Publications de Presse Burundaise, Rohero I Avenue de la JRR N°17 Immeuble le SAVONNIER, Téléphone standard : (257) 22 22 62 32, Fax :(257) 22 22 58 94, email: pressequotidienne@yahoo.fr

Uburundi buriteguriye kurwanya indwara y’akamangu iterwa n’umugera wa «coronavirus»

Inyuma yuko ishirahamwe mpuzamakungu rijejwe amagara y’abantu kw’isi OMS rivugiye ko indwara y’akamangu  ivuye kumugera witwa «coronavirus» ibangamiye amagara y’abantu bose kw’isi,  umushikiranganji w’amagara y’abantu Thaddée Ndikumana yarashikirije  ico bagiye gukora kugira bakingire  abarundi n’abashinwa baza Iburundi, hari ku wa 31 Nzero 2020.Inyuma yuko ishirahamwe mpuzamakungu rijejwe amagara y’abantu kw’isi OMS rivugiye ko indwara y’akamangu  ivuye kumugera witwa «coronavirus» ibangamiye amagara y’abantu bose kw’isi,  umushikiranganji w’amagara y’abantu Thaddée Ndikumana yarashikirije  ico bagiye gukora kugira bakingire  abarundi n’abashinwa baza Iburundi, hari ku wa 31 Nzero 2020.Umushikiranganji w’amagara y’abantu yabanje kumenyesha ko ibimenyetso vy’iyo ndwara bisa n’ivyikiza ca Ebola cane cane ubushuhe ibindi navyo ni inkorora, ibicurane hamwe n’ingorane yo guhema. Ibigiye gukorwa rero n’uko bashize  ivyuma biri ku kibuga c’indege mpuzamakungu «Ndadaye Merchior» co gupima ubushuhe uri kure, hamwe n’ifishi buzuza bakubajije iyo waje uva. Mu gihe bagusanze ufise bimwe muri ivyo bimenyetso vyerekana ko woba ufise umugera wa « coronavirus » uri Umurundi baca bakujana kwa muganga mu kibanza bateguye kiri ku bitaro prince regent Charles aho uwo muntu ahamara iminsi 14, iyo naho ari umushinywa baca bamujana ku bitaro vyo kumpanda aho hateguwe nahone ikibanza begeranirizwamwo.Thaddée Ndikumana yabandanije amenyesha ko naho iyo ndwara atamuti ifise, igihe uwo biketse amenetse umutwe afise, ubushuhe canke afise ingorane mu bihimba vyihemero baraba baramuha umuti. Muri Afrika ahantu bashobora gupima iyo ndwara ni mu gihugu ca Afrika yepfo gusa, hari uwo biketse mu bushikiranganji bw’amagara y’abantu hari abahinga banonosoye kurwanya ibiza boba bashikanye ibipimo muri iyo minsi 14. Umushikiranganji w’amagara y’abantu yasozeye ico kiganiro amenyesha ko mu Burundi iyo ndwara bizera ko itazohagera kuko ibihugu vyose  vyayiviriye hasi, kuko ata ndege ihari iza mu burundi ataho iciye bazobanza bamurabe kuko na Ebola barashoboye kuyirwanya ntiyashika mu Burundi kandi yari hafi y’Uburundi. Aratumirira abarundi kugira isuku, kw’irinda  kwasamurira ku muntu muri kumwe. Abarundi nabo bafata ingendo mu gihugu c’ubushinwa kumvo zitandukanye barasabwa guca mu bushikiranganji bw’amagara y’abantu kugira babatekerere impanuro, kugira iyo ndwara ntitosekaze imigenderanire uburundi bufitaniye n’igihugu c’ubushinywa nkuko Ishirahamwe mpuzamakungu ijejwe amagara y’abantu kw’isi yabisavye ko atawokugara imbibe.

Anitha Bizimana

 

