Publications de Presse Burundaise, Rohero I Avenue de la JRR N°17 Immeuble le SAVONNIER, Téléphone standard : (257) 22 22 62 32, Fax :(257) 22 22 58 94, email: pressequotidienne@yahoo.fr

Urwego rwo kwivuna abansi ngo rugiye gutera intambwe mw’itunganywa ry’ibiharuro bijanye n’iterambere

ubueUbushikiranganji bwo kwivuna abansi  no kwitaho abahoze ku rugamba  bwaratunganije ku wa 17 Gitugutu 2017,  inama nkarishabwenge  ijanye n’ikoreshwa  ry’ibiharuro vyo mu  gisata kijejwe gutunganya ibiharuro   bijanye n’iterambere muri ubwo bushikiranganji. Intwazangabo mu gisirikare zijejwe ibikorwa n’ibisata  bitandukanye zari zatumiwe kugira zitange intererano y’ukugene hoshirwaho ihuriro ry’ibiharuro   bijanye n’iterambere mu bushikiranganji bwo kwivuna abansi. Bukaba bwari bwatumiye abahinga batandukanye  na cane cane abo mu gisata ISTEBU ngo bababwire uko vyogenda kugira igisata gitunganya ibijanye n’ibiharuro mu rwego rwo kwivuna abansi gikore neza gutyo ibizovamwo bize bifashe abategetsi bo mu bushikiranganji bwo kwivuna abansi gufata ingingo zibereye.Ubushikiranganji bwo kwivuna abansi  no kwitaho abahoze ku rugamba  bwaratunganije ku wa 17 Gitugutu 2017,  inama nkarishabwenge  ijanye n’ikoreshwa  ry’ibiharuro vyo mu  gisata kijejwe gutunganya ibiharuro   bijanye n’iterambere muri ubwo bushikiranganji.

Intwazangabo mu gisirikare zijejwe ibikorwa n’ibisata  bitandukanye zari zatumiwe kugira zitange intererano y’ukugene hoshirwaho ihuriro ry’ibiharuro   bijanye n’iterambere mu bushikiranganji bwo kwivuna abansi. Bukaba bwari bwatumiye abahinga batandukanye  na cane cane abo mu gisata ISTEBU ngo bababwire uko vyogenda kugira igisata gitunganya ibijanye n’ibiharuro mu rwego rwo kwivuna abansi gikore neza gutyo ibizovamwo bize bifashe abategetsi bo mu bushikiranganji bwo kwivuna abansi gufata ingingo zibereye.Umunyamabanga ntayegayezwa mu bushikiranganji bwo kwivuna abansi no kwitaho abahoze ku rugamba, Aloys Ndayikengurukiye yamenyesheje ko hari akarusho kanini cane kuko ngo bahora badafadikanije n’ico gisata ariko ngo ukintu ciyongeye ni uko ibiharuro vyose bazoba bakeneye bazobisanga muri iryo huriro batarinze kuja mu bindi bisata kimwe kimwe nk’uko bahora babikora.Yarangije amenyesha ko ivya ngombwa bikenewe  kugira uwo mugambi urangurwe  bihari ngo ibindi navyo bazoza barabironka uko iminsi igenda bakaba kandi bizeye ko na Reta izobibaronsa.
Abavuga ivy’ubuzi bwoba bwimirije gutangwa mu bitaro vy’abasirikare vyo mu Kamenge ngo ni abangushi
ruhande y’iyo nama nkarishabwenge ijanye n’ikoreshwa ry’ibiharuro bijanye n’iterambere, ubushikiranganji  bwo kwivuna abansi no kwitaho abahoze ku rugamba, bubicishije ku muvugizi wabwo, Koroneri Baratuza Gaspard  bwarabeshuje amakuru amaze iminsi aca ku mbunga  ngurukanabumenyi  avuga yuko ibitaro vy’abasirikare vyo mu Kamenge vyoba vyimirije gutanga akazi ku baganga cumi na batanu (15) hamwe n’abaforoma bashika ku majana abiri na bane (204).Koroneri Gaspard Baratuza  akaba yamenyesheje ko ubwo bushikiranganji buboneyeho kumenyesha abarundi n’amakungu yuko abakwiragiza izo nkuru ari ibindi bashaka gushikako mugabo atari vyo nagatoyi. Ngo ntihagire rero umuntu n’umwe ahendwa ngo hagire abamwaka ibi na biriya ngo nivyaba ngombwa yuko ivyo bitaro bikenera abo bishobora gukoresha bizoca mu binyamakuru bizwi vya Reta nka « Le Renouveau » canke ahandi hose mu matangazo. Yarangije asaba ko hatogira ababesha abarundi ngo  babake igiturire ku mvo izi na ziriya.  
 Gloriose Nshimirimana (Uwimenyereza)

