Publications de Presse Burundaise, Rohero I Avenue de la JRR N°17 Immeuble le SAVONNIER, Téléphone standard : (257) 22 22 62 32, Fax :(257) 22 22 58 94, email: pressequotidienne@yahoo.fr

Abakoresha basabwa gutahura ineza yo kwinjira no kwinjiza abakozi babo mw’ishirahamwe INSS

eveAbakoresha basabwa kwiyandikisha no kwandikisha abakozi babo mw’ishirahamwe rijejwe gutegekaniriza kazoza abakozi INSS kuko kutabikora ari ukurenga amategeko kandi hari n’ibihano bitegekanijwe kuwutabikoze. Ivyo vyashikirijwe na Emmanuel Miburo arongoye ishirahamwe rijejwe gutegekaniriza kazoza abakozi INSS mu kiganiro yahaye ikinyamakuru UBUMWE kw’igenekerezo rya 14 Nzero 2020.Nk’uko yabimenyesheje, ngo igikorwa co guhimiriza amashirahamwe gutangira intererano abakozi bayo ni kimwe mu bikorwa vya INSS kandi haheze umwaka urenga INSS itanguye kubishiramwo inguvu nyinshi, bakabona ko hariho akarusho bivanye n’uko guhera muri Mukakaro gushika muri Kigarama umwaka w’2018 basanze harashoboye kwinjira imiriyaridi 21 n’imiriyoni zirenga 313. Yarongeye amenyesha ko mu mezi atandatu ya  mbere y’umwaka w’2019 hinjiye imiriyaridi 21 n’imiriyoni zirenga 483, muri atandatu ya nyuma naho hinjira imiriyaridi 21 n’imiriyoni zirenga 637. Niko guca amenyesha ko ico ari kimwe mu vyerekana ko igikorwa kigenda neza naho muri kino gihe abakozi binjira mu kazi atari benshi, bikaboneka ko n’aho bir’uko umwimbu utarasubira inyuma. Ku bijanye no guhimiriza abarongoye amashirahamwe amwe amwe yo gucungera abantu n’ibintu kwinjira mw’ishirahamwe INSS, hamwe no kwitunganya ku basanzwe bayirimwo ariko batabikora neza bivanye n’uko bamwe badatanga neza intererano y’abakozi babo, abandi nabo bagatangira abakozi badakwiye co kimwe n’abayabatangira badakurikije imishahara baronka, yamenyesheje ko ayemerewe gukorera mu gihugu angana na 33 nayo ayamaze kuja muri INSS ari 26, vyerekana ko 7 yemerewe ataraja muri INSS. Yaciye amenyesha ko n’aho bir’uko intambwe ikiri ndende ariko harimwo akigoro kuko ingorane ari nyinshi bivanye n’uko hariho n’abinjira ivyabo ugasanga ntibimeze neza, aremeza ko mu mwaka w’ 2019, hariho amashirahamwe asanzwe ari muri INSS yari ifise abakozi bake ariko bashoboye kuzana abandi benshi bari basanzwe bakoresha batari banditswe muri INSS.Ikindi naco ngo mu mashirahamwe 26, 8 ariyo atari bwitunganye mu kurihira abakozi bayo gushika muri Nyakanga 2019. Yaciye anamenyesha ko ku bijanye no gutegekaniriza kazoza abakozi ari igikorwa kitoroshe kandi bisaba ko Abarundi ubwabo bavyumva kuko hari abatabizi, ababizi nabo ugasanga ntaco bibabwiye hamwe n’ishaka canke abarongoye abandi babishiramwo  kugira bavyumvishe abo bajejwe.  Rero ngo baravye uko INSS igenda irabishiramwo inguvu, biraboneka ko muri kazoza bizogenda neza, babicishije mu gusigura ineza yavyo no gukoresha amategeko. Ku bijanye n’amashure y’abikorera ivyabo, amazu adandaza imiti hamwe n’amavuriro mato mato, ngo benshi ntibakora bisunze amategeko mu kwandikisha abakozi babo mw’ishirahamwe INSS, arico gituma INSS ibishiramwo inguvu ndetse hakaboneka bamwe mu binjira muri iryo shirahamwe. Niko guca amenyesha ko muri ico gikorwa hariho ibibazo nyamukuru 2 bamaze kubona bijanye n’uko bamwe baba bamaze imyaka myinshi bakorera mu kinyegero INSS itabazi bigaca bibabera ikibazo kubera baba baraheranye amahera imyaka myinshi, ikindi naco n’uko hariho abigisha b’abakutsakivi (vacataires)ata mushara uzwi baba bafise bashobora gufatirako. Yaheraheje atera akamo abakoresha kwiyandikisha no kwandikisha abakozi babo kuko ari ineza ya bose kandi bakwumva ko ari amategeko y’igihugu bategerezwa gukurikiza gutyo bakirinda ingorane zobashikira. 