Umusaserdoti Simon Ruragaragaza yaranzwe n’urukundo mu buzima bwiwe bwose

Baca umugani mu gifaransa ngo umuntu ashengera nk’uko yabayeho (on meurt comme on a vécu). Vyarigaragaje ku munsi wa kane,  igenekerezo rya 30 Nzero 2020, umunsi umwepiskopi mukuru Gervais Banshimiyubusa, abepiskopi b’inararibonye Evariste Ngoyagoye na Stanislas Kaburungu, abasaserdoti barenga 150, ababikira, abafurera, abakristu bitangiye Umukama eka n’abandi bakristu, abato n’abakuze bari bazindukanye urubanza rwo gushingurana iteka Nyakwigendera umusaserdoti w’Umukama, patiri Simon Ruragaragaza.Baca umugani mu gifaransa ngo umuntu ashengera nk’uko yabayeho (on meurt comme on a vécu). Vyarigaragaje ku munsi wa kane,  igenekerezo rya 30 Nzero 2020, umunsi umwepiskopi mukuru Gervais Banshimiyubusa, abepiskopi b’inararibonye Evariste Ngoyagoye na Stanislas Kaburungu, abasaserdoti barenga 150, ababikira, abafurera, abakristu bitangiye Umukama eka n’abandi bakristu, abato n’abakuze bari bazindukanye urubanza rwo gushingurana iteka Nyakwigendera umusaserdoti w’Umukama, patiri Simon Ruragaragaza.Yishimikije ibisomwa vyateguwe kuri urwo rubanza, nyenicubahiro Gervais Banshimiyubusa, umwepiskopi mukuru wa diyoseze nkuru ya Bujumbura, yaribukije igihugu c’Imana ko ubuzima bwacu butigera buhera ahubwo buhinduka gusa.Aca amenyesha ko uwuvuye muri ubu buzima bwo kwisi aba ajabutse ikiyaga, akize ibiteye ubwoba n’ibibabaza. Musenyeri Banshimiyubusa yavuze ati : « Uwama yizigitirira ku vy’isi namenye ko azoyivako ». Aca yibutsa ko uburyo bwo gushikira ijuru rishasha rizira umubabaro, ari ukwakira umubiri wa Kristu yapfuye akazuka agashikira ubuzima budapfa.Icegera ca musenyeri mukuru, Anatole Ruberinyange nawe, yamenyesheje abari aho, bimwe mu vyaranze Ubuzima bw’umuhisi patiri Simon Ruragaragaza.Yashimikiye ku bintu bitatu. Ngo patiri Ruragaragaza yarakunda ubutumwa. Ivyo bigaragarira ku kugene yabwitangira mu gihe yari akiri muto no mugihe mbere imyaka yariko iraba myishi. Iyo ubutumwa bubabanye bwinshi ngo yaca avuga ati : « ntimugire ubwoba niho ndi ». No mu gihe amagara amukitse ngo ntiyahengeshanije gukora ubwo butumwa.Icakabiri caranze uyo muhisi yarakunda abarwaye n’abakene. Umwikozeko arwaye canke akomeye, ku murango canke mw’ijoro yaratabara abarwaye. Ngo yari yaratahuye kandi ko ico ukuryo gutanze ukubamfu kutokimenya.Ica gatatu umuhisi Simon Ruragaragaza yarakunda abantu. Ivyo vyaribonekeje aho yagiye ararangurira ubutumwa hose. Ngo ivyo yakora vyose yabikoranye akanyamuneza.Umuhisi Simon Ruragaragaza yitavye Imana igenekerezo rya 24 Nzero, isaha zine n’igice mu 2020.Mu mpapuro z’umutsindo nyinshi uyo muhisi yari afise harimwo urwo kumenyesha amakuru yaronse 1968.Simon Ruragaragaza yavukiye ku musozi Zinaryakunze, paruwase Bukeye, diyoseze ya Bujumbura, ukwezi kwa Kigarama 1937. Yibarutswe na François Ruragaragaza na Marcelline Buzuguye. Yatiwe mw’ibanga ry’ubusaserdoti igenekerezo rya 23 Kigarama  mu 1963 i Roma.Yaronse impapuro z’umutsindo mu vyigwa ndoramana (1960-1963), mu vyigwa mbagarabwenge n’indome, hamwe no  mu vyo kumenyesha amakuru (1963- 1968). Simon Ruragaragaza yaranguye ubutumwa butandukanye mu gutwara amaseminari nkuru na ntoyi, araja mu rwego nshingwantwaro rwakaminuza y’Uburundi, aratwara amaparuwase atandukanye harimwo Ngagara  na St Michel, arashingwa gushingura amabanga ku kirimba c’umwepiskopi mukuru(Chancelier) n’ibindi.Imana imwakire mu bwami bwayo.

Yolande Nintunze

 

Demokarasi ishingiye ku kubisikanya ku butegetsi yaramaze gushinga imizi ubutagisubira inyuma mu Burundi