 

 

 

Hagiye gucibwa imikobeko ahari isi ihanamye mu ntara z’Uburundi

pag10Icegera ca mbere c’Umukuru w’igihugu, Gaston Sindimwo atera akamo abarundi kwijukira gukingira isi ndimwa mu guca imikobeko bakayiterako ubwatsi, mu ntumbero yo gushigikira no gufata isi ndimwa itwarwa n’inkukura. Ubwo bwatsi haruhande yo gufasha gukingira iyo si ndimwa, ngo buzonafasha kugaburira ibitungwa narirya hagiye gusohoka itegeko ritunganya gushasha ivy’ubworozi, aho ibitungwa vyose bigiye kwororerwa mu mpongore. Icegera ca mbere c’Umukuru w’igihugu, Gaston Sindimwo atera akamo abarundi kwijukira gukingira isi ndimwa mu guca imikobeko bakayiterako ubwatsi, mu ntumbero yo gushigikira no gufata isi ndimwa itwarwa n’inkukura. Ubwo bwatsi haruhande yo gufasha gukingira iyo si ndimwa, ngo buzonafasha kugaburira ibitungwa narirya hagiye gusohoka itegeko ritunganya gushasha ivy’ubworozi, aho ibitungwa vyose bigiye kwororerwa mu mpongore. Ivyo bikaba biri mw’ijambo Icegera ca mbere c’Umukuru w’igihugu, Gaston Sindimwo yashikirije, ku wa 14 Gitugutu 2017, abanyagihugu ku mutumba Rutambiro, muri komine Mugongo-Manga, iri mu ntara ya Bujumbura, aho hariko hahimbazwa umunsi mpuzamakungu wahariwe gukinga ibiza no kugarukira ku bo vyashikiye.

Umunsi wahimbajwe mu Burundi ku civugo «Ntihigera haruta iwawe».Nk’uko, Gaston Sindimwo yabandanije abishikiriza, ngo Reta y’Uburundi yiyemeje gukora ibikorwa vyo guhangana n’ivyo biza hamwe no kugarukira kubo vyashikiye. Mu mwaka w’2016, mu ntumbero yo kugarukira ku bo vyashikiye, ngo harabaye ugutanga amaraso ku buryo ata muntu ashobora kubura amaraso na cane cane abapfasoni batakaza amaraso menshi bariko baratanga ubuzima. Vyongeye, ngo umugambi w’i Sendai wo kuva mu mwaka w’2015 gushika mu mwaka w’2030 ngo Reta igiye kubandanya ikora ibikorwa vyo gukingira ibisagara hamwe n’inyubako.Muri ivyo bikorwa, ngo mu mwaka w’2017, haratangujwe mu kiringo c’umwaka  umugambi wo guca imikobeko bakanayiterako ubwatsi ahantu hose hari isi ihanamye mu ntara zose z’Uburundi. Ubwo bwatsi haruhande yo gufata isi ndimwa, ngo buzofasha kugaburira ibitungwa narirya ibitungwa bigiye kwororerwa mu mpongore. Bisubiye, ngo Reta irashimira abo bose bayishigikira mu migambi yo gukinga ibiza. Icegera ca mbere c’Umukuru w’igihugu yasavye ababijejwe ko imbere yuko umwaka w’2020 uhera bokwereka ishusho y’Uburundi uko buzoba bumeze mu guhangana n’ibiza. Yaboneyeho akaryo ko gutera akamo abanyagihugu bo mu ntara ya Bujumbura kwirinda ibiza.Ibiza kandi ngo biri ubwoko bwinshi ngo si imvura nyinshi, uruzuba canke umuriro, ngo hari n’ivyo igihugu caciyemwo mu mwaka w’2015, navyo ngo ni ikiza mu bindi. Muri kino gihe ngo amahoro n’umutekano biriko birasasagara.Yabasavye  rero gutera akamo bagenzi babo bahunze guhunguka, baze bifatanye na bagenzi babo kwubaka igihugu.

