Publications de Presse Burundaise, Rohero I Avenue de la JRR N°17 Immeuble le SAVONNIER, Téléphone standard : (257) 22 22 62 32, Fax :(257) 22 22 58 94, email: pressequotidienne@yahoo.fr

Amakori n’amatagisi ikigo OBR gitoza yariyongereye ku rugero rw’ibice 150%

 

dududKuva mu mwaka w’2009 ikigo kijejwe gutororokanya amakori n’amatagisi OBR kivutse hisunzwe  itegeko inomero 1/11 ryo ku wa 14 Mukakaro 2009 gushika mu mwaka w’2017, amakori n’amatagisi ico kigo catarorokanije yavuye ku miriyaridi 301,2 aja ku miriyaridi 754,13 z’amafaranga y’amarundi, amakori n’amatagisi yiyongoreye ku rugero rw’ibice 150%, mu kiringo c’imyaka 8 ico kigo kiriko kirakora. Kubona amakori n’amatagisi vyagiye biriyongera, ngo vyatumwe n’uko habaye gukorana neza n’ibimenyeshamakuru gutyo bituma abatangakori batahura akamaro ko gutanga ikori kubera rigaruka kurangura imigambi y’iterambere na kare ngo igihugu cubakwa na beneco.Ivyo ni bimwe biri mw’ijambo ryashikirijwe n’icegera c’uwurongoye ikigo OBR, Léopold Kabura, ku wa 6 Nyakanga 2018, aho yariko yugurura icese inama yo gukarihiriza ubumenyi abamenyeshamakuru ku mategeko amwe amwe ico kigo cisunga mu gutoza amakori n’amatagisi ya Reta no gutunganiriza abatangakori.Kuva mu mwaka w’2009 ikigo kijejwe gutororokanya amakori n’amatagisi OBR kivutse hisunzwe  itegeko inomero 1/11 ryo ku wa 14 Mukakaro 2009 gushika mu mwaka w’2017, amakori n’amatagisi ico kigo catarorokanije yavuye ku miriyaridi 301,2 aja ku miriyaridi 754,13 z’amafaranga y’amarundi, amakori n’amatagisi yiyongoreye ku rugero rw’ibice 150%, mu kiringo c’imyaka 8 ico kigo kiriko kirakora. Kubona amakori n’amatagisi vyagiye biriyongera, ngo vyatumwe n’uko habaye gukorana neza n’ibimenyeshamakuru gutyo bituma abatangakori batahura akamaro ko gutanga ikori kubera rigaruka kurangura imigambi y’iterambere na kare ngo igihugu cubakwa na beneco.

Ivyo ni bimwe biri mw’ijambo ryashikirijwe n’icegera c’uwurongoye ikigo OBR, Léopold Kabura, ku wa 6 Nyakanga 2018, aho yariko yugurura icese inama yo gukarihiriza ubumenyi abamenyeshamakuru ku mategeko amwe amwe ico kigo cisunga mu gutoza amakori n’amatagisi ya Reta no gutunganiriza abatangakori.Nk’uko icegera c’umukuru w’ikigo OBR, Léopold Kabura yabandanije abishikiriza, ngo kuva ico kigo kivuka mu mwaka w’2009, imigenderanire iri hagati yaco n’abacitura yarateye intambwe ishimishije, ivyo bikabonekera ku makori n’amatagisi yinjira mu kigega ca Reta adahengeshanya kwiyongera uko umwaka utashe. Uwo mwimbu w’ikigo OBR wiyongereye, ngo waturutse ahanini ku batangakori bagenda baratahura akamaro ko gutanga ikori, na kare ngo igihugu cubakwa na beneco. Iyo nama yatunganijwe mu ntumbero yo gutanga inkuru zigezweho mu kigo OBR na cane cane ku bijanye n’ingingo zimwe zimwe muri ico kigo bisunga mu gutoza amakori n’amatagisi, bafatiye kw’iterambere ry’akarere Uburundi burimwo n’umwitwarariko wa Reta wo kworohereza abarwizatunga. Mu vyigwa vyashikirijwe, abamenyeshamakuru barakurikiranye icigwa kijanye n’intambwe ikigo OBR gishitseko n’intambamyi gihura nazo mw’irangurwa ry’imigambi Reta yagishinze. Muri ico cigwa, Frédéric Ndihokubwayo asanzwe akora mu kigo OBR yamenyesheje ko kuva mu mwaka w’2009 ico kigo gishingwa, amakori n’amatagisi yagiye ariyongera uko umwaka utashe, aho yavuye ku miriyaridi 301,2 aja ku miriyaridi 754,13 z’amafaranga y’amarundi. Amakori n’amatagisi akaba yiyongereye ku rugero rw’ibice 150%. Ubwo buryo bwinjira mu kigega ca Reta, ibice biri hagati ya 67 na 77%, akaba akoreshwa mu bikorwa vya Reta, ayandi nayo agakoreshwa mu migambi yo kwubaka amashure, amavuriro n’amabarabara. Mu ngorane ico kigo gihura nazo mu mirimo yo gutoza amakori n’amatagisi, n’ubukene bw’inyubakwa z’ico kigo abakozi bokoreramwo, kurwanya urudandazwa rutisunze amatageko, kurwanya igiturire, n’ibindi.Ku cigwa kijanye n’itegeko ribwiriza ukwimenyekanisha iyo utanguye umurimo wose utanga inyungu no gutanga fagitire, catanzwe n’umukozi w’ikigo OBR, Lin Bampigira asanzwe akorera mu gisata co gutoza amakori n’amatagisi mu gihugu hagati, yamenyesheje ko umuntu wese yuguruye igikorwa co kudandaza agaterezwa kwimenyekanisha muri ico kigo mu kiringo c’iminsi 15. Ku bijanye n’itagisi nyongeragaciro, yamenyesheje ko umuntu wese ashobora kudandaza ibidandazwa bifise agaciro k’imiriyoni 100 ku mwaka canke mu kiringo c’amezi 6 ategerezwa gutanga fagitire ku kintu cose agurishije, ivyo biraheza bigafasha mu gihe co guharura iyo tagisi nyogeragaciro mu kigo OBR. Kuri ivyo bijanye no gutanga fagitire, ngo biri mw’itegeko rigenga urudandazwa rihinyanyuye inomero 1/01 ryo ku wa 16 Nzero 2015, iryo tegeko rirekana neza uwo muntu wese ategerezwa gutanga fagitire ku kintu cose agurishije.Haruhande y’ivyo vyigwa vyatanzwe, mu kigo OBR baremeza ko uruhara rw’ibimenyeshamakuru ari ntasubirizwa kugira abatangakori bamenye akamaro ko gutanga ikori. Inyuma y’iyo nama, ngo hagiye gutunganywa izindi mu ntumbero yo gukarihiriza ubumenyi abamanyeshamakuru kugira bakore ivyo bazi. Ku bari bitavye iyo nama, barasavye ko ikigo OBR uko umwaka utashe boza baratororokanya amakuru yakozwe ajanye no gutoza amakori n’amatagisi bagaheza bagatanga ubushimwe ku babaye aba mbere, n’ibindi. 

 Déo Misigaro                                                                                      

Ouvrir