Publications de Presse Burundaise, Rohero I Avenue de la JRR N°17 Immeuble le SAVONNIER, Téléphone standard : (257) 22 22 62 32, Fax :(257) 22 22 58 94, email: pressequotidienne@yahoo.fr

Mu ntara ya Karusi : Ivyuma bitanga umuyagankuba n’umuhora ucamwo vyasanuwe muri komine Nyabikere vyarashikirijwe icese

karusiiiKw’igenekerezo rya 19 Gitugutu 2017, niho haba ibirori vyo gushikiriza icese ivyuma bitanga umuyagankuba n’umuhora ucamwo vyasanuwe muri komine Nyabikere, intara ya Karusi.Ivyo birori vyabereye kw’ishure shingiro riri muri komine Nyabikere bikaba vyari birongowe n’umwunganirizi w’umushikiranganji w’amasoko ntanganguvu, ubutare n’agataka Laurent Mbonihankuye, inyuma y’aho yari avuye kugendera  urwo rugomero ku mutumba wa Rwandagaro  yongera ashikiriza icese ivyuma bitanga umuyagankuba hakoreshejwe imishwarara y’izuba .Kw’igenekerezo rya 19 Gitugutu 2017, niho haba ibirori vyo gushikiriza icese ivyuma bitanga umuyagankuba n’umuhora ucamwo vyasanuwe muri komine Nyabikere, intara ya Karusi. Ivyo birori vyabereye kw’ishure shingiro riri muri komine Nyabikere bikaba vyari birongowe n’umwunganirizi w’umushikiranganji w’amasoko ntanganguvu, ubutare n’agataka Laurent Mbonihankuye, inyuma y’aho yari avuye kugendera  urwo rugomero ku mutumba wa Rwandagaro  yongera ashikiriza icese ivyuma bitanga umuyagankuba hakoreshejwe imishwarara y’izuba. Mw’ijambo ry’uwo munsi, Laurent Mbonihankuye yamenyesheje abari ngaho ko kabaye n’akaryo ko gushikiriza icese ibindi bikorwa nk’ivyo vyaranguwe muri komine Butezi, intara ya Ruyigi no muri komine Rumonge, intara ya Rumonge.

 Nk’uko yabandanije abivuga ngo ivyo bikorwa vyo kunagura ivyuma bitanga umuyagankuba kuri izo ngomero hamwe no gusubiramwo imihora iwushikana aho abenegihugu bawukoreshereza vyaranguwe  n’ishirahamwe rya Reta  rijejwe imigenderanire mu mashure ya kaminuza (ICU) rifadikanije n’ishirahamwe ry’igihugu rijejwe gukwiragiza no gukurikirana ivyerekeye umuyagankuba hagati mu gihugu ABER. Kugira ngo ivyo bikorwa bishoboke naho ngo hakaba hakoreshejwe amafaranga yatanzwe n’Ishirahamwe ry’ibihugu vya Buraya nk’imfashanyo mu gihugu c’Uburundi. Ivyo bikorwa kandi ngo biri mu migambi Reta y’Uburundi yihaye yo guteza imbere abanyagihugu no kurwanya ubukene, na cane cane biciye mu gukwiragiza umuyagankuba aho utari no kwongereza aho wari usanzwe ari muke. Umugambi kandi wo gushikiriza umuyagankuba abanyagihugu ngo uri mu migambi 17 ishirahamwe mpuzamakungu ONU ryiyemeje gushira imbere kugira hashigikirwe iterambere rirama kw’isi yose gushika mu mwaka w’2030.Laurent Mbonihankuye akaba yarashimiye abitavye ivyo birori yongera asaba abanyagihugu kubungabunga ayo masoko ntanganguvu n’iyo mihora vyasanuwe i Nyabikere, i Kigwena (komine Rumonge )  n’i Butezi mu ntumbero y’ugutunganya ibikorwa vyo kwiteza imbere no guteza imbere igihugu.  Yarangije amenyesha ko ayo masoko ntanganguvu n’iyo mihora y’umuyagankuba bizobandanya bibungabungwa na rya shishirahamwe ABER ari naryo rizobaronsa amakonteri ku bazoba bayakeneye kugira bashobore kuwukoresha. Buramatari w’Intara ya Karusi, Calinie Mbarushimana nawe mw’ijambo ry’ikaze akaba yarakengurutse iyo ngabire yongera arakenguruka kandi no mu kibanza ca baburamatari baronkejwe uwo muyagankuba kuko ngo bari bamutumye.