Umushikiranganji w’imigenderanire y’Uburundi n’ayandi makungu, Ezéchiel Nibigira ahamagarira abaserukira ibihugu vyabo n’amashirahamwe Mpuzamakungu mu Burundi kububera abavugizi mu kumenyesha amakungu ko demokarasi ishingiye ku kw’ibisikanya ku butegetsi ryamaze gushinga imizi ubutagisubira inyuma.Umushikiranganji w’imigenderanire y’Uburundi n’ayandi makungu, Ezéchiel Nibigira ahamagarira abaserukira ibihugu vyabo n’amashirahamwe Mpuzamakungu mu Burundi kububera abavugizi mu kumenyesha amakungu ko demokarasi ishingiye ku kw’ibisikanya ku butegetsi ryamaze gushinga imizi ubutagisubira inyuma.Ako kamo yakabateye ku wa 31 Nzero 2020, mw’ijambo yashikirije ryo kwugurura inama ubushikiranganji arongoye bwabatunganirije mu ntumbero  yo mu kwirimbura ku vyakozwe n’ubwo bushikiranganji muri aya mezi atatu aheze akurikira inama nk’iyo yabaye mu kwezi kwa Munyonyo 2019 no  guhanahana ivyiyumviro ku kuri poritike y’imigenderanire y’Uburundi n’ayandi makungu.Muri iryo jambo, umushikiranganji Ezéckiel Nibigira  yarashimiye abitavye iyo nama na cane cane abaserukira ibihugu vyabo mu Burundi bashasha bamaze gutanga amakete abagena muri ayo mabanga be n’abimirije kuyatanga. Nibigira yashimye ubucuti buri hagati y’Uburundi n’ayandi makungu, na cane cane ibihugu vy’Uburusiya n’Ubushinwa. Ku vyerekeye ugufashanya, Ezéckiel Nibigira  yisunze ahanini amasezerano yabaye hagati y’Uburundi n’ishirahamwe rijejwe ivy’ugufashanya  ry’igihugu c’Ubuyapani JICA harimwo  ugusanura n’ukwagura ikivuko ca Bujumbura. Yaboneyeho n’ugushima igikorwa c’ishirahamwe PAM, kuva aho ritanguriye gufasha mu gisata c’indero, igitigiri c’abanyeshure baheba amashure kikaba caragabanutse kuva ku bice 11 gushika ku bice 7 kw’ijana hagati y’umwaka w’2007 n’uw’ 2019, ndetse n’igitigiri c’abiga kikaba caraduze kuva kubice 5 gushika ku bice 14 kw’ijana.Ezéckiel Nibigira yabandanije yerekana ko demokarasi mu gihugu c’Uburundi igeze ku ntambwe ishimishije aho yerekanye ko Uburundi bwiteguriye neza amatora y’uyu mwaka w’2020 afatiye ku gitigiri c’imigambwe imaze gutanga abazoyiserukira mu matora hatibagiwe n’uwigenga azitoza. Si ivyo gusa, n’urwaruka rukunze gukoreshwa mu vya politike ubu ngo rubanye neza mu bwigenge n’ubutandukane mu migambwe mu gihe Reta ibandanya gukurikiranira hafi  no kurufasha mu bikorwa vyarwo vy’ukwiteza imbere aho bahurira mu makoperative atandukanye.Iyo nama iheze ubushiniranganji bwaratumiye abo banyacubahiro gusangira inzimano no kwifurizanya umwaka mushasha w’2020.

Donathe Ndayisenga(Uwimenyereza)

 

CNDD-FDD : Abagumyabanga barashima ubugombe bw’Imana mw’igenwa ry’uwuzobaserukira mw’itora ry’Umukuru w’igihugu

NEVA2Nk’uko vyama bigenda ku munsi wa kane wa nyuma w’ukwezi, umugambwe CNDD- FDD waratunganije amasengesho yo gushimira Imana mu ntara zose z’igihugu, inyuma y’umutaga wo ku wa 30 Nzero 2020. Ayo masengesho yatunganijwe hisunzwe ijambo ry’urufatiro riri muri bibiliya mu butumwa bwa Matayo ikigabane ca 25 kuva ku karongo ka 23 rivuga riti: “Shebuja aramubwira ati: Wagize neza muntu wanje mwiza wo kwizigira, wizigiwe kuri bike, nzoguha kugaba vyinshi, injira mu munezero wa sobuja”. Nk’uko vyama bigenda ku munsi wa kane wa nyuma w’ukwezi, umugambwe CNDD- FDD waratunganije amasengesho yo gushimira Imana mu ntara zose z’igihugu, inyuma y’umutaga wo ku wa 30 Nzero 2020. Ayo masengesho yatunganijwe hisunzwe ijambo ry’urufatiro riri muri bibiliya mu butumwa bwa Matayo ikigabane ca 25 kuva ku karongo ka 23 rivuga riti: “Shebuja aramubwira ati: Wagize neza muntu wanje mwiza wo kwizigira, wizigiwe kuri bike, nzoguha kugaba vyinshi, injira mu munezero wa sobuja”. Mu gisagara ca Bujumbura, amasengesho yabereye mu cicaro gikuru c’umugambwe CNDD-FDD, ahagarikiwe n’umunyamabanga mukuru wawo Evariste Ndayishimiye aherutse gutorwa ngo azoserukire uwo mugambwe mw’itora ry’umukuru w’igihugu ryimirije. Ayo masengesho akaba yari yitabwe kandi n’izindi ndongozi zitandukanye z’igihugu zikomoka muri uwo mugambwe. Uwurongoye umurwi ujejwe gutegura amasengesho,  yamenyesheje ko ari igisabisho ca mbere kibaye bavuye mw’ikoraniro kaminuza ridasanzwe ryatowemwo uwuzoserukira uwo mugambwe mw’itora ry’Umukuru w’igihugu. Ngo ni akaryo keza rero ko kumusabira. Umukozi w’Imana Nduwumukama Charles yasiguye ijambo ry’Imana yisunze ibiri mu rufatiro, yamenyesheje ko Imana ari umukoresha mwiza iyo uyibereye umwizigirwa ukagirira akamaro igihugu nayo igushimira. Ati iyo Imana yuguruye ntawugara, yugaye ntawugurura. Umunyamabanga mukuru w’umugambwe CNDD-FDD Evariste Ndayishimiye nawe yarakengurutse igikorwa cabaye mw’ikoraniro kaminuza ridasanzwe aho bitoreye uwuzoserukira uwo mugambwe mu matora y’Umukuru w’igihugu mu mutekano ntangere. Ati n’iteka ridasanzwe abagumyabanga biteye. Yarakengurukiye kandi n’abatari abagumyabanga babandanya gukenguruka. Ati hari na bamwe mu bahora barwanya igihugu c’Uburundi bakenguruka, aho bamukeza bamubwira ko bari inyuma yiwe. Yarangije ahanura abanyeporitike bagenziwe ngo ntihagire uwuzohiganwa umutima utari hamwe ngo bamenye ko uwuzotsinda azotwarira bose.

