Publications de Presse Burundaise, Rohero I Avenue de la JRR N°17 Immeuble le SAVONNIER, Téléphone standard : (257) 22 22 62 32, Fax :(257) 22 22 58 94, email: pressequotidienne@yahoo.fr

Amashirahamwe mvamakungu 84 niyo yasubiriye gusaba uruhusha rwo gukorera mu Burundi

 

bbnhGushika ku wa 6 Ruhuhuma 2019, amashirahamwe mvamakungu 84 niyo yasubiriye kwiyandikisha inyuma y’ingingo yafashwe na Reta y’Uburundi yo guhagarika vy’imfatakibanza ibikorwa kugira asubire kwiyandikisha akurikije amategeko akomoka kw’ibwirizwa Shingiro ry’Uburundi. Aho ni mu gihe imbere y’iyo ngingo, amashirahamwe mvamakungu 140 ariyo yakorera mu Burundi, ariko ngo ayashika 100 niyo yatanga icegeranyo c’ibikorwa yakora. Ivyo ni ivyashikirijwe n’umwunganizi w’umushikiranganji w’intwaro mu gihugu hagati akongera akaba n’umuvugizi w’ubwo bushikiranganji, Tharcisse Niyongabo, ku wa 6 Ruhuhuma 2019, hari mu kiganiro yahaye ikinyamakuru UBUMWE.Gushika ku wa 6 Ruhuhuma 2019, amashirahamwe mvamakungu 84 niyo yasubiriye kwiyandikisha inyuma y’ingingo yafashwe na Reta y’Uburundi yo guhagarika vy’imfatakibanza ibikorwa kugira asubire kwiyandikisha akurikije amategeko akomoka kw’ibwirizwa Shingiro ry’Uburundi. Aho ni mu gihe imbere y’iyo ngingo, amashirahamwe mvamakungu 140 ariyo yakorera mu Burundi, ariko ngo ayashika 100 niyo yatanga icegeranyo c’ibikorwa yakora. Ivyo ni ivyashikirijwe n’umwunganizi w’umushikiranganji w’intwaro mu gihugu hagati akongera akaba n’umuvugizi w’ubwo bushikiranganji, Tharcisse Niyongabo, ku wa 6 Ruhuhuma 2019, hari mu kiganiro yahaye ikinyamakuru UBUMWE.Nk’uko umwunganizi w’umushikiranganji w’intwaro mu gihugu hagati, Tharcisse Niyongabo yabandanije abishikiriza, ngo imbere y’ingingo yo guhagarika vy’imfatakibanza ayo mashirahamwe mvamakungu, hari amashirahamwe 140, kuri ayo, ngo ayashika 100 niyo yatanga icegeranyo c’ibikorwa yakora. Inyuma y’ingingo ihagarika ibikorwa vyayo mashirahamwe vyimfatakibanza, ngo gushika ku wa 6 Ruhuhuma 2019, ayashika 84 niyo yasavye uruhusha rwo gusubira gukorera mu Burundi yisunze amategeko ari mw’ibwirizwa nshingiro ry’Uburundi. Mu gihe ayo mashirahamwe mvmakungu yari yahawe ikiringo co gushika ku wa 31 Kigarama 2018, kugira asubire kwiyandikisha akurikije amategeko agenga igihugu c’Uburundi, ayo mashirahamwe aherutse kwongerwa ikiringo c’inyongera kizorangira ku wa 15 Ruhuhuma 2019. Muri ico kiringo ca mbere, amashirahamwe mvamakungu 83 niyo yashoboye kwiyandikisha, muri ico kiringo c’inyongera, ngo imwe niyo imaze kwiyandikisha. Ico kiringo c’inyongera ngo congewe bisabwe n’amashirahamwe mvamakungu amwe amwe, ngo aho yerekanye imvo zatumye atitunganya na cane cane ko ikiringo co mu kwezi kwa Kigarama, abarongoye ayo mashirahamwe baba bagiye mu turuhuko tw’iminsi mikuru isozera umwaka. Ivyo ngo vyatuma ata mpapuro ziteweko umukono n’abakuru b’ayo mashirahamwe mvamakungu bashobora kuronka, ivyo rero ngo reta yarabitahuye. Muri ayo mashirahamwe yasavye ko ico kiringo congerwa n’ishirahamwe ry’abavuzi batagira imbibe « médecins sans frontière» MSF hamwe n’ishirahamwe « protos ».


