Publications de Presse Burundaise, Rohero I Avenue de la JRR N°17 Immeuble le SAVONNIER, Téléphone standard : (257) 22 22 62 32, Fax :(257) 22 22 58 94, email: pressequotidienne@yahoo.fr

Urwaruka ruhamagarirwa kwitunganiriza imigambi rukoresheje ingabire Imana yaruhaye

vvvroUrwaruka ruhamagarirwa kwitunganiriza imigambi y’iterambere, rukareka kwicara rurindiriye akazi ka Reta. Ni muri iyo ntumbero kw’igenekerezo rya 24 Mukakaro 2020, ikinyamakuru UBUMWE cegereye umwigeme Divine Nsengiyumva kugira amenyeshe ingene yashoboye kwiyumvira umugambi wo gukora intebe abantu bicarako mu mapine y’umuduga yahebwe. Nsengiyumva yamenyesheje ko iciyumviro co gukora intebe mu mapine camujemwo igihe yari mu gihugu ca Kenya bamutwaye intebe yicarako, aca abona ipine arayikwega aca ayishirako akandi gatebe gatoya bica birakunda aricara. Yabandanije amenyesha ko amaze kubona  ko iyo ipine iri kumwe n’agatebe bimwicaritse neza, yaciye yiyumvira gukora intebe akoresheje amapine. Nsengiyumva yamenyesheje ko akora intebe akoresheje amapine, ibiti, ibitambara, ibice vy’imatera, uburembo n’imashine yo gushona. Intambanyi akunda guhura nayo ni  nk’iyo abantu bamusavye ngo abakorere intebe ngo hari abijijanya imitima bibaza ko atabakorera intebe nziza kubera benshi bataramenyera intebe zikozwe mu mapine.

Iyindi ntambamyi akunda kugira n’iyo kuja kugura amapine ugasanga barazimwimye kubera  babona ko ari umwigeme kandi ko atangira n’umuduga. Nsengiyumva yamenyesheje ko agitangura umugambi wo gukora intebe mu mapine ata mutahe vyamusavye. Yabandanije amenyesha ko kugira atangure gukorera intebe umuntu amusaba amafaranga y’intango bita avanse. Niyo aca akoresha nk’umutahe wiwe. Ngo n’ubwo biri uko arakeneye umutahe munini kuko  iyo  bishitse akagira abantu benshi bamusavye ko abakorera intebe, avanse baba batanze ntiheza ngo ikwire kugira ashobore kubakorera bose.  Ngo arakeneye kandi n’ikibanza ashiramwo intebe yakoze. Ku bw’ivyo, Nsegiyumva yamenyesheje ko afise imigambi y’ukwitura ibanki y’urwaruka BIJE. Nsengiyumva asaba Reta ko yoshigikira urwaruka abamaze gutangura imigambi yabo n’abataratangura. Ngo Reta yoshigikira urwaruka mu kurworohereza gutunganya ihayanishwagurisha kugira berekane ivyo bahingura.  Nsengiyumva ahanura urwaruka gutinyuka kwitunganiriza imigambi bakoresheje ingabire Imana yabahaye kuko hari abatinya. Ku bwa Nsengiyumva, ngo umutahe siwo ukenerwa ubwa mbere  ahubwo hatangura ukwiyumvira umugambi. Nsengiyumva ahanura urwaruka rucizigiye  ko abavyeyi babafasha muri vyose canke ko Reta izobaha akazi, ko bokoresha ingabire Imana yabahaye mu kwitunganiriza imigambi. Ngo birabishe kubona umwana yamaze gukwiza imyaka 18 agisaba umuvyeyi ngo amuhe amafaranga y’utuntu dutandukanye.

Aline Kanyana  

 

Zone Gihosha Ibikorwa vyo kubumba amatafari ku nkengera z’uruzi Nyakabugu ngo bitegerezwa guhagarara vuba