Gloriose Nshimirimana

 

Igisata ODECA nico kigiye gukirikirana ibikorwa vyose vyo mu gisata c’ikawa

qqqIgisata c’ubuhinga rwa Reta rujejwe guteza imbere igiterwa c’ikawa ODECA, nico kizokurikirana ibikorwa vyose vyahora bikorwa n’amashirahamwe amwe amwe ariyo CNAC Murima w’isangi, Intercafé hamwe n’amahinguriro ya Reta ariyo Sogestal na Sodeco. Ayo mashirahawe yahora akorera mu gisata c’ikawa yasabwe gushikiriza urwo rwego rushasha  rwa Reta ibikoresho vyose yahora akoresha kugira ibikorwa vyose birangurirwa muri ico gisata bibandanye ata ntambamyi. Mu gihe igiciro cahora ari amafaranga 500 ku kiro c’ikawa y’ibiturumbwe nziza, ngo Reta ibicishije kuri urwo rwego, igiye gushikiriza abarimyi n’abakorera mu gisata c’ikawa igiciro cisununuye kizohabwa abarimyi bashoye ikawa yabo ku matonorero. Ivyo ni ivyashikirijwe n’umushikiranginji w’uburimyi, ubworozi n’ibidukikije, Déo Guide Rurema, ku wa 29 Nzero 2020, mu kiganiro n’abamenyeshamakuru, aho yariko shikiriza ingingo zafashwe mu ntumbero yo gutegura isizeni yo kwegeranya ikawa yo mu mwaka w’2020 ushira uw’2021.