Amashirahamwe yarafise ibikorwa vyihuta, barayanyarukirije gusubira kwiyandikisha
Ku kibazo co kumenya ko iyo ngingo ata nkurukizi yagize, umwunganirizi w’umushikiranganji w’intwaro mu gihugu hagati, yamenyesheje ko gushika ubu ata nkurikizi mbi ziribonekeza ku mashirahamwe yasubiriye kwiyandikisha. Mu gihe bivanye n’ibikorwa ayo mashirahamwe yaba ariko ararangura hariho ayasaba uruhusha rudasanzwe kugira abandanye akora, mu bushikiranganji hoho ngo babasaba kuzana impapuro zikenewe kugira babaronse urwo ruhusha vyihuta. Amashirahamwe mvamakungu yose yarafise ibikorwa vyihuta ariko ararangurira abanyagihugu, ngo barabibafashijemwo kugira yandikwe mu mwanya muto mu ntumbero yo gusubira ku kivi. Ariko ngo ku rundi ruhande na cane cane ku mashirahamwe atashimye gusubira kwiyandikisha kugira yisunge amategeko akomoka kw’ibwirizwa Shingiro, ngo ayagiye yarafise abakozi yakoresha, vyumvikana abo bakozi baheza bagatakaza akazi kabo. Akarorero k’ayo mashirahamwe ngo ni ishirahamwe « handicap international », « RNC justice et démocratie » hamwe na « avocats sans frontière», abakozi yakoresha akazi karaheze. Ku bijanye n’amatungo y’ayo mashirahamwe, ngo amategeko arabivuga, yaba ayo mu gihugu canke ku mashirahamwe mvamakungu, ngo biranditse ko iryo shirahamwe ryugaye riheza rigasigira ivyo bikoresho ishirahamwe rirangura imigambi isa n’iyo ryahora rirangura. Tharcisse Niyongabo yaboneyeho akaryo ko gutera akamo ishirahamwe ryoba ryipfuza gukorera mu Burundi ritariyandikisha ko ryokwihuta imbere y’uko ico kiringo congewe gihera. Kuri ayo mashirahamwe mvamakungu, yayasavye ko yo kwitaho gukurikirana no kwubahiriza ubwigenge bw’igihugu baba bariko bakoreramwo. Tubamenyeshe ko iyo ngingo yafatiwe ayo mashirahamwe mvamakungu ataraba amashirahamwe yegamiye ishirahamwe mpuzamakungu ONU.

Déo Misigaro                                                                               

 

Urwego CNC rurashimishwa n’ivyaranguwe n’ibimenyeshamakuru mu mezi 3 asozera umwaka w’2018

 

cncIbimenyeshamakuru vyarakurikije impanuro vyahawe n’urwego rujejwe kugenzura uko ibimenyeshamakuru bikora mu Burundi CNC naho hacibonekeza utunenge tumwe tumwe. Ivyo vyashikirijwe n’uwurongoye urwo rwego Nestor Bankumukunzi ku wa 7 Ruhuhuma 2019, igihe yariko agirisha inama abarongoye ibimenyeshamakuru kugira ngo barabire hamwe icegeranyo c’ivyakozwe n’ibimenyeshamakuru  mu mezi atatu asozera umwaka w’2018.Ibimenyeshamakuru vyarakurikije impanuro vyahawe n’urwego rujejwe kugenzura uko ibimenyeshamakuru bikora mu Burundi CNC naho hacibonekeza utunenge tumwe tumwe. Ivyo vyashikirijwe n’uwurongoye urwo rwego Nestor Bankumukunzi ku wa 7 Ruhuhuma 2019, igihe yariko agirisha inama abarongoye ibimenyeshamakuru kugira ngo barabire hamwe icegeranyo c’ivyakozwe n’ibimenyeshamakuru  mu mezi atatu asozera umwaka w’2018.Nk’uko yabandanije abimenyesha, ngo  muri rusangi arashimishwa cane n’intambwe ibimenyeshamakuru bigezeko mu kwubahiriza amategeko.