Umunyamabanga ntayegayezwa mu bushikiranganji bw’uburimyi n’ubworozi, Sévérin Bagorikunda nawe yamenyesheje ko umugambi wo guca imikobeko uje hageze kubera abarundi berenga ibice 90% batunzwe n’uburimyi n’ubworozi. Vyongeye, ngo uko umwaka utashe, mu ntara kama ya Mirwa, ngo inkukura itwara amatoni 100 y’ivu kw’ihegitari, mu ntara kama ya Buyogoma igatwara amatoni 18 hamwe n’amatoni 4 mu ntara kama za Buyenzi na Kirimiro. Kuri uwo murindi, ngo bizotuma isi ndimwa ita uburyohe bwayo mu myaka iri imbere. Amatongo akingiwe rero, ngo bizotuma abarimyi bimbura n’umusesekara uboneke bashobora gushora ku masoko yo hanze y’Uburundi. Iruhande y’igikorwa co guca imikobeko, Sévérin Bagorikunda yamenyesheje ko yisunze utwigoro twa Reta two kuronsa  abarimyi ifumbire ku giciro kitavuna, imbuto zirobanuye, kuvomera indimiro hamwe no kurima igiterwa mu ntara cimbukamwo  ngo nta nkeka ko izo ngingo zose zizotuma umwimbu wiyongera.Tubamenyeshe ko uwusanzwe arongoye ishirahamwe mpuzamakungu rijejwe iterambere PNUD, Garry Conille yamenyesheje ko ataco ritazokora kugira rishigikire utwigoro two gukinga impanuka ziturutse kw’ihindagurika ry’ibihe, ndetse ngo ni n’akaryo keza ko gusaba ko amasezerano y’i Sendai yoshirwa mu ngiro. Ibikorwa vy’uwo munsi vyari vyatunganijwe n’ubushikiranji bw’umutekano, aho n’umushikiranganji aburamutswa Guillaume Bunyoni yari yahishikiye ari kumwe na mugenzi we wo gushigikirana Martin Nivyabandi.     

Déo Misigaro                                                                                                        

 

 

Umugambwe Sahwanya FRODEBU Nyakuri iragi rya Ndadaye urasaba ko ukuri kw’igandagurwa ryiwe kwoja ahabona

Umugambwe Sahwanya FRODEBU Nyakuri iragi rya Ndadaye waratunganije ku wa 20 Gitugutu 2017 i Bujumbura ikiganiro ku bamenyeshamakuru. Uwurongoye uwo mugambwe, Kefa Nibizi akaba yamenyesheje ko umugambwe arongoye usaba abarundi bose ko igenekerezo rya 21 Gitugutu 2017 ryo kwibuka imyaka 24 iheze incungu ya demokarasi igandaguwe, ryobabera akaryo ko kwirimbura bakaraba ko bacubahiriza ingendo ya demokarasi. Yabandanije amenyesha ko kugira inyifato inyuranye na demokarasi ataho bitaniye no gushinyagurira uwitanze akigura intwaro rusangi Melchior Ndandaye. Nibizi yarateye akamo abahevye amatora bagahitamwo inzira y’igikenye kugaruka mu nzira y’intwaro rusangi mu ntumbero yo gusonera incungu ya demokarasi. Yaramenyeheje ko umugambwe Sahwanya FRODEBU Nyakuri iragi rya Ndadaye wasavye abafasha mu biganiro bihuza abarundi vyatangujwe n’akarere k’ibihugu vya Afirika y’ubuseruko ko bobisozera mu maguru masha, hagati y’abanyeporitike badakurikiranwa n’ubutungane bw’Uburundi kugira intwaro rusangi ishishikare gushinga imizi.nyakuri

