorerako umurwi CENI wahaye abahiganywa ngo bigishirizeko abanywanyi babo mu kwiyamamaza. Ngo hari ugutabura canke ugufuta ibimenyetso canke amafoto y’abahiganwa ari kuri ayo makarata. Ngo haraboneka abaja kwiyamamaza bitwaje inkoni.  Ngo haraboneka ibimenyetso vy’abatemerewe guhiganywa basukiranya n’ibimenyetso vy’imigambwe iri mw’ihiganwa. Kazihise yarateye akamo  abari mw’ihiganywa bose kubahiriza amategeko y’igihugu muri rusangi. Umurwi CENI  urasaba ko hoba ukubahiriza amategeko agenga amatora na cane cane ayajanye n’ukwiyamamaza. Ngo kwiyamamaza s’ugutukana ahubwo n’ugushikiriza abarundi imigambi ubafitiye igihe bwogushima bakagutora. Umurwi CENI urasaba ko hoba ukubahiriza ingendo abahiganywa biyumvikaniye ubwabo. Kazihise yarasavye kw’amasaha yukwiyamamaza yokubahirizwa ukwari mu mategeko n’ukuvuga kuva isaha 12 zo mu gatondo gushika isaha 12  zo ku mugoroba. Ngo  ukwiyamamaza gutegerezwa kubera mu bibanza vyategekanijwe gusa. Umurwi CENI urashima ingingo inzego z’umutekano n’uzubutungane zimaze gufata mu bikorwa vyo gukurikirana ukwiyamamaza kandi usaba ko zoguma hafi y’abanyagihugu kugira zikinge bikenewe zihane inyifato zose ziza gutosekaza amatora.Kazihise yaragarutse kukungene itangwa ry’amakarata ryagenze aho yamenyesheje ko abatanga amakarata bangana n’10 445, bakayatangira mu bibanza n’3807. Mu Burundi bwose ngo abakiriye amakarata bari ku rugero rungana n’ibice 89,93 %.  Ngo amakarata asiye gutangwa si menshi, abatarayatora barashora kubandanya bayatora aho imirwi yigenga ya komine ijejwe gutunganya amatora CECI ikorera iminsi yose gushika kw’igenekerezo rya 12 Rusama 2020.

Aline Kanyana

 

Urwaruka ruhamagariwe kwijukira imyuga itandukanye kugira rushobore kwiteza imbere

anita1Mu ntumbero yo gukingira ibidukikije, no kwiteza imbere, ishirahamwe AJAMAP riratunganya inyigisho ku rwaruka zibafasha kumenya gukora imyuga itandukanye harimwo gusubiriza amashashi yonona ibidukikije  no gukora ibintu bikingira ibidukwikije. Ivyo vyashikirijwe n’umunyamabanga w’iryo shirahamwe Solange Ngabire mu kiganiro yahaye ikinyamakuru UBUMWE ku wa 21 Ndamukiza 2020.Solange Ngabire yamenyesheje ko mw’ ishirahamwe bihaye intumbero yo guteza imbere urwaruka na cane cane mu kubigisha ibikorwa vyobateza imbere kandi bikunganira n’ igihugu mw’iterambere. 