niiioarreeIbikorwa biriko birangurirwa ku nkengera z’uruzi Nyakabugu vyo gufyatura amatafari ngo bitegerezwa guhagarara vuba bwango. Ivyo bikorwa biri mu bintu bibangamiye ibidukikije kubera ko inyubakwa z’abanyagihugu zirageramiwe n’ibihomoka vy’inkombe z’inzuzi za Nyakabugu, Nyabagere na Cari. Ivyo ni ivyashikirijwe n’umukuru wa zone Gihosha, Floribert Sibomana, ku wa 28 Mukakaro 2020, inyuma yaho abamenyeshamakuru bari mu runani rwo kumenyesha inkuru zijanye no gukinga ibiza n’isibe no gukangurira abanyagihugu uko bozikingira, bagize urugendo ku nzuzi za Cari, Nyabagere, Nyakabugu hamwe no ku ruzi Gasenyi, mu gihe ibikorwa vyari vyarakozwe muri karitiye Carama kugira bakingire inyubako z’abanyagihugu vyatanguye kubomoka.Urwo rugendo aho kuri izo nzuzi zica muri zone ya Gihosha rwatanguriye, ku nkengera z’uruzi Nyabagere, mu bibanza vyo ku muatafari n’ikindi co muri karitiye Muyaga, muri zone ya Gihosha, ivyo bibanza bikaba vyariko birangurirwamwo ibikorwa vyo gufyatura amatafari hamwe no kuropora umusenyi n’amabuye. Ivyo bikorwa vyari mu bituma izo nzuzi zishobora guhitana abantu n’ibintu babaye aho ku nkengera zazo. Inyuma y’urugendo rwabo bamenyeshamakuru bo muri urwo runani, umukuru wa zone ya Gihosha, Floribert Sibomana yaremeye ko agiye guhagarika ivyo bikorwa, imvugo ikaba yajanye n’ingiro, ndetse ico kibanza kikaba gicungurewe n’umuporisi kugira ntihagire igikorwa na kimwe gisubira kuharangurirwa.N’aho ku ruzi Nyabagere ibikorwa vyahora bihakorerwa vyahagaze, muri karitiye Nyabagere, serire ya kane, ku ruzi Nyakabugu hoho ibikorwa vyo gufyatura amatari biba izuba riva, aho inyubakwa ziri hirya no hino y’urwo ruzi zigeramiwe, na cane cane aho imvura iizotasurira. Umukuru wa zone Gihosha, Floribert Sibomana akaba yamenyesheje ko ivyo bikorwa aho ku ruzi Nyakabugu atari azi ko biriko biraharangurirwa. Kubw’uwo ajejwe intwaro muri zone ya Gihosha, arashima kubona ibikorwa ku ruzi Nyabagere vyarahagaze. Inyuma yo gutohoza bene agataka ivyo bikorwa vyariko birangurirwako, ngo yaciye yihutira kubatumako mu nama, iyo nama ikaba yabaye ku wa 27 Mukakaro 2020, kandi ngo iyo nama barayitavye cane.

Abariko barangurira ibikorwa ku ruzi Nyabagere barasiguriwe ingarukambi zavyo
Iyo nama yabaye kabaye akaryo ko kubasigurira ingaruka mbi z’ivyo bikorwa vyariko birangurirwa mu matongo yabo, kandi ngo baratahuye izo ngaruka ku buzima bw’abantu bahabaye n’ibidukikije muri rusangi. Muri iyo nama, ico bumvikanye mu mwanya wa mbere, n’uko bobanza gufurira ibinogo bimvye bariko bafyatura amatafari, ku mutasuro w’imvura ngo bazoce bahatera ibiti cane cane imisuna, ivyo navyo ngo bizofasha gukomeza isi. Ivyo bikorwa ngo vyokorwa imbere y’uko begeranya amatafari bafyatuye.Ku kibazo co kumenya ko ibikorwa biriko birangurirwa ku ruzi Nyakabugu yari abizi, Floribert Sibomana yamenyesheje ko zone Gihosha ari nini cane, ariko ivyo bikorwa vyo gufyatura amatafri aho kuri urwo ruzi ngo biteye isoni n’agahinda. N’aho bene gukora ivyo bikorwa bashobora kuvuga ko bariko babikorera mu matongo yabo, ngo ivyo bikorwa ntivyisunze amategeko kubera ko za metero 50 ziri mw’itegeko rigenga amazi ryo ku wa 26 Ruheshi 2012, zitubahirijwe. Iryo naryo rirabuza ibikorwa birangurirwa ku nzuzi zica mu gisagara munsi y’imetero 50. Umukuru wa zone Gihosha akamenyesha ko amategeko ahari, kuri ivyo, ngo n’aho hoba ari mu matongo yabo, ivyo bikorwa ngo ntibirekuwe n’amategeko. Inzu zubatswe ku nkengera z’izo nzuzi, n’iza  kera, iyo babonye abariko barataba ibibanza, ngo barabahagarika kugira ntibabandanye bubaka.