Igisata c’ubuhinga rwa Reta rujejwe guteza imbere igiterwa c’ikawa ODECA, nico kizokurikirana ibikorwa vyose vyahora bikorwa n’amashirahamwe amwe amwe ariyo CNAC Murima w’isangi, Intercafé hamwe n’amahinguriro ya Reta ariyo Sogestal na Sodeco. Ayo mashirahawe yahora akorera mu gisata c’ikawa yasabwe gushikiriza urwo rwego rushasha  rwa Reta ibikoresho vyose yahora akoresha kugira ibikorwa vyose birangurirwa muri ico gisata bibandanye ata ntambamyi. Mu gihe igiciro cahora ari amafaranga 500 ku kiro c’ikawa y’ibiturumbwe nziza, ngo Reta ibicishije kuri urwo rwego, igiye gushikiriza abarimyi n’abakorera mu gisata c’ikawa igiciro cisununuye kizohabwa abarimyi bashoye ikawa yabo ku matonorero. Ivyo ni ivyashikirijwe n’umushikiranginji w’uburimyi, ubworozi n’ibidukikije, Déo Guide Rurema, ku wa 29 Nzero 2020, mu kiganiro n’abamenyeshamakuru, aho yariko shikiriza ingingo zafashwe mu ntumbero yo gutegura isizeni yo kwegeranya ikawa yo mu mwaka w’2020 ushira uw’2021.Nk’uko umushikiranganji, Déo Guide Rurema yabandanije abishikiriza, ngo imyiteguro y’isizeni yo mu mwaka w’2020 ushira uw’2021 igeze kure, iyo nayo ikaba ifatiye ku ntumbero nshasha ya Reta yo gutunganya gushasha igisata c’ikawa. Iryo tunganywa rishasha ry’igisata c’ikawa rikaba ryisunga icegeranyo n’inama nshikiranganji yok u wa mbere Munyonyo 2019, aho hemezwa integuro ijanye n’uko Reta isubiza ikirenge muri ico gisata, uhereye mw’irimwa ryayo gushika ishorwe, ivyo ngo vyakozwe mu ntumbero yo guhagararira inyungu z’umurimyi n’iz’igihugu kuko ngo vyabonetse ko abakorera muri ico gisata basa nabatabiha agaciro.Ni muri iyo ntumbero itegeko ry’Umukuru w’igihugu inomero 100/99 ryo ku wa mbere Ruheshi 2009 ryashiraho urwego rwa Reta rujejwe gukurikirana ibijanye n’abakorera mu gisata c’ikawa ARFIC ryasubirijwe n’itegeko ry’Umukuru w’igihugu inomero 100/001 ryo ku wa 7 Nzero 2020 rishiraho urwego rw’ubuhinga rwa Reta ruzokora ibikorwa vyose bijanye no guteza imbere igisata c’ikawa ODECA. Urwo rwego rugiye gukora ibikorwa vyahora bikorwa n’amashirahamwe hamwe n’amatonorero ya Reta, ariyo Sogestal na Sodeco. Vyongeye, kubera iryo tunganywa rishasha ry’igisata c’ikawa, ingingo zitandukanye zarafashwe aho abagurishje ikawa bataratahukana amafaranga y’agaciro n’abatarariha itagisi ya komine y’amasizeni yose ko bobikora vuba, imbere y’uko isizeni yo mu mwaka w’2020 ishira uw’2021 itangura. Ku mashirahamwe yahora akorera mu gisata c’ikawa ariyo CNAC, Intercafé, Sogestal’s na Sodeco, ayo nayo yasabwe gushikiriza ico gisata ODECA ibikoresho vyose yahora akoresha kugira ibikorwa vyose birangurirwa mu gisata bibandanye ata ntambamyi. Ayandi mashirahamwe akorera mu gisata c’ikawa, ni ukuvuga abatonora ikawa, abayikobora, abayikaranga, basabwe kuriha amadeni bafitiye Reta hamwe n’ayandi mashirahamwe nka Regideso n’ayandi hamwe n’ibirarane vy’imishahara y’abakozi, ivyo bigakorwa hisunzwe amategeko.Abafise uburyo bukwiye bararekuriwe gukorera mu gisata c’ikawaMu mpinyanyuro nshasha yo gutunganya igisata c’ikawa, irarekurira abikorera utwabo bakwije ibisabwa n’amategeko kubandanya bakorera mu gisata c’ikawa. Abo nabo basabwe kwitura urwo rwego rushasha kugira rubamenyeshe ibisabwa vyose mu ntumbero yo kwemererwa gukora. Uwuzokwemererwa gukorera mu gisata c’ikawa, ngo ntazosubira gusaba ko Reta imwishingira, vyumvikana ko ari abazoba bafise umutahe ukwiye kandi akimeyeza ko azohemba abarimyi ku gihe, afatiye ku ngwati azohabwa n’ibanki bakorana. Mw’isizeni yo mu mwaka w’2020 ushira uw’2021, ngo hitezwe umwimbu ushimishije w’ikawa ihishiye, ibiharuro ngo vyerekana ko hazoboneka umwimbu ungana n’amatoni 136792. Muri izo ngingo zafashwe, ngo hagiye gusohoka itegeko nshikiranganji ritunganya ibikorwa vyo gukingira ibidukikije hamwe no gukorera ikawa n’abajejwe intwaro barimwo. Kuri uwo wese azoja kubiri n’izo ngingo, umushikiranganji yaragabishije ko Reta itazomwihanganira, azohanwa hakurikijwe amategeko.Igiciro ku murimyi kizomenyeshwa vubaKu kibazo co kumenya igiciro c’ikawa ishorwa ku matonorero uno mwaka, umushikiranganji yamenyesheje ko azokimenyesha vuba ariko umurimyi azoharonkera akunguko kubera ko hariho ibice 34% vy’amafaranga yava mw’ikawa yahora aja gufasha amashirahamwe yakorera muri ico gisata atazosubira gutangwa n’umurimyi w’ikawa. Ku bakozi bama tonorero y’ikawa, “Sogestal’s na Sodeco” basaba imishahara y’amezi 18, umushikiranganji yamenyesheje ko ayo mashirahamwe ari aya Reta hamwe n’abikorera ivyabo bashizemwo imitahe, ngo bazokwicarana kugira barabire hamwe uburyo Reta imaze gushiramwo n’abandi ubwo basizemwo kugira Reta ntizohahombere. Mu masizeni abiri iyo mu mwaka w’2018 ushira uw’2019 hamwe n’iyo mu mwaka w’2019 ushira uw’2020, Reta yatanze imiriyaridi zirenga 41 (41 114 116 000,375), ikibazo ni ukumenya ico ayo mafaranga yakoze.Mu gihe isizeni yo mu mwaka w’2019 ushira uw’2020, izosozerwa ku wa 31 Ntwarante 2020, iyo sizeni ngo yibonekejemwo umwimbu muke cane, aho ku matoni arenga ibihumbi 75 yari yitezwe, habonetse amatoni ibihumbi 47 arenga gato. Muri ayo matoni, ngo hamaze gukoborwa ikawa ishoka hanze ingana n’amatoni 7 511,5, iyimaze kugurishwa ni amatoni 6254,2, uburyo bwavuyemwo nabwo ni amadorari y’abanyamerika arenga imiriyoni 15 (15 221 142,69), muri ayo ayamaze gushika mu kigega ca Reta ni imiriyoni 5 zirenga (5 002 558,19). Kuri abo bose bashoye hanze ikawa y’Uburundi ntibatahukane amafaranga y’agaciro, basabwe kubitunganya vuba.

