Publications de Presse Burundaise, Rohero I Avenue de la JRR N°17 Immeuble le SAVONNIER, Téléphone standard : (257) 22 22 62 32, Fax :(257) 22 22 58 94, email: pressequotidienne@yahoo.fr

Umugambi «Merankabandi» wari gufasha abantu bafise amikoro make 48.000 ariko ubu ugeze ku 50.090

Umugambi «Merankabandi» ugitunganywa wategerezwa gufasha imiryango 48.000 ifise abana batarenza imyaka 12 kandi y’abantu bafise amikoro make, batowe mu burere bw’igihugu uwo mugambi  ukoreramwo kuva muri Mukakaro 2017 ariko gushika ubu ufasha abashika 50.090. Mu kubafasha uraheza ukabaha amahera bakoresha mu migambi yobafasha kwisununura mw’iterambere. Ivyo vyashikirijwe n’umushikiranganji ajejwe agateka ka zina muntu, gushigikirana n’iterambere ridakumira Martin Nivyabandi ku wa 26 Munyonyo 2019. Hari mu nama yari yeteguwe kugira barabire hamwe ivyo uwo mugambi umaze kurangura mu gihe ugeze hagati ni ukuvuga haheze imyaka ibiri ukora.Umugambi «Merankabandi» ugitunganywa wategerezwa gufasha imiryango 48.000 ifise abana batarenza imyaka 12 kandi y’abantu bafise amikoro make, batowe mu burere bw’igihugu uwo mugambi  ukoreramwo kuva muri Mukakaro 2017 ariko gushika ubu ufasha abashika 50.090. Mu kubafasha uraheza ukabaha amahera bakoresha mu migambi yobafasha kwisununura mw’iterambere.