hhhygtKu ruzi Nyakabugu, ibikorwa vyo gufyatura amatafari birageramiye inyubakwa
Aho ku ruzi Nyakabugu, ngo ibikorwa biriko biraharangurirwa ntiyari bwabimenye, ngo icihutirwa n’uko  bihagarara mu maguru masha. Ikizokurikira, ngo ni uguhamagara bene ayo matongo, akabakoresha inama kugira abereke ingaruka mbi ziturutse kuri ivyo bikorwa. Ku bijanye n’uko abahabaye bavuga ko ariho bazeye uburaro n’uburamuko, ku rwaruka rukavuga ko ariho rukura amakaye, umukuru wa zone Gihosha, avuga ko abantu bo muri ako karere bose avugako bidatunzwe n’igikorwa co gufyatura amatafari. Ababikora ngo bazi ko bariko barondera ubuzima, batazi ko bariko baronona. Muri make ngo bariko batema ishami bicayeko.Mu gihe aho ku ruzi Nyakabugu inyubakwa ziri hirya no hino zigeramiwe, abanyagihugu bobo bavuga ko urwo ruzi inkombe zahitanywe n’imvura ihitiyekubera ibihe vyagiye birahinduka, bituma hagwa imvura nyishi. Abo banyagihugu bagatera akamo Reta ko yo kwubakira izo nzuzi kugira ntizigende zirahitana inyubakwa, ku mutasuro w’imvura, abahafise bagategekanya gutera imisuna ku nkengera z’izo nzuzi, abahafise amaparasera. Ibikorwa vy’uwo munsi vyasozererewe ku ruzi Gasenyi, aho bikorwa vyo gukingira urwo ruzi vyari vyarubatswe biriko birabomoka, vyumvikana ko amakaritiye ya Carama iyo ayo mazi yegeranira, aho imvura izotasurira.

Déo Misigaro

 

Ibikorwa vyo gufyatura amatafari no kuropora umusenyi n’amabuye mu ruzi Nyabagere ngo bitegerezwa guhagarara

DSC 0085Uwuserukira ikigo kijejwe gukingira ibidukikije OBPE mu gisagara ca Bujumbura , Pamphile Ndaboroheye asaba ko ibikorwa vyo gufyatura amatafari, kuropora umusenyi n’amabuye mu ruzi Nyabagere vyohagarara kubera ko inyubako z’abanyagihugu bo muri karitiye Muyaga zigeramiwe  biturutse ku nkombe z’urwo ruzi ziguma zibomoka. Ivyo ahanini ngo bigatumwa n’uko amategeko adakurikizwa nk’uko vyotegerejwe kuko ngo amategeko arahari, kandi arakwiye. Nk’ibikorwa vyo kuropora umusenyi n’amabuye ngo vyotegerejwe gukorwa hisunzwe amategeko kandi bakabisabira uruhusha, mu nzego zibijejwe, izo nazo zikabanza kuraba ko ivyo bikorwa atangarukambi  vyogira ku bidukikije. Ivyo yabishikirije ku wa 21 Mukakaro 2020, inyuma yaho abamenyeshamakuru bari mu runani rwo kumenyesha inkuru zijanye no gukinga ibiza  no gukangurira abanyagihugu uko bozikingira bagize urugendo aho bita ku matafari, ni muri karitiye Muyaga, muri zone ya Gihosha, muri komine Ntahangwa, mu gisagara ca Bujumbura. Nk’uko uwuserukira ikigo kijejwe gukinga ibidukikije mu gisagara ca Bujumbura, Pamphile Ndaboroheye yabandanije abishikiriza, ngo mu kigo OBPE bobo babona ko ingorane zifatiye ahanini ku kutubahiriza amategeko, ayo mategeko ngo arahari ariko ntikurikizwa nk’uko vyotegerejwe kugenda. Nk’ibikorwa vyo kuropora umusenyi n’amabuye, ngo vyokorwa hisunzwe amategeko, benshi ngo ntibayakurikiza kubera batabizi. Akabona ko hotegerejwe gutunganywa inyigisho zo kubahimiriza kugira ivyo bikorwa vyisunge amategeko. Ivyo bikorwa ngo bategerezwa kubisabira impapuro mu bushikiranganji bw’ibidukikije, urwo rupapuro rugatangwa abahinga bo mu bushikiranganji babanje kuraba aho hantu uko hameze, bagashobora kwankira uwurusaba, iyo babonye ko ibidukikije bishobora kubangamirwa. Muri ivyo vyose, ngo igikuru n’uko abanyagihugu bokwirikiza amategeko, bakamenya ko urwo rupapuro ruronderwa mu kigo OBPE kuko ico kigo gifise abahinga babinonosoye. Ku kibazo co kumenya uko ibinyabuzima vyifashe aho muri ico kibanza, Pamphile Ndaboroheye yamenyesheje ko aho hantu hateye ubwoba, kubera ko iruhande y’ibomoka vy’inkombe ry’uruzi, isi yarase imiganga, bikaboneka ko ku mutasuro w’imvura, ibara rishobora kugwa.