Ngo uwo mugambwe Sahwanya FRODEBU Nyakuri iragi rya Ndadaye utera akamo abarundi bose bahungiye hanze y’igihugu na cane cane abanyeporitike bagomba gukoresha ubuhungiro nk’umukenyuro wa poritike ngo bagaruke mu gihugu cabibarutse kugira bafashanye n’abandi barundi kwubaka «Uburundi bushasha » bwatangujwe na Ndadaye. Nibizi yamenyesheje ko umugambwe arongoye usaba ushimitse Reta y’Uburundi kubandanya urubanza rw’abagandaguye Ndadaye kugira abateguye ubwo bwicanyi bamenyekane bongere bakubitwe intahe mu gahanga. Ku bw’uwo mugambwe, ngo ntivyumvikana ko hari uguhanwa gusa abatumwe gukora ico caha c’agahomerabumwa, ababatumye nabo bakaba batarakorwako. Uwo mugambwe usaba kandi ko urubanza rw’abagandaguye Ndadaye rwokurwa mu mabi umurwi wo kuvugana ukuri no kurekuriranira CVR uriko uratohozako gutyo ubutungane bw’Uburundi bukabandanya igikorwa cabwo narirya bamwe mu bagirizwa ako kabi kabishe bamaze gucibwa urubanza. Uwo mugambwe urateye intege Reta y’Uburundi gutohoza neza kugira bimenyekane  ko ata bindi bihugu bifise uruha mw’igandagurwa rya Ndadaye hanyuma ukuri kwose kuri muri ubwo bwicanyi kumenyekane.Umugambwe Sahwanya FRODEBU Nyakuri iragi rya Ndadaye waratunganije ku wa 20 Gitugutu 2017 i Bujumbura ikiganiro ku bamenyeshamakuru. Uwurongoye uwo mugambwe, Kefa Nibizi akaba yamenyesheje ko umugambwe arongoye usaba abarundi bose ko igenekerezo rya 21 Gitugutu 2017 ryo kwibuka imyaka 24 iheze incungu ya demokarasi igandaguwe, ryobabera akaryo ko kwirimbura bakaraba ko bacubahiriza ingendo ya demokarasi. Yabandanije amenyesha ko kugira inyifato inyuranye na demokarasi ataho bitaniye no gushinyagurira uwitanze akigura intwaro rusangi Melchior Ndandaye. Nibizi yarateye akamo abahevye amatora bagahitamwo inzira y’igikenye kugaruka mu nzira y’intwaro rusangi mu ntumbero yo gusonera incungu ya demokarasi. Yaramenyeheje ko umugambwe Sahwanya FRODEBU Nyakuri iragi rya Ndadaye wasavye abafasha mu biganiro bihuza abarundi vyatangujwe n’akarere k’ibihugu vya Afirika y’ubuseruko ko bobisozera mu maguru masha, hagati y’abanyeporitike badakurikiranwa n’ubutungane bw’Uburundi kugira intwaro rusangi ishishikare gushinga imizi. Ngo uwo mugambwe Sahwanya FRODEBU Nyakuri iragi rya Ndadaye utera akamo abarundi bose bahungiye hanze y’igihugu na cane cane abanyeporitike bagomba gukoresha ubuhungiro nk’umukenyuro wa poritike ngo bagaruke mu gihugu cabibarutse kugira bafashanye n’abandi barundi kwubaka «Uburundi bushasha » bwatangujwe na Ndadaye. Nibizi yamenyesheje ko umugambwe arongoye usaba ushimitse Reta y’Uburundi kubandanya urubanza rw’abagandaguye Ndadaye kugira abateguye ubwo bwicanyi bamenyekane bongere bakubitwe intahe mu gahanga.