Ivyo vyashikirijwe n’umushikiranganji ajejwe agateka ka zina muntu, gushigikirana n’iterambere ridakumira Martin Nivyabandi ku wa 26 Munyonyo 2019. Hari mu nama yari yeteguwe kugira barabire hamwe ivyo uwo mugambi umaze kurangura mu gihe ugeze hagati ni ukuvuga haheze imyaka ibiri ukora.Yamenyesheje ko uwo mugambi ukorera ku mitumba ishika 247 iri mu makomine 16 yatowe mu ntara zine arizo Ruyigi, Karusi, Gitega na Kirundo. Izo ntara ngo bazihisemwo kubera zibonekezamwo abantu bakenye cane hamwe n’abantu bafungura nabi cane. Niko kumenyesha ko abafashwa n’uwo mugambi ari ingo zifise amikoro make kurusha abandi baba kuri iyo mitumba. Yarongeye amenyesha ko abafashwa n’uwo mugambi bamaze kuronswa amahera angana 14.688.593.000 y’amarundi. Urugero rw’ayo mahera rurerekana ko hamaze kuba akarusho mu gufungura neza, kuba heza no kurwiza umwimbu biciye mu kubaronsa ifumbire y’ikizungu. Ngo uwo mugambi watumye kandi n’abana baja ku mashure ; imiryango n’abantu muri rusangi bamenya kuziganya no gukoresha neza uburyo bahabwa mu kwiyungunganya. Umushikiranji Martin Nivyabandi yarashimiye abakozi bo muri uwo mugambi bitanze batiziganya kugira uje mu ngiro. Bisubiye ngo uwo mugambi wararengeje n’urugero rw’abafashwa kuko wavuye ku miryango  48.000 ushika ku miryango 50.090. Ikindi yamenyesheje ni uko mu gutegekaniriza kazoza abanyagihugu, Reta y’Uburundi yashinze umurwi w’igihugu ujejwe gutegekaniriza kazoza abanyagihugu urongowe n’Umukuru w’igihugu c’Uburundi. Ngo ni muri iyo ntumbero Reta yashizeho imigambi ifasha abanyagihugu kubaho neza. Yarashizeho kandi umugambi wo gufasha abantu bafise amikoro make mu bijanye n’amagara y’abantu, aho abantu bageze mu zabukuru 5.000 bahawe amakarata yo kwivurizako; abana bari munsi y’imyaka 5 hamwe n’abavyeyi bibaruka bavurwa ku buntu mbere na bantahonikora barubakirwa inzu n’ibindi. Yarashimiye n’Ibanki y’isi yose ku bwa Reta y’Uburundi ku kubona ifasha mu bisata vy’imibano na cane cane mu gutegekaniriza kazoza abanyagihugu. N’aho bimeze gutyo ngo haracibonekeza intambamyi nk’ibijanye n’urugero rw’imiryango uwo mugambi ufasha ugereranije n’abakeneye gufashwa. Reta y’Uburundi ariko iripfuza ko uwo mugambi worangurwa no mu ntara zindi ku buryo imiryango ifise amikoro make yose yoshikirwa. Umugambi « Merankabandi » rero ntushobora gufasha vyose wonyene arico gituma hakwiye kuba iyindi migambi ifasha mu bijanye n’amagara y’abantu, indero no gutuma abana batoyi bakura neza.Uwuserukira Ibanki y’isi yose mu Burundi Véronique Kabongo nawe yarashimiye Reta y’Uburundi yatunganije uwo mugambi ikwongera ikawushira mu ngiro. Yarongeye arashima kubona amashirahamwe mpuzamakungu nka UNICEF n’amashirahamwe adaharanira  ivyicaro vya poritike, abajejwe intwaro hasi n’abafashwa n’uwo mugambi bose bitanga kugira uje mu ngiro. Uwo mugambi kandi ngo warafashije imiryango y’abatwa kugira baronke ibibaranga ; bandikishe abana; ababana bidaciye mu mategeko bandikwe muri komine. Urabigisha kandi kurima kijambere; kugira isuku ry’aho baba no kugira uburaro bwiza; kwigisha abana babo no kubavuza. Yarongeye amenyesha ko uwo mugambi ukoresha amahera angana imiriyoni 40 y’amadorari y’abanyamerika yatanzwe n’Ibanki y’isi yose. Yashikirije ko muri uwo mugambi  bashimikira ku gufungura ingaburo zikwije ibisabwa, amagara y’abana, kuziganya no kwiteza imbere. Umuhuzabikorwa w’umugambi «Merankabandi»  Michel Nyabenda nawe yamenyesheje ko intumbero y’uwo mugambi ari ugufasha imiryango y’abantu bafise amikoro make. Amakomine afashwa n’uwo mugambi nayo ngo ni : Butaganzwa, Bweru na Gisuru zo mu ntara ya Ruyigi. Komine Bugenyuzi, Gihogazi, Mutumba na Nyabikere zo mu ntara ya Karusi. Komine za Bugendana, Buraza, Gitega na Itaba zo mu ntara ya Gitega. Komine Bugabira, Busoni, Kirundo na Ntega zo mu ntara ya Kirundo. 

Gloriose Nshimirimana      

 

