Publications de Presse Burundaise, Rohero I Avenue de la JRR N°17 Immeuble le SAVONNIER, Téléphone standard : (257) 22 22 62 32, Fax :(257) 22 22 58 94, email: pressequotidienne@yahoo.fr

Mu Nama Nshingamateka Igitabu kizofasha gutunganya gushasha imishahara kizoba cabonetse mu mpera z’uno mwaka

 

DSC 0yyty346 2Mu kwezi kwa Kigarama 2018, igitabu kizofasha gutunganya gushasha imishahara y’abakozi kizoba camaze kuboneka. Mu ntango z’umwaka w’2019, ico gitabu kizoca gishikirizwa ubushikiranganji bw’ikigega ca Reta kugira butunganye ibijanye no guharura uburyo bukenewe mw’ishirwa mu ngiro rya poritike nshasha ijanye n’imishahara y’abakozi ba Reta. Ivyo ni ivyashikirijwe n’umushikiranganji w’abakozi ba Reta n’akazi, Félix Mpozeriniga, ku wa 26 Nyakanga 2018, aho yariko yishura ibibazo vy’abashingamateka, ivyo bikorwa bikaba vyari birongowe n’umukuru w’urwego rw’Inama Nshingamateka y’Uburundi, Pascal Nyabenda.Mu kwezi kwa Kigarama 2018, igitabu kizofasha gutunganya gushasha imishahara y’abakozi kizoba camaze kuboneka. Mu ntango z’umwaka w’2019, ico gitabu kizoca gishikirizwa ubushikiranganji bw’ikigega ca Reta kugira butunganye ibijanye no guharura uburyo bukenewe mw’ishirwa mu ngiro rya poritike nshasha ijanye n’imishahara y’abakozi ba Reta. Ivyo ni ivyashikirijwe n’umushikiranganji w’abakozi ba Reta n’akazi, Félix Mpozeriniga, ku wa 26 Nyakanga 2018, aho yariko yishura ibibazo vy’abashingamateka, ivyo bikorwa bikaba vyari birongowe n’umukuru w’urwego rw’Inama Nshingamateka y’Uburundi, Pascal Nyabenda.Mu bibazo vyabajijwe umushikiranganji w’abakozi ba Reta n’akazi, Félix Mpozeriniga vyari bijanye n’ibibazo bihanze abakozi ba Reta. Muri ivyo bikorwa, abashingamateka barashima kubona amayegereyegere yaragabanutse mu kazi. Ivyo ngo ahanini vyavuye kuri wa murwi w’igihugu ujejwe kuremesha ibiganiro hagati y’abakozi n’abakoresha CNDS. Muri ico kiganiro, abashingamateka barashatse kumenya imirimo y’uwo murwi, kuri ico kibazo, umushikiranganji w’abakozi ba Reta n’akazi yamenyesheje ko uwo murwi ujejwe guteza imbere ingendo yo ngukinga amatati hagati y’abakozi n’abakoresha, guterera mu gushiraho amategeko agenga akazi hamwe no gushiraho ivyankenerwa kugira akazi kagende neza.Ku kibazo co kumenya abagize uwo murwi, Félix Mpozeriniga yasiguye ko ugizwe n’abantu 21 harimwo abantu 7 baserukira abakozi, abantu 7 baserukira abakoresha hamwe n’abantu 7 baserukira Reta. Mu gihe umurwi CNDS ugeze ku rwego rw’intara, abashingamateka barasavye ko woshika gukorera mu makomine narirya hari abarwizatunga bariko barashinga amashirahamwe yo kurwiza umwimbu. Kuri uwo mwitwarariko w’abashingamateka, umushikiranganji w’abakozi ba Reta n’akazi, Félix Mpozeriniga yamenyesheje ko uwo murwi ukoresha uburyo butanzwe na Reta, aho yaboneyeho akaryo ko gusaba ko igihe hazokwigwa itegeko risubiramwo amafaranga Reta ikoresha boduza ubwo buryo kubera ivyigwa vyo gushikana ibikorwa vy’uwo murwi mu makomine vyaheze.


