Publications de Presse Burundaise, Rohero I Avenue de la JRR N°17 Immeuble le SAVONNIER, Téléphone standard : (257) 22 22 62 32, Fax :(257) 22 22 58 94, email: pressequotidienne@yahoo.fr

Abunguruza abantu hamwe n’abiyunguruza basabwa kubahiriza ingingo Reta yafashe zo gukinga ikiza ca coronavirus

ebnMu gihe tuzi ko ikiza ca coronavirus cateye isi yose n’Uburundi burimwo, mu gisata kijejwe gutwara abantu n’ibintu bafashe iya mbere mu kurwanya ico kiza mu guhimiriza abo barongoye baba abagendesha amapikipiki canke abagendesha imodoka zunguruza abantu mbere n’abanyagihugu biyunguruza muri rusangi gukurikiza impanuro bahabwa n’ubushikiranganji bw’amagara y’abantu no kurwanya ikiza ruhonyanganda SIDA ku bijanye no kwikingira ico kiza ca coronavirus.Mu gihe tuzi ko ikiza ca coronavirus cateye isi yose n’Uburundi burimwo, mu gisata kijejwe gutwara abantu n’ibintu bafashe iya mbere mu kurwanya ico kiza mu guhimiriza abo barongoye baba abagendesha amapikipiki canke abagendesha imodoka zunguruza abantu mbere n’abanyagihugu biyunguruza muri rusangi gukurikiza impanuro bahabwa n’ubushikiranganji bw’amagara y’abantu no kurwanya ikiza ruhonyanganda SIDA ku bijanye no kwikingira ico kiza ca coronavirus.

Uwurongoye ishirahamwe ryo gutwara abantu n’ibintu « ATRABU » Bosco Minani, mu kiganiro yahaye ikinyamakuru UBUMWE, yamenyesheje ko mw’ishirahamwe arongoye bagerageje gufata ingingo zikwiye bakurikije impanuro bahabwa n’abajejwe amagara y’abantu. Avuga ko mu gisata co gutwara abantu n’ibintu  bashizeho uburyo bw’uko umuntu yuriye bisi ategerezwa gukaraba mbere ngo baranashizeho n’umugwi w’abantu bajejwe kuraba ko biriko birakwirikizwa. Abandanya avuga ko banakoresheje inama abasanzwe bagendesha amapikipiki n’ama tuku tuku baranabereka ukuntu bashobora kwitwara ndetse ngo baranatanguje igikorwa c’uko bashobora gushira utubido ku ma pikipiki kugira uwiyunguruza wese ashobore gukaraba ariko benshi ntibashoboye kubishira  mu ngiro mugabo  bobo ico basanzwe bajejwe naho biruko ngo bari bagerageje kugikora. Uwo arongoye iryo shirahamwe ATRABU arongera akanavuga ko bahimirije babicishije kubaserukira abandi babifashijwemwo n’ishirahamwe ritabara imbabare Croix Rouge kugirango nyabuna nabo bashobore guhimiriza abo basanzwe barongoye ndetse n’ingenzi, abo basanzwe bunguruza nabo bashobore kwikingira. Aravuga kandi ko bama bakoze inama n’abajejwe uruja n’uruza mu mabarabara imbere y’uko amategeko yokwirikizwa ku bijanye n’amahadabu baca abayarenze kuko ibwirizwa ririmwo ayo mategeko baba barifise mbere haba hariko n’ihadabu ategerezwa kuriha ariko agirako asaba igiporisi ko gitegerezwa gufata mu minwe ibijanye n’ivy’inkofero nyanbuna hakabaho itegeko ry’uko n’uwiyunguruza atambaye inkofero ngo yofatwa agahanwa kuko biribonekeza y’uko uwunyonga ipikipiki ahaye inkofero uwiyunguruza yanka kuyambara yisunze ibi na biriya kandi iyo umuporisi amufashe ntaca ihadabu we ariko bo ngo basanzwe baserukira ico gisata basaba y’uko inzego z’umutekano zokwiga  iryo tegeko kugira uwiyunguruza nawe nyene atambaye inkofero ashobore gucibwa ihadabu. Bosco Minani yarongeye amenyesha ko yama yatunganije mbere n’ubu ngo nta mezi abiri aheze bagiranye inama n’abajejwe amagara y’abantu hamwe na Croix Rouge n’igiporisi baravugana ibijanye n’amakenga bari bafise ndetse n’uko bokwikingira ico kiza ca coronavirus. Uwutosora ifuku rero ngo yamizako nico gituma bama bahimiriza abajejwe umutekano hari uwutambaye inkofero ashobore guhanwa n’uwiyunguruza atambaye inkofero ahanwe acibwe ihadabu. Aranavuga yuko atakurera amaboko uwutambaye inkofero canke akanka kwambara umusipi wo kwikingira boreka kumutwara agasigara kugirango uwunguruza abantu canke nyene imodoka ntashobore kuhagirira ubuhombe. Aranamenyesha ko ku bijanye n’uko usanga mu miduga yunguruza abantu bicaranye begeranye nabo nyene ico kibazo barakibona ariko ngo hakenewe ko  hoba inama harimwo na bene izo modoka kugira hafatwe ingingo ibereye yorohereza bose.Yarangije amenyesha yuko bobo ata ngingo bafata ariko babandanya batera akamo basaba yuko inzego z’umutekano zokora akazi kazo kugirango umuntu wese atubahiriza amategeko yo mw’ibarabara ashobore gufatirwa ingingo ruhasha kugira areke gutukisha umwuga. Aratera akamo abiyunguruza y’uko kwambara inkofero ari inyungu y’umuntu uwariwe wese kuko iyo agize isanganya atayambaye ababara gusumba. 