Déo Misigaro                                                                                                              

 

Abagumyabanga basabwa gusaba imbabazi aho baguye hose no kumenya ko bari mu rutonde rw’abana b’Imana

ooootuAbagumyabanga basabwa kumenya ko ivyavuye mw’ikoraniro kaminuza ry’umugambwe CNDD-FDD ari integuro y’Imana, bakongera bakamenya ko amakoraniro kaminuza yose yo gutora indongozi zizoserukira umugambwe mu matora y’Umukuru w’igihugu azoza araba habanje kuba amasengesho y’iminsi itatu akazobera ku gicaniro. Ivyo ni bimwe mu vyashikirijwe n’Umukuru w’igihugu Petero Nkurunziza akaba ari n’umukuru w’inararibonye mu mugambwe CNDD-FDD ku munsi ugira gatatu wo gusozera amasengesho mpuzamadini yo gukengurukira Imana yatunganijwe n’umugambwe CNDD-FDD, yabereye mu ntara ya Gitega kuva ku wa 23 gushika ku wa 25 Nzero 2020. Ayo masengesho yari afise ijambo ry’urufatiro riri mw’isezerano rya kera mu gitabu co Kuvayo, igice ca 14 kuva ku murongo wa 13 gushika ku 20 rivuga ngo “Mose yishura abantu, ati ntaco mutinya ; Mwihangane gusa murabe agakiza uhoraho agira ngwabazanire uyu munsi. Uhoraho niwe agira ngwabarwanire, namwe nimwinumire gusa…Abanyegiputa niho bazomenya y’uko ndi uhoraho, ninamara kwihesha icubahiro kuri farawo no ku mikogote yiwe, no kubagendera ku mafarasi biwe”. Prezida Nkurunziza yabasavye gutaha bibukanya ico basezeranye n’Imana, ngo bongere bamenye ko iryo sezerano ryakomejwe mw’ijambo ry’Imana bahawe nayo. Yabamenyesheje ko ijambo baronkeye mu masengesho yakozwe muri komine Itaba bari baje kuryimika mu mugambwe CNDD-FDD kuko aribo riraba gusumba abandi. Yishimikije amajambo ari muri Yeremiya igice ca 33 kuva ku murongo wa 1 gushika kuri 3 no kuva kumurongo wa 6 gushika kuw’9, yamenyesheje ko ayo majambo ari ay’abagumyabanga gusumba abandi kuko bari baje gusaba imbabazi bongera baronka amasezerano ariyo bari baje kwimika mugicaniro no mubagumyabanga. Yaciye amenyesha ko amasezerano baronse ku  mutumba Gihamagara muri komine Itaba ayimitse mu mugambwe CNDD-FDD agirako arayabibutsa, avuga ati: “Imana Mushoboravyose igiye kubandanya ivugana n’abarundi kandi ishize ahagaragara ivyari vyaranyegejwe vyose, Imana isambuye inkomezi z’umwansi w’Uburundi ahari hose, Uhoraho Imana Mushoboravyose agiye gushira mu Burundi ibimenyetso binini kandi bikomeye, Imana iraremye ivy’inkomezi bihambaye ivy’umwana w’umuntu atoshobora kunyiganyiza, uhoraho Imana iratoboye amadirisha n’imiryango vyo mw’ijuru kugira imigisha n’imihezagiro vyururukire kugihugu c’Uburundi, uhoraho aragaruriye abarundi ubwenge bwari bwaratakaye bwaraboshwe n’umurwanizi, bagiye kuba abadasanzwe kw’isi, Uburundi burabohotse”. Yasozereye abaha indemesho y’urugendo ababwira ko integuro y’Imana ari nziza kandi ko bobitahura bisunze ko ico kibanza ariho bururukiye basozereye urugamba bavuye gushira mu ngiro amasezerano yo guhagarika intambara, kandi ko  umuhari CNDD-FDD wahindutse umugambwe CNDD-FDD  mu ntara ya Gitega, n’ikoraniro kaminuza ryakozwe kugira umuhari uhinduke ube umugambwe CNDD-FDD ryabereye muri iyo ntara nyene. Ikindi yamenyesheje n’uko kuri uyo musozi wabereyeko amasengesho ari ho batereye igikumu kw’Ibwirizwa Shingiro rishasha riha Imana ikibanza ca mbere, hakongera hakaba ariho hariko harubakwa igicaniro c’isezerano basezeraniye Imana hakaba n’icagiriji biyemeje ko bazokwama bagendanira Imana. Yarongeye amenyesha ko mu ntara ya Gitega aribwo bwa mbere hakozwe ikoraniro kaminuza rya mbere rikozwe Imana ifise ikibanza ca mbere mu mugambwe, mu Burundi no mw’Ibwirizwa Shingiro. Yaheraheje amenyesha ko iryo koraniro kaminuza ryatanguranye ayandi mateka mashasha kubw’igihugu no kubw’umugambwe CNDD-FDD, aca amenyesha abagumyabanga ko ibizoba vyose muri iryo koraniro kaminuza ari integuro y’Imana bivanye n’uko bari bamaze iminsi itatu bari kumwe n’Imana. Niko guca ababwira ko nk’abagumyabanga bosezerana ko amakoraniro kaminuza yose yo gutora indongozi zizoserukira umugambwe mu matora y’Umukuru w’igihugu azoza araba habanje kuba amasengesho y’iminsi itatu abera muri ico kibanza canke ku gicaniro kuko ata kindi kibanza kirimwo ububasha n’ubushobozi ku mugambwe kandi ko n’izindi ndongozi z’umugambwe CNDD-FDD zoza ziratorwa, zikemererwa muri iyo ntara ya Gitega kugira umugambwe ubane n’amasezerano babayemwo kuva bagisozera urugamba.

