Publications de Presse Burundaise, Rohero I Avenue de la JRR N°17 Immeuble le SAVONNIER, Téléphone standard : (257) 22 22 62 32, Fax :(257) 22 22 58 94, email: pressequotidienne@yahoo.fr

Urwaruka rusabwa gutegura kazoza karwo keza rugifise inguvu zo gukora

xsdszzMu ntumbero yo guhimiriza urwaruka rw’abigeme biga kugirango bige bategura kazoza keza, ku wa 2 Ntwarante 2018, umutambukanyi w’Umukuru w’igihugu, Denise NKURUNZIZA yaragendeye ishure ryisumbuye ry’i Busiga , mu ntara ya Ngozi, aho yabatekereye impanuro za kivyeyi abasaba kuba abigeme b’akarorero barangwa n’indero runtu.Mu ntumbero yo guhimiriza urwaruka rw’abigeme biga kugirango bige bategura kazoza keza, ku wa 2 Ntwarante 2018, umutambukanyi w’Umukuru w’igihugu, Denise NKURUNZIZA yaragendeye ishure ryisumbuye ry’i Busiga , mu ntara ya Ngozi, aho yabatekereye impanuro za kivyeyi abasaba kuba abigeme b’akarorero barangwa n’indero runtu.Umutambukanyi w’Umukuru w’igihugu, akaba yaramenyesheje urwo rwaruka rwo kw’ishure ryisumbuye ry’i Busiga ko ijambo nyamukuru yabazaniye ari « Kazoza kawe keza kari mu maboko yawe ». Yabamenyesheje ko yipfuza ko baba abakobwa b’akarorero, b’indero nziza bazovamwo ikintu gikomeye, bakavamwo abarongozi mu gihugu. Ngo yipfuza ko urwo rwaruka ruba urwaruka ruzi kwitunganiriza kazoza keza rukongera rukagatunganiriza n’abandi. Yaramenyesheje ko umuntu yitegereje urwaruka uno munsi ashobora kubona ingene muri kazoza ruzoba rumeze. 

Ngo urwaruka rwokwibaza ico vyorumarira igihe rwokwiga amashure ariko  imbere yarwo hakaba kazoza kabi, nk’uwaraye maso yiga hanyuma agatwara inda canke akarwara indwara zidakira bivuye ku busambanyi. Yarabibukije ko abavyeyi babo babashira kw’ishure, bakabitaho mu kubaronsa ibishoboka vyose kugirango baze baronke kazoza keza. Muri ico gihe rero ngo iyo uwo munyeshure atigenjeje neza ngo amenye ico ariko ararondera, agaheza agatwara inda  canke akitesha kazoza keza kubera ibi canke biriya ngo abavyeyi baba bahomvye vyinshi. Ngo abavyeyi babo babashira mw’ishure kugirango bamaze kuronka kazoza keza nabo mu nyuma bagaruke kubafasha iyo bariko baragera mu zabukuru.  Kugirango ivyo babishikeko, Denise NKURUNZIZA yabasavye kugira ico bakoze kugirango bazobone kazoza keza. Muri ivyo harimwo kugira ivyiyumviro vyiza gutyo bagire ico batumbereye imbere yabo, kureka kuba abanebwe ngo hambavu y’ivyigwa vyo mw’ishure bagume barondera mu gusoma ibitabu, kuja kuri bwa buhinga ngurukanabumenyi gutyo ngo bagire umwete wo kurondera, arivyo bizotuma bagira kazoza keza kuko baba bafise ico bariko barakurikira. Ikindi naco ngo bovavanura n’ico cose cotuma bareka gushikira kazoza keza baba abagenzi babi, guhahamukira ibihendamaso n’ibindi. Ica nyuma ngo ni uko bosenga, bagasaba Imana ikabashoboza kandi bayizeye gutyo ngo ivyo bazosaba bazobibona bishika igihe kigeze.Mw’ijambo ryiwe ry’ikaze, umuhanuzi mukuru wa buramatari w’intara ya Ngozi , yari  yamuserukiye, Dieudonné Hiboneye yabanje gushimira umutambukanyi w’Umukuru w’igihugu kuko atari ubwa mbere yabagendeye kandi akagenda abashiriye agakemanyi k’inyigisho kugirango bahindure ingendo, bubake neza igihugu cabo c’Uburundi. Ngo izo nyigisho rero zerekeye indongozi, irondoka rijanye n’amagara meza hamwe n’ubwenge ngo azironsa abato n’abakuru.