Ibanki nkuru y’igihugu niyo yonyene irekuriwe kugura inzahabu

CUIOKw’igenekerezo rya 25 Munyonyo 2019, ubushikiranganji bujejwe amazi meza, amasoko ntanganguvu, ubutare n’agataka bwarasohoye itanganzo rijanye n’igurishwa ry’inzahabu. Côme Manirakiza   aramutswa ubwo bushikiranganji yamenyesheje ko mu ntumbero yo  kwubahiriza ingingo zafashwe n’Inama nkuru y’igihugu ijweje umutekano zijanye no kurwanya ubunyonyezi buciye mu rudandazwa rw’inzahabu hamwe no gusubiza agaciro ifaranga ry’Uburundi, ubushikiranganji bujejwe ivy’ubutare n’agataka  bwarahagaritse amakontwari yose agura akwongera akagurisha ubutare bw’inzahabu. Ibanki nkuru y’igihugu BRB ikaba ariyo yonyene irekuriwe kugura ubutare bw’inzahabu.Kw’igenekerezo rya 25 Munyonyo 2019, ubushikiranganji bujejwe amazi meza, amasoko ntanganguvu, ubutare n’agataka bwarasohoye itanganzo rijanye n’igurishwa ry’inzahabu. Côme Manirakiza   aramutswa ubwo bushikiranganji yamenyesheje ko mu ntumbero yo  kwubahiriza ingingo zafashwe n’Inama nkuru y’igihugu ijweje umutekano zijanye no kurwanya ubunyonyezi buciye mu rudandazwa rw’inzahabu hamwe no gusubiza agaciro ifaranga ry’Uburundi, ubushikiranganji bujejwe ivy’ubutare n’agataka  bwarahagaritse amakontwari yose agura akwongera akagurisha ubutare bw’inzahabu. Ibanki nkuru y’igihugu BRB ikaba ariyo yonyene irekuriwe kugura ubutare bw’inzahabu.Ngo amakontwari yose afise inzahabu atari bwashore asabwe kuzishorera vyihuta mw’Ibanki nkuru y’igihugu. Ngo ayandi makontwari yose agura akwongera akagurisha ubundi butare arabandanya imirimo yayo ariko asabwe kugura akoresheje amafaranga y’amarundi nk’uko bitegekanijwe n’amategeko. Manirakiza yamenyesheje k’uwuzorenga kuri izo ngingo azofatwa hanyuma agahanwa hisunzwe ibwirizwa rigenga ubutare mu Burundi n’ibwirizwa mpanavyaha. Ngo ubushikiranganji bujejwe amazi meza, amasoko ntanganguvu, ubutare n’agataka burasavye abajewe imbibe, umutekano, BRB, ibigo OBR na OBM, abajejwe ikibuga c’indege  mpuzamakungu Melchior Ndadaye, abajejwe ubutungane n’intwaro yo hagati mu gihugu gufasha kwubahiriza izo ngingo.

Aline Kanyana

 

Ikigo BBN kirafasha kumenyesha ibikenewe ku kidandazwa gishorwa kw’isoko mpuzamakungu

SOITAbadandaza n’abahingura ibidandazwa bitandukanye basabwa kwitura ikigo kijejwe kugenzura utunenge mu bidandazwa vyinjira n’ibisohoka bivuye mu Burundi BBN, kugira babamenyeshe ivyitonderwa canke ibisabwa ku kidandazwa runaka bivanye n’isoko bashaka gushoreramwo, ivyahinguwe canke ivyimburwa vyo mu Burundi. Aho ni mu gihe Uburundi buri mu bihugu 160 biri mu kigo mpuzamakungu kijejwe gushiraho amategeko canke ivyitonderwa bitegerezwa kuranga ibidandazwa, nk’Uburundi ngo burashika ku biranga ikidandazwa cose vyashizweho n’ico kigo. Abadandaza n’abahingura ibidandazwa bitandukanye basabwa kwitura ikigo kijejwe kugenzura utunenge mu bidandazwa vyinjira n’ibisohoka bivuye mu Burundi BBN, kugira babamenyeshe ivyitonderwa canke ibisabwa ku kidandazwa runaka bivanye n’isoko bashaka gushoreramwo, ivyahinguwe canke ivyimburwa vyo mu Burundi. Aho ni mu gihe Uburundi buri mu bihugu 160 biri mu kigo mpuzamakungu kijejwe gushiraho amategeko canke ivyitonderwa bitegerezwa kuranga ibidandazwa, nk’Uburundi ngo burashika ku biranga ikidandazwa cose vyashizweho n’ico kigo. 