Umunyamabanga mukuru w’umugambwe CNDD-FDD, Evariste Ndayishimiye mw’ijambo ry’uyo munsi, yamenyesheje ko Imana igiye kwereka amakungu ko Uburundi bugiye kuba igihugu gihurumbirwa n’amahanga kandi Abarundi bagiye kuba mu mahoro n’impore bidasanzwe. Yarashimye ko mu kwiyumvira uko umugambwe worongorwa neza basanze Imana yofata ikibanza ca mbere, ashima n’uko banaguye isezerano biyemeza ko bazokorera Imana, bashiraho n’icagirizi kizobagiriza bongera bafata ingingo yo kwubaka igicaniro c’isezerano. Umunyamabanga mukuru w’umugambwe CNDD-FDD, Evariste Ndayishimiye mw’ijambo ry’uyo munsi, yamenyesheje ko Imana igiye kwereka amakungu ko Uburundi bugiye kuba igihugu gihurumbirwa n’amahanga kandi Abarundi bagiye kuba mu mahoro n’impore bidasanzwe. Yarashimye ko mu kwiyumvira uko umugambwe worongorwa neza basanze Imana yofata ikibanza ca mbere, ashima n’uko banaguye isezerano biyemeza ko bazokorera Imana, bashiraho n’icagirizi kizobagiriza bongera bafata ingingo yo kwubaka igicaniro c’isezerano. Ngo barashima n’impano bahawe yo kumenya ibihe, yongera akengurukira Imana yo yarungitse Mutima Mweranda kugira bamenye ubukiriro bwabo. Ikindi yashimye n’uko bishuwe ku bibazo vyose basavye bijanye n’uko indongozi nshasha zoza zikurikiza amategeko yayo, basenga basaba Mutima Mweranda ngo aze abarongore mu gutora umusubirizi wa “Petero”. Yarashimye kandi ko Imana yumvise amasengesho yabo arico gituma igiye guhindura ibintu. Ikindi yababwiye n’uko cari igihe co kujabuka mu vyiza gutyo ivyahora bibatandukanya bigahera, aca abamenyesha ko Abarundi bagiye kubana nk’abavukanyi. Yasavye Imana kandi ngo ize ibahe uwuzoserukira umugambwe mu matora ku rwego rw’igihugu abereye Uburundi kandi azotunganiriza neza Abarundi. Yarongeye abatekerera ijambo rizobibutsa isezerano, aho yababwiye ngo bazogume basoma mu gitabu ca Yosuwa ,igice ca 24: 14-27 ngo niho bazozirikana isezerano biyemeje basaba Mutima Mweranda ngo azogume abamurikira kugira riberere. Imbere yahoo, umukozi w’Imana Emery yaratanze inyigisho aho yishimikije amajambo ari mw’ijambo ry’urufatiro hamwe n’ayari mu gitabu c’Abacamanza igice ca 4 umurongo w’3 na Samweli wa 1 umurongo w’7. Yamenyesheje abagumyabanga ko bari mu gihe co kunagurwa kandi ngo uwutamenye ibihe ntamenya intumbero y’Imana. Niko guca abamenyesha ko igiharuro 20 muri bibiliya gisigura kujabuka kandi ari igihe Imana yaba ishaka kujabutsa ihanga irikura ku rugero rumwe irijana ku rundi. Yaciye ababwira ko nk’umugambwe CNDD-FDD uyu mwaka ari uwo kwinjira mu bindi bihe kuko ari uwudasanzwe ku gihugu, ku mugambwe no ku bantu. Yaranamenyesheje kandi ko Imana yiteguye gukora mu Burundi ivyo abantu batari biteze kuko munsi y’ubuntu bwayo abakoroni batazosubira kwiruka ku Burundi kuko Abarundi bari mu bihe vyo kunagurwa. Ngo umugambwe ugiye kujabuka kuko arivyo Imana yabasezeraniye, aca asaba abagumyabanga kuba munsi y’uburongozi bwa Mose kugira bashike mu mugabane wabo, ngo bongere bahe ikibanza Imana kugira ibe ariyo izobatorera umurongozi mwiza agiye kuzorongora igihugu. Tubamenyeshe ko ku munsi wa mbere w’amasengesho mpuzamadini, mu nyigisho Umukuru w’igihugu Petero Nkurunziza yatanze, yasavye abagumyabanga gusaba imbabazi aho baguye hose no kwirimbura bakamenya ko bari mu rutonde rw’abana b’Imana, bayumvire bongere bayigororokere kuko bari mu mbabazi zayo gutyo ngo ntibazipfishe ubusa. Prezida Nkurunziza yarabifurije umwaka mwiza w’2020 ngo uze ubarutire imyaka yose bamaze kubaho, ashimira Imana ko ayo masengesho yatunganijwe igihugu kirimwo amahoro n’umutekano n’impore. Yarongeye ashima Imana kubw’ivuka ry’umugambwe CNDD-FDD kuko Imana yabakuye mu bikomeye n’ibihambaye ibashikana ku vyiza, aca amenyesha ko ivuka ry’uwo mugambwe ryabaye nk’ivuka ry’umwana kuko umuvyeyi ababara umwana ariko aravuka, rero ngo kugira CNDD-FDD ivuke Uburundi bwarababaye. Umunyamabanga mukuru w’umugambwe CNDD-FDD Evariste Ndayishimiye nawe mu ntahe yashinze, yamenyesheje ko uyo munsi wari uwo gushimira Imana kubagumyabanga n’abarundi bose bazi ico Imana yakoreye Uburundi, bagakenguruka no ku mutima yabahaye w’ubukerebutsi. Yasavye ko bokengurukira Imana kuko Uburundi bwaciye mu bihe biboneka neza ko ivyangombwa vyose vyari bikwiye kugira igihugu kibe nka Somariya ariko bitabaye. 

