Publications de Presse Burundaise, Rohero I Avenue de la JRR N°17 Immeuble le SAVONNIER, Téléphone standard : (257) 22 22 62 32, Fax :(257) 22 22 58 94, email: pressequotidienne@yahoo.fr

Mu ntara ya Bururi Abavyeyi bo mu ntara ya Bururi bahamagariwe gukundisha amashure abana babo

bururUmukuru w’igihugu, Petero NKURUNZIZA  atera akamo abavyeyi bo mu ntara ya Bururi gukundisha amashure uruvyaro rwabo kuko ngo ubutunzi bwa mbere ari ubwenge kandi imirimo ikomakomeye irangurwa n’incabwenge. Iyo ntara rero ngo harageze ko yikubita agashi urwaruka rwo mu mashure ruhiganwe n’urundi rwaruka nk’uko vyamye muri kahise. Ubwo butumwa Umukuru w’igihugu akaba yabutanze inyuma y’aho buramatari w’intara ya Bururi amenyesheje ko muri ca kibazo giha abanyeshure uburenganzira bwo gutangura amashure y’inyuma y’ishure shingiro, intara ya Bururi yasumbije intara ya Mwaro gusa. Iryo jambo, Umukuru w’igihugu yarishikirije, ku wa 11 Ndamukiza 2019, inyuma y’aho yari ahejeje kwifatanya n’abanyagihugu bo ku mutumba Burarana, muri komine n’intara ya Bururi, ahariko hubakwa ishure ry’imyuga ku ntererano y’imvukira z’iyo ntara, ishure rizoba rigizwe n’inyubakwa igeretse kane. Muri ivyo bikorwa vyari bijanye no gucanga urucekeri n’isima vyo kwubaka inkingi z’inyubakwa zizoba zigize ishure ry’imyuga ryo ku Ruyaga, inyubakwa zizoba ari zitatu zigeretse kane (3 blocs de quatre niveaux). Iryo shure rizoba rifise uburaro, ngo bategekanya kwigisha ibisata ngirakamaro ku munyagihugu.

