Publications de Presse Burundaise, Rohero I Avenue de la JRR N°17 Immeuble le SAVONNIER, Téléphone standard : (257) 22 22 62 32, Fax :(257) 22 22 58 94, email: pressequotidienne@yahoo.fr

Ihuriro ry’abagendana ubumuga rigiye kuvuka bashobore kwitorera abazobaserukira mu nzego zifata ingingo

 

HDC13Mu ntumbero yo gushira mu ngiro poritike y’igihugu irwanya ivyiyumviro vyo gukumirana, Reta y’Uburundi igiye gushiraho amategeko agenga abagendana ubumuga kugira bashobore kuronka ibibanza mu nzego zifata ingingo. Mu kiganiro yatanze mu kinyamakuru UBUMWE kw’igenekerezo rya 24 Nyakanga 2018, uwurongoye urunani rw’abagendana ubumuga FATHB, Cassien Bizabigomba yamenyesheje ko mu nteguro y’itegeko rizogenga abagendana ubumuga hasabwe ko Reta yotegekanya ibibanza vy’abaserukira abandi mu nzego zitandukanye. Yabandanije amenyesha ko abarongoye inani z’amashirahamwe y’abagendana ubumuga bafadikanije n’abaserukira Reta bariko bariga ukungene hovuka ihuriro ry’abagendana ubumuga kugira bashobore kwitorera ubwabo abazobaserukira mu nzego zifata ingingo. Ngo abarongoye inani z’abagendana ubumuga bafadikanije n’abaserukira  ubushikiranganji bujejwe agateka ka zina muntu n’iterambere ridakumura  baratanze ivyoshirwa mu nteguro y’itegeko rigenga abagendana ubumuga ku neza yabo. Bizabigomba yamenyesheje ko afise icizere ko mu matora y’umwaka w’2020, abagendana ubumuga bazoshobora kwitorera ababaserukira bazi neza ibibazo vyabo biciye mw’ihuriro ry’abagendana ubumuga. Yabandanije amenyesha ko naho abagendana ubumuga baja mu migambwe usanga badahabwa ibibanza bibabereye n’uwo bizeye ntaheza ngo yibuke gushira imbere ibibazo vy’abagendana ubumuga.

Mu ntumbero yo gushira mu ngiro poritike y’igihugu irwanya ivyiyumviro vyo gukumirana, Reta y’Uburundi igiye gushiraho amategeko agenga abagendana ubumuga kugira bashobore kuronka ibibanza mu nzego zifata ingingo. Mu kiganiro yatanze mu kinyamakuru UBUMWE kw’igenekerezo rya 24 Nyakanga 2018, uwurongoye urunani rw’abagendana ubumuga FATHB, Cassien Bizabigomba yamenyesheje ko mu nteguro y’itegeko rizogenga abagendana ubumuga hasabwe ko Reta yotegekanya ibibanza vy’abaserukira abandi mu nzego zitandukanye. Yabandanije amenyesha ko abarongoye inani z’amashirahamwe y’abagendana ubumuga bafadikanije n’abaserukira Reta bariko bariga ukungene hovuka ihuriro ry’abagendana ubumuga kugira bashobore kwitorera ubwabo abazobaserukira mu nzego zifata ingingo. Ngo abarongoye inani z’abagendana ubumuga bafadikanije n’abaserukira  ubushikiranganji bujejwe agateka ka zina muntu n’iterambere ridakumura  baratanze ivyoshirwa mu nteguro y’itegeko rigenga abagendana ubumuga ku neza yabo. Bizabigomba yamenyesheje ko afise icizere ko mu matora y’umwaka w’2020, abagendana ubumuga bazoshobora kwitorera ababaserukira bazi neza ibibazo vyabo biciye mw’ihuriro ry’abagendana ubumuga. Yabandanije amenyesha ko naho abagendana ubumuga baja mu migambwe usanga badahabwa ibibanza bibabereye n’uwo bizeye ntaheza ngo yibuke gushira imbere ibibazo vy’abagendana ubumuga.Mu vyerekeye gutunganya amatora, Bizabigomba yamenyesheje ko inani z’abagendana ubumuga zasavye umugwi w’igihugu wigenga ujejwe gutunganya amatora CENI ko  abagendana ubumuga bokoroherezwa mu gushika mu  tuzu tw’amatora ni ukuvuga ko hokorwa ibishoka vyose umuntu uko aba ari kose agashobora  kworoherwa mu kwitorera indongozi  ku buryo ataworeka kwitaba amatora bivuye kukungene aremwe. Ngo mu matora aheze yo mu mwaka w’2015 eka n’ayo mu mwaka w’2010, abagendana ubumuga bwo kutabona barahuye n’ibibazo vyo kutitorera ababarongora aho abari bahagarariye amatora bashatse kubaha ababafasha nabo ntibavyemera baca bahitamwo guheba amatora kuko batatahura ukungene bofashwa n’abo batizeye kandi bari bifitiye abo bizeye.Ngo iyo bakoresha ya nyandiko y’abagendana ubumuga bwo kutabona ntibari kurindira uwuza kubafasha. Ngo ku bantu bafise ubumuga bwo kutumva no kutavuga nabo ntiborohewe  mu kwitaba amatora kuko hariho amatangazo yasomwe mu gihe c’amatora ariko ntibayatahuye. Ngo birakwiye ko amatangazo ku bijanye n’amatora aca ku mboneshakure botegekanya uwusigurira abagendana ubumuga bwo kutumva akoresheje ibimenyetso. Bizabingomba asaba ko mu matora azokurikira abagendana ubumuga  bokworoherezwa bakitorera  indongozi zibafitiye akamaro ku kinyamakuru UBUMWE. 
Aline Kanyana

Ouvrir