Evelyne Niyonzima

 

Ibisigarira vy’abantu birenga 250 vyazuwe ahahoze isoko ya Kamenge vyarerekanywe n’umurwi CVR

mafafaUmurwi w’igihugu ushinzwe gutohoza ukuri no kunywanisha  Abarundi  CVR waruguruye imiryango ku bantu bose bipfuza kumenya no  kuraba ivyavuye mu gikorwa c’uyo murwi co kuzura ibisigarira vy’abantu bahambwe mu buryo bunyuranye n’imico n’imigenzo y’abarundi yo gushingurana iteka umuntu yitavye Imana. Ico gikorwa cabereye ahahoze isoko ya  Kamenge ku wa 13 Nzero 2020, aho abantu batari bake baba muri yo micungararo, abaserukira ibihugu vyabo mu Burundi n’abandi bari baje kwirabira ahegeranirijwe ivyo bisigarira vy’abahambwe  muri ico kibanza.Umurwi w’igihugu ushinzwe gutohoza ukuri no kunywanisha  Abarundi  CVR waruguruye imiryango ku bantu bose bipfuza kumenya no  kuraba ivyavuye mu gikorwa c’uyo murwi co kuzura ibisigarira vy’abantu bahambwe mu buryo bunyuranye n’imico n’imigenzo y’abarundi yo gushingurana iteka umuntu yitavye Imana. Ico gikorwa cabereye ahahoze isoko ya  Kamenge ku wa 13 Nzero 2020, aho abantu batari bake baba muri yo micungararo, abaserukira ibihugu vyabo mu Burundi n’abandi bari baje kwirabira ahegeranirijwe ivyo bisigarira vy’abahambwe  muri ico kibanza.Nkuko icegera c’uwurongoye umurwi CVR,Clément Noah Ninziza yabimenyesheje, ngo ico kibanza nticari kizwi mu bibanza vyari bigenewe guhambwamwo abantu ariko cabayeho bitumwe n’intambara yo kuva mu mwaka w’1993 yabaye mu Burundi aho abantu bo muri iyo micungararo bahahamba ababo baba abahitanywe n’urwimo canke abahitanywe n’urw’akarago. Ibisigarira vy’abantu bari hagati ya 250 na 270 nivyo vyazuwe n’abakozi w’umurwi CVR muri ico kibanza aho harimwo abahambwa mu kivunga mu kinogo kimwe abandi umwe umwe. Ibikoresho bitari bike imipanga, imbugita, ibipawa n’ibindi vyaratowe muri ico kibanza vyerekana ko arivyo vyakoreshejwe mu kwica abo bantu. Ivyambarwa, ibirato, amasaha, amakarata ndangamuntu, ibirato vy’abakuze n’ivy’abana vyaratowe aho hantu biboneka ko abakuze n’abato bahambwe muri ico kibanza. Ninziza yaramenyesheje ko ivyo bisigarira bigiye  gushingurwa neza mu kurindira ko uyo murwi CVR ufadikanije n’abajejwe intwaro n’abanyagihugu bazobihambana iteka. Abanyagihugu batari bake b’aho muri zone Kamenge batashimye kwivuga amazina barakengurutse ico gikorwa c’uwo murwi CVR c’ukureka abanyagihugu ngo binjire kwirabira ibisigigarira vy’abahambwe aho hantu n’igikorwa kizotunganywa c’ukubihambana iteka.  
Donathe Ndayisenga(Uwimenyereza)