Ku bw’uwo mugambwe, ngo ntivyumvikana ko hari uguhanwa gusa abatumwe gukora ico caha c’agahomerabumwa, ababatumye nabo bakaba batarakorwako. Uwo mugambwe usaba kandi ko urubanza rw’abagandaguye Ndadaye rwokurwa mu mabi umurwi wo kuvugana ukuri no kurekuriranira CVR uriko uratohozako gutyo ubutungane bw’Uburundi bukabandanya igikorwa cabwo narirya bamwe mu bagirizwa ako kabi kabishe bamaze gucibwa urubanza. Uwo mugambwe urateye intege Reta y’Uburundi gutohoza neza kugira bimenyekane  ko ata bindi bihugu bifise uruha mw’igandagurwa rya Ndadaye hanyuma ukuri kwose kuri muri ubwo bwicanyi kumenyekane.

Aline Kanyana

 

 

API: Amashirahamwe yababa 500 ngo niyo yemerewe gukora mu mezi atatu aheze

apiiiMu kiringo c’amezi atatu, ngo mu kigo kijejwe kworohereza abanyamitahe API baranditse amashirahamwe y’ababa 500 yiyemeje gutanga ubuzi bugera ku 3335. Ugereranije n’ikiringo nk’ico co mu mwaka w’2016, ngo amashirahamwe yashinzwe yiyongereye ku rugero rw’ibice 2,8%. Kuva muri Nzero gushika muri Nyakanga uno mwaka, ngo hamaze kwandikwa amashirahamwe 1659 kugira akorere mu Burundi. Ivyo ni ivyashikirijwe n’umuyobozi w’ikigo API, Didace Ngendakumana, ku wa 20 Gitugutu 2017, aho yariko ashikiriza ivyaranguwe n’ico kigo mu mezi atatu aheze yongera yishura n’ibibazo vy’abamenyeshamakuru. Mu kiringo c’amezi atatu, ngo mu kigo kijejwe kworohereza abanyamitahe API baranditse amashirahamwe y’ababa 500 yiyemeje gutanga ubuzi bugera ku 3335. Ugereranije n’ikiringo nk’ico co mu mwaka w’2016, ngo amashirahamwe yashinzwe yiyongereye ku rugero rw’ibice 2,8%.

Kuva muri Nzero gushika muri Nyakanga uno mwaka, ngo hamaze kwandikwa amashirahamwe 1659 kugira akorere mu Burundi. Ivyo ni ivyashikirijwe n’umuyobozi w’ikigo API, Didace Ngendakumana, ku wa 20 Gitugutu 2017, aho yariko ashikiriza ivyaranguwe n’ico kigo mu mezi atatu aheze yongera yishura n’ibibazo vy’abamenyeshamakuru.Nk’uko Didace Ngendakumana yabandanije abishikiriza, ngo ku mashirahamwe yababa 500 yanditswe, ibice 93,3% vyayo ngo ni amashirahamwe y’abarundi, ibice 4,6% navyo ni amashirahamwe y’abanyamahanga. Ibindi bice birenga gato 2% ngo ni amashirahamwe acanze, ni ukuvuga ko imitahe yayo ari iy’abarundi icanze n’iy’abanyamahanga. Vyongeye, ngo ibice 4,6% vy’amashirahamwe y’abanyamahanga yashinzwe, ngo beneyo bakomoka muri Afrika n’ahandi hose kw’isi.Mu gisata co gutanga impapuro zitanga uturusho, ngo amashirahamwe yashoboye kuronswa uturusho dutegekanijwe n’ibwirizwa rigenga imitahe mu kiringo c’amezi atatu, ngo hatanzwe impapuro 6. Ayo mashirahamwe akaba afise umutahe urenza imiriyaridi 10 z’amafaranga y’amarundi. Ibice 50% vy’ayo mashirahamwe ngo ni imitahe ikomoka hanze y’igihugu nayo ikaba iharurwa mu mafaranga y’amarundi agera ku miriyaridi 4. Ayo mashirahamwe akaba asanzwe arangurira imirimo yayo mu bisata bitandukanye arivyo :

