Publications de Presse Burundaise, Rohero I Avenue de la JRR N°17 Immeuble le SAVONNIER, Téléphone standard : (257) 22 22 62 32, Fax :(257) 22 22 58 94, email: pressequotidienne@yahoo.fr

Mu ntara Bujumbura Urwaruka rusabwa kugendera inyigisho baronkejwe mu gihe c’ibikorwa bararikiwe vyo mu buruhuko

amabuyaUmushikiranganji wo kumenyeshamakuru n’ibimenyeshamakuru akaba n’umuhetsi w’intara ya Bujumbura, Frédéric Nahimana asaba urwaruka na cane cane abo mu ntara ya Bujumbura kugendera inyigisho baronkejwe mu gihe  bari mu bikorwa bararikiwe vyo mu ci.Izo mpanuro akaba yazibatekereye ku wa  5 Nyakanga 2019 mw’ijambo yabashikirije ryo gusozera ibikorwa vyo mu ci, aho bahuriye muri komine Nyabiraba baheje gutunganya ibikorwa vy’uwo munsi. Umushikiranganji wo kumenyeshamakuru n’ibimenyeshamakuru akaba n’umuhetsi w’intara ya Bujumbura, Frédéric Nahimana asaba urwaruka na cane cane abo mu ntara ya Bujumbura kugendera inyigisho baronkejwe mu gihe  bari mu bikorwa bararikiwe vyo mu ci.Izo mpanuro akaba yazibatekereye ku wa  5 Nyakanga 2019 mw’ijambo yabashikirije ryo gusozera ibikorwa vyo mu ci, aho bahuriye muri komine Nyabiraba baheje gutunganya ibikorwa vy’uwo munsi. Umushikiranganji akaba yabanje kw’ifadikanya nabo mu bikorwa vyo  kwegeranya amatafari yo kwubaka isoko iri ku mutumba Kinyami zone Nyabiraba yongera arifadikanya n’abanyagihugu mu bikorwa vyo kwubaka  ishure ry’imyuga  riri hafi ya komine Nyabiraba aho bariko baravanga umusenyi n’urucekeri n’isima. Buramatari w’iyo ntara, Nadine Gacuti akaba yari  yazananye n’urwaruka rwo muri komine Mutimbuzi.Inyuma y’ivyo bikorwa haciye haba urukino rw’umupira w’amaguru rwahuje imigwi y’abigeme bo mu Rubirizi na Nyabunyegeri. Muri urwo rukino umugwi wa Nyabunyegeri ukaba waronse ibitsindo bibiri ku busa bw’umugwi  wa Rubirizi. Umupira uheze ibirori bikaba vyabandanirije ku murwa mukuru w’ iyo komine Nyabiraba aho haciye havugirwa amajambo y’uwo musi, hanyuma umushikiranganji  wo kumenyesha amakuru na buramatari w’intara ya Bujumbura baratanga  ubushimwe butandukanye ku barongoye iyo migwi y’abakinyi, ku bakinyi, yongera araha n’abana babaye aba mbere n’abakabiri mw’ishure ubushimwe.Musitanteri wa komine Nyabiraba,Ferdinand Simbananiye akaba yarakegurukiye umushikiranganji ku kuntu yama yabagendeye  akanabashigikira mu bikorwa vyabo. Yarongeye arakengurukira buramatari w’intara ya Bujumbura ku kuntu yama yitangira iyo komine.

