Publications de Presse Burundaise, Rohero I Avenue de la JRR N°17 Immeuble le SAVONNIER, Téléphone standard : (257) 22 22 62 32, Fax :(257) 22 22 58 94, email: pressequotidienne@yahoo.fr

Abadandaza bafise ibibanza mw’isoko yo kw’Ijabe basabwa kubitunganya neza mu kiringo c’indwi imwe

 

2018Abadandaza bo mw’isoko iheruka gusubirwamwo mw’ijabe basabwa gutunganya neza  aho banda ibidandazwa vyabo mu kiringo c’indwi imwe. Ivyo vyamenyeshejwe n’uwuserukira abadandaza akaba ari  no murwego rujejwe gusubiza abadandaza muri iryo soko, Bernard Nduwimana ;  mu kiganiro yahaye ikinyamakuru UBUMWE kw’igenekerezo rya 19 Nyakanga 2018.Abadandaza bo mw’isoko iheruka gusubirwamwo mw’ijabe basabwa gutunganya neza  aho banda ibidandazwa vyabo mu kiringo c’indwi imwe. Ivyo vyamenyeshejwe n’uwuserukira abadandaza akaba ari  no murwego rujejwe gusubiza abadandaza muri iryo soko, Bernard Nduwimana ;  mu kiganiro yahaye ikinyamakuru UBUMWE kw’igenekerezo rya 19 Nyakanga 2018.Bernard Nduwimana  yamenyesheje ikinyamakuru UBUMWE ko imyiteguro yo kwimukira mw’isoko rishasha isa niyarangiye, hasigaye ibikorwa vya bene ibibanza,  bakaba barekuriwe gutangura kwubaka imbere mu bibanza guhera ku munsi wa gatatu igenekerezo rya 20 gushika kuwundi wa gatatu igenekerezo rya 27 Nyakanga.Iyo minsi irangiye  bazohuriraho ku munsi wa kane igenekerezo rya 28 Nyakanga bumvikane umunsi abadandaza bo kwimukira rimwe bose atawusigaye mw’isoko mfatakibanza bahoramwo.Yabandanije amenyesha   ko bafashe iyo ngingo mu ntumbero  yo kwurwanya ubusuma, bwoshobora gushika mugihe bimutse  isabi sabi . Isoko ya jabe  ikaba irimwo ibibanza bigera ku 2000, ikibanza kimwe kimwe kikaba gipima imetero 2n’ibice 40 hasi kuri 3 n’ibice 5 z’uburebure. Bernard Nduwimana yongeye aramenyesha  ko iryo soko rya jabe ryubatse ku buryo bwa kijambere; hubakishijwe ivyuma; amabarabara aca hagati mw’isoko akaba akwije ibisabwa n’amategeko; amazi akaba yarashizweyo  ku buryo habaye impanuka vyokworoha gutabara.Kucerekeye  abari basanzwe bafiseho ibibanza bose barabironkejwe  kiretse abadandaza amavuta n’imiti kuko  ivyo bidandazwa bitarekuriwe kwinjira mw’isoko, abo nabo bakaba  bazobironswa inyuma y’isoko.Yasozereye   atera akamo abadandaza bataraheza kuriha ishirahamwe ryabubakiye hamwe n’abaheraniye igisagara ca Bujumbura  ko bokwihuta  kuriha kugira binjire isoko atawugiheranye.
Alice Niyoyigirira (Uwimenyereza)

Ouvrir