Ivyo ni ivyashikirijwe n’uwurongoye igisata kijejwe gutororokanya ibiranga ibidandazwa ko bikwije ibisabwa n’amategeko, Jean Claude Ndereyimana, ku wa 27 Munyonyo 2019, hari mu kiganiro yahaye ikinyamakuru UBUMWE.Nk’uko uwo arongoye igisata kijejwe gutororokanya ibiranga ibidandazwa ko bikwije ibisabwa n’amategeko, mu kigo BBN, Jean Claude Ndereyimana yabandanije abishikiriza, ngo Uburundi bwaragize amahirwe yo kuronka imigambi imwe imwe nka Markup-UE, uwo mugambi nawo ngo waje gukorera ku biterwa vy’ikawa, icayi hamwe n’ibiterwa vy’intete kugira bishobore gushoka ku masoko mpuzamakungu. Uwo mugambi Markup-UE ngo waje kuraba ibisabwa ku masoko mpuzamakungu dufise ku giterwa c’ikawa ko bihuye n’ibisabwa ku masoko y’i Buraya kugira ngo ikawa y’Uburundi ishobore gushorerwa mu bihugu vya Buraya.Vyongeye, ngo bamaze kuraba ivyo dufise nk’Uburundi ku giterwa c’ikawa, haciye hashirwaho umurwi  ujejwe gushiraho ivyo bisabwa kugira ngo bishobore guhura nivy’abanyaburaya basaba mu ntumbero yo gushora ikawa itarinze gusubirwamwo mu bijanye n’ibiyiranga. Ikindi ngo n’uko baravye basanga hari ibikoresho bimwe bimwe bibuze kugira ngo ikigo BBN gishobore gupima ibintu vyose biranga iyo kawa. Ivyo vyuma navyo ngo bavyiteze mu kiringo c’ukwezi kumwe. Ivyo ngo bizobafasha gupima ibintu vyose bitegerezwa kuranga ikawa y’akarorero, y’akanovera ihinguwe hisunzwe amategeko mpuzamakungu.Ku bijanye n’amafi, ngo hariho uwundi mugambi uriko urakorera muri ico gisata, uwo nawo witwa PDLE, haruhande y’ico gisata, urakorera kandi no ku bijanye n’inyubako, akarorero n’amabuye n’umusenyi bikoreshwa mu kwubaka. Umugambi PDLE urakorera kandi no ku biterwa bito bito nk’imboga n’ivyamwa, aho haca hibonekeza ivyamwa vya « Mandarines » vyo mu Rumonge. Mu ndwi zibiri, ngo bazoba bariko baragendera abantu bose bakorera mu gisata c’amafi mu ntumbero yo kubereka ivyitonderwa canke ibisabwa kw’ifi kugira  ibe iy’akarorero, ikwije ibisabwa mu bijanye n’ingaburo, ukuntu ibikwa no kuyunguruza mu masandugu yabigenewe.

Amashirahamwe FAO na OMS yarashizeho ivyitonderwa canke ibisabwa n’amategeko ku mafi
No ku gisata c’amafi, ngo hariho ivyitonderwa canke ibisabwa mpuzamakungu vyashizweho n’ishirahamwe mpuzamakungu rijejwe ibifungurwa kw’isi FAO hamwe n’ishirahamwe rijejwe amagara y’abantu OMS, bitegerezwa kwisungwa. Igikenewe rero ngo n’uko umurovyi yovuga igihugu akeneye gushoreramwo ifi, ico gihugu kimaze kumenyekana, mu kigo BBN baraheza bakamumenyesha ibisabwa canke ivyitonderwa « normes » kugira ashobore kujanayo ico kidandazwa ciwe.Ivyo bisabwa bimaze kumenyekana, ngo araheza akavyisunga imbere yo gushora ico kidandazwa ciwe.Ariko ngo ku bijanye n’amahinguriro, bisa n’ibigoye kubera ko hari ico bita « accréditation », ni ukuvuga ko hari ikigo mpuzamakungu  gihariwe gutanga agaciro ku mahinguriro, ico kigo kijejwe kwemeza ivyo amashirahamwe ahingura ko biba bikurikije amategeko, aho ukorera ko ivyisungwa biba vyubahirijwe kugira ikidandazwa kigire ubwizigirwa. Ivyo ngo birazimvye ariko ngo hariho abamaze kubishikako, aho akavuga ihinguriro ry’ibinyobwa Brarudi, ihinguriro ry’amata «Natura» hamwe na «Savonor». N’aho bizimvye ngo bifasha kugira ikidandazwa kigire ubwizigirwa.Ico Abarundi bakwiye kumenya, n’uko ivyo kwitonderwa kugira bijeho, ngo barahamagara abahinga bo mu makaminuza batandukanye bakora ubushakashatsi ku giterwa runaka canke icahinguwe i Burundi, abo bose barazana ivyiyumviro kugira ivyitonderwa bijeho.Uwo murwi ngo niwo ushiraho urugero kugira  ico cahinguwe ntikigire ingaruka mbi haba ku bidukikije no ku magara y’abantu. Ku bwiwe rero, ngo utwigoro muri Reta turiko turakorwa kugira ivyimburwa n’ibihingurwa mu Burundi bishobore gushoka hanze. Ivyo akaba yabivuze yisunze imigambi itatu iriko irashigikira ikigo BBN, iyo nayo ni Markup-UE, Comesa na PDLE, iyo migambi yose ngo yaje gushigikira ikigo BBN kugira gishobore gufasha abadandaza mu ntumbero yo gushora ku masoko mpuzamakungu.