Dieudonné Hiboneye yamenyesheje ko izo nyigisho zihambaye cane aca asaba urwaruka kumutega amatwi, kuziyumvirako hamwe no kuzisangira n’abandi batashoboye kuhashika.Uwurongoye inyigisho mu ntara ya Ngozi, Désiré Nitonde nawe yaramenyesheje ko indero y’urwaruka ari kimwe mu bibaraje ishinga. Ku bw’ivyo ngo baragerageza kwegera urwaruka bakaruronsa indero-bwenge, indero runtu ndetse n’indero rukritsu kuri iryo shure ryisumbuye ry’i Busiga na cane cane ko risanzwe ngo ari iry’abihebeye Imana. Hambavu y’ivyo ngo barabereka inyifato bogira imbere y’abo badasangiye igitsina kugirango ntibandure indwara zidakira canke ngo batware imbanyi hataragera n’ibindi. Désiré Nitonde yamenyesheje ko izo nyigisho zibafitiye akamaro kuko ngo bihweje ibitigiri vy’abigeme batwara imbanyi bigenda biragabanuka umuntu aravye imyaka 3 y’amahure iheze.Hambavu y’izo nyigisho, Umutambukanyi w’Umukuru w’igihugu, Denise NKURUNZIZA yaratanze imfashanyo kuri iryo shure igizwe n’itoni 2,8 z’umuceri hamwe n’amakarato y’amata  bita « Natura ».

Estella Niyongere

 

 

Prezida NKURUNZIZA yararanguye ibikorwa bitandukanye mu ntara ya Ngozi

mamamaKu munsi wa gatandatu,igenekerezo rya 3 Ntwarante 2018, Umukuru w’igihugu Petero NKURUNZIZA yararanguye ibikorwa bitandukanye mu makomine ya Ngozi, Mwumba na Gasikanwa.Ku munsi wa gatandatu,igenekerezo rya 3 Ntwarante 2018, Umukuru w’igihugu Petero NKURUNZIZA yararanguye ibikorwa bitandukanye mu makomine ya Ngozi, Mwumba na Gasikanwa. Ibikorwa vy’uwo munsi, Prezida NKURUNZIZA akaba yabitanguriye ku mutumba Kinyami, muri komine n’intara ya Ngozi, aho yifadikanije n’abanyagihugu mu bikorwa rusangi aho bariko bubaka ishure ryisumbuye ry’akarorero ryigisha imyuga. Avuye ngaho yaciye aja mu Vyegwa vy’Imana aho yifadikanije n’abanyagihugu mu bikorwa vyo kwubaka ingazi z’ubwugamo ku kibuga c’umupira w’amaguru co mu Vyega muri   komine Mwumba, intara ya Ngozi.

Inyuma yaho  yarongeye arifadikanya n’abanyagihugu mu kwubaka ibiro bikuru vya komiseri w’isoko biri mw’isoko ya vyegwa, muri komine Mwumba nyene. Abahurikiye mw’ishirahamwe ry’abadandaza bo mw’isoko rya Vyegwa bakaba  basavye Prezida NKURUNZIZA ko yobaronderera abahinga babakarihiriza ubwenge mu bijanye n’umwuga wabo wo kudandaza . Buramatari w’intara ya Ngozi,Albert Nduwimana nawe akaba yamenyesheje ko intara yabo itekanye akaba ari naco gituma abadandaza bari ku kivi.Uwaserukiye abadandaza bo muri iyo soko yo mu Vyegwa, Nazaire Binamungu yarashimiye Umukuru w’igihugu yahishikiye, akaraba ingene bariko barakora .Ngo baritunganiriza amakoperative 15 ata mfashanyo y’abanyamahanga baronse, ngo ninavyo bibatera intege.Ngo bakaba barubatse ibibanza birenga 50 kandi bakaba bariko barategura aho imodoka zizohagarara “parking”. Yarasavye kandi Umukuru w’igihugu ko yobaha abahinga babakahiriza ubwenge mu bijanye n’umwuga wo kudandaza. Abo badandaza bakaba baciye bagabira Umukuru w’igihugu inka zibiri :Turashoboye hamwe na Mugwiza. Prezida NKURUNZIZA akaba yarashimiye abadandaza bagiye hamwe bagakora. Yaciye abemerera ko azobaronsa abo bahinga bamusavye.Imbere yaho Prezida NKURUNZIZA ari kumwe n’umutambukanyi wiwe bararanguye ibikorwa bitandukanye mu mirima yabo iri ku mutumba Rutanga, komine Gashikanwa. Bakaba batanguye gusarura ibigori mu nyuma naho bateragira imbuto z’ibiharage, ibigori hamwe n’ibiraya mu mirima yabo.                                                                                    

Thérèse Niyonkuru

 

 