Ferdinand Simbananiye akaba yamenyesheje ko urwaruka rugera ku 7471 aribo bashoboye kwitaba ivyo bikorwa ku rwego rwa komine .Mw’ijambo ryiwe, umushikiranganji Frédéric Nahimana yarakengurukiye buramatari yagenda arabatera akamo yongera arashiraho imigambi ituma bahura.Yaciye akeza intara ya Bujumbura yabaye iya gatanu ku rwego rw’igihugu mu bijanye n’ibikorwa vy’iterambere yongera arakeza komine nyabiraba yaronse ikibanza ca kabiri ku rwego rw’igihugu.Yarashimiye kandi abana bose bitanze kugirango ibikorwa vyo mu buruhuko bigende neza yongera arakengurukira abayobozi b’amashure bagerageje kwegeranya abo bana .Yasavye abanyagihugu bo muri iyo komine guteramira amahoro n’umutekano bakahabera maso mu gukorana na ya nyabune . Abanyeshure nabo yabasavye ko ubushobozi bakoresheje mu bikorwa vy’amaboko bobukoresha no mu bikorwa vy’umutwe.  Yaciye kandi asaba  kugendera imisi yose inyigisho baronse ntibabe nk’uwavuze ngo « Ahanje ndahejeje ». Yarongeye asaba abari aho kwama bababa hafi mu kuraba ko ivyo babigishije bariko barabishira mu ngiro.Ikindi yamenyesheje ngo n’uko igihe c’amatora cimirije atari ico guhigana ahubwo ari ic’umunezero.Umushikiranganji akaba yaciye kandi abashikiriza imfashanyo igizwe n’itoni 10 z’umuceri watanzwe na Reta , ikaba yari yategekanirijwe ivyo bikorwa vy’urwaruka mu ntara yose.Tubamenyeshe ko ubushimwe bwahawe abakuru b’imirwi bwari bugizwe n’ikarato y’amasabuni yo ku mesa  hamwe n’ikaye zitanu kuri umwe umwe , abakinyi nabo baronka umwe umwe ikaye zitanu , isabuni zibiri n’ikaramu zibiri.  

Christine Manirakiza 

 

Mu gisagara ca Bujumbura Abanyagihugu basabwa kutinyegeza inyuma y’imigambwe ngo bigenze nabi

maireUmukuru w’igisagara ca Bujumbura, Fréddy Mbonimpa asaba abaserukira imigambwe ko bokwama hafi abanywanyi babo, bakabigisha neza ko iyo umuntu arenze amategeko ahanwa ku gatwe kiwe bataravye umugambwe aturukamwo. Yabahamagariye guhurira kenshi mu bikorwa biteza imbere igihugu, bashire imbere amahoro, umutekano n’iterambere kugira bazoje mu myiyamamazo bereka abarundi ico babamariye n’ico bagiye kubamariraUmukuru w’igisagara ca Bujumbura, Fréddy Mbonimpa asaba abaserukira imigambwe ko bokwama hafi abanywanyi babo, bakabigisha neza ko iyo umuntu arenze amategeko ahanwa ku gatwe kiwe bataravye umugambwe aturukamwo. Yabahamagariye guhurira kenshi mu bikorwa biteza imbere igihugu, bashire imbere amahoro, umutekano n’iterambere kugira bazoje mu myiyamamazo bereka abarundi ico babamariye n’ico bagiye kubamariraIzo zikaba ari impanuro yatekereye abanyeporirtike mu nama yagirishije abajejwe intwaro, umutekano, n’abaserukira imigambwe yemewe n’amategeko mu Burundi, ku wa 21 Myandagaro  2019 ikaba, yari ifise intumbero yo guhimiriza abanyamigambwe bose gutekana bakaja hamwe bagasangira ibikorwa vy’iterambere vyubaka igihugu bazinanye kandi bidegemvya. Iyo nama yakozwe hisunzwe akamo  Umukuru w’igihugu, Petero Nkurunziza yateye ba buramatari n’umukuru w’igisagara ca Bujumbura, ko imigambwe yemewe n’amategeko yoza ira hura n’abarongoye intwaro kuva ku rwego rwa komine no kurwego rw’intara kugira bubakire hamwe igihugu cabibarutse mu gukomeza amahoro n’umutekano. Muri iyo nama Freddy Mbonimpa yaraciye ku mayange  ingene amatora yagiye aragenda muri kahise k’Uburundi. Yarerekanye ko amatora atagiye aroroha ariko  abarundi bamye nantaryo bashira imbere gutwarwa n’inzego bitoreye mu mahoro n’umutekano. Mbonimpa yarerekanye ko gusubiza igihugu mw’ihumbi bitajana mw’iterambere. Akaba yahamagariye abarundi bose ko bomenya ko amatora meza aba kugira atunganye intwaro kandi umugambwe utsinze utegerezwa utwarire bose. Umukuru w’igisagara akaba yaboneyeho akaryo ko kugabisha abantu bamwe bamwe binyegeza inyuma y’imigambwe mu kutigenza neza. Arahimiriza abanyamigambwe kwerekana inguvu zabo biciye mu matora meza, mu nyifato nziza bakubahirizanya mu butandukane bwabo bw’ivyiyumviro vya poritike maze inama igasumba ingimba. YSarahaye akanya abaserukira imigambwe mu bari bitavye iyo nama ko guserura ivyiyumviro vyabo berekane n’ibitagenda neza kugira bitorerwe inyishu ku mugaragaro.Benshi  barashigikiye ico gikorwa co kurwiza inama hagati y’abaserukira imigambwe itandukanye kugira bamenyane basangire akabisi n’agahiye kuko ari abarundi bose kandi basenyera  ku mugozi umwe mu gutsimbataza amahoro n’umutekano. 