Mw’ijambo yashikirije abanyagihugu bari bitavye ivyo bikorwa, Umukuru w’igihugu yabateye akamo ko gukorera hamwe , basenyere ku mugozi umwe. Yarashimiye imvukira z’intara ya Bururi, kubona bariko bariyubakira inyubako zitandukanye nko kuronsa amazi meza abanyagihugu, amashure, ubu naho bakaba bategekanya kwiyubakira ikibuga c’inkino ca kijambere muri komine  Mugamba, ikibuga kizokwubakwa ku muriyaridi n’igice w’amafaranga y’amarundi. Uwo mugambi wo kwubaka ico kibuga ngo uje hageze kubera ko iyo ntara isanzwe ivamwo abanonotsi benshi, bateye iteka igihugu muri kahise.  Aho Umukuru w’igihugu akaba yaragarutse ku mazina amwe amwe nka ba Dieudonné Kwizera, Aloys Nizigama, Venuste Niyongabo, n’abandi. Muri uwo mugambi wo kwubaka ico kibuga ca kijambere, Umukuru w’igihugu akaba yarabemereye intererano, aho yabemereye intebe za kijambere zose zizoba ziri muri ico kibuga hamwe n’amabati yose azoba akenewe yo kugisakara.  Aho muri ivyo bikorwa nyene, intumwa zo mw’ishirahamwe HUAWEI zigizwe n’abashinwa baratanze imifuko y’isima 200 yo gufasha kwubaka iryo shure ry’imyuga ryo ku mutumba wa Burarana. Abo bashinwa akaba yabasavye ko bobandanya gushigikira iryo shure mu kurironsa imashini nyabwonko kugira abanyeshure  bazohigire ubuhinga bwa none. Nk’uko yama abikora no mu zindi ntara, Umukuru w’igihugu akaba yarabemereye ko azobaronsa ibikoresho bigizwe n’amabati, isima hamwe n’ivyuma vyo kwubaka. Mu mpanuro yahaye abanyagihugu bari ngaho, yasavye abavyeyi gukundisha amashure uruvyaro rwabo. Ngo igihugu gikeneye incabwenge mu bisata bitandukanye. Vyongeye, ngo bakunde igihugu cacu, kuko ngo umuntu agira igihugu kimwe, bagiteze imbere mu kubungabunga ibidukikije. Muri ico gisata c’ibidukikije, yarahashimikiye cane, aho yamenyesheje abari aho ko Uburundi arico gihugu gifise amasoko menshi y’amazi kw’isi, aho ngo gifise amasoko ashika ibihumbi 23. Ariko ngo kuri ayo masoko, ayashika 2500 aramaze gukama hamwe n’ayandi 3000 ariko arakama, arico gituma umunsi wa kane mu ndwi wahariwe gukingira ibidukikije. Imana ngo yaduhamagariye kubungabunga ivyo yaremye, n’ibidukikije birimwo. Akaba yaboneyeho akaryo ko guhamagarira abanyabururi kugira umugambi « Ewe Burundi urambaye », uwabo, bakingire ibidukikije. Ivyo bidukikije bititaweho, ngo mu myaka 20 iri imbere, Uburundi burashobora kuzoba bwabaye ubugaragwa. Mu bintu bituma amazi akama, yabamenyesheje ko ibiti vy’imikaratusi biteye hafi y’amasoko bituma ayo masoko akama, aho yanabamenyesheje ko hari umugambi wo kurandura ubwo bwoko bw’ibiti biteye ahari amasoko y’amazi, ahubwo biteragirwe hejuru ku misozi. Imbere y’ivyo bikorwa vy’iterambere rusangi, Umukuru w’igihugu yaragendeye umurwizambuto wa kijambere, aho ariko aragwiza imbuto za mbere z’ibiraya hamwe n’ibigori, i Kiremba, mu ntara ya Bururi. Tubamenyeshe ko muri urwo rugendo Umukuru w’igihugu yagize mu ntara ya Bururi, imvukira z’iyo ntara zamugabiye inka z’ikizungu zitanu zifise amezi hamwe n’ibiseke vy’ibifungurwa biziherekeje.Umukuru w’igihugu, Petero NKURUNZIZA  atera akamo abavyeyi bo mu ntara ya Bururi gukundisha amashure uruvyaro rwabo kuko ngo ubutunzi bwa mbere ari ubwenge kandi imirimo ikomakomeye irangurwa n’incabwenge. Iyo ntara rero ngo harageze ko yikubita agashi urwaruka rwo mu mashure ruhiganwe n’urundi rwaruka nk’uko vyamye muri kahise. Ubwo butumwa Umukuru w’igihugu akaba yabutanze inyuma y’aho buramatari w’intara ya Bururi amenyesheje ko muri ca kibazo giha abanyeshure uburenganzira bwo gutangura amashure y’inyuma y’ishure shingiro, intara ya Bururi yasumbije intara ya Mwaro gusa. Iryo jambo, Umukuru w’igihugu yarishikirije, ku wa 11 Ndamukiza 2019, inyuma y’aho yari ahejeje kwifatanya n’abanyagihugu bo ku mutumba Burarana, muri komine n’intara ya Bururi, ahariko hubakwa ishure ry’imyuga ku ntererano y’imvukira z’iyo ntara, ishure rizoba rigizwe n’inyubakwa igeretse kane. Muri ivyo bikorwa vyari bijanye no gucanga urucekeri n’isima vyo kwubaka inkingi z’inyubakwa zizoba zigize ishure ry’imyuga ryo ku Ruyaga, inyubakwa zizoba ari zitatu zigeretse kane (3 blocs de quatre niveaux). Iryo shure rizoba rifise uburaro, ngo bategekanya kwigisha ibisata ngirakamaro ku munyagihugu. Mw’ijambo yashikirije abanyagihugu bari bitavye ivyo bikorwa, Umukuru w’igihugu yabateye akamo ko gukorera hamwe , basenyere ku mugozi umwe. Yarashimiye imvukira z’intara ya Bururi, kubona bariko bariyubakira inyubako zitandukanye nko kuronsa amazi meza abanyagihugu, amashure, ubu naho bakaba bategekanya kwiyubakira ikibuga c’inkino ca kijambere muri komine  Mugamba, ikibuga kizokwubakwa ku muriyaridi n’igice w’amafaranga y’amarundi. Uwo mugambi wo kwubaka ico kibuga ngo uje hageze kubera ko iyo ntara isanzwe ivamwo abanonotsi benshi, bateye iteka igihugu muri kahise.  Aho Umukuru w’igihugu akaba yaragarutse ku mazina amwe amwe nka ba Dieudonné Kwizera, Aloys Nizigama, Venuste Niyongabo, n’abandi. Muri uwo mugambi wo kwubaka ico kibuga ca kijambere, Umukuru w’igihugu akaba yarabemereye intererano, aho yabemereye intebe za kijambere zose zizoba ziri muri ico kibuga hamwe n’amabati yose azoba akenewe yo kugisakara.  Aho muri ivyo bikorwa nyene, intumwa zo mw’ishirahamwe HUAWEI zigizwe n’abashinwa baratanze imifuko y’isima 200 yo gufasha kwubaka iryo shure ry’imyuga ryo ku mutumba wa Burarana. Abo bashinwa akaba yabasavye ko bobandanya gushigikira iryo shure mu kurironsa imashini nyabwonko kugira abanyeshure  bazohigire ubuhinga bwa none. Nk’uko yama abikora no mu zindi ntara, Umukuru w’igihugu akaba yarabemereye ko azobaronsa ibikoresho bigizwe n’amabati, isima hamwe n’ivyuma vyo kwubaka. Mu mpanuro yahaye abanyagihugu bari ngaho, yasavye abavyeyi gukundisha amashure uruvyaro rwabo. Ngo igihugu gikeneye incabwenge mu bisata bitandukanye. Vyongeye, ngo bakunde igihugu cacu, kuko ngo umuntu agira igihugu kimwe, bagiteze imbere mu kubungabunga ibidukikije. Muri ico gisata c’ibidukikije, yarahashimikiye cane, aho yamenyesheje abari aho ko Uburundi arico gihugu gifise amasoko menshi y’amazi kw’isi, aho ngo gifise amasoko ashika ibihumbi 23. Ariko ngo kuri ayo masoko, ayashika 2500 aramaze gukama hamwe n’ayandi 3000 ariko arakama, arico gituma umunsi wa kane mu ndwi wahariwe gukingira ibidukikije. Imana ngo yaduhamagariye kubungabunga ivyo yaremye, n’ibidukikije birimwo. Akaba yaboneyeho akaryo ko guhamagarira abanyabururi kugira umugambi « Ewe Burundi urambaye », uwabo, bakingire ibidukikije. Ivyo bidukikije bititaweho, ngo mu myaka 20 iri imbere, Uburundi burashobora kuzoba bwabaye ubugaragwa. Mu bintu bituma amazi akama, yabamenyesheje ko ibiti vy’imikaratusi biteye hafi y’amasoko bituma ayo masoko akama, aho yanabamenyesheje ko hari umugambi wo kurandura ubwo bwoko bw’ibiti biteye ahari amasoko y’amazi, ahubwo biteragirwe hejuru ku misozi. Imbere y’ivyo bikorwa vy’iterambere rusangi, Umukuru w’igihugu yaragendeye umurwizambuto wa kijambere, aho ariko aragwiza imbuto za mbere z’ibiraya hamwe n’ibigori, i Kiremba, mu ntara ya Bururi. Tubamenyeshe ko muri urwo rugendo Umukuru w’igihugu yagize mu ntara ya Bururi, imvukira z’iyo ntara zamugabiye inka z’ikizungu zitanu zifise amezi hamwe n’ibiseke vy’ibifungurwa biziherekeje. 