Yaciye kandi asaba ko bosubira bakazogerageza kwongereza kugira ngo uwo muyagankuba bawuronke no mw’ijoro ngo kubera uboneka ku murango gusa. Abanyagihugu nabo yabasavye kuwukoresha neza. Uwuserukira ishirahamwe ry’Ubumwe bwa Buraya Wolfram Vetter  nawe akaba yaramenyesheje ko uyo muyagankuba uzobafasha mu buzima bwabo bwa minsi yose yongera ababwira ko boja ku kivi bakiteza imbere. Yaciye asaba abajejwe intwaro gufasha kugirango ivyo bikorwa bakoze ntibize vyononekare yongera yemera ko mw’ishirahamwe rya Buraya bazoguma bumviriza ivyo Uburundi bubasaba ibishoboka bakabifasha.Uwuserukira ishirahamwe ICU nawe akaba yarashimiye abo bakoranye muri iryo shirahamwe ABER hamwe n’ishirahamwe ry’Ubumwe bwa Buraya ryatanze uburyo yongera nawe nyene asaba abajejwe intwaro n’abanyagihugu gukoresha neza uwo muyagankuba .
 Christine Manirambona

 

 

Inama igira 137 y’ihuriro ry’ Inama Nshingamateka na Nkenguzamteka zo kw’isi yabaye ngirakamaro

nyabInama igira 137 y’ihuriro ry’Inama Nshingamateka na Nkenguzamteka zo kw’isi yabereye i Saint Petersburg mu gihugu c’Uburusiya yitabwe n’ibihugu birenga amajana 2 ngo yabaye ngirakamaro ku Burundi. Ivyo vyamenyeshejwe n’umukuru w’Inama Nshingamateka y’Uburundi,Pascal Nyabenda ku mugoroba wo ku wa  20 Gitugutu 2017, aganutse ava mu gihugu c’Uburusiya aho  yari yagiye arongoye intumwa z’Uburundi. Inama igira 137 y’ihuriro ry’Inama Nshingamateka na Nkenguzamteka zo kw’isi yabereye i Saint Petersburg mu gihugu c’Uburusiya yitabwe n’ibihugu birenga amajana 2 ngo yabaye ngirakamaro ku Burundi. Ivyo vyamenyeshejwe n’umukuru w’Inama Nshingamateka y’Uburundi,Pascal Nyabenda ku mugoroba wo ku wa  20 Gitugutu 2017, aganutse ava mu gihugu c’Uburusiya aho  yari yagiye arongoye intumwa z’Uburundi. Umukuru w’Inama Nshingamateka akaba yamenyesheje kandi ko iyo nama yama iba kabiri mu mwaka, muri Ndamukiza no muri Gitugutu. Muri iyo nama rero ngo bari baramutse barabira hamwe ibijanye no guteza imbere imico kama n’akaranga biciye mu madini n’ubudasa hagati y’abantu nk’amoko mu ntumbero yo gutsimbataza amahoro n’umubano mwiza kw’isi.