Donathe Ndayisenga (Uwimenyereza)

 

Imirwi ataho yegamiye muri poritike isabwa gukorana n’umurwi CNIDH

cndhAgateka ka zina muntu mu Burundi ngo kifashe neza muri rusangi kuko abantu bakora imirimo yabo nk’uko bisanzwe, bakwongera bakaryama bagasinzira. Ivyo vyamenyeshejwe n’icegera c’uwurongoye umurwi w’igihugu ujejwe agateka ka zina muntu (CNIDH) Consolatte Habimana igihe yugurura inama yari yateguriwe abari mu mashirahamwe yigenga adaharanira ivyicaro vya poritike. Agateka ka zina muntu mu Burundi ngo kifashe neza muri rusangi kuko abantu bakora imirimo yabo nk’uko bisanzwe, bakwongera bakaryama bagasinzira. Ivyo vyamenyeshejwe n’icegera c’uwurongoye umurwi w’igihugu ujejwe agateka ka zina muntu (CNIDH) Consolatte Habimana igihe yugurura inama yari yateguriwe abari mu mashirahamwe yigenga adaharanira ivyicaro vya poritike. Hari kw’igenekerezo rya 13 Myandagaro 2019 i Bujumbura.Nk’uko yabivuze, ngo iyo nama yari ifise intumbero yo kuvugana ingene bagiye gukorana n’amashirahamwe ataho yegamiye muri poritike. Ikindi ngo kwari ukugira bafashanye no kwibukanya ingene bagiye gukora n’ingene agateka ka zina muntu gakwiye kwubahirizwa mu bijanye n’amatohoza agirwa, n’ingene inkuru zibonetse zotunganywa zigashitswa aho zitegerejwe gushika bidateye ingorane mu gihugu.