Abo mu kigo OBPE n’abajejwe gutunganya ibisagara ngo bakwiye gutunganya neza ikibanzaco ku matafari

Igiteye amakenga, ngo n’uko abo bahakorera ivyo bikorwa bihaye uburenganzira bwo kubomora umusozi, ngo niho uburemere bwogabanuka kugira izo nkombe ntizibandanye zibomoka,zihitana inyubako. Nk’uweserukira ikigo OBPE, mu gisagara ca Bujumbura, ngo ivyo vyigwa ntibazi aho babikoreye. Wewe akabona ko hotegerejwe kuza abakozi bo mu kigo OBPE, abo mu gisata kijejwe gutunganya ibisagara kugira barabe ingene hokorwa. Uno munsi ngo icihutirwa n’uko ivyo bikorwa biriko bikorerwa aho ku matafari vyohagara vyaba ivyo gufyatura amatafari no kuropora umusenyi n’amabuye kugira abajejwe intwaro barabe ukuntu aho hantu hotunganywa neza. Mu gihe iyo karitiye Muyaga igeramiwe n’uruzi Nyabagere, mu kigo OBPE abagiserukira mu gisagara ca Bujumbura ngo baratanga ivyegeranyo vy’ukuntu ibibanza bitandukanye vyifashe mu gisagara ca Bujumbura. Ariko ngo kubera ubukene bw’ibikoresho n’abakozi, ntibaheza ngo bashike hose, arico gituma hari ibibanza usanga vyarasinzikaye. N’umukuru w’umutumba Muyaga, muri zone ya Gihosha, muri komine ya Ntahangwa, mu gisagara ca Bujumbura, Sifa Congera  asaba inzego zibijejwe ko ivyo bikorwa aho ku ruzi Nyabagere bihagarara.

DSC 01046DSC 0094Uwo ajejwe intwaro ku rwego rwo hasi afise amakenga ko aho imvura izotasurira inyubakwa z’abanyagihugu zizobomoka ku bwinshi. Niko gusaba inzego zimukurira ko zobatabariza kugira bagarukirwe. Vyongeye, akabona ko icihuta ari uko ivyo bikorwa vyose vyohagara, vyaba ivyo kuropora umusenyi n’amabuye mu ruzi Nyabagere hamwe no gufyatuta amatafari.

 

Abanyagihugu bo muri karitiye Muyaga baratabaza abajejwe intwaro kubagarukira, amazi   atararenga inkombe

