Publications de Presse Burundaise, Rohero I Avenue de la JRR N°17 Immeuble le SAVONNIER, Téléphone standard : (257) 22 22 62 32, Fax :(257) 22 22 58 94, email: pressequotidienne@yahoo.fr

Uburyo bushasha bufasha gutandukanya imvyaro «SAYANA PRESS» bwaratangujwe icese

 

Ngo Reta yipfuza ko abavyeyi bokwibaruka abana bashobora kurera mu kubagaburira neza, kubashira mu mashure n’ibindi bikenerwa kugira ngo umwana akurane amagara meza. Ngo ni co gituma yafashe ingingo yo gutsimbataza umugambi w’irondoka rijanye n’amagara. Ivyo vyashikirijwe n’umushikiranganji w’amagara y’abantu no kurwanya ikiza Sida igihe yari aramutse atanguza icese uburyo bushasha bwo gukinga imbanyi zitipfujwe, aho hari kuwa 27 Munyonyo 2018, muri komine Gatara iri mu ntara ya Kayanza. Nk’uko umushikiranganji Thaddée Ndikumana yabishikirije mw’ijambo ry’uwo munsi, ngo uwo munsi wari umunsi mukuru mpuzamakungu wahariwe igwirirana ry’abanyagihugu. Reta rero ngo yashimye guca ihimbaza uwo munsi kubw’irondoka rijanye n’amagara meza. Yibukije ko ibiharuro vy’igwirirana ry’abarundi ryerekana ko umurindi ari munini cane ari na co gituma Reta yipfuza ko uwo murindi wogabanuka. Ngo iyo abantu ari benshi haba ingorane zo kubatunganiriza. Ngo iyo abana ari benshi biraheza bikagora kubategurira kazoza keza. Ngo Reta yipfuza ko abavyeyi bokwibaruka abana bashobora kurera mu kubagaburira neza, kubashira mu mashure n’ibindi bikenerwa kugira ngo umwana akurane amagara meza. Ngo ni co gituma yafashe ingingo yo gutsimbataza umugambi w’irondoka rijanye n’amagara. Ivyo vyashikirijwe n’umushikiranganji w’amagara y’abantu no kurwanya ikiza Sida igihe yari aramutse atanguza icese uburyo bushasha bwo gukinga imbanyi zitipfujwe, aho hari kuwa 27 Munyonyo 2018, muri komine Gatara iri mu ntara ya Kayanza. Nk’uko umushikiranganji Thaddée Ndikumana yabishikirije mw’ijambo ry’uwo munsi, ngo uwo munsi wari umunsi mukuru mpuzamakungu wahariwe igwirirana ry’abanyagihugu. Reta rero ngo yashimye guca ihimbaza uwo munsi kubw’irondoka rijanye n’amagara meza. Yibukije ko ibiharuro vy’igwirirana ry’abarundi ryerekana ko umurindi ari munini cane ari na co gituma Reta yipfuza ko uwo murindi wogabanuka. Ngo iyo abantu ari benshi haba ingorane zo kubatunganiriza. Ngo iyo abana ari benshi biraheza bikagora kubategurira kazoza keza. Reta yipfuza ko gushika mu mwaka w’2025 abarundi benshi boba barategeye kuvyara ku rugero kandi bakabikora. Ngo niyo abavyeyi bose b’abarundi bashobora gutegera ko umwana akwiye gukurikizwa haciye imyaka ibiri eka mbere bakabona ko abana batatu bakwiye mu rugo ngo ni co gihe iterambere ry’igihugu rizoca ryiyongera. Yaratanze akarorero ka komine ya Gatara uno munsi ifise abenegihugu umurengera aho ikirometero kwadarato kimwe gusa abakibako bashobora kuba barenga 1000. Ngo ikinezera kurusha ibindi muri iyo komine ni uko abenegihugu bayo batanguye gutahura ko kuvyara ku rugero bizobafasha mbere benshi bakaba bijukiye cane uburyo bwo kuvyara ku rugero. Umushikiranganji w’amagara y’abantu no kurwanya ikiza ruhonyanganda Sida, Thaddée Ndikumana yaratanze impanuro ku rwaruka mu kurusaba kugira inyifato nziza. Yasavye abigeme kutongera gutwara inda z’indaro bakirinda basesankuyoze. Yasavye urwaruka kwirinda amarigara atuma ruja mu buhumbu. Ngo abana batwara inda batipfuza baracari benshi. Iyo ngendo rero ngo ni iyo kugira umuziro. Yasavye abavyeyi kwama hafi y’abana babo mu ntumbero yo kurwiza no gukwiragiza uburyo bwo gukinga imbanyi zitipfujwe hari uburyo bushasha bw’urushinge buzofasha cane bwitwa « SAYANNA PRESS ». Yaciye ahamagarira abavyeyi kwijukira umugambi wo gutandukanya imvyaro. Ngo uwo mugambi ababijejwe bose bazowushikiriza abenegihugu kandi ngo urwo rushinge ruzofasha cane kuko umukenyezi ashobora kuzoba arwitera wenyene. Yarangije ijambo ryiwe ashimira buramatari w’intara ya Kanyanza ku mugambi mwiza wo guhimiriza irondoka rijanye n’amagara meza mbere iyo ntara ikaba yafashe ingingo yo kurondera iradiyo izofasha muri ico gikorwa. Iyo rarido ngo izoshigikirwa cane n’Ubushikiranganji bw’amagara y’abantu no kurwanya ikiza Sida n’abandi bose basanzwe baterera mu kubungabunga amagara y’abantu nka OMS na FNUAP.Mwomenya ko n’uwuserukira FNUAP mu Burundi, Richmond Tiemoko yafashe ijambo aho yamenyesheje ko iyo umukenyezi afise ububasha n’uburyo bwo gutandukanya imvyaro ashobora gutegura neza ubuzima bwiwe. Ngo ashobora kwiga no kurondera akazi gatuma aterera mu kubaho k’umuryango wiwe. Yari kandi yibukije ko uwo munsi ari uwo gutanguza uburyo bushasha bufasha gutandukanya imvyaro «SAYANA PRESS » ngo buzotuma haba uburyo bwinshi umuntu ahitamwo kugira ngo atandukanye imvyaro. Richmond Tiemoko yarerekanye kandi ko gutandukanya imvyaro bigabanya cane igitigiri c’abitaba Imana n’ubumuga buva ku mbanyi. Yarangije ijambo ryiwe yemeza ko igisata arongoye FNUAP eka ngo na OMS vyiyemeje kuzokwama bishigikira abarundi mw’iterambere rya bo rifatiye ku magara meza.

Nathan Ntahondi

Ouvrir