Yaciye anamenyesha ko ari ku nyungu ya bose kandi ngo biri muvyo CNIDH ifise itegerezwa gutunganya. Ngo ikindi catumye batunganya iyo nama bari kumwe n’ayo mashirahamwe ataho yegamiye muvya poritike, ni uko nayo ari imirwi imwe imwe iri mu gihugu yitaho cane ibijanye n’agateka ka zina muntu kandi ivy’agateka ka zina muntu bifatanye n’ubuzima bwa minsi yose umuntu wese abayemwo. Ivyo navyo ngo vyerekeye bose bigasabwa uruhara rwa bose, bivuga ko babikeneye nk’abashikira hagati mu benegihugu, bongere  bashobore kubikora borohewe kandi bazi neza ico bariko barakora. Yarasubiriye aramenyesha ko intumbero amashirahamwe ataho yegamiye muvya poritike yokwisunga ari iy’umuntu wese aba mu gihugu c’Uburundi canke umunyamahanga yofatirako. Ngo ni ukuvuga igihe bamenye, bagatahura neza ibanga ryabo, bakanamenya n’ico bahamagarirwa nk’abajejwe gutanga amahoro no kuyahesha abandi, bifasha cane mubo baba bariko barafasha kugira amahoro agumeho, umuntu wese yoroherwe kandi akingirwe mu buzima bwiwe.  Yaramenyesheje  kandi ko agateka ka zina muntu kifashe neza kiretse ibintu bimwe bimwe biza biraboneka bituma agateka gahungabana usanga bisa n’ibifatanije n’ubuzima bwa minsi yose aho usanga hari abafise ivyo bapfa bijanye n’amatati, amadeni n’ibindi. Yaciye amenyesha ko uwo murwi uhamagariwe kwubahiriza , kumenyekanisha , gushira ahabona no kuvunira akagohe abo vyerekeye kugira ngo umwe wese amenye aho akwiye guhagarara n’uko akwiye guhagarara nk’uko itegeko ribivuga. Rero ngo uyo murwi w’igihugu uriko urakora kugira ngo ibintu bigende neza, umutekano ukomere , ibintu bibe ku rutonde nk’uko vyategerezwa gukorwa. Yaheraheje amenyesha ko ibijanye n’agateka ka zina muntu muri rusanngi bimeze neza cane  kuko abantu bakora imirimo yabo nkuko bisanzwe, bakongera bakaryama bagasinzira, aca amenyesha ko nk’umurwi wigenga umwitwarariko bafise ari uko vyobandanya ndetse bikarushiriza. 

Evelyne Niyonzima

 

Ibihugu vyo muryango wa EAC bisabwa kuba bifise ubutunzi bwubatse co kimwe kugira bikoreshe ifaranga rimwe

brbrMu mwaka w’2024 bitegekanijwe ko ibihugu vyo mu muryango wa Afrika y’ubuseruko (EAC) bizoba vyatanguye gukoresha ifaranga rimwe. Ni muri iyo ntumbero, kw’igenerezo rya 2 Nyakanga 2019,  ikinyamakuru UBUMWE cegereye umuyobozi ajejwe igisata kijejwe ubushakashatsi no gutororokanya ibiharuro mw’Ibanki nkuru y’igihugu (BRB), Vénuste Ndikumwenayo kugira amenyeshe aho imyiteguro y’ikoreshwa ry’ifaranga rimwe igeze. Ndikumwenayo yamenyesheje rero ko imyiteguro yo gukoresha ifaranga rimwe irimburwa mu bisata bitandukanye vy’ubutunzi mu gushira  amategeko  ku ndinganizo imwe. Yabandanije amenyesha ko igihugu kiba kiriko kiratwara akarere arico gitunganya inama zo kurimbura ingene imyiteguro iriko iragenda mu bijanye no gushira ku ndinganizo imwe ibijanye n’ubutunzi bw’igihugu na cane cane ikoreshwa ry’amafaranga.Mu mwaka w’2024 bitegekanijwe ko ibihugu vyo mu muryango wa Afrika y’ubuseruko (EAC) bizoba vyatanguye gukoresha ifaranga rimwe. Ni muri iyo ntumbero, kw’igenerezo rya 2 Nyakanga 2019,  ikinyamakuru UBUMWE cegereye umuyobozi ajejwe igisata kijejwe ubushakashatsi no gutororokanya ibiharuro mw’Ibanki nkuru y’igihugu (BRB), Vénuste Ndikumwenayo kugira amenyeshe aho imyiteguro y’ikoreshwa ry’ifaranga rimwe igeze. Ndikumwenayo yamenyesheje rero ko imyiteguro yo gukoresha ifaranga rimwe irimburwa mu bisata bitandukanye vy’ubutunzi mu gushira  amategeko  ku ndinganizo imwe. Yabandanije amenyesha ko igihugu kiba kiriko kiratwara akarere arico gitunganya inama zo kurimbura ingene imyiteguro iriko iragenda mu bijanye no gushira ku ndinganizo imwe ibijanye n’ubutunzi bw’igihugu na cane cane ikoreshwa ry’amafaranga. Ngo  gukoresha ifaranga rimwe, ibihugu birasabwa kuba bifise ubutunzi bwubatse co kimwe bukanakora  co kimwe.  Ivyo ngo bikaba biri mu biharuro ngenderwako bine bizotuma barimbura ko igihgu cose gikwije ibisabwa n’amategeko kugira gikoreshe ifaranga rimwe. Ikimenyetso ca mbere kikaba gihagaze  ku kuraba uko igihugu citunganije neza  ku bijanye n’umurindi ibiciro bidugako utarenga  ibice 8% ku mwaka ku mwaka. Ikimenyetso kigira kabiri nuko ideni ry’igihugu ritoba rirenga ibice 50% vy’umwimbu  w’ubutunzi bw’igihugu. Ikimenyetso kigira gatatu, igihengeri ntigitegerezwa kurenza ibice 3% vy’ubutunzi bw’igihugu ku mwaka ku mwaka. Ikimenyetso kigira kane ni uko n’imiburiburi, igihugu gitegerezwa kuba gifise amafaranga y’agaciro atuma gishobora kurangura ibidandazwa mu mahanga mu kiringo c’amezi ane n’igice. Ngo ivyo bipimo bine  nivyo bisabwa igihugu cose ko kitoja munsi yavyo mu myaka 3 ikurikirana imbere yuko ifaranga rimwe ritangura gukoreshwa mu mwaka w’2024. Ngo umurwi w’abahinga uzogendera ibihugu vyose kugira barabe ko vyubahirije ibisabwa kugira bishobore gukoresha ifaranga rimwe. Ngo ibihugu vyose ntibitegerezwa kwinjira mw’ikoreshwa ry’ifaranga rimwe mu kiringo kimwe. Ngo ibihugu bitatu nimiburiburi muri vyo bigize umuryango wa EAC bizoba vyamaze gukwiza ibisabwa mu mwaka w’2024 bizoshobora gukoresha ifaranga rimwe. Mu muryango wa EAC ifaranga rimwe rimaze gutangura gukoreshwa, ngo hazoba hariho ikigega co gusahiriza ubutunzi bw’ibihugu bizoba vyagize impanuka.