Umupfasoni Espérance Manirakiza, asanzwe aba aho muri karitiye Muyaga, amakenga ni yose, akabona ko imvura aho izotasurira, abanyagihugu bazohatakariza ivyabo. Nawe nyene asaba abajejwe intwaro ko bohashika kugira bahagarike ivyo bikorwa vyo gufyatura amatafari no kuropora umusenyi n’amabuye vyo kwubaka. Ku bwiwe, ngo ayo mabuye n’umusenyi nivyo vyofashije kugumya isi, kugira inkombe ntizigume zibomoka, ndetse bakanahatera ibiti. Ivyo bikorwa ngo bimaze guhagarara, hoca hakurikira ibikorwa vyo guha inzira urwo ruzi Nyabagere, kurya babikoze muri zone ya Kamenge. Ako kamo ko gusaba abajejwe intwaro ko bogira ico bakoze gasa n’uko kagize ico gashikako. Umukuru wa zone Gihosha, Floribert Sibomana nk’uko yabimenyesheje abamenyeshamakuru bo mu kinyamakuru IWACU, ngo ivyo bikorwa bigiye guhagarikwa  ko agiye gusohora urwandiko ruhagarika ibikorwa muri ico kibanza co ku matafari.Uwuserukira ikigo kijejwe gukingira ibidukikije OBPE mu gisagara ca Bujumbura , Pamphile Ndaboroheye asaba ko ibikorwa vyo gufyatura amatafari, kuropora umusenyi n’amabuye mu ruzi Nyabagere vyohagarara kubera ko inyubako z’abanyagihugu bo muri karitiye Muyaga zigeramiwe  biturutse ku nkombe z’urwo ruzi ziguma zibomoka. Ivyo ahanini ngo bigatumwa n’uko amategeko adakurikizwa nk’uko vyotegerejwe kuko ngo amategeko arahari, kandi arakwiye. Nk’ibikorwa vyo kuropora umusenyi n’amabuye ngo vyotegerejwe gukorwa hisunzwe amategeko kandi bakabisabira uruhusha, mu nzego zibijejwe, izo nazo zikabanza kuraba ko ivyo bikorwa atangarukambi  vyogira ku bidukikije. Ivyo yabishikirije ku wa 21 Mukakaro 2020, inyuma yaho abamenyeshamakuru bari mu runani rwo kumenyesha inkuru zijanye no gukinga ibiza  no gukangurira abanyagihugu uko bozikingira bagize urugendo aho bita ku matafari, ni muri karitiye Muyaga, muri zone ya Gihosha, muri komine Ntahangwa, mu gisagara ca Bujumbura. Nk’uko uwuserukira ikigo kijejwe gukinga ibidukikije mu gisagara ca Bujumbura, Pamphile Ndaboroheye yabandanije abishikiriza, ngo mu kigo OBPE bobo babona ko ingorane zifatiye ahanini ku kutubahiriza amategeko, ayo mategeko ngo arahari ariko ntikurikizwa nk’uko vyotegerejwe kugenda. Nk’ibikorwa vyo kuropora umusenyi n’amabuye, ngo vyokorwa hisunzwe amategeko, benshi ngo ntibayakurikiza kubera batabizi. Akabona ko hotegerejwe gutunganywa inyigisho zo kubahimiriza kugira ivyo bikorwa vyisunge amategeko. Ivyo bikorwa ngo bategerezwa kubisabira impapuro mu bushikiranganji bw’ibidukikije, urwo rupapuro rugatangwa abahinga bo mu bushikiranganji babanje kuraba aho hantu uko hameze, bagashobora kwankira uwurusaba, iyo babonye ko ibidukikije bishobora kubangamirwa. Muri ivyo vyose, ngo igikuru n’uko abanyagihugu bokwirikiza amategeko, bakamenya ko urwo rupapuro ruronderwa mu kigo OBPE kuko ico kigo gifise abahinga babinonosoye. Ku kibazo co kumenya uko ibinyabuzima vyifashe aho muri ico kibanza, Pamphile Ndaboroheye yamenyesheje ko aho hantu hateye ubwoba, kubera ko iruhande y’ibomoka vy’inkombe ry’uruzi, isi yarase imiganga, bikaboneka ko ku mutasuro w’imvura, ibara rishobora kugwa. Abo mu kigo OBPE n’abajejwe gutunganya ibisagara ngo bakwiye gutunganya neza ikibanza co ku matafari. Igiteye amakenga, ngo n’uko abo bahakorera ivyo bikorwa bihaye uburenganzira bwo kubomora umusozi, ngo niho uburemere bwogabanuka kugira izo nkombe ntizibandanye zibomoka,zihitana inyubako. Nk’uweserukira ikigo OBPE, mu gisagara ca Bujumbura, ngo ivyo vyigwa ntibazi aho babikoreye.

Wewe akabona ko hotegerejwe kuza abakozi bo mu kigo OBPE, abo mu gisata kijejwe gutunganya ibisagara kugira barabe ingene hokorwa. Uno munsi ngo icihutirwa n’uko ivyo bikorwa biriko bikorerwa aho ku matafari vyohagara vyaba ivyo gufyatura amatafari no kuropora umusenyi n’amabuye kugira abajejwe intwaro barabe ukuntu aho hantu hotunganywa neza. Mu gihe iyo karitiye Muyaga igeramiwe n’uruzi Nyabagere, mu kigo OBPE abagiserukira mu gisagara ca Bujumbura ngo baratanga ivyegeranyo vy’ukuntu ibibanza bitandukanye vyifashe mu gisagara ca Bujumbura. Ariko ngo kubera ubukene bw’ibikoresho n’abakozi, ntibaheza ngo bashike hose, arico gituma hari ibibanza usanga vyarasinzikaye. N’umukuru w’umutumba Muyaga, muri zone ya Gihosha, muri komine ya Ntahangwa, mu gisagara ca Bujumbura, Sifa Congera  asaba inzego zibijejwe ko ivyo bikorwa aho ku ruzi Nyabagere bihagarara. Uwo ajejwe intwaro ku rwego rwo hasi afise amakenga ko aho imvura izotasurira inyubakwa z’abanyagihugu zizobomoka ku bwinshi. Niko gusaba inzego zimukurira ko zobatabariza kugira bagarukirwe. Vyongeye, akabona ko icihuta ari uko ivyo bikorwa vyose vyohagara, vyaba ivyo kuropora umusenyi n’amabuye mu ruzi Nyabagere hamwe no gufyatuta amatafari. Abanyagihugu bo muri karitiye Muyaga baratabaza abajejwe intwaro kubagarukira,amazi   atararenga inkombe. Umupfasoni Espérance Manirakiza, asanzwe aba aho muri karitiye Muyaga, amakenga ni yose, akabona ko imvura aho izotasurira, abanyagihugu bazohatakariza ivyabo. Nawe nyene asaba abajejwe intwaro ko bohashika kugira bahagarike ivyo bikorwa vyo gufyatura amatafari no kuropora umusenyi n’amabuye vyo kwubaka. Ku bwiwe, ngo ayo mabuye n’umusenyi nivyo vyofashije kugumya isi, kugira inkombe ntizigume zibomoka, ndetse bakanahatera ibiti. Ivyo bikorwa ngo bimaze guhagarara, hoca hakurikira ibikorwa vyo guha inzira urwo ruzi Nyabagere, kurya babikoze muri zone ya Kamenge. Ako kamo ko gusaba abajejwe intwaro ko bogira ico bakoze gasa n’uko kagize ico gashikako. Umukuru wa zone Gihosha, Floribert Sibomana nk’uko yabimenyesheje abamenyeshamakuru bo mu kinyamakuru IWACU, ngo ivyo bikorwa bigiye guhagarikwa  ko agiye gusohora urwandiko ruhagarika ibikorwa muri ico kibanza co ku matafari.

