Publications de Presse Burundaise, Rohero I Avenue de la JRR N°17 Immeuble le SAVONNIER, Téléphone standard : (257) 22 22 62 32, Fax :(257) 22 22 58 94, email: pressequotidienne@yahoo.fr

Ikoreshwa ry’indimi z’igiswahili n’icongereza mu muryango wa EAC rizozana akarusho ku bihugu biwugize

 

vbvbfggUmukuru w’ ishirahamwe rifasha kwigisha indiimi z’igiswahili n’icongereza (EACESDA), Levis Dotto Niyonkuru amenyesha ko ikoreshwa ry’rindimi z’igiswahili n’icongereza mw’ishirahamwe ry’ibihugu vya Afrika y’ubuseruko (EAC) rizozana akarusho ku bihugu biwugize, akaba ari naco gituma hari abarundi biyumviriye gutanguza iryo shirahamwe,mbere n’abarundi bakaba bararyijukiye mu ntumbero yo kwiga izo ndimi.Ivyo akaba yabishikirije ikinyamakuru UBUMWE ku wa 21 Nyakanga 2018.Umukuru w’ ishirahamwe rifasha kwigisha indiimi z’igiswahili n’icongereza (EACESDA), Levis Dotto Niyonkuru amenyesha ko ikoreshwa ry’rindimi z’igiswahili n’icongereza mw’ishirahamwe ry’ibihugu vya Afrika y’ubuseruko (EAC) rizozana akarusho ku bihugu biwugize, akaba ari naco gituma hari abarundi biyumviriye gutanguza iryo shirahamwe,mbere n’abarundi bakaba bararyijukiye mu ntumbero yo kwiga izo ndimi.Ivyo akaba yabishikirije ikinyamakuru UBUMWE ku wa 21 Nyakanga 2018.Nk’uko yabandanije abivuga, ngo ururimi rw’Igiswahiri rurakoreshwa mu bihugu bitari bike vyo muri Afrika cane cane ku mirwa mikuru. Mu karere ka Afrika y’ubuseruko, Igiswahili kizozana iterambere kuko ururimi rufasha abantu kuvugana ari intango kugira umuntu atangure ibikorwa vyinshi cane cane urudandazwa n’imigenderanire. Abasanzwe barahejeje amashure rero ngo bakwiye gushira mu bikorwa ivyo bize n’ugutembera bagatembera kuko akanyoni katagurutse katamenya iyo bweze.

Niyonkuru yabandanije amenyesha ko mu bihugu bihurikiye muri uwo muryango hakoreshwa cane izo ndimi zibiri mbere nabo ngo barakenera cane abafasha kwigisha ururimi rw’Igifaransa. Abahinga rero bize mu Burundi ururimi rw’Igifaransa bokoresha Igiswahili bakaja kumenyekanisha ururimi rw’Igifaransa mu bihugu vy’akarere ka Afrika y’ubuseruko. Barashima ko ibihugu biri mu muryango wa Afrika y’ubuseruko bizoshiraho isoko rusangi. Igihe rero itanguye abarundi bose bamaze kumenya izo ndimi vyotuma Uburundi buhatorera akoyoko. Eka mbere n’amashure yose ubu arigisha Igiswahili. Barigisha kandi abarwizatunga mbere n’abandi bose bavyipfuza kandi bamwe bose bigishwa hisunzwe urugero rw’amashure baba barize. Igihambaye rero ngo barigisha ururimi rw’igiswahili,hamwe n’ imico n’imigenzo bijanye. Intumbero y’iryo shirahamwe EACESDA ngo bipfuje gufasha Reta y’Uburundi mu mugambi wo kwigisha izo ndimi kuva mu mashure y’intango gushika muri za kaminuza kugira bafashe abigisha gutanga inyigisho z’akanovera mu mashure y’intango. Aho ngo baravye ko amashure y’intango ari menshi, Reta bikaba bitokunda ko ifashiriza rimwe abo bigisha mu mwanya umwe no ku rugero rumwe. Baboneraho akaryo ko gushimira Reta ko yaciye iborohereza kubaha uruhusha rwo gutangura kwigisha izo ndimi.Aho rero ngo baraheza bagahimiriza urwaruka gukunda izo nyigisho kuko ngo umwana umwigishije utamwereka akamaro k’izo nyigisho ntaheza ngo agire umwete. Intambamyi rero ngo ni uko bataronka ibikoresho bikwiye, bagasaba ko Reta, amashirahamwe yitaho indero ko bobafata mu mugongo kugira babandanye batanga inyigisho z’akanovera. Niyonkuru yamenyesheje kandi ko bafise igisata co guhindura indimi zitandukanye no gufasha ababurana basanzwe batazi Ikirundi.Niyonkuru amenyesha ko Reta yomenya ko iryo shirahamwe riri ku kivi cane cane ikabandanya ihimiriza mbere bishobotse amashirahamwe akarihira uburyo ababa bipfuza kwiga izo ndimi. Ngo bagiye gutanguza umugambi wo kubandanya bafasha ababa bananiwe ikibazo c’ishure shingiro kugira babigishe imyuga ariko bakabanza kubigisha izo ndimi kuko bikenewe cane.

Nzosaba Ferdinand (Uwimenyereza)                                                                  

Ouvrir