Muri AJAMAP barategura inyigisho zitandukanye z’imyuga umwe wese aravye ingabire afise, kujisha ibisimbo, inkoko, abagira ivyo gushariza, ibidede, ivyo kumanika mu nzu, hamwe n’ibindi bishobora kurata ivyiza bitatse igihugu c’Uburundi. Solange Ngabire yabandanije amenyesha ko kuva babonye ko igihugu gishaka kurwanya ikoreshwa ry’ubumwanya bwonona   ibidukikije kuko butabora, ubu barahamagariye urwaruka ruzi gusoma no kwandika kuza kwiga gukora ivyo batekeramwo bitonona ibidukikije. Basaba ko haza uwuzi gusoma n’ukwandika kuko bisaba gukoresha imetero, kumenya gukata bivanye n’ico uwuriko arakora akeneye. Hari dutoyi dushobora gutekerwamwo imiti, ifu y’ ubuyi  n’ibindi. Izo nyigisho zifata ukwezi n’inusu canke amezi 2. Solange Ngabire yabandanije amenyesha ko mw ‘ishirahamwe bahejeje kwigisha urwo rwaruka baca barurungika kugira babandanye bakora bashobore kwiteza imbere,  ariko ishirahamwe rirafasha abo babona babishoboye bize bakabimenya. Igihe haje abashaka kugura ivyo basanzwe bigishirizaho baca bahamagara mubo bigishije babona ko umwuga bawumenye neza, bakaza mw’ishirahamwe bakabikora hanyuma nabo bakaronka amafaranga ashobora kubunganira.  Abashoboye kuja hamwe nabo  mw’ishirahamwe kugira bakorere hamwe iryo shirahamwe AJAMAP rirabaherekeza rikabafasha gusaba aho bashobora gukorera mu kigo ndangakaranga c’ibujumbura «Musee vivant» kandi bararonka uwubagurira  ivyo bahinguye kuko haza harinjira ingenzi. Solange Ngabire yasozereye ahamagarira  urwaruka gukura amaboko mu mpuzu rugakora ibishobora kubateza imbere mu kwiga imyuga itandukanye, ariko ivyo vyose bishoboka kubazi gusoma no kwandika.  Abavyeyi boba bakibuza abana babo kuja mu mashure yabasavye kubarungika mw’ishure kuko birakenewe kugira umuntu  yige umwuga.

Anitha Bizimana

 

Abarundi basabwa kunywa imiti kama bamye bakoresha mu kurwanya inyonko kugira bikingire marariya

anita2Kw’igenekerezo rya 25 Ndamukiza amakungu arahimbaza umunsi wahariwe kurwanya indwara ya Marariya. Ni muri iyo ntumbero ikigo ACECI cihaye urugamba go kurwanya indwara ya malaria, catunganije ikiganiro ku bamenyeshamakuru ku wa 24 Ndamukiza 2020 kikaba caremeshejwe n’uwurongoye ico kigo, Gynette Karirekinyana. Gynette karirekinyana yamenyesheje ko uwo munsi mpuzamakungu wahariwe kurwanya malariya uhimbajwe ku civugo « Gusezerera indwara ya marariya ». Uno mwaka hahimbajwe uwo munsi mpuzamakungu wo kurwanya malariya  hari ikindi kiza cibonekeje gihanze isi ca Coronavirus, ariko malariya ngo  iguma ariyo itwara abantu benshi kw’isi . Mu mwaka w’2019 hibonekeje kw’isi yose abarwayi ba marariya bagera ku miriyoni 228, ikaba yashoboye guhitana ibihumbi 405 muri abo, ibice 70 kw’ijana akaba ari abana batarakwiza imyaka 5, ibice 93 kw’ijana vy’abahitanwa na marariya bikaba vyibonekeza ku mugabane wa Afrika. Gynette Karirekinyana yabandanije amenyesha ko malariya ishobora kuranduranwa n’imizi mu gihe  Abarundi bokwijukira gukoresha imiti kama yo gukinga ikongera ikavura marariya «artemiziya» hamwe n’iyindi miti  kama isanzwe izwi kuva kera, bayikoresha mu kuvura inyonko nk’umubirizi,umunyegenyege  hamwe n’icanda bakaja baravyihereza nk’icayi kenshi gashoboka kugira umubiri wirwanire wongere wikingire marariya.