Déo Misigaro 
                                                                                                   

 

Ba buramatari basabwa kurwanya ikiza ca koronavirisi n’inguvu nyinshi kugira mu mezi 3 kizobe caranduranywe n’imizi

FFFRUmukuru w’igihugu Evariste Ndayishimiye yahamagariye abarongoye intara zose z’igihugu kurwanya ico kiza n’inguvu nyinshi kugira mu mezi 3 kizobe caranduranywe n’imizi.Ako kamo yakabateye mu nama yabagirishije ku murwa mukuru wa poritike i Gitega ku wa 15 Mukakaro 2020. Inyuma y’iyo nama rero,umuvugizi w’Umukuru w’igihugu, Jean Claude Karerwa yaramenyesheje ko yari iya mbere yagiranye na ba buramatari kuva binjiye muri ayo mabanga, mbere ikaba yari yatunganijwe mu ntumbero yo kumenyana, bidondorane hagati yabo, hanyuma Umukuru w’igihugu akaba yarabamenyesheje ibikorwa bibarindiriye nk’uko bavuga mu Kirundi ngo”Inkware zisezerana mu masesa”. Jean Claude Karerwa yarongeye amenyesha ko Umukuru w’igihugu yabigenzeje nk’uko yabigize mu nama yagirishije abashikiranganji bashasha bagize Reta mvyeyi ,aho yabamenyesheje ko bategerezwa gusangira amabanga yo kubera abavyeyi Abarundi bose no gukora kugira ubutunzi bw’igihugu buzamuke. Prezida Evariste Ndayishimiye ngo yarongeye arabamenyesha ibikorwa vyihutirwa bitegerezwa kuranguka mu maguru masha. Iruhande yo gutsimbataza amahoro n’umutekano mu gihugu, bisanzwe ari igikorwa ca minsi yose hamwe no gukomeza ya nyabune, ngo hari ibindi bikorwa 7 bategerezwa gushira imbere.

Ica mbere kikaba ari kurwanya ikiza ca koronavirus, rero ko boshiramwo inguvu nyinshi kugira mu mezi 3 ari imbere kibe caranduranywe n’imizi;igikwirikira ngo ni  kwegeranya urwaruka rwose rwahejeje amashure kugira babaronse akazi, umwe umwe wese mu ntara yiwe. Umukuru w’igihugu ngo yatumiriye ba buramatari kurwanya igiturire bimwe biboneka, bongere babe amaso n’amatwi y’igihugu kugira ivyiza vy’igihugu bisangire bose.Prezida Evariste Ndayishimiye yongeye kandi gutumirira ba baburamatari kugerageza gutahana impunzi zo hagati mu gihugu babicishije mu biganiro bogirana n’izo mpunzi nyene, hanyuma aho bidakunda bahubake ibigwati. Ba buramatari basabwe kandi guhimiriza abanyagihugu bajejwe kurima imboga hamwe n’ibindi biterwa na cane cane kwijukira uturima two mu rugo, hamwe no kudasesagura umwimbu bawushora mu bihugu duhana urubibe. Ivyo vyo gusesagura umwimbu ngo bikaba vyibonekeza cane cane mu ntara za Muyinga na Kirundo zihana urubibe n’igihugu c’Urwanda. Mu ntara zose birasabwa ko hokwubakwa amashure y’imyuga, abarongoye intara bakaraba ikibanza n’imiburiburi kingana na hegitari 6, zizokwubakwamwo ayo mashure. Umukuru w’igihugu akaba yasozereye iyo nama yemereye ba buramatari ko azobaguma hafi.Twobamenyesha ko inyuma y’iyo nama ba buramatari baciye bashikirizwa imodoka zizobafasha mu mirimo ya minsi yose. Umushikiranganji w’intwaro yo hagati n’umutekano, Gervais Ndirakobuca yarabatekereye  impanuro zo  kuzobungabunga izo modoka,narirya bazibahaye kugira bazoshikire abanyagihugu bitagoranye. Yabasavye ko boba vy’ukuri abasuku b’abo barongoye. Intara yose ikaba yaronka imodoka imwe babanje kumenyesha uko iyo bahorana imeze.
Anitha Bizimana