Ngo yararonse umwanya wo gushikiriza ijambo, aho yamenyesheje ko mu Burundi vyoroshe  gutsimbataza imico n’akaranga kuko abarundi bavuga ururimi rumwe nayo ivyerekeye ubwoko bikaba vyatorewe inyishu n’amasezerano y’i Arusha. Ayo masezerano ngo yatumye inzego zitsimbatara kuko ubwoko bwose buba buserukiwe muri izo nzego. Ngo yaramenyesheje kandi ko baranguye n’ikindi gikorwa gihamabaye co gutora uwugiye kurongora iryo huriro ry’Inama Nshingamateka na Nkenguzamteka kubera uwahora arirongoye aturuka mu gihugu ca Bangladesh yarangije ikiringo ciwe. Muri ico kibanza rero ngo hitoje abakenyezi babiri,  umwe aturuka mu gihugu ca Mexique, uwundi mu gihugu  ca Uruguay ; hakaba hatowe umupfasoni Baron Gabriela aturuka muri Mexique. Uburundi ngo bwari bwabaye ubwa mbere mu kumurungikira ubutumwa bwo kumushigikira mbere ngo bikaba vyaramushimishije. Uwo yatowe ngo ni nawe Uburundi bwari bushigikiye.Uburundi bukaba bwaratewe iteka ryo gutora kubera bwari bukwije ibisabwa. Aho ni mu gihe ibihugu bitari bwatange intererano yavyo bitari vyemerewe gutora. Haruhande y’iyo nama, umukuru w’Inama Nshingamateka y’Uburundi,         Pascal Nyabenda ngo yarabonanye n’intumwa z’igihugu c’Uburusiya zari zirongowe n’umukuru w’Inama Nshingamateka y’Uburusiya. Igihugu c’Uburusiya rero ngo kikaba carashimye ukugene Uburundi bwama bwagishigikiye, umukuru w’Inama Nshingamateka y’Uburundi nawe ngo akaba yarashimye ukugene Uburusiya bwama bwashigikiye Uburundi igihe buba buriko burafatirwa ingingo z’agahotoro n’amakungu. Ngo yarabonanye kandi n’umunyamabanga nshingwabikorwa w’iryo huriro kuko muri iyo nama yari yamenyesheje ko Uburundi budatera imbere mu bijanye n’umutekano. Umukuru w’Inama Nshingamateka Pascal Nyabenda akaba yashaka kumwumvisha ko Uburundi bwateye imbere mu bijanye no gutsimbataza amahoro n’umutekano ku buryo ubu buriko bwitegurira amatora yo mu mwaka w’2020. No muri iyo nama ngo ntivyakunze ko yihangana yumvise ivyo uwo munyamabanga nshingwabikorwa yavuze ku Burundi kuko yaciye ashikiriza ijambo. Yamenyesheje kandi ko yabonanye n’umukuru w’Inama Nshingamateka ya Tanzaniya aho bavuganye ibijanye n’Inama Nshingamateka y’ishirahamwe rya Afrika y’ubuseruko (EALA) idakora muri kino gihe. Ngo yarabonanye kandi n’abarongoye Inama Nshingamateka z’ibihugu vya Zambiya, Misiri na Guinée Bissau.  Yaramenyesheje kandi ko yabonanye n’intumwa z’ibihugu vya Tuniziya na Maroc. Urwo rugendo rero ngo rwabaye ngirakamaro kuko rwafashije gukomeza imigenderanire y’Inama Nshingamateka na Nkenguzamateka z’Uburundi n’iz’ibihugu biri muri iryo huriro. Yarongeye amenyesha ko yabonanye n’abarongoye kaminuza y’i Saint Petersburg, Inama Nshingamateka yaho hamwe n’abanyeshure b’abarundi biga muri iyo kaminuza.