Umugambi w’igihugu w’ubuziranenge uzotorera inyishu ibibazo bitari bike

Haruhande y’iyo migambi itatu, ngo hariho n’umugambi w’igihugu ujanye n’ubuziranenge wamaze kwemezwa, hasigaye ko ufata inzira ayandi mategeko yose asanzwe acamwo kugira uje mu ngiro. Uwo mugambi ngo niwo uzoza gutorera inyishu ibibazo vyose bihari bituma abadandaza badashorera hanze ibidandazwa vyabo kugira bizanire amafaranga y’agaciro igihugu. Bisubiye, ngo harategekanijwe n’inama izoba ijanye no gufasha kwigisha abahinguzi, uburyo bokoresha kugira ibidandazwa vyabo bishike kw’isoko mpuzamakungu vyoroshe. Mu gihe, abarimyi n’abahingura ibidandazwa bitandukanye basaba Reta gukora ibishobotse kugira babishorere  hanze, Jean Claude Ndereyimana yaboneyeho akaryo ko gusaba  ko ikigo BBN ko coronswa uburyo, ibikoresho n’abakozi kugira nabo bashobore guha agaciro n’ibihingurwa vyo mu Burundi.Tubamenyeshe ko mu rugendo umukuru w’Inama Nshingamateka, Pascal Nyabenda yagize n’abashingamateka bose mu ntara icumi aho baciye hose basaba ko amategeko yotegurwa kugira ibihingurwa n’ivyimburwa bize birashoka hanze y’igihugu kuko ngo hari ibihugu usanga vyiyitirira ivyimburwa vy’Uburundi. 

Déo Misigaro                                                                                                          

 

Inyubako zitandukanye zaruguruwe icese muri zone Ngagara

NGOMBAKu wa 26 Munyonyo 2019, mu ntumbero yo guhimbaza imyaka 57 iheze Uburundi buronse intahe yo kwikukira, Umukuru w’igihugu, Petero Nkurunziza yaruguruye icese inyubako zitandukanye, muri zone Ngagara, muri komine Ntahangwa, mu gisagara ca Bujumbura, izo nyubakwa zigizwe n’ivyuma bitanga umuyagankuba uturutse ku mishwarara y’izuba mu kigo c’ishure kaminuza ryitiriwe umwizero wa Afrika hamwe n’ikigo kizohingura imiti, kiri muri karitiye « Industriel ». Mu kigo c’iryo shure kaminuza, Umukuru w’igihugu yahuguruye ivyuma bizofasha gutanga umuyagankuba uturutse ku mishwarara y’izuba, bifise ubushobozi bwo gutanga amakirowateri 167, igihe izuba ririko riraka neza.