Mu miti y’ikirundi hariho n’iyo bakoresha mu kurwanya imibu,mu kuyikoropesha mu nzu ariko batibagira no kuryama mu musegetera urimwo umuti w’ica imibu. Gynette Karirekinyana akaba yavuze ko mu kigo ACECI bihaye intumbero yo guhimiriza abanyagihugu kwijukira gukoresha iyo miti hamwe no kuja baratanga imivyaro y’iyo miti kama kugira abanyagihugu bashobore kuyirimira mu mihana iwabo, bareke  kurindira kurwara kuko baca  banduzanya mu gihe umubu uriye uwugwaye ugasubira uwundi atarandura. Kugira marariya ishobore kuranduranwa n’imizi ngo birasabwa ko bafungura neza kugira umubiri uronke ivyankenerwa  ushobore kwirwanira. Gynette Karirekinyana yasozereye amenyesha ko mu Burundi gusezerera marariya bishoboka mu gihe habaye isuku rikwiye imibu ntironke aho yinyegeza ngo ibone kurwirirana. Abanyagihugu nabo ngo bokwijukira gutera artemiziya hamwe n’iyo miti kama kugira bashobore kurwanya marariya.

Anitha Bizimana

 

Abanywanyi b’ishirahamwe Regideso ngo birashoboka ko bariha amafaranga make ku mazi bakoresha

sehuKu banywanyi b’ishirahamwe rijejwe gutanga umuyagankuba n’amazi REGIDESO, ngo birashoboka ko dukoresha amazi neza, tudasesaguye, aho umunywanyi akoresha 20m3 z’amazi, mu kiringo c’amezi abiri, 1m3(amaritiro 1000) iheza ikagurwa amafaranga 315, vyumvikana ko mu kiringo c’amezi abiri, aheza akariha amafaranga 6300. Uwo ni umurwi wa mbere, umurwi wa kabiri, uva kuri 21m3 gushika kuri 40m3, mu kiringo c’amezi abiri, kuri uwo murwi ngo m3 irenze kuri izo 20m3 z’umurwi wa mbere, iraheza ikagurwa amafaranga 613. Eka hariho n’umurwi ugira gatatu, uwo nawo ngo ni umuryango ushobora kurenza 40m3 mu kiringo c’amezi abiri, inyuma y’izo ngo 1m3 ica igurwa amafaranga 802. Ivyo ni ivyashikirijwe n’umuvugizi w’ubushikiranganji bw’amazi meza, amasoko ntanganguvu, ubutare n’agataka, Léonidas Sindayigaya, mu kiganiro yahaye ikinyamakuru UBUMWE, ku wa 30 Ndamukiza 2020. Nk’uko Léonidas Sindayigaya yabandanije abishikiriza, ngo birashobora gushika aho abanywanyi b’ishirahamwe REGIDESO baryidogera kubera ukutamenya, aho bashobora kwibaza ko ryabarenganije.