Muri ico cegeranyo, urwego CNC rwarashimikiye ku vyagenze neza, ivyagoranye  hamwe n’amakosa y’umwuga yakozwe mu kiringo kigira  kane c’umwaka w’2018. Mu vyagenze neza harimwo kwubahiriza intumbero  ngenderwako y’ikimenyeshamakuru, kurangura ivyo biyemeje hamwe no gukora neza mu ntumbero yo kwigisha no guteramisha abanyagihugu. Ku bijanye n’ibitagenze neza naho amenyesha ko harimwo ukudaha ijambo impande zose mu makuru ashikirizwa, inkuru zidatohojwe neza, mbere ngo hakaba  amakuru ahengamye aho usanga bariko baravuga umuntu canke umugwi w’abantu ariko abo bavugwa ntibaheze ngo bahabwe ijambo kugira ya nkuru ishikirizwe imeze neza. Ikindi ngo ni uko harimwo ukutubahiriza imico kama aho vyibonekeje amaradiyo amwe amwe n’imboneshakure, vyatanze amakuru harimwo ibintu bihungabanya cane imico kama. Ivyo navyo bikaba ari bibi cane kuko igihugu cubakiye ku mico kama. Ikindi kiboneka ngo ni uko amakuru atohozwa mu duce tumwe tumwe gusa. Aho agatanga akarorero ko amakuru arondererwa cane mu gisagara ca Bujumbura canke mu micungararo yaho kuko ibinyamakuru vyinshi basanze bidafise uburyo bukwiye kugira bishobore gushika kure mu gihugu kurondera amakuru. Abarongoye ibimenyeshamakuru rero basanze bikora amakosa ngo barabatumyeko baraheza barabaha impanuro kugira ngo ntibize bisubire. Yaboneyeho n’akaryo ko kubwira abakorana n’ibimenyeshamakuru mu kubiha amakuru, abarongoye ibisata bitandukanye vy’ubuzima bw’igihugu ko bogira imigenderanire myiza n’ibimenyeshamakuru. Mu gihe ikinyamakuru kanaka cabavugiye ibitarivyo, abamenyesha ko bafise uburenganzira bahabwa n’itegeko ryo gusaba ko bokosora ivyavuzwe habaye ukwihenda; canke hakabeshuzwa ivyo babeshewe. Igihe ikimenyeshamakuru kanaka naco kidatanze urwo ruhusha ngo bazoheza biture urwego CNC narwo ngo ruzoheze rumutunganirize maze igihugu n’amakungu bironswe inkuru y’imvaho ibeshuza bimwe vyabeshwe. Nestor Bankumukuzi yarangije amenyesha ko iyo nama yatunganijwe mu ntumbero yo gutegura neza abamenyeshamakuru na rirya himirije igihe kidasanzwe c’amatora y’2020. Abarongoye ibimenyeshamakuru barisuzumye hanyuma biyemeza kwikebuka kugira bakore bisunze amategeko agenga umwuga wo kumenyesha amakuru. Barongeye barasaba urwego  CNC kubashikira imbere kugirango ikigega c’uburyo bemerewe na Reta gishirwe mu ngiro.                                                                                   Gloriose Nshimirimana

 

Prezida NKURUNZIZA ahamagararira abarundi gushigikiza ubumwe bwabo ibikorwa

 

ubumwKw’igenekerezo rya 5 Ruhuhuma 2019, abarundi bo mu mihingo yose y’igihugu barahimbaje imyaka 28 iheze biyemereje amasezerano yo kubana mu bumwe ata gahato babicishije mu matora, hari  ku wa 5 Ruhuhuma 1991. Icivugo c’uwu mwaka  kikaba ari  « Abarundi basabwa kugaragaza ubumwe  mu kubugendera muri vyose na bose kandi babukamishe ibikorwa ».Kw’igenekerezo rya 5 Ruhuhuma 2019, abarundi bo mu mihingo yose y’igihugu barahimbaje imyaka 28 iheze biyemereje amasezerano yo kubana mu bumwe ata gahato babicishije mu matora, hari  ku wa 5 Ruhuhuma 1991. Icivugo c’uwu mwaka  kikaba ari  « Abarundi basabwa kugaragaza ubumwe  mu kubugendera muri vyose na bose kandi babukamishe ibikorwa ».Ibirori vyo guhimbaza uwo munsi mukuru bikaba vyatunganijwe mu ntara zose z’igihugu, aho Reta yari yarungitse abategetsi kwifatanya n’abanyagihugu, bakongera bakabashikiriza n’ijambo nyamukuru ry’uwo munsi.Ibirori nyamukuru rero bikaba vyabereye  ku kibuga c’umupira w’amaguru co ku murwa mukuru w’intara ya Gitega, birongowe n’Umukuru w’igihugu, Petero NKURUNZIZA aho yabahamagarariye abanyagitega n’abarundi bose gushigikiza ubumwe ibikorwa vyo kwiteza imbere, bareke kubuvuga mu majambo gusa ahubwo babugaragarize mu bikorwa.Ivyo birori vyari vyitabwe n’abanyacubahiro bo mu bisata  bitandukanye vy’igihugu ,hakaba ndetse hari n’abaserukira ibihugu vya mu Burundi.Muri iryo jambo Prezida NKURUNZIZA yasavye abarundi kugendera Ubumwe muri vyose na hose kandi babukamisha ibikorwa. Aho ngo bizoca mu kwitaho iterambere haba mu nkino, mu kwubaka ibibuga vy’inkino, inyubakwa rusangi nk’amashure, amavuriro, ibitaro, amabarabara n’ibiraro hamwe n’ibiro abarongoye intara, amakomine n’amazone bakoreramwo nk’uko bimaze kuba mu ntara zitari nke. Bakoze gutyo niho bazoba bagaragaje bwa bumwe bwamye buranga abarundi kuva kera. Mu gutsimabataza ubwo bumwe abarundi basenyere ku mugozi umwe, bafatane mu nda baheze bashobore no kugwiza umwibu babicishije mu bikorwa rusangi.

