Publications de Presse Burundaise, Rohero I Avenue de la JRR N°17 Immeuble le SAVONNIER, Téléphone standard : (257) 22 22 62 32, Fax :(257) 22 22 58 94, email: pressequotidienne@yahoo.fr

Ibihugu bigize umuryango wa EAC biritwararitse gukuraho inzitizi zituma urudandazwa rutagenda neza

 

BOBY01Kuva ibihugu bigize umuryango wa Afrika y’Ubuseruko EAC bigiye hamwe haragiyeho amategeko ajanye no guhanahana ibidandazwa harimwo n’ayajanye no gukuraho inzitizi zituma urudandazwa rutagenda neza muri aka karere. Uwahoze ari umuhanuzi mu gisata ca duwane , urudandazwa, amahinguriro n’ibijanye n’imitahe mu bushikiranganji bujejwe iyinjira ry’Uburundi mu muryango wa Afrika y’ubuseruko EAC, ubu akaba ari umuyobozi muri ico gisata nyene, Ndizeye Bobby Jean Marie, yamenyesheje ko ibihugu bigize umuryango wa  EAC bimaze kuja hamwe vyashizeho amategeko asaba ko hovanwaho inzitizi zituma urudandazwa rutagenda neza. Yabandanije amenyesha ko hashizweho amakomite mu bihugu bigize umuryango wa EAC kugira ashobore gukurikirana ku munsi ku munsi  ibijanye n’inzitizi zituma urudandazwa rutagenda neza. Ayo makomite ngo rimwe na rimwe arahura n’ingorane zijanye no kubura uburyo bwo kugira ingendo zikwiye  zituma bibonera ingene urudandazwa ruba ruriko ruragenda ku mipaka no ku bivuko. Ku rwego rw’igihugu, iyo abagize komite baronse uburyo bwo kwishikira ku rubuga bakibonera ingorane abandandaza bagira, mw’ihuriro ry’amakomite yo mu muryango wa EAC bararonka ivyegeranyo batanga bituma igihugu kidomweko  urutoke ko kitorohereza abandandaza cikosora.  Ndizeye yamenyesheje ko ku rwego rw’umuryango wa EAC, hategerezwa kuba inama 4  ku mwaka zihuza amakomite yo mu bihugu vyo mu muryango wa EAC ariko kubera ingorane z’uburyo usanga habaye inama 1 canke 2. Yabandanije amenyesha ko ihuriro ry’amakomite yo muryango wa EAC ariryo ryonyene  rifise uburenganzira bwo gukuraho izo nzitizi. Ngo iryo huriro ritevye kuba hari ivyononekara kuko hari aho ayo makomite aba yabonye inzitizi mugabo zigateba gukurwaho. Kuva ibihugu bigize umuryango wa Afrika y’Ubuseruko EAC bigiye hamwe haragiyeho amategeko ajanye no guhanahana ibidandazwa harimwo n’ayajanye no gukuraho inzitizi zituma urudandazwa rutagenda neza muri aka karere. Uwahoze ari umuhanuzi mu gisata ca duwane , urudandazwa, amahinguriro n’ibijanye n’imitahe mu bushikiranganji bujejwe iyinjira ry’Uburundi mu muryango wa Afrika y’ubuseruko EAC, ubu akaba ari umuyobozi muri ico gisata nyene, Ndizeye Bobby Jean Marie, yamenyesheje ko ibihugu bigize umuryango wa  EAC bimaze kuja hamwe vyashizeho amategeko asaba ko hovanwaho inzitizi zituma urudandazwa rutagenda neza. Yabandanije amenyesha ko hashizweho amakomite mu bihugu bigize umuryango wa EAC kugira ashobore gukurikirana ku munsi ku munsi  ibijanye n’inzitizi zituma urudandazwa rutagenda neza. Ayo makomite ngo rimwe na rimwe arahura n’ingorane zijanye no kubura uburyo bwo kugira ingendo zikwiye  zituma bibonera ingene urudandazwa ruba ruriko ruragenda ku mipaka no ku bivuko. Ku rwego rw’igihugu, iyo abagize komite baronse uburyo bwo kwishikira ku rubuga bakibonera ingorane abandandaza bagira, mw’ihuriro ry’amakomite yo mu muryango wa EAC bararonka ivyegeranyo batanga bituma igihugu kidomweko  urutoke ko kitorohereza abandandaza cikosora.  Ndizeye yamenyesheje ko ku rwego rw’umuryango wa EAC, hategerezwa kuba inama 4  ku mwaka zihuza amakomite yo mu bihugu vyo mu muryango wa EAC ariko kubera ingorane z’uburyo usanga habaye inama 1 canke 2. Yabandanije amenyesha ko ihuriro ry’amakomite yo muryango wa EAC ariryo ryonyene  rifise uburenganzira bwo gukuraho izo nzitizi. Ngo iryo huriro ritevye kuba hari ivyononekara kuko hari aho ayo makomite aba yabonye inzitizi mugabo zigateba gukurwaho. Ndizeye yamenyeshe ko iyo ikidandazwa cakorewe mu muryango wa EAC ata ngorane cigera kigira yo kugihanahana. Yabandanije amenyesha ko ingorane zikunda kuboneka ari ivy’uko amashirahamwe akora ibidandazwa usanga atimenyekanishije. Ngo iyo ihinguriro rivutse bisabwa ko hakandikwa amakete yo kurimenyekanisha ku bigo bitoza amatagisi n’amakori ku buryo iryo shirahamwe rizanye ivyo rihingura ritohura n’inzitizi.  Ndizeye yavuze ko kuva hagiyeho amategeko  ajanye no gukuraho inzitizi, abadandaza baharonkeye akarusho kubera kera ababa  bagiye gutora ibidandazwa ku bivuko  bashobora gutanga amafaranga mw’ibarabara atazwi n’amategeko kugira ibidandazwa bishike neza ariko kuva ayo makomite agiyeho, umudandaza agize ingorane mu nzira ayitura hanyuma zigatorerwa umuti na nyene ibidandazwa atabimenye. Amakomite arafise umugwi wo guhanahana inkuru kuri terefone ngendanwa ituma ingorane abadandaza bagira mu nzira bariko barazana ibidandazwa zimenyekana kare.

Aline Kanyana

Ouvrir