Déo Misigaro                                                                                                       

 

Umugambi MERANKABANDI ufasha imiryango ifise amikoro make yo mu ntara za Gitega, Karusi, Ruyigi na Kirundo

merankabandiUmugambi « MERANKABANDI »ni umugambi wa Reta y’Uburundi ufata mu mugongo imiryango ikenye kurusha iyindi mu bice binyuranye mu kibano kugira ishobore kwiteza imbere. Intumbero nyamukuru yawo ikaba ari ukurungikira amahera imiryango yacaguwe y’abantu bafise amikoro make   uko haciye ibihe bitegekanijwe. Abo nabo n’imiburiburi baba bafise umwana umwe atarenza imyaka 12 y’amavuka. Uwo mugambi uzokwongera ukomeze ingiro ngenderwako ikenewe yo gukurikiza mu gushinga no gukomeza itsinda (kuko bica mw’itombora)  ry’uburyo bunyuranye bwo kwisununura no gushobora kwimenya mu vyankenerwa vy’ ubuzima bwo mu kibano. Ibikorwa vy’uwo mugambi bikaba birangurirwa mu mitumba 247 yo mu makomine 16 yacaguwe  mu ntara za Gitega, Karusi, Ruyigi na Kirundo nk’uko bishikirizwa na Michel Nyabenda ari nawe asanzwe arongoye uwo mugambi mu  kiganiro yagiriraniye n’abamenyeshamakuru ku wa 5 Ndamukiza 2019. Amenyesha ko umugambi « MERANKABANDI » uzorangurwa hakoreshejwe amahera  angana n’imiriyoni 40 y’amadorari y’abanyamerika yatanzwe n’Ishirahamwe Mpuzamakungu rijejwe iterambere  «IDA ». Amasezerano agenga iyo ngabire yateweko umukono ku wa 12 Nzero 2017,hanyuma ishirwa mu ngiro ry’umugambi naryo ritangazwa icese ku wa 27 Mukakaro 2017.