Ibitaro vy’abasirikare vyo mu Kamenge vyarungutse ibitanda 150

 

dovcUmuyobozi mukuru w’ibitaro vy’abasirikare vyo mu Kamenge, Koroneri Marc Nimburanira amenyesha ko abarwayi benshi bavyirukira mu gihe bifasha mu kuvura indwara nyinshi, mbere hakaba n’ibitanda 150 bigenewe abarwayi vyiyongeye ku bitanda 250 vyari bihasanzwe, vyose hamwe bigaca biba 400. Ivyo akaba yabivuze mu kiganiro yahaye igisata c’ubushinguro bw’ibinyamakuru n’ibitabu gikukira iyandikiro ry’ibinyamakuru vya Reta(documentation),aho yongeye amenyeha ko ivyo bitaro bishobora gukora gusumba mu gihe uburyo bw’amafaranga bwoboneka.Umuyobozi mukuru w’ibitaro vy’abasirikare vyo mu Kamenge, Koroneri Marc Nimburanira amenyesha ko abarwayi benshi bavyirukira mu gihe bifasha mu kuvura indwara nyinshi, mbere hakaba n’ibitanda 150 bigenewe abarwayi vyiyongeye ku bitanda 250 vyari bihasanzwe, vyose hamwe bigaca biba 400. Ivyo akaba yabivuze mu kiganiro yahaye igisata c’ubushinguro bw’ibinyamakuru n’ibitabu gikukira iyandikiro ry’ibinyamakuru vya Reta(documentation),aho yongeye amenyeha ko ivyo bitaro bishobora gukora gusumba mu gihe uburyo bw’amafaranga bwoboneka.


Ibitaro vy’abasirikare vyo mu Kamenge ni ivy’ abasirikare kw’izina gusa

  Koroneri Marc Nimburanira ntarya umunwa mu kuvuga ko ibitaro vy’abasirikare vyo mu Kamenge ari ivy’abasirikare kw’izina gusa Nkako ngo ivyo bitaro bivura abantu bose baba abasirikare, abaporisi, abanyagihugu basanzwe eka mbere n’abanyamahanga. Vyongeye, nta bibanza bigenewe abasirikare, abaporisi canke abandi barwayi muri ivyo bitaro. Iyo hageze ko binjira mu bitaro bose baravangana. No mu bakozi, ivyo bitaro bikoresha harimwo abasirikare n’abatari abasirikare. Gusa, abasirikare bakora muri ivyo bitaro bahashirwa n’umushikiranganji wo kwivuna abansi no kwitwararika abahoze ku rugamba mu gihe abakozi batari abasirikare bagiriranira amasezerano y’akazi n’ubuyobozi bukuru bw’ivyo bitaro. Marc Nimburanira aranezerezwa kandi arishimira imigenderanire y’akazi iri hagati y’abakozi b’abasirikare n’abakozi batari abasirikare. Nkako, uko bari muri iyo mice ibiri, bakorera hamwe, barafashanya neza kandi basenyera ku mugozi umwe.  Hariho mbere n’abakozi batari abasirikare baja baramenyereye umurindi w’abasirikare nko mu gutonda kare kandi ku masaha ku kazi ku buryo bakora ibishimishije cane co kimwe n’abakozi bagenzi babo b’abasirikare. 


Ivyo bitaro birashobora kwakira abarwayi barenga 500 kumunsi. 

Mu kazi ka minsi yose, haba mu bijanye no kwakira canke gusohora amafaranga canke kuvura, ibitaro vy’abasirikare vyo mu Kamenge birafise imashini nyabwonko zituma abakozi bakora akazi kabo neza kandi ku gihe. Ivyo bitaro birashobora rero kwakira abarwayi barenga amajana atanu ku munsi. Igisata co gupima indwara (laboratoire) conyene kirashobora kwakira abantu barenga amajana abiri na mirongo itandatu baje kwisuzumisha indwara. Muri ivyo bitaro vy’abasirikare vyo mu Kamenge  uhasanga ibisata vyinshi. Aha twovuga nk’aho abavyeyi bibarukira, ahavurirwa abana, aho bavurira abantu babanje gukorwa, aho bagororera abavunitse, iradiyo, aho bakirira indembe, aho bafashiriza abaravye guhema n’ibindi. Ibisata vyose biri muri ivyo bitaro  abantu baravyirukira rwose. Muganga Marc Nimburanira arabiha insiguro. Hariho icigwa cabaye haraheze imyaka itatu canke ine hakoreshejwe uburyo bw’umungambi ushingiye ku guha amanota abakozi ufatiye ku mwimbu. Mu vyo ico cigwa cashitseko kandi cerekanye, ngo ibitaro vy’abasirikare vyo mu Kamenge biza kw’isonga mu kwakira neza abaje babigana. Vyongeye, ubuyobozi bukuru bw’ivyo bitaro ngo ntibuhengeshanya guhimiriza abakozi kwitaho no kwakira neza abaje babitura. Naho biri uko, Marc Nimburanira aremeza yuko ivyo bitaro bishobora gukora ibirenze ngaho mu gihe uburyo bw’amafaranga bwoboneka. Nkako imyidogo y’uko abakozi badakwiye irahari. Ivyo bitaro bikoresha abakozi bangana uko bangana ubu kuko amafaranga bifise adatuma barenza ngaho. N’ibikoresho usanga muri ivyo bitaro bidakwiye kuko hariho ibibuze kubera uburyo atari ikirenga. Ariko, n’aho ibikoresho bidakwiye, abakozi barita ku rutare kugira batunganirize abarwayi babituye. 