Noneho ngo na basokuru mu kugwiza umwimbu barahinda ikibiri gutyo bakubkira inzu umuntu mu mwanya muto canke bagakutsa ikivi mu mwanya muto. Yarashimiye abarundi bose babaye abanyeshure beza gutyo abasaba kutarekura umurima rusangi barazwe na basokuru. Abasaba kwima amatwi basesankuyoze banezerezwa n’uko amacakubiri babivye mu Barundi bigatuma babura abantu n’ibintu badashika kw’ihangiro bihaye. Niko kubasaba guteramira Ubumwe gutyo bagire intango nshasha haba mu mvugo, mu ngiro no mu bikorwa. Prezida  NKURUNZIZA yamenyesheje kandi ko Ubumwe bw’Abarundi bukeshwa ubwa mbere Imana yoyo yahaye imico imwe n’ururimi rumwe abarundi, ibintu biri hake kw’isi. Imana niyo yabagize umwe yongera ibasangiza igihugu arico basokuru bavuga ako ari umurima rusangi basangijwe n’Imana. Ubwa kabiri Ubumwe bw’abarundi babukeshwa Umwami wa mbere Ntare Rushatsi yatanguje ingoma y’Uburundi mbere agashiraho n’ikimenyetso kiranga Uburundi ariyo masaka. Isaka naryo ngo rifise intete zifatanye, iyo uzihurunguye zikaba zisa arikwo kuvuga ko n’abarundi basa kandi bari bafatanye mu nda nk’uko kw’amasaka. Ubumwe bw’abarundi bukeshwa kandi umwami Mwezi Gisabo, umuganwa Rudoviko Rwagasore, umushikiranganji wa mbere Pierre Ngendandumwe, Prezida Ndadaye mbere gushika ubu bukaba bugiharanirwa. Basokuru kandi bavuga ko Uburundi ari umurima rusangi arico gituma abarundi b’iki gihe n’abazoza bakwiye kuwubungabunga. Yarongeye amenyesha ko Ubumwe bw’Abarundi bwamyeho kuva kera ahubwo bwagiye gutosekara biturutse ku bakoroni baje kubiba amacakubiri mu mitima y’abarundi. Ahandi hoho ubumwe bemeje mu mwaka w’1991 vyatumwe n’uko abarundi bari bamaze gucanamwo. Bisubiye ngo ntivyabujije ko Amasezerano y’Ubumwe biyemereje mu mwaka w’1991 asubira gutosekara inyuma y’imyaka ibiri gusa bayemeje aho burira igiti kiturirwa bakagandagura Prezida ndadaye yari hajeje kwitorerwa n’abanyagihugu.Aho akaba haciye hagandagurwa n’abamufasha kurongora igihugu mbere n’abarundi isinzi bakahasiga ubuzima. Yarongeye amenyesha ko uwo munsi uhimbajwe mu bihe bidasanzwe ku ntara ya Gitega n’abanyagitega bose. Ubwa mbere uwo munsi ubaye mu gihe abarundi baherutse kwitorera Ibwirizwa Shingiro rishasha ryahaye ikibanza ca mbere Imana. Iryo Bwirizwa Shingiro kandi ryashizweko umukono mu ntara ya Gitega. Ubugira kabiri uwo munsi uhimbajwe mu gihe itegeko rishinga ko umurwa mukuru wa poritike w’Uburundi  ugiye kuja mu ntara ya Gitega ryaraye rishizweko umukono ku wa 4 Ruhuhuma 2019 aho mu ntara ya Gitega nyene. Umukuru w’igihugu yarashimiye ibihugu bikunzi vyafashije Uburundi mw’iterambere kuko aribwo buryo bwo gutsimbataza Ubumwe bw’abarundi. Yarongeye arashimira Ibanki ya Afrika ijejwe iterambere  BAD idahengeshanya gushigikira Uburundi mu migambi y’iterambere. Aho akaba yaboneyeho akaryo ko kwerekana intumwa za BAD zari mu rugendo   mu Burundi kwirabira ivyo yafashijemwo n’ibindi yofashamwo. Abo nabo bakaba bari muri ivyo birori vyo guhimbnaza Ubumwe bw’Abarundi. Ku muhingamo abanyagitega barishikiye ku kirimba c’Umukuru w’igihugu co mu ntara ya Gitega bagiye kumukeza ku ngingo nyinshi afata ziteza imbere iyo ntara. Bakaba baramugabiye inka cumi n’imwe zingana n’amakomine agize iyo ntara. Baje kandi bagemuye ivyimburwa bitandukanye vyari mu bikemanyi. Prezida NKURUNZIZA nawe yarabashimiye mbere aca arabibutsa ko  kugabirana hagati y’Abarundi, kugemuriranira no kugenderanira arivyo vyaranga Ubumwe hagati y’Abarundi. 


