Publications de Presse Burundaise, Rohero I Avenue de la JRR N°17 Immeuble le SAVONNIER, Téléphone standard : (257) 22 22 62 32, Fax :(257) 22 22 58 94, email: pressequotidienne@yahoo.fr

Abakenguzamateka barasiguriwe uko komite mpuzamakungu « CICR » ikora biciye mu masezerano yemejwe n’ibihugu

 

DSC 1270Ishirahamwe mpuzamakungu CICR hamwe n’ishirahamwe ritabara imbabare « croix rouge » yaraganiriye n’abakenguzamateka  uko asanzwe akora Kw’igenekerezo rya 4 Nyakanga 2018 umuryango mpuzamakungu utabara imbabare  « croix rouge »hamwe na « Croissant rouge » waratunganije uruganda ku bakenguzamateka mu ntumbero y’ukubasigurira ingene basanzwe bakora. Urwo ruganda rwamaze imisi ibiri rukaba rwuguruwe n’umukenguzamateka Martin Niteretse. Uwuserukira  ishirahamwe « croissant rouge » Philippe  Beauverd akaba yamenyesheje abo bakenguzamateka  ko urwo ruganda baruteguye kugirango babahimirize ku vyerekeye ingorane bahora bahura mu kazi kabo ka misi yose.  Ishirahamwe mpuzamakungu CICR hamwe n’ishirahamwe ritabara imbabare « croix rouge » yaraganiriye n’abakenguzamateka  uko asanzwe akora Kw’igenekerezo rya 4 Nyakanga 2018 umuryango mpuzamakungu utabara imbabare  « croix rouge »hamwe na « Croissant rouge » waratunganije uruganda ku bakenguzamateka mu ntumbero y’ukubasigurira ingene basanzwe bakora. Urwo ruganda rwamaze imisi ibiri rukaba rwuguruwe n’umukenguzamateka Martin Niteretse. Uwuserukira  ishirahamwe « croissant rouge » Philippe  Beauverd akaba yamenyesheje abo bakenguzamateka  ko urwo ruganda baruteguye kugirango babahimirize ku vyerekeye ingorane bahora bahura mu kazi kabo ka misi yose.  Ngo birakenewe rero ko iryo shirahamwe CICR ryibutsa abategetsi ivyo bajejwe mu bijanye no gushiraho amategeko hamwe n’amasezerano ku neza y’abanyagihugu. 

Baciye batanga akarorero  ku vyerekeye amasezerano araba urudandazwa rw’ibirwanisho hamwe n’amasezerano  y’ibirwanisho bito bito  yatewe ko umukono n’Uburundi mugabo atarashirwa mu ngiro.Ishirahamwe « CICR »rero ngo ryatanguye mu Burundi kuva kera mu bijanye no gukingira , gukurikirana hamwe n’ugukinga impanuka ku banyagihugu rigaheza rigafadikanya n’ishirahamwe ritabara imbabare « croix rouge ».  Philippe Beauverd akaba yamenyesheje ko izo nyigisho zije mu gihe  abatari bake bibaza ico « CICR » ikora.  Izo nyigisho kandi  ngo zaje mu gihe haheruka guhimbazwa umusi mpuzamakungu wahariwe Nelson Mandela wama uhimbazwa itariki 18Mukakaro uko umwaka utashe. Yaciye kandi amenyesha ko ishirahamwe « CICR »riteye intege abategetsi b’Uburundi gusubiza amaso inyuma bakaraba ivyabaye igihe c’intambara mu ntumbero y’ukumenyesha n’ukwigisha abategerezwa gushiraho amasezerano. Yarangije amenyesha ko azi neza adakekeranya ko igisata abo bakenguzamateka baserukira kizofasha mu guteza imbere hamwe no gutorera inyishu ibibazo bitandukanye. Umukenguzamateka Martin Niteretse akaba yaciye amenyesha ko kw’izina  ry’uwurongoye Inama Nkenguzamateka hamwe no kw’izina ryiwe nyene akengurukira  iryo shirahamwe ryabiyumviriye kugira ngo baganire ku ngingo zimwe zimwe ziraba ubuzima bw’abanyagihugu. Ikindi kandi yamenyesheje  ngo ni uko bakibona ubutumire bwabo babonye ko izo nyigisho zizoba ngirakamaro kuri bo  ikimenyamenya ngo ni uko ingingo zimwe zimwe zari zimaze gutangura kwirwa mu mirwi itandukanye yo muri ico gisata. Uburundi ngo bwaravuye mu ntambara ikiraje ishinga abakenguzamateka ngo ni ukwiga no gutora amabwirizwa mu ntumbero yo gukora ku neza y’abanyagihugu. 

Christine Manirambona

Ouvrir