Janvier Niyonkuru                                                                                                                            

 

Abavyeyi basabwa gusuzumisha amagara yabo inyuma yo kwibaruka

DDDDAbavyeyi inyuma yo kwibaruka basabwa gusubira kwa muganga kugira babarabire ko amagara yabo ameze neza kuko hari indwara n’impfu nyinshi zishobora gushika inyuma yo kwibaruka. Abavyeyi inyuma yo kwibaruka basabwa gusubira kwa muganga kugira babarabire ko amagara yabo ameze neza kuko hari indwara n’impfu nyinshi zishobora gushika inyuma yo kwibaruka. Ivyo vyamenyeshejwe na Régine Mbonindavyi yanonosoye gukurikirana abavyeyi bafise imbanyi n’abibarutse mu kiganiro yahaye ikinyamakuru UBUMWE. Nk’uko yabimenyesheje, ngo gupima abavyeyi igihe bahejeje kwibaruka ni ntangere kubera hari ibintu bibi bishobora kubashikira igihe badakurikiranywe.  Yaramenyesheje ko imbere yuko umuvyeyi ataha ahejeje kwibaruka bamupima kugira barabe ko atakibazo yagize inyuma yo kwibaruka, kandi ko bategerezwa gusubirayo mundwi 2 hamwe no mu kwezi n’inusu, ariko rero ngo igihe babonye ibimenyetso bitameze neza ico kiringo kitarashika bategerezwa guca basubirayo hakiri kare. Niko guca amenyesha ko iyo babwiye abavyeyi kugaruka bisabwa ko bagarukana n’umwana bibarutse kuko bikenewe ko baraba ko aba ariko arakura neza, bagaca basubira bakamupima ubushuhe, bakaraba n’umukondo w’umwana ko umeze neza, bakabwira n’umuvyeyi ko ategerezwa kumwonsa neza, kumugirira isuku, no gukurikiza ikirangaminsi c’incanco. 

Abavyeyi nabo ngo barabarabira ko batagize ibibazo vy’indwara ziterwa n’imicafu (infection), bakabapima n’indwara yo mu kigo, kubura amaraso, bakongera bakaraba ibihimba bitari bike vy’umubiri aho baraba ko yoba afise amaberebere akwiye n’uko yoba atatabaguritse kumabere hamwe n’uko atabihute biba biriko. Ikindi naco ngo bararaba ko batababara munda kuko bikunda gushikira umuvyeyi iyo yibarutse biciye mukumukora kandi ivyo vyerekana ikimenyetso c’indwara ya infection bakanamupima n’ubushuhe kuko buba bwatumwe n’indwara nyinshi gutyo bagaca barondera n’icabitumye. Ngo baragira n’igipimo c’umuvuduko w’amaraso, bakumviriza n’amaguru yabo ko adatonekara kuko ivyo gutonekara amaguru bikunda gushikira abo babaze bariko baribaruka vyatumwe n’ukuryama cane kandi ngo birica cane abakenyezi, bakongera bakaraba ko batavyimvye amaguru hamwe n’ibindi.  Yarongeye aranamenyesha ko babaha n’impanuro zijanye n’ingene umuvyeyi yibarutse yofungura cokimwe n’ingene akurikirana umwana wiwe mukumwonsa gushika ku mezi atandatu atanakimwe avanze. Umuvyeyi rero ngo yofata imfungurwa ndemamubiri zikwiye, akarya imboga akongera akanywa amazi bishobotse n’amata kugira aronke amaberebere yongere agire nawe amagara meza.  Yaheraheje amenyesha ko abavyeyi bose babitura iyo bahejeje kwibaruka babibabwira ndetse n’iminsi yose imbere yo gutangura akazi bafise umwanya wo gutanga ivyirwa kubarwayi imbere yo kubavura ari naho bababwira akamaro ko kugaruka kwisuzumisha inyuma yo kwibaruka, ariko ngo benshi ntibabikurikiza kuko abakenyezi b’abarundi badakunda kwivuza batumvise ikibazo.

Evelyne Niyonzima

 

Ugucagura uwo mwubakana bisaba kwitonda

Amategeko y’Uburundi ategekanya ko umuhungu n’umwigeme babana biciye mumategeko habanje kuba indagano hagati yabo. Ico kiringo bagishikako aruko habaye kuvugana hagati yabo mbere bakanemeranya ko iryo hangiro ryo kubana bagiye kurishikako. Ninaho baca baja kubibwira imiryango yabo hagaca hakurikira umugirwa wo gusaba no gusabwa. Kuruwo munsi, akenshi umuryango w’umuhungu n’uw’ umukobwa iba yakoranye hakavugwa n’amajambo ajanye n’uwo mugirwa. Aho akaba ari muntumbero yo kwerekana ko iyo miryango uko ari ibiri yunze ubucuti kumugaragaro mbere ko bagiye guhana umugeni. Vyerekana kandi ko uwo mukobwa agiye kwubaka adaciye mu kinywabi. Munyuma haca haba gusezerana kwabo bagiye kwubakana imbere y’uwuserukira Reta.

Turavye ukuntu umuhungu n’umukobwa bacagurana, akenshi n’umuhungu ahitamwo umwigeme kuko mu migenzo y’ikirundi iyo umwigeme ariwe ahisemwo umuhungu bica bifatwa nk’uko uwo mwigeme ari inshirasoni. Aha mwomenya ko amategeko y’Uburundi atabuza umwigeme kubwira umuhungu ko ashaka ko bubakana. Bikorwa gusa muntumbero yo gukurikiza umugenzo w’ikirundi wuko umuhungu ariwe aresha umwigeme. Twokwibutsa ko aho hambere hahise abavyeyi b’umuhungu aribo bamucagurira umugeni atabizi. Yamubona ku munsi w’ubugeni. Aha rero umuntu yo kwibaza igituma umukobwa adatinyuka kubaza umuhungu ko bokwubakana kandi amategeko atabimubuza. Mbega umwigeme abwiye umuhungu ko yipfuza ko babana yoba abaye inshirasoni koko?Amategeko y’Uburundi ategekanya ko umuhungu n’umwigeme babana biciye mumategeko habanje kuba indagano hagati yabo. Ico kiringo bagishikako aruko habaye kuvugana hagati yabo mbere bakanemeranya ko iryo hangiro ryo kubana bagiye kurishikako. Ninaho baca baja kubibwira imiryango yabo hagaca hakurikira umugirwa wo gusaba no gusabwa. Kuruwo munsi, akenshi umuryango w’umuhungu n’uw’ umukobwa iba yakoranye hakavugwa n’amajambo ajanye n’uwo mugirwa. Aho akaba ari muntumbero yo kwerekana ko iyo miryango uko ari ibiri yunze ubucuti kumugaragaro mbere ko bagiye guhana umugeni. Vyerekana kandi ko uwo mukobwa agiye kwubaka adaciye mu kinywabi.