Abarundi basabwa gutsimbataza Ubumwe bwabo bahereye mu  ngo zabo 
Mu gisagara ca Bujumbura ahasanzwe hubatswe icibutso gikuru  c’Ubumwe bw’abarundi ku musozi wa Vugizo muri komine Mukaza  ni ho ibirori vy’uwo munsi vyatunganijwe bikaba vyari birongowe n’Umukuru w’Inama Nshingamateka, Pascal Nyabenda yaserukiye Reta ari nawe yashize urugori rw’amashurwe ku cibutso c’ubumwe imbere yuko ibirori vy’uwo munsi bitangura. Ivyo birori vyari birongowe kandi n’abandi banyacubahiro harimwo ivyegera vy’Umukuru w’Inama Nshingamateka, Agathon Rwasa na Jocky Chantal n’abandi banyacubahiro nk’uwahoze arongoye  Uburundi, Sylvestre Ntibantunganya n’abandi.Mw’ijambo ryashikirijwe uwo munsi, Pascal Nyabenda, yibukije ko itariki 5 Ruhuhuma umwaka w’2019 ari akaryo keza ko kwibuka no kwigina imyaka 28 irangiye abarundi biyemereje ubumwe bwabo. Yarakeje abarundi mbere aca abipfuriza amahoro y’Imana abasaba  ngo bagendere ayo mahoro muri vyose na hose kandi ngo bayakamishe ibikorwa.Ngo uwo munsi  wabaye akaryo ko kwibuka ivyaranguwe na basokuru batigeze badohoka ku bumwe bw’abarundi na cane cane umwami Ntare  Cambarantama igihugu gikesha isemo ya mbere y’ubumwe mu kunywanisha utudumbidumbi twabaho mu kajagari. Ngo yashinze ingoma y’Uburundi n’abandi Bami bamukurikiye gushika ku muzo w’abakoroni. Ngo abarundi ntibokwirengagiza kandi abahabuje intahe y’Uburundi barongowe na Rudoviko Rwagasore yama arazwa ishinga no kubona abarundi basubiye kubana mu mahoro inyuma yo kwiganzura uwari yababivyemwo amacakubiri hamwe n’intwari Melchior Ndadaye yahuje imitima y’abarundi bakagira uruanini rwo guharanira Demokarasi n’abo bose batigeze badohoka kw’iragi ryiza rya Basokuru.Pascal Nyabenda ati : « Abarundi basabwa gufata umurogoro ukwiye mu mwanya ukwiye kugira ngo bavavanure u’umugera mubi w’amacakubiri  bashizwemwo n’abakoroni mu gihe c’imyaka myinshi cane. » Eka mbere ngo ntibikiri agaseseshwarumuri abarundi baramaze gufata ingingo yo kuvavanura n’amacakubiri kuko bamaze gukora ibitari bike kugira ngo batsimbataze ubumwe bw’abo. Ngo abarundi bakwiye kwemera akabi nk’abakuze kuko nakare ngo uwuja gukira indwara arayirata. Ngo vyaragaraye ko umuti wo kuvura amacakubiri abakoroni bashize mu barundi utaciye ushika kwihangiro nyaryo. Ikibazo ngo umuntu ashobora kwibaza ni igiki cabuze catumye ubumwe bw’abarundi busubira gutosekara inyuma y’ukwiyemeza kubana mu mahoro arangwa n’ubumwe mu mwaka w’1991, ngo ubwo bumwe barabwemeje biciye mu matora eka mbere ngo barubaka n’ivyibutso mbere ngo baranamanika ibendera ry’ubumwe eka n’indirimbo zihayagiza ubumwe zirategurwa. Aha Rero ngo ivyo vyose vyatewe n’ishano abarundi batamitswe nabakoroni. Ngo abarundi rero bakwiye kwemera ivyabashikiye. Umuti rero ngo ntiwabonetse uko bikwiye. Yaciye yizeza abarundi ko igihugu gifise abarundi bagumije umutima w’ubutwari n’ubuhizi. Ngo ubumwe bw’abarundi burahari kandi bugaragarira mu bikorwa. Ngo harasinywe amasezerano ya Arusha yo guhagarika intambara burundu. Ngo inzego zavuye muri ayo masezerano ziri ku kivi, ngo ukwubaka inyubako zitandukanye nk’amabarabara, amashure, amavuriro n’ibindi vyarakozwe. Ivyo vyose ngo ni ivyerekana ko abahagarariye ubumwe mu gihugu bariho. Kandi ko abarundi bose bamaze kugira ubwabo ubumwe bw’abarundi. Yarangije iryo jambo yerekana ko hariho umugenzo mwiza wo kugabirana, kugemuriranira n’ibindi vyerekana ko abarundi bafashe ingendo yo kugiranira ubumwe. Ngo Reta irashimishwa n’umutima abarundi bariko baragaragaza mu kwegeranya uburyo buzokoreshwa mu matora yo mu mwaka w’2020. Yasavye abarundi gutsimbataza   ubumwe  bwabo guhera mu ngo zabo maze babusasagaze no mu bindi bisata. Ubumwe ngo ni busasagazwe mu bisata vyose vy’ubuzima bw’igihugu nk’uko aricipfuzo gikomeye c’Umukuru w’igihugu, Petero NKURUNZIZA.