Nk’uko vyashikirijwe n’umuyobozi ajejwe ubuhinga aho muri iryo shure kaminuza,Gaspard Ndikumana, ibikorwa vyo gushiraho ivyo vyuma vyamaze ikiringo c’amezi 5 bikaba vyubatswe ku miriyaridi 2 n’igice z’amafaranga y’amarundi. Ubwo buryo bukaba bwatanzwe n’abasanzwe bashigikira iryo shure mu bikorwa bitandukanye. Akwunguko karimwo ngo ni uko bahora bakoresha ku kwezi umuyagankuba ufise agaciro k’imiriyoni 7 hamwe n’ibitoro vy’imiriyoni 7 nyene, igihe amatara yacitse, ni ukuvuga imiriyoni 14 ku kwezi ku kwezi. Ubwo buryo ngo buzoca bifasha mu bindi bikorwa. Mu gihe ivyo vyuma bizotanga umuyagankuba ku rugero rw’amakorowateri 167, ngo iryo shure rikoresha ku munsi ku munsi hagati y’amakirowateri 50 n’100. Aho mw’ishure kaminuza ryitiriwe umwizero wa Afrika, Umukuru w’igihugu abarirongoye baramugabiye ishashi y’inka.Ku wa 26 Munyonyo 2019, mu ntumbero yo guhimbaza imyaka 57 iheze Uburundi buronse intahe yo kwikukira, Umukuru w’igihugu, Petero Nkurunziza yaruguruye icese inyubako zitandukanye, muri zone Ngagara, muri komine Ntahangwa, mu gisagara ca Bujumbura, izo nyubakwa zigizwe n’ivyuma bitanga umuyagankuba uturutse ku mishwarara y’izuba mu kigo c’ishure kaminuza ryitiriwe umwizero wa Afrika hamwe n’ikigo kizohingura imiti, kiri muri karitiye « Industriel ». Mu kigo c’iryo shure kaminuza, Umukuru w’igihugu yahuguruye ivyuma bizofasha gutanga umuyagankuba uturutse ku mishwarara y’izuba, bifise ubushobozi bwo gutanga amakirowateri 167, igihe izuba ririko riraka neza. Nk’uko vyashikirijwe n’umuyobozi ajejwe ubuhinga aho muri iryo shure kaminuza,Gaspard Ndikumana, ibikorwa vyo gushiraho ivyo vyuma vyamaze ikiringo c’amezi 5 bikaba vyubatswe ku miriyaridi 2 n’igice z’amafaranga y’amarundi. Ubwo buryo bukaba bwatanzwe n’abasanzwe bashigikira iryo shure mu bikorwa bitandukanye. Akwunguko karimwo ngo ni uko bahora bakoresha ku kwezi umuyagankuba ufise agaciro k’imiriyoni 7 hamwe n’ibitoro vy’imiriyoni 7 nyene, igihe amatara yacitse, ni ukuvuga imiriyoni 14 ku kwezi ku kwezi. Ubwo buryo ngo buzoca bifasha mu bindi bikorwa. Mu gihe ivyo vyuma bizotanga umuyagankuba ku rugero rw’amakorowateri 167, ngo iryo shure rikoresha ku munsi ku munsi hagati y’amakirowateri 50 n’100. Aho mw’ishure kaminuza ryitiriwe umwizero wa Afrika, Umukuru w’igihugu abarirongoye baramugabiye ishashi y’inka.Avuye aho, Umukuru w’igihugu, Petero Nkurunziza yaruguruye icese ikigo kizohingura imiti « PONA pharmaceutical », muri karitiye « industriel », muri zone ya Ngagara, muri komine ya Ntahangwa, mu gisagara ca Bujumbura. Ico kigo cashinzwe n’abagwizatunga bashize imitahe hamwe kugira bashinge iryo shirahamwe rihingura imiti, aho n’ibikoresho bizofasha guhingura imiti vyamaze gushika, aho kuva mu kwezi kwa Ruheshi ariho ico kigo catangura kwinjiza abakozi. Naho nyene mu kigo kigiye guhingura imiti « PONA pharmaceutical », abarongoye ico kigo bakaba baragabiye Umukuru w’igihugu ishashi ifise amezi, n’utundi tuganuke.                                                                                                Déo Misigaro       