amasoko ntanganguvu n’agataka, amahinguriro, uburimyi no mu gisata ca ba mukerarugendo. N’aho ivyaranguwe n’ikigo API bishimishije, ngo ico kigo kirahanzwe n’uburyo buke bw’amafaranga hamwe n’ibikoresho.Ku  vyeerekeye ibindi vyaranguwe n’ikigo API ngo muri ico kiringo c’amezi atatu, haratunganijwe ibikorwa bitandukanye ku barwizatunga mu ntumbero yo kurwiza umwimbu w’ibishorwa hanze hamwe no gukarihiriza ubwenge abakozi b’ico kigo. Ikigo API ngo caranatunganije amahayanishwa-gurisha y’ibihingurirwa mu bihugu vya Kenya na Tanzaniya, aho abarwizatunga bo muri ivyo bihugu bashoboye kuganira n’abagenzi babo b’abarundi. Ku kibazo co kumenya aho bagejeje kugarura amafaranga yanyonowe biciye mu turusho dutangwa, abaduhawe ntibarangure ivyo biyemeje gukora, ngo ico ni igikorwa c’ikigo kijejwe gutororokanya amakori n’amatagisi OBR, kandi ngo biriko bigenda neza yisunze amakete bandikiranira. Ku bijanye n’uturusho, ngo mu kigo API basigaye babikurikirana intambwe ku yindi, aho batagitanga impapuro zigenga utwo turusho ku wutanze umugambi atarawushira mu ngiro. Ku mafaranga y’agaciro asa n’uko atayariho, umuyobozi w’ikigo API, Didace Ngendakumana yamenyesheje ko kuva ku wa 15 Nyakanga 2017, Uburundi bwagize utwigoro two gutanga umuyagankuba ku barwizatunga, ivyo ngo bizotuma barwiza umwimbu w’ibishorwa hanze, gutyo amafaranga y’agaciro azoshobora kwinjira mu gihugu. Mu gisata co gutwara ibidandazwa, umuyobozi w’ikigo API yamenyesheje ko bagiye guteza imbere umuhora wo mu mazi kubera igiciro co kuzana ibidandazwa mu Burundi kigabanuka ku rugero rw’ibice 40% ugereranije n’iyindi mihora.

Déo Misigaro
                                                                                                   

 

 

Ubushikiranganji bw’amagara y’abantu ngo bwarashitse kw’ihangiro bwari bwihaye mu gice ca 3 c’uyu mwaka

DMkoWUfXUAIN zDIbikorwa bikuru bikuru vyaranguwe mu bushikiranganji bw’amagara y’abantu no kurwanya ikiza ruhonyanganda SIDA mu gice ca 3 c’uyu mwaka w’2017 ngo birashimishije. Ivyo navyo ngo bikorwa hisunzwe intumbero ziri muri politike y’igihugu iraba igisata c’amagara y’abantu hamwe n’umugambi w’iterambere ryayo ubushikiranganji bwishinze kurangura kuva mu 2011 gushika mu 2015 ari nawo ubandanya gushika mu 2018. Ivyo ni ivyashikirijwe n’uwuramutswa ubwo bushikiranganji, Josiane Nijimbere ku wa 20 Gitugutu 2017.Ibikorwa bikuru bikuru vyaranguwe mu bushikiranganji bw’amagara y’abantu no kurwanya ikiza ruhonyanganda SIDA mu gice ca 3 c’uyu mwaka w’2017 ngo birashimishije. 