Epitace Nduwayo

Nathan Ntahondi

 

Abanywanyi b’ishirahamwe mutuelle bogira umwizero ko amategeko arigenga agiye gusubirwamwo

 

DSC08845Ishirahamwe rijejwe kuvuza abakozi ba Reta  Mutuelle rimenyesha abanywanyi baryo ko kuriha amafaranga make bagiye kwivuza bitumwa n’uko amategeko iryo shirahamwe rikoresha amaze imyaka myinshi ko yagiyeho mu mwaka w’1980 igihe iryo shirahamwe ryatangura, ariko rikabizeza ko agiye gusubirwamwo. Ivyo vyamenyeshejwe  na Abel Gashatsi arongoye ishirahamwe ryo kuvuza abakozi ba Reta Mutuel kw’igenekerezo rya 1 Ruhuhuma 2019.Ishirahamwe rijejwe kuvuza abakozi ba Reta  Mutuelle rimenyesha abanywanyi baryo ko kuriha amafaranga make bagiye kwivuza bitumwa n’uko amategeko iryo shirahamwe rikoresha amaze imyaka myinshi ko yagiyeho mu mwaka w’1980 igihe iryo shirahamwe ryatangura, ariko rikabizeza ko agiye gusubirwamwo. Ivyo vyamenyeshejwe  na Abel Gashatsi arongoye ishirahamwe ryo kuvuza abakozi ba Reta Mutuel kw’igenekerezo rya 1 Ruhuhuma 2019. Abel Gashatsi yamenyesheje ko iryo  shirahamwe ririhira  umunywanyi agiye kwivuza amafaranga make aho usanga ashobora kuba ari hejuru y’iryo ishirahamwe mutuel yamurihiye. Umuyobozi wa mutuel yamenyesheje ko ishirahamwe mutuel ryavutse mu mwaka w’1980, hama amategeko arigenga ntiyagiye ahinduka ryagumanye ayo mategeko iryo shirahamwe ryatanguranye kuva rigitangura kuvura abanwanyi. Abel Gashatsi yabandanije amenyesha ko abagiye barongora mutuel batigeze bahengeshanya gusaba Reta ko ayo mategeko  yohindurwa kugira agende ajana n’ibihe.

Yabandanije amenyesha ko rero ikibazo kijanye n’ibiciro umunywanyi kugira abonane n’umuganga uwariwe wese usanga arenga cane ayo ishirahamwe riba ritanze, yamenyesheje ko nabasanzwe bakorera iryo shirahamwe bibaza cane kuko usanga mutuel atayariha kandi yategerezwa kurihira umunywanyi. Ico kibazo rero kirarengeye cane ishirahamwe Ryo kuvuza abakozi ba Reta kuko atariryo ryitunganiriza amategeko, rikoresha amategeko avuye muri Reta, abanywanyi bagaca baguma babibaza ishirahamwe ryo kuvuzanya atariryo ryategerezwa kubibazwa. Abel Gashatsi aratanga umwizero kubanywanyi ko ico kibazo kiriko kiratorerwa umuti kigeze muri Reta vuba kizotorerwa umuti haba kuvyerekeye  ibiciro vyo kubonana n’umuganga hamwe n’imiti hamwe n’ukuntu hari hasanzwe hatangwa  isoko ry’imiti. Ivyo bikorwa vyose bikaba  bigeze kure mu ntumbero yo gufasha abanywanyi bishirahamwe ryo kuvuza abakozi mutuelle.  Abel Gashatsi yarongeye aramenyesha ko iryo shirahamwe rifise iyindi ngorane ko atariryo ryishikira kurangura imiti iyo  isanzwe ikorerwa, ico kikaba arico catuma imiti kugiciro kinini, kubera iyo mpamvu ryizanira. Iryo shirahamwe ririko risaba Reta ko boyiha uburenganzira bwo kwishikira iyo ikorerwa  imiti kugira bashobore kudandaza imiti bizaniye ico kizofasha kugira umunywanyi aronke imiti bitagoranye kandi ku giciro kitari kinini.                      

Anitha Bizimana

 

Abanyeshure 475 bahejeje Kaminuza y’Umwizero wa Afrika nibo baronkejwe impapuro z’umutsindo

 