Epitace Nduwayo

 

 

Abarundi bahamagariwe kurongorwa n’umutima w’ikigongwe mu kwibuka kahise k’igihugu cabo

ndadayUko umwaka utashe ku wa 21 Nyakanga, abarundi bama  bibuka igandagurwa ry’umukuru w’igihugu wa mbere yatowe n’abanyagihugu Melchior  Ndadaye.  Rero ku wa 21 Gitugutu w’2017 mu ntara zose z’igihugu abarundi bari baramutse bibuka imyaka 24 iheze incungu ya demokarasi Melchior Ndadaye agandaguwe n’abansi ba Demokarasi. Ibirori nyamukuru bikaba vyabereye mu gisagara ca Bujumbura, aho vyatanguriwe n’inkuka ya misa yaherejwe n’umwungere wa Diyoseze nkuru ya Bujumbura, Evariste Ngoyagoye. Uko umwaka utashe ku wa 21 Nyakanga, abarundi bama  bibuka igandagurwa ry’umukuru w’igihugu wa mbere yatowe n’abanyagihugu Melchior  Ndadaye.  Rero ku wa 21 Gitugutu w’2017 mu ntara zose z’igihugu abarundi bari baramutse bibuka imyaka 24 iheze incungu ya demokarasi Melchior Ndadaye agandaguwe n’abansi ba Demokarasi. Ibirori nyamukuru bikaba vyabereye mu gisagara ca Bujumbura, aho vyatanguriwe n’inkuka ya misa yaherejwe n’umwungere wa Diyoseze nkuru ya Bujumbura, Evariste Ngoyagoye. 

Ivyo birori vy’uwo munsi bikaba vyari vyitabwe n’Umukuru w’igihugu Petero NKURUNZIZA ari kumwe n’umutambukanyi wiwe n’abandi banyacubahiro, nk’umukuru w’Inama Nshingamateka, Pascal Nyabenda , icegera ca kabiri c’Umukuru w’igihugu,  Joseph Butore, Umuhuza w’abarundi Edouard Nduwimana  n’abatambukanyi babo, abaserukira ibihugu vyabo mu Burundi , abakozi bakuru bakuru ba Reta n’abandi. Musenyeri Evariste Ngoyagoye yishimikije inkuru nziza ya Luka  ikigabane ca 12, kuva ku murongo w’8 gushika ku murongo w’12  yahanuye abarundi bose abato n’abahambaye ko iryo jambo ryobamurikira, bakibuka  kahise k’amabi yashikiye igihugu cabo bongera basaba ikigongwe Imana, bakarekuriranira, bakarondera  inzira y’ugufashanya bakayoborwa na Mutima mweranda.Inyuma y’iyo nkuka y’imisa, ibirori vyabandanirije ku ngoro yitiriwe uwa mbere Munyonyo, ahasanwe hari intatemwa y’iyo ncungu ya demokarasi Melchior Ndadaye n’iz’ abafasha biwe bandaguwe n’abo bansi ba demokarasi nyene. Umukuru w’igihugu, Petero NKURUNZIZA n’umutambukanyi wiwe bakaba aribo batanguye gushira urugori rw’amashurwe ku ntatemwa y’umuhisi Prezida Melchior Ndadaye, hakurikira abaserukira ibihugu vyabo mu Burundi, umuryango wiwe, hanyuma hakuriye abaserukiye imigambwe yemewe n’amategeko guhera ku mugambwe CNDD-FDD uri ku butegetsi n’iyindi, hongera hakurikira urunani rw’imigambwe yemewe n’amategeko itari mu Nama Nshingamateka,  hakaba n’abandi bagiye barashira amashurwe ku ntatemwa z’ababo bagandaguranywe n’umuhisi Ndadaye. Inyuma y’uwo mugirwa abari ngaho barateze yompi ijambo ryashikirijwe na Prezida Melchior Ndadaye umunsi umugambwe Sahwanya-FRODEBU watahukana intsinzi mu matora y’Umukuru w’igihugu yo ku wa 1 Ruheshi 1993. 