 

Ibihugu vyo muri Afrika yo hagati vyiyemeje gukorera hamwe mu kurwanya inzara

DSC 0502Umukuru w’Inama Nkenguzamateka Réverien Ndikuriyo yaritavye inama yabereye mu gihugu ca  Kongo Brazaville  yari yamuhuje n’abandi bakenguzamateka bo muri Afrika yo hagati, ikaba yari yerekeye igisata c’uburimyi n’ubworozi. Ivyo vyashikirijwe n’umuvugizi w’Inama Nkenguzamateka, Gaby Bugaga mu kiganiro yahaye abamenyeshamakuru ku kibuga c’indege mpuzamakungu ca Bujumbura citiriye Melchior Ndadaye.Umukuru w’Inama Nkenguzamateka Réverien Ndikuriyo yaritavye inama yabereye mu gihugu ca  Kongo Brazaville  yari yamuhuje n’abandi bakenguzamateka bo muri Afrika yo hagati, ikaba yari yerekeye igisata c’uburimyi n’ubworozi. Ivyo vyashikirijwe n’umuvugizi w’Inama Nkenguzamateka, Gaby Bugaga mu kiganiro yahaye abamenyeshamakuru ku kibuga c’indege mpuzamakungu ca Bujumbura citiriye Melchior Ndadaye. Gaby Bugaga yamenyesheje ko muri urwo rugendo, umukuru w’Inama Nkenguzamateka yahuye n’abakenguzamateka bahurikiye mw’ishirahamwe ribahuza muri Afrika yo hagati.

Muri iyo nama bararabiye hamwe  ivyerekeye uburimyi n’ubworozi kugira bashobore kurwanya gufungura nabi mu bihugu vyo muri Afrika yo hagati , bongere bigire hamwe uko borandurana n’imizi inzara muri ivyo bihugu. Muri iyo nama barongeye bararabira hamwe uko bogabanya amahera aja hanze y’ivyo bihugu agiye gusuma ivyo kurya kuko basanze ibihugu nka Gabon, Kongo Brazaville bakoresha amafaranga  agera  k’umuriyaradi wama dorari y’abanyamerika. Abo bakenguzamateka baravuganye uko dorari  bohimiriza muri ivyo bihugu kugira abanyagihugu baronke ivyo bafungura bitavuye hanze, ayo mafaranga agaheza  agafasha mu migambi y’iterambere. Gaby Bugaga yarongeye aramenyesha ko muri iyo nama bavuganye uko boguma bateza imbere iryo shirahamwe, kandi  bakaba basezeranye ko iyindi nama izobera mu Burundi.

Anitha Bizimana

 

Ubushikiranganji bw’agateka kazina muntu bwaratanguje isekeza ry’iminsi 16 yo kurwanya amabi akorerwa abakenyezi