Urwaruka rw’imbonerakure rusabwa kumenya ibihe vy’Imana n’ico rutegerezwa gukora
Mu gitondo co ku munsi ugira kabiri w’amasengesho mpuzamadini, Umukuru w’igihugu Petero Nkurunziza yaratanze inyigisho nkomezakwemera ku rwaruka rw’imbonerakure, abamenyesha ko ukwezi kwa Nzero ari ukwezi kw’umwizero kuko kwari ukwezi batangura gusoroma ivyo barimye. Mu nyigisho ziwe, yabigishije kw’ijambo ry’Imana rihagaze ku kumenya ibihe n’ivyo bategerezwa gukora kuko kumenya ibihe ari itunga rikomeye. Ngo uwutamenye ibihe ntamenya ico akora kandi ngo hari igihe co kwambikwa inkomezi n’Imana n’igihe co gucika intege, ngo kumenya ico ukora ni ubushobozi bw’Imana. Yigishije yishimikije ijambo ry’urufatiro, yabahamagariye kuremesha urwaruka rwose haba ururi mu mugambwe CNDD-FDD n’abatawurimwo nk’uko Imana iremesha imitima y’abantu bose. Yaciye anamenyesha ko intambara irwanwa n’Imana mu gihe ihawe ikibanza ca mbere kuko iyo abantu baguhama wizigiye Imana ataco uba, acatanga akarorero k’umugambwe CNDD-FDD warwanijwe n’amakungu kuva ugitangura urugamba, yamara Imana iraheza irahindura amateke mu mwaka w’2005 ibaha gutsinda amatora. Niko guca amenyesha ko Imana yama irwanya abiyorobetsi bari mu ntungane, acabasaba kwama bareka Imana ikihesha icubahiro muri vyose na hose mu buzima bwabo kuko ibihe vy’amageragezwa bishobora kuba birebire ariko umwanya w’ukurokorwa n’Imana ukaba muto cane. Yishimikije amajambo ari muri Ezekiyeri 37, ku murongo wa 1 gushika kuw’14 avuga aho Ezekiyeri yerekwa ivy’amagufa yumye, yamenyesheje ko iyo Imana igukozeko amakungu abimenya ariko iyo uteye ingorane umurongozi Imana yakozeko ukuboko kw’Imana kugukurikirana. Ku muhingamo w’uyo munsi nyene, mu nyigisho Umukuru w’igihugu Petero Nkurunziza yatanze, yasavye abagumyabanga kuba ubuhungiro n’uburuhukiro ku barundi bose gutyo ngo babe amirukiro, babaremeshe bajabukane nabo bongere banezeranwe.

Evelyne Niyonzima

 
Ouvrir