esperancKw’igenekerezo rya 8 Ruhuhuma 2019, ishure Kaminuza Umwizero wa Afrika ryaratunganijwe  ibirori vyo kwugurura umwaka mushasha w’ishure w’2019 ushira uw’2020 hamwe no gutanga impapuro z’umutsindo ku mugwi ugira 14 w’abanyeshure bangana n’ 475 bari mu bisata bitandukanye vyose bigize iyo kaminuza. Ivyo birori bikaba vyatewe iteka n’umuyobozi mukuru w’inyigisho za Kaminuza akaba ari nawe yaserukiye ubushikiranganji bw’inyigisho za kaminuza n’ubushakashatsi, Gasogo Anastasie. Umuyobozi w’ishure kaminuza Umwizero wa Afrika, Victor Barantota yamenyesheje ko ivyo birori vyo kwugurura umwaka w’ishure no gutanga impapuro z’umutsindo ku banyeshure bashika 475 ari igikorwa c’iteka. Ngo ni akanyamuneza ntangere ubwa mbere kuri iyo kaminuza kuko iramuye abanyeshure b’incabwenge, ubwa kabiri ku banyeshure no ku miryango yabo kuko bungutse ubumenyi buzobafasha mu kurangura imigambi yabo n’iy’ igihugu. Aho akaba yaciye asaba abaronse impampuro z’umutsindo kuba abantu bose bashobora kwisunga no gufatirako akarorero. Victor Barantota yaragarutse kuri  iyo Kaminuza y’Umwizero wa Afrika  aho yamenyesheje ko kuva ishinzwe mu Burundi mu 2004 imaze kurangura ibitari bike haba mu bijanye n’inyigisho canke mu bijanye n’inyubako. Yarangije yipfuriza abanyeshure bahejeje kuja kurangura imirimo neza aho bagiye kuronka akazi no gutera imbere bongere bateze imbere igihugu cabibarutse, yongera aha n’ikaze abanyeshure bashasha bagiye gutangura umwaka w’ishure.

Kw’igenekerezo rya 8 Ruhuhuma 2019, ishure Kaminuza Umwizero wa Afrika ryaratunganijwe  ibirori vyo kwugurura umwaka mushasha w’ishure w’2019 ushira uw’2020 hamwe no gutanga impapuro z’umutsindo ku mugwi ugira 14 w’abanyeshure bangana n’ 475 bari mu bisata bitandukanye vyose bigize iyo kaminuza. Ivyo birori bikaba vyatewe iteka n’umuyobozi mukuru w’inyigisho za Kaminuza akaba ari nawe yaserukiye ubushikiranganji bw’inyigisho za kaminuza n’ubushakashatsi, Gasogo Anastasie. Umuyobozi w’ishure kaminuza Umwizero wa Afrika, Victor Barantota yamenyesheje ko ivyo birori vyo kwugurura umwaka w’ishure no gutanga impapuro z’umutsindo ku banyeshure bashika 475 ari igikorwa c’iteka. Ngo ni akanyamuneza ntangere ubwa mbere kuri iyo kaminuza kuko iramuye abanyeshure b’incabwenge, ubwa kabiri ku banyeshure no ku miryango yabo kuko bungutse ubumenyi buzobafasha mu kurangura imigambi yabo n’iy’ igihugu. Aho akaba yaciye asaba abaronse impampuro z’umutsindo kuba abantu bose bashobora kwisunga no gufatirako akarorero. Victor Barantota yaragarutse kuri  iyo Kaminuza y’Umwizero wa Afrika  aho yamenyesheje ko kuva ishinzwe mu Burundi mu 2004 imaze kurangura ibitari bike haba mu bijanye n’inyigisho canke mu bijanye n’inyubako. Yarangije yipfuriza abanyeshure bahejeje kuja kurangura imirimo neza aho bagiye kuronka akazi no gutera imbere bongere bateze imbere igihugu cabibarutse, yongera aha n’ikaze abanyeshure bashasha bagiye gutangura umwaka w’ishure. Uwaserukiye ubushikiranganji bw’inyigisho za kaminuza n’ubushakashatsi, Anastasie Gasogo yabanje kwipfuriza umwaka mushasha mwiza abitavye ibirori, aho yaciye amenyesha ko kaminuza y’Umwizero itanze impapuro z’umutsindo ku banyeshure bangana n’475 bagizwe  n’abahejeje igice ca mbere c’inyigisho za kaminuza, igice ca 2 c’izo nyigisho nyene, uburyo bushasha bw’inyigisho za kaminuza n’ibindi. Ku bwiwe rero ngo iyo umuntu yakoze neza akwiye gushimirwa. Ikindi yamenyesheje ngo ni uko kubona iyo kaminuza yigisha mu ndimi zibiri, Igifaransa n’Icongereza ngo bituma abahejeje bashobora kuja no mu makungu, bagakora canke bakarangura imirimo borohewe. Yarangije ashimira iyo kaminuza ku gikorwa c’iteka nk’ico no ku myitwarariko yo kwama bagirira neza abo bajejwe kurera yongera ashimira Reta kuko idahengeshanya gufata mu mugongo inyigisho za kaminuza ibicishije mu bushikiranganji bw’inyigisho za Kaminuza n’ubushakashatsi. Mwomenya ko muri abo banyeshure harimwo abashika 6 berekanye ubushobozi mu gukoresha ubumenyi baronkejwe kuri iyo kaminuza mu gucapa iyo kaminuza uko iri. Babiri muri bo bakaba baronkejwe agashimwe k’amafaranga kuko bahejeje,abasigaye bakaba bemerewe kwiga ku buntu imyaka basigaje kuri iyo kaminuza. 