Inyubako nshasha aho abakenyezi bibarukira hakavurirwa n’abana zarazanye akarusho
Muri Nyakanga 2017, haruguruwe inyubako nshasha ku bitaro vy’abasirikare mu Kamenge aho abavyeyi bibarukira hakavurirwa n’abana. Iciyumviro co kwubaka izo nyubakwa nshasha, umuyobozi mukuru w’ibitaro afatikanije n’abakozi akoresha batanguye kuciyumvira mu 2015, baca baratangura kugishira mu ngiro. Ngo bagize ico ciyumviro kuko ibitaro vyari bifise ikibazo co kurengerwa n’abo cakira na cane cane abarwayi binjira ibitaro. Imbere yaho, ibitaro vyashobora kwakira abinjira ibitaro bangana n’250. Ubu ivyo bitaro vyakira abantu 400. Bisigura yuko ibitanda 150 vyokwakira abinjira ibitaro vyiyongereye muri ivyo bitaro vy’abasirikare. Kuva izo nyubakwa nshasha zinjiwe, aho bahora bakirira abavyeyi bibaruka canke abana binjiye ibitaro baciye bahahebera igisata citwa mu gifaransa “Médecine interne” hamwe n’abakozwe. Ibitaro ngo vyarungutse rero ibibanza vyokwakiriramwo abinjira ibitaro kandi biraheza biraronka ihemero. Vyongeye izo nyubakwa nshasha zaratumwe abavyeyi bibaruka n’ibibondo bakirwa neza kuruta mbere. Ngo ni agahengwe gusa kuko ibitaro vy’abasirikare vyo mu Kamenge n’uno munsi vyama vyuzuye abarwayi baryamwe mu bitaro. Birashika mbere n’aho abarwayi bari bakeneye kwinjira ibitaro babarungika ahandi kubera kubura aho babaraza. Ariko akarusho koko kariho muri ivyo bitaro ku bijanye no kuraza abarwayi mu bitaro.


Ibitaro birafise umugambi wo gukoresha ubuhinga bwa none(scanner na IRM) 
Muganga Marc Nimburanira aramenyesha abitura ibitaro vy’abasirikare vyo mu Kamenge yuko ubuyobozi bukuru buriko burategura ibikorwa bizorangurwa mu myaka itatu iri imbere. Ni ukuvuga mu 2018 na 2020. Gurtyo ibitaro bizogira ico biterereye mu bushikiranganji bwo kwivuna abansi no gushigikira abahonze ku rugamba ku buryo bw’umwihariko be n’igihugu cose muri rusagi. Uwo mugambi mushasha urafatira ku basirikare b’abarundi barungikwa kugarukana amahoro n’umutekano mu mahanga nka za Somariya canke Centrafrique. Abo basirikare birashika bagakomerekera ku rugamba. Birashika kandi yuko baca baja kuvurirwa mu bihugu vya Kenya na Afrika y’Epfo kuko uburyo n’ubuhinga bwo kubavura ataburiho mu Burundi. Ivyo biraheza bigatera ingorane abo basirikare b’abarundi kuko baba bari kure y’imiryango yabo. Vyongeye, ururimi rukoreshwa muri ivyo bihugu ruraheza rukabagora kuko tutavuga ururimi rumwe. Eka mbere n’ibifungurwa vyaho ntibaba babimenyereye. Vyumvikana yuko ibintu vyinshi biheza bikagora abo basirikare b’abarundi barwariye mu mahanga. Muri uwo mugambi w’ 2018-2020, ibitaro vy’abasirikare vyo mu Kamenge birategekanya rero kwironsa ubuhinga n’ibikoresho bigezweho vyotuma bishobora kuvura mwene abo basirikare bashikiwe n’impanuka. Bategekanya kuronka igisata co kubagiramwo abakomeretse canke abavunitse  (Chirurgie) n’ico kugarurira ubuzima abataye ubwenge (Réanimation) biteye imbere cane. Nico gituma biyumvira kugura ico bita mu gifaransa scanner hamwe na IRM (Imagerie par résonnance magnétique). Scanner ituma bafata amasanamu abarwayi bakabona ibintu vyinshi vyononekaye mu mubiri. IRM naco ni icuma gikomeye cane ku buryo gishobora kubona ivyo scanner itashoboye kwerekana.Uwo rero ngo ukaba ari umugambi usaba amafaranga menshi mugabo ufise akamaro kanini ku gihungu. Arico gituma muganga Marc Nimburanira ahamagarira abarundi bose kuwushigikira. Aho ubu ibintu bigeze, umugambi uriko urigwa wongera wemezwa n’inzego zose zibijejwe kugira uheze ushirwe mu ngiro. Mu 2020, abarongoye ibitaro bazoheza bawurimbure barabe aho ishirwa mu ngiro ryawo rigeze. Marc Nimburanira yizera yuko mu gihe uwo mugambi woshirwa mu ngiro, naho ibitaro arongoye bitazoca bironka uburyo, ubuhiga n’ubumenyi bwose bizotuma bavura indwara zose ziri mu Burundi, abarungikwa kuvurirwa hanze nabo bazoheze bagabanuke. 