Ivyo navyo ngo bikorwa hisunzwe intumbero ziri muri politike y’igihugu iraba igisata c’amagara y’abantu hamwe n’umugambi w’iterambere ryayo ubushikiranganji bwishinze kurangura kuva mu 2011 gushika mu 2015 ari nawo ubandanya gushika mu 2018. Ivyo ni ivyashikirijwe n’uwuramutswa ubwo bushikiranganji, Josiane Nijimbere ku wa 20 Gitugutu 2017.Nk’uko yabandanije abimenyesha ngo mu bikuru bikuru vyaranguwe n’ubwo bushikiranganji , hari  ibikorwa vyo gukinga no kuvura abanyagihugu ku ngero zose z’amagara y’abantu, aho hakozwe isekeza ryo gutanga imisegetera irimwo umuti wica imibu mu gihugu cose, ingo zikaba zararonkejwe imisegetera ku rugero rw’ibice 96%. Mu ntumbero yo kugabanya impfu zishikira abakenyezi bariko baratanga ubuzima hamwe  n’inzoya, abaganga banonosoye igisata co kwakira abavyeyi ngo bararanguye igikorwa co kwigishiriza abaganga aho basanzwe bakorera mu bitaro vyo mu Kayanza ; urwaruka ruri mu buruhuko rwararonkejwe inyigisho zo kwirinda SIDA n’izindi ndwara zifatira mu bihimba vy’irondoka hamwe n’irondoka rijanye n’amagara meza. Mw’iringanizwa ryo gukoresha abakozi b’ubushikiranganji, ngo haranditswe urutonde rushasha rw’abakozi bose b’ubushikiranganji bari ku kazi. Ku vyerekeye inyubakwa n’ibikoresho vyo kwa muganga, ngo hararangijwe ibikorwa vyo kwubaka ibiro vy’akarere k’ubuvuzi ka Muramvya n’ivyo gusubiramwo kwubaka ibitaro vy’i Muramvya. Ku vyerekeye intumbero yo gushigikira ibikorwa vyo gutwara neza mu gisata c’amagara y’abantu, ngo haratangujwe umugambi mushasha witwa «Kira » ushigikiwe n’Ibanki y’isi yose ku rugero rw’amafaranga angana n’imiriyoni 50, ngo harabaye kandi n’inama yo gufata ingingo zo gutuza urudandazwa rwa magendo rw’imiti.

Ku vyerekeye gutunganya ingene ibiharuro biva mu mavuriro n’ibitaro bitangwa, ngo barabandanije ibikorwa vyo gutanga imashini nyabwonko mu bitaro vyo mu ntara zikurikira : Ngozi, Kirundo, Gitega, Cankuzo na Muramvya. Ngo barasohoye kandi igitabu kirimwo ibiharuro vyose vya nkenerwa bijanye n’ivyaranguwe mu gisata c’amagara y’abantu mu 2016.Umushikiranganji  Josiane Nijimbere yarongeye amenyesha imigambi y’ibigiye kurangurwa mu gice ca kane c’uyu mwaka w’2017. Muri iyo migambi ngo bagiye kubandanya igikorwa co kugenzura amavuriro, inzu z’ubudandaji n’amashure y’ubuvuzi, ngo bazoshimikira kandi ku gikorwa co kugenzura ko abanyagihugu baronka imiti ivura neza, ko ikwije ivyankenerwa vyose biri mu muti uhinguwe neza; bazobandanya ibikorwa vyo kwitaho ibikoresho vy’akazi, bazobandanya indwi igira kabiri yerekeye amagara meza ku bavyeyi n’ibibondo, bazobandanya ishirwa mu ngiro ry’imigambi ya Reta mu gisata c’amagara y’abantu, ngo bagiye gutanguza umugambi wo kurwanya indwara ziturutse ku gufungura nabi mu ntara za Makamba na Rutana hamwe n’umugambi mushasha ujejwe amagara y’abantu wo kuva mu 2018 gushika mu 2023.