Ukaba  uzomara ikiringo c’imyaka itanu. Umugambi « MERANKABANDI »ni umugambi wa Reta y’Uburundi ufata mu mugongo imiryango ikenye kurusha iyindi mu bice binyuranye mu kibano kugira ishobore kwiteza imbere. Intumbero nyamukuru yawo ikaba ari ukurungikira amahera imiryango yacaguwe y’abantu bafise amikoro make   uko haciye ibihe bitegekanijwe. Abo nabo n’imiburiburi baba bafise umwana umwe atarenza imyaka 12 y’amavuka. Uwo mugambi uzokwongera ukomeze ingiro ngenderwako ikenewe yo gukurikiza mu gushinga no gukomeza itsinda (kuko bica mw’itombora)  ry’uburyo bunyuranye bwo kwisununura no gushobora kwimenya mu vyankenerwa vy’ ubuzima bwo mu kibano. Ibikorwa vy’uwo mugambi bikaba birangurirwa mu mitumba 247 yo mu makomine 16 yacaguwe  mu ntara za Gitega, Karusi, Ruyigi na Kirundo nk’uko bishikirizwa na Michel Nyabenda ari nawe asanzwe arongoye uwo mugambi mu  kiganiro yagiriraniye n’abamenyeshamakuru ku wa 5 Ndamukiza 2019. Amenyesha ko umugambi « MERANKABANDI » uzorangurwa hakoreshejwe amahera  angana n’imiriyoni 40 y’amadorari y’abanyamerika yatanzwe n’Ishirahamwe Mpuzamakungu rijejwe iterambere  «IDA ». Amasezerano agenga iyo ngabire yateweko umukono ku wa 12 Nzero 2017,hanyuma ishirwa mu ngiro ry’umugambi naryo ritangazwa icese ku wa 27 Mukakaro 2017. Ukaba  uzomara ikiringo c’imyaka itanu. Imitumba bakoreramwo yacaguwe hisunzwe ibintu binyuranye biranga urugero rw’ubukene bukabije n’ugufungura nabi. Umuryango umwe ukaronka amafaranga angana n’ibihumbi 40 mu mezi abiri. Umugambi ukaba ugenewe gufasha imiryango 48000 ifise amikoro make. Abo bantu baraheza bakabarungikira  ayo mahera mu buryo bwiza bakoresheje terefone kugira  ngo ntihagire uwohava avuga ko atamushikiye. Umugambi MERANKABANDI urangurwa gute ?Irangurwa ry’umugambi MERANKABANDI  risaba ibikorwa bitari bike . Guhimiriza abo bose bafise uruhara mw’irangurwa ry’umugambi. Inama n’ayandi mahuriro y’abo bose bafise uruhara mu bikorwa vy’umugambi, ziraringanizwa mu ntumbero yo kubaha  insiguro ku bijanye n’umugambi n’irangurwa ryawo, hamwe no kuja inama n’ukwumvikana ku buryo bubereye bwo kuwurangura neza.  Ibindi bikorwa birangurwa n’uwo mugambi, imiryango ifashwa iraja mu mahuriro y’inyigisho no guhimirizwa, aringanizwa uko ukwezi gutashe ku bijanye n’amagara y’abavyeyi n’ibibondo ;uburyo bwo kubungabunga inzoya ngo zigire igikuriro ciza ; ingaburo ibereye ;ugushira abana mw’ishure; inyigisho ku bijanye n’ugutunganya no gukoresha neza uduhera umuntu aba afise hamwe n’ukwiyumvira kurangura ibikorwa bituma umuntu yunguka amahera . Ibikorwa bindi vy’umugambi birafasha imiryango kwungura ubwenge n’ubumenyi nkenerwa mu kwisununura. Bizomara amezi 36 .  Michel Nyabenda akaba yarangije amenyesha ko umugambi MERANKABANDI watangunjwe icese mu ntara ya Ruyigi n’Umukuru w’igihugu Petero NKURUNZIZA ku wa 7 Myandagaro 2018. 

Thérèse Niyonkuru

 

Uruhara rw’abatowe ni ntangere mw’iyinjira ry’Uburundi mu muryango wa Afrika y’ubuseruko