  Gilbert Ntahorwamiye

Documentation                                                                                                   

 

Ibihugu bifise ingabo zifasha kugarukana umutekano muri Somariya bisaba ko zose zofatwa kumwe

 

DSClkoi 0572Ibihugu vyarungitse ingabo zavyo mu nteko za AMISOM gufasha kuragukana umutekano mu gihugu ca Somariya bisaba ko izo ngabo zose zofatwa kumwe ata kuvangura mu bijanye n’uburyo hamwe n’amategeko azigenga.Ivyo ni bimwe mu vyavugiwe mu nama yahuje abakuru b’ibihugu bifasha kugarukana umutekano mu gihugu ca Somariya yabereye mu gihugu c’Ubuganda ku wa 2 Ntwarante 2018, nk’uko vyashikirijwe  n’Icegera ca mbere c’Umukuru w’igihugu, Gaston Sindimwo  ku wa 3 Ntwarante 2018, ku kibuga c’indege ca Bujumbura, igihe yari aganutse avuye mu gihugu c’Ubuganda aho yari yaserukiye Uburundi. 

Ibihugu vyarungitse ingabo zavyo mu nteko za AMISOM gufasha kuragukana umutekano mu gihugu ca Somariya bisaba ko izo ngabo zose zofatwa kumwe ata kuvangura mu bijanye n’uburyo hamwe n’amategeko azigenga.Ivyo ni bimwe mu vyavugiwe mu nama yahuje abakuru b’ibihugu bifasha kugarukana umutekano mu gihugu ca Somariya yabereye mu gihugu c’Ubuganda ku wa 2 Ntwarante 2018, nk’uko vyashikirijwe  n’Icegera ca mbere c’Umukuru w’igihugu, Gaston Sindimwo  ku wa 3 Ntwarante 2018, ku kibuga c’indege ca Bujumbura, igihe yari aganutse avuye mu gihugu c’Ubuganda aho yari yaserukiye Uburundi. Nk’uko yabimenyesheje, ngo muri iyo nama bize ikibazo co kuraba ikurikizwa ry’ingingo y’2372 y’Ishirahamwe Mpuzamakungu ONU ivuga ko bogabanya ingabo ziri muri Somariya, ndetse ko bogabanya abandi kuko ngo mu mwaka uheze  w’2017, bagabanije abashika 1000. Kuri iyo ngingo rero ngo abakuru b’ibihugu bafashe ingingo yuko ata musirikare n’umwe bosubira kugabanya kuko bagabanije bitera umutekano muke ku basirikare baba basanzwe bariyo mbere n’ico gihugu ca Somariya kigahungabana, kandi ngo iyo ngingo yafashwe yari ishigikiwe n’igihugu c’Uburundi. Ikindi naco, ngo bivanye n’uko Ishirahamwe Mpuzamakungu ONU ryari ryaremeye ko rizofasha mu gutanga ibikoresho harimwo na za kajugujugu, ingabo zose zigafatwa kumwe, kandi ngo bari baremeranije ko ibikoresho vyose bizokoreshwa,nayo ibizoba vyononekaye bikazosubirizwa, basavye ko ishirahamwe ry’ubumwe bwa Afrika (U.A.) ko ryofashanya n’Ishirahamwe Mpuzamakungu ONU kugirango barabe ibishoboka vyose kugirango barondere uburyo ivyo bintu bishirwa mu buryo. Ikindi naco bumvikanye ni uko babonye ko ingabo ziri muri Somariya zidakorera ku mategeko amwe zikongera zikaba  zidafise ibikoresko bimwe, ku buryo habaye isanganya kugira ngo baje gutabara bifata umwanya muremure.