Iryo shirahamwe nk’ayandi mashirahamwe yose, ngo utugorane ntitubura, ariko ngo iciza n’uko hari ugushaka y’uko ribandanya rihindura kugira ibintu bigende neza. Ku bijanye n’ikoreshwa ry’amazi, ngo abahinga baraharuye basanga umuryango atari munini ukoresha amazi neza, mu kiringo c’amezi 2, ngo urugero rwa 20m3 z’amazi rurakwiye. Iyo ayo mazi baba baja kuyavoma ku mugezi, ngo urwo rugero ntirwoshika mu kiringo c’ukwezi. Kuri uwo muryango ukoresha 20m3, mu kiringo c’amezi abiri, ngo 1m3 iraheza ikagurwa amafaranga 315. Uwundi murwi, ngo ni umuryango ukoresha amazi ari hagati ya 21m3 na 40m3, mu kiringo c’amezi abiri. Uko ishirahamwe REGIDESO riheza rigaharura, ngo n’uko 20m3 za mbere, zigurwa amafaranga 315 kuri 1m3, ayarenze kuri izo 20m3, aca agurwa amafaranga 613 kuri 1m3Ku banywanyi b’ishirahamwe rijejwe gutanga umuyagankuba n’amazi REGIDESO, ngo birashoboka ko dukoresha amazi neza, tudasesaguye, aho umunywanyi akoresha 20m3 z’amazi, mu kiringo c’amezi abiri, 1m3(amaritiro 1000) iheza ikagurwa amafaranga 315, vyumvikana ko mu kiringo c’amezi abiri, aheza akariha amafaranga 6300. Uwo ni umurwi wa mbere, umurwi wa kabiri, uva kuri 21m3 gushika kuri 40m3, mu kiringo c’amezi abiri, kuri uwo murwi ngo m3 irenze kuri izo 20m3 z’umurwi wa mbere, iraheza ikagurwa amafaranga 613. Eka hariho n’umurwi ugira gatatu, uwo nawo ngo ni umuryango ushobora kurenza 40m3 mu kiringo c’amezi abiri, inyuma y’izo ngo 1m3 ica igurwa amafaranga 802. Ivyo ni ivyashikirijwe n’umuvugizi w’ubushikiranganji bw’amazi meza, amasoko ntanganguvu, ubutare n’agataka, Léonidas Sindayigaya, mu kiganiro yahaye ikinyamakuru UBUMWE, ku wa 30 Ndamukiza 2020. Nk’uko Léonidas Sindayigaya yabandanije abishikiriza, ngo birashobora gushika aho abanywanyi b’ishirahamwe REGIDESO baryidogera kubera ukutamenya, aho bashobora kwibaza ko ryabarenganije. Iryo shirahamwe nk’ayandi mashirahamwe yose, ngo utugorane ntitubura, ariko ngo iciza n’uko hari ugushaka y’uko ribandanya rihindura kugira ibintu bigende neza. Ku bijanye n’ikoreshwa ry’amazi, ngo abahinga baraharuye basanga umuryango atari munini ukoresha amazi neza, mu kiringo c’amezi 2, ngo urugero rwa 20m3 z’amazi rurakwiye. Iyo ayo mazi baba baja kuyavoma ku mugezi, ngo urwo rugero ntirwoshika mu kiringo c’ukwezi. Kuri uwo muryango ukoresha 20m3, mu kiringo c’amezi abiri, ngo 1m3 iraheza ikagurwa amafaranga 315. Uwundi murwi, ngo ni umuryango ukoresha amazi ari hagati ya 21m3 na 40m3, mu kiringo c’amezi abiri. Uko ishirahamwe REGIDESO riheza rigaharura, ngo n’uko 20m3 za mbere, zigurwa amafaranga 315 kuri 1m3, ayarenze kuri izo 20m3, aca agurwa amafaranga 613 kuri 1m3Haruhande y’iyo mirwi ibiri ya mbere, ngo hariho umurwi w’imiryango ishobora kuba yifise na cane cane bamwe baba bafise amashurwe bavomera mu mpangu zabo, abo nabo bari mu murwi ushobora kurenza 40m3, mu kiringo c’amezi abiri. Inyuma y’izo 40m3, ngo 1m3 ica igurwa amafaranga 802. Uwo murwi uko uharurirwa amafaranga, ngo 20m3 za mbere, bagura ku mafaranga 315/m3, 20m3 zikurikira, zigurwa amafaranga 613/m3, izikurikira hejuru ya 40m3, zigaca zigurwa amafaranga 802/m3. Umuryango urenza 40m3, mu kiringo c’amezi abiri, ngo ntibaheza ngo bamugerere, igishobora kumubera intambamyi, ni igiciro aheza akayariha.Kuri uwo murwi ugira gatatu, ngo umaze gukoresha 40m3 zirenga, mu kiringo c’amezi abiri, ngo uba uriko ukoresha amazi ku rugero rudasanzwe, ngo hariho amafaranga aheza akariha, ayo nayo bayita “charge fixe”, ni amafaranga 7274, mu kiringo c’amezi abiri. Ayo nayo ngo ni ayo gufasha mu bikorwa n’ibikoresho mu gisata c’amazi kugira umugende w’amazi ubandanye ukora. Ku mahinguriro, iyo “charge fixe”, ni amafaranga 26581.
Ikiringo cose fagitire izirako,  umunywanyi aharurirwa ku murwi arimwo w’amazi yakoresheje
Mu gihe hari abidoga ko bashobora kuja mu murwi uyu canke uriya kandi bitabavuyeko, ariko ari kubera fagitire yatevye, ivyo ngo ahanini bituma n’uko barya bajejwe kuraba ivyo abanywanyi baba bakoreshe bingana baba batevye, ariko ishirahamwe REGIDESO ngo ririko ririsuganya kugira ibintu bije ku murongo. Ariko ngo n’aho fagitire iza inyuma y’ikiringo c’umwaka, ngo ntibituma umunywanyi ava mu murwi uyu ngo aje mu wundi. Ikitaba ciza ngo n’uko ishirahamwe Regideso risabira amafaranga rimwe, umunywanyi aguma mu murwi w’ivyo yakoresheje. Akarorero, ngo umuntu akoresha 20m3, mu kiringo c’amezi 2, inyuma y’umwaka akoreshango zoba 120m3, izo nazo ngo ziharurwa ku giciro c’amafaranga 315/m3. Mu ntumbero y’uko fagitire zitosubira guteba, ngo ishirahamwe REGIDESO rirategekanya gukoresha ubuhinga basigaye bakoresha ku matara, aho umunywanyi akoresha ivyo yaguze imbere y’igihe, ico bita “cash power”, aho abanywanyi ku rugero rw’ibice 90%, basigaye bakoresha ubwo buhinga. No ku mazi, ngo ubwo buhinga barabutegekanya, ico yise “cash water” kugira umunywanyi azogure amazi, gutyo yimenye uko ayakoresha. Ubwo buhinga bwari bwatanguye kugeragezwa, ariko ngo basanze amakonteri bari bazanye, ngo hariho ahantu yagera ntasubire guharura, muri ico gihe, ngo ishirahamwe REGIDESO ryari guca rihomba. Haruhande y’ivyo, ngo bariko bariga ubuhinga bwo kurungika ubutumwa bwanditse mw’iterefone y’umunywanyi, kugira bamumenyeshe uko azoba ariko arakoresha yaba amatara canke amazi. Ku bijanye n’amahinguriro hamwe n’abadandaji, ngo igiciro ni kimwe, ivyo ukoresha vyose ngo 1m3, muri uwo murwi igurwa amafaranga 609.  Ku bijanye n’ibiro vya Reta, ngo 1m3 igurwa amafaranga 613, kuri bamwe bagiranira amasezerano n’ishirahamwe REGIDESO kugira bagurishe amazi ku bito, ngo 1m3 igurwa 224, nabo bagaca bagurisha ibido y’amaritiro 20 amafaranga 20. 