wxqsMu gihe hari abarundi batari bake babandanya kubaza akarusho  kari mw’ishirwa mu ngiro ry’umugambi ngenderwako umuryango wa Afrika y’ubuseruko (EAC) kuva aho Uburundi bwinjiriye muri uwo muryango ka wa 1 Mukakaro 2007, kugira ivyo bibazo vyose bitorerwe inyishu, ubushikiranganji mu biro vy’Umukuru w’igihugu bujejwe imigabo n’imigambi y’umuryango wa Afrika y’ubuseruko bwarakoranije kw’igenekerezo rya 10 Ndamukiza 2019 abaserukira abashingamateka n’abakenguzamateka kugira bahanahane amakuru n’ivyiyumviro ku bijanye n’aho uwo mugambi ugeze.Mu gihe hari abarundi batari bake babandanya kubaza akarusho  kari mw’ishirwa mu ngiro ry’umugambi ngenderwako umuryango wa Afrika y’ubuseruko (EAC) kuva aho Uburundi bwinjiriye muri uwo muryango ka wa 1 Mukakaro 2007, kugira ivyo bibazo vyose bitorerwe inyishu, ubushikiranganji mu biro vy’Umukuru w’igihugu bujejwe imigabo n’imigambi y’umuryango wa Afrika y’ubuseruko bwarakoranije kw’igenekerezo rya 10 Ndamukiza 2019 abaserukira abashingamateka n’abakenguzamateka kugira bahanahane amakuru n’ivyiyumviro ku bijanye n’aho uwo mugambi ugeze.Uwurongoye ubwo bushikiranganji bujejwe imigabo n’imigambi y’umuryango wa Afrika y’ubuseruko, Isabelle Ndahayo  yamenyesheje ko ubwo bushikiranganji bwakoranije abashingamateka n’abakenguzamateka kuko aribo baserukira abanyagihugu, kandi  ko uruhara rwabo ari ntangere mu kwinjira kw’ Uburundi mu muryango wa afrika y’ubuseruko (EAC). Rero ko ari akaryo keza ko guhanahana amakuru n’ ivyiyumviro ku ntambwe zimaze gushikwako, bongere barabire hamwe ingorane  zijanye no gushira mu ngiro imigabo n’imigambi y’umuryango wa Afrika y’ubuseruko ku rwego rw’igihugu cacu, umuti wotorwa  uwo ari wo hamwe n’ivyokorwa  kugira umugambi wo kuja hamwe kw’Uburundi n’ibindi bihugu bigize Afrika  y’ubuseruko ube ngirakamaro ku gihugu n’abanyagihugu ; gutororokanya ivyiyumviro ku ngorane zitandukanye mu bijanye n’ishirwa mu ngiro ry’imigabo  n’imigambi itandukanye  y’umuryango w’ibihugu vyo muri Afrika y’ubuseruko, hamwe no kurabira hamwe uruhara rw’abatowe mu mugambi wo kuja hamwe n’ibindi bihugu vyo mu muryango wa afrika y’ubuseruko. Isabelle Ndahayo yamenyesheje kandi ko intambwe Uburundi bugezeko mu kwinjira muri uwo mugambi ishimishije mu gihe hari intambwe zine zizoshikana Uburundi kw’iyinjira neza muri uwo  muryango. Intambwe ya mbere ku bijaye n’umugambi wo gutoreza hamwe amakori ku buryo bumwe baramaze kuwushikako, umugambi ugira kabiri ukaba ari uw’isoko rusangi nawo ngo ukaba ushitse ku rugero rushimishije kuko abarundi barishira bakizana, abana baraja kwigayo ata ngorane, abaja kuronderayo akazi baragenda, n’iyindi migambi itandukanye bashobora gukorera hamwe nko kwubaka amabarabara  vyose mu ntumbero yo  gufasha uruja n’uruza rw’abantu, umugambi ugira gatatu ujanye n’ifaranga rimwe ngo uriko uratera imbere cane kuko hamaze kujaho amategeko make make, igisata c’Ibanki nkuru y’igihugu kiri ku kivi hariho n’amategeko amaze kwemezwa, aho yamenyesheje itegeko rijanye n’isoko ry’imitahe ryemejwe n’abashingamateka n’abakenguzamateka, hakaba hamaze gushirwaho inzego zijejwe kwemeza iryo faranga rimwe rikaba ryaramaze kwemezwa n’Inama Nshingamateka ya Afrika y’ubuseruko hamwe n’ivyo abakuru bigihugu bamaze gushirako umukono, hamwe n’ urupapuro rw’inzira ruzoshika mu mwaka w’2024 kugira uwo mugambi w’iterambere ube washitsweko, ihangiro rya nyuma rikaba ari iryo kuja hamwe mu kugira intwaro imwe ikaba nayo ishitse kure,  kuko kugira ishoboke ari uko izo ntambwe zitatu ziba zamaze kuja mu ngiro. Isabelle Ndahayo yarangije amenyesha ko kugira ivyo vyose bishoboke bisaba amategeko, hakaba harashizweho umugwi uriko urayiga neza kandi ko bari ku kivi kugira izo ntambwe zishikweko. Uwo mugambi usaba abantu benshi batandukanye harimwo n’abahinga  bisabwa ko  bakorera hamwe ntihagire nahamwe Uburundi busigara inyuma.  Abatowe baserukira abanyagihugu ko bamaze kubitahura bazofasha  mu kubisigurira abanyagihugu hamwe n’ugutora amategeko asabwa mu karere ka Afrika y’ubuseruko mu gihe hariho n’ayaca asaba ko amategeko y’igihugu ahinyanyurwa.

Anitha Bizimana

 

Mu mwaka uza w’2020 niho hazohimbazwa imyaka 100 iheze igisagara ca Ngozi gishinzwe