 

Abarimyi b’ikawa basabwe kwitaho ico giterwa kuko kigiye gutezwa imbere

WWWXAbakorera mu gisata c’ikawa baterwa akamo k’uko ukwezi kwa Myandagaro kwogera abarimyi b’ikawa bose bamaze guhembwa amafaranga yabo y’ikawa bashoye ku matonorero atandukanye yo mu gihugu. Ku barimyi b’ikawa nabo, basabwe kwitaho ico giterwa kubera Reta ifatanije n’abakorera muri ico gisata ko bahagurutse kugira bateze imbere igisata c’ikawa. Ivyo ni ivyashikirijwe n’umushikiranganji w’uburimyi, ubworozi n’ibidukikije, Déo Guide Rurema, ku wa 17 Mukakaro 2020, ku mutumba Birambi, muri zone Rukeco, muri komine Busiga, ntara ya Ngozi, aho yariko aratanguza ihemba rya kabiri ku barimyi b’ikawa bashoboreye ikawa yabo ku matonorero atandukanye yo mu gihugu.Nk’uko umushikiranganji w’uburimyi, ubworozi n’ibidukikije, Déo Guide Rurema yabandanije abishikiriza, ngo Reta yasubije akarenge muri ico gisata kubera ko abarimyi bari bateye akamo Reta ko yosubira muri ico gisata. Ahanini rero, ngo icabitumye n’uko abarimyi batama bariko barondera amafaranga yabo, ntibayaronswe ku gihe kandi bashoreye ikawa yabo ku matonorero atandukanye ari mu gihugu. Vyongeye, ngo igisata c’ikawa cari caribagiwe, abarimyi bayo bagakirimbirwako n’abakorera muri ico gisata, ngo bariko babahimiriza kugwiza umwimbu, ariko ugasanga ku rubuga siko biri.    Niho Reta yafata ingingo yo gukurikirana abarimyi b’ikawa, niho mu kwezi kwa Rusama, muri komine ya Mwakiro, mu ntara ya Muyinga, batanguza isekeza rya mbere ryo guhemba abarimyi b’ikawa. Ico gikorwa ngo bagiye bagikora uko amatonorero yagiye arakira ikawa zihishiye. Muri Ruheshi, niho basozer ikiringo c’ihemba ca mbere, ico gikorwa cabereye mu ntara ya Makamba. Muri kino gihe c’ihemba rya kabiri, ngo Reta yararonkeje uburyo bukwiye ubuhikiranganji kugira bahembe abarimyi b’ikawa.

Mu kwezi kwa Myandagaro, intumbero ngo n’uko ata murimyi w’ikawa yoba atararonswa amafaranga yiwe.Kabaye n’akaryo ko gutera akamo abajejwe intwaro, abakozi bo mu bushikiranganji hamwe n’abakorera muri ico gisata ko mu kwezi kwa Myandagaro bazokwicarana kubera barimbure ko abarimyi bose b’ikawa baronkejwe amafaranga yabo. Ku barimyi, yabasavye ko kugwiza inguvu, bijukire ico giterwa kuko ngo Reta ifatanije n’abikorera ivyabo, bagiye guteza imbere igiterwa c’ikawa.Mw’ijambo ryiwe ry’ikaze, buramatari w’intara ya Ngozi, Epipode Baranyikwa yamenyesheje ko intara ya Ngozi yifashe neza mu burimyi bw’ikawa kubera ko bafise ibiti vy’ikawa imiriyoni 12. Uno mwaka, ngo iyo ntara yashoreye ku matonorero yo ku mitumba itandukanye igize iyo ntara, amatoni ibihumbi 15. Muri uno mwaka mu kwezi kwa Gitugutu, ngo bategekanya gutera imivyaro y’ikawa umuriyoni n’igice (1 500 000), kugira bongereze umwimbu w’ikawa muri iyo ntara. Tubamenyeshe ko aho kw’itonorero ryo ku mutumba Murambi, hari hategekanijwe guhembwa abarimyi b’ikawa 571, aho hari hategekanijwe amafaranga arenga imiriyoni 100 z’amafaranga y’amarundi (102 60 760). Ikiro c’ikawa ya mbere, umurimyi akaronswa amafaranga 550 ku kiro, iya kabiri, akaronswa amafaranga 275, ku kiro kimwe.                                                                                               