Déo Misigaro                                                                                                         

 

Umuntu wese ahamagariwe gufasha abagendana umugera wa SIDA na ba ntahonikora ahereye hafi yiwe

cvgfddIkigo OPDE gifasha abagendana umugera wa Sida,  impfuvyi  na ba ntahonikora gisaba Reta ko mu mafaranga ikoresha ku mwaka ku mwaka yoja irategekenya amahera yo gufasha abo bantu kugira yunganire  amashirahamwe abafasha kuko afashwa ahanini n’abanyamahanga kandi abafashwa ari abana b’igihugu. Ivyo bikaba  vyashikirijwe na Tharcisse Niyonizigiye arongoye ibikorwa n’imyuga muri ico kigo mu kiganiro yahaye ikinyamakuru UBUMWE kw’igenekerezo rya 5 Rusama 2020 igihe kw’isi  yose  bariko  barahimbaza umunsi mpuzamakungu wahariwe impfuvyi za Sida.Yamenyesheje ko OPDE ifise abantu batandukanye ifasha mu bikorwa bitandukanye. Harimwo abana,abagore, abagabo, abarwaye umugera wa Sida  n’abakomeye, impfuvyi za Sida  n’abandi. Mu bana OPDE isanzwe ifasha harimwo 11 b’impfuvyi za Sida abo rero bagafashwa mu bijanye no kubigisha, kubambika, kubagaburira  no kubafasha mu bijanye no kubaruhurira imitima. Abagendana umugera wa Sida baba abana canke abakuze barabafasha mu kubaronsa imiti bitagoranye bakongera bakabavuza mu gihe barwaye.