Muri Ruhuhuma 2019, abakuru b’ibihugu baremeje itegeko rishiraho igisata mpuzakarere gitegura ikoreshwa ry’ifaranga rimwe kizokorera mu ngata amabanki makuru y’ibihugu vyo mu muryango wa EAC mu bikorwa vyo gutegura indinganizo zo gushira ku rugero rumwe amafaranga yaba ay’ibihugu canke ayagaciro akoreshwa mu bihugu. Ngo ico gisata kizobandanya kigenzurwa n’amabanke. Ngo amabanki makuru niyo azotanga amafaranga azotuma ico gisata gikora afaditakanije n’umuryango wa EAC ku bijanye n’amahera azoba akenewe. Amabanki makuru ngo azonarungikayo abakozi baja gukorera muri ico gisata.Ndikumwenayo yamenyesheje ko intambamyi y’ikoreshwa ry’ifaranga rimwe iri ku murindi muto ubutunzi bw’ibihugu vyo mu muryango wa EAC bwiyongerako. Yabandanije amenyesha ko aravye kuri iyi myaka itatu iheze nta gihugu na kimwe cashoboye gukwiza ibisabwa kugira bishobore gukoresha ifaranga rimwe  ni ukuvuga ko hakiri ibibazo vy’ubutunzi biri mu bihugu vyose vyo muri EAC. Uburundi co kimwe n’ibindi bihugu vyo muri kano karere buracafise ingorane y’umurindi ubutunzi budugako n’ugutunganya neza ingene ubutunzi bwotera imbere. Ngo birakenewe ko imigambi ishigikira ikongera ikazamura ubutunzi yokwitabwaho cane. Ndikumwenayo yarateye akamo abarundi bose guterera ico bashoboye kugira ubutunzi bw’igihugu buzamuke. 

