Publications de Presse Burundaise, Rohero I Avenue de la JRR N°17 Immeuble le SAVONNIER, Téléphone standard : (257) 22 22 62 32, Fax :(257) 22 22 58 94, email: pressequotidienne@yahoo.fr

Abantu bafise ku va ku mwaka gushika ku myaka 29 bagiye kuronswa uruncanco rwa mugiga

 

DSC 1185Abantu bafise ku va ku mwaka gushika ku myaka 29 bazoronswa urucanco rwa mugiga kuva ejo igenekerezo rya 4 gushika ku rya 13 Kigarama 2018 mu gihugu cose. Ivyo vyashikirijwe  n’umushikiranganji w’amagara y’abantu no kurwanya ikiza SIDA, Thaddée Ndikumana mu nama  yo gutegura iryo sekeza yabereye mu ntara ya Ngozi ku wa 26 Munyonyo 2018. Abantu bafise ku va ku mwaka gushika ku myaka 29 bazoronswa urucanco rwa mugiga kuva ejo igenekerezo rya 4 gushika ku rya 13 Kigarama 2018 mu gihugu cose. Ivyo vyashikirijwe  n’umushikiranganji w’amagara y’abantu no kurwanya ikiza SIDA, Thaddée Ndikumana mu nama  yo gutegura iryo sekeza yabereye mu ntara ya Ngozi ku wa 26 Munyonyo 2018. Iyo nama yahuje ba buramatari b’intara, abarongoye indero n’uburimyi mu ntara, abarongoye uburere bwa gisirikare n’igiporisi, abarongoye za kaminuza, abihebeye Imana hamwe n’abajejwe intwaro.Uwo mushikiranganji yarongeye amenyesha ko urwo rucanco rumara imyaka 10 kandi rwaheruka gutangwa mu mwaka w’1992 igihe hari hateye ikiza ca mugiga. Yarongeye amenyesha ko iyo ndwara ya mugiga yica kurusha n’indwara ya Ebola. Iryo sekeza rije kandi mu ntumbero yo kwifatanya n’ibindi bihugu vya Afrika 20 bimaze gutunganya iryo sekeza n’ibindi bitandatu vyimirije kuritunganya, Uburundi bukazoba bugize ubwa 21. Yamenyesheje kandi ko iyo nama bayigirishije mu ntumbero yo gushira inguvu hamwe kugira iryo sekeza rizogende neza kandi ribe iry’akarorero. Yarongeye amenyesha ko abantu bazoronka urwo rucanco ari imiriyoni indwi amajana munani na mirongo icenda n’umunanai n’amajana icenda na batatu (7.898.903) ni ukuvuga ibice  birenga 77 kw’ijana vy’abarundi. Icipfuzo c’ubushikiranganji akaba ari uko abategerezwa kuronswa urwo rucanco bashika ibice ijana kw’ijana. Kubera iyo nama yatumiwemwo abaporisi n’abasirikare barongoye uburere  ngo nta nkeka yuko iryo sekeza rizoba mu mutekano. Igihe naho hatera ikiza c’indwara ya mugiga mu mwaka w’1992 naho ngo intara zabangamiwe zari ahanini Ruyigi, Rutana, Muyinga na Kirundo.

Abazoha urwo rucanco narwo ku biro vyose bazotangirako urwo rucanco. Ahanini urwo rucanco ruzotangirwa aho hose hakoranira abantu benshi nko ku mashure, amasengero, amakambi y’igisirikare n’igiporisi, amasoko,amabohero, amarerero y’imfuvyi, mu bibanza vy’impunzi no mu bibanza bishikiramwo impunzi n’abahunguka. Umugwi wose uzotanga urwo rucanco uzoba ugizwe n’abantu batanu  bagizwe n’abaforoma batatu n’abandi babiri, umwe yandika abaronse urucanco n’uwundi atanga ikarata ku waronse urucanco. Abarongoye imitumba nabo hamwe n’abaremeshakiyago bakazohimiriza abanyagihugu kugira bitabire ico gikorwa.  Abegwa n’ico gikorwa bashika 13.115 bakaba bazokorera mu bibanza 2.623. Muri abo bantu bazotanga urwo rucanco harimwo abize kuvura bazoba bajejwe gucandaga bangana n’7.869 n’abandi bazofasha bashika 5.246. N’abo baforoma bazotanga urwo rucanco bazoronswa inyigisho. Arongera akamenyesha ko urwo rucanco rukinga n’indwara ya rudadaza, mu gihe iyo ndwara ya mugiga yica abantu bashika ibice 50 kw’ijana. Abantu bazoronswa urwo rucanco bazoba bagiriwe ibakwe arico gituma basabwa kwitabira ico gikorwa. Amenyesha ko hategekanijwe n’incanco zizoronswa abantu bashobora guhunguka iryo sekeza ryaramaze guhera kugira ntibanduze abandi.Muri urwo rukurikirane rw’inama ubuyobozi bujejwe gucandaga mu bushikiranganji bw’amagara y’abantu no kurwanya SIDA nabwo bwaragirishije inama abamenyeshamakuru ku wa 29 Kigarama 2018 yo kubasigurira ukugene urwo rucanco rutunganijwe n’abazokora ico gikorwa. 
Epitace Nduwayo

Ouvrir