Déo Misigaro

 

Prezida Ndayishimiye yiyemeje kunagura urwego rw’ubutungane

GOOOOOUmukuru w’igihugu Evariste Ndayishimiye yarahaye ikiganiro abamenyeshamakuru mu ntumbero yo kumenyesha abarundi ko intwaro nshasha baheruka kwitorera ishaka gukuraho umwidogo Abanyagihugu bafitiye urwego rw’ubutungane mu kurunagura kuko arirwo nkingi y’intwaro ibereye. Hari ku wa 17 Mukakaro 2020 ku murwa mukuru wa poritike i Gitega.Prezida Ndayishimiye yamenyesheje ko ico kiganiro agishikirije inyuma yaho kw’igenekerezo rya 16 Mukakaro 2020 yari yakoranije urwego rukuru rw’ubutungane, kugira ashire mu ngiro ico yemereye abanyagihugu ko mu maguru masha intwaro nshasha izokuraho umwidogo abanyagihugu bafitiye urwego rw’ubutungane. Ico gikorwa kikaba kiri mu vyihutirwa kuko hari abidoga ko hacibwa imanza za ngondagonde, abandi bakidoga ko hari ibiturire canke imanza   zidindizwa. Umukuru w’igihugu yabandanije amenyesha ko yagirishije iyo nama kugira barabire hamwe ico urwo rwego rujejwe, kandi ruje ku kivi kugira ubutungane bumere neza mu gihugu. Muri iyo nama kabaye akaryo keza kugira barabe ico bujejwe bisunze Ibwirizwa Shingiro n’uko bobishira mu ngiro.

 Ibwirizwa Shingiro rishasha ryarategekanije amategeko meza atunganiriza abanyagihugu, ku buryo atawoshobora kwigira akagarama ruganda mu gihugu kuko uw’ariwe wese ubutungane burashobora kumukurikirana. Prezida  Ndayishimiye yamenyesheje kandi ko urwo rwego rukuru rw’ubutungane rujejwe kandi no gucira urubanza umucamanza yaciye urubanza nabi, uw’ariye igiturire canke uwanse guca urubanza. Umunyagihugu wese ararekuriwe kwitwarira umucamanza yamurenganije nk’uko  umuhuza w’abarundi nawe ashobora kwitwarira abacamanza baciye imanza nabi. Abacamanza nabo, Umukuru w’igihugu yabamenyesheje ko nabo mu babatwara babarenganije bafise uburenganzira bwo kubwitwarira muri urwo rwego rwubutungane. Umukuru w’igihugu yarongeye aramenyesha ko baciye bafata muri iyo nama ko hohinyanyurwa amategeko agenga urwo rwego rw’ubutungane kugirango igikorwa bihaye gishobore kurangurwa.  Abanyagihugu ngo bose barafise uburenganzira bwo kwitwara kuko umucamanza kizigenza umengo agarukira gutanga ikigongwe gusa ariko ubu umucamanza kizigenza ni kuvuga Umukuru w’igihugu arongoye urwo rwego. Arashobora kuraba imanza zaciwe nabi agatunganiriza umunyagihugu kandi ngo igipfa caburiwe ni impongo. Umukuru w’igihugu ahanura abacamanza gukora ivyo bajejwe ata n’umwe ashobora kwigira akagarama ruganda. Abahora bitwaza ngo ntibaca imanza ngo ni iz’abategetsi canke ngo ni iz’ibihangangange, umucamanza azobica impande yomenya ko urwo rwego ata n’umwe ruzotinya kuko ari rwo rukuru mu gihugu, kuko n’uwatinye guca neza urubanza azokurikiranwa. Umukuru w’igihugu akaba yasozereye amenyesha ko afise umwizero ko kubera izo ngingo zafashwe, abanyagihugu bagiye kurema kubera abacamanza bagiye kubatunganiriza nkuko bikwiye. Kandi akaba yaranezerewe n’uko urwo rwego rugiye kubona kumwe ingingo zifasha abanyagihugu batunganiwe, kuko nta ntwaro ibereye ishoboka mu gihe ubutungane butariko burakora mu kurwanywa ibiturire n’isesagurwa ry’ itunga ry’igihugu, kuko ata n’umwe ari hejuru y’amategeko.
Anitha Bizimana

 

Page 1 sur 254

Ouvrir