Aline Kanyana

 

Abadaharanira ivyicaro vya politike bokwitwararika kugira ubumenyi bwo gutegura imigambi iteza imbere igihugu

Ishirahamwe ry’urwaruka rwo muri Afrika mw’iterambere AJAP rifadikanije n’ishirahamwe mpuzamakungu  riharanira amahoro no gutatura amatati bidaciye mu ngimba “IRI” ryaratunganije  uruganda rw’inyigisho zijanye no gukarihiriza ubumenyi amashirahamwe adaharanira ivyicaro vya politike akorera mu gihugu c’Uburundi mu bijanye no gutegura imigambi iteza imbere igihugu n’abanyagihugu. Hari ku wa 26 Myandagaro 2019. Ico gikorwa kikaba cari kirongowe n’uwuserukira imbere y’amategeko ishirahamwe AJAP, Eric Nsengimana.Ishirahamwe ry’urwaruka rwo muri Afrika mw’iterambere AJAP rifadikanije n’ishirahamwe mpuzamakungu  riharanira amahoro no gutatura amatati bidaciye mu ngimba “IRI” ryaratunganije  uruganda rw’inyigisho zijanye no gukarihiriza ubumenyi amashirahamwe adaharanira ivyicaro vya politike akorera mu gihugu c’Uburundi mu bijanye no gutegura imigambi iteza imbere igihugu n’abanyagihugu. Hari ku wa 26 Myandagaro 2019. Ico gikorwa kikaba cari kirongowe n’uwuserukira imbere y’amategeko ishirahamwe AJAP, Eric Nsengimana.Nk’uko yabimenyesheje mw’ijambo ryiwe ryo kwugurura ibikorwa, ngo amashirahamwe adaharanira ivyicaro vya politike akoresha inguvu nyinshi mu gutanga amakuru, mu gusaba, mu kwinginga kugirango bashike ku nyungu canke ivyankenerwa vyabo canke vy’abanyagihugu.

Urwo ruganda rero ngo rufise akamaro ntangere kuko izo nyigisho zije gutuma abadaharanira ivyicaro vya politike bungura ubumenyi mu bijanye n’ingene boshika ku vyo bipfuza bakoresheje ubuhinga bwo gushikiriza ivyiyumviro no kubisigura neza « le plaidoyer ». Muri urwo ruganda, abitavye izo nyigisho ngo bari biteze kumenya neza ibijanye n’ikoreshwa ry’ubwo buhinga, akamaro kabwo hamwe no gusabikanya canke guhanahana ubumenyi mu vyerekeye gukoresha ubwo buhinga bwo gushikiriza no gusigura neza iciyumviro canke umugambi mu ntumbero yo gushika ku nyishu irama.Eric Nsengiyumva yaheraheje ashimira Reta y’Uburundi yama ikora ibishoboka vyose kugirango amahoro n’umutekano bisasagare mu gihugu, ishira imbere imigambi y’iterambere aho mbere ngo ari n’ikimenyetso c’intwaro ya demokarasi. Yashimiye kandi ishirahamwe mpuzamakungu IRI ryama rishira imbere guharanira amahoro n’umutekano hamwe n’ugutorera umuti w’ibibazo bitewe n’intambara rikaba  kandi risanzwe rikorana neza n’ishirahamwe AJAP.

Estella Niyongere

 

Inama yahuje igihugu c’Ubuyapani n’ibihugu vyo muri Afrika TICAD 7 yabaye ngirakamaro