Ngo abari muri iyo nama bakaba baciye basaba ko ingabo zose zoronswa kajugujugu. Ku vyerekeye ko abasirikare b’Uburundi bari bavuye i Mogadiscio bahuye n’abansi hagapfa abasirikare batatu, barahojeje imiryango yabo, ivyo kandi ngo vyavuye ku kuntu ingabo z’Uburundi zitari zabimenye kuko batari bafise vyabikoresho biguruka bitagira uwubigendesha  bita drône. Ariko rero ngo basavye ko ingabo z’Uburundi zose n’abandi bose bari muri ico gihugu boronswa uburyo bungana harimwo ayo ma « drône » abafasha kuronka inkuru hakiri kare kugira ngo zishobore gucungera umutekano. Kandi ivyo ngo izo ngorane bahura ntizishobora kubaca inkokora kuko bazi ko icabajanye ari ukugarukana amahoro n’umutekano, ngo rero ntibosiga igihugu ca  Somariya kidatunganijwe neza.

Evelyne Niyonzima

 

Abakristu basabwa kwirinda kugarariza ababarongoye kuko Imana ariyo yabateye iryo teka

 

DjjjuSC 0669Kw’igenekerezo rya 4 Ntwarante 2018, Umukuru w’igihugu Petero NKURUNZIZA ari kumwe n’umupfasoni wiwe bahimbajrie umunsi w’Imana ku rushengero rw’Urutare «Eglise du Rocher » ruri ku mutumba Buye, muri komine Mwumba, intara ya Ngozi .Ubutumwa bwashikirijwe abakristu uwo munsi bukaba bwashimikiye ku kwirinda kugarariza ababarongoye kuko batewe iryo teka n’Imana. Prezida NKURUNZIZA yamenyesheje abakristu bari aho ko umwaka w ‘2018 ari umwaka  wo gutandukanya ibibi n’ivyiza, bakagendera mu muco w’Imana . Ngo n’umwaka kandi w’iterambere,wo kubohoka hamwe no gutotahara muri vyose .Yaripfurije abakristu bari aho ko umwaka w’2018  woba umwaka w’imigisha bongere bawuronkemwo amahoro . Kw’igenekerezo rya 4 Ntwarante 2018, Umukuru w’igihugu Petero NKURUNZIZA ari kumwe n’umupfasoni wiwe bahimbajrie umunsi w’Imana ku rushengero rw’Urutare «Eglise du Rocher » ruri ku mutumba Buye, muri komine Mwumba, intara ya Ngozi.

Ubutumwa bwashikirijwe abakristu uwo munsi bukaba bwashimikiye ku kwirinda kugarariza ababarongoye kuko batewe iryo teka n’Imana. Prezida NKURUNZIZA yamenyesheje abakristu bari aho ko umwaka w ‘2018 ari umwaka  wo gutandukanya ibibi n’ivyiza, bakagendera mu muco w’Imana . Ngo n’umwaka kandi w’iterambere,wo kubohoka hamwe no gutotahara muri vyose .Yaripfurije abakristu bari aho ko umwaka w’2018  woba umwaka w’imigisha bongere bawuronkemwo amahoro . Mw’ijambo ry’Imana ryashikirijwe uwo munsi  rikaba riri  mu gitabu co Guharura igice ca 16, kuva ku murongo wa mbere gushika ku w’14 havuga ngo « Mwiyubare kugarariza ».Umutambukanyi w’Umukuru w’igihugu, Denise NKURUNZIZA akaba yasiguriye abakristu  bari aho ko bokwirinda kugarariza kugira ntibazopfe rubi. Yarasavye abavyeyi kuba maso kugira abana babo ntibagararize .Yaravuze ko mu mwaka w’2018 ari uguhaguruka bagasenga kugira ntibaterwe n’impwemu mbi yo kugarariza. Ngo uburongozi bwose buva ku Mana   akaba ari naco gituma kizira kugarariza uburongozi kuko uba ugararije Imana. Yasavye abakristu bari aho bose ko bokwubaha ababarongoye, basenge birukane impwemu mbi yo kugarariza. Denise NKURUNZIZA yaravuze ko abakora mu bisata bitandukanye bakwiye gusenga kugira birukane impwemu mbi yo kugarariza ababarongoye . Ngo iyo ugararije umuvyeyi uba ugararije Imana kuko ariwe yamuguhaye.

