Publications de Presse Burundaise, Rohero I Avenue de la JRR N°17 Immeuble le SAVONNIER, Téléphone standard : (257) 22 22 62 32, Fax :(257) 22 22 58 94, email: pressequotidienne@yahoo.fr

Igiporisi kigiye kurwanya utugwi tw’abasuma twiba dukoresheje ibirwanisho

 

IMG 555Kw’igenekerezo rya 28 Myandagaro 2018,Umuvugizi w’igiporisi Pierre Nkwirikiye, amenyesha ko igiporisi cafashe ingingo ibereye yo gutuza utugwi  tw’abasuma bamaze iminsi bibisha ibirwanisho mu gisagara ca Bujumbura. Kw’igenekerezo rya 28 Myandagaro 2018,Umuvugizi w’igiporisi Pierre Nkwirikiye, amenyesha ko igiporisi cafashe ingingo ibereye yo gutuza utugwi  tw’abasuma bamaze iminsi bibisha ibirwanisho mu gisagara ca Bujumbura. Nk’uko umuvugizi w’igiporisi yabimenyesheje mu gisagara ca Bujumbura hariho uturwi tw’abasuma tugenda tukiba ku mpangu z’abantu n’ahandi bakoresheje inkoho bakiba munzu canke bagatwara imodoka. Ngo igiporisi kikaba kiriko kirakora kugira gituze ubwo bubisha. Kw’igekerezo rya 23 Mukakaro niho abo basuma batera mw’ikaritiye ya Mutanga nord ibarabara ryitwa Nyarugongo inomero 30 mu gisagara ca bujumbura ku muntu avuka mu gihugu c’Ubutariyano yubakanye n’umurundikazi akorera mu bitaro vy’ikiremba mu ntara ya Ngonzi. Yaravuze ko abo basuma bashika 10 ikibabaje harimwo abajejwe umutekano kandi bari ku mirimo bakaba baribagiye ibanga bajejwe bakongera bagatukisha inzego zijejwe umutekano. Muri abo 10 harimwo abakenyezi babiri umwe akaba yari umuporisi kandi afise ivyangombwa biriko amazina atandukanye bikibonekeza ko ubwo bubisha yahora abukora. Ngo abo bakenyezi  nibo bafise uruhara kurusha abandi kuko aribo barondeye impuzu za Regideso hamwe n’ivyuma bakoresha mu kwurira ibiti vy’amatara bakongera bakarondera inkoho.

Ngo bamaze kuzironka baca bategura abo bantu bakaca  bagenda kwiba. Muri abo harimwo abasirikare 2 bakiri kumirimo, abasanzwe bikorera ivyabo, hamwe n’umukozi w’umukobwa wo munzu yakorera uwo mutariyano akaba ariwe yabarerekeye. Umukozi w’umuhungu akaba yararashwe n’abo basuma kubera we atavyo yari arimwo yaciye abankira kw’injira baca baramurasa akaba ari mubitaro. Ngo kugira bamenyekane hafashwe umwe muri abo aca arabavuga bose arerekana aho baba amatohoza aca aratangura neza. Yaravuze kandi ko mu kwiba bakoresheje imodoka 2 ziri mu bwoko bwa tiyaye ifise imparati JA1226 hamwe na Probox ifise imparati I2318A bakaba baragerageje kuzihindura barondera ivyo bamadikako kugira ibiharuro bifudike abaporisi babakurikiye babure iyo modoka. Abo basuma barafatwanywe kandi n’igisandugu co kubikamwo amafaranga bakoresha mu guhenda abantu hamwe n’igicupa kirimwo ibintu vyo guhenda abantu ngo bakora amahera. Yarongeye aravuga ko uwo mugwi ari munini cane abo bafashwe bashika kuri 10 bakaba bari muri awo mugwi. Ngo ubundi busuma nabwo bumaze iminsi bwibonekeza ni abantu bakoresha amapasi bakabahenda ngo harimwo ubutare abantu bagaca bayagura amahera menshi bakaca bagenda kuyagurisha basanga barabahenze.Yarashimiye abanyagihugu baba muri iyo karitiye ko bafashije kugira abo bantu bafatwe. Ngo akandi kamo nako kubavunira akagohe abanyagihugu kugira bumve uburyo bumwe bumwe abo bagizi ba nabi baza barakoresha mu kubambura. Iyo babonye abantu baje mu rupangu ngo baje gukora babanze batohoze neza kuko benshi bigira abakora muri Regideso   kugira biborohere kwinjira. Yaramenyesheje kandi ko batera ivyatsi ingendo abaporisi canke abasirikare  bamwe bamwe bahemuka kwibanga ugasanga bagiye mu bubisha bwo kwiba kandi bararonse inyigisho zihagije.   
Thérèse Niyonkuru

Ouvrir