Publications de Presse Burundaise, Rohero I Avenue de la JRR N°17 Immeuble le SAVONNIER, Téléphone standard : (257) 22 22 62 32, Fax :(257) 22 22 58 94, email: pressequotidienne@yahoo.fr

Reta y’Uburundi iramaze kurangura ibitari bike biteza imbere abagendana ubumuga

xcxcxMu ntumbero yo kwitegurira umunsi mpuzamakungu wahariwe abagendana ubumuga wama uhimbazwa ku wa 3 Kigarama uko umwaka utashe, umushikiranganji ajejwe agateka ka zina muntu, imibano n’iterambere, Martin Nivyabandi, yararemesheje ku wa 29 Munyonyo 2018, ikiganiro ku bamenyeshamakuru, aho  yashikirije ivyo Reta y’Uburundi imaze  kurangura  mu gufasha abagendana ubumuga. Mu ntumbero yo kwitegurira umunsi mpuzamakungu wahariwe abagendana ubumuga wama uhimbazwa ku wa 3 Kigarama uko umwaka utashe, umushikiranganji ajejwe agateka ka zina muntu, imibano n’iterambere, Martin Nivyabandi, yararemesheje ku wa 29 Munyonyo 2018, ikiganiro ku bamenyeshamakuru, aho  yashikirije ivyo Reta y’Uburundi imaze  kurangura  mu gufasha abagendana ubumuga. Martin Nivyabandi akaba yaramenyesheje ko kugira Reta y’Uburundi iteze imbere yongere ikingire agateka k’abagendana ubumuga, ibicishije ku bushikiranganji bujejwe agateka ka zina muntu, imibano n’iterambere ridakumira hamwe n’ubundi bushikiranganji n’ibisata bitandukanye, yakoze ibitari bike.Yavuze ko bashoboye kugorora no kuronsa abagendana ubumuga ibikoresho vyo kwiyunguruza; kubigisha imyuga itandukanye no kubaronsa ibikoresho bijanye n’imyuga bize. Ngo Reta y’Uburundi yarashoboye kandi gushigikira ibigo n’amashirahamwe vy’abagendana ubumuga mu kubaronsa uburyo bujanye no gushira imbere imigambi yo kwiteza imbere. Haratangujwe n’inyigisho zidakumira ku bagendana ubumuga mu mashure amwe amwe, haraba no guhimiriza ku bijanye n’incanco kugira bakinge ubumuga ku bana. Yabandanije amenyesha ko Reta y’Uburundi muri poritike y’igihugu yashizeho ikigega kijejwe gutororokanya uburyo bwose butangwa mu gufasha abagendana ubumuga (FAPS). Reta ngo yarongeye iratera igikumu ku masezerano mpuzamakungu agenga agateka k’abagendana ubumuga ku wa 26 Ntwarante 2014. Umukuru w’igihugu Petero NKURUNZIZA nawe ngo yarashize igikumu kw’itegeko rigenga agateka k’abagendana ubumuga ku wa 10 Nzero 2018. Martin Nivyabandi yarangije amenyesha ko n’aho hariko hakorwa vyinshi, impinga ikiri ndende uravye ingene abagendana ubumuga bangana hamwe n’ivyo bakeneye ufatiye ku bumuga bw’umwe umwe wese. Amenyesha kandi ko iruhande ya wa mugambi wa Reta wahariwe gushigikirana mu kibano, hamwe n’itegeko ry’Umukuru w’igihugu hagiye kujaho poritike y’igihugu yagenewe abagendana ubumuga, aho ubushikiranganji buzoja hamwe n’ibisata bitandukanye vy’igihugu, abikorera utwabo hamwe n’abanyagihugu. 

Anitha Bizimana

 

Ouvrir