Ngo Imana niyo ishiraho abarongozi kugira ibaceko mu gushikiriza ijambo ryayo abantu bayo kandi uburongozi buri ku rugero rutandukanye.Ngo hari abo hejuru n’abo hasi kandi bose bakaguma ari abarongozi.Yaravuze ko hari abantu Imana ishinga amabanga ariko ibibanza barimwo ntibibabumbe bakaguma barondera ibindi bibanza.Ngo burya umunyabwenge ashima ivyo Imana yamuhaye akabirangura neza ibindi bikazokwizana. Yarasomye kandi muri Matayo, igice  23 ku murongo wa 6 n’uw’7 hasigura ibijanye n’abakunda ivyicaro vy’icubahiro .Ngo bibiriya ivuga ko abafarizayo ari abanyabwenge b’ivyanditswe bakunda ibibanza vy’imbere bagakunda kugirwako bwakeye mu mabarabara no mu tuguriro, bagashima ko babahamagara « Rabi » ni ukuvuga mwigisha kandi mwigisha nawe yari Yesu Kristo.Ngo umuntu aravye neza baba bashatse kwishira mu kibanza ca Yesu Kristo.  Ngo uwuzokwishira hejuru azocishwa bugufi. Ngo abakunda kugarariza no nabo nyene bakunda kwishira hejuru. Yarasavye abakristo kwitandukanya n’abagarariji bakore ivy’Imana igomba kugira ntibapfe rubi. 

Thérèse Niyonkuru                                                                            

 

Mu Nama Nshingamateka: Integuro y’ibwirizwa rigenga imiti yica udukoko twonona ibiterwa yaremejwe

DSC cde1312Ku wa 7 Ntwarante 2018, integuro y’ibwirizwa rigenga imiti yica udukoko twonona ibiterwa n’udutera ibitungwa bimwe bimwe yarizwe irongera iratorwa n’Inama Nshingamateka ku majwi 93 kuri 93, ni ukuvuga abashingamateka 83 bari bahari hamwe na 10 bari batumye. Akunguko iyo nteguro y’ibwirizwa izanye ngo ni uko itegeko ngenderwako ryagenga ico gisata ryari iryo mu mwaka w’2002, bikaba vyari ngombwa ko iryo tegeko rihinyanyurwa kugira rijane n’ibihe. Ibikorwa vy’Inama Nshingamateka vyari birongowe n’umukuru wayo, Pascal Nyabenda, aho bari batumiye umushikiranganji w’uburimyi n’ubworozi, Déo Guide Rurema kugira atange imvo n’imvano yatumye Reta y’Uburundi irungika iyo nteguro y’ibwirizwa kugira yigwe yongere yemezwe.Ku wa 7 Ntwarante 2018, integuro y’ibwirizwa rigenga imiti yica udukoko twonona ibiterwa n’udutera ibitungwa bimwe bimwe yarizwe irongera iratorwa n’Inama Nshingamateka ku majwi 93 kuri 93, ni ukuvuga abashingamateka 83 bari bahari hamwe na 10 bari batumye. Akunguko iyo nteguro y’ibwirizwa izanye ngo ni uko itegeko ngenderwako ryagenga ico gisata ryari iryo mu mwaka w’2002, bikaba vyari ngombwa ko iryo tegeko rihinyanyurwa kugira rijane n’ibihe. Ibikorwa vy’Inama Nshingamateka vyari birongowe n’umukuru wayo, Pascal Nyabenda, aho bari batumiye umushikiranganji w’uburimyi n’ubworozi, Déo Guide Rurema kugira atange imvo n’imvano yatumye Reta y’Uburundi irungika iyo nteguro y’ibwirizwa kugira yigwe yongere yemezwe.Nk’uko umushikiranganji w’uburimyi n’ubworozi, yatanguye abishikiriza, ngo abahinga n’amashirahamwe mpuzamakungu atari make barerekanye ko uburyo bubereye bwotuma haboneka imiti ikwiye, yodandazwa ikanakoreshwa neza kugira harwizwe umwimbu hatabaye kubangamira amagara y’abantu, ari uko ama Reta yose yoshiraho amategeko abereye agenga iyo miti, hakanashirwaho n’inzego zijejwe gushira mu ngiro ayo mategeko.Vyongeye, ngo mu mategeko mpuzamakungu n’ay’ibihugu agenga urudandazwa n’ikoreshwa ry’imiti yagiye arahinduka cane muri iyi myaka 20 iheze. Itegeko ngenderwako mpuzamakungu rigenga urudandazwa n’ikoreshwa ry’imiti, ryemejwe mu mwaka w’1985 n’inama igira 23 y’urwego nshingwantwaro rw’ishirahamwe riraba imfungurwa n’uburimyi kw’isi FAO, ryashinzwe kugira hatangwe intumbero ngenderwako kuri abo bose bakorera muri ico gisata, ariko na cane cane ama Reta hamwe n’amahinguriro y’iyo miti. Kuva mu mwaka w’1985, iryo tegeko ngenderwako ryasubiwemwo mu mwaka w’1989 hanyuma rihinyanyurwa mu mwaka w’2002.