Ibintu bikuru bikuru biri mu mugambi w’iterambere w’igihugu cacuwo ku myaka 10, kuva mu mwaka w’2018 gushika mu mwaka w’2027 ngo birahuriranye n’ivyizwe mu nama yahuje igihugu c’Ubuyapani n’ibihugu vyo muri Afrika TICAD 7, yabereye i Yokohama, mu gihugu c’Ubuyapani. Nk’abarundi, ngo iyo migambi tuzoyikora tworohewe, twumva ko tudatamba twirorera, turi kumwe n’abandi. Ivyo ni ivyashikirijwe n’Icegera ca kabiri c’Umukuru w’igihugu, Joseph Butore, ku muhingamo wo ku wa 2 Nyakanga 2019, aho yari aganutse avuye i Yokohama, mu gihugu c’Ubuyapani, avuye mu bikorwa vy’inama igira 7 yahuje igihugu c’Ubuyapani n’ibihugu vyo muri Afrika TICAD7. Nk’uko Joseph Butore yabandanije abishikiriza, ngo iyo nama igira 7 yahuje igihugu c’Ubuyapani n’ibihugu vyo muri Afrika yari ifise iciyumviro nyamukuru co kuraba ingene abanyafrika bokwiteza imbere, bashimikiye ku bumenyi n’ubuhinga bushasha “innovation”. Ku banyacubahiro bari bitavye ibikorwa vy’iyo nama, ngo ibiganiro vyabo ahanini vyisunze iciyumviro co kugwiza imitahe muri Afrika, aho hari ibisata 6 vyatowe kugira ngo abanyafrika babone aho bageze. Ivyo bisata navyo ni igisata kijanye n’ubuhinga bushasha bwo gutumatumanako amakuru, kworohereza abanyamitahe no gufasha abagwizatunga, igisata c’uburimyi, igisata kijanye n’indero no gukarihiriza ubumenyi abakozi, gutsimbataza amahoro arama hamwe n’igisata c’ubutunzi bushimikiye ku nzuzi, ibiyaga n’amabahari, ico yise « économie bleue ». Vyongeye, Icegera ca kabiri c’Umukuru w’igihugu yisunze ivyiyumviro vyagiye birashikirizwa, ngo ivyo bisata vyarafashije kubona ishusho ya Afrika uko yifashe mu bijanye n’iterambere kugira bace bahera aho nyene barabe ivyokorwa mu minsi iri imbere.Ibintu bikuru bikuru biri mu mugambi w’iterambere w’igihugu cacuwo ku myaka 10, kuva mu mwaka w’2018 gushika mu mwaka w’2027 ngo birahuriranye n’ivyizwe mu nama yahuje igihugu c’Ubuyapani n’ibihugu vyo muri Afrika TICAD 7, yabereye i Yokohama, mu gihugu c’Ubuyapani. Nk’abarundi, ngo iyo migambi tuzoyikora tworohewe, twumva ko tudatamba twirorera, turi kumwe n’abandi. Ivyo ni ivyashikirijwe n’Icegera ca kabiri c’Umukuru w’igihugu, Joseph Butore, ku muhingamo wo ku wa 2 Nyakanga 2019, aho yari aganutse avuye i Yokohama, mu gihugu c’Ubuyapani, avuye mu bikorwa vy’inama igira 7 yahuje igihugu c’Ubuyapani n’ibihugu vyo muri Afrika TICAD7. Nk’uko Joseph Butore yabandanije abishikiriza, ngo iyo nama igira 7 yahuje igihugu c’Ubuyapani n’ibihugu vyo muri Afrika yari ifise iciyumviro nyamukuru co kuraba ingene abanyafrika bokwiteza imbere, bashimikiye ku bumenyi n’ubuhinga bushasha “innovation”. Ku banyacubahiro bari bitavye ibikorwa vy’iyo nama, ngo ibiganiro vyabo ahanini vyisunze iciyumviro co kugwiza imitahe muri Afrika, aho hari ibisata 6 vyatowe kugira ngo abanyafrika babone aho bageze. Ivyo bisata navyo ni igisata kijanye n’ubuhinga bushasha bwo gutumatumanako amakuru, kworohereza abanyamitahe no gufasha abagwizatunga, igisata c’uburimyi, igisata kijanye n’indero no gukarihiriza ubumenyi abakozi, gutsimbataza amahoro arama hamwe n’igisata c’ubutunzi bushimikiye ku nzuzi, ibiyaga n’amabahari, ico yise « économie bleue ». Vyongeye, Icegera ca kabiri c’Umukuru w’igihugu yisunze ivyiyumviro vyagiye birashikirizwa, ngo ivyo bisata vyarafashije kubona ishusho ya Afrika uko yifashe mu bijanye n’iterambere kugira bace bahera aho nyene barabe ivyokorwa mu minsi iri imbere.