ngoziioMusitanteri wa komine Ngozi, Radjabu Songambere asaba imvukira z’intara ya Ngozi kwitegurira ihimbazwa ry’imyaka 100 iheze igisagara ca Ngozi gishinzwe, iyo myiteguro ngo umwe wese yosukura aho aherereye, ndetse mu gihe urubanza nk’urwo rukenera uburyo agasaba ko umwe wese yoterera ico ashoboye.  Ivyo yabishikirije, ku wa 8 Ndamukiza 2019, mu kiganiro yahaye ibinyamakuru vyari mu rugendo Umukuru w’igihugu yagize muri iyo ntara, ibikorwa vyo gutanguza icese  iyo myiteguro bikaba bitegekanijwe ku wa 20 Ndamukiza 2019.Musitanteri wa komine Ngozi, Radjabu Songambere asaba imvukira z’intara ya Ngozi kwitegurira ihimbazwa ry’imyaka 100 iheze igisagara ca Ngozi gishinzwe, iyo myiteguro ngo umwe wese yosukura aho aherereye, ndetse mu gihe urubanza nk’urwo rukenera uburyo agasaba ko umwe wese yoterera ico ashoboye.  Ivyo yabishikirije, ku wa 8 Ndamukiza 2019, mu kiganiro yahaye ibinyamakuru vyari mu rugendo Umukuru w’igihugu yagize muri iyo ntara, ibikorwa vyo gutanguza icese  iyo myiteguro bikaba bitegekanijwe ku wa 20 Ndamukiza 2019.Nk’uko musitanteri wa komine Ngozi, yabandanije abivuga, ngo inama mpanuzwajambo ya komine ya Ngozi yarihaye intumbero yo guhimbaza mu mwaka w’2020, imyaka 100 iheze igisagara ca Ngozi kivutse, kubera ico gisagara cavutse mu mwaka w’1920. Inama mpanuzwajambo imaze gufata iyo ngingo, ngo baciye bashiraho umugwi ujejwe gutegura urwo rubanza, uwo nawo ngo uri ku kivi. Mu bikorwa bariko barakora muri kino gihe, ngo bariko barahimiriza abanyagihugu bo mu gisagara ca Ngozi umwe wese gusukura ibibanza bimwe bimwe mbere ngo haciye imyaka 2 hateragiwe ibiti vyo gushariza ico gisagara.Ku wa 20 Ndamukiza 2019, ngo niho hazotanguzwa icese ibikorwa vy’imyiteguro yo guhimbaza imyaka 100 igisagara ca Ngozi gishinzwe. Ku bijanye n’iterambere, ngo iyo ntara yarateye intambwe mu kwiyubakira inyubako abarongozi b’intara hamwe na komine Ngozi bakorera, izo nyubako zikaba ari amagorofa. Izo nyubakwa zaje zisubiririra izari zubatswe ku ntwaro y’ababirigi, aho ibiro vy’intara ya Ngozi vyari vyubatswe mu mwaka w’1919, ibiro vya komine Ngozi navyo ngo vyari vyubatswe mu mwaka w’1955. Mu gisata c’indero, ngo amashure make yari ahari yari ayegukira ishengero rya  Gatorika, ariko ngo muri kino gihe, umutumba wose urafise amashure. Ku bijanye n’inkino, ngo ibibuga vy’umupira w’amaguru vyarubatswe. Mw’itegurwa ry’urubanza nk’urwo, ngo hakenerwa vyinshi, aho akavuga guhimiriza imvukira n’ababaye muri ico gisagara kugira umwe wese ashobore guterera ico ashoboye kuronka bwaba uburyo, n’ibindi.

Ngozi yahoze ari isoko ry’akarere ryagurishirizwamwo inshato
Haruhande y’ikiganiro ca musitanteri wa komine Ngozi, twaregereye umukurambere yahoze arongoye iyo komine, Herménegilde Sigahurahura, uwo nawe akaba afise imyaka 66 y’amavuka. Uwo mukurambere yamenyesheje ko izina Ngozi, atari ikirundi, ahubwo ari izina ry’igiswahiri, risigura urushato. Imbere y’umuzo w’abazungu, aho hari igisagara ca Ngozi ngo hari isoko ry’akarere ryadandarizwamwo inshato z’ibitugwa n’ibikoko vyo mw’ishamba. Izo nshato ngo zari iz’inka, impene, intama hamwe n’iz’ibikoko vyo mw’ishamba arivyo impongo, ingeregere, inzobe,imbogo, ingwe, intare, n’ibindi. Aho muri iryo soko, ngo hahurira abarabu baje kurondera izo nshato, ari naho havuye iryo zina rya Ngozi.Iryo soko ngo ryari mw’itaba ry’imisozi ya Rusuguti, Kinyami, Camugani, Kanyami, Muremera na Gisagara. Eka ngo ni itaba riri hejuru y’i Vyerwa, ahantu hava ingwa bakoresha bariko barabandwa, baca bahita mu Vyerwa vya Ngozi, iwabo w’Imana.Abazungu bamaze kuza, ngo bahavuye baza kugerera aho muri iryo taba, baca bahubaka ibiro vy’uwari ajejwe akarere ka Buyenzi, intara ya Ngozi yari igifatanye n’intara ya Kayanza, hari mu mwaka w’ 1919. Ivyo biro vyahavuye biba ivya buramatari w’intara ya Ngozi, ngo abazungu baratunganije ibirori vyo kuvyinjira, bararya, baranywa baranabandwa, ngo baca bahatera igiti, igisigarira c’ico giti, nico bita agasaka ka Inarunyonga.