 

Ababuze mu makuba yagiye arashikira Uburundi barakeneye kurira, kugandara no kuganduka ku babo bishwe

ndayicariyeUmurwi ushinzwe gutohoza ukuri no kunywanisha Abarundi CVR waramenyesheje Inama Nshingamateka na Nkenguzamateka  ivyo waranguye mu mwaka w’2019. Kabaye akanya ko kwerekana ivyo watohoje mu gihugu kugira abo bavyeretse barabe ko arivyo bavyunganire canke bafashe kubitosora. Ico cegeranyo kikaba cashikirijwe n’uwurongoye uwo  murwi Pierre Claver Ndayicariye mu ngoro y’Inama Nshingamataka mu Kigobe  ku wa 14 Nzero 2019.  Pierre Claver Ndayicariye yamenyesheje ko umurwi CVR  watohoje ivyo wagiye kwerekana bimwe vyavuye mu barundi baje bagana uwo mugwi kugira bikure umuzigo ubaremereye kuva kera bimwe bita “dépositions”. Harimwo abagendesha vya biduga bishinzwe gusomba ibiziga bibasesa mu binogo,baracariho, bamwe muri bo baramaze kuganira n’umugwi CVR kugira bazosezere isi baruhutse mu mutima. Ayandi makuru CVR yayatohoje mu gihugu hagati isanze  abanyagihugu iwabo vyitwa “Auditions”. Ibindi vyatosowe bivuye mu nyandiko zasizwe n’abari batanguye muri uyo murwi igihe babisikanya. 

Pierre Claver Ndayicariye yabandanije amenyesha ko CVR ishaka ko hoba ibiganiro n’integuro ibereye yofasha vuba gushingurana iteka ibisigarira bibitswe muri komine Mabanda mu ntara ya Makamba, muri zone Makamba  ya komine Rusaka mu ntara ya Mwaro, abo bantu bakaba bishwe mu rwimo rw’1972 , ibiri muri zone kivyuka komine Musigati intara ya Bubanza abo bantu bishwe kw’igenekerezo rya 3 Rusama 1996. Amatohoza ya CVR  ku bwicanyi bwabereye muri kaminuza y’Uburundi mu kigo co ku Mutanga n’ikigo c’Izege akaba akibandanya kuko biracari mu ntango. Ibinogo  vyatawemwo abantu umugwi CVR uheruka gukorerako mu Gitaza, muri komine Muhuta, mu ntara ya Rumonge  ni ibinogo vy’abantu bishwe mu 1972. Ivyo mu ruzi  Ndurumu, komine Marangara, mu ntara ya Ngozi  vyatawemwo abishwe mu 1993 n’imyaka yakurikiye, ikurikirana n’igandagurwa ry’Umukuru w’igihugu Melchior Ndadaye. Ku vyerekeye ibinogo vyatawemwo abishwe, CVR imaze gushika mu ntara zose yarabimenyesheje muri ico cegeranyo c’ivyakozwe mu mwaka w’2019. Mu gisagara ca Bujumbura hamenyekanye