Ibihugu vyo muri Afrika birabona aho bigeze n’iyo bija
Ku bwiwe rero, afatiye ku vyashikirijwe, iyo shusho ngo hariho ibintu 3 umuntu yoyivugako. Uno munsi ngo abanyafrika barazi ico barondera, aho bageze barahabona, ivyo bipfuza barabibona n’aho bipfuza kuja barahabona. Ivyo ngo bikabonekera kuri rwa rumuri rumurikira Afrika, urwo narwo rukaba rugizwe n’umugambi Afrika igenderako ku myaka 50, kuva mu mwaka w’2013 gushika mu mwaka w’2063. Ibihugu vyose vya Afrika kimwe cose kirafise umugambi kigenderako, mu Burundi tukaba dufise umugambi w’iterambere wo kuva mu w’2018 gushika mu mwaka w’2027, ibiri muri uwo mugambi ngo birasa n’ibiri mu migambi y’ibindi biguhugu vyo muri Afrika.Ku bijanye no kuzana imitahe, bafatiye ku burorero buboneka, ngo Afrika ni akarere gashobora kwakira imitahe minini minini. Ivyo bakabivuga bisunze uburorero 2, nk’ishirahamwe ry’indege ritwara abantu n’ibintu « Ethiopian Airlines » hamwe n’ibanki « Ecobank » yatanguriye mu gihugu ca Togo, uno munsi ikaba ifise ibisata mu bihugu 23 vyo muri Afrika. Ubwo burorero bukaba bwarerekanye ko Afrika ishoboye kwakira imitahe minini minini, gutyo kwiteza imbere vyorohe.

Akarere ka Afrika nako nyene karakira imitahe minini minini
Mu gisata c’imitahe, ngo abagwizatunga ntibosubira kuvuga ko ari akerere k’ingorane, amakenga, ico yise « région à risques »  kubera ko hariho imigambi imwe imwe yunguka gusumba iranguriwe muri Afrika, ugereranije n’iyiranguriwe mu bindi bihugu. Muri iyo nama, bararavye icokorwa n’uwogikora. Ica mbere ngo n’uko abanyafrika bokwubahuka, bakore umwe wese ico ashoboye. Akwunguko k’iyo nama igira 7 yahuje igihugu c’Ubuyapani n’ibihugu vyo muri Afrika TICAD 7 n’uko hoba kwinjiza ivyiyumviro vy’iterambere mu mashirahamwe, ico yise “les idées d’affaires dans une entreprise”. Eka ngo hari igihe bishika iciyumviro c’iterambere kivuka ariko kubera ko abantu badashoboye kucinjiza mw’ishirahamwe, kigaca gihagarara. Ico ciyumviro kigaca gifatana no kuzana imitahe, iyo nayo ikaza ishigikira akanovera “innovation”, ivyo ngo bigiye hamwe vyotuma ibihugu bitera imbere gusumba muri Afrika.Ibisata ivyo bintu vyokorerwamwo, ni ibisata vyo gutumatumanako amakuru TIC’s, uburimyi, amabarabara yo gutwara abantu n’ibintu kw’isi, mu mazi hamwe no mu kirere, amasoko ntanganguvu hamwe n’igisata c’abakozi, ico yise “capital humain”. Ivyo vyose bigashirwamwo imitahe, ikaza yisunze kwongereza ubuhinga n’akanovera kugira ibintu bihinduke. Ku Burundi, ngo ivyo bisata vyose biri muri wa mugambi w’iterambere wo ku myaka 10, nk’abarundi ngo tuzobikora tworohewe, twumva ko tudatamba twirorera, turi kumwe n’abandi. Eka ngo n’imigambi dufashanyamwo n’Ubuyapani izokorwa kubera ko izoba yemejwe muri iyo nama yahuje igihugu c’Ubuyapani n’ibihugu vyo muri Afrika.                                                                                             

Déo Misigaro

 
Ouvrir