Mu myaka 3 umurwi CNDS uriko urakora, ngo uramaze gukora ibitari bike
Mu myaka itanu umurwi CNDS uriko urakora, kubera ko wavutse muri Rusama 2013, yasiguye ko ufise ivyo umaze kurangura bitari bike haruhande yo gukinga amatati mu kazi, warafashije mu bikorwa vyo kwinjiza abigisha bashasha muri kaminuza y’Uburundi, gutatura amatati ku bitaro bikuru vy’i Makamba, kurenganura abigisha bavuga ko bafise agashahara gato ugereranije n’abo mu mashirahamwe ya Reta. Abo bigisha bakaba bamaze imyaka 3 banganishwa na bagenzi babo bo mu mashirahamwe ya Reta, aho uwufise urupapuro rw’umutsindo rwa kaminuza “licence”, ngo aramaze kuronswa amafaranga arenga ibihumbi 100, yaje yiyongera ku mushahara yahora ahembwa.Mu gihe amashure amaze indwi 3 atanguye, abashingamateka barashatse kumenya ibikenerwa kugira abigisha bitavye Imana canke bashinzwe ayandi mabanga basubirizwe mu kazi. Kuri ico kibazo, umushikiranganji yasiguye ko ahanini bitumwa n’abayobozi badatanga ivyegeranyo vy’abarimu bakenewe kare kugira bashobore kubikorerako. Mu mwaka uheze, aho hategekanywa gusubirizwa abigisha 1000, ngo haciye haba igikorwa co gukwiragiza abigisha aho batari, igikorwa bavuga ko cabaye ngirakamaro cane. Wewe rero akabona ko ivyo gusubiriza abigisha, ahanini bipfira hasi ndetse akaba yasavye ko amabanga yo kurongora amashure yohabwa ababishoboye.Ku bijanye no kunganisha imishahara, abashingamateka barashatse kumenya ikiringo ico gikorwa gisigaje narirya ahari abakozi bo mu mashirahamwe ya Reta bahagarikiwe uturusho ku mishahara, haciye imyaka 3. Kuri ico kibazo, umushikiranganji w’abakozi ba Reta n’akazi, Félix Mpozeriniga yamenyesheje ko uwo mugambi ugeze ku mwaka ugira 3, mu nteguro uwo mugambi ukazomara imyaka 4. Inyuma y’iyo myaka 4, bagatekanya ko hazoca hatangura poritike nshasha yo gutunganya imishahara y’abakozi ba Reta. Aho igikorwa bakigejeje, ngo harabaye igikorwa co gutororokanya ubuzi n’uko bukorwa “classification des employs et des fonctions”, aho umukozi azohembwa bivanye n’akazi akora n’uburambe afise mu kazi. Mu ntumbero yo gushira mu ngiro iyo poritike y’imishahara, ngo igitabu bazofatira ko kizoba camaze kuboneka muri Kigarama 2018, ico gitabu kikazoca kirungikwa mu bushikiranganji bw’ikigega ca Reta kugira bashobore guharura uburyo bukenewe bisunze ubutunzi n’ibihe igihugu kirimwo. Abakozi begwa n’uwo mugambi wo gutunganya gushasha imishahara bakaba bababa ibihumbi 100.
Poritike yo kwegereza imirimo abanyagihugu yaragize akamaro
Ku bijanye no kumenya  poritike yo kwegereza imirimo imwe imwe abanyagihugu yagize” guichet unique provincial”, Félix Mpozeriniga yamenyesheje ko vyagize akamaro kubera ko impusha zo kugendasha imodokari zisigaye zitangirwa mu gihugu hagati. Ndetse ngo uwo mugambi ugiye kujanwa mu zindi ntara 5, izo nazo ni Bubanza, Cibitoke, Kayanza, Makamba, n’ahandi. Abashingamateka barashatse kumenya igituma abakozi bari mu kazi batagikarihirizwa ubumenyi, umushikiranganji w’abakozi ba Reta n’akazi yasiguye ko bituruka ahanini ku bihe igihugu kirimwo. Ivyo gukarihiriza ubumenyi abakozi biri mw’itegeko ryatowe mu mwaka w’2006, ico rero ngo n’ikibazo kubera ko ubuhinga bugenda burahinduka uko imyaka igenda irahera. Ubu rero ngo mu bushikiranganji butandukanye, barategekanya gutegura uko abakozi bokarihirizwa ubumenyi n’uburyo vyotwara, uwo mugambi rero ngo uri muyihutirwa gushigikirwa igihe hazoba hariko hasubirwamwo amafaranga Reta izokoresha muri Kigarama.Kw’ihagarikwa ry’akazi riri mw’ishirahamwe ryo gutumatumanako amakuru “Lumitel”, umushikiranganji yasiguyeko amategeko yamwene ayo mashirahamwe usanga atunganije ukuntu, aho kubera ubushomeri buri mu gihugu abaronse bapfa kwemera ivyo batazi. Yaboneyeho akaryo ko gutera akamo abarundi ko imbere yo gutangura akazi, bofata akanya ko gusoma amategeko abagenga, ivyo ngo vyogabanya za yegereyegere mu kazi. Mu gihe batanga kontara y’umwaka umwe, ngo baba banka gutanga uturusho ku mishahara kubera, utwo turusho dutangwa hisunzwe uburambe mu kazi. Kubagenwa mu mabanga iyo basubiye mu kazi bigasa n’ibigorana, umushikiranganji yamenyesheje ko abo bantu bategerezwa guca basubira mu bushikiranganji baje bavamwo. Mu gihe bitagenze uko naho, abasaba kwandikira ubushikiranganji bw’akazi mu kiringo kitarenga amezi 3, iyo badasubijwe mu kazi, ngo babandanya babaharurira imishahara, itagira uturusho, aho yaboneyeho akaryo ko gukebura abakoresha babigiramwo uruhara ko hariko harategurwa itegeko ko aribo bazoheza bakariha ivyononekaye. 

 Déo Misigaro                                                                                                       

Ouvrir