ibinogo74, mu ntara ya Ngozi ibinogo 337, Karusi hakaba hamaze kumenyekana ibinogo 91,mu ntara ya Mwaro 181. Ivyo binogo rusangi vyarasanzwe kandi mu ntara ya Muramvya ibinogo 315, mu Ruyigi ibinogo133, Rumonge   396, i Bururi  88; mu ntara ya Makamba 207. Ivyo bibanza vyahambwemwo abantu benshi bikaba kandi vyaramenyekanye mu ntara za Cibitoke 345; Bubanza 240; Kayanza 322, Kirundo 200; Rutana 119;Gitega 640, Muyinga 184, Cankuzo 41 hamwe n’intara ya Bujumbura batoye ibinogo 250. Pierre Claver Ndayicariye yabandanije amenyesha ko ibikorwa biri mu rutonde rw’umwaka w’2019-2020, vyose bitarakorwa kuko uburyo bwo kurangura imirimo imwe imwe butabonetse nk’uko babusaba muri Reta.Izindi ntambamyi uwo murwi CVR wahuye nazo n’uko abakozi buwo murwi bataronswa uko baja kwiga  kugira bashobore kurahura ubwenge,  bamenye uko abandi babikora; abakozi badakwiye, ikibanza co kwakiriramwo ababituye  kuko bisaba inzu nini.Mu butumwa igihugu cashinze umugwi CVR, harimwo guterera ivyiyumviro bijanye no gushumbusha abahohotewe,abatwawe n’akabonge n’amaganya kubera biciwe ababo,bakwongera bakanyarwa ivyabo  gutanga intumbero y’ikibazo co kunywanisha abarundi, ivyerekeye ivyohinduka, kubika ivyanditswe n’ibiranga amakuba yabaye n’ingene hokurikizwa canke hakaja mu ngiro ivyashikirijwe n’imurwi CVR harimwo no guha akanya ko kugandara, kurira  no kuganduka kubo babuze. Ivyo bikorwa rero ngo ni vyinshi cane bisaba ko Abarundi baterera kugira bishoboke.Pierre Claver Ndayicariye yarasavye abashingamateka n’abakeguzamateka uburyo bwo kwiyunguruza ku bakozi bafasha ubwo butumwa kuko uwo murwi uri ku rugamba rw’amahoro n’iterambere, uburyo bw’ubuhinga  n’ivyuma nyabwonko vyorosha kwegeranya inyandiko nyinshi. Ikindi ni kuronsa akaruhuko k’abakozi b’uwo murwi kandi bakakagirira ahatekanye kugira birinde ihahamuka kubera ivyo baba babwiwe canke babonye hamwe n’amafaranga yo gutororokanya mu gihugu cose abantu bishwe mu bihe Uburundi bwagiye baracamwo vy’urwimo. Pierre Claver Ndayicariye yasozereye amenyesha ko muri uwo murwi biteguriye umwaka w’2020 kuko hazoba ibikorwa bihambaye mu gihugu, uko bazokora batinjiriye abariko bararondera amajwi.