Estella Niyongere

 

Ubutunzi bwa mbere ku gihugu cose ni abantu baciye ubwenge kandi bafise n’ubumenyi buhagije

 

dddsqUmukuru w’igihugu Petero NKURUNZIZA amenyesha ko ubutunzi bwa mbere Imana itanga ku gihugu ari abantu b’abanyabwenge kandi bafise ubumenyi bukwiye kuko ivyo dufise vyose kw’isi vyakozwe n’abantu. Ivyo yabimenyesheje ku wa 6 Ruhuhuma 2019  igihe yariko arashikiriza ubushimwe abanyeshure babaye aba mbere mu mashure y’akarorero, akaba yatangiye ubwo bushimwe kw’ishure ryisumbuye ry’i Musinzira mu ntara ya Gitega mu ntumbero yo kubatera intege. Umwe wese muri abo bana bashika 15 baronkejwe imashini nyabwonko ; hakaba n’umwana wo mu Cibitoke ca Rugombo yaronkejwe imashini nyabwonko n’akaganuke k’ibihumbi amajana 2 kubera yasomye ibitabu 24 akagira n’ivyegeranyo vyavyo. N’umuyobozi wa Lycée Musenyi yararonkejwe imashini nyabwonko kubera adasuma imboga n’ivyamwa aha abanyeshure ahubwo abirima.Umukuru w’igihugu Petero NKURUNZIZA amenyesha ko ubutunzi bwa mbere Imana itanga ku gihugu ari abantu b’abanyabwenge kandi bafise ubumenyi bukwiye kuko ivyo dufise vyose kw’isi vyakozwe n’abantu. Ivyo yabimenyesheje ku wa 6 Ruhuhuma 2019  igihe yariko arashikiriza ubushimwe abanyeshure babaye aba mbere mu mashure y’akarorero, akaba yatangiye ubwo bushimwe kw’ishure ryisumbuye ry’i Musinzira mu ntara ya Gitega mu ntumbero yo kubatera intege. Umwe wese muri abo bana bashika 15 baronkejwe imashini nyabwonko ; hakaba n’umwana wo mu Cibitoke ca Rugombo yaronkejwe imashini nyabwonko n’akaganuke k’ibihumbi amajana 2 kubera yasomye ibitabu 24 akagira n’ivyegeranyo vyavyo. N’umuyobozi wa Lycée Musenyi yararonkejwe imashini nyabwonko kubera adasuma imboga n’ivyamwa aha abanyeshure ahubwo abirima.Yabwiye urwo rwaruka ko ari urumuri rumurikira abandi, aca abasaba kubungabunga iteka Imana yabahaye, baribungabunge nk’amata y’abashitsi. 

Bisubiye ngo n’iyo umwana w’imfura yifashe neza n’abandi baca bakurikira, yifashe nabi naho akaba atanze akarorero kabi. Bakaba ari imfura kubera aribo igihugu cahereyeko muri uwo mugambi. Yarongeye amenyesha ko ubumenyi ari ikintu gihambaye cane kuko n’Imana imaze kurema ibintu vyose yaciye yiyumvira kurema umuntu imuha n’ububasha bwo kugaba , gutunganya no guteza imbere ivyo yaremye. Yabasavye kugendereza ibihe kugira bamenye n’ivyo bategerezwa gukora. Yabasavye kwiga neza kugira batere iteka basokuru babaraze igihugu c’Uburundi bakakirwanira kandi batigeze bagendera mu modoka, ku makinga canke amapikipiki. Barwanije abakoroni mu gihe c’imyaka indwi, mu gihe igihugu batigeze binjiramwo muri Afrika ari Etiyopiya conyene ; ivyo bakaba babikoze bafatanye mu nda kubera umutima wo gukunda igihugu.Yarabashimiye ko ari abana b’umutima bariko bitegurira kuzotunganiriza igihugu. Yasavye kandi abigisha kurangura ibanga bajejwe n’umutima ubikunze kuko ariwo mutahe mukuru bafise. Ngo nta kintu kiryoshe nko kuja kwivuza ugasanga wakirwa n’uwo wigishije, waja mu butungane ukakirwa n’uwo wigishije, waja mu biro vya buramatari canke vya musitanteri ukakirwa n’uwo wigishije bakagutunganiriza neza. Impembo bazoronka iruta irya baronka ku kwezi ku kwezi. Naho biri uko, Pzezida  yasavye umushikiranganji w’amashure  nshingiro, ay’inyuma y’ishure nshingiro n’imyuga, Janvière Ndirahisha gutunganiriza abigisha kugira bakore bagononekewe. Abanyeshure nabo basavye kworoherezwa muvyo imfungurwa yababwiye ko ico atari ikibazo bazobatunganiriza. Yabasavye kudahemuka kuko na basokuru batigeze bahemuka kandi batize, batigeze bambara n’ibirato.  

Epitace Nduwayo

 
Ouvrir