Josélyne Ndayegamiye

Evelyne  Niyonzima 

                                                                                   

 

 

Ngo kirazira ko umuntu yubatse yemererwa kwiga mw’ishure shingiro

DSCF0757Umunyeshure akiri  mw’ishure ryisumbuye ngo kirazira ko yiga asanzwe  yubatse  haba mw’ishure shingiro mbere no mw’ishure ry’abigenga.  Ivyo vyamenyeshejwe n’umuvugizi  w’ubushikiranganji bw’ amashure y’intango n’ayisumbuye, Juma Edouard mu kiganiro yagiranye n’ikinyamakuru UBUMWE  kw’igenekerezo rya 5 Gitugutu 2017.Umunyeshure akiri  mw’ishure ryisumbuye ngo kirazira ko yiga asanzwe  yubatse  haba mw’ishure shingiro mbere no mw’ishure ry’abigenga.  Ivyo vyamenyeshejwe n’umuvugizi  w’ubushikiranganji bw’ amashure y’intango n’ayisumbuye, Juma Edouard mu kiganiro yagiranye n’ikinyamakuru UBUMWE  kw’igenekerezo rya 5 Gitugutu 2017.

Nk’uko yabandanije abimenyesha ngo iryo tegeko ni  ubwa mbere rishizwe ahabona  kuko ngo bakeneye ko abana bose bari kw’ishure bafatwa kumwe  inguvu zose bakazikoresha mu vyigwa ntibaheze ngo biyumvire ibindi  kuko ngo abo baba bubatse aho kwiyumvira ivy’ishure baca bitwararika abana canke abagabo babo. Uwo muvugizi rero akaba yamenyesheje ko iyo ngingo igira 9 muri iryo tegeko  ivugako yuko bategerezwa kuba batubatse. Ariko ubu ngo biragoye kuko ngo hari nk’abari barateshejwe amashure kubera ibi vyahitiye bagaheza bakagaruka baramaze kwubaka  canke ku mvo zindi ariko ngo uko biri kwose nta myaka 20 izohera baciga bisigura ko mu minsi iri imbere ata munyeshure yubatse azoba yiga mu mashure shingiro. Ku boba biga ngo nta rusansuma bagize kugira bamenye abariyo  ariko ngo ico umuntu  yovuga ni uko kuva ubu bazovyitwararika kugira umunyeshure ntiyitwararike ivy’urugo ahubwo yitwararike ivy’ishure.  Intumbero ya vyose rero ngo ni uko abana bokwiga, ntihagire ibindi bintu bibasamaza ngo bibateshe umwanya ngo si amategeko y’ukubacinyiza ahubwo ngo ni amategeko yo gutuma bakora neza  bakitangira amashure ibindi vyose bakabireka.  Ku vyerekeye abanyeshure bishika bagatwara inda bari kw’ishure  ngo itegeko riratomoye, uwo bishikiye rero ngo baraheza bakamurungika kuja kurera uwo mwana gushika akwize umwaka .  Inyuma y’uwo mwaka ngo araheza agasubira  kuja gusaba ikibanza akabandanya yiga.
Christine  Manirambona

 

 

OAG : Uburyo bukoreshwa mu bushikiranganji bw’ubutungane bukwiye kwongerezwa

 

Kw’igenekerezo rya 11Gitugutu 2017 ishirahamwe ryigenga ryiyemeje gukurikirana ingene Reta irangura imigambi yayo (O .A .G) rifadikanije  n’ishirahamwe ry’abacamanza  b ‘abakatorika mu Burundi baratunganije ikiganiro  ku basanzwe bakora mu rwego rw’ubutungane, abaserukira ubushikiranganji bw’ubutungane, abaserukira ubushikiranganji bw’ikigega ca Reta  hamwe n’abamenyeshamakuru mu ntumbero y’ukwigira hamwe akamaro ko kwongereza uburyo bwokoreshwa mu bushikiranganji  bw’ubutungane mu bijanye n’imirimo yabwo ya minsi yose. Mw’ijambo ryiwe ryo gutanguza ico kiganiro, icegera c’uwurongoye ishirahamwe OAG Jérôme Niyonzima akaba yabanje guha ikaze yongera arakengurukira abashoboye kwitaba iyo nama  araheza arakengurukira kandi abashoboye gufasha kugira ico gikorwa gitegurwe.