Anitha Bizimana

 

Ubushikiranganji bw’amagara y’abantu bwaratunganije umugambi w’imyaka 5 wisunga umugambi w’igihugu PND

DSC07716Ubushikiranganji bw’amagara y’abantu no kurwanya ikiza Sida bwaratunganije umugambi w’imyaka itanu mu ntumbero yo gushira mu ngiro umugambi w’igihugu w’iterambere w’imyaka cumi wo kuva mu 2018 gushika mu 2027 PND. Ivyo vyashikirijwe n’umushikiranganji wajejwe amagara y’abantu no kurwanya Sida Thaddee Ndikumana ku wa 17 Nzero 2020 igihe yariko ashikiriza ibikubikuru vyaranguwe n’ubwo bushikiranganji mu kiringo c’amezi 6 aheze. Ubushikiranganji bw’amagara y’abantu no kurwanya ikiza Sida bwaratunganije umugambi w’imyaka itanu mu ntumbero yo gushira mu ngiro umugambi w’igihugu w’iterambere w’imyaka cumi wo kuva mu 2018 gushika mu 2027 PND. Ivyo vyashikirijwe n’umushikiranganji wajejwe amagara y’abantu no kurwanya Sida Thaddee Ndikumana ku wa 17 Nzero 2020 igihe yariko ashikiriza ibikubikuru vyaranguwe n’ubwo bushikiranganji mu kiringo c’amezi 6 aheze. Yamenyesheje ko ubwo bushikiranganji bwatsimabataje ibijanye n’intwaro ibereye. Ubwo bushikiranganji bukaba bugirisha inama uko indwi itanguye mu ntumbero yo gutunganya ibirangurwa muri burindwi. Baragendeye ibitaro vya Reta n’ivy’abikorera ivyabo kugira babahimirize kwakira neza abarwayi bongere batunganye neza itunga rusangi ry’ibitaro. Arashima kubona abarwayi basigaye bakirwa neza mu bitaro no mu mavuriro. Ku bijanye n’amagara y’abavyeyi n’ibibondo ngo ubushikiranganji bwaratunganije isekeza ryo gupima indwara ya kanseri y’urwinjiriro rw’igitereko ku bakenyezi burongera buratanga inyigisho ku rwaruka rwari mu buruhuko ku bijanye n’irondoka rijanye n’amagara meza.  Ku vyerekeye gukinga indwara z’ibiza nka Ebola, umushikiranganji Thaddee Ndikumana yamenyesheje ko mu bushikiranganji arongoye babandanije basuzuma ingenzi zose zinjira mu gihugu na cane cane abavuye mu gihugu kibanyi ca Kongo iharanira Demokarasi (RDC), kandi hubatswe ibibanza 22 ku mipaka vyo gupima abantu binjira mu Burundi, mbere hakaba harubatswe n’ikigo ku Mudubugu gikwije amategeko yo kuvura uwo wese bosanga afise iyo ndwara ya Ebola. Thaddee Ndikumana yaramenyesheje ko abaforoma n’abakozi bo mu burere bw’ubuvuzi 21 buriko imihora yinjira mu gihugu baronkejwe ibikoresho vyo kwikingira iyo bariko barapima ubushuhe ingenzi. Ikiza ca kolera naco cari cateye mu karere ko mu kiyaya c’Imbo ngo caratujijwe kuko haheze iminsi 21 ata muntu babonye ayirwaye. Thaddee Ndikumana avuga ko hapfuye abantu 5 ku bantu 1095 bavuwe. Ubu rero bakaba baratangaje icese ko ikiza ca kolera cateye mu Burundi muri Ruheshi 2019 carangiye. Ku bijanye na malariya mu bushikiranganji bw’amagara y’abantu baratanze imisegetera ku miryango ishika 6.900.000. Akaba yarahumurije imiryango yo mu karere k’ubuvuzi ko mu buraruko bw’igisagara ca Bujumbura igiye kuronswa vuba iyo misegetera kuko barindiriye iyasigaye bari barungitse ku batari baronse misegetera nabo nyene. Ku vyerekeye kurwanya Sida ngo mu bushikiranganji bw’amagara y’abantu baratunganije ikoraniro ryo guhimiriza abarongoye intwaro, amagara y’abantu n’abajejwe amadini ku bibazo vyo kurandurana n’imizi umugera wa Sida. Ivyo bakaba babitunganije bafadikanije n’Umupfasoni w’Umukuru w’igihugu, Denise Nkurunziza. Baratunganije kandi ikiganiro aho Umupfasoni w’Umukuru w’igihugu yishuye ku bibazo vy’abamenyeshamakuru n’abanyagihugu bakoresheje terefone bishingiye kw’irondoka rijanye n’amagara meza. Babandanije kandi bavura ku buntu abarwaye igituntu n’imibembe. Ku vyerekeye indwara zidakira, izimara igihe kirekire harimwo n’izandukira babandanije bahimiriza ibitaro n’amavuriro y’abikorera ivyabo gutunganiriza abashaka kwipimisha izo ndwara.   Aho akavuga nka kanseri, indwara y’ivuduka ry’umurindi w’amaraso, igisukari n’ibindi. Amavuriro 350 yararonkejwe ivyuma bikanyisha bikoreshwa n’imishwarara y’izuba vyo gushingura incanco. Mu vyimirije kurangurwa, umushikiranganji Thaddée Ndikumana yamenyesheje ko bazobandanya bacungera ikiza ca Ebola, batanga n’ibikoresho bifasha abaremeshakiyago. Bazobandanya kandi basanga ku kivi abakora mu bitaro vy’uburere bw’ubuvuzi no mu mavuriro matomato.