Munyuma haca haba gusezerana kwabo bagiye kwubakana imbere y’uwuserukira Reta. Turavye ukuntu umuhungu n’umukobwa bacagurana, akenshi n’umuhungu ahitamwo umwigeme kuko mu migenzo y’ikirundi iyo umwigeme ariwe ahisemwo umuhungu bica bifatwa nk’uko uwo mwigeme ari inshirasoni. Aha mwomenya ko amategeko y’Uburundi atabuza umwigeme kubwira umuhungu ko ashaka ko bubakana. Bikorwa gusa muntumbero yo gukurikiza umugenzo w’ikirundi wuko umuhungu ariwe aresha umwigeme. Twokwibutsa ko aho hambere hahise abavyeyi b’umuhungu aribo bamucagurira umugeni atabizi. Yamubona ku munsi w’ubugeni. Aha rero umuntu yo kwibaza igituma umukobwa adatinyuka kubaza umuhungu ko bokwubakana kandi amategeko atabimubuza. Mbega umwigeme abwiye umuhungu ko yipfuza ko babana yoba abaye inshirasoni koko?Haba hano mu Burundi canke mu bindi bihugu , imico n’akaranga bigenda birakurikizwa uko urunganwe rugenda rukurikirana  . Muri iyo mico n’imigenzo harimwo umugenzo w’uko umwigeme aja kwubaka ari uko habonetse umuhungu aza kumuresha. Ivyo bigaterwa n’uko, na cane cane mu Burundi, bitabonwa neza iyo umukobwa ari we abwiye umuhungu ko amukunda. Biranashika kenshi ko muri ukwo kurindira umuhungu, umukobwa ateba akabura uwuza kumuresha agaca aguma muhira ubuzima bwiwe bwose. Abo twaganiriye bavuga ko hari n’aho bishika umukobwa akaja kwubaka atabishaka canke akubakana n’uwo adakunda, kuko atinya ko yohava ataronka uwundi aza kumuresha canke abitewe n’uko umuryango wamuremereye.  Abigeme twaganiriye biga muri kaminuza, bavuga ko muri iki gihe batoroherwa kuko mu muryango no mu kibano bivugwa ko umukobwa ageze muri kaminuza atarubaka aba akunda kubenga canke ko aba yabuze uwumuresha. Uwurinze aheza kaminuza we ngo ni gake aronka uwo bubakana mu gihe batari basanganywe ngo babe biyumvikaniye kurindira guheza amashure no kuronka uburyo bwo kwibeshaho. Abo bigeme baremeye ko tuvuga amatazirano yabo mugabo ngo ntidushire ahabona amazina y’ikirundi. Bavuga ko hariho bagenzi babo bagiye kwubaka izabo ariho bagiheza amashure yisumbuye, kandi bakabona ko bigenze neza bashobora kuzokwiga kaminuza bari mu ngo zabo. Uwo bishobokeye ngo bimubera vyiza cane, narirya aba afise benshi bamutera intege bigatuma yiga neza. Aruko babona ko bitama vyoroha kuko hari igihe umukenyezi ahura n’ibimugora mu rugo, akagira ubuzima bubi canke abana bakagwara, bigatuma ataronka umwanya ukwiye wokwitaho ivyigwa.Nta mukobwa akigwa mu gahundweUmwana w’umwigeme kuva akivuka bavuga ko ari umukobwa kuko baba biteze ko ari uwuzokobwa akaja mu wundi muryango. Kera bahora bavyina ngo “umukobwa iyo agumye iwabo aratera nyina agahinda agatera se uruhagarara”. Yamara bose ntibaronkera rimwe. Vyongeye ntibaronka bose, kuko hari abaguma iwabo ntibigere bubaka izabo.  Ikinezereje ni uko n’umukobwa ataronse umugabo atagikumirwa ngo ashirwe mu kazu ka wenyene (ari ko bita agahundwe) aho yateba akicirwa n’agahinda, akaribwa n’ibikoko vyitwa ngeni. Ako gahundwe yakibanamwo wenyene nta n’uwaja kumuraba. N’iyo apfuye  ntibamuhamba, ari naco gituma yaribwa n’ibikoko. Ntaworeka gushima ko ata mukobwa akigwa mu gahundwe nk’uko vyagenda kera azize ko ataronse umugabo, kuko muri ico ntiyaba agifatwa nk’umuntu.Birabujijwe ko umukobwa aresha umuhungu ?Mu migenzo y’ikirundi bavuga ko ata mukobwa yubahuka kuresha umuhungu, ngo aba ashize isoni. N’aho umukobwa yoba akunda umuhungu, ngo aragumya ibanga mpaka uwo musore akaba ari we aserura ko amukunda kandi ashaka ko bubakana. Bitabaye uko naho, umukobwa ararindira uwundi. Ariko muri ukwo kurindira birashika umukobwa agasanga imyaka yamubanye myinshi, na we nyene ntabe acizera kuronka uwo bubakana.Délicia agira ati: “Twakuze twumva bavuga ko umuhungu ari we aresha, umukobwa na we akareshwa. Ni ukuvuga ko umukobwa adafise uburenganzira bwo kuba ari we ahitamwo uwo bazokwubakana ngo abe ari we agira intambwe ya mbere yo guserura akari ku mutima. Ahubwo ategerezwa guhitamwo mu baje bamugana bagaserura n’icifuzo cabo. Bishitse hakaza uwo akunda, aba ari amata avyaye amavuta”.  Ariko bose ntibabibona kumwe. Umwigeme yitwa Gladis C.yatubwiye ko mu gihe yakunze umuhungu, n’aho yoreka kubimubwira mu majambo yoheza akamwereka ko amwitayeho, nko mu kumwandikira canke kumuterefona, mu kumuha utuganuke nko mu gihe c’isabukuru y’amavuka. Ngo nawe vyoteba bikamukora ku mutima akabona ko akwiye kumusubiriza mu ndumane. Imigenderanire yabo ngo yoteba igakomera. Mu gihe uwo muhungu yifuza kwubaka ntiyorengana uwo amwitaho ngo aje kurondera uwundi, kiretse yamusanganye ingeso zitari nziza.Abigeme ntibihutira gushinga urugoIbishobora gutuma umwigeme atihutira kuja kwubaka urwiwe ngo si amashure gusa canke kutaronka uwumuresha. Bamwe abo twaganiriye bavuga ko ivyo babonamungo zimwe zimwe canke ibishikira urunganwe rw’abo rumaze kwubaka bitabahumuriza. Ngo mu bagenzi babo bamaze kwubaka izabo harimwo abatamerewe neza bitumwe n’uko abagabo babobatitaho ingo zabo. Ivyo ngo bigatuma abatarubaka baca batinya kuko bibaza ko nabo vyobashikira. Abandi nabo barashima ko hari abubaka rukaguma, mugabo ngo si bose bagira ayo mahirwe. Ivyo vyo kutizera kubaho neza ngo bituma abigeme babanza gutenyenya, n’aho boronka ababaresha ntibemere kwubaka hakiri kare,bakavuga ko bashikiwe n’ingorane vyohava bibagora kuzihanganira kuko boba bakiri bato.Ciella B. avuga ko bitoroshe kwemera kwubaka urwiwe mu gihe abona abagenzi biwe bameze nk’abibana. Aha atanga akarorera k’abakenyezi bateramira muhira bonyene bakabona abagabo babo ari uko batashe kuryama biborerewe. Ngo hari n’abagabo bataborerwacane mugabo ugasanga bashima guteramana n’abagenzi mu bunywero no mu butambiro gushika mugicugu. Muri ico gihe, ngo serugo ntiyigera abazwa ivyo muhira, ugasanga umukenyezi ni we yitaho abana akamenya n’ibiranga urugo wenyene. Uwo mwigeme abona ko abo bagabo basa n’abahunga amabanga bajejwe bakiberaho nk’abatarubaka. Arongera akagira ati: “Kubona umukobwa ava iwabo akaja ku  mugabo, budakeye na kabiri wa mugabo akisubirira mu bo bahora bateramana ntiyibuke ko afise umugore, ntiyibaze ko uwo bubakanye hari ico ashobora gukenera ntakironke kuko umugabo atahari, umukobwa akaguma mu nzu wenyene kandi iwabo  yahora ateramana n’abavyeyi n’abavukanyi, ni ibintu bibabaje cane kandi bica intege”.Daniela K. we agira ati: “Hako nja kubana n’umuntu agaca ansiga jenyene akigira mu bagenzi biwe canke mu bahabara, nopfuma nguma iwacu.Sinoshima kuja kwisembereza uwutambabaye, abona ko ikibanza mfise kiza inyuma y’abagenzi biwe,akansiga mu nzu jenyene”. Ariko aragwa akagaruka ati:“Bishitse umuntu akumva ko ashaka kwubaka urwiwe aragenda, mugabo kenshi tubona ko ari nk’uguhitishamwo kuko ataba azi ko bizorama”.Umubano mwiza hagati yabubatse Wa wundi ati “Vyoroheye kuguma”!Ukwubaka si umukino kandi si ibirori. Ibirori bimara umusi umwe canke ibiri, mugabo ubuzima bw’abubatse buba butanguye. Haracamwo ibigumye n’ivyoroshe, ariko kubashize hamwe nta kibahungabanya kuko baba bazi icatumye biyemeza kubana.Daniela K. arongera akavuga ati: “Igikuru ni umutima w’umuntu kandi ivyiza ni uko uwubatse yokwirinda kubera akarorero kabi abari inyuma yiwe. Yaba umukobwa canke umuhungu agira intambwe ya mbere yo kurondera kwubaka urwiwes, ku bwanje ni co kimwe. Igihambaye ni uko bogendera ivyo biyemeje, kandi urukundo bari bafitaniye ntirutituke, hagize ikibagora bakagitorera umuti bashize hamwe. Kukaba nkako, ukubwira umuntu ko umukunda si kwo gushira isoni kandi noneho nta kibi kirimwo. Ikibi ni uguhemukira uwo mwasezeranye gusangira akabisin’agahiye. Si ugusangira agahiye ko ku misi mikuru y’ubukwe, ubugeni n’ugutwikurura gusa. Ni urugendo rusangi rw’ubuzima bwabo bwose.Ni naho abubatse boba bariko bacira inzira nziza barumuna babo hamwe n’abana bibaruka mbere bigatuma bavugwa neza mukibano no mu miryango yabo. 