Igisagara ca Ngozi nico cakiriye ubwa mbere urukino mpuzamakungu rw’umupira w’amaguru

Mu biringo bikuru bikuru vyaranze ico gisagara, ngo ni uko arico cakiriye ubwa mbere urukino mpuzamakungu, hari ku wa 6 Ruhuhuma 1958, urwo narwo rwahuje umurwi w’Uburundi bwatwagwa n’umwami Mwambutsa IV Bangiricenge hamwe n’umurwi w’igihugu c’Urwanda rw’umwami Rudahirwa. Uburundi nibwo bwatahukanye intsinzi y’ibitsindo 3 kuri 1 c’Urwanda, ivyo ngo vyarashavuje cane umwami w’Urwanda. Urwo rukino rwabereye ku kibuga c’umupira w’amaguru co ku Gasaka ka Inarunyonga.Ikintu kiranga imvukira z’intara ya Ngozi, ngo ni uko ari abantu bakunda kuryoherwa, bagatamba intambo y’urwedengwe, iyo nayo ngo bayitamba banezerewe, bakubita umugere hasi. Ukwo kuryoherwa ngo niho havuye n’izina ry’agasaka ka Inarunyonga, kubera ko Inarunyonga ngo yavuye iyo yaba afata inzira y’uburaruko, ageze aho i Ngozi, niho yafunguriye impamba yari yatekeye, inyuma yaho arahava arahwera. Aho bavuga ko imva yiwe yari ahari ishure ry’ubuvuzi ry’intara ya Ngozi. Iyo mva ngo yasituwe n’ibimashini bariko barataba ikibanza co kwubakamwo iryo shure ry’ubuvuzi ry’intara ya Ngozi.                                                                                             

Déo Misigaro

 

Abakozi bo mu bushikiranganji bw’agateka ka zina muntu barasabwa kwijukira gukoresha ubuhinga bwa none bwo gutumatumanako amakuru

zaaaqMu ntumbero yo kumenyesha ibikorwa birangurwa n’ubushikiranganji bw’agateka kazina muntu n’iterambere ridakumira, bwarakoranije abarongoye abandi muri ubwo bushikiranganji kugira babamenyeshe integuro y’umugambi wo gucisha ikiganiro kuri radiyo n’imboneshakure vy’igihugu hamwe no gukoresha ubuhinga bwa none bwo guhanahana amakuru. Iyo nama ikaba yatangujwe n’umwunganirizi w’umushikiranganji w’agateka ka zina muntu n’iterambere ridakumira, Felix Ngendabanyikwa kw’igenekerezo rya 8 Ndamukiza 2019.Mu ntumbero yo kumenyesha ibikorwa birangurwa n’ubushikiranganji bw’agateka kazina muntu n’iterambere ridakumira, bwarakoranije abarongoye abandi muri ubwo bushikiranganji kugira babamenyeshe integuro y’umugambi wo gucisha ikiganiro kuri radiyo n’imboneshakure vy’igihugu hamwe no gukoresha ubuhinga bwa none bwo guhanahana amakuru. Iyo nama ikaba yatangujwe n’umwunganirizi w’umushikiranganji w’agateka ka zina muntu n’iterambere ridakumira, Felix Ngendabanyikwa kw’igenekerezo rya 8 Ndamukiza 2019.Umushikiranganji w’agateka ka zina muntu n’iterambere ridakumira, Martin Nivyabandi yamenyesheje abakozi bakuru bakuru bo mu bushikiranganji ko uguhanahana amakuru bihindura vyinshi, ko biri  mu vyoshirwa imbere kugira ibikorwa vy’ubushikiranganji bimenyekane. Ukumenyesha amakuru hamwe no kuyahanahana ngo bizotuma ubwo bushikiranganji bugumana ikibanza ca mbere, nk’uko bari bakironse mu mwaka uheze. Martin Nivyabandi yarongeye aramenyesha abari bitavye inama ko ubwo buhinga bwa none ari bwiza kuko bushikana kure inkuru bukongera bukerekana ibikorwa birangurwa mu bisata vyose vy’ubushikiranganji, ariko ari ubuhinga busaba uwubukoresha ko yoshirako inkuru ayizi neza, ko  iyo nkuru iba ariyo kandi ifise akamaro bakongera bakirinda gucisha kuri ubwo buhinga bwa none bwo kumenyesha amakuru inkuru zisambura.  Umwunganirizi w’umushikiranganji, Felix Ngenbadabanyikwa  yamenyesheje ko mu ntumbero yo gukura  bimwe mu bitagenda neza mu vyerekeye gutanga amakuru muri ubwo bushikiranganji ko hashizweho umugwi ujejwe guhanahana amakuru washizweho n’itegeko ry’umushikiranganji inomero 225.01/297 ryo ku wa 13 Ntwarante 2018. Felix Ngendabanyikwa yongeye aramenyesha ko iyo nama  yari yatunganijwe kugira barabire hamwe n’abarongoye abandi mu bushikiranganji bw’agateka ka zina muntu n’iterambere ridakumira itunganywa ry’ikiganiro coca kuri radiyo n’imbonesha kure vy’igihugu ingene vyogenda kandi babishiremwo umuco. Félix Ngendabanyikwa yabandanije amenyesha ko muri iyo nama baboneyeho akaryo ko guha inyigisho abarongoye abandi mu bushikiranganji   n’iterambere ridakumira zo gukoresha ubuhinga bwa none bwo guhanahana amakuru, bakongera bagashimangira ku nkuru zitandukanye ku bisanzwe birangurwa n’ubwo bushikiranganji kuko busanzwe bukorana cane n’abanyagihugu. Uwo mwunganinzi w’umushikiranganji w’agateka ka zina muntu n’iterambere ridakumira yasozereye amenyesha abo baserukiye abandi ko bovyigisha nabo abo barongoye hanyuma bakirimbura mu  vyo barungika kuko bishikira abanyagihugu  ku mwanya ku mwanya.