Epitace Nduwayo

 

Ivyaranguwe n’ ubushikiranganji bujejwe imigabo n’imigambi ry’umuryango wa EAC birashimishije

ISA01Kw’igenekerezo rya 16 Nzero 2020, umushikiranganji mu biro vy’Umukuru w’igihugu ajewe imigabo n’imigambi y’umuryango w’ibihugu bigize Afrika y’Ubuseruko EAC, Isabelle Ndahayo yaratanze ikiganiro ku bamenyeshamakuru  kugira amenyeshe ivyaranguwe mu bushikiranganji arongoye kuva  ku wa 1 Mukakaro  gushika ku wa 31 kigarama 2019. Ndahayo yamenyesheje ko ashima ivyaranguwe muri ayo mezi atandatu aheze. Amenyesha ko  hatunganijwe inganda zo guhanahana amakuru n’ivyiyumviro ku bijanye n’imigabo n’imigambi y’ishirahamwe ry’ibihugu vyo muri Afrika y’Ubuseruko, hongera hatunganywa inama zo gutororokanya intererano z’abanyagihugu ku bijanye n’ishirwa mu ngiro ry’imigabo n’imigambi itanduganye y’umuryango wa EAC. Umushikiranganji Ndahayo akaba yaragirishije inama abakozi arongoye. Vyongeye mu bushikiranganji haratejwe imbere ibikorwa vyo gutorokanya ibiharuro bijanye n’ibirangurwa muri ico gisata. Harahimbajwe kandi isabukuru rigira 20 ishirahamwe ry’ibihugu vya Afrika y’Ubuseruko rimaze rigiyeho ku civugo: «Bene ishirahamwe basangiye gupfa no gukira ». Umushikiranganji Isabelle Ndahayo avuga ko ingorane ihari ari uko ubushikiranganji  bujewe imigabo n’imigambi y’ishirahamwe EAC bukurikirana ibikorwa  bishirwa mu ngiro n’izindi nzego. Kw’igenekerezo rya 16 Nzero 2020, umushikiranganji mu biro vy’Umukuru w’igihugu ajewe imigabo n’imigambi y’umuryango w’ibihugu bigize Afrika y’Ubuseruko EAC, Isabelle Ndahayo yaratanze ikiganiro ku bamenyeshamakuru  kugira amenyeshe ivyaranguwe mu bushikiranganji arongoye kuva  ku wa 1 Mukakaro  gushika ku wa 31 kigarama 2019. Ndahayo yamenyesheje ko ashima ivyaranguwe muri ayo mezi atandatu aheze. Amenyesha ko  hatunganijwe inganda zo guhanahana amakuru n’ivyiyumviro ku bijanye n’imigabo n’imigambi y’ishirahamwe ry’ibihugu vyo muri Afrika y’Ubuseruko, hongera hatunganywa inama zo gutororokanya intererano z’abanyagihugu ku bijanye n’ishirwa mu ngiro ry’imigabo n’imigambi itanduganye y’umuryango wa EAC. Umushikiranganji Ndahayo akaba yaragirishije inama abakozi arongoye. Vyongeye mu bushikiranganji haratejwe imbere ibikorwa vyo gutorokanya ibiharuro bijanye n’ibirangurwa muri ico gisata. Harahimbajwe kandi isabukuru rigira 20 ishirahamwe ry’ibihugu vya Afrika y’Ubuseruko rimaze rigiyeho ku civugo: «Bene ishirahamwe basangiye gupfa no gukira ». Umushikiranganji Isabelle Ndahayo avuga ko ingorane ihari ari uko ubushikiranganji  bujewe imigabo n’imigambi y’ishirahamwe EAC bukurikirana ibikorwa  bishirwa mu ngiro n’izindi nzego. Ivyo bigatuma haba ukwikwega kw’ishirwa mu ngiro ry’imigambi iba itegekanijwe. Ngo hariho kandi ukwikwega  mu bijanye no kuroranisha amategeko.