Emérentienne Ndaruzaniye

Igisata co kwandika amakuru Documentation

 

Abasaseredoti basabwa kwitwararika guteza imbere umuntu uko ari kwose

DSC01432Abasaseredoti n’ababafasha muri iryo banga basabwa kwitwararika guteza imbere umuntu uko ari n’uko ameze. Ivyo vyashikirijwe kw’igenekerezo rya 4 Mukakaro 2020 n’Umukuru w’igihugu c’Uburundi Evariste Ndayishimiye mw’ijambo yashikirije  ari kumwe n’umutambukanyi igihe yari yateye iteka ibirori vyo kwatira mw’ibanga ry’ubusaseredoti, ubudiyakoni, ubukorezi, n’ubusomyi muri Paruwasi Shombo, Diyoseze Gitega, intara ya Karusi. Umukuru w’igihugu yarashimiye  Imana yo yabagabiye abaherezankuka bashasha. Vyongeye  urukundo Imana yakunze Uburundi n’Abarundi kuva kera nirwo rwatumye Abarundi begurira Imana igihugu cabo, bayiha ikibanza ca mbere muri vyose na hose kandi ngo uwuyiyegetseko ntimutetereza. Yarashimiye  kandi Ekleziya Katorika yo yatumiye umuryango wiwe  ngo basangire ivyiza, kuko  iyo havutse umuntu igihe cose haba akanyamuneza. Yamenyesheje kandi ko bihimbaye iyo umuntu yatiwe mw’ibanga ry’ubusaserdoti kuko rihuza abantu n’Imana. Yarakeje imikangara yari ihejeje kwatirwa kuko ubuherezankuka ari ingabirano Imana iha abiikunda bakayikundira kandi kunguka umuvyeyi ari ibintu biryoshe cane.