Abana n’abakuze bavyifuza bararonswa inyigisho z’imyuga zitandukanye nko kubaza, guteka, gusokoza, gusudira,ubuhinga bwa none, n’ibindi  kugira bamaze gusohoka  muri ico kigo bazogire ico bimariye. Mu gihe bahejeje kwiga imyuga, barabafasha bakabasabira aho bimenyereza  hanyuma  bakabasabira n’akazi. Hambavu y’ivyo bikorwa vy’amaboko,  barafata umwanya wo kwiyegereza abo bafasha  mu kubaganiriza kugira bamenye umwe wese ubuzima abayemwo n’ico akeneye gufashwamwo gusumba ibindi kuko hari uwo bashobora gufasha mu bifungurwa, mu vyambarwa ariko ugasanga akeneye gufashwa ku mutima kuko hari uwo usanga yarakomeretse. Ivyo bikorwa ngo  kuko kugira umuntu amenye uwukeneye ubufasha kuruta uwundi ntivyoroshe  ngo baraheza bakagira amatohoza babifashijwemwo n’ab’aho asanzwe aba hanyuma bakamwakira. Mu kurangiza, Tharcisse Niyonizigiye yamenyesheje ko mu bijanye n’izo nyigisho batanga baziha abarwaye canke ba ntahonikora. Uwo ariwe wese avyifuza ariyandikisha akiga kandi bose biga ku buntu. Aca aboneraho akaryo ko gusaba  umuntu wese abishoboye ko yofasha ahereye hafi yiwe, Reta nayo ikorohereza amashirahamwe afasha mu gihe bifuje kuzana ibikoresho bifasha abo ba ntahonikora.Ikigo OPDE gifasha abagendana umugera wa Sida,  impfuvyi  na ba ntahonikora gisaba Reta ko mu mafaranga ikoresha ku mwaka ku mwaka yoja irategekenya amahera yo gufasha abo bantu kugira yunganire  amashirahamwe abafasha kuko afashwa ahanini n’abanyamahanga kandi abafashwa ari abana b’igihugu. Ivyo bikaba  vyashikirijwe na Tharcisse Niyonizigiye arongoye ibikorwa n’imyuga muri ico kigo mu kiganiro yahaye ikinyamakuru UBUMWE kw’igenekerezo rya 5 Rusama 2020 igihe kw’isi  yose  bariko  barahimbaza umunsi mpuzamakungu wahariwe impfuvyi za Sida. Yamenyesheje ko OPDE ifise abantu batandukanye ifasha mu bikorwa bitandukanye. Harimwo abana, abagore, abagabo, abarwaye umugera wa Sida  n’abakomeye, impfuvyi za Sida  n’abandi. Mu bana OPDE isanzwe ifasha harimwo 11 b’impfuvyi za Sida abo rero bagafashwa mu bijanye no kubigisha, kubambika, kubagaburira  no kubafasha mu bijanye no kubaruhurira imitima . Abagendana umugera wa Sida baba abana canke abakuze barabafasha mu kubaronsa imiti bitagoranye bakongera bakabavuza mu gihe barwaye. Abana n’abakuze bavyifuza bararonswa inyigisho z’imyuga zitandukanye nko kubaza, guteka, gusokoza,gusudira,ubuhinga bwa none, n’ibindi  kugira bamaze gusohoka  muri ico kigo bazogire ico bimariye. Mu gihe bahejeje kwiga imyuga, barabafasha bakabasabira aho bimenyereza  hanyuma  bakabasabira n’akazi. Hambavu y’ivyo bikorwa vy’amaboko,  barafata umwanya wo kwiyegereza abo bafasha  mu kubaganiriza kugira bamenye umwe wese ubuzima abayemwo n’ico akeneye gufashwamwo gusumba ibindi kuko hari uwo bashobora gufasha mu bifungurwa,mu vyambarwa ariko ugasanga akeneye gufashwa ku mutima kuko hari uwo usanga yarakomeretse. Ivyo bikorwa ngo  kuko kugira umuntu amenye uwukeneye ubufasha kuruta uwundi ntivyoroshe  ngo baraheza bakagira amatohoza babifashijwemwo n’ab’aho asanzwe aba hanyuma bakamwakira. Mu kurangiza, Tharcisse Niyonizigiye yamenyesheje ko mu bijanye n’izo nyigisho batanga baziha abarwaye canke ba ntahonikora. Uwo ariwe wese avyifuza ariyandikisha akiga kandi bose biga ku buntu. Aca aboneraho akaryo ko gusaba  umuntu wese abishoboye ko yofasha ahereye hafi yiwe, Reta nayo ikorohereza amashirahamwe afasha mu gihe bifuje kuzana ibikoresho bifasha abo ba ntahonikora.  