Aline Kanyana

 

Uwuserukira igihugu ca Misiri mu Burundi yaremeye ko igihugu ciwe kigiye gushigikira iyandikiro ry’ibinyamakuru vya Reta “PPB”

DSC 0082Igihugu ca Misiri ngo kizobandanya gifasha Ubuyobozi bukuru bw’iyandikiro ry’Ibinyamakuru vya Reta “PPB”. Ivyo vyashikirijwe n’uwuserukira ico gihugu mu Burundi, ambasaderi Abeer Bassiouny Radwan, igihe yagendera ubwo buyobozi bukuru mu ntumbero yo kwirabira ingene imirimo yaho itunganijwe, hari kw’igenekerezo rya 9 Nzero 2020.Igihugu ca Misiri ngo kizobandanya gifasha Ubuyobozi bukuru bw’iyandikiro ry’Ibinyamakuru vya Reta “PPB”. Ivyo vyashikirijwe n’uwuserukira ico gihugu mu Burundi, ambasaderi Abeer Bassiouny Radwan, igihe yagendera ubwo buyobozi bukuru mu ntumbero yo kwirabira ingene imirimo yaho itunganijwe, hari kw’igenekerezo rya 9 Nzero 2020.Ku bwa Ambassaderi Abeer Bassiouny Radwan, iyandikiro ry’ibinyamakuru vya Reta ni igisata ngirakamaro ku gihugu c’Uburundi kuko abanditsi baho bahamagarirwa gutohoza, kwandika no kubika amakuru yanditswe ku buzima bw’igihugu mu bisata vyaco vyose. Ivyo bikazofasha n’abakiri bato kumenya kahise k’igihugu. Muri urwo rugendo akaba yaratanze akaganuke yari yaje yibangikanije kagizwe n’ibitabu vyo gusoma bigenewe igisata c’ububiko bw’ivyandikwa no kurahuriramwo ubwenge “Documentation”.Inyuma yo kugendura ibisata vyose bigize ubwo buyobozi bukuru, Ambassaderi Ambasaderi  Abeer Bassiouny Radwan yamenyesheje ko urwo rugendo rwamubereye akaryo keza ko kumenya aho ubwo Buyobozi Bukuru bw’iyandikiro ry’ibinyamakuru vya Reta bukorera n’ingene imirimo yabwo itunganijwe, imigambi butegekanya muri kazoza n’intambamyi bufise mu bikorwa vya minsi yose. Yarashimye ibikorwa biharangurirwa, cane cane ko amakuru asohoka ku gihe kandi ivyanditswe bishingurwa, bigasomwa n’abashakashatsi. Yarakeje kandi yongera aratera intege abakozi baho ku kuntu bitanga mu buryo buke bafise, ariko akazi kakagenda neza. Yarangije yemeye ko azoshikiriza igihugu ciwe uko yasanze vyifashe, kandi ko azofasha kugira ico gihugu gishigikire Ubuyobozi Bukuru bw’iyandikiro ry’ibinyamakuru vya Reta mu vyo yumvise bukeneye gusumba ibindi.Kw’izina ry’Ubuyobozi Bukuru n’iry’abakozi bose, umuyobozi mukuru w’imfatakibanza Longin NIYONKURU yarashimiye uwuserukira igihugu ca Misiri mu Burundi kur’urwo rugendo. Yamenyesheje ko uwo mushitsi baganiriye ku vyerekeye itunganywa y’imirimo mu buyobozi bukuru, aranamwereka ibisata bikeneye gushigikirwa na cane cane ibikoresho bifata amafoto, imashini nyabwonko, gukarihiriza ubwenge abakozi, gushingura ivyandikwa ku buhinga ngurukanabumenyi, kunagura urubuga ngurukanabumenyi hamwe no kugura ibikoresho nkenerwa vyotuma ubuyobozi bukuru bwisohorera ibinyamakuru “Imprimerie”,  kubisohorera ku bikorera utwabo bigahagarara kuko bitwara uburyo bwinshi.    Longin NIYONKURU yarangije ashimira Ambasaderi Abeer Bassiouny Radwan ku kaganuke yatanze, n’uko yemeye kuzofasha kugira ngo igihugu ciwe gishigikire ubuyobozi bukuru, akaba mbere yatanze n’intumbero yokwisungwa kugira haboneke n’abandi boterera kugira ibikorwa bigende neza. 
Donathe Ndayisenga(yimenyereza)

 
Ouvrir