Yaciye akeza Diyoseze ya Gitega yagabanye abasaserdoti n’abandi bamenyeshamana bagiye gufasha kumenyesha inkuru nziza aboro, kwunga imitima yavunitse, kumenyesha ababoshwe ko babohowe, abahumye ko bahumutse, abacinyijwe ko babohowe no kumenyesha umwaka w’ubuntu bw’umukama muri Diyoseze ya Gitega, mu Burundi no kw’isi yose. Yarongeye arabakeza kuko bari bahejje kwatirwa mu mabanga mashasha y’ubusaseredoti nawe amaze iminsi 16 yatiwe mu mabanga yo kurongora igihugu, yabibukije ko baje kumenyesha inkuru nziza aboro nawe aje gukura aboro mu bukene. Yaciye amenyesha ko bose bafise ubutumwa bw’Imana, bisigura ko ari magiriranire kuko mu gihe bazorazwa ishinga no kurondera gukiza imitima y’abantu ngo baronke ubuzima budahera mw’ijuru, nawe azokwitwararika ko Abarundi babaho neza, bagira amahoro n’umutekano. baronke  ivyo barya n’aho baryama, baronke  amagara meza, bashobora kwiga bagaca ubwenge, bashobora  gutunganirwa bakongera bakagira iteka n’itekane, gutyo ngo umwe wese akoze ico ajejwe bazohurira ku kintu kimwe ariyo neza y’umuntu. Ikindi yamenyesheje n’uko  ashima ingene Ekleziya Katorika yitwararika mu kwubaka amashure, amavuriro no mu gutunganya ibikorwa vy’iterambere irangura biciye mu bisata bijejwe iterambere bikukira amadiyoseze. Ngo Reta yipfuza  ko amaparuwasi yoba amayogi y’iterambere ry’abanyagihugu, aca abasaba gukoresha ububasha bafise ku bene Paruwasi babigishe ibibateza imbere kuko bateye imbere n’ama paruwasi ahatorera akoyoko. Yaranabasavye ko boza bafise ingoga zo gukora vyose nka Pawulo mweranda kandi ngo bigishe nkawe, abasaba no gutanga ubutumwa bigisha Abarundi gukunda Imana n’igihugu cabibarutse, ngo bazamure ubutunzi bw’igihugu, basenyere ku mugozi umwe bongere buzuzanye. Yaheraheje ababwira ko hatangujwe isekeza ryo kurwanya ikiza «Coronavirus».  Yabasavye kugihagurukira bose ngo uwibonyeko ibimenyetso vya mbere ace abimenyesha abaganga bamwegereye, bakirinda kwandura mu kwama bafise isuku mu ntoki kuko ico kiza gica mu maso, mu mazuru no mu kanwa, gutyo ngo mu gihe boba bafise isuku ntibokwanduza abandi. Umwepisikopi wa Diyoseze ya Gitega Musenyeri Simon Ntamwana nawe, yashimikiye ku nkurunziza y’umukama yanditswe na Luka, yamenyesheje ko isi ironka umuhezagiro iwuhawe n’abasaserdoti  nabo bawukuye kuri Yezu Kristu nk’uko basirwa amavuta meranda ya kristu. Yamenyesheje ko umusaseredoti mweranda ariwe aja imbere mu rutonde rw’abakristu nabo babonye ubutore bw’umutima wiwe bakamuja inyuma mu bugamburutsi butagabanije bwibaza iyo ariko araja. Yarongeye abamenyesha ko ubwitonzi bwa data aribwo buzobarinda, ko atari amayeri y’abantu azobafasha kuba mw’isi . Rero ngo ni mutima mweranda azobabera inkomoko y’ingendo y’aba kristu mw’isi, kandi ngo ingemu ija imbere y’izindi umusaseredoti ajana mu bantu ni urukundo n’ubweranda. Yaciye abahamagarira kuzokorera Imana n’abantu bafise akanyamuneza, bisunga Mutima mweranda gutyo ngo bazoronka urukundo n’ubweranda kuko ngo Imana irabakunda urutagira agahemo. Mw’ijambo ryiwe ryo gukenguruka, yarakengurukiye Umukuru w’igihugu yari yaje   kubatera iteka muri ivyo birori ashima n’impanuro yabahaye ibereye umukristu. Yaheraheje aremesha ingo z’abakristu azisaba ngo zibe iza mbere mu gukomera mu majambere bagiye gukomezwamwo n’imigambi y’Umukuru w’igihugu, bisubiye ngo imigambi y’Imana n’ugukiza umuntu ikamukiza wese ku mutima no ku mubiri. Twobamenyesha ko muri ivyo birori  hatiwe abasaserdoti 12, abadiyakoni 8, hamwe na 13 bahawe ubutumwa bw’ubukorezi n’abasomyi 17. Abasaseredoti n’ababafasha muri iryo banga basabwa kwitwararika guteza imbere umuntu uko ari n’uko ameze. Ivyo vyashikirijwe kw’igenekerezo rya 4 Mukakaro 2020 n’Umukuru w’igihugu c’Uburundi Evariste Ndayishimiye mw’ijambo yashikirije  ari kumwe n’umutambukanyi igihe yari yateye iteka ibirori vyo kwatira mw’ibanga ry’ubusaseredoti, ubudiyakoni, ubukorezi, n’ubusomyi muri Paruwasi Shombo, Diyoseze Gitega, intara ya Karusi. Umukuru w’igihugu yarashimiye  Imana yo yabagabiye abaherezankuka bashasha. Vyongeye  urukundo Imana yakunze Uburundi n’Abarundi kuva kera nirwo rwatumye Abarundi begurira Imana igihugu cabo, bayiha ikibanza ca mbere muri vyose na hose kandi ngo uwuyiyegetseko ntimutetereza. Yarashimiye  kandi Ekleziya Katorika yo yatumiye umuryango wiwe  ngo basangire ivyiza, kuko  iyo havutse umuntu igihe cose haba akanyamuneza. Yamenyesheje kandi ko bihimbaye iyo umuntu yatiwe mw’ibanga ry’ubusaserdoti kuko rihuza abantu n’Imana. Yarakeje imikangara yari ihejeje kwatirwa kuko ubuherezankuka ari ingabirano Imana iha abiikunda bakayikundira kandi kunguka umuvyeyi ari ibintu biryoshe cane.

