Publications de Presse Burundaise, Rohero I Avenue de la JRR N°17 Immeuble le SAVONNIER, Téléphone standard : (257) 22 22 62 32, Fax :(257) 22 22 58 94, email: pressequotidienne@yahoo.fr

Abakokayi b’abakenyezi bamenyesha ko bitabereye ko ba inarugo bama bazeye vyose ku banega babo

 

DSCmanamao ffgt0306Umwuga wose urabeshaho uwuwukora ukanamuteza imbere mu gihe awukoranye umwete n’ubwira ari co gituma bitabereye ko abakenyezi bama bazeye vyose ku banega babo.Umwuga wose urabeshaho uwuwukora ukanamuteza imbere mu gihe awukoranye umwete n’ubwira ari co gituma bitabereye ko abakenyezi bama bazeye vyose ku banega babo.Ivyo vyamenyeshejwe n’abakenyezi bahurikiye mu runani rw’amashirahamwe y’abakokayi bakorera mu gisagara ca Bujumbura mu kiganiro bahaye ikinyamakuru UBUMWE kw’igenekerezo rya 23 Nyakanga 2018.Angelique Kwizera amaze imyaka 10 akora akazi k’ubukokayi ku gituro c’imiduga co ku Musaga Justine Uwimana nawe amaze imyaka 13  akora ku gituro co kw’isoko ya COTEBU bose bakaba ari abapfakazi baronse ako kazi bagiye gusubirira abagabo babo bitavye Imana.Bamenyesheje ko muvyo bajejwe ari ugufasha ingenzi mu rupfasoni bakabereka imiduga bifuza  gufata aho ihagaze mu gihe babaye benshi bakabashira ku mirongo kugira ntihabe imisunikano canke ubusuma.  Ako kazi rero ngo  kababereye inyishu y’ibibazo barimwo kuko abagabo babo bamaze gupfa ntibabona uko bazobandanya babaho, babeshaho n’imiryango yabo. Ngo kuko bagatanguye batakayoboka  n’abandi bagore benshi  batabatahura bivugira ko ari akazi k’abagabo gusa.N’aho biri uko abagakora  baragakenguruka cane kuko ngo karababeshejeho n’imiryango yabo, bagashobora kuriha inzu, bakarungika abana kw’ishure, bakikenura no mu tundi twose ku munsi ku munsi kuko ngo ntwakenerwa iyo baronse abiyunguruza  benshi baronka amafaranga menshi, baronse bake naho bakaronka make ariko ngo ntibashobora kubura baragabura ata wandya wangura bakaza hasi ndetse n’abagabo bakorana ntibabarenganya ngo ni ukubera ari abagore, vyose babikora mu mwumvikano n’ukwubahana.Mu kurangiza ikiganiro bahamagariye abagore bose guhaguruka ngo kuko barashoboye, bakore akazi ako ariko kose gashobora kubateza imbere .Bareke kwama bateze amashi abagabo babo, bategure kazoza  kuko ibihe birashobora guhinduka umugabo agapfa ubuzima bw’umuryango wose bugaca buhagarara canke  bagaca bihereza amabarabara baja gusegerereza.Barongeye basaba abakoresha batanga akazi gushira imbere ineza y’abakenyezi, ntibabime akazi bitwajeko batabishobora, basezereye ivy’ukuvuga ngo umugore ntiyubaka inzu,ntasakara n’ibindi.                             

  Josélyne Ndayegamiye

Ouvrir