IMG 2712Yaciye kandi amenyesha ko akigoro ka Reta kahari ariko uburyo buguma buba buke ngo akaba ari co gituma biyumviriye gutumira ababijejwe kugira bahanahane ivyiyumviro ku bijanye n’akamaro ko kwongereza uburyo muri ubwo bushikiranganji. Umuhinga yaremesheje ico kiganiro Michel Masabo  akaba yamenyesheje  ko ica mbere yovuga ari uko umunyagihugu yotegerezwa gushikira ubutungane  kugirango bamutunganirize ata ngorane nyinshi agize  ariko ngo basanze ahanini  abanyagihugu batari bake bibagora gushikira ubutungane kubera uburyo buke bafise, aho ngo ni mu gihe iyo umuntu aburana  bimusaba gusohora amafaranga atari make. Abanyagihugu  benshi  bagaca babiheba kubera batayafise. Ikindi yamenyesheje ngo ni uko ubwo butungane uko busanzwe bukora ngo hari amajambo menshi akoreshwa adahinduwe mu kirundi   bigatuma abanyagihugu badatahura hakaba kandi n’abanyagihugu batumva ingene sentare zitunganijwe. Yaciye amenyesha yuko hariho igisata ca Reta kijejwe gutunganya ubutungane ari naco ngo kirimwo sentare ko ari co cogerageza kugira ivyo bishobore guhinduka. Mu vyohinduka ngo bakaba babonye ko ico gisata cari gikwiye kuronswa amafaranga arengeye ayo gifise ubu kugira akore ibintu bitari bike.Kw’igenekerezo rya 11Gitugutu 2017 ishirahamwe ryigenga ryiyemeje gukurikirana ingene Reta irangura imigambi yayo (O .A .G) rifadikanije  n’ishirahamwe ry’abacamanza  b ‘abakatorika mu Burundi baratunganije ikiganiro  ku basanzwe bakora mu rwego rw’ubutungane, abaserukira ubushikiranganji bw’ubutungane, abaserukira ubushikiranganji bw’ikigega ca Reta  hamwe n’abamenyeshamakuru mu ntumbero y’ukwigira hamwe akamaro ko kwongereza uburyo bwokoreshwa mu bushikiranganji  bw’ubutungane mu bijanye n’imirimo yabwo ya minsi yose. Mw’ijambo ryiwe ryo gutanguza ico kiganiro, icegera c’uwurongoye ishirahamwe OAG Jérôme Niyonzima akaba yabanje guha ikaze yongera arakengurukira abashoboye kwitaba iyo nama  araheza arakengurukira kandi abashoboye gufasha kugira ico gikorwa gitegurwe. Yaciye kandi amenyesha ko akigoro ka Reta kahari ariko uburyo buguma buba buke ngo akaba ari co gituma biyumviriye gutumira ababijejwe kugira bahanahane ivyiyumviro ku bijanye n’akamaro ko kwongereza uburyo muri ubwo bushikiranganji. Umuhinga yaremesheje ico kiganiro Michel Masabo  akaba yamenyesheje  ko ica mbere yovuga ari uko umunyagihugu yotegerezwa gushikira ubutungane  kugirango bamutunganirize ata ngorane nyinshi agize  ariko ngo basanze ahanini  abanyagihugu batari bake bibagora gushikira ubutungane kubera uburyo buke bafise, aho ngo ni mu gihe iyo umuntu aburana  bimusaba gusohora amafaranga atari make. Abanyagihugu  benshi  bagaca babiheba kubera batayafise. Ikindi yamenyesheje ngo ni uko ubwo butungane uko busanzwe bukora ngo hari amajambo menshi akoreshwa adahinduwe mu kirundi   bigatuma abanyagihugu badatahura hakaba kandi n’abanyagihugu batumva ingene sentare zitunganijwe. Yaciye amenyesha yuko hariho igisata ca Reta kijejwe gutunganya ubutungane ari naco ngo kirimwo sentare ko ari co cogerageza kugira ivyo bishobore guhinduka. Mu vyohinduka ngo bakaba babonye ko ico gisata cari gikwiye kuronswa amafaranga arengeye ayo gifise ubu kugira akore ibintu bitari bike.Uburyo busanzwe buhabwa ico gisata c’ubutungane  ngo basanze budakwiye kugirango ishobore kurangura imirimo yose kijejwe. Uwo muhinga akaba yamenyesheje kandi ko ubutungane bufasha rwose kugirango amahoro atsimbatare akaba ngo ari co gituma Reta ikwiye kugira umugambi wayo mukuru mu migambi mikuru mikuru bimaze kugenda uko uburyo ngo bwoca bukurikira. Umuhinga yanonosoye ibijanye n’amafaranga igihugu gikoresha (finances publiques) Boaz Nimpe akaba  nawe yamenyesheje ko  ico kibazo c’ugutunganiriza ubwo bushikiranganji mu kuronswa uburyo bukwiye ari ikibazo Reta yoshira imbere mu migambi mikuru mikuru yayo. Kuri we rero ngo aho bahagaze ngo ni uko Reta yoshiramwo inguvu kugirango ico gisata c’ubutungane gishirwe imbere , kimaze gushirwa imbere ngo uburyo bwahora butangwa ahandi  ngo bazoheza babuhereze ico gisata c’ubutungane.
Christine Manirambona