Yaciye akeza Diyoseze ya Gitega yagabanye abasaserdoti n’abandi bamenyeshamana bagiye gufasha kumenyesha inkuru nziza aboro, kwunga imitima yavunitse, kumenyesha ababoshwe ko babohowe, abahumye ko bahumutse, abacinyijwe ko babohowe no kumenyesha umwaka w’ubuntu bw’umukama muri Diyoseze ya Gitega, mu Burundi no kw’isi yose. Yarongeye arabakeza kuko bari bahejje kwatirwa mu mabanga mashasha y’ubusaseredoti nawe amaze iminsi 16 yatiwe mu mabanga yo kurongora igihugu, yabibukije ko baje kumenyesha inkuru nziza aboro nawe aje gukura aboro mu bukene. Yaciye amenyesha ko bose bafise ubutumwa bw’Imana, bisigura ko ari magiriranire kuko mu gihe bazorazwa ishinga no kurondera gukiza imitima y’abantu ngo baronke ubuzima budahera mw’ijuru, nawe azokwitwararika ko Abarundi babaho neza, bagira amahoro n’umutekano. baronke  ivyo barya n’aho baryama, baronke  amagara meza, bashobora kwiga bagaca ubwenge, bashobora  gutunganirwa bakongera bakagira iteka n’itekane, gutyo ngo umwe wese akoze ico ajejwe bazohurira ku kintu kimwe ariyo neza y’umuntu. Ikindi yamenyesheje n’uko  ashima ingene Ekleziya Katorika yitwararika mu kwubaka amashure, amavuriro no mu gutunganya ibikorwa vy’iterambere irangura biciye mu bisata bijejwe iterambere bikukira amadiyoseze. Ngo Reta yipfuza  ko amaparuwasi yoba amayogi y’iterambere ry’abanyagihugu, aca abasaba gukoresha ububasha bafise ku bene Paruwasi babigishe ibibateza imbere kuko bateye imbere n’ama paruwasi ahatorera akoyoko. Yaranabasavye ko boza bafise ingoga zo gukora vyose nka Pawulo mweranda kandi ngo bigishe nkawe, abasaba no gutanga ubutumwa bigisha Abarundi gukunda Imana n’igihugu cabibarutse, ngo bazamure ubutunzi bw’igihugu, basenyere ku mugozi umwe bongere buzuzanye. Yaheraheje ababwira ko hatangujwe isekeza ryo kurwanya ikiza «Coronavirus».  Yabasavye kugihagurukira bose ngo uwibonyeko ibimenyetso vya mbere ace abimenyesha abaganga bamwegereye, bakirinda kwandura mu kwama bafise isuku mu ntoki kuko ico kiza gica mu maso, mu mazuru no mu kanwa, gutyo ngo mu gihe boba bafise isuku ntibokwanduza abandi. Umwepisikopi wa Diyoseze ya Gitega Musenyeri Simon Ntamwana nawe, yashimikiye ku nkurunziza y’umukama yanditswe na Luka, yamenyesheje ko isi ironka umuhezagiro iwuhawe n’abasaserdoti  nabo bawukuye kuri Yezu Kristu nk’uko basirwa amavuta meranda ya kristu. Yamenyesheje ko umusaseredoti mweranda ariwe aja imbere mu rutonde rw’abakristu nabo babonye ubutore bw’umutima wiwe bakamuja inyuma mu bugamburutsi butagabanije bwibaza iyo ariko araja. Yarongeye abamenyesha ko ubwitonzi bwa data aribwo buzobarinda, ko atari amayeri y’abantu azobafasha kuba mw’isi . Rero ngo ni mutima mweranda azobabera inkomoko y’ingendo y’aba kristu mw’isi, kandi ngo ingemu ija imbere y’izindi umusaseredoti ajana mu bantu ni urukundo n’ubweranda. Yaciye abahamagarira kuzokorera Imana n’abantu bafise akanyamuneza, bisunga Mutima mweranda gutyo ngo bazoronka urukundo n’ubweranda kuko ngo Imana irabakunda urutagira agahemo. Mw’ijambo ryiwe ryo gukenguruka, yarakengurukiye Umukuru w’igihugu yari yaje   kubatera iteka muri ivyo birori ashima n’impanuro yabahaye ibereye umukristu. Yaheraheje aremesha ingo z’abakristu azisaba ngo zibe iza mbere mu gukomera mu majambere bagiye gukomezwamwo n’imigambi y’Umukuru w’igihugu, bisubiye ngo imigambi y’Imana n’ugukiza umuntu ikamukiza wese ku mutima no ku mubiri. Twobamenyesha ko muri ivyo birori  hatiwe abasaserdoti 12, abadiyakoni 8, hamwe na 13 bahawe ubutumwa bw’ubukorezi n’abasomyi 17. 