Iyo nteguro y’ibwirizwa ije kwisunga ayandi mategeko mpuzamakungu
Kuva mu mwaka w’1985, ayandi mategeko mpuzamakungu menshi araba ibijanye n’imiti canke itunganywa ryayo yagiye arashirwa mu ngiro. Amakuru makuru muri ayo akavuga nk’amasezerano y’i Rotterdam araba ibuzwa ry’idandazwa n’ikoreshwa ry’imiti ifise ubumara burengeje n’ubundi bumara bukoreshwa mu mahinguriro, amasezerano mpuzamakungu ya Stockholm araba ibijanye no kurwanya ubumara buhumanya butadonoka, amasezerano ya Bâle agenga uruja n’uruza rw’imyanda ifise ubumara hagati y’ibihugu, hakaba n’ayandi nk’amasezerano ya Montréal araba ivy’ubumara bwonona igisenge c’isi ca Ozone, n’ayandi. Iyo nteguro y’ibwirizwa rishasha rijanye n’itunganywa n’ikoreshwa ry’imiti rizofasha gushira mu mategeko y’Uburundi ingingo nkoramutima dusanga mu mategeko mpuzamakungu igihugu cateyeko umukono. Mu bibazo vyabajijwe n’abashingamateka, barashatse kumenya ingaruka iyo miti igira ku tundi dukoko nk’inzuki, aho bivugwa ko zidashe aho bapomfye iyo miti bituma ubuki bwazo buta akanovera. Kuri ico kibazo, umushikiranganji w’uburimyi n’ubworozi yamenyesheje ko hariho imiti iyo bayipomfye ijaniranya udukoko twose twaba utwonona ibiterwa n’utundi twose harimwo n’inzuki. Abegetsi, ngo babagira inama yo kujana imizinga yabo ku miciro y’amashamba, kugira inzuki zishobore kudaha ahatari iyo miti. Mu bindi bibazo vyabajijwe, abashingamateka barasavye ko hojaho ububiko bw’imiti nk’iyo bwamaho kugira igihe cose habonetse udukoko twonona ibiterwa bashobore kwikora kuri iyo miti bitagoranye. Kuri uwo mwitwarariko w’abashingamateka, Déo Guide Rurema yamenyesheje ko kuva mu mwaka uheze,w’2017 ngo harashizweho ububiko bwamaho bwa mwene iyo miti, ndetse ngo n’uko Reta yoshiramwo uburyo kugira iyo miti ishikire abarimyi ku giciro kitavuna nk’uko bikorwa ku mwavu w’ikizungu n’imbuto zirobanuye. Mu ntumbero yo gukingira amagara y’abanyagihugu, abashingamateka barasaba ko birya bikoresho biba vyavuyemwo iyo miti bitosubira kugurishwa ku masoko, aho bakavuga ibibido, n’ibindi. Aho umushikiranganji w’uburimyi n’ubworozi yasiguye ko iyo nteguro y’ibwirizwa ije gutunganya gushasha ibijanye n’imiti yica udukoko tw’ibiterwa n’ibitungwa bimwe bimwe ngo rije gutorera inyishu ivyo bibazo vyose, ndetse n’abarundi bahimirizwe  ku ngaruka mbi ivyo bikoresho bishobora gutera ku magara y’abantu. Icegera ca kabiri c’umukuru w’Inama Nshingamateka yarashatse kumenya aho igikorwa co kuronsa abarimyi umwavu w’ikizungu kigeze, kuri ico kibazo, umushikiranganji w’uburimyi n’ubworozi yamenyesheje ko uwo mwavu wamaze gushika mu ntara zose. Uwo mwavu w’ikizungu, ngo uriko uratangwa uzokoreshwa mu gihe c’irima ry’impeshi hamwe n’igihe c’irima c’ici. Kubona iyo fumbire isa n’iyatevye, ahanini ngo vyatumwe n’uko igihugu ca Tanzaniya cari cafashe ingingo yuko ata fumbire izosubira gusohoka igihugu, nico gituma vyafashe umwanya kugira Uburundi busabe uwo mwavu woza mu Burundi. 

 Déo Misigaro                                                                                                    

 

 
Ouvrir