 

Reta y’Uburundi ngo irashimishwa n’imigambi irangurira hamwe n’ibanki ya Afrika ijejwe iterambere

ooootttrrUmukuru w’igihugu, Petero NKURUNZIZA yarahaye umubonano mu biro iwe Joel Tokindang yari amaze imyaka itandatu aserukira ibanki ya Afrika ijejwe iterambere mu Burundi (BAD). Hari kw’igenekerezo rya 10 Gitugutu  2017.Umukuru w’igihugu, Petero NKURUNZIZA yarahaye umubonano mu biro iwe Joel Tokindang yari amaze imyaka itandatu aserukira ibanki ya Afrika ijejwe iterambere mu Burundi (BAD). Hari kw’igenekerezo rya 10 Gitugutu  2017.Nk’uko umuvugizi w’Umukuru w’igihugu, Jean Claude Karerwa yabimenyesheje inyuma y’uwo mubonano, ngo uwo munyacubahiro yari asanzwe aserukira ibanki BAD yari yaje kwikebanura Prezida NKURUNZIZA kubera ikiringo ciwe co  guserukira BAD mu Burundi cari kirangiye,no  kumumenyesha ko ashima cane ingene yakoranye na Reta y’Uburundi kuko ibikorwa yaranguye kw’izina ry’iyo banki bitari gushoboka iyo abarongozi b’Uburundi batamufata mu mugongo. Joel Tokindang ngo yarashimiye abarundi ukuntu bakirana neza, ngo na Reta y’Uburundi bakaba barakoranye neza. Ngo yarongeye ashimira n’Umukuru w’igihugu aranamwemerera ko iyo banki izobandanya imigambi iriko irarangurira mu Burundi yiyongera kuyo imaze kurangura.Prezida NKURUNZIZA nawe ngo yaramushimiye co kimwe n’ibanki BAD, ku bikorwa bishimishije bijanye n’ukwubaka amabarabara, ibijanye n’uburimyi n’ubworozi, ibijanye n’ibikorwa biriko biratunganywa mu gisagara ca Bujumbura vyo gushiraho ibimenyetso bifasha uruja n’uruza rw’imodoka n’abantu, n’iyindi migambi myinshi iyo banki irangura. Ngo yarongeye aramushimira  yuko mu gihe abandi bateye akagere Uburundi igihe igihugu cari mu bibazo bitewe  n’imigumuko yabaye mu 2015, iyo banki BAD yagumye mu Burundi, kandi amushimira ko batumye haboneka akazi kenshi mu Burundi, ngo vyahaye ishusho nziza igihugu abantu babona ko Uburundi ari nyabagendwa.
Evelyne Niyonzima

 

 
Ouvrir