Evelyne Niyonzima

 

ku wa 1 Mukakaro n’umusi wo kwirimbura ku Barundi

Kw’igenekerezo rya 1 Mukakaro 2020, Abarundi barahimbaje imyaka 58 bamaze bikukiye ku civugo «Shinga icumu mu mashinga, gaba intahe y’ubugabo k’ubugingo ». Mu gisagara ca Bujumbura, ibirori vyo guhimbaze intahe y’ukwikukira vyari birongowe n’Umukuru w’igihugu Evariste Ndayishimiye. Ivyo birori vyatanguriye ku musozi Vugizo aho Umukuru w’igihugu n’Umutambukanyi wiwe bashira urugori rw’amashurwe ku ntatemwa y’umuganwa atari umugani Rudoviko Rwagasore, baca basubira bashira urundi rugori rw’amashurwe ku kibanza citiriwe ukwikukira. Ibirori nyamukuru vyabereye kw’ibarabara ryitiriwe ukwikukira aho vyatangujwe n’idefire ndende y’abakozi ba Reta, abikorera ivyabo, abasoda n’abaporisi. Ivyo birori vyasozerewe n’ijambo ryashikirijwe n’Umukuru w’igihugu aho yamenyesheje ko ku wa 1 Mukakaro ari umunsi w’akanyamuneza kuko Abarundi birimbura iyo bavuye niyo bageze. Ngo birahimbaye kuko biboneka ko Abarundi bamaze gukanura bakubaka neza igihugu cabo. Ngo kuva mu mwaka w’2015 nico gihe cakujije Abarundi kuko bibeshejeho, baritunganiriza amatora mu buryo bwabo. Ngo ayo matora yagenze neza, Abarundi baremera ivyayavuyemwo. PrezidaNdayishimiye yamenyesheje ko intambwe Abarundi bagezeko mu gutsimbataza imigambi iteye igomwe. Yabandanije atera akamo abanyamahanga ko boza gukorana n’abarundi mu ntumbero yo kubandanya bateza imbere igihugu. Umukuru w’igihugu yamenyesheje ko Reta igiye kwitaho urwaruka n’abageze mu zabukuru. Yamenyesheje ko yipfuza ko Abarundi boba akarorero mu gusubiza mu buryo ivyasambaguritse kubera ihindagurika ry’ibihe. Ngo aripfuza ko Abarundi bogira amagara meza mu kurwana urugamba rwo kurwanya ibiza vyo kw’isi batibagiye ikiza korona. Ngo Abarundi bagiye kwerekana akarorero ko bashobora kurwanya ikiza korona bakongera bakagitsinda. Ni muri iyo ntumbero batanguye isekeza ryitiriwe

: « ndakira, sinandura, sinanduza. »  Umukuru w’igihugu ahamagarira uwibonyeko ibimenyetso vy’ikiza korona ko yokwihutira kwa muganga bamupime, hanyuma basanze arwaye bakamuvura atarasinzikara, ace akira. Uwutarafatwa nawe, ngo yokwirinda kwandura mu gukurikiza amategeko yose ubushikiranganji bujejwe amagara y’abantu bwatanze. Ngo abantu bokwirinda kwandukizanya mu kwama basukura intoke,  arico gituma Reta yagabanije igiciro c’isabuni ku bice 50%. Ngo ibiharuro biriko birakorwa kugira ku mirwa mikuru y’intara bashobore kugabanya igiciro c’amazi mu gihe cose uwo mugera uzoba utaratuzwa. Umukuru w’igihugu yarashimiye ikigo gitoza amakori n’amatagisi OBR ku kungene cakoze kitiziganya muri uwu mwaka, bigatuma ikigega ca Reta kibomboka. Muri uwu mwaka ngo hari hategekanijwe ko hazotozwa amafaranga angana n’908 840 000 000 hakaba hatojwe ayangana n’1 021 710 000 000  n’ukuvuga ko harenzeko amafaranga angana 112 710 000 000. Prezida Ndayishimiye yamenyesheje ko ibice 40% vy’ayo mahera yarenzeko agiye kujanywa mu makomine kugira afashe urwaruka rutagira akazi mu migambi y’iterambere ruzokwitunganiriza. Umukuru w’igihugu yarangije ijambo ryiwe ashimira abitanze kurusha abandi mu kubaha imidari n’akabahasha k’inzamuzo kari hagati y’amafaranga angana n’2 000 000 n’1 000 000. Muri abo harimwo Pierre Claver Ndayicariye arongoye umurwi wo kumenya ukuri kunywanisha Abarundi no kurekuriranira CVR yaronse umudari w’iteka w’ugukorera neza igihugu n’ibahasha ry’amafaranga 2 000 000, Albert Nasasagare yahora akora mu bagendaniraUmukuru  w’igihugu yaronse umudari  w’iteka n’ibahasha  ry’amafaranga angana 1 500 000  na riyetena Kelly Nkurunziza umuhungu w’uwahoze ari Umukuru w’igihugu Petero Nkurunziza yaronse ikidari c’intwari n’ibahasha ry’amafaranga angana 1 500 000. Umukuru w’igihugu yarahaye agashimwe abakoze idefile  neza kurusha abandi. Aba mbere bakaba ari abakenyezi bo mw’ihuriro ry’abakenyezi bakaba baronse amafaranga angana n’4 000 000, abakozi bo mugisata kijejwe gucungera uruja n’uruza mu kiyaga baronse amafaranga angana n’3 000 000, abakozi bo mw’ihinguriro rikora umwavu FOMI baronse amafaranga angana n’2 000 000 n’abakenyezi bari mw’ishirahamwe ry’abakenyezi b’intwari bararonse amafaranga angana n’1 000 000. Mu bafashije kuryosha ibirori, abasoda n’abaporisi bararonkejwe amafaranga angana n’3 000 000, abagize umurwi witwa Bene Ntare baronse amafaranga angana n’2 000 000, abamajorete baronse amafaranga angana n’2 000 000, abari mw’ishengero ry’aba «adventiste» baronse amafaranga angana n’2 000 000 n’abari mu muhari wa scout  na guide baronse amafaranga angana n’1 000 000.
Aline Kanyana

 

Urwaruka rusabwa n’abarongoye amashirahamwe kwigenza neza mu matora n’inyuma yayo