Anitha Bizimana

 

Umugwi w’abashingamateka ujejwe ubutungane urashima ingene wasanze abacamanza n’abashikirizamanza bari ku kivi

ndirahKw’igenekerezo rya  9 Ndamukiza 2019, abashingamateka bahurikiye mu mugwi wamaho ujejwe ubutungane baratanze icegeranyo ku vyerekeye intambamyi zituma abanyagihugu badashikira ubutungane nk’uko amategeko y’igihugu abitegekanya. Umushingamateka Léopord Hakizimana arongoye uwo mugwi yamenyesheje ko ico gikorwa categuwe n’Inama Nshingamateka ifadikanije n’ishirahamwe ryishinze gukurikiranira hafi ishirwa mu ngiro ry’imigambi ya Reta « OAG » bifashijwe n’ishirahamwe mpuzamakungu  "CORDAID ". Ihangiro nyamukuru kwari ukwakira ivyiyumviro n’ivyipfuzo vyotuma abanyagihugu boroherwa gusumba mu gushikira ubutungane kugira Inama Nshingamateka ibishikirize inzego za Reta zibijejwe. Yaravuze ko intumbero nyezina kwari ugutanga intererano y’ivyiyumviro n’ivyokorwa kugira abenegihugu bose bashikire ubutungane,kwumviriza uko abenegihugu babona ingene bakirwa mu butungane n’ingene batunganirizwa hamwe no kurabira hamwe ivyokorwa mu ntumbero y’uko hoba akarusho mu gushikira ubutungane kuri bose. Mu biganiro uwo mugwi wagiranye n’abenegihugu mu turere dutandukanye wasanze  harabaye  ishimikiro ry’icigwa ahanini ryari rihagaze ku gushikira ubutungane hafatiwe ku masentare n’abacamaza. Ico gikorwa cerekanye ko kugira ubutungane bube bwiza burangwa no kuba umuntu wese akeneye kubwitura ashobora kubushikira, umwenegihugu ntategerezwa kuriha amafaranga kugira abushikire, ubutungane ni ngobwa ko bwigenga, uwutashimye urubanza yaciriwe muri sentare yatanguriyemwo no kuba afise uburenganzira bwo kwunguruza.  Tumwe mu tunenge twashikirijwe n’ababajijwe muri ico gikorwa ngo abacamaza birashika bagahengama, aho usanga hariho nyagupfa na nyagukira mu baburanyi. Intambamyi zituma abenegihugu badashikira ubutungane uko vyategerezwa umuntu ngo afatiye ku cigwa cakozwe ni uko ubutungane busanzwe bukora akazi bwo nyene na cane cane ingene ababwitura bataronka amakuru ajanye n’ivyo baba bakeneye, ingene bakirwa iyo bituye ubutungane, ubumenyi budakwiye ku bakira abitura ubutungane, ingorane zijanye n’ingene amadosiye abikwa, ururimi rw’igifaransa amategeko yanditswemwo rutazwi na benshi mu benegihugu, kutamenya amategeko akoreshwa mu rwego rw’ubutungane n’aho bayakura igihe bayakeneye,ugusubiza urubanza inyuma ata mvo zumvikana zabitumye,abacamanza bamwe bamwe bigora kwitandukanya n’ivya poritike mu kazi n’ibindi. Muri rusangi ico cegeranyo kiremeza ko igikorwa cahuje abashingamateka bari muri uwo mugwi wamaho ujejwe ubutungane n’agateka ka zina muntu cagenze neza. Ico cegeranyo kiravuga kandi ko abacamaza n’abashikirizamaza bari ku kivi. Ivyo bikemezwa kandi n’umushikiranganji w’ubutungane mu gihe yariko arishura ku bibazo vy’abashingamateka. Umushikiranganji w’ubutungane, Aimée Laurentine Kanyana yaremeje ko abacamanza bakoze amakosa mu gutunganiriza abenegihigu canke bakarya ibiturire bahanwa bimwe biboneka mu ntumbero yo gutuza ingeso zotuma ubutungane bwidogerwa n’abenegihugu. Yarongeye aravuga ko mu ntumbero yo kugira abenegihugu bashikire ubutungane Reta yarashizeho amasentare y’intango mu makomine yose kugira bantahonikora bafise uburyo buke Reta ibafashe kubaburanira.

Thérèse Niyonkuru                                                                                                                                    

 

Page 1 sur 182

Ouvrir