Ku bijanye n’ibibazo vy’abamenyeshamakuru, barashatse kumenya igituma hari amakuru avuga ko Ikigega c’isi yose kijejwe kurwanya SIDA, igituntu na marariya kigiye kuva mu Burundi. Umushikiranganji akaba yishuye ko ico kigega kitavuye mu gihugu c’Uburundi ahubwo ngo abantu benshi batahuye nabi ikete banditse gutyo ngo haca hakwiragizwa amakuru atariyo. Ngo abantu ni batekane kuko ngo amafaranga ico kigega categekanirije Uburundi azobandanya aza, gusa ngo cahinduye aho kigiye gucisha ayo mafaranga aho naho ngo ni mw’ishirahamwe PNUD kandi ngo ivyo bibaho no mu bindi bihugu. Ku bijanye n’ikibazo kihari co gufungura nabi, Josiane Nijimbere yamenyesheje ko hakwiye ihimirizwa ry’abanyagihugu bose kuko ngo umuntu arashobora gufungura neza akongera agafungurira neza abana ata mutahe akoresheje. Aho naho ngo abamenyeshamakuru bafise uruhara ntangere kandi ngo izo ndwara zirashobora guhera burundu.

 Estella Niyongere   

 

 

Indongozi z’abarundi zabagiye imbere mu kwitegurira amatora biciye mu ntererano zabo

ccvvccKw’igenekerezo rya 20 Gitugutu 2017, niho umushikiranganji w’umutekano, Alain Guillaume Bunyoni yari aramutse atanga intererano y’umuryango wiwe ingana n’imiriyoni zine n’ibihumbi amajana atanu z’amarundi ,izofasha mu gutunganya amatora yo mwaka w’2020, akaba yayitangiye ku cicaro c’ibanki nkuru y’igihugu (BRB)  i Bujumbura. Kw’igenekerezo rya 20 Gitugutu 2017, niho umushikiranganji w’umutekano, Alain Guillaume Bunyoni yari aramutse atanga intererano y’umuryango wiwe ingana n’imiriyoni zine n’ibihumbi amajana atanu z’amarundi ,izofasha mu gutunganya amatora yo mwaka w’2020, akaba yayitangiye ku cicaro c’ibanki nkuru y’igihugu (BRB ) i Bujumbura.Umushikiranganji Alain Guillaume Bunyoni akaba yaciye amenyesha, ko nk’uko Umukuru w’igihugu, Petero NKURUNZIZA  yatanguye isemo yongera asaba yuko n’abarundi bose bivanye n’uko  bagumye babisaba mu biganiro vyahuje abarundi bose, nabo boheza bakagira umwe wese ico aterereye kugira ngo hazobe amatora meza mu 2020. Ngo ni muri iyo ntumbero we n’umuryango wiwe baciye bafata umugambi wo kwisuganya kugira ngo begeranye duke duke, ari naco gituma bashoboye kuronka igitigiri c’amafaranga y’amarundi imiriyoni zine n’ibihumbi amajana atanu (4500000FBU) azofasha mu gikorwa c’amatora. Twobibutsa ko Prezida NKURUNZIZA yatanze intererano y’umuryango wiwe ingana n’5000.000FBu ku wa 7 Myandagaro 2017, Icegera ca mbere c’Umukuru w’igihugu, Gaston Sindimwo nawe akaba yatanze intererano y’umuryango wiwe ingana n’2.000.000FBu ku wa 7 Nyakanga 2017. Izo nterereno ngo si ntabanduka kuko biyemeje kuzoza barongerako ayandi uko bazoyaronka kwose. 

Evelyne Niyonzima

 

 
Ouvrir