Inyuma y’amatora urwaruka ruhamagariwe kwigenza neza  kubera ko ubuzima bubandanya  kandi haba hageze ko umugambwe watsinze ushira mu ngiro imigambi wiyemeje. Ivyo vyamenyeshejwe n’umuyobozi w’ishirahamwe ry’urwaruka  rw’abanyafrika mparaniramajambere  Eric Nsengiyumva mu kiganiro yahaye ikinyamakuru UBUMWE ku wa 8 Ruheshi 2020Nkuko yabandanije abimenyesha, inyuma y’amatora urwaruka baruhimiriza kwigenza neza mu kuja hamwe bagakora ibikorwa vy’iterambere  bakongera bakarwaniriza umwansi hamwe. Inyuma y’amatora rero ngo ubuzima burabandanya babwirizwa kubana neza n’abo badasangiye umugambwe  bagafatana mu nda ntibagume bishiramwo ivyo gutsindwa.  Ku bijanye n’ico biteze mu guserukirwa mu nzego akaba yamenyesheje ko bizeye ko bigiye kugenda neza Umukuru w’Igihugu mushasha azobiyumvira bagaserukirwa. Yarangije asaba Reta ko mu migambi bazoshira imbere batokwibagira guha akazi abantu benshi.  Uwusererukira ishirahamwe ryishinze gutsimbataza amahoro n’iterambere rusangi mu Burundi Fabien Bimenyimana nawe mu kiganiro yahaye ikinyamakuru UBUMWE ku wa 17 Ruheshi 2020 akaba yabanje guhoza umuryango w’uwahora arongoye Igihugu Petero Nkurunziza, Uburundi n’abarundi hamwe nabo bari basangiye imirimo ya poritike. Yaciye amenyesha ko ishirahamwe ryabo ahanini rigizwe n’urwaruka ruhejeje amashure ya kaminuza hamwe n’abandi basanzwe bikorera ivyabo bahejeje amashure.Ku bijanye n’inyifato ibereye urwaruka rwogira mu matora n’inyuma yayo n’uko  bokwirinda  ababahenda, bagume batekanye.

Ngo woba umwanya mwiza wo kwinengesera bakirinda imvugo zose z’ugucanishamwo ahubwo bakore barondera cane cane imigambi y’iterambere hamwe n’igihe haba amatora habaye akarusho ku nyifato y’urwaruka bivanye n’inyigisho zagiye ziratangwa n’abagize amashirahamwe atandukanye,abarongoye inzego mu bushikiranganji butandukanye  hamwe n’abagize umurwi wigenga ujejwe gutegura amatora CENI.Inyuma y’amatora naho ngo bakwiye kwirinda  imvugo yoza ibacanishamwo. Muri kino gihe kandi ngo urwaruka rukwiye no gukura amaboko mu mpuzu  mu kurwiza umwimbu mu gihugu. Ku bijanye n’ico biteze mu nzego nshasha zigiye kurongora Uburundi akaba yamenyesheje ko bizeye ko urwaruka ruzoserukirwa mbere hakavamwo n’umushikiranganji. Yarongeye amenyesha ko aravye abaraye batowe mu bashingamateka harimwo urwaruka kuko yabonye abafise imyaka mirongo itatu. Ivyo rero bigatuma urwaruka rugira icizere ko Umukuru w’Igihugu azorushira mu nzego zitandukanye kugirango ruserukire abandi rwongere rushikirize ivyiyumviro vyabo.  Yarangije asaba urwaruka kuguma rurikanuye mu kurwanya ico cose coza kibahungabanya maze bagafatana mu nda bateza imbere Igihugu c’amavukiro.  Eric Ndayikengurutse umuhuzabikorwa mw’ishirahamwe REJA ni ukuvuga ihuriro ry’amashirahamwe y’urwaruka ruri mu bikorwa ku bw’ugusubiza hamwe mu mahoro n’iterambere, akaba nawe yabanje kwibutsa  ko hari ibiringo bitatu arivyo imbere y’amatora muriyo nyezina hamwe n’inyuma yayo.Imbere y’amatora,  urwaruka rubanza kumva ko mu budasa bwarwo umwe wese yokwubahiriza uwundi ntihagire uwuhohotera uwundi. Mu matora nyezina naho ngo urwaruka rwokubahirizanya bakaja mu matora nk’abantu babumbatiye amahoro umwe wese agaheza agatora uwo yiyumvira ko ariwe afise akamaro gakomeye.  Ikindi naco ngo ni uko bomenya ko igihe c’amatora ari igihe gisanzwe iyo aheze ubuzima buheza bukabandanya bagaheza bakaguma babana mu mahoro n’umutekano kandi bakabana bihanganiranira mu mibereho y’abo ya minsi yose. Inyuma y’amatora rero hoho ngo ni ikintu gikomeye cane kuko haba hariho uwutsinzwe n’uwatsinze. Muri ico gihe rero ngo uwutsinzwe yoheza agashima ivyavuye mu matora adashimye naho akitura inzego zibijejwe kandi akurikije amategeko yashinzwe na Reta.  Mu matora rero ngo ikintu gihambaye ni uko  vyose vyoca mu mategeko yategekanijwe n’Igihugu. Ku bijanye n’ico biteze ku nzego nshasha zigiye kurongora Igihugu, Eric Ndayikengurutse akaba yamenyesheje ko kubera urwaruka ari rwinshi mu gihugu rwoheza  bagahabwa ijambo kuko ari bwo Burundi bw’ejo.  Ikindi ngo  bakwiye kuja mu nzego bakamenyerezwa kugira   ni hagera ko batwara ntibazoheze ngo  bamaramaze imigambwe baturukamwo. Yaciye kandi amenyesha ko boheza bakanahabwa ijambo mu gutegura imigambi y’Igihugu. Urwaruka kandi rwoheza rugahabwa ijambo mu gusuzuma ko imigambi yategekanijwe yashitsweko. Iruhande y’ivyo ngo n’aho hariho ibibanza bike boheza bagategekanya imigambi myinshi y’iterambere kugirango bashinge ubuzi bwinshi ntihagire urwaruka rwirirwa rwicaye. Yarangije asaba urwaruka kwirwanako rukarangura imigambi y’iterambere. Yongeye asaba ubushikiranganji butandukanye kuja hamwe n’amashirahamwe bagahanahana ivyiyumviro ku bibazo urwaruka rufise bongere babitorere inyishu.

Christine Manirambona

 
Ouvrir