Joselyne  Ndayegamiye

 

Abatwa baritavye akamo batewe na Reta ko kwubaka biciye mu mategeko

Abatwa baritavye akamo batewe ko kubaka biciye mu mategeko kugira bakingire ingo zabo hamwe n’abana bibarutse. Ivyo vyamenyeshejwe n’uwurongoye ishirahamwe mpuzabatwa UNIPROBA Emmanuel Nengo mu kiganiro yahaye ikinyamakuru UBUMWE kw’igenekerezo rya 23 Ntwarante 2020 .Emmanuel Nengo yamenyesheje ko yashimiye abatwa intabwe bagezeko yo kwitaba akamo batewe na Reta ko kwubaka biciye mu mategeko kuko aribo bari inyuma y’abandi. Yaravuze ko benshi mu batwa batari bazi akamaro ko kwubaka biciye mu mategeko ariko ubu bakaba barajijutse.

Ngo nabashaka kwubaka biciye mu mategeko bagira ingorane z’uburyo buke bafise haba mu kurondera karangamuntu hamwe n’ibipapuro  bituma baja muri Komine. Ngo ikindi cabituma  kwari ukutamenya hamwe no kutaronka impuzu zo gutwara mu bugeni. Yarashimiye ubushikiranganji bwo gushigikirana bwabaronkeje impuzu hamwe n’ibikoresho vyo gukoresha mu rubanza benshi bakaba bagira ubugeni nk’abandi. Yarongeye avuga ko abarongoye abatwa mu ntara zose bagiye gusaba abarongoye amakomine ko bobareka bakwubakana biciye mu mategeko kubera ata buryo bafise e. Abarongoye abatwa bakaba barabateye akamo ko kubaka biciye mu mategeko bovyiyamiriza. Yaramenyesheje kandi ko bamaze kuronka inyigisho zo kubakaburira kwubakana bubahirije amategeko mbere nka bose bakaba barazikwirikije kandi baranyuzwe n’akamaro kavyo. Ngo ubu nta mutwakazi n’umwe umugabo acirukana uko bashaka . Ngo ingorane ihari ni ku bantu bafise nk’abagore 3 baca babura uwo bandikisha muribo kuko bose ngo baba babakunda agaca ahitamwo kubiheba. Yarongeye aramenyesha ko abatwa  kandi bitavye akamo ko kwibarukira kwa muganga kugira abana babo bandikwe muri komine kandi bongere bavurwe ku buntu. Kare bari bafise ingorane yo kutandikisha abana iyo bavutse ariko ubu bakaba barabihagurukiye kuko batabikoze baca bagira ingorane zo kuvurwa. Yarateye akamo abatwa bose batarakurikiza iryo tegeko ko bokwihuta kubikora kandi bakarongora umugore umwe kugira birinde indyane mu miryango.                                                                            

Thérèse Niyonkuru

 
Ouvrir