ANAAUbushikiranganji bw’agateka kazina muntu, imibano n’iterambere ridakumira bwarasohoye itangazo ryerekeye isekeza ry’iminsi 16 yahariwe kurwanya amabi akoregwa  abakenyezi n’abigeme. Iryo tangazo rikaba ryashikirijwe n’umushikiranganji  aburongoye, Martin Nivyabandi ku wa  24 Munyonyo 2019. Isekeza  ry’uwu mwaka ryahimbajwe kucivugo « Uburundi bwakaka : Twese hamwe turandurane n’imizi amabi akorerwa abakenyezi n’abigeme». Ico civugo cerekana ko uruhara rw’umunyagihugu wese rukenewe kugira ngo haranduranwe n’imizi ako karanda kabishe ngo bubake Uburundi bwakaka. Martin nivyabandi yamenyesheje ko uko umwaka utashe, kw’igenekerezo rya 25 Munyonyo, Uburundi bwifatanya n’amakungu mu gutanguza isekeza ry’iminsi 16 yahariwe kurwanya amabi akorerwa abakenyezi. Ico kiringo kikaba gitangura igihe cose ku wa 25 Munyonyo kikarangira ku wa 10 kigarama. Iryo sekeza ryashinzwe mu ntumbero yo kwibuka abakenyezi benshi n’abigeme bashikirwa n’amabi afatiye ku gitsina bigatuma ataho bishikana canke ngo bashikane imiryango yabo. Martin Nivyabandi yabandanije amenyesha ko ari akaryo kuri abo biyemeje kurwanya amabi afatiye ku gitsina ko gusubiza agatima mpembero ngo barabire hamwe aho bateje ikivi, ivyagenze neza babishishikare, ivyagoranye na vyo batore ubuhinga bwo kubirengera na kare ngo « akatavuga ntigahenda akavuga ».

Muri uno mwaka iryo sekeza rishitse Reta y’Uburundi iriko irakora bimwe biboneka ngo ako karanda gatuzwe mu gihugu mu gushigikira cane ibikorwa vyo kwiteza imbere ku bakenyezi ngo barwanye ubukene bwo ntandaro ikomeye y’ayo mabi. Ubushikiranganji bw’agateka kazina muntu, imibano n’iterambere ridakumira bwarasohoye itangazo ryerekeye isekeza ry’iminsi 16 yahariwe kurwanya amabi akoregwa  abakenyezi n’abigeme. Iryo tangazo rikaba ryashikirijwe n’umushikiranganji  aburongoye, Martin Nivyabandi ku wa  24 Munyonyo 2019. Isekeza  ry’uwu mwaka ryahimbajwe kucivugo « Uburundi bwakaka : Twese hamwe turandurane n’imizi amabi akorerwa abakenyezi n’abigeme». Ico civugo cerekana ko uruhara rw’umunyagihugu wese rukenewe kugira ngo haranduranwe n’imizi ako karanda kabishe ngo bubake Uburundi bwakaka. Martin nivyabandi yamenyesheje ko uko umwaka utashe, kw’igenekerezo rya 25 Munyonyo, Uburundi bwifatanya n’amakungu mu gutanguza isekeza ry’iminsi 16 yahariwe kurwanya amabi akorerwa abakenyezi. Ico kiringo kikaba gitangura igihe cose ku wa 25 Munyonyo kikarangira ku wa 10 kigarama. Iryo sekeza ryashinzwe mu ntumbero yo kwibuka abakenyezi benshi n’abigeme bashikirwa n’amabi afatiye ku gitsina bigatuma ataho bishikana canke ngo bashikane imiryango yabo. Martin Nivyabandi yabandanije amenyesha ko ari akaryo kuri abo biyemeje kurwanya amabi afatiye ku gitsina ko gusubiza agatima mpembero ngo barabire hamwe aho bateje ikivi, ivyagenze neza babishishikare, ivyagoranye na vyo batore ubuhinga bwo kubirengera na kare ngo « akatavuga ntigahenda akavuga ». Muri uno mwaka iryo sekeza rishitse Reta y’Uburundi iriko irakora bimwe biboneka ngo ako karanda gatuzwe mu gihugu mu gushigikira cane ibikorwa vyo kwiteza imbere ku bakenyezi ngo barwanye ubukene bwo ntandaro ikomeye y’ayo mabi. Martin Nivyabandi yasozereye  amenyesha ko hatunganijwe ibikorwa bitari bike  na cane cane kumenyekanisha itegeko ryerekeye gukinga amabi afatiye ku  gitsina, gukingira abayakorewe  no guhasha abayakoze, ku ndongozi zitandukanye. Twobamenyesha ko ivyo birori vyo gutanguza isekeza vyuguruwe ku wa 25 Munyonyo mu ntara ya Karusi muri komine Bugenyuzi.

Anitha Bizimana

 

Page 1 sur 222

Ouvrir